#جبرني_الوقت⏳
#الحلقه_التاسعه_والعشرون
بقلمي ✍ #نورهان
كُل الحُب لعائلتي الدائمِين بجوار قلبي
اللهُم عائلتي لاتضَر قلوبهم ولاتضام🫀
مجدي...خش للشقه وطبق الباب عزق المفاتيح علي الكنداره
خش لصاله يدور في ابتسام بعيونه مافيش صوت غير صوت التلفزيون علي القران الشقه بنة الفاصوخ فايحه يشوف لزينه رمضان اللي شاعله كلها شاف للكوجينه لقي الطاوله منظمه السلاطات ومغطيتهن والطنجره علي الغاز مازالت ماتغدت لتوا معقوله طلع يعيطلها ابتسام ابتسااااام كنها ماترد شن جو العناد هذا دف الباب الدار بكراعه ابتسام
ابتسام...سانده ظهرها علي السرير وحاضنه المخده
مجدي...مش نعيط انا
ابتسام...دافنه راسها في المخده ماتردش
مجدي...قرب جيه السرير كر المخده
ابتسام...رفعت راسها طاح المنديل خشمي ينزف
مجدي...خشمك ينزف
ابتسام...مسكت المنديل ردته لخشمها دموعها ينزلن طبست معش ردت عليه
مجدي...مسكها من يدها صبي
ابتسام...مش قادره كرعيا مرقدات
مجدي...تعالي توا نسندك
ابتسام...هزت راسها بمعني لالا
مجدي...مسكها من يدها
ابتسام...بعدت يده نبيش
مجدي...رفعها بين ايديه
ابتسام...مطبسه مش قادره ترفع وجها فيه
مجدي...فتح باب الحمام نزلها
ابتسام...ماسكه في جاكته ماتخلينيش حنطيح
مجدي...حاضنها من كتفها يبعد ف شعرها فتح الشيشمه يغسل في خشمها
ابتسام...دم واجد
مجدي..طايحه
ابتسام...تبكي لاا بس رقدت مرتفعه عليا الحراره وعيت خشمي ينزف ماليا شي
مجدي..ليش مارنيتي علي طوووط كر مناديل حطا ع خشمها ارفعي راسك هيا معايا
ابتسام...رافعه راسها وماسكه في جاكته
مجدي...تعالي لصاله
ابتسام....لاتعال الكوجينه اكيد جعان
مجدي...ليش ماكليتي
ابتسام...نحبش ناكل بروحي
مجدي...لاكولي
ابتسام...قعمزت علي الصالون
مجدي...ارفعي راسك
ابتسام...يحرق فيا خشمي
مجدي...كان ينزف ولااول مره
ابتسام...في الصيف نوعا ينزف ديما
مجدي...نولع المكيف رد حط يده علي رقبتها مافيش حراره
ابتسام...انزلت
مجدي...مشي لطوله خذا الريموت المكيف ولعه رفع يده توا يبدا يصقع
ابتسام....رفعت كرعيها علي الصالون ورافعه راسها
مجدي...انعدي نسخن الغداء بعد المره انتأخر حتي دقيقه تغدي فهمتي
ابتسام...شفتله وردت اتشوف لسقف
مجدي...نحكي انا
ابتسام...تحكيش معايا
مجدي...السبب
ابتسام...عارف روحك
مجدي...قرب منها بعدي اشوي
ابتسام...بعدت
مجدي...قعمز جنبها ويده ع خدها يمشي فيها انا اللي عارفه اني انحبك ونغااااار عليك ياروح
ابتسام...والله
مجدي...والله
ابتسام...هههه برائه باهي صبي من يلايا
مجدي...تؤ مش مصبي شن تبي اديري
ابتسام...بعد يدك
مجدي...مسكها من شدوقها مش مبعد ياشدوقي
ابتسام...اااي حولت المنديل وقف
مجدي...وقف
ابتسام...نخاف انصبي ينزف اخري
مجدي...خليك في مكانك توا انجي
ابتسام...نبي نعدي انتغدا جعانه
مجدي...اشوي خش لدار فتح الدرج خذا البوكس ورد لصاله
ابتسام...شن هذا
مجدي...هديتك
ابتسام...نبيش هدايه انت اليوم بكيتني
مجدي...كان قبلتيه وعد معش تبكي طول ماانتي معايا
انحبك انا يالهبله
ابتسام...شن فيه
مجدي...فتحه
ابتسام....عدلت قعدتها تلفون
مجدي...شن رايك
ابتسام...شفتله ايفون
مجدي...مش اخساره في الروح
ابتسام...غالي
مجدي..مايغلاش عليك
ابتسام...تلفوني
مجدي...اقفليه وخليه في دولابك
ابتسام...بجديات عليش جبته
مجدي...عشان انا سبب كسره تلفونك
ابتسام...امممم
مجدي...امسكي البوكس
ابتسام...فتحت التلفون حبيبي
مجدي...يشوفلها هممم
ابتسام...فيه شفرات
مجدي...اها شريت شفرات بأسمي لبيانا ومدار علقتهن لك
ابتسام...وشفرتي
مجدي...عطيني نكسرها
ابتسام...ليش
مجدي...مانبيش مشاكل بينا
ابتسام...عرفت القصه فيها يوسف ابتسمت نجك ليا يهبل
مجدي...اعيونك اللي يهبلو ياروح
ابتسام...معش اتزعلني
مجدي...وعد عجبك التلفون
ابتسام...اها حبيبي يجنننن
مجدي...مش خساره فيك
ابتسام...حضناته تعيش وتجددلي حبيبي
مجدي...غير معش تكسري
ابتسام....ههههه حاضر
مجدي...انااا علي ناااا صبي
ابتسام...صبت ماسكه في يده
مجدي...شن دايره الغداء
ابتسام...رز بالخلطه ولحم وكبده درتها بروحها مبطن وسلاطات
مجدي...اوووو سلم ايديك
ابتسام...سلمك قعمز انسخن
مجدي..لاانتي اللي قعمزي
ابتسام...حبيبي ماتقيدنيش مافيا شي
مجدي...كلمه
ابتسام...كلمتك علي راسي بس قعمز حول الغطا ع الطوله
مجدي...حول الغطا علي الطوله متعبه روحك
ابتسام....وعيت بدري خطرها شن رايك في الزينه
مجدي...العقد اللي عالقته علي الشجره في الزاويه عجبني ملفت
ابتسام...عقد هلال وقمر
مجدي...عجبني
ابتسام....ولعت الغاز شن رايك في تغيير الشقه
مجدي...راحه نفسيه والله من اول ماخشيت
ابتسام...نجك لي
مجدي...شن درتي بعد مشيت
ابتسام...بكيت قبل هههه شفتله بعدها ولعت علي الدبش ونظفت الحمام بدت فيا الحراره ودوخه خشيت رقدت وعيت علي خشمي ينزف
مجدي...يانعلي ياخشيمي
ابتسام...تحط في الرز خشيمي زعلته اليوم والله مانخليها في خاطري حطت الرز وطلعت المبطن من الميكرويف علي الطوله والكبده
مجدي...شن ياشدوقي
