#جبرني_الوقت⏳
#الحلقه_واحد_واربعون
بقلمي #نورهان✍
- يا من تحلٌي محل كل شيء ولا شيء يحل مكانكٌ
●●
صباح يوم جديد تحديدا ساعه 9:30
مجدي...يتكسل التفت جنبه مالقي ابتسام كيف صار بيسو واعيه مسك تلفونه يشوف لساعه مازال بدري عليش واعيه صبي من السرير فتح باب الدار بيسو وتيلي دبش ندوش فتح باب الحمام وقف كنها متردش بيسو ياروح طلع يدور عليها بيسو ايدور في الديار وينها سمع صوت الباب اصكر بيسو
ابتسام...جت لصاله وعيت حبيبي
مجدي...تنهد قرب حضنها وينككك
ابتسام...بعدت جيتك
مجدي...يشوفلها وعيت مالقيتك جنبي
ابتسام...نجك لي وعيت سبعه ونص قعدت نحوس في الشقه انظم فيها بعدها لقيت رساله من رزان مضايقه نبيك رنيت عليها لقيتها واعيه قلتلي انزلي نزلت مالياش عشر دقايق طالعه كأني حاسه بيك حتوعي
مجدي...معش تطلعي بدون ماتقوليلي
ابتسام...حاضر يالقلب غير شفتك راقد ماهانش عليا نوعيك
مجدي...لاوعيني فهمتي بعدها كيف تنزلي بدون خيمار
ابتسام...كنك اجودي
مجدي...كنها مارزان هيا اللي رقتلك
ابتسام...طبست تمام
مجدي...نحكي معاك انا
ابتسام...شفتله مريضه اجودي رزان نزلت نشوفها شن فيها ليش درت قصه مالموضوع
مجدي...حتي انتي مريضه ونازله من غير خيمار كان شافك حد وهو نازل ولاراقي
ابتسام...ردت للكنداره خذت الخيمار طلعت بيه وخشيت بيه بعد خشيت لشقه حطيته علي الكنداره تبيني نحلفلك
مجدي...مش هكي
ابتسام...ماخاطريش في عركه تصدق انت واعي راقيلك وانا نختصر الموضوع معش نرد عليك
مجدي...خفت تكون سايره فيك حاجه
ابتسام...ماتخافش مافيش حد يموت ناقص عمر نمشي انظم السرير ونهوي الدار طلعت من قدامه
مجدي...واقف في مكانه يشوفلها بيسووو
ابتسام...خنقتها العبره خشت لدار
مجدي...اوووووف يااااا خش وراها
ابتسام...تفتح في الروشن جت رفعت الورغان نبيش نتعارك معاك
مجدي...كر منها الورغان مش قصدي نعصب عليك
ابتسام...تمام حصل خير
مجدي...يده علي وجها شوفيلي به
ابتسام...لو جت عيني بعينك حنبكي خليني بروحي
مجدي...خفت عليك ياروح
ابتسام...مطبسه
مجدي...بيسووو
ابتسام...شفتله اممم
مجدي...نحبك
ابتسام...احلف
مجدي...مسكها من اشدوقها ههههه مازالتي عبيطه احلف
ابتسام...هههههه امممم
مجدي...نجيلي ضحكتي السمحه وشدوقي الأسمح
ابتسام...معش تعصب عليا حبيبي
مجدي...معناها حنحولو
ابتسام...كيف يعني
مجدي...عشان معش تقعدي راقيه نازله علي رزان
ابتسام....اننننننن عدي اجودي من قدامي
مجدي...تعاندي فيا
ابتسام...انت هكي تفصل عليا في روحي
مجدي...اووووو رزان روحك توا
ابتسام...حبيبي انا متعوده علي بنات خالي بدر بذات زونه سبحان النصيب حتي بعد ازوجت قعدت سلفتي ومن حظي اسكنت جنبي لو تعرف قد شنو متعلقين ببعضنا
مجدي...قعمز علي السرير اتحبيها اكثر مني تمام تمام
ابتسام...انت حب بيسو وكوبيدتها وقلبوشها ياالخايب
مجدي...قلتيها انا خايب فيك معناها كلامك السمح علي بنات خالك هذا ليا انا
ابتسام...قربت قعمزت علي كرعيه توا انت راجلي واب ابنيتي وحبيبي توا تبي اتغار من بنات خالي وانت عندك الحاجات السماح هذين
مجدي...ايديه وراها ضامها اممممم ياحظهن وخلاص معناها كان جت اختك اسكنت جنبك شن اديري تنسيني بكل
ابتسام...راسها علي كتف مجدي ننسى عدوك يالقلب اختي من كلهن عندهن حيشان مافيش وحده مفكره تطلع
مجدي...لاقصدي امينه
ابتسام...شفتله كنها مني
مجدي...مش مفكره تتزوج
ابتسام.. امممم رافضه الموضوع هذا
مجدي...تقدري تحكي معاها
ابتسام....علي شن اجودي
مجدي...علي احمد
ابتسام...احمد خوك
مجدي...لاولد جيرانه
ابتسام...ههه حبيبي
مجدي...كم احمد عندنا
ابتسام...باهي بعد ايديك نبي نصبي انت اليوم مشعارفه كنك امعايا
مجدي...مش امبعد زاد حضنها ههههه ياشدوقي احميده خوي
ابتسام...مشعارفه استوعابي بطيئ
مرات نقولك احمد خوك يطلع مش هوا
مجدي...انعلولي احميده خوي
ابتسام...شن خطرلك امينه اختي
مجدي...نحكيلك بس م تحكيش ل امينه
ابتسام...لاتوا هذا نرن نحكيلها السيناريو كله شن تشوف فيا حبيبي اللي نسمعها نقولها انا اجودي بعد نبي نصبي
مجدي...مشعارف ليش نزيد نكبد فيك بعد ترقالك هههههه تعابير وجهك يزيدن سماحه
ابتسام...اجووودي ههههه بطل كذب
مجدي...ههههه لاجديات خلينا نردو علي موضوعنا احكي معاها
ابتسام....بصفه شن
مجدي...انا امي تبي تجي تطلبها ل احميده
ابتسام...واحميده مش متكلم
مجدي...احمد قولي
ابتسام....ماتوا قلت احميده
مجدي...انا بس اللي نقول هكي انتي تقولي احمد محلاك ادلعي حد غير مجدي
ابتسام...به احمد اخ مجدي شن جوه
مجدي...اجودي
ابتسام...اجودددي
مجدي...روحه
ابتسام...بطل سماطه نحكي جديات
مجدي...نموت فيك موووت
ابتسام...محلاك تكون غير هكي
مجدي...تمام احكيلها
ابتسام....قتلك رافضه بعد ايهم
مجدي...هوا فاقد وهيا فاقده
ابتسام...يعني
مجدي...ايداوو اجروح بعضهم
ابتسام....كان قلتلي لا وانا متأكده حترفض
مجدي...لعند امتي تبي ترفص
ابتسام...امممم مشعارفه
مجدي...انتي تقنعيها
ابتسام ...باهي واحمد
مجدي...هوا اللي حكالي بس انتي قولي عمتي سعده حكتلي
ابتسام...يعني هوا مش معارض
مجدي...تؤؤ باسها علي خدها
ابتسام..حبيبي
مجدي...شنو شنو
ابتسام...نحكي معاك وانت تبوس
مجدي...ماتتقاوميش ياروح
ابتسام...سرحت
مجدي...يبوس فيها شفلها بيسو
ابتسام...تبتسم
مجدي...اشدوقي
ابتسام.. شفتله اممم
مجدي...وين رحتي
ابتسام...انتخيل في مني ساكنه في نفس العماره الله علي الشعور
مجدي...خلاص انا منسي رسمي
