#جبرني_الوقت⏳
#إضافه_الحلقه_التاسعه_والأربعون
بقلمي✍ #نورهان
- خـليك مع الـشخص اللي يِـعاملك وكأنك الحاجـه الوُحـيده اللي فـاز بيها في الـدنيا كُلها💎
●●
احمد...قربها منه مش طالع قلت
امينه...بعد
احمد...مش مبعد منك
امينه...الباب
احمد...مش فاتح
امينه...نفتح انا ادف فيه بعد
احمد...مادفيش بابي مش فاتحه
امينه..هذي رزان
احمد...خطف منها بوسه من فمها عدي
امينه...حيوان عايشه معاه انا دفاته
احمد...نجيك
امينه...طلعت من الدار خذت نفس فتحت الباب
رزان...تخليني نجيك بروحي انا مريضه مش عيب تخليني نصبي
امينه...حضنت رزان تبكي بدون صوت
رزان...نبصر مني عارفتني نبصر معاك
امينه...زادت حضنتها
رزان...شن فيه
امينه...بعدت احمد جوا تمسح في ادموعها
رزان..ضاربك
امينه...لااا
رزان...مهزبك
امينه...لاااا
رزان...زاط فيك
امينه...فنصت فيها
رزان...ههههه ردت حضنتها معش عرفتك كنك معناها زاط فيك ههه
امينه...تبكي وتضحك مشعارفه كيف واخذا المواضيع بالتفاها هذي
رزان...مافيش حاجه تستاهل حبي هيا جايه الحنايه
امينه...تمسح في دموعها مش محنيه
رزان...يرزيني فيك تحني نبي نفرح ب أفي
امينه...حني انتي
رزان...خلاته كلهن يحنن
احمد...طلع خير رزان
رزان...خير احمد
احمد...تبي شي مني طالع
امينه..مانبي شي
رزان...اها تبي
احمد..كيف
رزان...تبي تحني م عندهاش فلوس
امينه..انا
رزان...اها م توا قلتي م عنديش فلوس
امينه...انا
رزان...اها روان كلمي الحنايه توا تجي تحنيك في شقتك تبعادش يااحمد تطلع الحنايه تعال لانا مافيش حد يقعد مع مني
احمد...ليش م قلتي م عنديش فلوس
رزان...هيا بسلامه ردت لشقتها تبتسم خشت نادت علي الحنايه
امينه...كذابه هيا ماحكيتش هكي قلت مش محنيه
احمد...يبتسم مش خساره فيا تحني حرمتيني منها يوم الفرح حني توا
امينه...لالا مش محنيه
رزان...اهي شقتها
الحنايه...لبست كندرتها جت ل امينه مرحبا
امينه...لامش محنيه
احمد..خش جوا
رزان...لاتحني
امينه...قلت مش محنيه تعبتي روحك
رزان...قربت هذي راهي مريضه نعانو فيها مش طبيعيه م تخذيش علي كلامها
الحنايه...كيف يعني مريضه
رزان...عندها فاشي في دماغها غايب يعني
امينه...هههههه رزااااان
رزان...حني خير والله م عاد نحكي معاك الله
احمد...طلع يضحك ع كلام رزان الفلوس علي الطوله
امينه...تعال هنا مش محنيه
احمد...طلع من العماره
رزان...يرزيني فيك يبيك تحني خشي خشي حنيها كيف م قتلك
الحنايه...تمام حاضر
رزان...زينه تعال
زينه...جيتك
رزان...خشي معاها بعد تكمل ارقي معاها ل بيسو بعدها تعالن
زينه...ليش م نلتمو في حوش واحد
رزان..خلي كل وحده يعانيها راجلها
امينه...رزان م تزرينيش عليها
رزان...وقت ضروري قبل العشاء تكمل هيا
امينه...بعدت من الباب
الحنايه..خشت
رزان...انشالله بالصباغ
امينه...تشوفلها