ابتسام...جت حضناته من وراه راسها علي رقبته تبوس فيه معش اتزعلني في الصبح جيت نبي نحضنك خشيت لحمام كسفتني
مجدي...كنت متعقد ياروح اسف
ابتسام...المشكله لو شن درت فيا مانقدرش نزعل منك كبيدتي انت اجودي
مجدي...عارفه ليش انحبك
ابتسام...هئه
مجدي...حنيتك عليا حتي لو كنت معصب حنيتك هذي تخليني ننسا كل اللي صار معايا
ابتسام...بساته علي ارقبته وجت قعمزت علي الكرسي شن مزعلك احكيلي وعدنا بعضنا ماحد يخبي علي الثاني شي
مجدي...مافيش حاجه مهمه
ابتسام...نبي نعرف حسيتك اوقات كارهني
مجدي...اشششش معش تحكي هكي نكره اللي يكرهوك
ابتسام....مسكت يده انحبك
مجدي...هيا ناكلو قبل مايسقع
ابتسام....صحه حبيبي
مجدي...علي قلبك يشوفلها تنهد مايبيش يحكيلها لو يحكيلها عارفها مش حتقبل التلفون
ابتسام...كول حبيبي
مجدي..اه اها هيا بسم الله
#نورهان✍
امينه...تغسل في العوايز الغداء مع اسراء
فاطمه...بنات وين صواني الكبار يبو يذبحو
امينه...امي في المخزن
فرح...تعالي توا انطلعهن لك
فاطمه...جبيهن في القطعه الورانيه
فرح..تمام نرقا فوق انجيبهن ونجي
اصيله...راجيني نمشي نساعدك
فاطمه...طلعت للحاجر
ادم...خير عمتي
فاطمه...نعيما ماشاءالله تحليقه سمحه
ادم...مسح علي راسه سمح ايامك ياغاليه
فاطمه...هههه سلمك
ادم...امي وين
فاطمه...في القطعه يذبحو
ادم...بدو
فاطمه...اها بدو
ادم...نمشي معاك
فاطمه...تغديت
ادم...اها
فاطمه...صحه
ادم...سلمك يمشي للقطعه
ايمن...تعال ادم
عبدالسلام...جو قهوي بكل ياباتي امسك اطلق
صالح...امسك ياولد
عمران...هههه عدي عبسي توا نمسك انا
عبدالسلام...اصلي ياعمي
صالح.. ماتباعدش
عبدالسلام...عندي مكالمه حمادي شوف باتك ياليد
ادم...ههههههه
ايمن....هههههههه غضيب
صالح...ههههه لاحول الله
عبدالسلام...هههههه اوك
ادم...والله تبعد يومك
عبدالسلام...خاش ل مني والبنات
ادم...وين انت وين عيت حنه
عبدالسلام...مش جايبها للبعيد غمزله
ايمن...هههههه قصف عشوائي ولا
ادم...والله انوريك
حمادي...مش حتقدر عليه السانه هالبه
ادم...بكل تبيلكم مجلس تأديبي
حمادي...غير طبقه لروحك قبل
ادم...تعال باه
حمادي...باتي
صالح...تريح ادم
ادم...ياباتي معش فيه احترام بكل
صالح...خليه حمادي مايجي شوره حد
حمادي...شفت يطولي بعمرك ياغالي
ايمن...هههههه جيت علي اخر العنقود حي عليك ياادم
ادم...احسابك معايا محمد
حمادي...باتي
صالح...ريحوني
عمران...ساعه كم ادم
ادم...2:30
عمران...مازال بدري
حواء...شن دايره هناء
فاطمه...والله ماشفتها
ايمن...كنها
ادم...شفلها
فاطمه...سنها توجع فيها
عمران...كان هكي تمشي تقلعها
فاطمه...لاماتبيش خذت دواء
حواء...شافت ل فاطمه وضحكت
فرح...امي اهن
اصيله...ماعاد قدرتو اديرو المخزن الا فوق
ادم...ياخساره كنا جبناك مقاول
اصيله...ههههه بطل سماطه
ايمن...هههههه
اصيله...والله الدروج يكسرن الواحد
ايمن...كان قلتنها راني نزلتهن من امس
اصيله...ماتقدرش غير انا وافريحه ونفسنا انقطع
فاطمه...سلمكن هاتن
اصيله...حطتهن علي الوطا
حواء...ليش حطات كم وحده فوق بعضها
اصيله...عشان ماننزلو ونرقو
ادم...ديريلي قهوه
اصيله..توا
ادم...انشالله
اصيله...والله تعبانه خليها اشوي تغديت
ادم...اها
اصيله...صحه خليها اشوي ونجيبلك حاضر
ادم...توا نمشي بروحي بلا جميلتك
هنيه...ماسكه يد حني امينه
امينه...وين
هنيه...تطلع اتفرج عليهم
امينه...صقع
هنيه...وين تشوفي فيه الصقع جو يهبل
امينه...باهي عينك منها
هنيه...في اعيوني
ادم...لوين
هنيه...طلعها معايا برا
ادم...جيبي كرسي توا انطلعها
هنيه....خذت كرسي من الطوله اللي في حاجر وطلعته لل قطعه
ادم...خش من باب القطعه
ايمن...امي
عمران وصالح..شافولها
حني امينه...ربي يساعد
عمران...انشالله
صالح...يالله
حواء...جيبها هنا
ادم...وين
حواء....هنا خليها اتفرج
فاطمه...تعدل في الكرسي
حني امينه...قعمزت ايواه الله يربحكم
عمران...اهو حوليك معلق
حني امينه...ماشاءلله ماشاءلله انشالله كل سنه وانتو طيبين
الكل...وانتي طيبه
ادم...اصيله
اصيله...ايوا
ادم..جبيلها حاجه غطيها
حني امينه...لالا اكويسه هكي مافيش صقع
ادم...وين حني مافيش صقع
حني امينه...لاجو سمح تشوف ل عمران وصالح وايمن
ادم...معناها نمشي اندير قهوه
حواء...عدي
ادم...افطنن ل حني
حواء...به
#نورهان✍
امينه...ههههههه نجك لي ياعبسي
عبدالسلام...والله نحكي جديات شن رايك في التحليقه
امينه...حضناته نجك لي ياريت خيي عبسي حي
عبدالسلام...الله يرحمه
امينه...تنهدت اللهم امين
عبدالسلام....انا خيك خلاص كان مات عبسي حتي الشبه نشبهو لبعضنا حتي في المدرسه يحسابونا خوت
اسراء...عبسي مامات الا من العين حافظ كتاب الله خلوق محبوب هادي دمه خفيف جميل جميع صيفات الحلوه فيه ليش مايعيطو وراه
امينه...نجك لي مش خايفه عليه القران اللي حافظه اكيد لقيه قدامه
عبدالسلام...بس نفرقو علي شي
امينه...شن
عبدالسلام...انا صايع ضايع وهوا محترم وخلوق
امينه....ههههههه نجكك لي
عبدالسلام....ههههههه ايوا اضحكي
اسراء...هههههه ولسانك طويل تبيله قصه
عبدالسلام...كنكم معاه لساني
