#جبرني_الوقت⏳
#الحلقه_الثامنه_والعشرون
بقلمي✍ #نورهان
"وسندًا صالحًا يا اللّٰه ، إن اعوجّت الخطوات أقامها".♥️
مجدي...سلح كويشته
ابتسام...حطتهن في الكنداره وفتحت العبايه وتمشي حبيبي ماجبتلي الزينه
مجدي...يشوفلها جبتهن
ابتسام...شافت لصاله يييه حبيبي شن داير
مجدي...كل عام وانتي معايا
ابتسام...حضناته ناسيته انا
مجدي...حاضنها مستحيل ننسا تاريخ
جت فيه روحي
ابتسام...انحبكك انحبكك انحبككك انااا نجك ليا
مجدي...زاد حضنها انموووت فيك موت
ابتسام...ربي يدومك ليا العمر كله حبيبي فرحانه لانك في حياتي ييييه شافت لساس حبيبي انحبك كاتب بالبلونات Happy Birthday Beso
مجدي...هههه نجك لي عجباتك المفاجأه
ابتسام....بعدت عليه وماسكه يده حبيبي امتي لحقت ادير كل هذا انحبك انا اكيد عاجبتني
مجدي...وصلتكن ل المزرعه وجبت التورته حاجز فيها من امس وجيت هنا بديت اندير في كل اللي تشوفي فيه
ابتسام....يييييه ياعمري تهبل فرحااااانه انا وررررد
مجدي...مسك يدها هذا كله لك
ابتسام...حبيبي
مجدي...روحه
ابتسام...كنت انبصر علي الورد
مجدي...انتي وردتي
ابتسام...ماسكه يده وتمشي مش عارفه شن انقولك قلبي يبي يطير من الفرحه تنهدت حبيبي
مجدي...اهم شي يعجبك
ابتسام...مش غير عجبني شن كاتب علي التورته
مجدي...اقري
ابتسام...الفال الميه ياشدوقي هههههه ياقلبي انت انت القلب اللي ينبض في جواجي صدري فاهم
مجدي...محلاه يكون غير هكي
ابتسام...قعمزت تشوف لطوله اللي قدامها ولمبولات القلوب اللي مليات الصاله والشموع شفتله حبيبي انحبك انا والله كنت ناسيته غريبه خواتي ماذكرني ياربي كنا لهيين والله انا ناسيه بكل شن التاريخ اليوم اصلا
مجدي...اهم شي اذكره حبيبك
ابتسام...نجك ليا مجدي...حبيبي في بوكس علي السرير عدي شوفيه علي ماعدلت التيلفزيون
ابتسام...شن فيه
مجدي...توا تعرفي
ابتسام...صبت تمام منها نغير ادبشي
مجدي...تمام سلح جاكته والسوريه قعد في كناتيره يعدل في المنظومه علي التيلفزيون
ابتسام...خشت لدار لقت بوكس علي السرير فتحاته لقت روب احمر ييييه اجودي يهبل امتي لحق يجيبه رفعاته طاح خلخال شفتله شن هذا يييه خلخال نجك لي حولت العبايه نمشي ندوش ونجي نلبس حطت الروب علي السرير وخشت لحمام تدوش..
#نورهان✍
وسام...قوليلي انحبك هيا
رزان...انحبك
وسام...اخري
رزان...انحبككك
وسام...ماسمعتش
رزان....انحبكككك انحبكككك
وسام....عرفتي توا بمن كنتي مرتبطه
رزان...راجل وراجلي نجك لي
وسام...تنهد امي وحنان مش عارفات شن يحكن عليك
رزان...عاجبتهن يعني
وسام...مش غييير
رزان...نجك لي طمنتني
وسام...يكفي انك اختيار وسام
رزان...اناااا علي نااا
وسام...شن اديري
رزان...شي عماتي روحن كساد خواتي رقدن انا مازلت واعيه
وسام...نجك لي نبي نقولك الفرح نبيه بعد رمضان
رزان...لا مش لدرجه انت عارف فرح بنات عمتي بعد رمضان
وسام...شن دخلني انا
رزان..هكي انتقيد
وسام...مش شوري
رزان...حبيبي خليه السنه الجايه
وسام...لاهذي حتي مصطفي الأغا مايحققه لك حلمك عينك شهر وناخذك بعدها نحنا عرب ابوادي مانحبوش الفرح يطول
رزان...حبيبي
وسام...انجي نظرة شرعيه بعدها اندز باتي وعمامي يطايبو ويحددو الفرح
رزان...يعني
وسام...بعد شهر تكوني عندي
رزان...حبيبي فرح بنات عمتي فاطمه
وسام...شن دخلني بيهن
رزان...مانحنا نصبو للبعضنا في المناسبات حبيبي
وسام...معناها انطلع الفرح قبلهن
رزان...مافيش حل معاك بصراحه
وسام...مافيش اها بما انا شقتي واتيه وبشغلي ومُقتدر اندير فرح شن اللي يمنعني انأجل
رزان...تنهدت دير اللي يريحك
وسام...لاحتي اللي يريحك
رزان...مانبيش انلط علينا ومانبيش
وسام...فرح بنات عمتك في نفس الوقت
رزان...اها
وسام....مادخلني بحد انا الفرح في اسبوع العيد خليها في بالك
رزان...اخري
وسام...اها
رزان...تحساب كل شي ساهل البتات والكوافيره يعني انت تجبر فيا نبي نكون اربع وعشرين ساعه طالعه لسوق مانبيش نربك روحي
وسام...الشقه ماتبيش شي
رزان....حتي وكان ضروري مانبتت
وسام...والله عادي
رزان...لافرحتي هذي
وسام...نجك لي براحتك بعد يجو الرجاله اتجيك امي اتجيبلك الفلوس
رزان...وسام
وسام...اقليبه
رزان...متأكد من اختيارك
وسام...شن رايك
رزان.. نسأل فيك
وسام...كان مانبيك اتكوني زوجتي وام اعيالي مادزيتلك امي اليوم يا زازا
رزان...هههه نجك لي
وسام...قوليلي زازا
رزان...روحها ل زازا
وسام...امتي انجي نظره شرعية
رزان...معش ايسير الا في رمضان
وسام...ثاني يوم رمضان شن رايك
رزان....تنهدت براحتك
#نورهان✍
فرح...الووو
عبدالله...وينك اعيوني
فرح...في الحوش بيدا
عبدالله...طالعه طرف اليوم
فرح...ههههه نجك لي ماهدرزت معاك واجد كنت امرايفه عليك حبيبي
عبدالله...هانت توا تملي مني
فرح...مستحيل انمل منك
عبدالله...نجك لي فيش اديري