ابتسام...شن كنت ادير توا اها تبوس فيا
مجدي...قولي لامعش تبوسني قوليها
ابتسام..قولك قربت تبوس فيه
مجدي...امرايف عليك
ابتسام...بساته علي رقبته علمت فيه
مجدي...عندي شغلل ماتعلميش
ابتسام...شفتله حلالي
مجدي...ماقلت شي لكن
ابتسام...خليني نشبع منك حترايف عليااا هههه
مجدي...بعدها بيسو شن تحكي انتي
ابتسام...راسها علي كتفه مش حنمشي للمزرعه بايته فيها اليوم وبكره شفتله قصدك مش حترايف علياااا
مجدي...تنهد امممم لامش حنرايف
ابتسام...باهي بعد نبي ننزل
مجدي...خليك
ابتسام...لالادفت ايديه نزلت من كرعيه انا النعجه اللي حنرايف عليك وانت لا معش تحكي امعايا
مجدي...هههه نعجه
ابتسام..التفتت نعجه اها لأنها طيبه وعلي نياتها
مجدي...باهي تعالي يانعجتي
ابتسام...مش جايه هيا صبي خليني انظم السرير
مجدي...باهي تعالي قربي
ابتسام...قربت اممم جيت
مجدي...كرها شوره كنه رقيتلك
ابتسام...بعد
مجدي...مش امبعد
ابتسام...واجعني خاطري
مجدي...ليييش
ابتسام....ليييش
مجدي..ههههههه انحبككككك
ابتسام...هههههه ليش يعني
مجدي...اكيد حنرايف عليك
ابتسام...كذوب حبيبي قاعد
مجدي...والله لا ههههه شن دايره ابنيتي فطرت
ابتسام....اتييد بابا فطريت وشبعيت
مجدي..هههههه
ابتسام...تامحنا بابا فطرينا انا وماما متنا من الدوع
مجدي...هههههه ربي مايحررمني منك
ابتسام...اللهم امين انشالله ياربي
مجدي...بطنك نازله
ابتسام... صاح حبيبي حي عليا عارف في الصبح حسيت بيها مش امس قتلك ثاقله
مجدي...تحسي بشي
ابتسام....لا بس ثاقله
مجدي...معناها خليك مافيش داعي تمشي للمزرعه
ابتسام..البنات كلهن عدن انا بس اللي نقعد
مجدي...وبطنك نازله
ابتسام...عاتي بابا حلينا نمسو ندهولو
مجدي...هههههه كلامك يهبل
ابتسام...نجك لي ههههه خاطري في المشيه بصراحه
مجدي...معناها ماتتحركي واجد
ابتسام...توا فهمني
مجدي...امممم شن نفهمك
ابتسام...خايف علي من فينا بيسو ولا سوسو
مجدي...من سوسو
ابتسام...دلع بنتنا
مجدي...امممم وانشالله شن اسمها
ابتسام...سعده
مجدي...امي رافضه حد ايسمي عليها
ابتسام...انت ماتحكيها لها لعند م نجيب تمشي اتسجلها خليها في امر واقع عمتي تستاهل اني نسمعي عليها
مجدي...ياحظي بيك
ابتسام...بنتي شن تسميها حبيبي
مجدي...شن
ابتسام...اجوووودي
مجدي...اتحلي اعويناتك علي خير وتكونيلي بخيييير الأسم ساهل
ابتسام...لقيتها زونه الكلمه
مجدي...كلمه شن
ابتسام..بعدت مسكت بطنها وطلعت تجري ههههههه
مجدي..ماتجريش بس
ابتسام...لاتلحقنييي هههههه
مجدي...صبى لحقها
ابتسام...اسفانه معش نقدر ههههه دهشت
مجدي...قرب منها شن الكلمه
ابتسام...تاخذ في نفس علي هالخطوتين دهشت
مجدي...قتلك ماتجريش خليني نعاقبك وانتي قدامي
ابتسام...هههههه اااااه يقلبي نجككك لي يازونهه ههههه
مجدي...هههههه احكي شن الكلمه
ابتسام...هههههه زونه بعد تقلبها لها علي الأحزان تقول
مجدي...شن
ابتسام...تقول وجه النكد ههههه
مجدي..هههههه
ابتسام...انا نقولك سميها سعده تقولي تحلي اعويناتك علي خير ساهل الأسم
مجدي...هذا اللي نبيه وتكوني بخير
ابتسام....ييييه حبيبي نجك لي حضناته
مجدي...معش تجري شوفي نفسك
ابتسام...كنت خفيفه
مجدي...لتوا خفيفه
ابتسام...بطني
مجدي...هانت
ابتسام...نجك لي طاقتي الإيجابيه عارف وعيت في صبح شن اندندن ههههه
مجدي...شن
ابتسام...حتي بعد نزلت ل زونه حكيتها لها
مجدي...شن ياروح
ابتسام...يوم علقت اغنيه مكتوبتلك كنت قاعده في الحاجر معايا بنات خالي يييييه علي الشعور يجنننن
مجدي...ههههه نجك لي اذكرت علقها وسام عشان نراضيك
ابتسام....احلا ايام ايام العلاقه مايتعوضنش
مجدي...نجك لي
ابتسام...وليا ينجيك هيا عدي دير جوك نمشي نوتيلك الفطور
مجدي...وانتي
ابتسام...ممينا يابابا
مجدي...معناها قهوه ديري
ابتسام...لالا
مجدي...مانبيك تتعبي
ابتسام...تعبك راحه ياراحتي
مجدي...ذكرتيني انا وعيت نبي ندوش عيطتلك نبيك اطلعيلي دبش مارديتيش عليا
ابتسام....يييه صاح يالقلب خلاص بعد نبي ننزل نقولك عشان ماتنشغل عليا
مجدي...هذي اكيد وحقالله افكار سوده جن قدامي
ابتسام...تخاف عليا
مجدي...من عندي غيرك
ابتسام...انحبك انا به وحقالله كلامك سمح
مجدي...الله
ابتسام...الله ههههههه
مجدي...قرب باسها علي خدها ماشي للحمام طلعيلي دبش عندي مشوار
ابتسام...شيرت علي اعيونها من اعويناتي لاثنين تلقي دبشك وفطورك واتي
مجدي...خش لحمام
ابتسام...تنظم في السرير حركت راسها بسرعه اوووف ردت اخري الدوخه عليك قصه
نورهان✍
رزان...حطت المبخره في الصاله وخشت لدار النوم تسمع في تلفونها يرن رفعت التلفون...♡حبعمري♡ فتحت الخط الووو
وسام...صباحوو
رزان...صباحو حبيبي
وسام...واعيه ولا راقده
رزان...واعيه ياعمري نرجا فيك مش قتلي توا انجي بدري
وسام...والله ياقلبي تحقيق معش كمل بكل
رزان...لتوا
وسام...مازال ثلاثه ماشيين يجيبو فيهم
رزان...باهي وانت
وسام....كني
رزان...توا ترهق
وسام...بعد الفجر رقدت ساعه عدلت راسي
رزان...اي ساعه حبيبي توا راسك يوجعك اكيد دخان قهوه دخان قهوه ارحم روحك
وسام...خايفه علي
رزان.. اكيد
وسام...انااااعلي ناااا وحقالله اريااااف
رزان...نجك لي باهي امتي امروح حتي انا فجأه نبيك تكون معايا
وسام...نجك لي مشعارف امتي نكمل تحقيق
رزان...توا شن اندير
وسام...مرفع كرعيا علي المكتب يردن الدم فيهن ونحكي معاك
رزان...ياروحي باهي فطرت
وسام...الشباب جابو سندوتشات ماكليتش
رزان...ليش
وسام...ماعنديش نيه
رزان...باهي قولي امتي مروح
