#جبرني_الوقت
#الحلقه_الثامنه_عشر
بقلمي✍ #نورهان Ñř Ŕóhã
ليس علينا أن نتكلف ..
لنكون الأجمل فنحن بعفويتنا رائعون..🧸
●●
هناء...بنات سكوت اشوي فتحت
المتصل...الوووو
هناء...الوو من امعايا
المتصل....انا فائق اللي امس خبطتي فيا في الجامعه
رزان...واااو وخرت
هناء...اااا اها عرفتك بس من وين جبت رقمي
فائق...صديقتك هاله عطاته ليا
هناء...صبت من الكرسي اها هاله ماقلتها ليا لقت روحها في الحاجر وجها احمر مش عارفه شن اتقول تمام مافهمتش عليش تتصل بيا في شي
فائق...نعتذر منك علي تصرف باتي معاك
هناء...حاطه يدها علي جبهتها التفتت لقت البنات كلهن وراها ههههه
رزان...كملي كملي يومك سمح معاي
فائق...دوم ضحكه السمحه
هناء...عفوا اها لاعادي ماكنتش اتعب روحك الدكتور فاضل دائما هكي فيك اتقول واخذا عليه
فائق...هههه اشوي عصبي ليش ماجيتي اليوم
هناء...ضروف والله
فائق...يعني ح تجي بكرا
هناء...انشالله بكرا جايه
فائق...انتلاقوا
هناء...عليش يعني
فائق...نبي نعتذر منك
هناء...تكفي مكالمتك مش زعلانه اصلا تعبت روحك ع الفاضي والموضوع انسيته اصلا
فائق...جديات
هناء...اها
فائق...خلاص تمام مانبيش انعطلك
هناء...باي
فائق..باي وصكر
هناء...صكرت وشافتلهن
رزان...جتها تجري ياصايعه معطيته الرقم
هناء...تجري والله لا هههههه هاله عطاته له
رزان....تعالي ي ال كذابه
هناء...تجري انطمرت ورا امينه امينه فكيني منها دهشتيني
رزان...وريني تلفونك
هناء...لاا
امينه...هههههه خليها
رزان...جو هذا رزق وجابه المولى مش ع رزان هذا انتي اللي جبتيه
هناء ....هههههههه ينعلي دهشت
ابتسام ....ههههه شن يبي
رزان...اكيد جايبته بعيونها شن يبي يعني
هناء..يعتذر ع تصرف باته معايا
اروي...الله كنتي تحكي عليه رن عليك عليك حب القلوب عند بعضها
رزان...انبصر معاك تعالن انخشو
جوا امغير كيف الأرنب دهشتيني
البنات....هههههههه
خشن كلهن جوا في الدار كل وحده ماسكه تلفونها ولاهيه فيه
ابتسام...صكرت تلفونها شن يعني بدال م نهدرزو كل وحده ماسكه تلفونها جو شين بكل
امينه..صكرت التلفون حطاته جنبها صاح
اروي...شفتلها صدقتي اصلا النت ممل صكراته
رزان....مش فاتحه نت اصلا نقرا في رسائل مش مهمات صكرت تلفونها وشفتلهن باهي يالله الكل يصكر تلفونه
هناء ...بنات كان عايش في كندا
امينه...منو
هناء...فائق
رزان...وانتي تقولي وجه مش وجه ليبي هههههه طلع جاي من كندا
هناء...بس لغته ليبيه ليبيه بس جماله مستحيييل
رزان...كنهم اعويلتنا غير يسلموا
هناء...ماقلت شي انا بس نحكي شوفي خشيت علي صفحته
رزان...اين منهم
هناء...هذا
رزان.. لاكيكه بالشوكولاطه هذا كان غيرك م جيتي مهبوله عليه
البنات...كلهن اجمعن ع تلفون هناء
ابتسام....كيف عطاك ايميله
هناء....لااا خشيت علي ايميل الدكتور
رزان...ماتوحلي كلا انتي
البنات..ههههههه
●●● #نورهااان✍
