#جبرني_الوقت⏳
#الحلقه_الثامنه_والأربعون
بقلمي✍ #نورهان
لها ضحكة تجعلك تؤمن بأن تعاستها جرمٌ بحق هذا الكوكب..💎
●●●
مجدي...يارب يكون أملي فيك ويطلع الورم حميدي مع امك وتعيش معانا العمر كله أملي فيك ياأملي يكون قدومك علينا خير ياروح باتك سمع حاجه طاحت رفع راسه
احمد...مجدي
مجدي...صبى في يده أملي فتح الباب يشوف للوطى بيسو نزل عليها
احمد...قرب خذا أملي من مجدي
مجدي...رفع ابتسام خش بيها لدار
احمد...حط أملي علي سرير وسام وطلع
سعده...ترقى مالدروج شن اللي طاحت يااحميده تشوف لطوله
احمد...ابتسام اغمي عليها ماسكه في الطوله طاحت بيها
مجدي...يفتح في اعيون ابتسام بيسو روحي افتحي اعيونك هيا ماترعشيني عليك
سعده...خشت لدار كنها بسم الله
مجدي...يمسح في اعيونه امي مابتش توعااا ياامي
سعده...حطت يدها علي جبهتها مافيش حراره
مجدي...لالا توا توعى اكيد هبوط
سعده...مسكت تمره وذنها تبرم فيها
مجدي...يشوفلها عليش
سعده...توعى من الأغماء
مجدي...اميييي
سعده...اه فتحت اعيونها
ابتسام...فتحت اعيونها اتألم
سعده...نعدي انديرلها حاجه ساخنه تشربها طلعت مالدار
مجدي...يده علي خدها كنك بيسو شن حسيتي خوفتيني عليك
ابتسام...خنقتها العبره بنتي وينها
مجدي...شاف لسرير صبى جابها اهي
ابتسام...اتقعد شن صارلي وووه عليا الخياطه توجع فيا
مجدي...مسك يدها قعدها في يده أملي
ابتسام...تبكي ماحسيت بروحي انا اجودي جت حاجه سوده قدامي معش فطنت لروحي هذي علامه الموت صاح
مجدي...قرب حضنها اششش سيره الموت وراس أملي ماعاد تحكي فيها ربي مايختبر صبري فيك بيوم ياروح
ابتسام...حاضنته خايفه مالموت انا
مجدي...زاد حضنها قلت خلاص انا
ابتسام...بعدت تشوفله
مجدي...يتفاده في اعيونها رفع أملي
شدوق كيف امها شكلها تبي اتجنني حتي هيا
ابتسام...تشوف ل مجدي تمسح في ادموعها
مجدي...شفلها خلاص حبيبي توا توجعي راسك وانتي دوبك جايبه خلاص عشاني
ابتسام...تشوف ل أملي مطمنه عليها
مجدي...شفلها اه
ابتسام...شكلها تبي تاخذ مكان الروح أملي
مجدي...اممم ههههه لا انتن لأثنين الروح حب يغيرلها جوها شوفي بيسو
ابتسام...شن
مجدي...نبي ست بنات تمام مانبيش عيل وكلهن يشبهن ل روح
ابتسام...واجد سته حبيبي بنتين وعيلين هكي تمام
مجدي...لالا نبي بنات بس
ابتسام...غير توا كان كثرتهن تقولي نبي عيل
مجدي...لاوالله ماعندي عليه هذك وسام صاح اما انا وحتي أحميده ماعندناش عليهم
ابتسام...تثاوب نجك لي انشالله نجيب عيل يشبهلك ويشبه شخصيتك وحنية قلبك
مجدي...اناااعلي نعسانه
ابتسام...بكل بس نبي اندير سبوحه ل أملي قبل نسختك يالقلب
مجدي..صاح تشبهلي
ابتسام...بكل بكل نجكم ليا
مجدي..هههه توا اديرلها امي
ابتسام...حرام تعبت خليها ترقد
احمد..يطق علي الباب
مجدي...صبى فتح
احمد...مد الحوض ل مجدي شن دايره ابتسام
مجدي..غمزله اكويسه الحمدالله
احمد...امي قاعده ادير في سفره لوطى اكيد هبوط
مجدي...اها اكيد
احمد...انا راقد في المربوعه لوطى
مجدي...علي خير
احمد...علي خير نزل
مجدي..رفع الحوض ل ابتسام
ابتسام...حبيبي حطلي فيه اميه دافيه وكاس فيه اميه
مجدي...عليش
ابتسام...ولانقولك توا نصبي بروحي
مجدي...لالا خليك توا اندير اللي قلتي عليها طلع نزل جاب كاس ورقي للحمام حط الحوض فيه اميه وعبى الكاس خش لدار
ابتسام...تشوف ل أملي وتبتسم
مجدي...تعرفي اديريلها
ابتسام...يييه خوفتني شن يعني مرات اطيح
مجدي...والله ماني عارف
ابتسام...صكر الروشن والباب وتعال ساعدني
مجدي...شن نساعدك
ابتسام...مافيش غيرك حبيبي عمتي حرام نبيها ترقد سهرت توا يوجعها راسها
مجدي..خلاص باهي صكر الروشن والباب وقرب قعمز جنب السرير
ابتسام...ههههه كنك خايف
مجدي...هههه بصراحه اها خايف
ابتسام...تسلح في دبش أملي قرب الحوض
مجدي...رفعه وين نحطه
ابتسام...رفعت أملي نجك لي
مجدي...تحطيها في الحوض قصدك
ابتسام...اها حبيبي
مجدي..لالاتشرق توا نكلم امي
ابتسام...قربت الحوض حطتها ههههه تحاف مني بابا
مجدي...مش غير خووف هه راهي اطيح افطني
ابتسام...افتح الشامبو حبيبي
مجدي...تبي اديريلها شامبو وعيونها
ابتسام...جانسو حبيبي متاع اطفال مش حنقربه من اعيونها رعشتني اجودي عادي
مجدي...مش سبحوها في العياده خلاص
ابتسام..وسخ البطن مازال فيه حبيبي هيا حط شامبو
مجدي...فتح الشامبو ويحط تمام
ابتسام...تمام تمام تغسل في راسها حتي انا نبي ندوش لكن خايفه انطيح اخري
مجدي...لالاخليك هك
ابتسام...مضايقه حبيبي ضروري ماندوش
مجدي..معناها توا نخش معاك انا الحمام
ابتسام...لامش لدرجه مش في شقتنا عيب قدام هلك
مجدي...باتي واحميده مستحيل يرقو خلاص الا في وقت النوم وحتي وكان اهم شي انتي عندي
ابتسام...نجك ليا خلاص ماما خلاص
مجدي...يصب عليها في اميه يبتسم
ابتسام...ماتبيش الميه هههه
مجدي...دافيه مش مسقعه
ابتسام...اها دافيه بعد حبيبي الحوض
مجدي..نزل الكاس بعد الحوش خلاص
ابتسام...اها حطتها في الديجمبر متاع أملي تنشف فيها توا دعدت نزيفه تمحه بابي
مجدي...هههه شاف لباب
سعده...مجدي
مجدي..صبى هيا فتح الباب
سعده...خشت بالسفره شن اديري انتي
مجدي..دوشتها
سعده...انا قلت ل احميده حط الحوض فوق جابه لكم قلت نكمل اللي في يدي ونجي ندوشها انا
ابتسام...لاعمتي عادي عدي تريحي انتي
سعده...والله ماجايني نوم شن دايره توا
ابتسام...الحمدالله اكويسه عدي تريحي هنيني
سعده...بالي عندك
ابتسام...اكويسه غير نكمل ل أملي نبي نرقد اجودي قاعد كوني هانيه
سعده...شافت ل مجدي
مجدي...عدي امي تريحي
سعده...قربت ل أملي بستها نجيها ياربي
ابتسام...شن رايك في الأحمر
سعده...عين الله تحرصها باهي معناها انا طالعه
مجدي...عدي تريحي
طلعت سعده ابتسام كملت ل أملي رفعتها ترضع فيها
مجدي...شن البنه هذي
ابتسام...وين
مجدي...هذي يشير علي الكبايه
ابتسام...وووه عليا حلبه بعدها من قدامي توا نستفرغ يأخذن فيها اللي يجيبن
مجدي...كان اكويسه اشربيها
ابتسام...مستحيل صبلي حليب نبي حاجه ساخنه بس انت كول وووه ماما بشويا
مجدي...شفلها كنك
ابتسام...صدري يوجع فيا
مجدي...رقدت نجك لي
ابتسام...مازالت متعوده علي بطني توا تريحت بعد درتلها سبوحه
مجدي...نااعلي
ابتسام...حطتها جنبها غطتها شافت ل مجدي
مجدي...مدلها كبايه
ابتسام...تشرب امممم بالبردقوش
مجدي...شين