وسام...والله ياقلبي مرات علي المغرب
رزان...واااااااجد
وسام...هذا الشغل مسكت القضيه نكمل بيها مانقدرش نسلمها لحد اخري
رزان...باهي انا نبي نمشي للمزرعه كيف ايسير
وسام...عيت مجدي ماشيين ولا
رزان...اها
وسام...خلاص توا نرن علي مجدي يتكو عليك فيه فلوس في رف دولابي من فوق خوذيهن وجيبي الحاجه اللي ناقصتك توا نحكي مع مجدي
رزان...اسكتت
وسام...الووو
رزان...نسمع فيك
وسام...كنك ساكته سمعتي شن حكيت
رزان...مانبيش فلوس انا نبيك انت توديني كلهن ماشيات مع رجلتهن عادا انا حبيبي
وسام...شن انديرلك ياقلبي ترجيني نين نجي علي المغرب
رزان...تكون تعبان تبي ترقد نمشيك 30كيلو واجد
وسام...مافيش حل الا انك تمشي مع مجدي وابتسام ولا ترجيني
رزان...تمام حبيبي توا نقولها ل ابتسام
وسام...عينك من اوليدي
رزان...بس
وسام...وانتي
رزان...اممممم به
وسام....طفي الدخان توا نبي نصكر بدا الجو يزحم برا
رزان...قتلك
وسام...معاك
رزان...لعند امتي
وسام..لاخر يوم في عمري ياعمري
رزان...في امان الله وحفظه
وسام...يارب بعد تطلعي رني علي
رزان...تمام حبيبي
وسام...هيا باي
رزان...باي باي صكري حطت التلفون ع الزيانه شن اندير باهي مشت للكوجينه شن اندير شن اندير احسن شي اندير سندوتشات البالون بالشاورما بدت اطلع في المكونات ودير
امينه...تسيق في الحاجر
هناء...فتحت روشن الدار مني
امينه...شفتلها نعم
هناء....اي بدله قلتيلي
امينه...الدميه
هناء...شن نركب عليها من جوا
امينه...سوريه بيضاء اكيد
هناء...بس
امينه...طلعي كم لبسه معاها توا تاخذهن مرات تغير رائيها
هناء...تمام
امينه...وصلت عند باب الحوش شافت سياره وقفت
فاطمه...طلعت
امينه..وين ماشيه كنك لابسه
فاطمه...باتك ماشي يجيب ف خضره ولحم نخذوهن للمزرعه رن عليا قالي تمشي معايا قتله باهي توا كلمني قالي بره اطلعي
امينه...اها في سياره وقفت
فاطمه...باهي تبي شي من بره
امينه...سلامتكم
فاطمه...سكري الباب وراي
امينه...هي
طلعت فاطمه سكرت امينه وراها الباب لفت التوبو طلعت للقطعه علقاته فيه وردت قعمزت علي فم الباب اااااه ظهري تكسر
هناء...مني قتلك
امينه...شفتلها قولي
هناء...امتي نطلعو لسوق
امينه...نروحو من المزرعه
هناء..تصدقي مانبيش يطلع توا الفرح
امينه...بالله عليك تحركي من مكانك ليش التفائل الشين
هناء...قصدي مش مستعده
امينه...افلوس في يدك تكملي في اسبوع خلينا نفرحو ملينا من الحزن
هناء..شن ذكرك اليوم هذا
امينه...بالله عليك اسكتي توا اذكرت عشان هكي قعمزت ينذكر وماينعاد
هناء...الله يرحمه هكي من اول م وعيت هف عليا كنا في المزرعه وهرجه والفرحه لانه ماشيين نفس التفاصيل
امينه..هوا كان معايا غادي قالي ماشيين للمزرعه قلت نجي نقعد معاك في يومها سبحان الله ماشال اعيونه من عليا كأنه يحفظ في ملامحي وطول الوقت يبتسم فرحان سيق معايا حاجر حني قعمزنا
علي طوله جبت عصير وشوكلاطات جايبهن هوا جا عبسي وحمادي قعدو معانا يضحك بصوت عالي صدمه ميته عبسي كيف الحلم
هناء...ربي يطول بعمر اللي حايين
امينه...اللهم امين صبت نمشي نصكر الرواشن وندوش اكيد ايجو نطلعو للمزرعه
هناء...متغديين غادي
امينه...امممم
هناء...كلمتي فرح وهنيه
امينه...عليش
هناء...جيات ولا
امينه....اها حتي خالتي ويه جايات
هناء...الله واخيرا حنلتمو
امينه...حتي رزان امبدري كلمتني قاعده عندها بيسو
هناء...صاح
امينه...اممم وسام عنده تحقيق ماشي قبل الفجر وبيسو مجدي راقد كسدن مع بعضهن في الصبح
هناء...عدي انتي ديري دوش وانا توا نصكر الحوش
امينه...نجك لي هيا
خشن لاثنين للحوش....
فات الوقت جت ساعه 3:16 عصر
في حوش حني صالحه
فاطمه وامينه وهناء خالتي مريم بشري وملاك خالتي اميمه ايه
عايشه زينه روان اروي مراه خالي ابراهيم دلال الكل قاعد يستنا في رزان وابتسام
ابتسام...تنزل م الدروج علي فكره لبستك اليوم تجنن غرت
مجدي...ماسك في يدها صاح حتي انا حسيت بيها خايله عليا
ابتسام...لون الجيشي اصلا كأنه مخلوق عشانك المهم اني غرت بعد طلعت امبدري للمشوارك قعدت حايسه في الشقه امتي تروح نخاف وحده تشوفك تخطفك مني
مجدي...هههههه
ابتسام...حقالله وقفت عند الباب رزان
مجدي...انا طالع عند الباب
ابتسام...ترن علي الجرس اكيد واتيه اصلا رنيت عليها ترجا فينا رفعت الخيمار الله علي البنه تشم فيها اممممم ازعما رزان
مجدي...كان مش رزان اندورلك من اللي داير
ابتسام....هههههه يييييه انعلي كنها معش افتحت
رزان...تلبس في الخيمار جيت جيت
ابتسام...ادربك علي الباب
رزان...فتحت الباب هههه
مجدي...فتح الباب وطلع برا
رزان...امسكي الشنطه علي ماجبت السفره
ابتسام...معناها نرجي فيك في السياره
رزان...تمااام
ابتسام...ماسكه شنطه رزان وطلعت راجيني اجودي مسكت في الباب قبل لاطيح
مجدي...جاها امشي بشويا
ابتسام....ههههه خليني نحول الخيمار قبل لقطني
مجدي...فتح باب السياره ماسمعت شي
ابتسام...ركبت قتلك قبل طحت
مجدي...هيا هيا مش حطيحي وانا جنبك
ابتسام.. عارف كيف تحايل عليا
مجدي...نموت فيك صكر الباب مع جيت رزان ماسكه سفره فتحلها الباب
رزان...بارك الله فيك
مجدي...ولو خذا منها السفره اركبي
رزان...اركبت
مجدي...مدلها السفره صكر الباب وجا ركب
ابتسام...التفتت رفعت الخيمار اتشم الله شن دايره
رزان...سندوتشات البالون بالشاورما
ابتسام....هاتي السفرههه
رزان...هههههه
مجدي...هههه
ابتسام...ماتضحكوش حقالله بنتهن فايحه
رزان...مدتلها السفره صحه صحه