اسراء...هههه نجك لي
عبدالسلام...وين باقي الفرخات
امينه....من
عبدالسلام...التؤام وحده منهن مختفيه
امينه...هناء مريضه راقده
عبدالسلام...كنها
امينه...راسها يوجع فيها
عبدالسلام...خذت بنادول
امينه...اها
عبدالسلام...شن رايكن في التحليقه جديات
امينه...تشتشت في شعره والله تهبببل
عبدالسلام...يعدل في شعره عارف
اسراء...ههههه وعليش تسأل
عبدالسلام...عندي موعد اصلا
اسراء...اليوم
عبدالسلام...اها
اسراء....اسملا علي اللي تبي تاخذك
امينه...امشي روحي نجا ليا عبسي مامن اللي تتمناه
عبدالسلام...افتحي بلوتوثك
امينه...ههههههه
اسراء...ههههههه
ادم...خش للكوجينه دوم الضحك
عبدالسلام...سلمك دوم وجودك حولنا
امينه....هههههه نجك لي
ادم...اسكت ياعبسي
عبدالسلام...رفع جمته سكتت
امينه....ههههههه نجك لي
عبدالسلام...خلاص مني اللي اتفقنا عليه
ادم...شن
عبدالسلام...موضوع بيني وبين مني
ادم...اللي هوا
عبدالسلام....مش شورك
ادم...قرب من عبدالسلام
امينه...يبيني انديرله مبطن بكرا
ادم...اوووو ابداع طبعا
عبدالسلام...انا طلبته
ادم...اكيد مش حدير لك بروحك اكيد العايله كلها
هناء...خشت للكوجينه مني تلفونك يرن من بدري
امينه...شن دايره
هناء...هوا اللي وعاني
امينه...خذاته وجهك اصفر
عبدالسلام...من يومها صفره
هناء...ابتسمت عبسي نجك لي
عبدالسلام...امرايف عليك يا نعجه
هناء...ههههه ماعنديش نيه نضحك
اسراء...انديرلك كاكاو
هناء...شريت بيدها هئه نبي نرد نرقد
امينه...من بدري راقده
هناء...ماحد يدورني
عبدالسلام....نمشي نعاينك
ادم...من وينلك السياره
عبدالسلام...سياره باتي
ادم...لاريح روحك هيا
هناء...وين
ادم...تقلعي امها
هناء...شافت للبنات شن
ادم...سنك
هناء....مسكتها ضحكه لالا
ادم...بكرا صيام توا توجعك
هناء...لاتمام شافت للبنات وجها قعد احمرررررر خشت لدار طول تحت البطانيه دافنه راسها اي سني ياادم عنشكلك
عبدالسلام...من قالك سنها
ادم...عمتي فاطمه
عبدالسلام...اهااا سنها
ادم...شفله كنك
عبدالسلام...البنات قالن راسها
ادم...شاف ل امينه اللي تشوف ل اسراء وجها احمر
عبدالسلام...مش قلتن هكي
ادم....اها ماراسها عالق في بعضه لما تقعد واصله للعظم راسك كله يوجعك
عبدالسلام...احسن شي ماتوجعني طول في نفس الوقت نقلعها ماعنديش جو نرجاها تبهدلني
امينه...لاواعره السن
اسراء...انديرلك قهوه
ادم...اها قاعد برا جبيها طلع
اسراء...تمام
امينه...فنصت في اسراء
اسراء...ههههه والله ماعاد فيها
امينه...ههههه
عبدالسلام...مني كنك معش تفتحي فيس
امينه...فاتحه بس اكثر شي وااتس
عبدالسلام...كنك خافيه ظهورك واتس
اسراء....عليك تحقيق ياعبسي شن دخلك
عبدالسلام..مادخلكش انتي
اسراء...عيب
عبدالسلام....مش شووورك
امينه...خليه نجاليا مش عارفه عبسي ماندققش
عبدالسلام...اهااا
اسراء...تبي قهوه
عبدالسلام...لالانمشي انسعدهم
امينه...نجك ليا
#نورهان✍
مجدي...باتي اليوم ذابح
ابتسام...حتي انتو
مجدي...شن
ابتسام....حتي باتي وعمامي يذبحو
الله اكيد عليك جو غادي
مجدي...تبي تمشي
ابتسام...في ليل نمشي
مجدي...فيش تحضري
ابتسام...مافيش حاجه معينه
مجدي...نعسان بكل
ابتسام...تبصر لا
مجدي...لا
ابتسام...لاوراسي ماترقد
مجدي...ليش
ابتسام...توعا جوك خارب وتخرب عليا حبيبي خليك واعي لعند مانجو في ليل نرقدو مع بعضنا بالمره لكن ترقد توا توعا مش طايقني
مجدي...قربها منه بلا اهبال
ابتسام...حاضنته اها هكي انت ترقد مافيك شي توعا مش طايقني مرات تجرح فيا بكلامك
مجدي... اسف ياروح
ابتسام...مانقدرش نزعل منك
مجدي...ياروح
ابتسام...همم
مجدي...من اول مازوجنا ماطلعناش بكل
ابتسام....شفتله تكون جنبي نبيش نطلع
مجدي...لاجديات حتي شهر عسل مادرتلك
ابتسام....يكفي التلفون وعيد الميلاد غنني علي اي شي
مجدي...لاهيا خلينا نطلعو
ابتسام.. توا
مجدي...اهااا هيا
ابتسام...ههههه كنك وين مشيين
مجدي...اندهورك انا ظالمك
ابتسام...حضناته ياعمري انا
مجدي...هيا البسي في ليل نمشو لهلي
ابتسام...حبيبي نبيش نطلع
مجدي...كنك ياروح
ابتسام....هكي ماخاطريش
مجدي...تحسابيني ناسي الدكتوره
ابتسام...اي دكتوره اها حبيبي نسيتها بكل
مجدي...كلمت العياده معتذرة
ابتسام...فيها خيره
مجدي...هيا هيااا
ابتسام.. حبيبي
مجدي...يمشي بيها لدار هيا
ابتسام....هههه باهي تمام حبيبي
مجدي...خش لدار قعمز علي السرير البسي
ابتسام...جاكه طويله
مجدي...عبايه
ابتسام....عارف حبيبي والله اتعب فيا جاكه تحت من الركبه او واسعه
مجدي...شفلها هالمره بسسس
ابتسام...قربت ايديها علي شدوقه بساته في فمه مش نقولك كبيدتي
مجدي...موضوع هذا
ابتسام...بعدت هههههه
مجدي...كم روح عندي
ابتسام...فتحت الدولاب وحده وابتسام بس
مجدي..بلكي انجيبلك ضره
ابتسام...معقوله يجي يوم اتمل مني حبيبي
مجدي...ممكن
ابتسام...ماسكه الدبش وتشوفله كلام سميره نشوف فيه قدامي
مجدي...ههههه الله ياسميره نكته البنت هذي عرفت كيف تلعب براسك
ابتسام...قربت من السرير حبيبي صاح
مجدي...كنك هبله مستحيل انبدلك لو شن صار
