#جبرني_الوقت⏳
#الحلقه_السادسه_والعشرون
بقلمي✍ #نورهان
كذا وريني؟
= منهو اللي كيفك ملاها عيني ياروح روحي ولهفتي وحنيني..🫀
مجدي...لف ايديه لاثنين عليها يشم في عطرها صكر اعيونه وضغط علي ظهرها بكل قوته
ابتسام...فتحت اعيونها اااي حبيبي كسرتني كنك
مجدي...فتح اعيونه خفف ايديه ياروح العطر هذا انسيه بكل معش اتبخي منه
ابتسام...شفتله كنك حبيبي مش سمحه بنته
مجدي...لااا بس نبيك اتغيريه
ابتسام...عطري المفضل
مجدي...غيريه
ابتسام...حبيبي انت اتحبه من ايام العلاقه تقولي عطرك جنني
مجدي...وتوا معششش نبيه خلاص مخنوق منه افهمي
ابتسام...حاضر توا انغيره بعدت منه وحولت الورغان
مجدي...وين ماشيه
ابتسام....ابتسمت عطشانه ياعمري
مجدي...خليك توا انجيبلك
ابتسام...لاخليك طلعت من الدار مخنووووقه
مجدي....تقعد وانسند ع السرير اوووووف اوووووف شن درت ايديه علي راسه اووووف
ابتسام...كرت كرسي من طوله الكوجينه وقعمزت يدها علي خدها اتفكر مسكت من شعرها اتشم فيه بنته سمحه ليش دار هكي شكله كلام سميره بدا يطلع شن اندير عطري المفضل خذيت عليه بس مش سبب من العشيه وهوا قالب عليا اوووف ياربي مانبي ننحط في متاهات هكي نزلت يدها حطتهن علي بعضهن ونزلت راسها تفكيرها مشووش
●●●●#نورهان✍
رزان...عالقه سمعات وفاتحه نت في سريرها
اروي...متكيه علي جنبها رزان
زينه...عالقه سمعات
روان...عزقت فيها المخده
رزان...شفتلها
روان...تحكي معاك اروي
رزان...حولت السمعات كنك
روان...تحكي معاك اروي
رزان...شفتلها كنك
اروي...فيش اديري
رزان...نصفح
اروي...تصفحي وتكتبي
رزان...صكرت التلفون عادي نعلق مره مره
اروي...رزاااااان
رزان...نحكي مع سعد خلاص
اروي...ليش يارزان
رزان...ضعفت يجدا فيا نحكي معاه
اروي...لو يبيك ماسيبك ورقد مع وحده غيرك
رزان..اووووف خلاص معش اتذكريني
اروي...حطيه في الحظر تواااا
رزان...اصدقاء بس مافيش حاجه اخري
زينه....ياربي البنت هذي تبي تجنني مافيش حاجه اسمها اصدقااااء خلاص انسي
اروي...من علاقه كم سنه وحب وعشق واحلام لي اصدقاء كيييف اتجي هذي
روان...بنات صعبه العشره ماتهونش
اروي...بس هوا هانت عليه
رزان...مش متريح من زوجته
زينه...ويبي يطلق ويجي ياخذك
رزان...انتي قريتي الرسائل اللي بينا
زينه...لاااااا بس سيناريو نشوف فيه قدامي انااااا
اروي...نفس الشعور والله يخلي فيك تضعفي بس لااكثر
رزان....قالي بعد اول يوم بعدها معش رقدت معاها بكل مش نقوللكن يسهر لصبح
اروي.... خلاص رزاااان انتي اتخربي علي البنيه شن ذنبها شن دخلها
رزان...ذنبها انها خذاته مني
زينه...وهوا اختارها ماختارك
رزان...كله من امه
اروي...كان ايدير المستحيل ويرفض بس عاجبه الجو
زينه....عمرنا ماخذينا حاجه غيرنا لزم ماناخذو الأفضل
رزان...انا ماخذيت حاجه حد
زينه...تحكي مع راجل متزوج شن ذنبها زوجته حطي روحك في مكانها تخيلي وسام يرقد معاك اول يوم بعدها خلاص ويستكرد فيك ومعاملته شينه معاك
رزان...ننجن بذات في المعامله
زينه...خلاص حرام شن ذنبها هيا
اروي...ذنبها تبي تستقر وتأسس اسرة ويجي غيرها يهدم اللي بناته اللي هيا انتي يارزان
رزان....خوفتني
اروي...هذا اللي نشوف فيه
رزان....اووووف خلاص به
زينه....يعني
رزان....نحكيله الكلام هذا ونصكر عليه
اروي...شن تحكي
رزان...انا زوجته مالهاش ذنب وانا معش انحبك وكلام هك
اروي...لاتحكي لا شي حظر
رزان...توا يقول كانت تحكي معايا مافيها شي
اروي...لايقول لا شي حظر طول
رزان...مسكت تلفونها فتحت علي المحادثه حظرته
زينه....احسن مادرتي
رزان...اهو السمح يرن اششش الوو
وسام...وين يالحب
رزان...في سريري توا كنت بنرقد
وسام...ترقدي بدون ماتحكي معايا
رزان...نقدرش وسام نعسانه بكل
اروي زينه روان يشوفن لبعضهن وشافن لرزان
وسام..نبي نقولك شي
رزان...شن
وسام....حددي يوم اتجيك امي تطلبك لي
رزان....صبت ع السرير شن
وسام...ح د د ي
ي و م ا ت ج ي ك ا م ي ت ط ل ب ك ل ي
رزان...كذاب انت
وسام...تحكي مع راجل كيف