ابتسام...يجنننن حلو اشرب حتي انت
مجدي...مانبي الا نرقد
ابتسام...شيرت علي السرير اللي جنبها متاع وسام ارقد
مجدي...توا نرقد غير كملي وكولي هذين
ابتسام...كملت الحليب اممم الحمدلله معش نقدر نزيد علي روحي الحمدلله
مجدي...نشيلها يعني
ابتسام...اها
مجدي...خذا السفره ونزل بيها لوطى
ابتسام...تشوف ل أملي واخيرااا كحلت اعيوني بشوفتك رفعت الورغان وبدت اتصبي ووووه عليا شكلها الخياطه انفكت ولاشنو
صبت تمشي للباب
مجدي...رقى مالدروج مش قتلك ماتحركيش
ابتسام...حبيبي الدبش اللي كان هنا
مجدي...رديته في الشنطه
ابتسام...نبيه
مجدي..رفع الشنطه وطلع الدبش وحاجات الخاصه
ابتسام...ايوا عطيهن ليا وخليك مع أملي ارفعلي الحوض بس
مجدي...توا نرد عليه الحوض مسك يدها رقدت أملي توا هيا نساعدك
ابتسام...حبيبي لالا
مجدي...ليش لالا
ابتسام...حبيبي
مجدي...قدامي
خشو للحمام ساعدها ادوشت ونشفلها جسمها بدا يلبس فيها
ابتسام...حبيبي واجد هكي
مجدي...راجلك انا شن اللي واجد نسيبك اطيحي كيف امبدري
ابتسام...حبيبي دبشي اللي كان عليا لفه كله واعزقه
مجدي...ينظم في الحمام رفع الدبش فتح الباب مسك يد ابتسام طلعو من الحمام
ابتسام...التفتت حبيبي مش ناسيين شي
مجدي...لالا كل حاجه في يدي
ابتسام...تمشي بشويش نين خشت لدار
مجدي...رفع الورغان
ابتسام...دوبها قعمزت وقربت من أملي توا نقدر نرقد بعد ادوشت تريحت كان خليتني نغسل شعري
مجدي...بعد تحسي روحك اكويسه توا تدوشي بالكامل
ابتسام...اهو كيس حط فيه الحاجات
مجدي...وين
ابتسام...اهو وراك
مجدي...التفت رفع الكيس حط فيه الحاجات خذا الحوض نحطه في الحمام وننزل نعزق هذين ونجي
ابتسام...امباه ردت تشوف ل أملي يدها تمشي فيها علي وجها تنزل تبوس فيها ربي يحميك ليا
مجدي...صكر الباب داهش شن
ابتسام...التفتت تعبت صاح
مجدي...افداك حول السوريه قعد في كناتيره رفع الورغان
ابتسام...لالاتعال معانا
مجدي...نضايقكن
ابتسام...بعدت أملي تعال هنا واسع المكان
مجدي...نطفي الضي
ابتسام...اها اهي الوناسه توا نولعها
مجدي...ولع الوناسه ورد طفي الضي
ابتسام...بعدت
مجدي..خش لسرير مرات نضايقك
ابتسام....حطت راسها علي صدره لالا كان معش رديت معناها رقدت
مجدي...نوم العوافي ياروح صكر اعيونه
#نورهان✍
ساعه12:40ظهر
فتح مجدي اعيونه علي صوت زغاريت
ابتسام...ايديها علي اعيونها حبيبي نعسانه انا
مجدي...بعد ابتسام مرات تخش علينا
ابتسام...من
مجدي...صوت رزان
ابتسام...كنها رزان
مجدي...اكيد علمت انك جبتي عليش جايه
ابتسام...انا جبت التفتت وراها اها هههه نجك لي صاح والله مازالت دايخه
مجدي...هههه صبى من السرير يلبس في سوريته وداير وجه ل ابتسام
رزان...فتحت الباب تبكي ياعمري انا خبطت ف مجدي
مجدي...بعد يشوفلها
رزان...قربت رفعت أملي نجككك لي الحمدالله اللي جايه سمحه ل امها مش لبوها
مجدي...رفع حواجبه
ابتسام...شفتله هههه
رزان...حضنت ابتسام امتي جبتي كيف ماقلتيلي بصوت بشويش واعره
ابتسام...شافت ل مجدي
مجدي...انا لوطى
رزان...تعال جاي مبروك مازاد عليك انا من الفرحه نسيت نباركلك
ابتسام...تمسح في اعيونها تثاوب
مجدي...الله يبارك فيك لوطى
ابتسام...تمام
نزل مجدي لوطى ل وسام
رزان...بدون كذب واعره
ابتسام...لالا ماحسيتها بكل جت خفيفه
رزان...والله وجهك يقول ياما ساير فيك
ابتسام...هههه لالا ساهله من قالها لك
رزان..ياكلبه ليش ماقلتيلي مشيت معاك
ابتسام...عشان اتجيبي قبل موعدك لالااتوعري
رزان...من خذيتي معاك
ابتسام...خشيت ولاده وعمتي جت مع احمد
رزان...ازعما حتي انا اندير هكي كيفك لاانا ضروري حتي هلي يجو كوني انتألم بروحي هذي لاياعمري
ابتسام...هههههه
رزان...تجنن بيسو شوفي كيف تفتح في فمها شكلها جعانه اززززكليا
ابتسام...اها دوشتها ورقدنا كلنا تعب عطيني نرضعها
رزان..طبيعي مدتها لها
ابتسام...اها بس يوجع فيا نجك لي جعانه
رزان...ينعلي باهي احكيلي خلاص سميتوها سعده
ابتسام...لاعمتي مابتش قلتلها سمي انتي قالت لالايسمي اجودي
رزان...مازالتو ماسميتوها قصدك
ابتسام...سمها اجودي أملي
رزان...شفتلها الله يجنن الأسم باهي وكان عمي ايدير لقطه ويعطينا قل الرضا علي الأسم
ابتسام...ههههه بارده
رزان...هههههه والله وسام قالي نبي نسمي عليه
ابتسام...يجنن الأسم
رزان...عاد انتي اطمنتي
ابتسام...كنه اسم خليفه دلعيه افي
رزان...اهم شي نسلم ساهل الأسم ماحد جاك من هلك
ابتسام...لالا
سعده...تفضلن تفضلن
رزان...اهي صوت مني كان تمنيت ربي يسهل ولادتي
ابتسام...ههههه انشالله يارب
امينه...خشت دموعها علي خدها بيسو
ابتسام...نجك لي جيتي
امينه...قعمزت علي السرير حضنتها الحمدالله علي سلامتك توا كيف علمنا باتي من الفرحه نسى يقول
ابتسام...هههه نجك لي
امينه...بعدت وين سماحت خالتها رفعتها اززززكليا طشوشه ياخواتي
فاطمه....بسومه
ابتسام...شفتلها بفرحه امي دموعها ينزلن فتحت ايديها
فاطمه...نزلت حضنتها الحمدلله علي سلامتك ياامي
ابتسام...تبكي امس كنت نبيك ياامي كنت متمنيا تكوني معايا
فاطمه...الحمدالله اللي سلمتي ليش ماكلمتيني امس كله وانا في قلق بس استبعدتك
ابتسام...زادت حضنتها خفت نفجعكم وامس تعبت بكل تخيلت روحي وانا ميته من الألم
رزان...يوم اسووود يابيسو قصدك واعره
ابتسام...اذكرت رزان بعدت سني اطق ياامي وحاسه ب بنتي تبي تنزل لكن من ربك جت ساهله ماحسيت بشي
رزان...بيسوووو
ابتسام...تمسح في ادموعها نعم
رزان...شن دخل سنك في الولاده
ابتسام...كليت حلو ورقدت وعيت علي اسنوني يطقن من الألم تحسابي مشيت للعياده عليا الليه
رزان...هاا املا شن
ابتسام...لازونه حسيت أملي تبي تنزل خلاص مشيت جيبوني طول
رزان...شاكه في الموضوع شن دخل سنك هيا فيها فيها الليه ماعندي وين ماشيه منها
ابتسام...شافت ل فاطمه
فاطمه...وانتي تجيبي حاولي ماتصرخيش اذكري الله وقولي يامسهل سهل ربي يسهل عليك ولادتك
رزان...والله ياعمتي حسيت جو قهوي توا نوقع علي عمليه وخلاص ليه ونسكت هذي مستحيل
ابتسام...اتقيدي عمليه طبيعي خيرلك
رزان..تي انا ليه تجيني شهرياااا نموت منها تبيني نتحمل ليه م توقفش نجك لي يابيسو
ابتسام...ربي يسهل عليك زونه
رزان...حسيت قريب نجيب غير تحكن بدت جو الليه كيف ليه الخوف
ابتسام...هههه
امينه...تشوفلها تجنن تجنن
ابتسام...انشالله نشوف كيفها عندك