فرح...ادوشت وكنت انجفف في شعري مع مكالمتك
عبدالله...نجك لي بس نسألك
فرح...نعم
عبدالله...قاعده ناقصه
فرح...عارفه
عبدالله...ليش
فرح...قاعده متسده نيتي علي الوكال
عبدالله...ليش
فرح...والله حبيبي مشعارفه ممكن من التفكير
عبدالله...ماتفكري في شي فكري امتي تكوني مع بيدتك
فرح...مش بيدي بيدا ضغط عليا الايام اللي فاتن كملتها في السوق انروح تاعبه مش قادره ناكل شي مانصدق نرقد
عبدالله...كملتي
فرح...اها خلاص علي التغليف بس مازالت هنيوا تبدا
عبدالله...ماتضغطنش علي عمي عمران عطيها من الحاجات اللي جيبتهن وانتي بعد تقعدي عندي اللي ناقصه انجيبوها مع بعضنا
فرح...نجك لي عزلتلها حاجات من عندي بدون ماتقولي
عبدالله...نجك لي حنونتي
فرح...بيدا
عبدالله...ادللي
فرح...عارف شن خاطري
عبدالله...شن
فرح...نطلع من الكوافيره معاك
عبدالله...هيا اللي ديرها بدون ماتقولي
فرح...لاماعمي ايمن هوا اللي ياخذ فينا دارها ل ابتسام
عبدالله... مادخلنيش انا نرجا في اليوم هذا من كم سنه
فرح...انحبك
عبدالله...نموت فيك موووت
فرح...خطرها حبيبي بكرا ماشيين لحوش حني قعدين اول اربع ايام غادي بعدها انجيبو حني ونجو لحوشنا
عبدالله...تمام ياعمري عينك من روحك والبسي طويل فهمتي
فرح...حاضر
عبدالله...شن لابسه
فرح...روب حد الركبه كت
عبدالله...شن لونه
فرح...وردي ساده فيه لؤلؤ كاتي في النص ومن الظهر
عبدالله...اناااااعلي ناااا جبتي دبش فيه رسوم
فرح...هههه جبت عشانك بس دبس الحوش يعني ارواب اتوت
عبدالله...نجك لي حتي انا جايبلك حاجات اسماح
فرح...شن
عبدالله...بعد تكوني عندي اتشوفيهن
فرح...امباه
عبدالله...خطرها عمي عمران ماقالك شي
فرح...لا حبيبي عليش
عبدالله...ممكن مالحقش اليوم حكيت معاه
فرح...علي شنو حبيبي
عبدالله...نبي جواز السفر متاعك
فرح...ليش
عبدالله...انا بعد رمضان عندي مراجعه لتونس تمشي معايا
فرح...ماقلتهاش ليا
عبدالله...انا اصلا ناسي مراجعتي بكل كلمني حمزه
فرح...ولد خالي ابراهيم
عبدالله....اها حبيبي
فرح...ليش دز عليك شن فيك اتحسي في شي
عبدالله...لا عمري لكن كل سنه ضروري نمشي اندير كورس كامل
فرح...حبيبي ماتخبي عليا شي
عبدالله...والله ياويحا مافيا شي بعد كلمني حمزه قلت بالمره نمشو شهر عسل كنت مقرر حتي قبل مايكلمني كنت نبي تركيا بس الأيام الجايه حنمشو لتركيا جايني شغل غادي سنه
فرح..قصدك نقعدو سنه في تركيا
عبدالله..اها حبيبي
فرح...ينعلي حبيبي والله مانقدر انبعد علي هلي
عبدالله...بين فتره وفتره انجو زياره
فرح...هكي تمام
عبدالله...امتي ماترايفي انجيبك حتي انا امي ويه انرايف عليهن
فرح...نجك لي امباه
عبدالله...ربي يقدرني انلف بيك الدنيا
فرح...نجك ليا انشالله ياكبيدتي
#نورهان✍
امينه...في الحاجر تكتب في الدفتر ودموعها مش قادره تسيطر عليهن
اسراء...رقت من الساس من يييييه كنت نبي نعيطلك
امينه...تمسح في ادموعها شفتلها مش جايني نوم
اسراء...تبكي
امينه...طبست ادموعها ينزلن
اسراء...مني شن فيه
امينه...صكرت الدفتر مافي شي مضايقه
اسراء...عدليلي السلوم نبي ننزل اصيله علي النت كسدت
امينه...صبت قربت السلوم
اسراء...انزلت حظنتها شن فيه
امينه...امرايفه اسريوا
اسراء...ياروحي كلنا رايفنا الله غالب
امينه...بعدت قعمزت علي الكرسي
اسراء...كرت كرسي مسكت يدها ويدها الثانيه تمسح في ادموعها
امينه...امرايفه عليه
اسراء...مسكت الدفتر شن هذا
امينه...الحاجه الوحيده اللي اتريح فيا نكتب في كل حاجه اتسير معايا ل ايهم كأنا مسافر بعد يجي يقرا كل اللي كتبته له في غيابه
اسراء...ياروحي
امينه...تبكي بصوت موجوعه اسريوا قلبي يوجع فيا عمري ماتخيلت انعيش حياتي بدونه
اسراء...تبكي خلاص والله قطعتي قلبي
امينه...شوفي شوفي فتحت الالبوم هذا حرام فيه يموت ياريتني متت انا ولا عشت بلاه
اسراء...بعيد السو ربي كاتب هكي
امينه...شافت لسماء ودموعها ينزلن امرايفه ياربي امرايفه لتوا مش قادره نتخيل اني معش بنشوفه ياربي موجوعه
اسراء...اكيد هوا في مكان اجمل من الدنيا ومافيها
امينه...نبيه في دنيتي ماشبعت منه في دنيتي انا اسريوا حياتي بنيتها معاه ليش يخليني علي ذكراه ويمشي انا مازالت نبيه انا مش هاين عليا للموت مش متخيله كان معايا قبل مايطلع تذكري كان مزعلني ويرضي فيا
اسراء...تمسح في دموعها ههه نجك لي نذكر يسمط عليك عشان ترضي
امينه...مستعده نقعد زعلانه طول عمري لكن مايمشي ويسيبني فقدتا في حياتي حياتي ناقصه بلاه حياتي مافيهاش اي طعمه من بعده خلاص
اسراء...تمسح في ادموعها حتي نحنا فاقدينا حياتنا ناقصه بلاه
امينه...تمسح في ادموعها جاي رمضان الرابع بلاه مقهوره
اسراء...الله غالب نصيبه انا يعيش عمر معين حتي ربي يبيه
امينه...وانا نبيه
اسراء...قولي لا اله الا الله