ثاني يوم وقفين كلنا برا نسلمو علي حني صالحه وعيت خالي بدر
ابتسام...خليهم ياخالي
بدر...والله يابسومة المزرعه فاضيه وانا قاعد بروحي
رزان...وين امينه
زينه...جينا جينا
رزان...كذابه ماشيه معانا
امينه...اهااا
رزان...نجككككك لي بكل بكل
امينه...هههههه زينه فوق راسي نين خذتني
عايشه...منها اتغيري جوك لكي وييين ماجيتي غادي
امينه....بكل امرايفه عليها
حني صالحه....انتو الحقونا غادي
فاطمه...عطينا يومين ونجو
حني صالحه...باهي تمام هيا امينه
طلعو كلهم برا
عايشه...مش ناسيين شي
رزان...سمعاتي انجيبهن ونجي
عايشه...انا راكبه في السياره
رزان...خشت خذت سمعاتها بوساتي بنات انتلاقوا سلمي ع هناء
ابتسام...اكيدد زايطه هناء
رزان...عارفتها ههههه باي
هنيه...باي
رزان..طلعت وقفت عند باب السياره شافت ل وسام اللي واقف برا غمزتله بأبتسامه وركبت
خلاته سرحان مع روحه
امينه...شافت وراها اوبا قاعد برا
رزان...نعلي لبسته تهبل ذؤؤؤق
امينه...ماشي لشغل شكله
رزان...شكله
امينه...معش رن عليك
رزان...تؤتؤ بس اليوم ح يرن هههه
امينه..ههههه تعجبني فيك الثقه تلفونك
رزان...ههههه شوفي
امينه...من السمح
رزان...بصوت واطي وسام
امينه...كذابه
رزان...حق الله شوفي شن داز
امينه...تقرا(معش اديري الحركه اللي درتيها خيرلك)هههه شن درتي ياكلبه
رزان....شي غمزتله بس ردت عليه"((حاضر من اعوينااتي السماح ياسمح))
●● #نورهان✍
فرح...كساد بكل بكل
هنيه...والله لدرجه ماعنديش نيه اندير شي كان يجو يسكنو يلانا
فرح...الله ياريت
ابتسام....ههههه بكل مجرد م نتخيل بس اتخش الفرحه لقلبي
فرح...امتي تطلعي لسوق
ابتسام....علي باتي
فرح...توا نقولوها ل امي
ابتسام...امي
فاطمه...خشت عيطتن
فرح...اها كنك كنتي تبكي
فاطمه...لا تمسح في ادموعها شكلي طرفت عيني
فرح...نجك لي جت حضنتها كسدوك حتي انتي
فاطمه...بطلي ياافريحه
ابتسام...وخري نبي حضن حتي انا
فاطمه...فتحت ايديها حضنتهن كلهن
هنيه...حيحي فات هناء الحضن
ابتسام...هههههه
فاطمه...م نقبلش حد يكون عندي وفجاءة يمشي
ابتسام...تمسح في ادموع فاطمه توا نمشولهم
فاطمه...مايسيرش من مشيتنا ماشيه لعمتكن ربيعه بعدها خلاص تبدي تطلعي اتبتتي
ابتسام...حي وعدناهن
فاطمه...معش فيه وقت مازالن اسابيع وهنا اللي يجن
●●●#نورهان✍
هاله...والله يانونا هوا اللي جبرني نعطيه كر مني التلفون
هناء...ماكنتيش تعطيه
هاله...قالي مش شورك تصرفاته غريبه يانونا مايغركش الجمال
هناء...ليش شن دار اسكتي اهو جا
فائق...صباح الخير
هناء...صباح النور
فائق...ممكن نحكو اشوي
هاله..مسكت يد هناء
هناء...انا مش من البنات اللي يمشن ع جنب عشان يحكن احكي اللي عندك قدام الكليه
فائق...ههههه ماشي ماشي
هناء...تفضل شن تبي
فائق...نبيك
هناء...مافهمتش
فائق...انا ناوي الحلال مالأخر
هناء...ابتسمت وختفت الأبتسامه يعني