رزان...انشاالله
فاطمه...انشاالله باتك ما قالها لنا الا توا قال نسيت
ابتسام...هههه نجك لي ياباتي في الصبح شفناه
رزان...اليوم طلبة روني نمشي ونجيك بعدين
ابتسام...سلمي عليها واجد وباركيلها نيابتا عني
رزان...صبت انشالله أملي حجزتها ل أفي
امينه...من
رزان...سموها أملي
امينه...أملي يهببببل
رزان...بكل هيا بسلامه
الكل...بسلامه
رزان...حطت ظرف مع أملي
ابتسام...شن
رزان...زلوف وهديه انجيبها في الجيه الجايه
ابتسام...مش بينا
رزان...بناخيتي عاد مراة افوني
الكل..هههههه
فاطمه...مردوداتلك في جيابك ياعمتي
رزان...ييييه معش تذكريني توا ننزل نقوله وقعلي علي عمليه
ابتسام...مش حيخلوك لو وضعك طبيعي
رزان...ماعنديش الصبر كيفك
وسام...رزان
رزان...اني جيتك طلعت اممم
وسام...جيبيها
رزان...من
وسام...بنت مجدي
رزان...بنت ابتسام هيا اللي جتها الليه وهيا اللي جبتها ساهل غير بنت فلان لكن فلانه تستثقلوها
وسام...هذي كنها
رزان...خشت عطيني أملي
امينه...مدتها لها
رزان...خذتها وطلعت برا
امينه...حي خوفتيها خنقتها العبره
ابتسام...نسيت انها قاعده والله
امينه...عارفه بس زونه حساسه بكل
ابتسام...شن اندير
امينه...كل ماتسألك تفهي الموضوع
فاطمه...وراها وراها الولاده ربي يسهل عليها
ابتسام&امينه...اللهم امين
رزان...وسام
وسام...جا مبتسم نجك لي
رزان..مدتها له
وسام..لالاخليها عندك مرات اطيح مني كنك
رزان...هزت براسها لااااا
وسام...باهي كنك تبكي
رزان...خايفه
وسام...من شنو
رزان...نموت وقعلي علي عمليه نبيش طبيعي
وسام...قرب باسها علي راسها حي حي علي الهبله
رزان...حبيبي جديات نحكي
وسام...بالله عليك شوفي السماحه هذي تنسي كلشي يمسح في دموعها خلاص معش تفكري بشي
رزان...اها راني حجزتها كنتي أملي
وسام..كيف
رزان...عمتي رفضت تسمي عليها سماها مجدي أملي
وسام...ماشي معاها الأسم نجك لي
رزان...امسكها حبيبي والله ماطيح
وسام...لاحبيبي طلع فلوس من جيبه حطهن معاها العقبالك حبي
رزان...معش تذكرني بروحي خايفه
وسام...ههههه انشاالله معش يطول
رزان...تحسبلي ولا ههههه
وسام...ههههه غمزلها يعني
رزان...باهي نعطيها ل بيسو ونطلعو قتلك راني حجزتها ل افي
وسام...ماناسب اعز منهم
رزان...ههههه نجك لي
وسام...هيا
رزان...ردت لدار بيسو اسمعي وسام حط معاها مبلغ تردوهن لنا ايوا
امينه...هههه
ابتسام...ههههههه
فاطمه...هههه مردودات بعد تحلي اعويناتك علي خير
رزان...ييييه عمتي ادعيلي بنت خوك انا
فاطمه...ربي يسهل عليك
رزان...هاكي عاد كنتي انا طالعه للمزرعه تبو شي
ابتسام...سلمي عليها وعلي عويشه وزينه وخالي وحني واجد واجد واجد
رزان...يوصل سلامك انا نروح مالمزرعه انجيك واكيد اكيد بكره يجوك هلي
ابتسام...انشاالله
رزان...نزلت أملي ل ابتسام بستها باي
ابتسام...باي
فاطمه...سلمي عليهم
رزان...يوصل سلامك
ابتسام...قالت عمتي عمي ذبح قال عشاء عائلي اليوم
فاطمه...اها قلتها ليا سعده
#نورهان✍
جت ساعه11:30 ليل
اسراء...بسلامه باتي بره
ابتسام...بدري اسريوا
اسراء...من عمرك ياعمري
اصيله...نرنو علي عيت ادم خارج الخدمه
امينه...كيف صار
اصيله...كلم امي نحنا اكويسين ماتنشغلوش علينا وقفلو التلفونات
اسراء...هههههه والله صدقو
ابتسام...هههه الحمدالله اللي حضرت الفرح وجبت برغم كنت واصله حدي لكن الحمدلله
اسراء...الحمدلله لوتشوفي هجوري حتي هيا بعد عرفاتك جبتي ركبتها ليه هههه
ابتسام..هههه ينعلي حتي زونه خافت
اصيله...ربي يحل اعويناتهن علي خير انا نازله امي مازلت م قلتلها باتي بره
ابتسام...عودنها وشكرا علي الهدايه والله ماكنتن اتعبن ارواحكن
اسراء...بنيتنا هذي الو باتي انا جينا
صالح...تعالي ياباتي لوطى نعطيك هديه ل بنيه
اسراء...نزلتهن كلهن
صالح..لاهذي من جدها صالح
اسراء...تحكي بالتلفون وطلعت م الدار
ابتسام...خليك منى معايا
امينه..عنجد هذي لالا كان في شقتك صاح
ابتسام.. وتيتي بتاتك
امينه...بيسو
ابتسام...نحكي جديات
فرح...خذيتلها دبش ومكياج كسسورات عطور شفتيهن
امينه...تؤؤ
فرح...شافت ل ابتسام
هنيه...بيسو إسلام لوطي ويحا قال قوليلها هيا عبادي قال جيبوها معاكم
فرح...لالا توا يجي ياخذني
هنيه...كلميه مرات يكون عنده شغل
فرح...ماهوا اللي جابني ماقاليش روحي مع هنيه مسكت التلفون رنت علي عبدالله
عبدالله...قاعد مع صحابه طلع من قدامهم الووو
فرح...حبيبي وينك
عبدالله...روحتي
فرح.. لالا وينك
عبدالله...مع اصحابي قلت ل إسلام جيبها معاك
فرح...روحو هما تعال خوذني
عبدالله...مش فاضي ويحا
فرح...تمام
عبدالله...توا نقول ل إسلام يرد يأخذك
فرح...لامافيش داعي خنقتها العبره مروحه لحوش باتي خليك معاهم تسد اليوم نكدته عليا صكرت الخط
الكل...يشوفو ل فرح
هنيه...هيا
فرح...لاعدي مش ماشيه بايته مع منى
هنيه...نمشي يعني
فرح...عدي
هنيه...باهي بيسو باي سماحتي نزلت باست أملي
ابتسام...باي هنيوا
هنيه...باي نزلت مالدروج
إسراء..راقيه مروحه
هنيه...اها إسلام برا
إسراء...اها شفته باتي عدا لحوشكم قال نحكي مع عمران وطلعين حتي نحنا مروحين
هنيه...انتلاقوا
إسراء...انشالله باي
هنيه...باي طلعت ل إسلام
إسلام...فرح وين
هنيه...ركبت في السياره بايته
إسلام...ركب عبادي بايته قالت
عبدالله...تمام
إسلام...نزل التلفون شن فيه
هنيه...مشعارفه قالت بايته حبيبي
إسلام...تمام طلع بالسياره
إسراء...مدت بوكس صغير ل ابتسام هذي من باتي
ابتسام...شفتلها
إسراء...خوذي
ابتسام...خذاته شن
إسراء...هديه من جدها صالح
ابتسام...فتحت البوكس دناديل ذهب نجك لي ياعمي ليش يتعب في روحه حتي باتي دزلي ايه كرسي وخميسه نجكم ليا
إسراء...حفيدتهم عادي
ابتسام...نردهن لكن انشالله يارب
إسراء....نشالله هيا اصوله
اصيله...امي وين
إسراء...لوطى
فرح...نبي ننزل معاكن ل امي
اسراء...هيا
سلمن علي ابتسام ونزلن خذن حواء وطلعن روحن
امينه...سرحانه
ابتسام...كنك مني
امينه...شفتلها اه
ابتسام...وين عقلك ياخويله
امينه...شفتلها انتي كويسه
ابتسام...الحمدلله
امينه...امتي اديري العمليه
ابتسام...نشد روحي شوي
امينه...م تقدريش اديريها الأسبوع هذا
ابتسام...مازال منى اليوم كيف جبت خطرها شن صار في طلبه رونه
امينه...توا يدزنها لنا اول مره مانكونوش حاضرين
ابتسام...ينعلي شغلتكم
امينه...لاوالله باهي انا نبي نروح
ابتسام...خليك باتي معايا