امينه...تنهدت لا اله الا الله تصدقي انتريح نفسيا بعد انجي لحوش حني كأنا معايا كأنا جنبي يسمع ويشوف فيا بس انا مانشوف فيه ذكرياتنا هنا في كل زاويه في الحوش له ذكره فيه
اصيله...اسراء
اسراء...تمسح في ادموعها في حاجر حني
اصيله...مني معاك
اسراء...اها
اصيله...رقت من السلوم شن كنكن
اسراء...غمزتلها
اصيله...امسكيلي السلوم
اسراء...صبت
اصيله....انزلت ييييه كنكن النت ملل
اسراء...تمسح في ادموعها
اصيله...شن فيه
اسراء...غمزتلها
امينه...نذكر في ايامي مع هومي
اصيله...تنهدت الله يرحمه ويسامحه قهرتنا كلنا ميته لكن نصيب
اسراء...نصيب
امينه...حطت الالبوم علي دفتر انخششهن جوا ونجي
اسراء...تمام عدي ديري نسكافيه اصيله
اصيله...دايره بسبوسه في الحوش اندير ونجي
امينه...فيه نسكافيه جوا
اصيله...لاخلي الكوجينه نظيفه
امينه...عادي
اصيله...رقت من السلوم لالا بس افتحن باب البراني
اسراء...تمام
امينه...خشت جوا تحط في الدفتر والالبوم في الدولاب
#نورهان✍
هنيه...الو
إسلام...كيف حالك شينتي
هنيه...تمام الحمدلله انت كيف حالك
إسلام...تمام الحمدلله روحتو
هنيه...اها من بدري
إسلام...شن اديري
هنيه..كنت نصفح مع مكالمتك
إسلام...شن اسم صفحتك
هنيه...مانقبلش في الرجاله معلسف
إسلام...وانا راجلك
هنيه...هههه نجك ليا توا اندزلك طلب
إسلام...تصكري طول ادزيلي
هنيه...حااااضر
إسلام...زايده سماحه
هنيه...واللهي شكرآ علي المجامله الكذابه
إسلام...هههه والله نحكي جديات
هنيه....نصدقك شن نبي ندير
إسلام...امتي تبدي تطلعي لسوق
هنيه...علي بيسو اكيد في رمضان
إسلام....بعد تطلعي قوليلي
هنيه...ليش
إسلام...نوريك المحلات اللي تمشيلهن
هنيه...ونتلاقو غادي لالا
إسلام...ههههه ياريت
هنيه...لافكني انا نمشي مع مجدي مجدي طبعه واعر
إسلام...عمي عمران تمشي معاه
هنيه...شوف باتي تعبان يكفي بيسو وافريحه حرام
إسلام...شن اندير انا لامجدي لاغيره
هنيه...معناها دور غيري
إسلام..عنجد هذي هنيواااا
هنيه...نعممم
إسلام...مافيش غير مجدي
هنيه...ادم
إسلام...من ادم
هنيه...ولد عمي
إسلام...لالا
هنيه...شن انديرلك نقعد بلا بتات
إسلام...ماتجيبيش حاجات واجد حاجاتك الخاصه تمام
هنيه...لاااا نبي كيفي كيف افريحه
إسلام...جيبي اللي تقدري عليهن اهم شي مجدي فوتيه
هنيه...معناها مع ادم
إسلام...ياعليك ليله
هنيه...مجدي
إسلام....هنيواااا
هنيه...إسلااااام
إسلام...كان يلايا مسكتك من شعرك اسمعي الكلام
هنيه...سامعه ماشيه مع مجدي
إسلام...عدي مع عمك
هنيه...ايمن
إسلام...اها اضمن
هنيه...مانبيش انتعبه
إسلام...مش حتعبيه بعدها انا توا نعطيك محلات تمشيلهن
هنيه...تمام بس رد بالك تكون غادي ايمن توا يفصل عليا
إسلام...هه تمام
هنيه...خلاص تمام نبي نصكر
إسلام...انحبككك باه
هنيه...واللهي
إسلام...حقالله
هنيه....ههههههه
إسلام...هههههه نجك لي
#نورهان✍
ابتسام...تشوف في الروب عليها في المرايه يهبل بس فضيحه هههه اقصير بكل
مشت بخت من العطر دلع العرائس دكنت الروج الأحمر حطت شعرها علي جنب صبت تبي تطلع ردت انسيت الخلخال ردت قعمزت علي الكرسي وخذت الخلخال لبساته وصبت فتحت الباب
مجدي...خذا الريموت طفا التلفزيون شفلها ياروحي
ابتسام...حطت ايديها علي وجها محروجه انا
مجدي...صبا اناااااعلي نااااا من شن محروجه قرب منها وخر شعرها نزله لظهرها الروب طالع صاااروخ عليك مسك يدها يبرم فيها
ابتسام...ههههه عجبك
مجدي...تصمم لك
ابتسام..بس اقصير بكل
مجدي...وهذا المطلوب قرب يبوس فيها في فمها
ابتسام...تبادل فيه بالبوس حبيبي
مجدي...شفلها روحه
ابتسام...ربي مايحرمني منك
مجدي...تنهددد ولامنك بسرعه ماتتقاوميش خلينا نقصو التورته ورايا شغل واجد
ابتسام...ههههه
مجدي...ماسك يدها قعمزي
ابتسام...قعمزت خذت مخده عزقه حطتها علي كرعيها
مجدي...شفلها لاعاد شيليها
ابتسام...حبيبي اقصير بكل
مجدي...خليه اخترته هكي انا
ابتسام...حولت المخده حطتها جنبها
مجدي..ايوااا صبا طفا الضوايه الصاله ولع ضي هادي لونه احمر متاع جبس البوورد وجا جنبها ولع الشموع اللي علي الطوله
ابتسام...يديها علي خدها وتشوفله وتبتسم
مجدي...شفلها ثاني حاجه نبي نولع اللي علي التورته قربي
ابتسام...تلفوني وينه نبي نصور
مجدي...وتنزليها علي النت
ابتسام...اها
مجدي...لا حبيبي الناس ماتريح حد خلي اللحظات الحلوه بيني وبينك بس
ابتسام...حضناته من يده حاضر الا يخربو علينا نموت بعدها
مجدي...بعيد السو علي روحي ولع الشموع تمني شي وطفي
ابتسام...اجودي بعد عشان الطشاش ماتجي علي وجهك
مجدي...بعد طفا طفي الشماعي
ابتسام...صكرت اعيونها تمنت وفتحت اعيونها قرب حبيبي انطفوهن مع بعضنا
مجدي...قرب
طفو الشماعي
مجدي...شفلها الفال الميه ياروح
ابتسام...حضناته وانت معايا حبيبي ماحد تذكر ميلادي الا انت انا بروحي مش متذكرته