فائق..نحكي معاك شهرين ونجيب هلي قلت شهرين عشان اتعرفي عليا ونتعرف عليك اكثر
هناء...شفتله
هاله...تضغط ع يدها
فائق...شاف ل يد هاله وضحك
هناء...انفكر
هاله...سيبت يدها نونا تأخرنا
فائق...شير بيده ع وذنه ويوخر بينا الوو حبي
هناء...تمشي قالي حبي
هاله...تمشي مش متريحه له نونااا
هناء...الراجل ناوي الحلال
هاله....ماشفتيش حركاته وانتي مطبسه ونظراته انا اللي نشوف فيهن
هناء...كنك انتي قالي نحكي معاك شهرين
هاله...الشهرين هذين يبي ايدير فيهن شي متأكده انا فكك منه
هناء...فكت يدها انتي كنك لما تحكي مع الحب ع قولك مادخلتش فيك لانها حياتك الشخصيه احترمتها
هاله...مافهمتش قصدك انا غيره منك
هناء...افهميها كيف مافهمتيها ماتدخليش بحياتي كيف ماانا مش مدخله بحياتك
هاله...لو شفت انا العلاقه هذي ح تم كنت ح تشوفيني اول وحده واقفه معاك نونا عمري م حسدتك ولااستنقصت منك انتي اختي اللي جابتها ليا الدنيا ح نثبتلك انا اللي توا مش اكويس
هناء...مانبيكش تشتغلي المحقق كونان فوتيني مادخلكش مشت وسيبتها
هاله...شافت وراها ل فائق اللي حاط ايديه في اجيوبه ويبتسم شفتله بنظره ع جنب ومشت للمحاضره
●●
فات اسبوع ورا اسبوع لعند ماجا اسبوع الفرح🤤
الكل كان قاعد عيت عمي صالح خلاتي عيت خالي بدر
امينه..شن رايكن في التغليف
رزان...يجننن بعد كمل
امينه....سلم اللي ساعدني
ايه...بيسو ناقصتك حاجه
ابتسام...الدار قدامك مليانه مش ناقصتني حاجه تكفي لمتكن جنبي
فرح...العقبال ل بتاتي
البنات...انشالله يارب
رزان...انتي كان ع عبدالله ياخذك بلا بتات من فرحته بيك
فرح...نجا ليا بكل
اروي...بكرا ماشي بتاتك
ابتسام...اها عشان تفضا الدار
فرح...وحتمشي وتسيبينا
ابتسام.. ايديها علي وجها ييييه ماتذكريني
امينه...بطلن نكد عروستنا ماحد ينكدها عليها جت حضنتها
اروي...كلمك مجدي
ابتسام...كل اشوي يرن
روان...اكيد فرحان
ايه..اكيد
ابتسام....بكل
رزان...وين الدربوكه نبي نوسع علي خاطري
اسراء...هههههه وانا من ضغط الأمتحانات خلاص
زينه....مدتها لها
رزان...ادربك والبنات يصفقن👏👏
اروي...اييييه رافق نااس ايصونو قدرك تقدر بيهم تخبط صدرك
البنات...يعودن وراها ويصفقن👏👏
اصيله...بسم الله اليوم بدينا كمل يامولاي علينا👏👏👏👏
فرح...جينا بين منافع هلنا
في خيرة لبيوت نزلنا 👏👏👏
ايه...مبروك اقسامك مخابن
....والغالي لعندك جابن👏👏👏👏👏👏👏👏👏
رزان....الطير الحر هبط ع الساحل جابك يام اعيون مكاحل👏👏👏👏👏
ابتسام...نجك لي ههههه👏👏👏👏
هناء....شوره بوه عليه امربح
بـ العين السوده يصبح👏👏👏👏👏
رزان...وقفت دربوكه اييييه هذي علي انا
غلاهم دودشته بيدى
تقاوا عظمه رد على
اسراء...ييييييييييييييه حي عليك وعلي ايامك سمحه سمحه وعلي نا 👏👏👏👏👏👏👏👏👏
امينه...هذي لك رزونه هههه
رزان...شن شن
امينه....نحظر فيه عزيز ونرفع
كي أنرايف نقعد م ننفع
رزان....ييييييه علي👏👏👏👏👏👏👏👏👏
بشري....تنظر فيه العين قمرهااا ..