ابتسام...اتحبني
مجدي...قربي نوريك حبي
ابتسام...قربت شن
مجدي...مسكها من وسطها وقربها باسها في فمها هذي علي السريع في ليل نوريك حبي
ابتسام...ههههه امباه
مجدي...قعد علي جنبه فتح تلفونه
ابتسام....خذت الدبش وطلعت
مجدي...وين
ابتسام...نغير
مجدي...عنجد هذي غيري هنا
ابتسام...تؤ عزقتله بوسه وطلعت
مجدي...يبتسم شاف لزيانه عينه جت علي عطر بنت حوران تنهد وكمل يصفح
#نورهان✍
اروي...امي جبتي جوز هند ملون
عايشه...مش مع بعضه كل كيس بروحه
اروي...نجك لي جايبه كل اللي نبيه
رزان...غير ديري الزينه في رمضان
مش ادزي ومااديري شي
اروي....بالله عليك عيرينا اسكوتك بعدها كان فيك وجه انتي اللي تخشي للكوجينه وراك زواج
رزان....سلم الديلفري
اروي...ماينفعش
رزان...نعرف انطيب بس بجوي
روان...بعدين قولي ل وسام بجوي
رزان...اطلعن منها بس انتن
روان...سكتت
زينه...كنكن معاها خلنها هيا تعرف ادير كلشي وشاطره
رزان...اكلي سماحتي اللي ادافع عليا
عايشه...ههههه
اروي...هههههه باه معناها انتي اللي اديري بدالها في رمضان
زينه...وندير عندكش مشكله غير خاطوها
رزان.....لاتعالي ياملاكي الحارس عطيني حضن
زينه....هههههه فتحت ايديها
رزان...حضنتها
روان...بنات
اروي...هممم
روان...شن رايكن بعدين نشربو القهوه في المزرعه وناخذو حني وامي
رزان...ياريت
عايشه...غير ديرن حاجه حلوه وطلعت
روان...توا اندير كيكه
زينه...نلقانك ديري القيمات يارزونه خاطري فيهن
روان...القدر يفجعك حبيبتي
زينه...هههههه لاديري كيكه لكن نبي حاجه معسله اممممم انتخيل في روحي ناكل فيها
رزان...اطلبي وتمني حالن نعجن ماتاخذ وقت انتي علي مادرتي الكيكه نكون مكمله
روان...تمام
زينه...انوتي فناجين ونمشي نقولها ل حني
#نورهان✍
فاطمه....تغسل في الدواره
حواء...توا نغسل عنك
فاطمه...لاياخيتي كملت خلاص اخر وحده
حواء...ينعلي تعبتي
فاطمه...ريتي هاتعب واخذا عليها عمران كل جمعه يجيب فيها يبي عصبان
حواء...ههههه لوريتي ايمن
هاجر...ادمان علمني
حواء...ماعليك وقت اللي انديرها انكلمك
فاطمه...بكرا دايرن غير انزلي بدري
هاجر...بعد العصر
حواء...لاهكي تلقيه طايب
هاجر...ههههه خلاص اثنين ونص
حواء...معلش معقول
هاجر...والله منونه ماترقدش فيا توعا كم مره في ليل
حواء....عطيها لي انا نوعا بدري
هاجر...والله تجننك
حواء...والله وقت اتعبك دزيها ليا
هاجر...اه سمعتي تبكي
حواء...نجيها ياربي والله الشباب وقت يشوفوها ينجنو معاها
فاطمه...نجيها ياربي
هاجر..نمشي نشوفها
حواء...عدي عدي
هاجر...مشت خطوه وطاحت من طولها
حواء...هاجر
فاطمه...غسلت ايديها جت رفعت راسها امينه اسرااااء
اسراء...امي ولا امك تعيط
امينه...اكيد سايره حاجه
صبن يجارن
فرح...كنكن
امينه...امي خشت للكوجينه امي شافت لهاجر اللي طايحه هجوري كنها
فرح...طلعت للقطعه ايمن
ايمن...ههههه
ادم...كيف مانحكيلك
فرح...ايمن ايمن
ايمن...مش جاي
فرح...تعال جاي هاجر طاحت
ادم...شفلها
فرح....والله نحكي جديات
ايمن...عزق الدخان وخش يجري
ادم...كنها
فرح...مشعارفه
ادم...تعالي نشوفوها
ايمن...خش للكوجينه
امينه...مرفعه راسها تشرب فيها في اميه
هاجر...كني شن صارلي
ايمن...طبس رفع راسها كنك
هاجر...شفتله ادموعها ينزل مشعارفه
امينه...اغمي عليها
ايمن...يمسح في ادموعها خلاص معش تبكي
ايهم..يبكي ماما طاح عليها
هاجر...مافيا شي ماما تقعدت حاضنته وتبكي
ادم...طلع
اصيله...تبتسم
اسراء...وقت توزيع ابتسامات رعشتني
اصيله....غير يبي يجيكم بيبي جديد
اسراء...بروفيسوره عاد انتي
اصيله...هههه
ايمن..شفلهن ارقي وحده منكن جيبن عبايتها
هاجر..لالا
ايمن...هذي ثالث مره اتسير معاك
هاجر...لاني واعيه بدري بس
ايمن...يحول في ايهم امينه
امينه...رفعاته
ايهم...ينزل ماما
امينه...طلعت برا نمشو ل دومي
ايهم...يبكي ماماااا
حواء...يدها علي صدرها ماكان فيك شي
هاجر...حاجه برمتني معش فطنت لشي
فاطمه...اكيد هبوط باهي اللي راسك ماجا علي الحافه لاسامح الله
ايمن...تنهد مش نقولك ماتخليش حركتك سريعه
هاجر...تمسح في دموعها منونه تبكي صبيني
ايمن...يرفع فيها خليها تبكي بعدها وين الفرخات هذين كان مانبيهن راهن مسكاتها
هنيه...كنت معاكم برا
هاجر...ايمن عيب
اسراء...اهي عبايتها لقيتها معاها الخيمار علي الشطار
ايمن...خذاهن منها هيا البسي
هاجر...مافيا شي والله
ايمن...نبي نطمن هيااا
هاجر.. تلبس والله مافيا حاجه
ايمن...كان صارتلك ومافي حد يلاك
هاجر...معش ردت ماسكه في جاكته
ايمن...يلبس فيها في الخيمار
حواء...طمنا
ايمن...انشالله مسك يدها وطلع مع باب الكوجينه
هاجر...مني عينك منهم
امينه...ماعليك فيهم
ادم...لاباس
هاجر...ماتشوف باس
ايهم...مامااا
هاجر...خليه يمشي معانا
امينه...لالاعدو خليه دومي تبي تاخذا معاك في السياره
ادم...اها تعال هيا
ايهم...سكت جا ل ادم
ايمن...انسي خلاص
هاجر...هههه نجك لي
ايمن...يفتح في الباب خوفتيني عليك حبيبي
هاجر...والله مافيا شي صارتلي في الصبح
ايمن...فتح باب السياره هذا كله من قل الوكال
هاجر...اركبت