ابتسام.. تفتح في القزير عنشكلك باهي خذت سندوتش بدت تاكل اممممممم اممممممم علي طعمه ولزازه
مجدي...شاف ل رزان من المرايه لاثنين ههههههههه
رزان ....احم احم عطك الخير باهي عاطي راجلك
ابتسام...انسيتك
مجدي...نزل الخيمار
ابتسام..كيف ناكل
مجدي...لاتعرفي
ابتسام...مدتله سندوتش
مجدي...ماعنديش نيه لكن هاتي خذاه
رزان...فتحت الشنطه طلعت التلفون دزت رساله ل وسام (كبيدتي طلعت توا )تم الأرسال
تشوف لطريق
ابتسام....نزلت يدها
مجدي...يشوفلها كنك
ابتسام...لاسلم ايديك زونه
رزان...اكيد مسقعات
ابتسام....لزازه
رزان...صحه
مجدي...يعطيك الصحه
رزان...سلمك يارب
ابتسام...هذي مني ترن الو
امينه...وينكنننننن
ابتسام...في الطريق
امينه...مطولين
ابتسام...اجودي ياخذلي بيتزا وحاجات وجايين
امينه...هيا كلهم يرجو فيكن
ابتسام..تمام تمام تبو شي
امينه...سلامتكم
ابتسام...باي
امينه...صكرت
زينه...شن قالت
امينه...في الطريق
زينه...تمام اهم شي طلعو
حني صالحه...رزان معاها
امينه...اها راجلها عنده شغل جت معاهم
حني صالحه...باهي ربي يساعده
ايه...هذي سياره عبادي اكيد جت افريحه
خشت فرح من باب الحاجر حني انا جييييييت
عبدالله...هههه
فرح...الله علي حوش حني اجمل ايام عمري عشتهن فيه بيدتي
عبدالله...شوفي كان مافي حد براني نخش نسلم
طلعو كلهم يسلمو علي فرح وعبدالله وراهم خشت هنيه وإسلام
طلعو كلهم برا مقدمه الحوش كل اثنين ايهدرزو اما إسلام وعبدالله روحو بعد سلمو
بعد وقت وقف مجدي
رزان...انزلت اسلمت مجدي
مجدي...سلمك
ابتسام...الطريق دوختني
مجدي...امتي انجيك
ابتسام.. بعد بكره
مجدي...صاح
ابتسام...اها
مجدي...تمام
ابتسام...رفعت الخيمار قربت بساته علي خده عينك م روحك
مجدي...حتي انتي ياروح
ابتسام...فتحت الباب زونه
رزان...التفتت
ابتسام....تعالي شيلي معايا
رزان...هههههه جت
ابتسام...فتحت باب السياره اتنزل في الاكياس
رزان...قبل نبي انزل لكن حسيت وضعكم مش تمام
ابتسام...هههههه
مجدي...ديما تضحكي انشالله
رزان...انشالله قلتلها شيلي هذين قلتلي واجد
مجدي...لا خليهن توا انزلهن
ابتسام...نحطو هذين جوا ونجي
مجدي...تمام
مشت رزان وابتسام مع بعضهن لفن من الحوش
البنات...بيسوووو رزانننننن صبن كلهن
رزان...مشعارفه ليش حسيت روحي جايين م الحج ههه
ابتسام...ههههههه وراس امك اسكتي توا انطربق
رزان....ههههه بدت تسلم علي البنات
ابتسام.. اروي نجككك لي امرايفه عليك
اروي...حتي انا نجك لي
بدت ابتسام ورزان يسلمن علي الكل
ابتسام...انجيب باقي الحاجات وانجي
حني صالحه...خليك انتي بروحك مريضه
ابتسام...لاتوا انجي حني هيا هيا مشت لسياره
مجدي...حطيتهن كلهن وراك
ابتسام...التفتت والله م شفتهن
مجدي...مش غلط كسبت شوفتك عينك م روحك
ابتسام....حتي انت شيرتله
مجدي...رفع يده بعد انجي ناخذك ننزل انسلم
ابتسام...به
مجدي...عدا
ابتسام...ردت لحوش بنات
بشري...كنك بيسو
ابتسام.. تعالي شيلي معايا
خششن الاكياس
ابتسام..جسمي متكسر
مريم...كيف حالك بسومه
ابتسام...الحمدالله خالتي شن دايره انتي
مريم..الحمدلله
هنيه...خالتي كنك م رجيتينا رانا خذيناك
اميمه..اللي عندها راجل تمشي معاه
البنات....هههههه
هنيه...لاوالله تعب علي خالي
اميمه...لاعادي نحنا طلعنا بدري جينا بعد هلك طول
هنيه.. تغديتو هنا
اميمه...اها
مريم...من بدري نرجو فيكن
هنيه....إسلام عنده ابضاعه جايته هيا اللي عطلتنا
اميمه...صاح امس قالها ليا قالي نبي نرقد بدري
هنيه...اذكرت ليله امس ابتسمت
رزان...مالت علي ابتسام ريتي السخيفه اللي ماتتحشم
ابتسام...شن
رزان...عمتي قلتلها .......
ابتسام....هههههه
رزان...شكلها علقتها صباحي خزي خطرت عليا امس ادموعي ماوقفو
اروي...تفضلن عاد نحنا شربنا من بدري طولتو
رزان...لاغلط كنتو تستنونا خذت العصير
ابتسام...نجك لي صحيتي
امينه...طولتو
رزان...نبصر والله ماعندي نيه في شي نبي نطلع نطلق انظري
زينه...هيا باهي
اميمه..نفسن توا كيف جيتن
رزان...حقالله ياعمتي ملينا من حاجه اسمها حوش نبو نطلعو انفسو علي اروحنا قبل م يغرب المغرب
مريم...عدن
عايشه...دفي روحك رزان
رزان...مافيش صقع
عايشه...لاتوا م تحسيش بيه
ابتسام...حطت الكبايه مدي يدك ملوكي
ملاك...مدتلها يدها
ابتسام...صبت نجك لي انا طالعه
حني صالحه...كنها رايحه عليك ليله
ابتسام...ههههه حتي انتي ياحني
عايشه...بكل بسومه
ابتسام...والله ناكل بس مايبان عليا
عايشه...ربي يعطيك الصحه
ابتسام...امين
ملاك...مسكت يد ابتسام هيا
ابتسام...تمشي معاها ييه تلفوني
رزان...عدي توا انجيبه لك
طلعن البنات كلهن برا وطول للمزرعه
هنيه...هذك خالي ابراهيم
اروي...اها
ابتسام...نمشي نسلم عليه امرايفه عليه بنات بطني واضحه
زينه...هههههه يعني
ابتسام...نزلت الوشاح باهي وهكي
رزان...تهبلي هيا بس
ابتسام...هههههه
رزان...ونحنا رادين قولن دلال تمام
روان...اه تبي تحطها علي المشرحه
رزان...دخلكش
توجهن كلهن عند ابراهيم
ابتسام...خالي
ابراهيم...التفتت اهلين يامرحبا بخالي
ابتسام...سلمت عليه بالخد وباست يده وراسه
رزان...اختك هذي عليك رضاء ضروري البوسات ابتسمت خير ياعمي
ابراهيم...خير ياعمي انستنا وين هالغيبه رايفنا عليكن
ابتسام...حتي انا والله امرايفه عليك
ابراهيم...الله يحفظك خلن في بالكن بكرا غداكن عندي
ابتسام...لاوالله ياخالي مره اخري
ابراهيم...كلمه وحده هي توا بعد انجي نقولها للي غادي
رزان...والله ياعمي م تعب روحك
ابراهيم...ابناخياتي كيف