امينه...لاياعمري عيب نجيك بكره
ابتسام...تعالي بدري باهي
امينه...نحاول نزلت باست أملي باست ابتسام باي
ابتسام...باي
امينه...طلعت نزلت لوطى امي
فاطمه...هاامي
امينه..حني وين
فاطمه...روحت مع حواء
امينه...تحكي جديات والله وين
فاطمه...والله عدت
امينه...انا ماشيه للحوش
سعده...خليك مني
امينه...لاوالله تصبحو علي خير
سعده...وانتي بخير
فاطمه...نشوف بسومه ونجيك
امينه...تمام طلعت لبست كويشتها فتحت الباب طلعت تبي تصكره
احمد...امينه
امينه...قلبت اعيونها وقفت نعم
احمد...صكر الباب مسك يدها بعدها من الباب
امينه..يدك لوسمحت تشوف للحاجر
احمد...ليش ماتبيش تحكي معايا
امينه...لاني مانبيش نحكي معاك
احمد...ضروري م نتفاهمو
امينه..مافيش حاجه نتفاهمو عليها ايام بس ونكون عندك خلاص مافيش داعي للكلام
احمد...انا نبي نعيش معاك باقي عمري
امينه...شفتله واااو نسيتها لهدرجه تبي تتأقلم علي بعدها يعوينك بقلبك
احمد...مش ناسيها بس نبي نكمل حياتي
امينه...مالقيتني الا انا
احمد...انتي الوحيده اللي حاسه بيا
امينه...تصبح علي خير
احمد...افتحي تلفونك ضروري مانتواصل معاك
امينه...كسرته
احمد..ليش
امينه...مانبيش نتواصل مع حد فتحت باب الشارع وطلعت لحوشهم
احمد...طلع وقف عند الباب يشوف فيها راقيتله من تصرفاتها
مجدي...طلع من جوا الحوش تبيلك وماخذت عليك
احمد..التفت لورا شن
مجدي...امينه
احمد...كنها
مجدي..مش بسهوله تتعود عليك
احمد...كيف تبي تعيش معايا وهيا مش متقبلتني هيا فقدت وانا فاقد خلاص نفس الأحساس ونفس الشعور اللي حاسه بيه حاسس بيه حتي انا
مجدي...بس هذي امينه تفرق عنيده
احمد...الأسبوع الجاي الفرح كيف يسير ضروري م نتواصل معاها
مجدي...ماتبيش تحكي معاك
احمد...توا نلقى حل
فاطمه..طلعت كيف حالك مجدي
مجدي...سلم خير ياعمتي كيف حالك بدري
فاطمه...من عمرك كيف حالك احمد
احمد...سلم الحمدالله كيف حالك انتي عمتي
فاطمه.. الحمدلله
فرح...مبروك مازاد عليك مجدي
مجدي...الله يبارك فيك
فاطمه.... تصبحو علي خير
احمد&مجدي....وانتي بخير
روحن للحوش
فرح...مني
امينه...في الدار تصفح تعالي
فرح...خشت لدار سلحت العبايه
فاطمه...افريحه
فرح...نعم
فاطمه...تبي حاجه قبل مانرقد
فرح...سلامتك امي انا بايته بيدا عنده شغل
فاطمه...باهي امي باهي تصبحن علي خير
امينه&فرح...وانتي بخير
خشت فاطمه لدارها صكرت الباب
فرح...صكرت باب الدار ايديها علي وجها
امينه...شفتلها طفت التلفون افريحه كنك
فرح...تبكي تعبت ومليت من نفس الموضوع
امينه...شن فيه
فرح...بيدا من اول ماكلمتني هنيوا قلتلي بيسو جابت كنت طايره من الفرحه كأني انا اللي جايبه هوا قلب وجه عليا وصلني هنا بدون م يحكي حرف وتوا قال ل إسلام جيبها معاك حي عليا مني كان بيدا تغير معايا ولازهد فيا نموت انا انتي عارفه قد شنو نحبه وقد شنو ندمنه انا فرح مانقدرش نعيش بلاه
امينه...صبت حضنتها اشششش خلاص ياقلبي عارفه انتي شنو بنسبه ل بيدا
فرح.. مليت وتعبت من نفس الدائره انا لاشكيت ولالمحت بالعكس مليت وانا نقوله انت اوليدي وانت حبيبي وانت راجلي وصلت بيا قتله انا عقيمه وانا مانضناش نخاف تجيه حاله نفسيه من الموضوع هذا لوتعرفي قد شنو خايفه عليه منيييي
امينه...اششش خلاص افريحه
فرح...تشهق تعبت مني
امينه...هوا بيدا خايف يخسرك
فرح...مستحيل انا نسيبه لوشن شفت منه حاسه بيه عارفه حاس بالنقص
امينه...انتي تقولي هكي اهو يرن عليك ردي
فرح...تشهق مش راده
امينه...بعدت من فرح ردت علي تلفونها
عبدالله...ليش ماروحتي مع إسلام تبي تكسري كلمتي صاح يافرح
امينه...لاماتبيش تكسر كلمتك ولاحيجي اليوم اللي يسير فيه شي كيف هكي فرح من اول م روحت معايا لحوشنا مش قادره ترد بكيتها من كثر ماتشهق ماقلتلي السبب ولاحابه نسألك لانه موضوع خاص بس فرح ماتستاهل ينزلن دموعها هكي اكثر وحده نعرفها انا فرح لويخيروها تخش لنار عشانك تخشلها بدون ماتفكر فرح تدمنك ادمان حافظ عليها ياعبادي خير ماتخسرها وتندم طووول عمرك
عبدالله...عطيها ليا
امينه...مش قدامي خشت للحمام حافظ عليها عبادي فرح معش عندك فيها نيه مليت منها حوش بوها يبيها لكن م تكسرش بخاطرها راهي ماحكتلي شي لكن خنقتها العبره وتبكي تبي يعلم باتي ماعندكش مشكله انت عارف معزتك عندي ولو باتي عرف انك تبكي فيها مش حنقولك شن حيسير
عبدالله...امينه امييينه عطيها ليا هيا فهمت غلط بس
امينه...مش قدامي تصبح علي خير كان فيه كلام تحكيه بكره
عبدالله...لالا م تصكريش عطيها ليا انا اصلا قريب منكم
امينه...اهي جت هاكي افريحه
فرح...تشوفلها
امينه...غمزتلها عبادي
فرح...الووو
امينه...طلعت مالدار
عبدالله...حي علي خشيمي اللي راح فيها
فرح...تبكي نعم شن تبي
عبدالله...وقف السياره اطلعي بره قاعد
فرح.. لابايته انا
عبدالله...عينك نرقد بروحي
فرح... لوسمحت
عبدالله...لوسمحتي انا بره اطلعي خير ماندير العار
فرح...بيده
عبدالله...هيااااا
فرح...بس انا نبيش نمشي
عبدالله...لاتوا تمشي اطلعي هيا بره قاعد
فرح...طلعت وتحكي معاه بالتلفون فتحت الباب
عبدالله...نزل صكر التلفون
فرح...نزلت التلفون طبست
عبدالله...اننننن بايته ههههه
فرح...شفتله
عبدالله...انشالله نموت عشان نزلت ادموعك يمسح في ادموعها
فرح...نموت قبلك وربي حضناته
عبدالله...سامحيني ياكبيدتي
فرح...ماخاطريش نزعل منك
عبدالله...علي اساس كنت حنخليك تزعلي
فرح...انت قايلي لوشن صار م تروحيش الا امعايا ليش قتلي روحي مع إسلام
عبدالله...خفت تكوني تغيرتي بعد ابتسام جابت
فرح...توقعت
عبدالله...كيف
فرح...بعدت عارف بيدا مليت من نفس الموضوع مليت من اني نقولك انا نبيش اعيال نبيك انت انا نفرح مش نزعل لانا اعيال خواتي اعيالي مش نحس بالنقص انا معش نقدر قلبي يوجع فيا من الموضوع هذا انا نبيش اعيال ربي ماعطانا نحنا لاثنين عقم خلاص تبي تعاند ربي بيدا انت تحسس فيا بتأنيب الضمير لاني انا طلبت تاخذ نووي نبيك تعيش معايا نبيش الموت تاخذك مني مافكرتش في العيال كان كل همي اني نكمل باقي عمري معاك وبوجودك جنبي لو في يوم فكرنا في اعيال انتبنو الأب والأم هما اللي يربو مش اللي يجيبو بيدتي خلينا انتبنو ونربو ناخذو الأجر ويكونو اعيالنا مالدنيا ولانحسسوهم بيوم انهم مش اعيالنا
عبدالله..حاسه بالنقص ويحا