ايمن...صكر الباب جا من الجيها الثانيه ركب معش اديري ام الرجيم
هاجر...ليا فتره عليه
ايمن...توا انتي عليش اديري فيه مش عشاني
هاجر...اها حبيبي
ايمن...جسمك عاجبني بالله عليك شن فيك ماتنقصي
هاجر...انخاف اتخلا عني لو سمنت
ايمن...ميت فيك هكي ولا وانتي سمينه بجميع حلاتك نموت فيك ولع السياره
هاجر...مسكت يده نجك لي خفت عليا
ايمن...اكيد ياقلبي خايف علي حبيبتي و زوجتي وام اعيالي
هاجر...بس
ايمن...يسوق في حد يعيش بدون نبض قلبه
هاجر..لا
ايمن...انتي نبضي كيف نبي نعيش بلاك
هاجر....يييه حبيبي نجك لي كلامك هذا خلاني معش انحس بشي
ايمن...انحبك انا شن تحكي
#نورهان✍
ابتسام...خشت لدار حبيبي واتيه
مجدي...طفا التلفون وشفلها لالاسيقانك بينات
ابتسام...شن اندير اكيد يبن يبانن
مجدي....لالامانبي حد يملا اعيونه منك
ابتسام...نسلح
مجدي...عبايه
ابتسام...شفتله وردت لدولاب اسلحت الجاكه علقتها في الدولاب خذت العبايه لبستها تربط فيها من الجنب
مجدي...يشوفلها لالا لما تمشي يبان السروال ماعندكش وحده سوسه
ابتسام...فيه حبيبي بس طويله بكل
مجدي...البسيها
ابتسام...شفتله معش نبي نمشي
مجدي...ياروح انا انغار
ابتسام...لاجديات معش عندي نيه نطلع بعدين نمشو لهلك
مجدي...ابرمي
ابتسام...تبرم
مجدي...معقوله
ابتسام...يعني
مجدي...مش حنأجلها الطلعه
ابتسام...يعني نمشي بيها
مجدي...اها حتي وهيا مش عجبتني لكن يالله وانا جنبك ماحد يقدر يبحت فيك نطير اعيونه
ابتسام....من يقدر يبحت فيا وانا كلي سوده
مجدي...هكي انتريح اكثر
ابتسام....مجنون
مجدي...هيا
ابتسام...ناخذ الشنطه
مجدي...خوذي التلفون
ابتسام.. في الشنطه
مجدي...حط التلفون في جيبه هيا
ابتسام...وراك
مجدي...طلع لفم الباب فتح الكنداره شن انطلعلك
ابتسام....الكندره السوده الجلد
مجدي...طلعها
ابتسام...نجك لي
مجدي...يلبس في كويشته
ابتسام...حبيبي
مجدي...روحه
ابتسام...مدتله الشنطه
مجدي...مسكها
ابتسام...انزلت تلبس في كندرتها ورفعت راسها ردت الدوخه وعيونها يضببن مسكت في مجدي
مجدي...كنك روحي
ابتسام...تصكر وتفتح اختفت الدوخه لاحبيبي كنت مطبسه وبعد طلقت طولي دخت
مجدي...مدلها الشنطه
ابتسام...حبيبي لبسك كله خايل عليك
مجدي...والله نلبس علي ذوق الروح
ليش مايكون خايل
ابتسام...بديت انغار اكيد بنات يشوفن فيك وانت طالع
مجدي...فتح الباب اكييييد
ابتسام...مسكت يده بيديها لاثنين لكن مرجوعك ليا
مجدي...انااا علي نااا بما انك عارفه ليش تسألي ياخشيمي
ابتسام...حبيت نعرف
مجدي...صكر الباب وينزل من الدروج ماسك في يد ابتسام
#نورهان✍
في المزرعه...
اروي...مقعمزه جنب حني صالحه
حني صالحه...باهي اللي طلعنا في المزرعه جو سمح
اروي..فكرتي ياحني
رزان...يرزيني فيك يالكذابه فكرتي انا ياحني
روان...معش فيه حشم انا اللي قلت ياحني
حني صالحه....ههههه باهي فيكن الخير كلكن
عايشه... جايه من المزرعه من لوطا معاها بدر
زينه...امي جابت باتي
حني صالحه...يكمل يومه في هالمزرعه خليه يجي يتنفس
رزان....صورتي اندزها للبنات عماتي خليني انسهفهن
روان...صورت حتي صور السلفي مع حني طلعن يهبلن
اروي...عجبك الجو ياحني
حني صالحه...لاماشالله
زينه...صبي القهوه اهم جو
روان ...هي هي
رزان...تعالي توا انساعدك
بدر...شمسك عاليا امي
حني صالحه...الحمدلله
بدر...يزيدك حمد
حني صالحه...قعمزي ياعايشه
عايشه...نحس في روحي داهشه
حني صالحه...والله مامنك سدك نزلتك لعند لوطا تعاالي قعمزي جيبي اميه ل امك
اروي..فتحت شيشه امي
عايشه...خذتها بدت تشرب
#نورهان✍
فات الوقت
هناء...بنات كمون
امينه...ينعلي وجهك اصفر
هناء...مش قادره نطلق طولي العمود الفقري من الليه
اسراء...ينعلي عدي تريحي توا انديرلك
هناء...نجك لي هنيوا شوفي في حاجه باينه
هنيه...كيف تبي اتبان وانتي لابسه اسود
هناء...مش دوره نزيف
اصيله...جايتك علي تعب ياقلبي
امينه...بكل نونا ماتريحش روحها
هناء...وين الباقي
فرح...عمتي فاطمه وامي وحني في الدار وتن حاجات الشويات وخشن يتريحن
هناء...تعب ربي يعطيهن الصحه وحقالله كان ماني مريضه راني طلعت ساعدتهن
اسراء...معش فيه حوسه لمينا القطعه والحاجر سيقناه انا وافريحه
الحوش استلماته مني و هنيوا
هناء...وين هجوري القيت منونه وهومي مرقدين في الدار
اصيله...اغمي عليها خذاها للعياده
هناء...ياروحي كنها هجوري شن صارلها
اسراء..مشعارفه كلمنه ايمن قال في الطريق هاكي الكمون
هناء...نمشي نقعمز برا
امينه...صقع عليك
هناء...مليت من المرقد
امينه...انا نخش مع حني
اسراء...معاك
اصيله...حتي انا نخش جوا تعبانه
فرح...نمشي نحكي مع بيدا
هناء...نقعد بروحي
هنيه...إسلام من بدري يرن عليا نطلعله بالمشغول
هناء...خلاص نمشي نقعد اشوي ونخش
هنيه...باه
هناء..خذت الكبايه وطلعت للحاجر قعمزت علي الكرسي حطت الكبايه علي الطوله طلعت التلفون من جيبها حطاته علي الطاوله فتحت نت بدن يجن الرسائل خذت فم من الكمون اممم جياتني طلبات مراسله من من حطت الكبايه ورفعت التلفون تشوف فتحت علي طلبات من المتمرد المتمرد
تقرا....