رزان...ولد اختك يبكي باي خشت لشقتها
زينه...توحلي فيها كان زعلت انسي
امينه...خشت بدون م تحكي
رزان...جيتك ماما جعان هذا
روان...صكرت التلفون
رزان...احكي عادي
روان...من بدري نحكي خلاص صكرنا اصلا مايبينيش نقعد عندك
رزان...ليش
روان...غيره علي اساس
رزان...يمشي يروح خليه استكرديه يبي يمنعك من حوش اختك
روان...مانك خاسره شي عاد انتي مع راجلك واوليدك
رزان...لاجديات حسيت بيك من اول م جيتي وجهك اصفر
روان...يهزب علي جيتي عندك
رزان....عطيني نحكي معاه
روان...عشان تخرب بينا
رزان...هههههه عارفه لساني عاد
روان...بكل هههههه
●●●●●
فات الوقت جت 1:00 ليل
امينه..متكيه علي السرير تقرا في كتاب
احمد...فتح الباب
امينه...لبسه توته طويله صكرت الكتاب نزلت الكمام
احمد...ماتبيش توريني الحنه ولا
امينه...لا اله الا الله فوتني احمد
احمد...وريني
امينه...بعدت الكمام اه تمام هكي لانك سكان
احمد...قرب م السرير مسك ايديها ماشاالله
امينه...فكت ايديها اوكي هكي خلاص
احمد...مش محنيه كرعيك
امينه...لالا
احمد..وريني
امينه...احمدددد مش حنه فضيحه هذي فوتني
احمد...رسمتها سمحه بعد الورغان
امينه...مش محنيه خلاص
احمد..نبي نتأكد
امينه...خلاص تمام كيف ايديا كيف كرعيا
احمد...بعد الورغان يشوف للحنه يبتسم غمزلها تبي روب بصراحه
امينه...لما نكون متقبله اللي قدامي نلبسه
احمد...بعدالورغان قرب منها
امينه...تبعد في وجها احمد...لعند امتي ماتبي تتقبليني يبوس فيها
امينه...ايديها علي صدر احمد تبعد فيه خلاص احمد
احمد....انا من اليوم عريس
امينه...مش متقبلتك مش غصب
احمد..يجي يوم تتقبليني فيه يسلح في سوريته نزل.............#مشفر
●●●
مجدي...ليش لبكاء بابا
ابتسام...تشوفله راضعه ومغيره ديبر مشعارفه كنها
مجدي...يمشي بيها في الدار شدوقي كنك
ابتسام...تشوف ليديها ههههه رزان بطيب بالغصب خلتني نحني
مجدي...ههههه نسمع فيها والله تحبكن رزان بكل
ابتسام...حتي نحنا نحبوها خوات نحنا كلمت باقي البنات جبرتهن يحنن
مجدي..ههههه رقدت لولي
ابتسام...جيبها جنبي
مجدي...نحطها في سريرها
ابتسام...لاحبيبي جيبها جنبي
مجدي..حطها جنب ابتسام قعمز
ابتسام...حبيبي
مجدي...روحه
ابتسام...خاطري نقص شعري
مجدي...مستحيل
ابتسام...خاطري فيه
مجدي...وانا خاطري يكون طويل
ابتسام...طاول بكل
مجدي...قصيه لنهايه ظهرك خاطيها لا
ابتسام...مافيش امل
مجدي...تؤ مسك يدها يبوس فيها انحبك
ابتسام...قربت بساته علي فمه نموت فيك ياراحتي النفسيه
مجدي...اديري في جو شين بكل وانتي عارفه م نقدرش نقرب منك
ابتسام..ههههه انا بس من حقوق بيسو تبوس فيه
مجدي...يبادل فيها ب البوس
●●●
جايوم العشاء في الصاله مليانه ضيوف والكل حاضر
ايه...ماسكه أملي نجك ليا لبستها تهبل
ابتسام...جبتها لها مني