مجدي...لاني روحك ممكن في حد نبهم مايذكروك
ابتسام...لاخواتي لا بنات خالي وخلاتي لابنات عمي اليوم ذكرني
مجدي...ماتظلمي حد وخر علي الصالون تعالي
ابتسام...حطت راسها علي صدره حاضنته مشعارفه شن نقولك فرحانه
مجدي...حضنها وفي يده الريموت ولع التيلفزيون
ابتسام...رفعت راسها وشافت ل مجدي حبيبي
مجدي...سمحه من وانتي اصغيره
ابتسام...هههه حضناته من دزهن لك صوري
مجدي...امينه
ابتسام....تشوف لتيلفزيون
يعرض في صورها من وهيا صغيره لعند يوم التطريفه
مجدي...قرب يشوف معاها
ابتسام...مني
مجدي....عمرك مادزيتي صور لك وانتي صغيره
ابتسام...تمسح في ادموعها الصور هذين عند امي وامينه عمري ماخطر في بالي اندزهن لك
مجدي...علي صوت التيلفزيون اسمعي
ابتسام...شن
مجدي...اسمعي
ابتسام...صوري مافيش صوت
ييييه شفتله ويديها علي فمها حبيبي تشوف لتيلفزيون
امينه...مش ناسيتك ياروحي غير نبهنا مجدي ماحد يذكرك يبها مفاجاءة لك العمر كله في طاعه الله والفال الميه خيتي السموحه
هناء...بيسوو هابي بيرث داي ياقلبي كل عيد ميلاد نحتفلولك بيه بس المره هذي ح تحتفلي بيه مع مجدي اكيد حيكون يفرق يارب طول اعيادك وانتي في سعاده وراحه بال
رزان....عزيلتي من الدنيا كل عام وانتي بخير يارب تكون كل اعيادك اسماح بسماحتك حبي
زينه...وكبرت سنه بسومتي ياروحي ماسكه الساني مانقولك ولاندزلك تهنئه عشان ماتخرب مفاجاءة مجدي كل عام وانتي بخير حبيبي
ابتسام...تمسح في ادموعها وتشوف لمجدي
مجدي...حاضنها ويبتسم
روان...حبيبي السمح سنه جميلة بجمالك ياجميلتي كل سنه وانتي بخير العقبال مليووون شمعه
فرح...خيتي وصندوق اسراري اليوم تحتفل بعيد ميلادها مع اللي ختاره قلبها صاح بيعد عنا بس انتي في القلب كل عام وانتي قريبه من قلبي سماحتي بيسوو
ابتسام....تمسح في ادموعها وتشوف لتيلفزون
مجدي..انا نفرح فيك ليش البكاء توا
ابتسام...ادموعي ينزل برواحهن
مجدي...مازال فيه اخري اسمعي بس بدون بكا
ابتسام...تمسح في اعيونها امباه
هنيه...سنه حلوه ياقميل بيسو خيتي وراحتي النفسيه كل عام وانتي معانا اليوم من الصبح نبي نرن عليك بس بعد لقيت رساله من مني ماقدرت اكيد زعلانه منا متذكرينا ياروحي لكن اوامر عليا ههههه يارب الفال لميه بيسو
اروي...كبرت سنه حبيبي السمح يارب الفال الميه خيت روحي هديتك عند مني مش ناسيتك
بشري...ياعمري نا اول مره تحتفلي بعيد عنا كل سنه وانتي بقلبي
ايه...اعيوناتي السمااااح هابي بيرث داي بيسو
ملاك...ياقلبي بسومه الجميله كل سنه وانتي طيبه خيتي الجميله
اصيله...حتي وانتي بعيد عنا احتفلنا امس بعيد ميلادك العمر كله بسومتي
اسراء....كيف اليوم والتاريخ من 93نورتنا احلا بسومه عشان اتنور عائلتنا بطلتها وكبرت سنه حبيبت قلبي العمر كله
ابتسام....تمسح في ادموعها من داره الفيديو
مجدي...طلبت من امينه وهيا اللي دارته
ابتسام....نجكم ليا فرحانه لدرجه ادموعي مش قادره انسيطر عليهن صوت امي
مجدي...هههه
فاطمه...كل عام وانتي بخير ابنيتي السمحه
ابتسام...حبيبتي
عمران...شن نقول ياامينه
ابتسام....باتي هههههه
مجدي...هههههه طالعه بالغلط البصمه
عمران..عيد ميلاد سعيد بسومه هيا تسمع فيا باهي كل سنه وانتي بخير ياباتي
ابتسام...شافت ل مجدي حضناته انحبكم والله
مجدي...ونحنا انحبوك عجباتك المفاجاءة
ابتسام...تنحط علي رف الايام الجميلة في قلبي
مجدي...يارب اعوامك كلهن معايا بخير وسعاده وراحه
ابتسام...بما انك معايا اكيد حيكونن بخير وسعاده وراحه بال
مجدي...نسينا انقصو التورته
ابتسام...احكيلي كيف دزاته لك
مجدي...كلمتها امس قلتلها نبي صور ل ابتسام ودزيلي بصمات صوت لهلك بس بشرط ماحد يذكرها بعيد ميلادها تعبتها معايا قلتلي ماعليك يجيك فيديو واتي صورها بصوتنا دزاته ليا علي الواتس وعلقت وصله من تلفون لتيلفزيون مانبي فرحتك ناقصه وهم بعيد عنك
ابتسام....لاهكي واجد حضناته ربي مايحرمني منك ولامنهم
مجدي...ولامنك يحرمني
ابتسام...باسته بوسه طوووويله في فمه
مجدي...صكر اعيونه لاهكي واجد ياروحي بروحي ماسك روحي من بدري
ابتسام...بعدت ابتسمت اعيونها في العيونه
مجدي...فتح اعيونه رد باسها بوسه طوووويله بعد يشوفلها
ابتسام...اي حبيبي شن قتلك علي العضه انا
مجدي...من حبك مانقدرش انقاومك
ابتسام...ابتسمت مفتري قاعد
مجدي...فيك اكيد حنكون مفتري مسك الموس مده ل ابتسام
ابتسام...هئه حطت يدها علي يد مجدي معاك انقصها
مجدي...نزل الموس علي التورته قصها
ابتسام...تشوفله انحبك انا
مجدي...وانا نموت فيك خذا من التورته بالفْركيته يبي يوكلها
ابتسام...بعدت لالا تاكلها معايا
مجدي...كيف
ابتسام...قربت الفْركيته من فمه وقربت نكلوها مع بعضنا خذت منها وهيا تشوفله
مجدي...حول الفْركيته يبوس فيها
ابتسام...اممم حبيبي
مجدي...رفعها حبيبك فقد