رزان...شن انقول ل امي
وسام....هذي خليها شور ابتسام تحكي معاها ع اساس دلتك
رزان...كان رفضوك
وسام....نخطفك معش يعرفونا في سماء لا وطا
رزان...نجككك لي هههههه
وسام....شن رايك بعد بكرا
رزان...خليها في اسبوع رمضان
وسام....عينك مستعجل انا
رزان....خلاص خلي ابتسام تحكي مع امي
وسام...خلاص تمام
●●●#نورهان✍
هنيه...فرح
فرح....اتظفر في شعرها هممم
هنيه...خايفه
فرح...من شن
هنيه....إسلام
فرح...والله يهبل
هنيه...نمشي نصلي خير
فرح...عدي انا حكيت مع بيدا ونعسانه
هناء...بكرا عندي جامعه وخايفه
هنيه...صبت اها خطرها امبدري نسمع في باتي يحكي مع عمي صالح قاله ادم مبلغين فيه مش عارفه هوا نفسه فائق اللي امبلغ ولا داير عركه اخري
هناء...صبت من افراشها قصدك محبوس ادم
هنيه...مش عارفه باتي قاله انجيك في الصبح
هناء...حيييي عليا
فرح...مستحيل ادم يدخلك في الموضوع
هناء...مش قصه هكي نخاف يحبسوه
فرح....ماتخافي بكل ح يطلع ههههه
هناء...بارده عاد انتي كان في بيدا ماترقدي
فرح....فال الله ولا فالك ادم يعشق المشاكل
هناء...مسكت تلفونها ترن علي امينه
امينه...راقده في افراشها وعت مفجوعه دارت التلفون صامت وصبت للمربوعه بدون ماحنها تفطنلها
هناء...الووو
امينه...ينعلي شن فيه
هناء...فجعتك
امينه...عارفه الساعه كم
هناء...مازلنا واعيين
امينه...تنهدت شن تبي
هناء...صاح ادم محبوس
امينه...كنه دومي
هناء....الووو
امينه...خليك في تغطيهه
هناء...تسمعي فيا توا
امينه...خليك في مكانك كنه دومي
هناء...صاح محبوس
امينه...لاااا من قالها
هناء...هنيه سمعت باتي...........
امينه...توا نشوف اسراء اكيد واعيه شغلتيني
هناء...شوفيها وطمنيني
امينه...تمام
هناء..صكرت وردت لفراشها
فرح...ترفع في جمتها شن قلتلك
هناء...ماعندهاش علم قالت نشوف اسراء
●●●●#نورهان✍
مجدي...هذي كنها باتت غادي حول الورغان وصبا اووووف طلع من الدار طول للكوجينه لقا ابتسام مطبسه راسها علي الطوله ياروح
ابتسام...رفعت راسها وصبت واعي نحسابك رقدت
مجدي....لاااا نرجا فيك طولتي
ابتسام....اها كملت
مجدي...شربتي اميه
ابتسام...اهاااا ردت الكرسي في مكانه طفت الضي وخطمت من قدامه
مجدي...صكر اعيونه عرفها زعلانه حبيبي
ابتسام...تمشي قدامه نعم
مجدي...زعلانه
ابتسام...لامافيش حاجه تزعل
مجدي...يمشي وراها نبيك اتغيري بس خش وصكر الباب
ابتسام...رفعت الورغان وقعمزت علي السرير حاضر شافت لزيانه جايبه كم عطر غيره شوف اللي يعجبك توا انديره ترفع في شعرها وتعدل في راسها علي المخده
مجدي...رفع الورغان وخش في السرير يشوفلها يعدل في راسه علي المخده اه شوفي هذا حلو شكله
ابتسام...شافتله
مجدي...يشير عليه هذا اللي اسمه دلع العرائس
ابتسام...ابتسمت تصبح علي خير حبيبي تعبانه دارت وجها لجيه الاخره وصكرت اعيونها
مجدي...ابتسسسسسسام
ابتسام...نعم
مجدي...نحكي انا ماتستكرديش امي
ابتسام...شفتله شن يرضيك انخاف انبخ منه ونجي نرقد ع صدرك ادفني نبي الليله تمشي ع خير
مجدي...احكي اكوووويس شن قصدك تمشي علي خير
ابتسام...طفت الوناسه وقربت طفت الوناسه متاع مجدي
مجدي...يشوفلها وشعرها اللي طايح عليه يرفع فيه
ابتسام...قربت بساته علي خده رفعت يده وحطت راسها علي صدره تصبح علي خير يالقلب
مجدي...حضنها وراحو في نوم عمييييييييييق لاثنين
●●●●#نورهان✍
صباح يوم جديد تحديدا ساعه9:38
الباب طقطقطقطقطق وجرس ماوقفش
ابتسام...وعت مفجوعه يدها علي صدرها
مجدي....يشوف ل ابتسام اللي تشوف للباب شن فيه
ابتسام...مش عارفه حبيبي
مجدي...ساعه كم
ابتسام...مشعارفه من جاينا توا
مجدي...مش عارف لبس جاكته وطلع استري روحك ردي بالك تطلعي ورايا هكي
ابتسام...تشوف لروب تغطت بالورغان
مجدي...هيا هيا فتح الباب
وسام...صباح الحب علي خويا الحنون ساعه عشان تفتحو
مجدي...صكر الباب في وجه
وسام...طقطقطق افتح
مجدي....فتح يميل في راسه صبح وسام كنك
وسام...وخره وخش للمربوعه
مجدي...زمر ماقتلكش خش صببح نبي نرقد