ابتسام...سلمك يارب تبي شي توصي علي شي
ابراهيم...سلامتك راجي
ابتسام...التفتت
ابراهيم...عطاها تفاحه
ابتسام...نجك لي طايب
ابراهيم..اها تعالن خوذن
رزان...شن المعني ابتسام بس ياعمي
ابراهيم...هههههه يييه انتي مدلها وحده
رزان...هكي اصحاب هههههه صحيت
نزلن البنات للمزرعه اصوات ضحكهن وهرجتهن كان عالي
امينه...بنات وين بيشو روان
زينه...ردن ايجيبن في الحاجات قالن نعصرو برا
امينه...ينعلي تعب نمشي نرد انساعدهن
ابتسام...وراس امك رزااااان بطني تبي اطربق هههههههه
رزان...هههههه وحقالله زينك زيزه قالت حني باهي اللي ازوج حقينه اسنونه قبل ديما مكشر وزاهد في الحياة
ابتسام....صبت انا خلاص حنجيب عارفه
رزان...غير تعالي نكملك شفت حاجه علي دلال
ابتسام...ااااه خلاص انا ارحميني اجنابي انتهين
رزان...الضحك يطول العمر
فرح...ههههههه خزي بارده
رزان...لاسميت دلال هذا وجهي كان ماحامل
فرح...ههههه عيب يابنتي
رزان...وجها مشرق حي علي عمي الساكت اللي نقول عليه طيب ماداير في رقبتها خير معش فيه حشم نبي نقوللها ادلوله وشاح علي ارقبتك عمي جد
ابتسام...تمسح في ادموعها مني
امينه...هههههههه خطيره ماعندي م نديرلها
ابتسام...تهوي علي وجها خليني انتنفس بس خلاص راني
رزان...باهي تعالي قعمزي جنبي بس
ابتسام...لاااا ههههه
هناء...حطت التلفون في جيبها شن فيه صوت ضحكن سهفني
رزان...وين كنتي
هناء...نحكي مع ادم
رزان...امممم لاغير نحكي علي عمي
هناء.....حي علي شفتيه متغير بكل
رزان...مش صاح
هناء...شكلها دلال مريحته
رزان...مضيعته وانتي الصادقه
البنات...يتمايلن علي بعضهن من الضحك
اروي...خلاص رزان حرام عليك شوفي بيسو كيف اقعدت
رزان...تاكل في تفاحه اخري يعطي فيها بكل حب
هناء...ههههههه عطينيييي
رزان...مدتلها اممممم طلع سمح عمي وهو يضحك الله يسامحك يانواره دفنتيه بالحياه طلعن عنده اسنون ويبصر ويعزم
ابتسام....تخبط علي كرعيها
رزان...هههههه والله كنت نقولك ايام زمان يابيسو عمي كأيب خاطري نشوف اسنونه
ابتسام....ااااه ههههههه
البنات...ههههههه
رزان...ايوااا انشالله ديما تضحكن
ملاك...ليا زمااااان م ضحكت الضحك هذا
ايه...وحقالله حتي انا
رزان...تلفونك
ابتسام...مديه ليا اااااه
رزان...باهي احكنلي شن جديدكن شن اموركن
ابتسام...الوو
مجدي...معاك شن جوك
ابتسام....احممم الحمدلله وين
مجدي...في الحوش جايه حنان نسلم عليها
ابتسام...صاح وصلت تجري صاح
مجدي...يعني
ابتسام...شن قتلك انا
مجدي...انحبك
ابتسام...انموت فيك
رزان...شفتن الرومانسيه
ابتسام....ههههه
مجدي...نجك لي
ابتسام...كان جبت من مراه خوك ايواا
مجدي...شن دايره
ابتسام...من الضحك خلاص اجنابي
مجدي...ههههه نجك لي
ابتسام...سلم علي نونا
مجدي...يوصل شن اديري
ابتسام...طلعت للمزرعه مع البنات
مجدي...بسم الله توا جيتي
ابتسام...ملينا من الحوش نبو طبيعه
مجدي...المهم عينك من روحك
ابتسام...حاضر حبيبي
مجدي...باي
ابتسام....اموووووواحححح
مجدي...نجك لي
ابتسام...تصبيره لعند م نجيك
مجدي...هههههه ماشي ماشي اهو احميده جا
ابتسام...باي
مجدي...قتلك
ابتسام...نعم
مجدي...حكيتي ل امينه
ابتسام...شفتلها تؤتؤ
مجدي...حاولي تحكي معاها
ابتسام...امممم به
مجدي...هيا باي
ابتسام...باي صكرت حطت التلفون جنبها
رزان...حسستينا بالنقص
ابتسام...اسكتي حقالله مسكني عرق في جنبي
رزان...خلاص سكتت هيا ننزلو لوطي جينا عشان نطلقو كرعينا مش انقعمزو خلن الحاجات هنا وتوا نردو
بشري...بعد وتيت
رزان...مش جعانين ولا
البنات...اها
رزان...صبت هيا يا بطه
ابتسام...عدن توا نلحقكن
امينه..هيا
ابتسام...لاخليك انتي
رزان...نحنا وخذين وعد مافيش خصوصيه بينا ياكلبه
ابتسام...ههههههه مش هكي
رزان...تنزل ماسكه في يد ايه امشي كذابه غير بعد تحكن انزلن
ابتسام...به
رزان...صورني صور تذكاريه بعد يكبر اوليدي يعرف امه طلعاته
امينه...هههههه عنجد هذي
ابتسام...خطيره زونه
امينه...امممم باهي شن فيه متعاركه مع مجدي
ابتسام...لا ربي مايجيب العرايك بينا
امينه...امالا عليش خليتيني
ابتسام...كان جاك عريس توافقي
امينه...ههه لالا
ابتسام.. علي فكره هوا عايش نفسك وحاسس بنفس اللي تحسي بيه واكثر
امينه...منو
ابتسام.. احمد
امينه...صبت
ابتسام...مسكت يدها قعمزي
امينه...بيسو الموضوع هذا انحكى هنا يصكر هنا
ابتسام....بصراحه بعد انفتح الموضوع هذا فرحت
امينه...ليش
ابتسام...لاني حنتريح علي بنتي
امينه...شن تفترشي انتي سلمك انتي
ابتسام....لازم م توافقي علي احمد عشاني
امينه...ابتسام كان مجدي اللي ميت ماحكيتي هكي توا جايه تبيني نوافق علي سلفك احمد عشان مصلحه لك بنتك نحطها بعيوني في حوشنا لكن ماتجبريني انوافق علي واحد مش متقبلته افهميييي
ابتسام...ابتسمت البنات يشوفن فينا
امينه...خليهن ماحد حاسس بينا تحسابوها ساهله
ابتسام...باهي قعمزي
امينه...مش مقعمزه فوتيني خليتيني نندم اني جيت عمرك ماتفكري اتناقشيني في الموضوع هذا لو انتي بمكاني ماحكيتي حتي حرف واحد وانتي كنتي اول وحده شاهده علي قصه حبنا انا وايهم احمد من اللي تبي تجبريني عليه
ابتسام...كلنا نبو انتريحو عليك
امينه...متريحه هكي
رزان...صوتهن علي
اروي...خليهن هيا
هناء...نرد زعما
هنيه...لالا خليهن
فرح...نمشي انا
زينه....يييييه علينا هنا يحكن في موضوع خلاص هيا
رزان...هيا نمشو هكي
ابتسام...انتي فقدتي واحد احمد اثنين
امينه...تبي تصكري علي الموضوع وإلا جديات نمشي للحوش خلاص حرقتي اعصابي