فرح...ابداا انا كامله بيك عمري ماحسيت ولاحنحس بالنقص وانت معايا بيدتي
عبدالله...رد حضنها مانبيش ضميري يأنبني انتي عندك فرصه انك تكوني ام وتفرحي ليش نحرمك
فرح...راضيه باللي عطاها ليا ربي ومتمسكه بيك انت لوبعدتني عنك تكون تبعد في روحي مني نتحملش تجاهلك ليا
عبدالله...اششش خلاص
فرح...خلينا انتبنو ونربوهم كأنهم اعيالنا
عبدالله...مش توا
فرح...امتي والله قاعده علي اعصابي
عبدالله...بعد ليش
فرح...بعد تجيب هنيوا ادير نفس اللقطه تبعدني عنك
عبدالله...ههههه مستحيل هيا البسي وخلينا نمشو
فرح...خليني نبات ورايف عليا اشوي
عبدالله...من توا مرايف هيا
فرح...تشوفله
عبدالله...هيا خير مايسير شي مش غير سمح اعيونك وبرائتك انا مانتحملهن بكل
فرح...ههههه هيا نلبس
عبدالله...هيا انا بره
فرح...تمام خشت جوا وطول لدار مني
امينه...صكرت الكتاب اممم
فرح...مروحه
امينه...ابتسمت ربي مايفرق بينكم
فرح...نجك ليا انتي الدعم النفسي ليا
امينه...ربي يحفظكم عبادي حنون عليك
فرح...تلبس شن نمشي ل امي نقولها لها
امينه...لالا اربحي توا نقولها لها في الصبح
فرح...ماشيه ل بيسو بكره
امينه...لالا
فرح...تلبس في الخيمار ليش
امينه...نطمن عليها بالتلفون يكفي
فرح...باهي انا طالعه خطرها شن رايك في الدبش
امينه...بوركتي حلو بكل بكل بكل
فرح...عطني نا كان شفتي حاجه
امينه...ابتسمت
فرح...توا اتفرجي علي مهلك خطرها حنان كنها مش قاعده نسيت نسأل عليها
امينه...في بنغازي جايه بكره
فرح...اها جو الحوش بلاها شين
امينه...اها فعلا
فرح... هيا تصبحي علي خير
امينه...تلاقي الخير تبي تصبي
فرح...خليك توا نصكر البيبان ورايا
امينه...هزت براسها ردت تقرا في الكتاب
#نورهان✍
جا يوم الأسبوع ديرين عشاء كبير الحوش مليان ضيوف
هناء...ماسكه أملي نجيلي السمحه طالعه لخالتها
ابتسام...نجك لي نشوفها عندك يارب
هناء...يارب
رزان...يرزيني فيك ياهنو معقوله نتصلو بيك مقفل مقفل
هناء...والله واخذ التلفون قافله وعازقه فوق الدولاب لولا ماعبسي جانا ماكان عندنا علم
رزان...شكلكم علقين ليل في نهار خبركم شين
الكل...ههههههه
اروي...حيحي رزان وطحتي في يدها
هناء...خليها عادي هههههه
رزان...باهي احكيلي عاد وين مشيتو
هناء...قولي وين مامشيتو
رزان...عطاك الله
ابتسام...هههههه
زينه...كيف صار ويحا مني وينها
فرح...ييييه قالت مش جايه قاعده ميته لكن اتنفس
زينه...ينعلي نحنا مروحين عندكم لعند م يطلع الفرح استغربت قلتلها مش جايه قالت لالا قلت ممكن متحشمه والله احمد قاعد بره عليك شخصيه والأبتسامه الحلوه
فرح...والله ماشالله عليه انشالله ربي يسعدهم هيا واعره علي مني لكن نصيب
زينه...نصيييييب
فرح...شن جو رونه مع خطيبها
زينه...جوهم يهبل
فرح...وانتي شن امورك
زينه...مريقله ههههه حطت ايدها علي اعيونها واخيرااا يبي يجي يطلب
فرح...احلفييييي
زينه...وحقالله
فرح...الحمدلله ياربي ربي يكمل عليك فرحتك
زينه...اللهم امين مش مصدقه ويحا والله بعد الصبر ومامن اللي سمعتها عشان علاقتي بيه خواتي يقولن يضحك عليك فوتيه وانا مصكره راسي وقيام الليل ندعي ل ربي ايسر طريقنا الحمدلله كلمني يوم طلبه رونه قالي وينك مختفيه قتله حايسه كيف حايسه مش مدورتني والكلام هذا قتله اليوم طلبه روان قالي اهاااااا تمام صكر في ليل قالي حددي يوم نجيب امي تطلبك حتي انا ناوي الحلال عارفه هوا يحكي ياويحا وانا جسمي يرعش من الفرحه نقوله انت تكذب عليا يقولي مش حنحكي معاك كلامي معاك لما يعقدو عليك هذك الوقت نرد عليك
فرح...ياعمري لوتعرفي قد شنو فرحتلك واخيرا كلنا ربي يسر امورنا
زينه...الحمدلله
فرح...حددي يوم
زينه...بعد نروحو للمزرعه بعد فرح مني
فرح...يارب ايسر امورك وتمملك علي خير مافيش اجمل من انك تفوزي بحبعمرك
زينه...معجزات ياويحا كان كل مايحكي في الموضوع هذا يسكر عليه كأنه في شي يبعد فيه لدرجه بديت نخاف نقول صاح كلام البنات يضحك عليا مافيش حل الا اني معش نحكي اللي صار بينا وقعدت نقيم في قيام ليل بسوره ياسين وسوره الفتح وندعي لربي ايسر اموري امعاه والله سابع يوم من قيام هوا كان طلبة رونه قالها ليا بدون مقدمات
فرح...الحمدالله ربي يهنيك ويسعدك زيونه
زينه...خلي الموضوع بينا لعند مايتم
فرح...من عيوني
اسراء...بنات مني ماجت
ابتسام...لالاتطمن عليا بالتلفون بعد يوم جيبتي معش جت
اسراء...اها حتي ممكن متحشمه
اصيله...اكيد
ابتسام...اها
عايشه...هيا بنات لوطى
البنات...هيا نزلن كلهن
عايشه...شن دايره بسومه
ابتسام...الحمدلله عويشه تقدري تقعدي مع أملي شوي نخش للحمام
عايشه...عدي بسومه حي علي البسه السمحه ياخيه
ابتسام...لبسه الأسبوع من امي
عايشه...ماشالله
ابتسام...نبي نقول ل اجودي خوذها فريها عشان نركب دناديل جايبهن عمي صالح اهن
عايشه...ماشالله حلوات بكل
ابتسام...اها حتي انا عجبني اليوم مافضاش ايودي في حاجات التشاركيه ويجب في نواقص الحوش
عايشه...اها لاصاح مسكين مافضى
ابتسام...والله بعد الصبح ماشفته صبت نخش للحمام توا نجي تحمليني شوي
عايشه...عدي خوذي راحتك درنلك شمم
ابتسام...هوا اللي خلاني نصبي
عايشه...باهي الحمدالله اكويس
ابتسام...اها خذت حاجاتها وطلع من الدار طول للحمام
عايشه...رفعت أملي علي كرعيها نجك لي مسكت بوكس الدناديل طلعت الدناديل بدت تفري فيها بكت اشوي أملي ورقدت هكي قعدتي سمحه نجك لي
#نورهان✍
اسراء...هي تحشمو مش معقوله تلفوناتكم مقفله
هناء...هههههه والله ماعليا يااسريوا خوك
اسراء...باتي نين انشغل
هاجر...تمشي بشويش بنات مني كان مشيتلها تفتح الباب لأني نتصل بيها مقفل
هنيه...اها قاعده كنك
هاجر...اه لا شافت ل رزان نبي نمشيلها
فرح...خليك اتعشي قبل
هاجر...ابتسمت توا نجي
رزان..كنك ماجبتي منونه
هاجر...مع اختي هيا وهومي
رزان...اها
هاجر...انتلاقوا بنات لبست خيمارها وطلعت لشارع
ايمن...مسك يدها هلبها لطريق تحكي جديات
هاجر...اها حبيبي نبي نجيب خليني ناخذ مني معايا
ايمن...طق علي الباب فتحت امينه
امينه...ايمن حضناته
ايمن...حضنها مرايف عليك ياشينه كنك مقفل
امينه...لا مافيش شحن
هاجر...وووه عليا مش وقت احضان انا نبي نجيب هيا معايا
امينه...بعدت اه
هاجر...نبي نجيييييب خلاص
امينه...شافت ل ايمن تبصر صاح
ايمن...لا
هاجر...هيا مني بسرعه
امينه...هيا هيا خشت تجري تلبس