وسام...ابتسااام ابتساااام
مجدي...وطي صوتك علي اساس انخليها تخش عليك
وسام...قهوه ابتسام
مجدي...يارا روح
وسام...لاجديات جاي نحكي مع ابتسام في موضوع
مجدي...مراتي ماتحكي مع حد
وسام...مجديييي
مجدي...قولي توا نقوللها
وسام...نبيها تحكي مع مراه خالها تقوللها جايين بعد بكرا نطلبو
مجدي...يمسح في اعيونه حكيت مع امي
وسام...حكيت امس دراما مع حنان خلتني نكس الحوش كله عشان حكت مع امي يحكيلك احميده
مجدي...ههههه
وسام...معلش علي الازعاج لكن نبيها تحكي مع مراه خالها الييييييوم
مجدي...خلاص تمام عليش مستعجل
وسام...نبي انعيش شعورك يكسرو عليا الباب مانفتحش لحد
مجدي...ههههه برا
وسام....طالع قبل نبي قهوه
مجدي...اول كفي قدامك خوذ
وسام...من ايدين مراه خويا غير لكن لنا الله
مجدي...هيا وسام والله نعسان جايني من صباحات ربي كان خليته ف العشيه
وسام....اللي يده في النار مش كيف اللي يده في الميه ياكبدي
مجدي...ههههه ربي يقوي نصيبك
وسام....انشالله صبا تنهيلي
مجدي...تمام
وسام...مانبيش نسكن
مجدي....خلاص تمام كلمه هي
وسام...فتح الباب عندي لكم زياره
مجدي...كان فتحنا
وسام...نسكن نين تفتحو
مجدي...بعدك سكان
وسام...ينزل م الدروج لامانجيكم الا مع المدام
مجدي...انشالله
وسام..رفع يده وينزل عدي عدي ارقد عطاك الله
مجدي...هههه صكر الباب وخش جوا لدار
ابتسام...راقده في مكان مجدي متغطيه بالورغان
مجدي...قرب من السرير مكاني ياهانم
ابتسام...ررررراقده
مجدي...خش في مكانها وقرب منها
ابتسام....مصكره اعيونها بصوت ناعس حبيبي من
مجدي...وسام ياروح
ابتسام...قربت منه ورقدت علي يده امباه
مجدي...يبيك تحكي مع مراه خالك يبي يطلب رزان بعد بكرا بيش اتكلميها علي اساس انتي دلتها وهك فهمتي عليا
ابتسام...هزت براسها
مجدي...نعسانه
ابتسام...امم
مجدي...ارقدي ياروحي فجعك وسام
ابتسام...حبيبي كان ماجبتش اعيال تسيبني
مجدي...لالا
ابتسام...حبيبي انت وراحت في نوم
مجدي...هههههه نجك لي حضنها وغطاها بالورغان وراح معاها في النومه
●●●●#نورهان✍
رزان...اتسيق في مقدمه الحوش وحاطه سمعات
اروي...تحكي جديات خلاص يعني
رزان...خلااااااص
اروي...واعيه نشيطه
رزان...مارقدتش اصلا
اروي...ههههه ربي يكمل عليك
رزان...يارب
اروي...وعيت مالقيتش روان
رزان...عمتي مريم عند حني
اروي...معاها بيشو وملوكي
رزان...اها
اروي...انا نخش انكنس الحوش
رزان...وعي زينه
اروي...واعيه تفطر
رزان...تمام كملت باقي تسييق
●●●#نورهان✍
حنان...امييييي
سعده...ايوا
حنان...شن رايك ياامي عندي راي
سعده...شن
حنان...تمشي ل عمتي فاطمه تحكي معاها اتجي من عمتي فاطمه تحكي مع اختها خير قوليلها انا عاجبتني من الفرح والكلام هذا
سعده...والله ماني عارفه توا نمشي في العشيه اكيد مش فاضيين
حنان...ساعه 12اكيد فاضيات
سعده...والله يابنيتي
حنان...عدي امي والله اتجي منك خير
سعده...باه نمشي نلبس
حنان...تمام
حني امينه....اموينه
امينه...نعم حني
حني امينه...فيش اديري
امينه...اندير في الغداء نزلين عيت ايمن عزمتهم
حني امينه...من اللي صوته في الحاجر
امينه...ادم
حني امينه...كنه ماخش سلم
امينه...خش عليك لقاك راقده يلعب في ايهم
حني امينه...مدي يدك نطلع برا
امينه....هي هي مسكت يدها صبتها وماسكه فيه
ادم...مني
امينه...جيت
ادم...ايهم شكله جعان
امينه...توا انديرله فتوته وكلها له انا اندير في الغداء دومي تعال امسك حني طلعها برا
ادم...وعت
حني امينه...وعيت
ادم...ههههه جا خير ياحني باس راسها
حني امينه...خير ومرحبا ليش ماوعيتني
ادم...والله رقدتك رقده وحده باطله
امينه...هههههه
ادم...مسك في يدها ونزلها من الدروج وطلع بيها للحاجر
امينه...نكمل اللي في يدي خلاص قريب نكمل وندير قهوه ع مانزلو عيت ايمن
ادم...ساده اه
حني امينه...ليش ياوليدي اهناك قهوه تنشرب مرة
ادم...دخان حني
حني امينه...ربي يهديك
ادم...قعمز علي الكرسي وجنبه حني امينه
حني امينه...ايهم تعال حني