ابتسام...عشاني وافقي
امينه...دفت يد ابتسام انسي حاجه اسمها امينه صدق اللي قال اللي يده في الميه مش كيف اللي يده بالنار انا مروحه للحوش تلفوني وينه
ابتسام....مني
امينه...معش تحكي معاي ونبهي خواتك ولاوحده تفتح معايا الموضوع هذا
ابتسام...انا غير
امينه...كلكن كيف بعضكن
ابتسام.. انا وضعي يختلف
امينه...كنه وضعك عشتي قصه حب الكل حاسدك عليها خذيتي حبعمرك اللي كنتي تحلمي بيه توا حامل منه شن وضعي يختلف شننن اه انا م تقرنينيش بيه احمد كل قصه فينا مش كيف الثانيه
ابتسام...لاكيف بعضكم حتي هيا وخذها عن حب كيفك
امينه...انا عليش قاعده مازالت نفس الموضوع والله ورحمه ابهم لونحسابك تحكي هكي م قعدت
ابتسام...حتي كان قتلك عشاني توافقي
امينه....الااااا افهمي شن هاليله ياربي انا مروحه
ابتسام...انا عندي ورم علي الدماغ
امينه...قولي البنات مريضه كان قالن عليش روحت
ابتسام...تشوف للبنات وهنا يمشن
امينه...ردت شن قلتلي توا
ابتسام...عندي ورم علي الدماغ
امينه...ردت قعمزت هههه معقوله عشان تبيني نوافق ع احمد اتبلي علي روحك بالمرض
ابتسام..تمسح في الدمعه اللي نزلت لا انا مريضه
امينه...لالا انتي تكذبي قلتي نقول هكي عشان نستعطفها وتوافق
ابتسام...حضنتها نكذبش خايفه نموت وخايفه علي بنتي لو صارت فيا حاجه عارفه حتكون بأمان مع مجدي وهله وهلي بس نبيك انتي تكوني معاها لأنك فيك مني واجد خايفه نموت وانا مازالت ماشبعت من اللي نحبهم
امينه....بعدتها تمسح في دموعها يابيسو شن تحكي انتي ورم شن قوليلي نبصر معاك عشان توافقي علي احمد ورحمه ايهم وعبسي معش عندي جهد نفقد منكم اخري واجد ايهم وعبسي اللي مازالت فيا غصه من بعد موتهم
ابتسام...كان انا متت بنتي تهتمي بيها
امينه...اشششش ردت حضنتها شن تحكي انتي ماسمعت شي احكيلي ورم شن كيف مجدي عنده العلم
ابتسام...تمسحلها في دموعها تؤ ماعنداش علم انا وانتي وايمن بس
امينه...ايمن
ابتسام...امممم
امينه.. من امتي كيف ماحكيتولي والاهم كيف قاعده توا ليش مادرتي عمليه صبت لازم مايحولو الورم باهي ورم شن
ابتسام...قعمزي بس
امينه...تحكي بيديها كيف عرفتي ليش ماقلتولي ايمن مايدس عليا شي كيف ماقالي
ابتسام...تشوفلها وافقي علي احمد عشاني حتي كان صارت فيا حاجه نكون متربحهههه يامني
امينه...اسمعي عندي صاحبتي بتول تعرفيها خوها اشرف تخصصه الأورام اكيد حميدي
ابتسام...مني مش حنستأصله خايفه يكون سرطاني اقل شي نعيش فتره مع بنتي
امينه...انا مانسمع في شي احكيلي
ابتسام...يوم اللي مشيت مع هاجر وايمن ..............
امينه...تنهد تمسح في ادموعها ليش ماحكيتيلي من امتي اندسو علي بعضنا
ابتسام...ولاكنت ناويه نحكي بس بعد سمعت قصه احمد انا يبي يتقدملك فرحت وطمنت وتربحت
امينه...مش وقت احمد وقصصه
ابتسام...مافيش حد عنده العلم الكلام بينا
امينه...فتحت تلفوتها راجي انرن علي بتول
ابتسام...نزلت التلفون لا
امينه.. تبكي معناها انتي تكذبي
ابتسام...طلعت التلفون رنت علي ايمن
هاجر...منو
ايمن...ابتسام صبي الو
ابتسام.. فتحت السبيكر خيررر
ايمن...ومرحبا شن الجو
ابتسام...تنهدت الحمد لله
ايمن...ها شن الوضع عندك
ابتسام...علي حاله
ايمن...مازالت اتجيك النوبه
ابتسام...امممم
ايمن..افطني لروحك راكي اطيحي علي شي مكان
ابتسام...باهي قولي ايمن
ايمن...شن نقول
ابتسام...الورم
ايمن...كنه
ابتسام...سرطاني
ايمن...انشالله لا
ابتسام...باهي سلم ايمن الموضوع بينا
ايمن...يمشن الشهرين هذين وحنطلع بيك برا
ابتسام...ايسير خير
ايمن...تم توصي علي شي قالو في المزرعه مهيجه
ابتسام...ههههه اها شخبار حني وهجور ومنونه وهومي
ايمن...اكويسين قعدين في الحاجر معانا عيت صالح
ابتسام.. الله عليك جو سلم عليهم كلهم
ايمن...يوصل سلامك
ابتسام...وين قاعد
ايمن...طلعت لشارع
ابتساام...نجك لي باهي نطولش عليك باي
ايمن...بسومه
ابتسام...اعيونها
ايمن...عينك من روحك
ابتسام...انشالله
ايمن...معالسلامه
ابتسام...صكرت شافت ل امينه
امينه...تمسح في ادموعها
ابتسام.. صدقتي
امينه...مش مصدقه كيف عندك ورم م حكيتولي
ابتسام...مانبي نزعل حد
امينه...لازعليني
ابتسام...احمد هوا اللي قال ل مجدي يحكي معاك يعني هوا يبيك
امينه...بالله عليك اسكي
ابتسام...حتي هوا انكسر في مراته واوليده
امينه...خلاص باهي
ابتسام...شن اللي باهي
امينه...اسكتي
ابتسام...نبيك تكوني جنبي قدام اعيوني حتي كان
امينه...اسكتي اسكتي خلاص نفسيتي تعبانه تمسح في ادموعها
ابتسام...نعطيك تفكري بكره تردي عليا اهن البنات جن اسكتي ماكأني حكيت شي كنك اذكرتي ايهم
اروي...كنك م لحقتنا
ابتسام...ثقلت
رزان...قعمزت اااااه اميه بنات
ابتسام...مدتلها شيشه
رزان...فتحت تشرب احححح هههههه شوفن هنيه تضحك كيف تمشي
اروي...نجك لي افريحه شوفي كيف مسكتها
رزان...انتي يابنتي كنك تبكي
ابتسام...غمزتلها اذكرت ابهم
رزان...ينعلي الله يرحمه يامني تريح من هالحياه الحلوه خطرتي عليا امس ادموعي شلال راس لهلال
امينه...شفتلها هههه
رزان...ايوا اضحكي الحياه ماشيه والحي يريد والميت ايريد
امينه...الميت شن يبي
رزان...اترحمي عليه تدعيله لانه هوا في مكان اجمل من الدنيا حتي لوبكيتي دهر مش حيجي خلاص انتهي الموضوع
اروي...والحي
رزان...يبي يعيش الحياه بضحك وفرفشه وجو سمح علي فكره الحزن والزعل يقصر العمر عيشي كل يوم بيومه
ابتسام.. نجك لي ياعقلي الكبير ياسلفتي السمحه
رزان...زعلانه منك
ابتسام.. ماتوا قلتي الزعل يقصر العمر فكيها