ايمن...هيا نرجوها في السياره
هاجر..قربها هنا
ايمن...طلع
مجدي...ايمن
ايمن...شير بيده
مجدي...وين العشاء
ايمن...قرب ماترجانيش هلي يبو العياده
مجدي...شفله
ايمن...حاله وضع
مجدي..اهاا تمام علي خير انشالله
ايمن...انشالله عدا قرب السياره
هاجر...هيا مني
امينه..تعدل في وشاحها هيا هيا
هاجر...ماسكه في يد امينه من الصبح علي الليه لكن قلت نمشي ل بيسو قبل توا معش قدرت نتحمل
امينه...انشالله تحلي اعويناتك علي خير
هاجر...يارب ركبت في السياره
امينه...ركبت من لورا
ايمن...قلتيها ل عمران مني
امينه...لاوالله باتي غادي ماليوم الأسبوع شيلينا نحنا باتي خذا اسياق اليوم ههه
ايمن..عارف نلقانه عرب واجد اصحاب الشباب واقربهم
امينه...مجدي داير احسابه
ايمن...باهي تمام
بعد دقايق وصلو للعياده نزلو خشو هاجر للولاده طول
امينه..شن تبو اتسموها
ايمن..تسلم هاجر تسميها بروحها
امينه...هههه غير قعمز حسستني اول مولود ايجيكم كنك مرتبك
ايمن..خايف علي هاجر من الصبح وهيا حايسه ماكلت شي
امينه..انشالله بعد اشوي يطلعو يطمنونا عليها
ايمن...ليش مانسمعش في صوتها
امينه...ايمن ياما بينا جوا قسم الولاده
ايمن...بروحي ركبتني ليه
امينه...ههههه نجك لي تلفونك يرن
ايمن...هذا عمران يتصل الو
عمران..ها ايمن وينك
ايمن...في العياده هلي حاله وضع
عمران...كيف مانسمعش فيك
ايمن...كيف تبي تسمعني من صوت الهرجه الووو
عمران...وينك انت
ايمن....هلي هلي
عمران...ها
ايمن...حاله وضع
عمران...اها باهي علي خير انشالله
ايمن...انشالله خطرها
عمران...ها
ايمن...امينه معانا
عمران...امينه بنتي
ايمن...اهااا
عمران...تمام تمام معسلامه
ايمن...معسلامه
بعد ربع ساعه....
طلعت الممرضه ماسكه البيبي مبروك اسلمت وجابت اوليد
ايمن..اه لابنت
الممرضه...كيف
ايمن..مراتي معاها بنت
الممرضه...كنكم منصدمين حتي جوا تقول لابنت والله جابت اوليد اهو هههه مش امه اسمها هاجر
امينه..اها ههههه ماشاالله ماشاالله من الفرحه بس
ايمن...شن دايره
الممرضه..لاوضعها تمام شوي وينزلوها يتربي بعزكم
ايمن..صحيتي
امينه...ماسكته نجك لي نجك لي ماتقولش مش ليا هومي هومي نسخه
ايمن...بعد البطانيه يشوفله نلقانه ايهم
امينه...حضنته وتبكي نجك لي نجككككك لييييي
ايمن...يمسح علي وجه ويبتسم الحمدلله ياربي
امينه...نسخت هوميي
ايمن...حد يطمني علي هاجر
امينه...توا يجي حد يطمنا
الممرضه...هذا بيبي هاجر
امينه...اها
الممرضه...يبيه دكتور الأطفال يشوفه
امينه...عادي نمشي بيه انا
الممرضه..تفضلي
امينه..مشت معاها لدكتور
وصل خبر للحوش انا هاجر سلمت جابت اوليد
رزان...حي عليا قعدت غير انا ياربي
حنان...ماتفكريش
رزان...كيف مانفكر وانا فقدتها علي العشاء طلعت ماشيه تجيب مش قلتها لك اروي قتلك وجها مغصور
اروي...قلتيها صاح قتلك ممكن لأنها حامل وهك باهي والله ماشالله عليك زونه هههههه تفهمي
رزان...حسيت بيها وحقالله
فرح...نرقي ل بيسو نسلم عليها بيدا بره
رزان..راقيه معاك
هنيه...نرقي معاك حتي انا إسلام بره
زينه...قصدكن مش بيتات عند عمتي
هنيه...انا لاوالله نجي بكره
فرح...حتي انا
رقن فوق فتحن الباب
ابتسام...عطيتهن بظهرها
فرح...بيسو
ابتسام...التفتت خشي افريحه
فرح...راقده
ابتسام...ليه تقطع فيا بس
فرح...ينعلي نقوللهن ايديرنلك كمون
ابتسام...لالا مافيش اخبار علي هجوري
فرح...طلعت للغرفه قال ايمن اكويسه هيا والبيبي
ابتسام...باهي الحمدالله ياربي كيف مشيات
فرح...اها نبوس ابنيت خالتها وطالعه طبست باستها شافت الدناديل نجك ليا امتي فريتيها امبدري مافيش
ابتسام....كيف
فرح...أملي امتي فريتي ذانها وركبتي دناديل
ابتسام...لا شفتلها بسم الله من فراها
رزان...اكيد امي كانت معاك
ابتسام...اذكرت لما خشت لحمام اها نجك لي ياعويشه فرتها كنت نفكر فيها بس ماسمعتها بكت والله ماشفتهن لو ماقلتي يافريحه
فرح...زادت سماحه نجك لي
رزان...حتي انا مروحه بيسو امتي جايه لشقه
ابتسام...بكره
رزان...انتلاقوا
ابتسام...فيه حوسه لوطي
رزان...لامافيش عدو الضيوف والحوش ماكانه كان فيه عشاء نونا جايبه وحدات نضمن ماخلن شي توا نجيبهن في جيبتي
ابتسام...انشالله يارب
فرح...خطرها في وليه امبدري تحكي علي بنتها جايبه
رزان...اها عمتي مبروكه عمت مجدي وسام بيسو
ابتسام...اها جت حمدتلي علي السلامه كويسه بكل
رزان...ماحكتلك شي
ابتسام..لا عليش شن ساير
رزان...قالت بنتها سميره
ابتسام...كنها
رزان...جابت بنت اول امس
ابتسام...ماشاالله العقبال كل مشتاق يارب
رزان...طلع عندها تشوه في وجها قالت ماتبيش تشوفها البنيه مسكتها عمتها ام راجلها مش متقبلتها امها
ابتسام...سرحت لبدايه زواجها
ابتسام...عطيني انظم نونا
حنان...جبتلها الحلويات اهن
ابتسام...بدت اتنظم
سميره...هههههه الله يامجدي
ابتسام...حاولت تمسك اعصابها ماتبيش تبكي قدامها
سميره...خذت طرف من اللي تنظم فيهن ابتسام اااممممم حتي الحلويات ممنوعات عليك
ابتسام...لوتحكي تبكي
سميره...طعمتهن سمحه عارفه يا شن اسمك
حنان...سوسو
سميره...كنك نونا
حنان...ابتسام اسمها ابتسااام
سميره...ابتساام عارفه واجعني مجدي لأنك لو تحملي يايطيح يايحرقهم السكر عندنا قريبتنا هكي لأنها عندها السكر وراجلها قعد معاها ثلاث سنوات زواج من بعد قصه حب مل منها طلقها مسكين عاد يبي اعيال
رزان...الوووو نحكي انا
ابتسام...صكرت اعيونها استغفر الله لاياربي
رزان...كنك
ابتسام...ردت سرحت تذكر في اليوم
افقدت اعصابها ايديها يرعشو ادموعها ينزلن معش اقدرت اتسيطر عليهن ماعنديش مانرد عليك حسبي الله ونعم الوكيل
انا اول مره انشوفك شن درتلك اتسمعيني الكلام الجارح هذا
فرح...بسم الله كنها تبكي
ابتسام...تهوي علي اعيونها شن ذنبها البنيه اه
رزان...حي عليا هذي انهارت
ابتسام...مش قصدي ياربي ندمت اني حسبت عليها
هنيه...صبت اميه تشرب فيها بيسو كنك
ابتسام...تبعد في الكبايه نبيش شن صار فيها سميره
رزان...قالت منهاره تبي تموت بعد شافت البنيه قعدت تصرخ تهسترت قعدت في شقتها والبنيه خذتها حنها هبله حتي وكان بنتي والله م نعطيها ربي جابها ليا يختبر في صبري بيها
ابتسام...تمسح في ادموعها رفعت أملي تبوس فيها نجك لي ياماما
رزان...شافت ل فرح حي عليا شن درت انا
فرح...حتي بتره كنت راضيه اهم شي ونس في الدنيا لكن الحمدالله علي كل حال ربي كريم