ابتسام...ماسكه في ارقبته وتبوس فيه
مجدي...خش لدار رافع ابتسام ويبوس فيها حطها علي السرير..........#مشفر
#نورهان✍
اصيله...شن رايكن فيها
امينه...اعيونها منتفخات من البكا تهبل
اسراء...صحه تبدعي فيها اصوله
اصيله...صحه
ايمن...فتح البلكوني لابس كناتيره يدخن شاف لوطا
امينه اصيله اسراء...شافن للبلكوني
ايمن...خونه هذي
امينه...هههه هاجر واعيه
ايمن...لا راقده
امينه...تعال كسد معانا
ايمن...ليش ماقلتي دايره بسبوسه يامشتشته عارفه عشقي
امينه...مش انا اصوله
ايمن...نلبس وننزل سخنن قهوه
هاجر...معاه بنات
ايمن...شاف جنبه وعيتي
هاجر...اها
امينه...انزلو
هاجر...جو يهبل
امينه...اها
هاجر..هيا توا ننزل هيا حبيبي
ايمن...هيا
امينه...نمشي اندير قهوه
اصيله...خليك
امينه...لاخليك انا مصبيه اصلا
ايمن...نزل خونه هذي اصيله
اصيله...والله ياايمن درتها بعد العشاء ونسيتها
ايمن...خبطها علي راسها متقوليش عمي اندزله
اصيله...هههههه
هاجر...اممممم اصوله تهبل حرام عليك علميني عليها
اصيله...حاضر حتي بعد علمتك مايسير منك شي
اسراء...اين احسن ايمن من دياتي ولا دياتها
ايمن...لاثنين والله ماشاءالله
اصيله...صحه
اسراء...صحه
ايمن...علي قلبك هيا امينه
امينه...جيت جيت اهي القهوه هجوري نسكافيه
هاجر..شفتلها اها شافت ل اصيله غمزتلها بمعنا شن فيه
اصيله..صكرت اعيونها
هاجر...فهمت شافت ل امينه بخيبه
ايمن...شفتي بنات خوتي
هاجر...ههههه ماشاءالله طلعني باير
ايمن...ههههه
اصيله...هههه حشاك توا انا الحلويات ماشاءالله في ايديا لكن طعام لا
اسراء...عادي هجوري مع الوقت تتعلمي
هاجر...انشالله
ايمن...كان ماتعلمي نزوج
هاجر...خبطاته علي كتفه امشي
البنات...هههههه
ايمن...ههههه وها ماتعرفيش ادير حتي بسبوسه انجيب وحده اطيبلي الحاجات اللي نحبهن
هاجر....لااا ماديرها
ايمن...كان ماتعلمتي انديرها
هاجر....جرب
ايمن...شن اديري
هاجر....شفتله ببرائه شي
ايمن...انشالله ماتعلمتي والله مانبدل اعويناتي
البنات.....هههههههه
امينه...مستحيل ايبدلك كان ماخذاك انجن
ايمن...شفتي كان مااخذيتك انجنيت اطمني
هاجر...نجك لي اكبيدتك وام اعيالك عارفه مستحيل اتبدلني
ايمن...اناااعلي ناا نجك نجك
البنات...يشوفن فيهم ويشوفن ل بعضهن هههههه
ايمن...فكني من الحسده بس
البنات...ههههههه
هاجر...حرام عليك
ايمن...من عند نظراتهن
هاجر...حبيبي من يبي يتصل بيك توا
ايمن..والله ماني عارف رقم غريب
هاجر...من
ايمن..اشوي فتح ايوااا
امينه...ماسكه الفنجان تشرب
اصيله...بكرا جايين هلك
امينه...امممم اها في لصبح
اصيله...احلا جو انا نلتمو اول ايام مع بعضنا
امينه...اكيد
اسراء...تنقصنا بيسو
امينه...اول رمضان مع راجلها عاد
هاجر...تذكرن اول رمضان معاكم ههههه
امينه...اها هههههه حايسه وخايفه
هاجر...بكل
ايمن...تمام تمام اوكي صكر اصيله
اصيله...نعم
ايمن...الشباب قعدين
اصيله...حمادي وعبسي قعدين
ايمن...ادم
اصيله...لالامش قاعد
امينه..حطت الفنجان شن فيه
ايمن...لا انا طالع
امينه...صبت شن فيه
ايمن...مافيه شي طالع نلعب في كارطه مع الشباب
هاجر...في الوقت هذا
ايمن...اها
امينه...ليش سألت علي دومي
ايمن...كنكن ركبت علي اروحكن عادي سؤال عادي
امينه...وراس ايهم ومنونه شن فيه
ايمن...واحد لاقي تلفون ادم في كافي ماشي ناخذ فيه
هاجر...عينك من روحك
ايمن...انشالله مانطولش اقريب الكافي
امينه...باهي عينك من روحك
اصيله...ديما ينسا فيه
امينه...حقالله قلبي وقف خفت تكون سايره حاجه
ايمن...طالع
هاجر...في حفظ الرحمان
#نورهان✍
إسلام...عبادي
عبدالله....هممم
إسلام...جوك مش عاجبني
عبدالله...لاعادي مافي شي
إسلام...متأكد
عبدالله...انفكر
إسلام...في شنو
عبدالله...مانبيش نظلم فرح ومانبيش انسيبها
إسلام...علي شنو
عبدالله...علي العيال
إسلام...هذا نصيب
عبدالله..نحرمها طول العمر ياراجل من انها تكون ام
إسلام...ربك كاتب هكي
عبدالله...ماتستاهلش فرح
إسلام....علي اساس انت تستاهل اكيد فيها خيره
عبدالله...خايف اتسيبني
إسلام...مستحيل فرح هذي
عبدالله...بعد اسبوع الفرح ماشي لتونس ومن تونس لتركيا
إسلام...عدي وعيش حياتك
عبدالله...مانبيهاش اتمل مني
إسلام...خليك وفي معاها مستحيل اتمل
عبدالله...معاها وفي طول العمر
إسلام....تستاهلو كل خير عبادي انت وفرح
عبدالله...من كثر التفكير راسي يبي ينفجر
إسلام...ماتفكر في شي ربي ايسر كل امورك علي خير
عبدالله...يارب تصبح علي خير
إسلام...وانت بخير
#نورهان✍
ابتسام..علي صدر مجدي
مجدي...خذيتي دواك ياروح
ابتسام....اممم
مجدي..نعسانه
ابتسام...اممم
مجدي...بكرا وتي روحك تمشي لدكتوره
ابتسام...علي شنو
مجدي...مش تبي اعيال مني
ابتسام...شفتله تحكي جديات
مجدي...اها
ابتسام....يييه نجك لي اكيد نبي منك اعيال
مجدي...نبي بنت
ابتسام....ليش