ايه...نجك لي
رزان..مقعمزه علي الكرسي جنبها في الشيال أفي وووه عليا مليت وانا نجامل
بشري...هههههه
هناء...ههههه
رزان...أفي م رقدنيش يحس في الطهاره
امينه...ينعلي حبيبي
فرح...فستانك بهبل مني
امينه...بالغصب من رزان
فرح..كيف صار
امينه...الحنه يوم عالمي وتوا طلعت بدله رسميه سروال خشت لدولاب طلعت الفستان هذا تلبسيه
البنات..ههههههه
رزان..نطلع فيها من اللي فيه وجه النكد
البنات..هههههه
رزان...راسم جسمها يجنن عليها
فرح...ذوقي
امينه..نجك ليا
رزان...فمي رقد من الأبتسامات وانا نجامل ووواك عليا نحق في سريري قلوب
البنات...ههههههه
رزان...هنو يابارده كنك طولتي
هناء...دومي كل م نبي
رزان...قطعتها اوكي ياعليك قلت ادب
البنات..ههههههه
هناء...خليني نكمل
رزان...اوكي فهمت خلاص
هناء...ههههه مشكلتك تفهمي بجوك
رزان...ديما صايب
سعده...مني
امينه...هههههه نعم عمتي
سعده...احميده يبيك
امينه...وين
سعده...يلا الباب
امينه...رفعت عبايتها
رزان...كرتها منها عدي عدي اكيد سايره حاجه
امينه...باهي عطيني عبايتي
رزان...لاامبدري قال وسام مريض عدي بسرعه
امينه...مافيه شي
رزان...لاقال وسام طاح عليهم برا
امينه...مشت
رزان...شافت للبنات غمزت هههه مريض بيها
حنان..هههههه ياريت لك زمان عندنا
رزان...ههههه
البنات...هههههه
ابتسام...وانا اللي نقول غريبه اجودي م حكالي
رزان...مافيش منه الكلام
اسراء...ههههه عطك الخير ربي يهنيهم
البنات...اللهم امين
امينه...فتحت الباب احمد
احمد...رد الباب يبتسم
امينه...شن فيها كنك
احمد...نبي نشوفك يفصل فيها
امينه...كيف طحت عليهم
احمد..عليك انشالله اه
امينه...رزااااان امشي احمد من قدامي تبي تخش
احمد...مسك يدها هيا
امينه...وين
احمد...لشقتنا
امينه...لالامروحه مع امي
احمد...في اوراق لزم م ننهوهن
امينه...اوراق شن
احمد...بعد نروحو نقولك
امينه...مازال بدري
احمد...من عمرك هيا نقرب السياره علي مالبستي
امينه...احمممممد
احمد...هيا صكر الباب
امينه...اوووف ردت للبنات سلمت عليهن وطلعت ركبت مع احمد طلعو
وسام...قالك
مجدي....اسكت يافرخ
وسام...مص الليم عاد انتَ كيفي
مجدي...امشي روح
وسام...هههههه نصبرو شن ورانا
مجدي..هي هذي
●●●●
فات شهر شهر علي زواج امينه واحمد هوا يتقرب منها وهيا تحاول مايقرب منها بس كان احمد اقوي منها
مجدي...بيسو هيا
ابتسام...قتلك مش ماشيه عارفه اللي فيا
مجدي...رفضتي اديري الأشعه الفتره اللي فاتت وقلت باهي توا لا
ابتسام...حبيبي نبيش
مجدي...يلبس فيها في العبايه حجزت يرجو فينا
ابتسام...اجووودي
مجدي...اغمائك زاد بكثره في يوم مرتين ثلاثه واجد
ابتسام...حبيبي عادي
مجدي...لامش عادي
ابتسام..نبيش لولي تمشي معايا
مجدي...توا تمسكها امينه كلمت احمد
ابتسام...حبيبي
مجدي....انزل لولي ونجيك