ايهم...جا باس يدها وراسها
حني امينه..تبوس فيه شخبارك ياحني
ايهم...اتويس
ادم...عنجد اتويس هومي كلم بابا
ايمن...جيت حد دز عليا
ادم...شافله ههه واخيرا
ايمن..باس يد وراس حني امينه وسلم علي ادم
هاجر...مالهش حل ايمن ههههه
ادم...بكل
هاجر....وعا بالغصب
ايمن...كارطه امس
هاجر...جا اربعه الفجر ياعمتي
حني امينه...شن قتلك علي سهرك ياايمن
ايمن...والله ياامي مانسهر واجد
حني امينه....مهما كان انت مسؤول علي مراه وعيال مش خايف واحد منهم يمرض
ايمن...شاف ل هاجر
هاجر..رفعت حاجبها وشافت لحني امينه قلتها له ياعمتي لكن ولاكأني نحكي
ادم...طاجين محمر ياايمن
هاجر...ههههه
ايمن...تريح انت بس
ادم...انتريح صار لاصاح ياايمن غلط وين ل اربعه
الكل...هههههه
هاجر...اتعدل في المشايه تبي حطت فيها امينه
ادم...لالا جبيها لي
هاجر...مدتها له حي بعدها متعلمه اليد خلاص
ادم...نجك لي خيررر منونه السمحه
امينه...تضحك
ايمن...حيحي بنتي ضاعت
ادم....هههههه باتها هو ايمن
الكل...ههههه
ايمن...تبيها احجز فيها لكن ادلع فيها لي قدامي لا
ايمن...نقعد شايب علي ماكبرت لا بنتك عندك
هاجر....ههههه خزي عليك ادم والله ماتلقي كيف منونه
ايمن...انشالله نصور معاها في تخرجها ونزفها
هاجر...ييييه انشالله دومي نجك لي
امينه...جايبه سفره القهوه خييير
هاجر...مش عيطتلك من فوق
امينه...اها
هاجر...عاشر توعايه له
امينه...عارفته نومه ثقيل
ايمن...شن دايره الغداء
امينه...قلت ايمن متغدي اندير كسكسو علي لحم وطني وعصبان
ايمن...امشي كذابه
امينه...والله نحكي جديات غمزت لحني امينه العصبان دراته حني واعيه بدري لكن الكسكسو مني
ايمن...اناااااعلي
هاجر....ههههه لهدرجه عشق
ايمن...يشرب في قهوه بكل
ادم...من الصبح تكلم منى نبي لحم نبي دواره عيت ايمن جايين للغداء
ايمن...حتي هم عيت ايمن
ادم...هههههه ينعلي من الثقه
امينه...ههههه هومي تعال
ايهم....تنت
ادم...كلامه خطير
امينه....بكل نجك لي خوذ شوكولاطه
ايهم....حذيت هاتي هاتي
الكل...ههههههه
ايمن...سنونك يابابا
ايهم...عتتني هيا بابا
ايمن...من
ايهم...نونه هذي مس هذي حيتي
الكل...ههههههه
امينه....كبدت فيه تعال ناكلك
ادم...هههههه مش خيته يعني
امينه...هههههه
هاجر....ههههه نجك لي نعدي نجيبلك بشكليطه هومي
ايهم...هز راسه
هاجر...ههههه حطت الفنجان
ايمن...جو سمح
هاجر...امممم صبت وردت قعمزت يدها علي راسها
ايمن...نزل الفنجان كنك
هاجر...دخت
ايمن...مسك يدها فطرتي
هاجر...اها
حني امينه...حتي من الدروج يدوخن
هاجر...ممكن صبت هزت راسها انجيبها ونجي عدت
ايمن...نمشي معاها مرات اطيح
امينه...يدها علي الكرسي وعلي خدها تشوفلهم والأبتسامه مرسومه علي فمها
ادم...منونه ماسكه تلفونه شاف ل امينه
امينه....شفتله هههه يخاف عليها
ادم....اكيد كان ماخذاها مات
حني امينه...حطها في المشايه وكمل قهوتك
ادم...صبا حطها في المشايه ورد للكرسي
امينه...قربت كرسيها خطرها
ادم....يشرب في قهوه شن
امينه...صاح امس كنت محبوس
ادم...لا
امينه...هزت براسها ممكن فهمت غلط
ادم...قبل بس ماقدروش عليا
امينه...من هوا نفس الشاب صاح
ادم...باهي اللي كسرته طلع واحد امسخ مافي اسراكه امعفنه مافيه حشاش سكار مسكينه في قضايه مش تمام مبلغ عليا طبعا اصحابي في المركز بعد جيتهم قعدو يضاحكو قالو والله يلزمها لنا زمان نبوه ينضرب حتي القضايا اللي يخش فيهن يطلع في نفس الساعه مش اليوم عمامه وباته واصلين امس جا بعد جيت مجبس يده منظره يقرف
امينه...حي علي قضايه شن
حني امينه....كنك
امينه...ااه لا حني نحكي مع دومي
ادم...قضايه شرف قلولي يمسكو فيه متلبس
امينه...خذت تلفونها وخشت جوا ترن علي هناء
ادم...لحقها كنك مايقدرش يجي شورها
امينه...كان خطفها دومي هذا مريض نفسي الووو هناء
هناء...الووو نسمع فيك
امينه...وين
هناء...مع باتي في السياره مروحه للحوش
امينه...تنهدت يدها علي صدرها خوفتيني باهي تمام
ادم...شن قلتلك
امينه...مع باتي
ادم...وخر