ابتسام...انهارت حاضنه أملي وتبكي بصوت
فرح...حي علينا بيسو كنك ماكان فيك شي
ابتسام...حاضنه أملي مستمره في البكاء
هنيه...نزلت ل فاطمه كلمتها
رقو كلهم فوق ابتسام حاضنه أملي تبكي
فاطمه...ياامي تحسي بشي
ابتسام...هزت براسها بمعني لا
فاطمه...باهي عطيني أملي
ابتسام...زادت حضنتها
حواء...بسم الله نفس هذي
سعده...قتلك ماتنزليش امبدري خليك في الدار لكن نزلتي شن يقولو الناس مش حاسه بالولاده
حنان...خلاص بيسو توا راسك يوجعك
حواء...عدي جيبي فاصوخ نونا بخريها
حنان...باهي نزلت للكوجينه
الكل...واقف يشوف ل ابتسام حاضنه أملي مش قادره توقف ابكاء
رزان..ندمت اني حكيت
اسراء...مش موضوع اصلا عادي ممكن خطرت عليها حاجه
اصيله...لابيسو حساسه بكل من ابسط شي تبكي
فاطمه...عطيني بنتك بسم بالله شن سيرلك
ابتسام...تهز براسها ماتردش علي حد
حنان...تولع في الفحم الحجري
وسام...نونا رزان وين
حنان...فوق
وسام...قوليلها هيا
حنان...بدري
وسام...من عمرك ساعه1
حنان...امباه حطت الفاصوخ دارت وجها تبي تخش للحوش
مجدي...تعالي جاي
حنان...التفتت نعم
مجدي...نبي عصير ل اثنين
حنان...اه باهي نشوف بيسو بس
مجدي...كنها بيسو
حنان...بروحها تبكي كلهم فوق
مجدي..وسام خوذ عصير لجماعتي سلح كويشته ورقه فوق فتح الباب
الكل..شفوله
هنيه...يييه لبست وشاحها
رزان...خلينا ننزلو عاد عيب
فرح...تشوف ل ابتسام وتبكي
رزان...مسكت في فرح هيا
فرح...خليني نطمن عليها
سعده...اهو جا مجدي
مجدي...مابحتش في الدار طول اعيونها علي ابتسام قرب قعمز علي طرف السرير
الكل...نزلو لوطي
سعده...صكرت الباب ونزلت اخر وحده
فاطمه...كنها بنتي
حواء...منفوسه مانبيها نزلتها امبدري لبسه ومكيجه
فاطمه..يارب سلم
مجدي...يرفع في وجه ابتسام شدوقي كنك
ابتسام...شفتله
مجدي...خذا أملي حطها في كتره احكيلي شن فيه
ابتسام...زعلانه من روحي
مجدي..نعرفك من اعيونك من زعلك
ابتسام...مافي حد انا زعلانه من روحي
مجدي...احكيلي بس في حد زعلك من لوطى
ابتسام...لالا
مجدي...كنك ماسكه أملي بطريقه هذي
ابتسام...خايفه نخسرها
مجدي...مش حتخسريها
ابتسام...مشعارفه شن صارلي قلبي يحرق فيا من جوا
مجدي...قرب حضنها رايفت عليك ياروح
ابتسام...حضناته نبي نعترفلك بشي
مجدي...صكر اعيونه بعد ابتسم وهوا يشوفلها
ابتسام...نحكيلك بس ماتزعلش
مجدي...شن فيه وكأنه عارف شن تبي تقوله يشوف ل أملي ركبتولها دناديل
ابتسام...اها فرتها مرات خالي اجودي
مجدي..شفلها روحه
ابتسام...سرحت تفكر
مجدي...الووو وين مشيتي
ابتسام...نبيش امينه تكرهني
مجدي...شفلها ليش تكرهك
ابتسام...لأني جبرتها علي احمد
مجدي...بطلي تفكير سلبي
ابتسام...تمسح في دموعها جديات حبيبي امينه نعرفها اكويس من جوا مش راضيه نبيش نعيشها في تعاسه عشان مصلحتي
مجدي...حتكون راضيه ممكن بدايه الزواج صاح حتكون مش متقبلته بعدها اتعود عادي
ابتسام...متلخبطه نبي نفكر في من ولافي من
مجدي...فكري فيك فكري في صحتك امينه انسانه ناضجه واعيه تفهم الصح من الغلط ماتخافيش عليها
ابتسام...باهي كنها معش جتني معناها زعلانه مني
مجدي...جاتك ياروح
ابتسام...لالا اجودي افهمني جت يوم واحد بعدها معش جت
مجدي..توا هذا نمشيلها نقوللها تجيك
ابتسام...تنهدت مع هجوري في العياده
مجدي..حضنها روحي انتي غير قولي نبي وتكون عندك
ابتسام...تشهق
مجدي...شكلك من بدري تبكي
ابتسام...تشهق اممم
مجدي...يشوف لسقف
ابتسام...نبي نرقد بعدت حطت راسها علي المخده وهيا تشهق تشوفلهم
مجدي...حط أملي جنبها بما انا انا وأملي جنبك معش تخافي
ابتسام...خليك معانا
مجدي...نشوف جماعتي ونجيك طول
ابتسام...هزت براسها وصكرت اعيونها
نزل مجدي لوطى قللهم رقدت
قبل الفجر دارو خروج ل هاجر نزلت في حوش عمران مع امينه
امينه...نلقاني نعسانه
هاجر...مستثقلتها طلعتي عندكم
امينه...هبله انتي دار علي حسابك
هاجر...عارفه بس هكي
زينه...يهبل هوا خوه
هاجر...ههههه اها انشالله اديري كيفه
زينه...انشالله يارب
روان...شن سميتوه
هاجر...ايمن قال ل مني سميه
امينه...لاسمي الأسم اللي بخاطرك
هاجر...مافيش اسم في بالي قبل نحسابها بنت قلت نسميها اميره علي وزن امينه والله كم دكتوره قلتلي بنت سبحان الله حتي بعد طلعوه قلولي مبروك الشاب قلتلهم لابنت
البنات....هههههه
امينه...قلتها لنا الممرضه
هاجر...ايمن مُصر انك تسميه قال بكره نمشي نسجله اهو يرن الوو
ايمن...هاعمري شن دايره
هاجر...اكويسه الحمدلله
ايمن..انا مشيت للحوش بكره انجي ناخذك
هاجر...تمام
امينه...لالا خليها عندنا ايمن
ايمن...شن قلتي
هاجر...لابكره تعال توا يجو هلي كلهم عيب انتعبوهم عمران يخسر روحه
ايمن...خلاص شخبار اوليدي
هاجر...اكويس اوليدك شن تبي تسميه
ايمن...سمي انتي مافيش اسم في راسي عبدالسلام سمو عليه مش ضروري نكررو الأسم
هاجر...ولا انا في بالي اسم مش انت قلت مني تسميه
ايمن...اها
هاجر...راجي نفتح السبيكر مش قلت مني تسميه
ايمن...اها سميه انتي يامني
امينه...معناها سميه ادهم علي وزن ايهم
ايمن...وراهو اسمه ادهم
امينه...نجك لي
ايمن...تبو شي
هاجر...سلامتك
#نورهان✍
جا اسبوع فرح امينه مادراتش شي من اللي درنا خواتها جا يوم الفاتحه قروها وجابو سياق كانت رافضه بس خليفه رفض دارو جو ل احمد اصحابه واصحاب مجدي وسام برا كانت امينه منتهيا جوا من البكاء
رفضت تحني ولاتلبس فيلو شرت فستان ابيض بسيط طويل كانت جنبها اسراء واصيله من بدايه الأسبوع مايبن يحسسنها بتأنيب الضمير لكن امينه كانت في حياه اخري مش مع الناس اللي موجوده
يوم الفرح في الصبح
امينه...تلبس في وشاحها
فاطمه...وين ماشيه امي
امينه...توا نجي ماشيه مع ادم مشوار توا نجي
هناء...مسكت يد فاطمه توا تجي
امينه...طالعه
فاطمه...عينك من روحك
امينه...انشالله طلعت ركبت مع ادم
ادم...مبروك
امينه...دارت وجها لروشن يبارك بعمرك وصلني له خنقتها العبره
ادم...معش حكى معاها عرفها تبي تبكي
امينه...توقعت ترفض بعد طلبت من هناء انك توصلني للمقبره
ادم...عليش نرفض انتي معزتك عندي كبيره
امينه...نجك لي مانيش راضيه علي زواجي
ادم...هذا نصيب مني من حقك تزوجي وتعيشي حياتك ايهم الله يرحمه
امينه...تمسح في دموعها الكلام ساهل
ادم...عارف باتي وعمي جبروك لكن هذي هي سنة الحياه مابيدك شي
امينه...تنهدت معش ردت ..