هاي نيوا
انا فائق مش ناسي اللي درتيه والله انربيك بطريقتي كان ماخليتك تبكي دم مانكون انا فائق
هناء...هذا كيف جاب ايميلي الجديد عليك قصه صكرت التلفون حطاته علي الطاوله بدت فيها الليه اوووف مش وقتك انتي الأخره تؤؤ لفت ايديها
علي بطنها وحطت راسها علي الطاول ياربي خلاص نبي انموت رفعت راسها خذت الكبايه شربت الكمون مره وحده ونزلت راسها اخري اتفكر
ياربي هذا كيف انخليه يخطاني شن يبي ايديرلي اللي دار في هاله هكي انا شن يبي ايديرلي اوووف ادموعها ينزلن ياربي بعده عني ومايسببلي مشاكل شن جبرني اني نرتبط بيه حتي انا اوووف اوووووف ياااااا
ادم...كنك اتأفأفي
هناء...مسحت ادموعها ورفعت راسها ابتسمت لاااا
ادم...شن هذا رفع الكبايه يشم فيها
هناء...عليك فضول شن ادير هنا
ادم...انتي اللي شن اديري هنا بروحك وين البنات ليش مش معاك
هناء...شوف ادم ورحمه عبسي مش قادره حتي نحكي حرف نفسيتي ماتسمحش حتي ناخذ ونعطي معاك
فوتني
ادم...لهدرجه
هناء...شن تبي
ادم...شي جيت صدفه لقيتك يلا وجهي
هناء...باه عدي
ادم...كنك تبكي
هناء....مادخلكش
ادم...والله
هناء...اها
ادم....قرب منها
هناء...صبت حست بحاجه ساخنه لاااا
عدي حطت يدها علي بطنها
ادم...كنككك
هناء...كنيش عدي من قدامي لوسمحت ادم
ادم...باهي كنك ماسكه بطنك
هناء...مادخلكش
ادم...اهو صوت ايمن نعنك ماقلتي كنك
هناء...صبت من الكرسي شافت لكرسي لقت دم
ادم...شاف لكرسي وشاف ل هناء
ايمن...اوووو ابناخييني هنا
هناء..ردت قعمزت علي الكرسي لاااا ياربي حطت راسها علي الطاوله منحرجه ياربي نموت يااااربي نموت
ادم...جا جنب هناء او ايمن مريقل
هاجر...هههه
ايمن...جايك ولد عم ليش مانكون مريقل هذا الحلو
ادم...خذا الطبق حطه ع الطوله ماشاءالله مبارك
ايمن....العقبالك
هاجر...نونا
هناء...رفعت راسها ابتسمت مبروك
هاجر...الله يبارك فيك
ايمن...صبي عطيني كرسيك
هناء..اه
ايمن...هيا عطيني كرسيك
هناء...معش ردت جسمها كله يرعش لالا
ايمن...هيا
هاجر....خاشه جوا
هناء...شفتلها خوذيه معاك
هاجر....هيا ايمن
ايمن...اندخن ونبي قهوه توا تصبي هنو اديرها
هناء...توزع في ابتسامات بالمجامله
حطت راسها علي الطوله دموعها ينزل بدون صوت يااااربي استرني
ادم...ياراجل مبردك حني من بدري تتصل بيك مشغوله خش طمنها تلحق علي الدخان والقهوه
ايمن...بس مارنتش
ادم...لارنت تلقي فيك مشغول توا يرتفع عليها السكر
ايمن...خشت هاجر
ادم....تفضل زغاريت خش ياراجل حني بالها مايتريح نين اتشوفك
ايمن...ياراجل كنك مركب اني خاش
ادم...هيا عرفينك فرحان بس طمن العرب اللي مشغوله عليك
ايمن...مافي حد جوا
ادم...لامافي حد
هناء...تمسح في دموعها من تحت الطوله
ايمن...مسكها من شعرها انجي نلقاك مصبيه
هناء...ماردتش
ايمن...ههههه خش من باب الكوجينه
ادم...عيونه علي ايمن شاف ل هناء اللي مطبسه راسها صبي هيا
هناء...خطاني
ادم...مسكها من يدها صبي
هناء...مطبسه راسها حول من قدامي
ادم...صبي خليني نغسل الكرسي قبل مايجي
هناء...رفعت راسها دموعها مليات وجها
ادم...هيااا اهو صوته
هناء...صبت شافت لكرسي شفتله الكرسي
ادم...كر الكرسي خشي مش حيفطن لشي لانك لابسه اسود لكرسي شوري خشي بس
هناء...ردت شفتله بدون ماترد خشت تبكي
هنيه ....هههههه خشت للكوجينه كنك هنو
هناء...جبيلي دبش لحمام كامل
هنيه...كنك
هناء...طلعت علي دبشي
هنيه...يانا علي خشي الحمام توا انجيبلك الحاجات جوا
هناء...خشت تمسح في دموعها طول لحمام
ادم...خذا الكرسي وهوا يبتسم خش بيه للقطعه وفتح الشيشمه الميه عليه غسله ويشوف للباب بعد نظفه مسحه وخذاه في يده
ايمن...ادم ياادم
ادم...جيتك
ايمن...وينك
ادم...طلع من القطعه كنك تعيط
ايمن...شن ادير بيه الكرسي من هناء لكي
ادم...قبل نبي نقعمز في القطعه لكن غيرت رائي اهن كراسي قدامك ليش هذا
ايمن...لاتعال نقعمزو هنا كنت انابش في هنو
ادم...وهذا رائي قعمز علي نفس الكرسي والأبتسامه مرسومه علي وجه
ايمن...ديما تبتسم انشالله
ادم...عليك
ايمن...كيف
ادم...علي فرحتك
ايمن...انااا علي مافيش اجمل من الضريه العقبالك
ادم...انشالله
#نورهان✍
ابتسام...حبيبي وين نازلين
مجدي...اثار شحات بعدها نازلين لراس الهلال
ابتسام...بس هكي نتأخرو
مجدي...باتي ذبح من بدري معاه وسام واحميده اهو عمره طويل
ابتسام....منو
مجدي...وسام الووو
وسام ....وينك
مجدي..مافيش برانيه
وسام....لاغير عبدالسلام ولد عمي محبوس والقصه جايبينا ليا في المركز
مجدي...لاشن داير
وسام...ضارب واحد في محله واللي ضاربه مبلغ فيه
مجدي...انشالله مش ضاربه ضربه
وسام....هه حطين فيه 17بونتو اوريدات في راسه
مجدي...هههه عنجد اوريدات ماتقولها بكل
وسام...والله وجا حمادي زاد يبي يمشي يكمل علي الراجل ماسكهم هم لاثنين
مجدي...شن اندير كلم عمي
وسام... قالي خليهم محبوسين مليت من مشاكلهم
مجدي...لاحول الله
وسام....هوا الراجل غالط لكن عاد مش لدرجه ولد عمك يضربه الضربه هذي
مجدي....لاحول الله
وسام... شكلك في طريق
مجدي...اها ماشيين ندهورو
وسام...عطاك الله انا كملت مع باتي جاني المكالمات من الشباب العمل ولد عمك ولد عمك والله تعبان بكل مش وقته بكل
مجدي..انت قاعد في المركز
وسام...اها جبته للمكتبي قبل حطينه في غرفه طلعته مش معدل بكل ينتنت ويدخن ماكأنا داير شي
مجدي...انا قاعد في طريق زحمه توا نبرم عليك.