امينه...تمام بكرا ماشيه
هناء...لالا عطلنا ماشيين اليوم للمزرعه وسام يبي يطلب رزان وتي روحك
امينه...لالامش ماشيه
هناء...ليش
امينه...ماعنديش نيه بس كان سالنكن عليا قولن حني مريضه شوي قاعده مونستها
هناء...تمام
امينه...سلمي علي باتي
هناء...من عندك
امينه...ادم وعيت ايمن
هناء...تمام سلمي علي اللي يلاك
امينه...يوصل باي
هناء..باي
امينه...شفتله تسلم عليك
ادم...انا
امينه...اها قلتلي سلمي علي دومي
ادم....طلع للحاجر بدون مايرد عليها
امينه...تمشي وتبتسم
ادم...منونه
حني امينه...نعسانه شكلها
●●●●#نورهان✍
ايمن...ماسك يدها كنك يابيبي
هاجر...مافيش شي حبيبي دوخه بسيطه
ايمن...ناخذك انعاينك
هاجر...لامش مستحقه ياقلبي عادي
ايمن...يده علي جبهتها مافيش حراره
هاجر...ممكن لأني صبيت بسرعه
ايمن...كان صرتلك مره اخري
هاجر...تنزل من الدروج انت قاعد اتساندني
ايمن...انااعلي نبضي انتي كيف مانسندك
هاجر...هههه نجك لي
ايمن...شن رايك نرقو لشقتنا اخري
هاجر...حبيبي عيب
ايمن...غير هيا
هاجر...ماسكه يده وتنزل لااا
ايمن...باهي تعالي حضنها وينزلو وفي يده بشكليطه ايهم
هاجر...حبيبي
ايمن....شن
هاجر...اتحبني
ايمن...نموت فيك
هاجر...حتي انا نموت فيك
●●●#نورهان✍
مجدي...يتقلب مد يده وفتح اعيونه مالقاش ابتسام حول الورغان وصبا حبيبي بيسو
ابتسام...في الكوجينه اجودتي
مجدي...مشا للكوجينه شن اديري
ابتسام...غداء ياروحي
مجدي...جا حضنها اممممم بنة الطعام يشهي
ابتسام...بشاميل بالشاورما وشربه عدس وبوريك وكفته خطر عليا عبسي طبست
مجدي...الله يرحمه سلم ايديك
ابتسام...سلمك حبيبي
مجدي...باسها في رقبتها نبي ناكلك انا
ابتسام...ههههه حبيبي
مجدي...هههههه وخر مسك يدها تعالي وتيلي دبش اندير دوش
ابتسام...حاضر
مجدي...وعيتي ساعه كم
ابتسام...11ونص
مجدي...فجعك وسام
ابتسام...اها معش عرفت روحي وين قاعده اصلا ههههه الجرس مع الباب
مجدي..حكيتي مع ام رزان
ابتسام...علي شن نحكي
مجدي...وقف شافلها تبصري
ابتسام...والله لا عليش
مجدي...قصدك الكلام اللي قلته في الصبح بعد مشا وسام ماسمعتيه
ابتسام...لااا
مجدي....ههه لااكيد تبصري خشو لدار
ابتسام...حبيبي وقف شن حكيت
مجدي...لهدرجه نومك ثقيل
ابتسام...قعمزت علي الكرسي لا والله
مجدي...لاثقيل
ابتسام...حبيبي والله لا مش ثقيل لكن امس مارقدتش اكويس بس
مجدي...المشكله تردي عليا
ابتسام...تبصر
مجدي...واللهي هههههه
ابتسام...يديها علي وجها والله خذاني منك النوم
مجدي...جا قعمز جنبها حي عليك كان سمعك وسام ينجن
ابتسام...شن فيه احكيلي
مجدي...امس حاكي مع امي وقالي الدور ع ابتسام تكلم امها تقوللها دلتهاا والكلام هذا
ابتسام...يعني نحكي مع خالتي عايشه نقوللها سلفي يدور ودليته علي رزان
مجدي...شاطره هكي
ابتسام...جو احرجات حبيبي ههههه
مجدي...باهي جت بصدفه شافتها عمتك في الفرح وعجبتها سألتك عليها
ابتسام...توا نكلمها تلفونك من بدري يرن وانت راقد
مجدي...من
ابتسام...ماشفتاش
مجدي...صبا شافه
ابتسام...من
مجدي...وسام الوو
وسام...خير حبي
مجدي..اختصر كنك تقول حالم بيا اليوم
وسام...نبي نقولك حنان تمت في الموضوع
مجدي...كيف صار
وسام...خلت امي تمشي لعمتي فاطمه تحكيلها وعمتي فاطمه تحكي مع اختها اللي هيا عمتي
مجدي..ههههه ينعلي ياخوي منتهي
وسام...بكل ههههههه
مجدي...بما انك حليتها ليش اتجيني باكر في الصبح معش اديرها فجعتنا
وسام...ليش فيش كنتو اديرو
مجدي...امشي يامسخ
وسام...هههههههه اوكي انا في طريق زاحمه هانت حتي انا والله ماعاد اتشوفوني
مجدي...تحلم سكنان علي الباب
وسام...علي اللي يبي يفتحلك
مجدي...هههههه اديرها
وسام...سلام توا غير قلت نقولك سامحنا
مجدي....تم ربي يتمم علي خير
وسام...ياااارب
مجدي..اوكي صكر
ابتسام...تشوفله
مجدي...صكر التلفون وشاف لي ابتسام اللي تشوفله غمزلها كنك
ابتسام...ضحكتك تهبببببببل
مجدي...حتي انتي اناااااعلي منك
ابتسام...صبت عطيني بوسه
مجدي..طقيني