مجدي...نبيها نسختك
ابتسام...وانا نبي اوليد يكون نسختك في كل شي حتي عطره عطرك شعره شعرك اللي يشوفه يقولي نسخه مجدي يييه حبيبي تخيلته
مجدي...ههههه نجك لي حضنها
ابتسام...انا اسعد وحده في الدنيا كلها اللي حبيتك واخذيتك
مجدي...خطرها جيبلك هديه
ابتسام...انت هديتي
مجدي...علي اساس نعطيها لك بعد تقصي التورته لكن
ابتسام...القيت روحي في الدار زايط فيا
مجدي...هههه
ابتسام...هههه شن هيا
مجدي...نعطيها لك في الصبح
ابتسام...قربت بساته علي رقبته مانبيش هدايه تكون جنبي هذي اكبر هديه نفرح بيها
مجدي...مايسيرش شي
ابتسام...كيف
مجدي...جا فوقها
ابتسام...يعني
مجدي...يعني بدا يبوس فيها ماتتقاوميش .........#مشفر
#نورهان✍
امينه...تبرم في الحاجر
اصيله...والله دوختيني اكيد مش ساير شي
امينه...ليش طول
هاجر...مايردش
امينه...ياربي
اسراء...اهو صوت الباب شكله جا
امينه...برمت من الحاجر
اسراء...صبت وراها
امينه...دومي
ايمن...مازالتي واعيه
امينه...جت حضناته وين كنت
ايمن...ماقتلك مافي شي
ادم...شن فيه
امينه...خوفتني عليك بكل
ادم...اكويس مافيا شي
اسراء...ادم
ادم...حتي انتي هنا
ايمن...القيته برا
ادم...مافيا شي
امينه...مفروض بعد ال12معش تطلع
ادم....هههههه امباه ياامي
ايمن...هههههه اسمع الكلام
امينه...نحكي جديات انا من بعد موت ايهم معش نقبل الطلوع في الليل
ادم...ناده عمره ايهم ربي كاتبله يموت هكي الله يرحمه
امينه...الله يرحمه
ايمن...تنهد الله يرحمه هاجر فوق
امينه...بعدت من ادم لاقاعده
ايمن...هاجر
هاجر...صبت جو نعم
ايمن...هيا فوق
هاجر...ليش طولت كيف حالك دومي
ادم...الحمدلله شخبار منونه
هاجر...في سابع حلامه نرقا نجهزلها الرضاعه موعد وعيتها
ايمن...تصبحو علي خير
الكل...وانت من اهله
هاجر...شيرت بيدها انتلاقوا بكرا
امينه...انشالله
ايمن...هيا
هاجر...جييييت تصبحو علي خير
الكل...وانتي بخير
ادم...حتي انا نعسان هيا
اسراء...توا نرقا من الساس
ادم...هالقرده هذي
امينه....هههههه
ادم...هههه واللهي اصيله وين
امينه...معانا
اسراء...خش من الحوش تلقانا قدامك
ادم...تصبحي علي خير مني
امينه...وانت من اهله
عدت اسراء واصيله من الساس انزلن
امينه...صكرت البيبان وخشت ارقدت
#نورهان✍
يوم جديد الكل شمسه عاليه تحديدا ساعه11:12 ص
عمران...هيا
فاطمه...هيا هيا بنات
فرح...جيت
عمران...اركبن في السياره
هنيه...كنك نونا
هناء...الدوره موعدها ليه تقطع فيا
هنيه...ييييه امتي
هناء...من الصبح
هنيه...مش ح تصيمي معانا
هناء...اكيد اول ايام
فرح...كنكن
هنيه...بطنها موعد الدوره
فرح...ينعلي تعالن اركبن
عمران...يصكر في الباب وجا لسياره يالله
فاطمه....امتي تذبحو
عمران...اليوم بكرا اكيد ايمن يقعد راقد
فاطمه...باهي جبتهن
عمران...نحطكم ونجيبهن
فاطمه....باهي تمام
#نورهان✍
ابتسام....واعيه من ثمانه ادوشت وبدت تنظم ف الحوش وعلقت زينه رمضان وفاتحه علي قناه السعوديه علي قران
تشوف لشقه كيف تغيرت بعد علقت الزينه وغيرت من الديكور مشت للكوجينه ولعت علي فحم
مجدي...وعي شاف جنبه مالقاش ابتسام شاف تلفونها قرب من الكوميدينا خذاه ليا ايام ماشفت الرسائل ازعما تفتحي فيهن ياابتسام
شاف للباب وفتح التلفون وطول ل رسائل لقا رساله امس دازها ساعه12:00
مجدي...هه بالتوقيت اخرا يقرا((من قالك العمر بلاك يرُوق
ومن قالك يهدا بلاك الخاطر
ومن قالك شُوقي لِغيرك شوق
ومن قالك مانك علينا خاطر
العمر كله بسبوستي ))
مجدي..عزق التلفون جنبه بسبوست عينك ياطوووط حول الورغان يلبس في الدبش
ابتسام...حطت الفاصوخ علي الفحم ومشت لصاله
مجدي...ابتسام
ابتسام...حطت المبخره علي طوله الأكل نعم جاته بالأبتسامه صباحو حبيبي قربت تبي تحضنه
مجدي...صباح النور فتح باب الحمام ديريلي قهوه
ابتسام...اختفت الأبتسامه شافتله حاضر
مجدي...صكر باب الحمام
ابتسام....تنهدت راقيتله انهوي الدار قبل خشت لدار فتحت الروشن وبدت اتنظم في السرير وترفع في الدبش حطت يدها علي راسها فطرت وخذيت الدواء ليش هكي تصكر في اعيونها وتفتح اختفت الدوخه ايوا كملت باقي الحوسه ممكن لأني واعيه بدري ولا موعد الدوره اكيد
تنهدت اجودي جوه خارب ليش ماحضني
مجدي...فتح الباب ابتسام
ابتسام...نعمم
مجدي...طلعيلي دبش عندي شغل
ابتسام...حاضر حطت الدبش في السله وتشوف لدار مشت لدولاب طلعت سروال امريكي ازرق وسوريه سوده شن انطلعله طلعت جاكه امريكه زرقه لالا نرد السوريه السوده وناخذ البيضاء ردت نفس الدوخه مسكت في باب الدولاب شن هذا اعيوني نين يضببن تصكر وتفتح في عيونها
مجدي...طلع من الحمام لابس ديجمبر خش لدار طلعتي الدبش
ابتسام...امطبسه تسمع في صوته كأنا صدا صوته بعيييد
مجدي..نحكي انااا
ابتسام...هزت براسها اها
مجدي...هاتي
ابتسام...شفتله مدتهن له
مجدي...وين الملابس الداخ