بعد عشر دقايق وقف السياره ادم علي الباب
امينه...ننزلو هنا
ادم...اها ممنوع السياره
امينه..فتحت الباب ونزلت
ادم..يمشي قدامها فتح باب المقبره
امينه...خشت
ادم...يمشي قدامها لعند ماوصل لقبر ايهم اهو قبره انا ماشي ل عبسي طلع من قدامها
امينه...قعمزت علي طرف القبر اتأمل فيه تقرا في الأسم الشاهد زعلان مني صاح هومي عارفه انك زعلان مني لكن مش بيدي شي كلهم ضدي تمنيتك لوعايش وتشوف حالتي وشكلي كيف قعدات منتهيا نفسيا ومعنويا وجسديا انا من جوا دايره عزا مش فرح كيف نبي نتقبله كيف نبي نعيش معاه وانا من وفاتك نلبس في حاجتك عشان نحسك قريب مني كيف نبي نتقبله ياريتك عايش ندفع عمري ونكون بدالك في القبر مش انت هومي تقدر تتأقلم مع الحياه انا ماقدرتش اليوم فرحي مش حاسه بالفرحه كانه يوم كيف كل يوم مجرد تاريخ يتغير ياريت يكون اللي عايشته حلم نوعى منه كان ما جيتك اليوم كنت حنموت من الغصه اللي بقلبي نشوف في نضرات الشفقه قدامي ومش قادره نرفع اعيوني فيهم عمي عمتي اسراء اصيله يبينو انهم فرحانين ليا وهما لا غصه في قلوبهم ايهم ليش طلعت بسرعه ليش اخترت الموت بدال ماتختار تعيش معايا اه ليش نخاف معش نشوفك حتي بحلمي لما نمشيله خايفه من الحياه اللي مشيتلها شن نهايتها انت حاسس بيا انت تسمع فيا انا من جوا كيف الجبل النازل ثقل علي قلبي مشعارفه لمن نشكي ماحد حاسس بيا قتلك اليوم فرحي اطلع قولي انتي تحلمي مستحيل ياخذك حد غيري كيف ماكنت متعوده نسمع منك قولي حنوقف كلشي ونقول مني ليا انا مش لحد انا من جوا موجوعه ايهم حياتي متحكمين فيها ناس غيري حياتي مش ملكي ليا اطلع قولي انتي تحلمي مانكش مجبوره اديري هذا كله وانا قاعد طمني قولي حياتنا وذكرياتنا ماحد يسرقهن منا نحنا لبعضنا طول العمر قولي اي شي
ادم...حط يده علي كتف امينه خلاص مني ادعيله مايجب منك علم
امينه..لاحاسس بيا وفاهم شن نحكي ليش يخليني في وسط المتاهات ليش يمشي ويسيبني ليش
ادم...مسك يدها هيا انتي قلتي نبي نودعه وداع الاخير مش اديري هكي
امينه...رفعت ايديها تقرا في الفاتحه
تشوف للمقبره كيف مليانه مقابر
ادم...رفع ايديه يقرا في الفاتحه
امينه...مسحت علي وجها وهيا تشهق نبي نمشي لعبسي
ادم...اوعديني تقري الفاتحه بس ونطلعو
امينه...هزت براسها
عدو لقبر عبسي قرت سوره الفاتحه وعيونها علي قبر ايهم
ادم...حط يده علي كتفها ويمشي بيها تشوفي في هذوم كلهم كلهم كانو عايشين الدنيا مش متخيلين بيوم انا نهايه الحياه تكون هكي عيشي حياتك اخ مجدي اكويس صاح كنت متمنيك ل ايهم لكن لااعتراض علي حكم الله انا دومي هو دومي معزتك بقلبي مستحيل اتغير حنكون معاك علي تواصل الو نكون عندك ماتنكديش علي روحك هذي فرحه عمرك عيشيها
امينه...تسمع فيه وساكته
ادم...فتح السياره ركب امينه جا ركب طلعو من المقبره طول للحوش
●●●●●
ساعه10:30م
دارو عشاء بسيط حضرو فيه خوالها عمامها وجيران وخواتها فقط جت كوافيره للحوش مكيجتها ودارتلها تسريحه ولبست امينه الفستان وطلعت من الدار ادموعها مش قادره توقفهن
اسراء...حضنتها نجك ليا رغم البساطه الا انك تجنني الف الف مبروك مني
امينه...تشوفلها
اصيله...مش سمحه لالا تهببببببلي طول عمرك مزه
حواء...حضنتها هيا راجلك يرجا فيك بره ربي يهنيك وينور طريقك وين ماكنتي وين ماحتكوني
امينه...حضنتها تبكي بدون صوت
حواء...نهارت بكاء نصيبك مالدنيا انشالله بهناك وراحت بالك
ابتسام...كله مني انا مني مش فرحانه
رزان...بيك بلاك ربي كتبلها هك
ابتسام...لالا مني انا صبت امينه
امينه...تلبس في العبايه
ابتسام... تقدري توقفي كلشي
امينه..تأخر الوقت سلمت علي الكل وطلعت ماسكه في يدها حنان وسعده
احمد..واقف مع مجدي لبس بدله عريس
مجدي...مبروك ياعريس اهي جات العروس
احمد...التفت هيا اوك مش للباب
سعده...حضناته مبروك امي
احمد...الله يبارك فيك
فرح...طلعت شناطيها فم الباب
احمد...مجدي وسام
مجدي...قرب هيا وسام
احمد...مدلهم الشناطي
مجدي...ركبهن في سيارته
وسام...اسمع البكاء جوا
مجدي...بكل ياراجل
احمد...مسك يد امينه مشى بيها لسياره فتح الباب
امينه...ركبت
احمد...شير لشباب اللي واقفين بره عاد ادم وعبسي وحمادي محضروش طلعتها عدو
ابتسام...تبكي كله مني دمرتها
رزان...تمسح في ادموعها ماتحكيش هكي بلعكس تريحنا عليها احمد حيعيشها وينسيها حزنها صدقيني
عايشه...تسكت في حواء خلاص هذا نصيب
حواء...كانت في يوم كنتي ياعويشه
عايشه...الله غالب شوفي الحوش كله كيف منهار علي طلعتها هيا بروحها ماتبيها لادارت فرح لاتطريفه غير السياق جا غصبن عنها ابسط حاجه الكوافيره خلتها تجي لعندها لافرحت لاحنت
اسراء...حرام مني ماتستاهل هكي
ملاك...الله غالب بنات حرام معش تنكدن عليها ربي يهنيها ويسعدها
اميمه...خلاص فطومه
فاطمه...مش راضيه مني علي زواجها شفتي بعينك نخافو نكونو تسببنالها
مريم..ماتحكيش هكي توا تشوفي حياتها كيف حتكون
فاطمه...هديتها ذهب فرحي ماخذاته عمران لبسها اسواره خشت لدار حولتها
مريم...خلوها بس توا اتعود
ابتسام...حي عليا زونه تسببت لها شفتي كيف ماتحكي مع حد
رزان...قتلك احمد حيناسيها ويداوو جروح بعضهم انا بطني ليه بدت ماتخافيش عليها شوفي أملي تبكي
ابتسام...رفعتها جعانه
اسراء...تمسح في ادموعها تنهدت سبحان الله علي النصيب هيا نلمو الحوسه انشالله بهناها وراحت بالها
الكل...اللهم امين
#نورهان✍
وصلو العرسان لشقه وراهم مجدي وسام
احمد...فتح الباب
امينه...خشت رفعت الخيمار
احمد...التفت وراه اربحو
مجدي...هههه بدون ماتقول غير انزلو في شناطي
احمد.. بوركت هيا يانصي
وسام...ههههه اسكت خير مانخليها ادير عشاء
احمد...قالك امشي روح
مجدي...ليلتكم هناء
وسام...غير هيا لاهناء لاهنيه
احمد...هههههه
مجدي..هههههه
احمد....خشش الشناطي جوا وصكر الباب خش لصاله
امينه...حولت العبايه
احمد...مبروك
امينه...علي شنو
احمد...علي زواجنا
امينه... مافيش زواج اصلا انا عايشه معاك مؤقت..........#يتبع
●●
اسفه لوفي لخبطه بالأسماء
#انتظرووووني
في الحلقه التاسعه والأربعون
#نورهان✍