ابتسام...تسقم في الخيمار
مجدي..نزل رن الجرس فتح احمد
احمد...تفضل جوا
مجدي...مستعجل مدله القعاد امانه عندك
احمد...مسكها ماشيين توا
مجدي...اها
احمد...نسمع اخبار الخير
مجدي...يارب اوكي رقى الدروج
ابتسام...تلبس في الكندره
مجدي..هيا ياروح
ابتسام...كان خليتني اجودي
مجدي...طولنا واجد لعند امتي
ابتسام...شفتله
مجدي...مسك يدها طلع صكر الباب نزلو
احمد...نجك ليا كابره
امينه...تمسح في ادموعها
احمد..كنك تبكي تفائلي
امينه...ليش م قلتلي نمشي معاها
احمد...انشالله يجو بأخبار الخير
امينه...صبت تبرم يارب
احمد...هاديه أملي
امينه..نجك ليا اها هدوء بيسو
احمد...عكس خليفه
امينه..ههه اها نجاليا
احمد..تعالي قعمزي
امينه...نبي نطمن عليها قاعده ناقصه بكل
احمد..ربي يعطيها الصحه
امينه..انشالله يارب
احمد...تعالي قعمزي راسلت صاحبي في تونس والله طمني
امينه..جت قعمزت خذت أملي حبيبي السمح
احمد...يشوفلها
امينه...حضنت أملي تبكي يارب
احمد...مني مش هكي
امينه..خايفه كلامها في راسي وهيا توصي فيا عليها
احمد...من خوفها بس
امينه...بيسو كل يوم تنقص
احمد..م تاكلش وعندها سكر والأدويه اللي تاخذ فيهن
امينه...تبوس في أملي ربي يطمني عليها معش نقدر انتحمل لوحتي هيا صارت فيها حاجه
احمد...يمسح في ادموعها لاانشالله خير
امينه...كان طلع الورم
احمد...حميدي
امينه...كم مره نجيها ويغمي عليها تقعد تصكر في اعيونها زين بعدها ترتخي
احمد...بأذن الله حتكون اكويسه
امينه...يارب يارب
●●●●
مجدي...امتي تعطيني النتيجه
الدكتور...نقولها لك توا
مجدي...شن النتيجه
الدكتور...الورم كابر شوف
مجدي...كابر
الدكتور...اها
مجدي...تمام توقعت صبى بارك الله فيك
الدكتور...ضروري من استئصاله كل م يكبر كل م يسبب مضعفات عليها
مجدي...تمام طلع لقي ابتسام تمشي في الممر ابتسم
ابتسام...ندور فيك شن صار
مجدي...صار الوقت اديري العمليه
ابتسام...شن فيه
مجدي...ولاشي قال نفس ماهوا ضروري من استئصاله
ابتسام...انديرها في بنغازي
مجدي...مد يده
ابتسام...مسك يده
مجدي...يمشي تنهد لافي تونس
ابتسام...حبيبي خايفه نموت تحت العمليه
مجدي...عارفه اول علاج شن
ابتسام...شن
مجدي...تكون نفسيتك وصحتك ممتازه يعني فكري لما نوصلو وديري العمليه تفتحي اعيونك تلقيني جنبك ماسك لولي نرجو فيك
ابتسام...تنهدت يارب شن نبي اكثر
مجدي...طاقه إيجابيه نبي
ابتسام...تصدق رايفت علي لولي
مجدي...نمشو للمحلات تاخذي الحاجات الناقصه عشان بعد بكره مشيين
ابتسام...مش ضروري تحجز تذاكر
مجدي...حاجز احميده ماشيين معانا
ابتسام...باتي خايفه عليه لما يعلم
مجدي...بعد نروحو تحكيلهم مافي حد عالم امينه واحمد ونحكي ل وسام
ابتسام...باتي خايفه عليه موت
مجدي..مش حيعلم لعند م نروحو
ابتسام...حيسأل ليش ماشيين