وسام...لاماتشغل بالك غير قلت انفس علي روحي اشوي لقيت روحي ران عليك
مجدي..لاتمام باهي اللي رنيت عبسي وحمادي معزه خاصه توا نجي نحكي معاه
ابتسام...بعد سمعت اسم عبسي شفتله
مجدي...هيا يابرو انتلاقوا
وسام...تم يانصي سلام
مجدي...اوكي صكر حط التلفون جنبه شاف ل ابتسام نجك لي
ابتسام....بعد سمعت اسم عبسي قلبي نغزني
مجدي...نجك لي ولد عمي عبدالسلام ومحمد
ابتسام...نفس اعيال عمي صالح عنده عبسي وحمادي
مجدي...نجك لي هذا عبدالسلام ولد عمي داير عركه قاعد عند وسام
ابتسام...بدن المشاكل عاد
مجدي...كيف
ابتسام.. بعد يبدا رمضان يبدو يحششو حتي اللي يبحت عادي تلقاه يجي يقوله كنك تبحت بس عشان يدير مشكله
مجدي...يلف في السياره ههههه صاح هكي
ابتسام...مسكت يده حبيبي رد بالك تكون كيفهم
مجدي...مستحيل شن تحكي انتي
ابتسام...بس انت مدخن
مجدي..وكان
ابتسام.. ماهم متاعين المشاكل
مجدي...هههههه شن يعني مانطلعش بكل الا لما يأذن
ابتسام...اهم شي ماديرش مشكله وتعصب
مجدي...انتي الوحيده اللي تقدري اتهديني
ابتسام...اندير اللي نقدر عليه
مجدي...اعلقي اغاني اللي في سياره قدم
ابتسام....تلفوني القديم هذا مازالت ماحملت فيه الجديد
مجدي...تمام
ابتسام....علقت الوصله لتلفون وين الصوت
مجدي...عدل المسجل شن الاغنيه
ابتسام...مني لك حبيبي هذي ( انت خط احمر )
مجدي...اناااااعلي نااااا حتي انتي خط احمر نموت لوحد يقرب منك ياروح
ابتسام...نجك لي علت المسجل عادي انصور
مجدي...تنزلي ع نت لاااا
ابتسام...قبل نبي اندير بث
مجدي..ياروح الناس ماتريح حد مش ضروري الناس اتشاركنا في حياتنا
ابتسام....باهي فيديو لذكره
مجدي...صوري ياشدوق مافيش فايده منك لكن وديني نلقاك منزلته علي النت فيها كلام اخري
ابتسام...لاخلاص حبيبي فيديو لذكره نوروه لعيالنا
مجدي..رفع يدها باسها انشالله يارب
ابتسام....اتصور في مجدي
مجدي...قرب من التلفون ياتعب السنيييين
ايتسام...تصور هههههه نجك لي
مجدي...غمزلها هههههه
ابتسام...اعيونها ضببن صكرت التلفون وردته في الشنطه
مجدي..كنك
ابتسام.....لا
مجدي...وقف علي جنب هيا
ابتسام...ليش نزلت السياره لوطا
مجدي...فوق زحمه
ابتسام...فيه سواح
مجدي...زاحمه نزلي طرف الخيمار
ابتسام...اخري
مجدي...اها اعيونك لا
ابتسام....كيف نبي نشوف
مجدي....لاتشوفي
ابتسام...باهي تعال نزلني عشان مانطيحش
مجدي..جيتك نزل صكر الباب وجا فتح عليها
ابتسام ...مسكت في يده ونزلت
مجدي.. صكر الباب بالتأمينه مسك في يدها
ابتسام...باهي حبيبي خليني نرفع طرف
مجدي....يمشي بعد انخشو
ابتسام.. ماسكه في يده وتمشي حبيبي اجانب
مجدي...اها
#نورهان✍
فات الوقت ساعه8:30
الكل في الحاجر ...