ابتسام...قطعاته اهن
مجدي...درتي القهوه
ابتسام...لامازال
مجدي...فيش اتراجي
ابتسام...كنك حبيبي كنت انظم في الدار
مجدي...ديريها ساده
ابتسام...حاضر طلعت من الدار
مجدي...بدا يلبس عن طوووط ياسينا يوسف
ابتسام...طلعت اصغر بكرج حطت اميه ونص كاشيك سكر وربع كاشيك قهوه تحرك فيهن حطاته علي النار مشت توتي في سفره فيها اميه وحلويات
مجدي...يجلجل في شعره بخ عطر لبس الساعه خذا تلفونه حطه في جيبه وطلع من الدار طول للكوجينه وين القهوه
ابتسام...هيا حبيبي انصبها في الفنجان قعمز
مجدي...لالا مستعجل
ابتسام...حطت الفنجان في السفره ومدتها له خوذ حاجه حلوه
مجدي...مانبيش
ابتسام...حطت السفره ع الطوله وابتسمت تشوف فيه
مجدي...شرب من القهوه شن قتلك انا
ابتسام...كنك حبيبي شن
مجدي...عزق الفنجان في الوندينا
ابتسام...وخرت تشوفله كنها
مجدي...قتلك سااااااده ليش اديري فيها حلوه
ابتسام...خنقتها العبره تشوفله معش ردت عليه
مجدي..ساده ساده عليش السكر
ابتسام...اسفانه
مجدي...لااسفانه لانم وخري من قدام وجهي طلع من الكوجينه
ابتسام...حاولت ماتبكي بس مجرد ماسمعت الباب بعد اصكر بالقوه ادموعها ينزلن سخنات شن درتله بعدها مش حلوه لدرجه تمسح في ادموعها وتلم في الفنجان غسلت ايديها نمشي نولع ع الدبش ونظم الحمام
#نورهان✍
امينه....فاتحه رواشن الحوش كلهن ومهيئه الحوش لعمامها وهلها
حني امينه....افتحي باب البراني تلفنلي باتك قال اقريب منكم
امينه...صاح تمام
حني امينه...اهم جو
امينه...هيا هيا مشت تفتح في الباب
فاطمه....تسلم عليها وعيين
امينه...من بدري
فاطمه...من عندكم
امينه...انا وحني مازالو ماجو عمامي
هناء...حضنت امينه امرايفهه عليك
امينه..حتي انا
تحضن في خواتها باتي وين
فاطمه...كلمه صاحبه عشان الحواله
امينه...اها تعالن
هناء...لا الليه بدت تقوا
هنيه...توا انديرلك كمون جبتي معاك حاجاتك
هناء...اها
خشن البنات جوا يسلمن علي حني امينه
حني امينه...وين عمران
فاطمه...مشا يجيب في الحواله
حني امينه....باهي شخباركم
فاطمه...الله يسلمك
حني امينه...مبروك ماديرو
فاطمه...ايبارك فيك
امينه...شخبارها رزان
فاطمه....اكويسه الحمدلله
حني امينه...شخبار صالحه
فاطمه...لاالحمدلله سيبت بدر ماسكها
حني امينه...باهي والله
فاطمه...شخبار ربيعه
حني امينه...اكويسه الحمدلله متعبها الضغط
فاطمه...انشالله اتحل اعيونها علي خير
حني امينه...يالله
#نورهان✍
اروي...رزان
رزان....همممم
اروي...معناها الفرح مع فرح البنات
رزان...مازالت انحايل عليه مستحيل نبي نحضر الفرح انا
اروي...خلاص قعدتن تمشن ورا بعضكن معش انتلاقوا كيف زمان
رزان...مستحيل انا لعندكن ونخرب كل شي اكيد بيسو وافريحه وهنيوا نفس الشي بين فتره وفتره انتلاقوا مع بعضنا
زينه...تخيلي ماديرن هكي
رزان...مستحيل انا من عندي غيركن
زينه....نجك لي
روان...فرحانه لأنك واخيرا حتستقري وتعيشي مع اللي يستاهلك
رزان...بس
اروي...مافيش بس
رزان...انا مانبيش نظلم وسام معايا نبي نمشي ل وسام نكون سعد ماسحته من قلبي وعقلي
زينه...لو انا في مكانك من اول مابدلني مسحته من قلبي وعقلي لأني انا نستاهل الخير منه
رزان...مستحيل تقدري
زينه...لانقدر
رزان...ماتقدريش والدليل انك مازالتي تخشي كل يوم علي صفحة
محمد
زينه...كافضول
رزان...لاحب لانك مش قادره تنسيه
زينه...غير مالقيتش البديل لونلقي حتي اسم صفحته ماعاد نذكره
رزان...كان قدرتي بذات بعد تذكري العشره وتذكري الكلام السمح اللي بينكم وكيف بنيتي حياتك معاه تذكري لما تزعلو كيف تترضو بعد تغيبي عنه لهفه اللي في صوته كيف تكون تعودي لنقطه الأولي اللي هوا قلبك مش قادر يطلعه مستوطن فيه
زينه....خلاص رزونه بالله عليك نبي نرقد
رزان...معش تقولي كلام مش قده
زينه...دارت وجها لجيه الساس وصكرت اعيونها ماتبيش تبكي معش حكت ولا كلمه
اروي...شافت ل رزان بمعني اسكتي
رزان...شن انديرلك اللي تحس بيه انحس بيه اضعاف شقتي ساكنتها مراه غيري حبيبي راقده معاه هيا مش انا حبيبي اللي تخيلت حياتي معاه هيا تعيش في حياتي فيه ظلم بعد هكي لا مافيش حتي العيال اللي مفروض يكونو مني هيا اللي حتجيبهم مش انا اقل شي زينه مازال قاعد لاخطب لا ازوج يعني مرات يعتذر منها ويردو علي بعضهم وهيا اللي تكون مراته باهي وانا
اروي...انتي عندك وسام طلعي سعد من حياتك وسام مايستاهل هكي
رزان...ادموعها ينزلن ماقدرتش ماقدرتش عارفه نغزت القلب بعد نشوف رقمه يرن عليا عندي بالدنيا
اروي....رزونه ليش ماغيرتي رقمك
رزان...مش هاين عليا
اروي...لايهون
رزان....بعدها وسام يومتها عزقها ليا بضحكه
اروي...شن
رزان...قال البنات بعد يقرب فرحهن يكسرن شفراتهن
اروي...جديات قالها لك
رزان...اها انا نبي انوريه اني انا مش كيف البنات كيف مايقولو اللي خالق الراس قاطعه مش خايفه