لكن موش لها قاهرهاا
رزان....اياااااااااااااااي 👏👏👏👏👏👏👏👏👏👏👏👏👏
رزان.... يامـا في سبـاه احملنـا ،شمـت فينا حتـي هلنـا .👏👏👏👏👏👏👏👏
اصيله...اييييييييياي اسمعن هذي اااااااي
دفرني بيد وبيد عزق
الي غيره ماكنت انحق
رزان...حي عليك ييييييه يييييه👏👏👏👏👏👏👏👏👏👏👏👏👏👏👏👏👏👏
هناء...رزونه تلفونك
رزان...عزقت الدربوكه السمح يابنات صفقن كملن
البنات...هههههههه👏👏👏👏👏👏👏👏👏👏👏
رزان...الوووو
وسام...صار يامـا في سبـاه احملنـا ،شمـت فينا حتـي هلنـا
رزان...منو
وسام...اطلعي من قدام الهرجه
رزان...دارت كتم صفقن صفقن حي علي ههههههه
البنات...استمرن 👏👏👏👏👏👏
رزان.. خشت لدار عبسي ايوا
وسام...من
رزان...منو وسام
وسام....يامـا في سبـاه احملنـا
رزان...مش انا اللي قلتها هذي اروي
وسام...رزاااااان صوتك انميزه من بين ميه وحده صوووووووتك
رزان...مش انا يالسمح
وسام...كنتي مرتبطه قبلي
رزان...لا انت اول واحد في حياتي
وسام...احلفي
رزان...بشنو
وسام...اني انا اول واحد في حياتك
رزان...لوحلفت معش تسمع صوتي انت عارف مانحبش الحاجات هذين
وسام...ليش غنيتي الاغنيه هذيييييييي
رزان...قتلك مش اناااااا
وسام...تمام رزان تمام
رزان...تمام وسام تمام
وسام...شن لابسه
رزان...شي ربي كما خلقتني شن نبي نكون لابسه سروال امريكي وبلوزه
وسام...لو قدامي نعضك ع كلمتك شن ربي كما خلقتني
رزان...ههههه طبيعي حوش مليان نبي نكون بلا دبش اكيد لابسه
وسام...شن شكله السروال
رزان...امريكي ازرق
وسام..ضابط
رزان...اها
وسام...والبلوزه اقصيره
رزان...حد السروال
وسام...كنتي تسلحيها وخلاص شن ساتره انتي
رزان...يعني
وسام...مش عاجبتني لبستك امشي البسي حاجه طويله
رزان...حاضر
وسام...احلفي تمشي تستري روحك
رزان...شن نستر يالسمح ساتره روحي اصلاااا
وسام...انا راجل غيور لبستك هذا لي انا
رزان...حرك روحك يا الغيور بعد الفرح اتجي تطلب مانبيش نقعد واجد في العلاقه وسترني براحتك
وسام...عطيني اسبوع بعد الفرح اتجي امي تطلبك حتي انا اسابيع يكفن تعرفت عليك فيهن
رزان.. تنهدت ايوااا اكويس عارف
وسام...اول حاجه انديرها انقص السانك الجالط من اول م حكينا من طلعتكم للمزرعه مافيش مكالمه تنتهي بدون عركه
رزان..هههههه مش عاجبتك مازالت ساهله سيبني
وسام...انسيبك عينك
رزان...كبدت يافرخ
وسام...هههه مش عارف ليش ننسجم مع كلامك هذا
رزان...لأنا بدون تصنع ياعمري اللي تجي ع لساني نقولها
وسام...اتحبيني
رزان...بديت
وسام...كيف يعني
رزان...لنا اسابيع بس نحكو مع بعضنا ممكن بعد انتعرفو اكثر انحبك