ابتسام...حبيبي طبس اشوي
مجدي...تؤ
ابتسام...حبيبي هيا
مجدي...يرفع في راسه طقيني
ابتسام...هيا ياالقلب
مجدي...مافيش
ابتسام...براحتك ح تنحني ونبوسك
مجدي...هههههه
ابتسام...انظم السرير وخرت ومالت
مجدي...طبس مسكها كنك دختي خذيتي دواك
ابتسام...بساته بوسه طووويل
مجدي...مصكر اعيونه
ايتسام...شفتله وخرت ههههههه خذيتها خذيتها هي هي خذيتها في وقتها
مجدي...فتح اعيونه تعالي باه
ابتسام...لالا ركبت علي السرير هئه
مجدي...تعالي انتي مفتريه
ابتسام...هههههه لكن انحبك
مجدي...جا من جنب السرير مد يده تعالي انزلي مرات ادوخي
ابتسام...مدت يدها وخرتها لالا
مجدي...ههههه تعالي هيا
ابتسام...شن تبي ادير
مجدي...شي خايفك اطيحي
ابتسام...مش ح نطيح
مجدي....تلفونك
ابتسام...التفتت وينه
مجدي...مسكها
ابتسام....لااااا ههههههه
مجدي....غير انتي بس اللي بلعوطه رفعها
ابتسام...نزلني
مجدي...لااا
ابتسام....ماسكه في ارقبته وقف وقف
مجدي...وين
ابتسام...علي المرايه
مجدي...هنا
ابتسام...ههههه منظري كيف البنيه الصغيره
مجدي...شكلك وملامحك طفوليه ناقصك قرنين تكملي
ابتسام....هههه شفتله حاضنه راسه والله خايلين علي بعضنا
مجدي...ههههه نبي نعرف وزنك كم
ابتسام....بدايه الخمسين
مجدي...نلقانك حبيبي اسمني اشوي
ابتسام....لاااا
مجدي...ليش
ابتسام...نبيك ديما اتشيلني هكي كيف بنتك لما نسمن معش تقدر عليا
مجدي....طولي وعرضي مش عاجبك كيف مانقدر انشيلك
ابتسام...كان سمنت نوصل ل ستين اكثر لا
مجدي...75تمام
ابتسام...حْبحْبه هذي لالا غير شوف والله خايلين علي بعضنا حتي منظري سمح وانت شايلني هههههه راجي نزلني
مجدي ....ليش
ابتسام...توا اتشيلني نزلني بس
مجدي...نزلها
ابتسام...مشت للمرايه فرقت شعرها دارت قرنين فوق وباقي شعرها مطلوق هههههههه
مجدي..هههههههه تهبلي
ابتسام....صبت علي الكرسي تعال شيلني
مجدي...مجنونه
ابتسام....مش ديما نكونو عاقلين اللي في خاطري كلها انديرها معاك
مجدي...شالها ومشا بيها للمرايه ههههه
ابتسام...ههههههه مش كيف البنوته الصغيره تخيل شايل بنتنا
مجدي...وتكون نسخه منك اناااااعلي نااا
ابتسام...اتشيلها اتشيلني انغار انا حطت راسها جنب راس مجدي حتي كان بنتنا
مجدي...نجك لي انشيلك ونشيلها كان ماشلتكن انتن من انشيل
ابتسام...اتشيلنا
مجدي...هههههه
ابتسام...خلاص نزلني
مجدي...خليك
ابتسام...لاحبيبي عدي دير دوش عشان انحط الغداء جعانه
مجدي....نزلها مش هاينه عليا انزلك
ابتسام....وينهاااا
مجدي...طبس باسها في فمها
ابتسام....دفاته شن قتلك ليش تعض فيا
مجدي....غمزلها من حبك نفقد
ابتسام...يدها علي فمها ليش
مجدي...زعلتي
ابتسام...طبست اها
مجدي...طبس باسها في خدها وعضها
ابتسام...ااااي خبطاته علي صدره لااااا شوف خدي شن قعدت
مجدي...ساعه حب
ابتسام....ههههه انشالله غير ماتعلم تمسح فيها
مجدي...حلالي ماحد له دخله
ابتسام...حلالك جسمها حساس بسرعه مايعلم فيه
مجدي...نجك لي خلي اثر حبي يعلم فيك
ابتسام....شورك عاد
مجدي...نبي نخش للحمام وتيلي دبش
ابتسام...ذوقي ولاتطلع تفصل عليا
مجدي...قربها منه خاطيني خيرلك
ابتسام...ابتسمت شن قلت انا تبي علي ذوقي مرات مايعجبك
مجدي...اكيييد علي ذوقك حتي اللي امس قتلك مانبيش نلبسه طلعت لبسه
ابتسام...خبطاته علي صدره صاح لبسته
مجدي...شن رايك توا
ابتسام...انسيت الغاز فكت ايديه وطلعت من الدار تجري هههه
مجدي....تعالي
ابتسام...لاااا
مجدي...نلحقك
ابتسام...حبيبي
مجدي....تعالي
ابتسام...ردت نعم يالقلب
مجدي...تعالي عطيني بوسه تغفرلك
ابتسام...علي اساس انطولك جاته
مجدي...رفعها
ابتسام....هههه باساته في خده خطرها حبيبي شن رايك في بنة العطر
مجدي...عادي مش كيف بنت حوارن
ابتسام...صاح حبيبي نرد عليه
مجدي..لاااا هذا ماشالله عليه
ابتسام...صاح مش مقتنعه بيه صاح بنتة قوية بس انا ماحبيته انحسه مش ماشي مع شخصيتي
مجدي...لايمشي بنت حوران معش اتبخي منه نزلها وسيبها في مكانها وخش للحمام