اروي...بس سعد ح يسبب مشاكل لكي
رزان...بعد يطلع فرحي مستحيل يخرب عليا فيه ميزه اكويسه
اروي...شن عرفك عنجد الثقهه اللي عندك
رزان...ضامنته وانا في الكوافيره اندزله رساله مستحيل عاد يخرب عليا في يوم
اروي...معش تثقي
رزان...عدلت مخدتها طفي الطفي نبي نررررقد حتي انا غطت وجها دموعها ينزلن سخنات ليش انا ياربي
اروي.....خلاص ظهر
رزان...مش شورك
اروي...طفت الضي وطلعت
روان...راجيني نطلع معاك
اروي...صكرت الباب
رزان...حولت الغطا من وجها زينه
زينه...هممم
رزان...رقدتي
زينه...لا
رزان....مش صعبه
زينه....شن
رزان...انك تنسي
زينه...الوقت ينسي
رزان...ليش مانسيتي انتي
زينه...قتلك مالقيتش البديل
رزان...ولا انا
زينه...ليش ترتبطي ب وسام
رزان....عشان ارهان
زينه...تقعدت شفتلها بس هك تجرحي وسام
رزان....مش حنخليه يحس
زينه...كيف ترقدي معاه وانتي قلبك مع غيرة
رزان...شن اندير
زينه....وسام مايستاهلش
رزان...نمشي لحوش حني خير
زينه...نمشي معاك ماله نبي حاجه نلهي روحي بيها
رزان...هيا
#نورهان✍
ابتسام...اتنشر في الدبش ردت الدوخه اوووف شن يعني خذت السله وخشت حطتها في الحمام
نمشي نرقد اشوي علي ماجا مجدي انتغدو
خشت في الدار عمرها ماصرتلي اعيوني يضببن ودوخه بسرعه انريح راسي اشوي بلكي اتحول صكرت اعيونها وراحت بالنوم
#نورهان✍
مجدي...امي
سعده...ياربي مرحبا
مجدي...وين حنان
سعده...في دارها تغديت
مجدي...لا
سعده...نمشي نحطلك
مجدي....نمشي معاك الكوجينه نبي قهوه مانبيش ناكل
سعده....بسومه وينها
مجدي...في الشقه
سعده...جيبها باتك ذابح اليوم
مجدي...انشالله
سعده...دايره كسكسو
مجدي...مانبيش نبي قهوه
سعده...سايره معاك حاجه
مجدي...لا
سعده...كيف اللي راقيتلك
مجدي...لاماليا شي واعي
سعده...مدتله القهوه
مجدي...خذا الفنجان وطلع من باب الكوجينه وراه سعده
وسام....او نصي عندنا
مجدي...شافله علي جنب
وسام....لا راقيله رسمي
مجدي...فوتني
وسام...خذا فنجان قهوه وطلع وراه
سعده...وين كنت
وسام...كنت انحقق
سعده...مش عطله عندك
وسام....دزو عليا
سعده...باهي عينك من روحك
وسام...انشالله غمز ل امي بمعنا كنه
سعده...شفتله بمعنا مشعارفه
مجدي...انا ماشي تبو شي
سعده...خليك تغدا معانا
مجدي...لا صحه
وسام...بدري
مجدي...من عمرك
سعده...راجي نعطيك غداء ل ابتسام
مجدي...لادايره امي خليه خطرها باتي وين
سعده...متغدي عند عمتك اليوم فاتحة سميره
مجدي...تربح
وسام...ههههههه
مجدي...هههه واللهي
سعده...عيب وسام
وسام...والله ماقلت شي
مجدي...امسك اشوي
وسام...مسك الفنجان
مجدي...اغسله اوكي امي
وسام...منور
مجدي...هه نورك عاكس
سعده...تربح وكيف ماقتلك جيب بسومه
مجدي...انشالله طلع
وسام...ليش
سعده...باتك ذابح اليوم
وسام...اها ماشالله
#نورهان✍
امينه...ينعلي امس ننفجع فجعه
فرح...ليش
اصيله.. ياحنه ايمن جاه تلفون..........
هناء...وينه توا
امينه...شفتلها لاقاعد
هناء...مسكت بطنها
امينه...كنك
هناء...الدوره
امينه...جاتك
هناء...مالها شي لكن ليه تقطع فيا
امينه...عدي تريحي
هناء...هنيوا جبتيلي توتي السوده
هنيه...اها
اصيله...ينعلي نعطيك بروفين
هناء...لالا نمشي نغير ادبشي نلبس توته ونرقد اشوي واعيه بدري
اسراء...انديرلك كمون
هناء...بعد نوعا
اسراء...ينعلي خلاص عدي تريحي
هناء...خشت
هاجر....بنات
البنات....شافن للبلكوني
هاجر...وحده منكن ترقالي اندير في بسبوسه بالقشطه نخاف ماتطلعش معايا سمحه
اسراء...تعالي لوطا
هاجر...لااسريوا خلي الطعام يفوح في شقتي
اسراء....هههههه خلاص هيا تمشي اصيله
اصيله...والله تعبانه عدي انتي
هاجر...هيا
اسراء...توا انجيك
هاجر...هيا
اسراء....صبت شمس ماتفوتش والله
امينه....حظك
هنيه....تغطيه النت ضعيفه
اصيله...اربطي علي جهازنا
هنيه....مايجبدش
اصيله...لاكيف هاتي
هنيه...مدتلها التلفون
اصبله...فتحت الواي فاي اهي تغطيه
هنيه...اربطيلي
اصيله...تكتب في البوسوورد ربطتلها مداته لها
هنيه...فتح
اصيله...اها
هنيه...نجك لي
امينه...شن انديرو بنات
اصيله...بصراحه امرررايفه علي ابتسام السنه اللي فاتت كيف اليوم كانت معانا
امينه...امس عيد ميلادها معش رنيت عليها نتصل بيها مقفل
اصيله...اكيد حتجي اليوم
امينه...اكيد
#نورهان✍
مجدي...خش للشقه وطبق الباب عزق المفاتيح علي الكنداره
خش لصاله يدور في ابتسام بعيونه مافيش صوت غير صوت التلفزيون علي القران الشقه بنة الفاصوخ فايحه يشوف لزينه رمضان اللي شاعله كلها شاف للكوجينه لقي الطاوله منظمه السلاطات ومغطيتهن والطنجره علي الغاز مازالت ماتغدت لتوا معقوله طلع يعيطلها ابتسام ابتسااااام كنها ماترد شن جو العناد هذا دف الباب الدار بكراعه ابتسام........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_التاسعه_والعشروون
#نورهان✍