وسام...وانا من يوم ماشفت اعويناتك ياعوينات الغزال وهنا مافارقني بديت انكبد جديات مش حب عادي
رزان...حبيت قبلي
وسام..حبيت
رزان...شن صار
وسام...يهمك ماضيي
رزان...اكيييد لا بس مانبيش في مستقبلي
وسام...مش حيكون اصلا شالها النصيب ربي يسعدها ويبعدها
رزان...طبست شالها النصيب
وسام..كنك
رزان....لا عاجبتني كلمه شالها النصيب
وسام...انتي مستقبلي وحاضري معاك نبي انعيش اجمل ايام حياتي رزان ماكذبتش عليك بدايه المكلمات قتلك كنت مرتبط حبيت قبلك بس توا يشهد ربي مافي قلبي غير الذكريات وبس اما اني انفكر فيها ولاتجي في بالي لاوالله
رزان...حتي الذكريات مانبيهن
وسام...انتي الوحيده اللي تقدري تمحي كل شي
رزان...كان م قدرتش
وسام...لا تقدري ماشالله بالسانك هذا ماينخاف عليك
رزان...هههههه غير معاك لساني هذا
وسام...لابلكي مع غيري نقتلك نبيه غير معاي حبيبي
رزان...نجك لي
وسام...تمام انا نبي نمشي
رزان...وين
وسام...دزوني ع حاجات نمشي انجيبهن
رزان...عينك من روحك
وسام...قاعده جنبي روحي
رزان...هههه باي
وسام...قبل
رزان...شن
وسام..تعرفي ترقصي
رزان...اكييييد تبيني سوفينار ولافيفي عبدو هههههه
وسام...هههه لا هذي لاهذي نبي رزان انا ترقص ع فرقات ليبيه
رزان...والله نعرف ياسمح نبصر عليك
وسام...انااااا علي قعدت حتي انتخيل فيك وانتي طالقه شعرك وترقصيلي
رزان...هههههه باي
وسام...باي حبي
●●●#نورهان✍
ابتسام...ههههههه عنشكلك
اصليه...والله نحكي جديات يابسومه مجرد مايشوفنا البنات خلاص يذوبن
ابتسام...يهبل ادم
اصيله...مايغركش اللي يهبل هذا مجرد مايقرن حواجبه انسي
ابتسام...ههههههه
امينه...نجك لي دومي قرعتي
اسراء...الايام اللي فاتن امي قالت ل ادم نبي نخطبلك خلاص مش اصغير 32سنه
امينه...صاح صدقت انشالله نفرحو بيه
اسراء...انشالله حقالله بنات اللي معاي طيحات فيه بعد ايجي يأخذنا من الجامعه العيون عليه
اصيله...ههههه اسريوا احكيلها علي امال يوم اللي جا لجامعه
اسراء...حرجها البارد
امينه...شن دار نجكك لي
اسراء...جت تبي تحكي معاه قللها اقلبي وجك وخليك ع قرنت حواجبه قاللنا انا واصيله هههه الفرخه هذي نلقاكن معاها تكملن الطب في الحوش
امينه...هههههههه نجك لي يادومي
هناء...تسمع وسااااااكته
ابتسام...ههههه نجك لي بكل عصبي
اسراء.بكل بكل
فرح...بيسو تلفونك ايرن
ابتسام..من
فرح..وقف بس جاتك رساله
ابتسام...شافت ل رساله( ردي ابتسام نبيك ضروري يوسف.........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_التاسعه_عشر
#نورهان✍