ابتسام...براحتك بدت اتنظم في الدار وفتحت الروشن اتهوي ف الدار
مشت لزيانه فتحت عطرها والله عطر سمح ليش معش يبيني اندير منه كيف نقنعه اني انرد عليه صكرته وصبت فكت المخاد وغيرت الفوطه ونظمت الورغان طلعت من الدار وحطتهن جنب الحمام ردت لدار طلعتله دبش حطاته علي السرير وطلعت من الدار طول خشت للكوجينه توتي في الغداء
●●●●#نورهان✍
ايمن...هيا امينه
امينه...جابت السفره جيت هيا حطتها قدامهم
ايمن....اممممم
ادم...عنجد العصبان والليمون اللي فوق منه
امينه...صحه حمرته في الكوشه
ايمن....اناااااعلي هيا امي
امينه....درتلك ابرودو حني
حني امينه...الله يربحك
هاجر.....المنظر يشهي تعبتي روحك
امينه....ريتي هالتعب ليا زمان علي حوش حني من بعد وفات عبسي معش جيت واجد
ايمن....كسد بعد مشيتي وستقريتي غادي
هاجر....بكل انا ماننزل بكل عمتي ياترقالي ياتكون عندكم ياعند عيت صالح ننزل انسيق في الحواجر انا وايمن مكسد
امينه....ردتلي الحياة بعد جيت بصراحه ذكرياتي طفولتي كلهن في حوش حني يعز عليا
ادم...دزي علي البنات
ايمن....اهن صوتهن
امينه...اسراء
اسراء...نعمم
امينه...امينه انا
اسراء....خير مني راجي انجيب السلوم
حني امينه....عطيتيهم من العصبان
امينه..اها حني ودالهم دومي
ادم....والله سيبت باتي خذا مني الرباعه مدرعن هم كلو ولالا باتي وجاه كسكسو
حني امينه...هههه صحه وعافيه
اسراء...رقت من السلوم صحه صحه
حني امينه...علي قلبك
هاجر...تعالن
اسراء...صحه تغدينا سلم ايديك
امينه....صحه وعوافي
اسراء....ايمن
ايمن....عمي عمي احترمني حتي قدام المدام
اسراء.. هههههه باهي عاد ياهاجر اسمعي عمو ايمن
ايمن...اعيون عمك
امينه....شاف ل ادم ههههههه
ادم...شاف ل اسراء ههههه فيه مصلحه يااسراء
اسراء...لاوالله غير عندك طلعه بعدين
ايمن....لاعليش
اسراء....نبي انديرلك بسبوسه بالقشطه
ايمن....كذابه انتي
اسراء...والله لا مش صاح ياادم
ادم..خشيت عليها اتخلط
ايمن....نجك لي وخلاص انا ايش داير في دنيتي اللي ربي رزقني بنات خوت هكي وحده كسكسو وعصبان وهذي بسبوسه بالقشطه
الكل...هههههه
حني امينه....ديما غير ايش تبي ياايمن
ايمن...لاصاح امي
ادم...الحمد لله سلم ايديك منى
امينه...كول
ادم...الحمدلله سلم ايديك حني
حني امينه...عجبكم العصبان
ايمن...ياكل ايهبل امممم
حني امينه....سلم ايديك ياموينه علي الغداء
ايمن...شاف ل ادم قصدك العصبان من امينه
حني امينه...اكيد منها
ادم...الا العصبان هذا طعمت عزوز
اسراء...تشوفلهم كذا مديلي سهفتوني
امينه....خذت في تبسي ومدتلها
ادم...تقول دايرته عزوز والله نحسابه من حني
امينه...ههههه صحه وانا معلمتني عزوز
اسراء....يهبل يامنى
امينه...صحه تعالن بدري
اسراء...بشرط نقعدو برا
ادم...اصيله وين
اسراء...تغسل في العوايز
ادم...وانتي
اسراء...كيف ماتشوف ناكل في عصبان
ايمن....هههههه
هاجر...هههههه رد وقتي
ايمن....بكل
اسراء....هههه سلم ايديك
امينه...صحه
اسراء...ننزل انشوف كوشتي
ايمن...راهي تنحرق
اسراء...جاي رمضان انديرلك البسبوسه والكنافه والقطايف ولقيمات غير ادلل عمو حبيبي
ايمن....ينعلي ياهووو بعدك فنانه فيه
اسراء...طبعا طبعا
هاجر....بعدين اتجي اتعلميني كيف درتيها بسبوسه لانها ماتجيش معايا سمحه
ايمن...ماتعبيش روحك اهي اسريوا ادير ودزلنا
اسراء...هههه علي احسابك نجك لي ننزل انا باهي هاكي التبسي وسلم ايديك
امينه...صبت خذت التبسي صحه
اسراء....ع قلبك انزلت
ادم...انا ماشي
امينه...وين
ادم...عندي شغل
امينه...اشرب شاهي
ادم...واتي
امينه...اها نمشي انجيبلك
ادم...لاخليك كملي غداك
امينه...شبعت الحمدلله صبت
●●●●#نورهان✍
ابتسام...نعيما
مجدي...قرب حضنها ينعم عليك
ابتسام...نجك لي
مجدي...مرايف عليك امس رقدت
ابتسام...الغداء
مجدي...مانقدش انقاومك حتي الغداء مانشوف فيه
ابتسام...ههههه تعال انغديك بدياتي
مجدي...حبي
ابتسام...شوف منظر الطوله يرجا فيك
مجدي...تنهد به