عمران صالح ايمن ايديرو في اشويات
ادم ماسك منونه يلعب فيها
عبدالسلام...عطيها ليا
حمادي...حتي انا نبيها
ايمن...اللي يبيها يحجز من توا مش بعد تكبر تتعاركو عليها
صالح...هههه قولك مانوحولو انا وياك ناخذها بدبشها
ادم...طلعوني من الموضوع شوفو عبسي
عبدالسلام...مش لدرجه نرجاها نين تكبر
محمد...معناها طاجين كليتا انا معناها هاتوها هنا مش من يد ليد
الكل...ههههههههه
امينه...ههههه نجك لي يا حمادي
حواء...خايب
هاجر...خلوها نين تكبر مرات تقول لا
حمادي...ماسكها ماعندناش بنات يقولن لا
هاجر....لك مش خساره حمادينا
ايمن...لاخوذو وعطو وانا انتفرج
ادم.. رسمي الكلام
عبدالسلام...اضحك هومي
ايهم...يضحك
عبدالسلام...هههههه اصلي
ادم...غريبه ثبت
عبدالسلام....صور خطيره بعدين انزلهن
عمران...فاطمه
فاطمه...ايوا
عمران...وين هناء
فاطمه...جوا
ادم.. يشوفلهم
عمران....كان هكي تمشي تقلعها وخلاص
فاطمه...ياعليك ليله لا عمران اكويسه خذت مسكن ماتبيش تقلعها
حواء...ضحكت
فاطمه....واللهي من بدري يسأل فيا قدامهم شن نقوله
هاجر....كنها هنو
فاطمه...صاحبتها جيتها
هاجر....ينعلي دارت حاجه ساخنه
فاطمه...دارتلها اسريوا كمون
هاجر...اكويس مهدء
#نورهان✍
هنيه...هيا برا
هناء...مش طالعه بكل خاطيني
هنيه...كنك
هناء...ينعلاااااي معش عندي وجه انا خلاص نحق فيه مفترش قدامي خلاااص
هنيه...شن صار
هناء...متحشمه حتي اني نحكي
هنيه...معناها انا طالعه البنات دارن سلاطات ويصورن في عمامي والشويات ديرات جو يجننن حني علي العاله يصورن فيها هيا توا تندمي
هناء...ماعنديش وجه نطلع افهمي
هنيه...شن فيه
هناء...مش حاكيه
هنيه...معناها انا طالعه
هناء...حطت راسها علي المخده طفي الضي
هنيه....طفت الضي
هناء...صكرت اعيونها اذكرت ادم بعد رفع الكرسي تنهدت فتحت اعيونها عمري ماتخيلت اني ننحط في موقف اخيييي كيف هذا
#نورهان✍
مجدي...مقعز يهدرز مع سعده
حنان...تنظم في المفرش
خليفه...حطيتهن في الطنجره وعلي الفحم يسخنن
سعده...شن
خليفه..الشويات
سعده...اها
خليفه....شخبارك يابناخيتي
ابتسام...تمام الحمدلله ياعمي انت شن دايره صحتك
خليفه...الحمدلله هلك مش باينين
ابتسام...في حوش حني نصيمو اول ايام غادي مع عمامي هكي متعودين
خليفه....ماشاءالله الايام اللي فاتن تلاقينا في السوق يبي يشري حولي
ابتسام....حتي هما كيفكم في بدايه رمضان يذبحو وفي النص ضروري
خليفه....اها ماشاءالله انشالله كل سنه وانتو طيبين
ابتسام &سعده....وانت طيب
حنان...مجدي وين وسام الا احميده قالي قريب
مجدي...واحد فتح الباب
احمد...السلام عليكم
الكل...وعليكم السلام
احمد...يسلم عليهم وقعمز
مجدي...وسام كنت عنده مفروض جا
خليفه... شن قصته عبدالسلام كل مره داير عركه مع حد
مجدي...والله ياباتي ماني عارف
خليفه....مفروض يخليه ينحبس
مجدي...طلع هوا تنازلو العرب مشينا انا وسام وسام رد للمركز ع اساس يطلعه ويرد هنا
وسام....خش ليش تحكو عليا بس
مجدي...هههه عمرك طويل
وسام... سلم علي ابتسام
مجدي...طلع
وسام ...طلع وطلع روحي معاه
ابتسام...صبت تساعد في حنان
مجدي...شن صار
وسام...يتحزز يمشي يكمل عقابه قتله عدي الله لايردك هنا معش اتجيني خليهم يضربوك
احمد...شن فيه
مجدي...عبسي ولد عمي...................
احمد...لاااا عبسي مايتوبش بكل معقوله
مجدي...شن تقول
وسام ...اليوم طلع ديني فقدت منه
خليفه...كنت اتخليه يتأدب
وسام...والله مانقدر ياياتي ولد عمي وصيام
خليفه....كلا انا تعبت منه مش خايف بكل اللي في راسه ايديرها
احمد...ربي يهديه
مجدي...انشالله
حنان...تعالو
وسام...صورتي
حنان...يييييه اكيد
وسام...اهم شي عندك اتصوري
مجدي..هههههه
احمد....ههههه خطاها
وسام....وتنزل علي النت واشوفك بعدها
حنان...لاعلي الأنستا انزل
صبو كلهم للمفرش
حنان...تلفونك يرن بيسو
ابتسام...وينه
مجدي...اهو علي الروشن
ابتسام...مشت شافت التلفون وصكرته بدون ماترد
مجدي...من
ابتسام....بنت خالي
مجدي....اها
احمد...شاف ل وسام وبدا ياكل
ابتسام...حطت التلفون جنبها وتهدرز مع حنان رن اخري شفتله وصكرت
مجدي...شافلها نار الغيره خاف يكون مجدي لأنا تلفونها القديم اللي يرن
ابتسام....مكمله هدرزه مع حنان رن التلفون طلعت بالمشغول ودزت رساله الجو قدامي حايس ياعمري نحكو بعدين امرايفه عليك بكل)تم الأرسال وهيا تبتسم
مجدي...صبا كر منها التلفون
ابتسام...تشوفلها
والكل...يشوفولهم
احمد...شاف ل وسام اللي يشوفله
سعده..كنك ياوليدي
مجدي...من الرقم هذا
ابتسام....شفتلهم وشافت ل مجدي
ابتسمت بنت خالي
مجدي...بنت خالك تكتبيلها ياعمري وامرايفه عليك بكل ونحكو بعدين
احمد...طبس لاحول الله
وسام...شن فيها يعني مش كاتبتلها انحبك
مجدي...من من بنات خالك
ابتسام...خنقتها العبره طبست زينه
مجدي...علي حد علمي زينه رقمها حافظته بالأسم ليش هذا رقم
ابتسام...رقمها المدار هذا نسيت نحفظه شفتله
مجدي...احكيييييي رقم من هذااااا ماعندك عليش اتشوفيلي
خليفه....تحشم علي وجهك قلتلك بنت خالها معناها بنت خالها
مجدي...باتي لو سمحت بيني وبينها ماحد يدخل
ابتسام...تمسح في ادموعها
مجدي...عليش نحكي انا نرن عليها انتأكد بنت خالك ولا
وسام...مجدي ماترنش عيب ياراجل تكذب فيها قدامنا
مجدي...صكرفمك انت
احمد...لا اله الا الله
ابتسام...مطبسه راسها معش حكت ولا كلمه انحرجت من النظرات اللي قدامها
مجدي...رد رددددد من ياابتسام هذا
ابتسام...مطبسه ومصكرا اعيونها
مجدي...عاود علي الرقم وفتح السبيكر رددد
زينه...بيسو نجك لياا بعد دزيتي رساله الجو حايس قدامك صكرت وحطيته في الدار نبي نقولك كل سنه وانتي طيبه ياقلبي..............#يتبع
((🔔الحلقه الجايه حتكون يوم السبت))
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الثلاثون
#نورهان✍