رزان...اااا انسيت صاح مافيش حاجه اتزعل
امينه...ابتسمت شافت ل ابتسام
ابتسام...مسكت يدها
رزان...وريني البنات شن جابن
اروي...هيا نونا ويه
بدن البنات يجن يقعمزن ويشربن في اميه
بشري...وتيت المفرش تعالن
رزان...صورن ودزنلي اه
ايه...حاضر
قعدن كلهن علي المفرش وكانت رزان هيا اللي مفرفشه الجو بضحكها وهداريزها السماح
ابتسام...انا معش نقدر ااااي ياجنبي
امينه.. ماسكه في يد ابتسام تضحك بالمجاملات
ايه...شن درتيله
رزان...حقالله فكه مني احمد خوه
البنات..ههههههه
ابتسام...وانا اشهد
رزان...انتي نقضتي الموقف دختي فجأه
امينه...شفتلها
ابتسام...شفتلها اضحكي من الفجعه
بشري...عليك احرجات
رزان...عادي بس بجد احمد وقف وقفت قدع مسح بيه الارض وضربه بكف
روان...لااااا
رزان...يستاهل بس نجاليا تأدب بعد الطريحه
ابتسام...تشرب في اميه اشرقت
امينه...تخبط علي ظهرها هههه
ابتسام...احم احم احم
زينه...مسكت خشم ابتسام
ابتسام...تاخذ في نفس
امينه...خلاص زونه
رزان...كنكن وجوه النكد نحكي عادي
بشري..عطك الخير يازونه تخيلت شكلك وانتي تضربي فيه مفتريه
رزان...اها واعره يابنات الخونه ربك مايجيبها لصاحب
ابتسام....باهي زونه خلاص
رزان...نحكي انا خليني قلبي مليان مش متعوده اندس عليكن
ابتسام...انتي تحكي م تضحكيش انا خلاص منتهيه
رزان...هههههه مديلي ويه مكسرات
ايه...قربتهن لها
رزان...ربي مايحرمني من هالقعده يارب وديما ملتمين علي خير
الكل...امين
رزان...اخباركن حلوه كلكن نجكن لي
زينه...شن تبي تسمي شيخ الشباب
رزان...بصراحه خاطري في اسم (لقمان) حتي وسام مش متكلم
ايه...الله يهبل
اروي...وانتي بيسو
ابتسام...احمممم سعده انشالله
البنات...سعده
ابتسام...تشوفلهن بالوحده اها سعده
رزان...بصراحه تستاهل عمتي
اروي...كنه عمك ماتسمي عليه
رزان...علي اساس بيطلع كيفه
ايه...شن اسمه هوا
رزان...خليفه
ايه...والله حلو
رزان....تبي تاخذي الكباره انتي عاد سعده
البنات...ههههههه ههههههه ههههههه
ابتسام...اجودي قالي هيا قايله ماحد يسمي عليها بس انا ديرتها لها مفاجأه
امينه...نجككك لي
ابتسام...وليا يارب
رزان...فرح القط واكل السانها
فرح...هههههه لانسمع فيكن ماعندي م نحكي
هنيه...شافت ل امينه
امينه...غيرت الموضوع شن جو حنان يا اروي
اروي...اها صاح جبتبها بيسو
ابتسام...امممم
اروي...حنان امس جوها خارب ونزل تيم يخبط في حاجه سايره سألت دوسه قالي مشعارف مافيش داعي تسألي نحنا ماندخلو بحد
رزان...تحكي جديات
اروي...وحقالله نحكي جديات
ابتسام..امبدري نحكي مع اجودي قالي جت غادي
اروي...لا اللي نحكيلك عليها امس معناها اصالحو لاني نمسع فيها صوتها عالي تقوله وديني ياتيم
رزان...بشنو ذكركن تيم سيناريو لميس ويحي بس لميس تقول ل تيم بدي عيش تييييم ههههههه
البنات..ه.هههههههههه
اروي...ههههههههه حقيره والله نحكي جديات
رزان...طيبه نونا ماتعرفش تتصرف
ابتسام...تستاهل كل خير ربي يسعدها بس والله تشكر فيه حتي هاجر تحكي غير علي تيم
اروي...ردن بالكن تقولنها لها
ابتسام...مش من جدك انتي
رزان...راجلي كنه ناسيني لارن لاشي يقول حيه ميته
زينه...تريح من لسانك
امينه...شافت لساعه يدها اوووو بنات راح الوقت هيا مغرب مش اكويس يغرب وانتن بره
رزان...شيبتونا علي هالذريه
البنات...هههههههه
امينه...صبت مدت يدها ل ابتسام
ابتسام... ماسكه في يد امينه صبت ااااه ظهري تمشي
امينه...يوجع فيك
ابتسام...شوفي حتي بطني نزلت
امينه...راجعتي
ابتسام...لااا
رزان...راجنا
ابتسام..وقفت هيا
بشري..خلاص كملنا حطيت بوه علي خوه هههههه
ايه...عادي
طلعن البنات كلهن طابور واحد يمشن ويهدرزن ميتات ضحك علي كلام رزان
ماحسن بالطريق خشن للحوش اذن المغرب
عايشه...جيتن
امينه...تسلح في كندرتها جينا
عايشه...كنه وجهك اصفر
امينه...حطت يدها علي خدها لا عادي
عايشه...لاوالله شوفي
ابتسام..شفتلها
امينه...عادي عويشه امي وين
عايشه...جوا مع خالك ابراهيم
امينه...خشت
رزان....بسسست
ابتسام...شفتلها
رزان...كنه القمر زعلان
ابتسام...لااا نمشي انتوضي ونصلي المغرب ونجيك
رزان...حتي انا نخش نصلي
كل اشوي خاشه وحده من برا عادا فرح وزينه قعمزن علي مقدمه الحوش
زينه...مستحيل يخليك
فرح..خايفه صاح هوا خاف بعد فكر اني منتحره بس في حاجه مخوفتني
زينه...عليك نصيب ماكان فيه شي
فرح...تحسابي انا معدله ورحمه عبسي مش مدوره الموضوع بكل بعدها انا اللي قتله اضرب نووي امسحه بكل وكنت راضيه بكل شي اهم شي يكونلي بخير
زينه...فيها خيره ربي كريم
فرح...انشالله يارب خايفه بس كل بعد فتره انردو علي نفس الموضوع
زينه...لاانشاالله خير
فرح...انشالله وهذي كل حكايتي اكيد وجعت راسك من ونحنا في المزرعه وانا نحكي
زينه...هبله انتي لاوالله
فرح...يخليك ليا يارب وانتي شن جديدك
زينه...محمد يحكي معايا
فرح...الله
زينه...وحقالله بس ياافريحه في شي مخوفنييييي
فرح...بسم الله شن هوا
زينه...طبعا هوا اللي رد اتصل بيا وانا ماقدرش يطلعني من قلبه وكلام هذا
فرح..باهي
زينه...لكن كل مايفتحلي موضوع انا يبي ايجي يتقدم اتسير حاجه
فرح...كيف شن
زينه...خالته مريضه خطرلها تمرض يوم اللي يحكيلي الموضوع
فرح..هههههه عطك الخير
زينه...واللهي افريحه ولد عمه توفي
لااخر حاجه هي اللي تضحك
فرح...شن
زينه...قالي خلي اختي نين اتجيب
فرح...معقوله
زينه...بصراحه حتي الرد معش رديت عليه ولو رديت كلماتي محدوده حسيته يتهرب حسيته برغم كل اللي داره فيا انسيته لاني مكبده فيه مش حب لكن ليش هوا كل مره برائ