ابتسام...تعال مسكت يده ومشو لطوله الصاله شن رايك
مجدي...امممم طلعت من الدار طول لك ماشفتهاش الطوله
ابتسام...ههههه نجك لي
قعمزو علي الطوله وبدو ياكلو
مجدي...هههههه
ابتسام....كنك هههههه
مجدي...خطرت عليا اول يوم اللي نوكل فيك وانتي متحشمه
ابتسام...ههههه خلاص عاد غير اول يوم لاني مش واخذا عليك
مجدي...نجك لي هههههه
ابتسام...ههههههه خلاص عش تحرجنيييي
مجدي...ههههه خلاص خلاص
ابتسام....تلفوني يرن
مجدي...اختفت الضحكه خليك توا انجيبه انا
ابتسام...خليك
مجدي...تؤ صبا مشا لدار هذي رزان
ابتسام....انسيت انكلمها
مجدي...عمتي فاطمه اكيد حكت مع امها مدلها التلفون
ابتسام...ممكن فتحت الووو
رزان....خير ياسلفتي
ابتسام...هههههه خير امررررايفه عليك وعلي البنات
رزان...اطلقي ونردو نلتمو مره اخري
ابتسام...لامش لدرجه هههههه
رزان...ههههههه شخبارك
ابتسام...تمام شخبارك انتي
رزان...تمام عمتي فاطمه كلمت امي وامي جت حكت معايا وانا قاعده في الدار درت الجو متاع لاااا منو فكيني وهيا تقولي تقعدي مع بسومه والله عمتك عطت فيهم شهاده ماشاءلله حكيت مع باتك مش متكلم انااا ميته ضحك من جوا نقولها لااااا لااا فكيني
ابتسام...ههههههه عطك الخير
رزان....لاوالبنات مع امي بعد قلت ل امي نفكر طلعت البنات قلنلي تحكي جديات قلتلهن نبصر ياخياتي
اندير في جو بنات باب الحاره هههههههه بعد ايجيهن عريس
ابتسام....هههههههه
مجدي....يضحك علي ضحك ابتسام
ابتسام...قتلتيني شن منظرك
رزان....طايره بلا جناحات بعد انحق باتي انخش جوا الدار قتلك مأدبه الدور
ابتسام....هههههه شن خطر عليك
رزان....انتي
ابتسام....نجك لي من عندكم
رزان...نحنا حد لكن حني عندها عمتي مريم روان مع البنات ونحنا مشيين في العشيه غادي
ابتسام...سهفتيني عليك جو
رزان...عاد هالمره اتجي مع اعربك
ابتسام...اكييد
رزان...السمح في الانتطار بعدين افتحي نت نحكي فيديو مرايفه علي خلقتلك
ابتسام...هههههههه امباه
رزان...هههههه باي صكرت
ابتسام....حطت التلفون علي الطوله وشافت ل مجدي
مجدي....بعد تحكي معاها هكي تضحكي
ابتسام....تصدق ضحكتي ماتطلعش من قلبي الا معاهن لدرجه توصلني نبكي من كثر الضحك مع بنات خالي بدر بذات رزان فيها خفه دم مش طبعيه المشكله تحكي وتضحكك وهيا ماتضحكش
مجدي...يعني طنجره ولقت غطاها مع وسام
ابتسام...ايواااا
بدو ياكلو وابتسام الابتسامه مش فارقتها من بعد المكالمه ومجدي كل مايشوفلها يبتسم لا إراديا
●●●●#نورهان✍
فات الوقت......
اسراء...شن رايك فيها
ايمن...طرف اخري مازلت ماستطعمتها
هاجر...ايمن معقوله ثالث طرف في كل طرف تسألك تقول مازلت ماستطعمتها
اسراء...حطتله طرف في تبسي ها رايك
ايمن....ياكل اشوي
اصليه...توا تشرقيه
اسراء...نحس فيها مش سمحه
هاجر...شوفي الطاجين
حني امينه...سلم ايديك
اسراء...صحه حني
حني امينه....كان ابسومه قاعده غاليه عليها
اسراء...امرايفه عليها
امينه...جت ل هلي امس في ليل قلتها ليا افريحه
اسراء...ياريت اتجينا
امينه...توا اتجي خطرها خالتي كلمت امي تبي هنيه لولدها
حواء...ماشاءالله ماشاءالله اكويسه اهنيوا
اصيله...الله يعني عندنا فرحين
امينه...تبي اطلعهن مع بعضهن
اسراء...وافقت
امينه...قلتلي افريحه ردت علي خالتي اليوم قلتلها موافقين
اسراء...الله واخيرا معناها بعد العيد
امينه....اها
حني امينه...ربي يكمل عليهن
الكل...انشالله
●●●●●#نورهان✍
جايوم الطلبه الكل شمسه عاليا ...
في حوش بدر البنات حيسات ينظمن
اروي...افريحه تلفونك
فرح...وينه
اروي...جنب الكوشه
فرح...اه مشت خذاته وطلعت برا الو
عبدالله...وينك حبيبي
فرح...في المزرعه
عبدالله...كنك تلفونك مقفل
فرح...علي الشحن ياقلبي
عبدالله...خفت
فرح...من شن
عبدالله....اتسيبيني
فرح....صكرنا عليه الموضوع هذا
عبدالله...دزيلي رقم هنيه
فرح...ليش
عبدالله...ساكنلي إسلام يبي يحكي معاها.............#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_السابعه_والعشروون
#نورهان✍