فرح...ممكن خايف من المسؤوليه
زينه...كيف يبي يفتح حوش بالله عليك
فرح...تجاهليه
زينه...كيف
فرح...مش كل مره برأي
زينه...اها
فرح...خلاص تجاهليه وكان قالك كنك قوليله انا نبي الحلال
زينه...قولك
فرح...اكيد لأنه كلمه الحلال مش ساهله يايكون راجل وقد كلمته ويجي يطلبك رسمي يايفك فيك ويتهرب ولو تهرب فكي فيه بكل بكل بكل وعيشي حياتك
زينه...لاهي قولتك مايكون الا الثاني
فرح...مافيها شي قوليله انا نبي علاقتي بكل اتم بالحلال ياولد الناس تبيني حوش باتي عارف طريقه ماتبيني ربي يسهل طريقك
زينه...نجككك لي كلامك ريحني
فرح...والحياه ماشيه هيا نخشو نصلو
زينه...معذوره انا بس حنخش معاك
هنا خشن طلعت ابتسام امينه
ابتسام..لوين
فرح....نصلي
ابتسام...اها باهي
فرح...وانتي
ابتسام...علمي ضايق نقعمز برا
فرح...نصلي ونجيك
زينه...انجيبلك حاجه وانا خاشه
ابتسام....نجك لي لا عمري
امينه...قعمزت
ابتسام...ناعلي الدرجيحه مازالت قاعده
امينه...ههه ماتحولش من جيل لجيل
ابتسام...جت قعمزت عليها
امينه...راكي اطيحي بس
ابتسام...لاماتخافيش
طلعت من الباب دلال مراه ابراهيم شفتلهن وابتسمت
امينه...تعالي اقعدي معانا
دلال..مافيهاش ازعاج
ابتسام...معقوله كلامك هذا تعالي
دلال...جت قعمزت جنب امينه
امينه...شن اخبارك
دلال...الحمدالله شن اخبارك انتي
امينه...الحمدلله
ابتسام...باين عليك اصغيره دلال
دلال...كم تعطيني
ابتسام...79\78
امينه...لااصغر واضح
دلال...ابتسمت 83
ابتسام...الله
دلال..واللهي
ابتسام...ماشالله ماشالله خالي كبير عليك قصدي يعني كيف نقولها منييييييي
امينه&دلال...هههههه
امينه...فهمتي قصدها ولانشرح
دلال...انا متزوجه ومطلقه
ابتسام...سبحان الله علي النصيب
دلال..نصيب طبست
امينه...مهما كان اللي عشتيه بس مع خالي حتنسي كلشي
دلال...شفتلها
امينه...خالي بعد خذاك تغير مهما نقولك مش حنقدر نوصلك الفكره صاح عمتي نواره اكويسه وطيبه وفي حالها عمري ماسمعت منها كلمه تجرح لكن كان خالي ديما عبوس وكأيب بجديات توا متغير حتي البنات املاحضاتها الأبتسامه مش فارقته ياخذ ويعطي معانا بالكلام يعني متغير واجد
دلال...انا نبي غير انتريح بس
ابتسام...مع خالي حتريحي بجد كلام امينه ع خالي متغير مش اني نعطيك عمتي نواره كل وحده معزتها خاصه لكن معاك فعلا الضحكه مش فارقتك
دلال...قلت ل ابراهيم نمشيلها بس هوا رفض
ابتسام...لمن تمشي
امينه...شافت ل ابتسام
دلال...ل نواره
ابتسام...هيا بعد زواجكم حتي نحنا فكت فينا حتي بعد باتي دار عمليه ماجتنا
امينه...نصيحه خليها بعد فتره اما توا ماننصحك
دلال...قولك انا عادي متقبله اي ردت فعل منها
ابتسام...ربي يهدي النفوس بينكن
امينه...صبت نبي نشرب اميه تبن حاجه
ابتسام...انا لا
دلال...ولا انا
امينه...خشت
ابتسام...صوت سياره بس من ورا الحوش
دلال...ممكن اعيال ابراهيم
ابتسام...يجيك مؤيد اما حمزه خلاص ايقامه في تونس
دلال...بصراحه يعاملو فيا معامله اكويسه
ابتسام...ماشالله باهي والله
ابراهيم...طلع من الباب دلال
دلال..شفتله نعم
ابراهيم...الحوش مفتوح
دلال...اهو المفتاح لالا
ابراهيم...توا نقوله تعال هنا
دلال...جايك ضيف
ابراهيم...لايوسف
ابتسام...ضغطت يدها علي الحبل جسمها كله يرعش مجرد م سمعت الأسم
ابراهيم...الو تعال هنا لحوش حنك خش جوا
ابتسام...وراس اغلا شي عندك دلال م تخليش ايجي نبي نصبي كرعي رقدن مانبيش نشوفه
دلال...خلاص بشويا ترعشي مش حيديرلك شي
يوسف...يمشي ويحط في التلفون في جيبه السلام عليكم اعيونه علي ابتسام
دلال...وعليكم السلام صبت سلمت
ابتسام...تشوفله عيونها تعبو ادموع
دلال...خش جوا ولا نعطيك مفتاح الحوش
يوسف...لاحتي هنا الجو تمام شن لمور بسبوسه
ابتسام...ارتبط السانها
رزان...طلعت اووووو المشاغب عندنا
يوسف...مد يده وعليكم السلام
رزان...سلمت شافت ل ابتسام خش جوا
يوسف...خش بدون مايشوف ل ابتسام
رزان...شافت ل ابتسام ههههه اكيد جاتك الليه
ابتسام...كان جا اجودي وشافه شن اندير انا
رزان...جايك بكره ماجا بكره الا وفيه حل
ابتسام...يوسف يبي يخرب حوشي زايد ناقص
رزان...ماتفكريش هكي
دلال...بعد العشاء توا نقوله هيا
ابتسام...امتي جا هواااا
دلال...له اسبوعين جاي تقريبا
رزان...غريبه ماقلنها لنا البنات
دلال...لاقاعد في البيضاء لكن المزرعه اليوم جاء
ابتسام...رزان
رزان...والله ماتخافي توا اتجيبي علينا
ابتسام...معش نقدر انتحمل حاجه اخري خلاص
رزان...انا معاك كان هكي نقول ل وسام هوا اللي ياخذنا
ابتسام..مستحيل يخليني اجودي
كل مره طالعه وحده من جوا منصدمات من جيت يوسف وكلهن جن يشوفن في ابتسام اللي مش قادره اتصبي بعد شفاته
امينه....خلاص بيسو بعد اللي داره وندار فيه معش يقدر حتي يقرب منك
فرح...بس قاعد ناقص بكل
روان...فنصت فيها
فرح.. قصدي
امينه....صبي معايا
ابتسام...كرعي مرقدات
رزان...وعيهن
ابتسام...هههه
رزان...ايوا خليك ديما تضحكي الحياه حلوه
طلع يوسف والكل عينه عليه شفلهن كلهن جت عينه علي ابتسام دلال
دلال...نعم
يوسف...نبي الأوراق
دلال...مشعارفه ابراهيم وين حطهن بس هاك المفتاح وشوفهن
يوسف..مازال يحكي وعيونه علي ابتسام لاشوفيهن ليا
دلال...تمام طالع انت توا
يوسف....لابايت
دلال..خلاص توا انفرشلك في المربوعه في الحوش هيا
يوسف...لابايت في حوش حني......#يتبع
اسفه لو في لخبطه في الأسماء
#انتظروني
في الحلقه اثنان والأربعون
#نورهان✍