مجدي...متفق مع احميده ركب في السياره
ابتسام...صكرت الباب شن نقوله
مجدي...عندي شغل غادي وخذكم معايا
ابتسام...وعيت احمد
مجدي...حتي هوا ينهي في شغل
ابتسام...باتي مش حيقتنع
مجدي..ماتبينيش انتي
ابتسام...حبيبي خايفه
مجدي...مسك يدها حطها علي صدره قلبي مطمن كل اللي نقدر عليها انديرها حتي كان تبي روحي نعطيها لك اهم شي عندي تكوني بصحتك
ابتسام...نجك ليا انا قلبي يبي يطلع من مكانه من كثر الخوف
مجدي...معاك وجنبك ماتفكري في شي عاد شن قلت اهم شي النفسيه وطاقه الأيجابيه
●●●
امينه...عطيني تلفونك نتصل ب بيسو
احمد...مده لها
امينه...مافيش رمز
احمد...لالا
امينه...صبت كتبت رقم ابتسام تمشي في صاله
احمد...ماسك أملي نجك لي خطرها مسافرين بعد بكره
امينه...وين
احمد...لتونس مع عيت مجدي
امينه..نزلت التلفون كنها بيسو
احمد...مافيش شي لكن عشان ادير عمليه ابتسام
امينه..حي جوازي مش متجدد
احمد...مشيت لعمي عمران الأسبوع اللي فاات خذيته منه جددته
امينه..تحكي جديات ماحكيتلي
احمد...ماصارش وقت نحكيلك كملتيها فوق عند ابتسام
امينه...صاح عاودت اتصلت ب ابتسام
ابتسام...طالعه من المحل طلعت التلفون من الشنطه رقم غريب
مجدي...خذاه منها رقم احميده اكيد امينه
ابتسام...ردت الو
امينه...واخيراا
ابتسام...مش مسجله الرقم
امينه...شن صار
ابتسام...مشيين بعد بكره لتونس
امينه...قالها ليا توا احميده
احمد...شفلها ابتسم
ابتسام...خلاص وتي روحك
امينه...تمام شن قالك الدكتور
ابتسام...قال مازال كيف ما هوا
امينه..باهي الحمدالله
ابتسام...ركبت في سياره لولي تعباتك
امينه...مش معايا
ابتسام...كيف يعني
امينه...ماسكها عمها بس والله ساكته فرق كبير بينها بين أفي
ابتسام...هههههه أفي طالع ل زونه شيطان
امينه....بكل ههههه خلاص توصلي تعالي عندي
ابتسام...تمام باي
امينه...باي صكرت مدت التلفون ل احمد
احمد...خطرها علي الكنداره في كيس جبيه ليا
امينه...مشت جابت الكيس مداته له
احمد...طلع تلفون كرت شفره مدا لها
امينه...ليا
احمد...نبي نعطيه لك لهيت لك اها
امينه...لاهيا بس انا نبيش عطيني لولي
احمد...شفلها ماتبيش تطمني علي باتك امك خواتك انا تلفوني ديما معايا
امينه...عندي تلفون في حوشنا
احمد...مش قلتي تكسر
امينه...لاقفلته فيه ذكرياتي ماحبيت انجيبه هنا
احمد...معناها ح تفتحي هذا عشان نتواصل معاك
امينه...شفره جديده
احمد...اها طلعتها اليوم بأسمي
امينه...تمام
●●●نورهان✍
رزان...وسام
وسام...عمره
رزان...نبي نمشي للمزرعه
وسام...لالا
رزان...شن اللي لا محبوسه نبي نطلع
وسام...توا نطلعك لكن تمشي للمزرعه هلك مالك شي جايه منهم
رزان...انت تطلع وانا نقعد محبوسه هنا
وسام...الله غالب شغل
رزان..حتي انا نبي نشتغل
وسام...سحب من الدخان نفخ شن مقصر معاك
رزان...مش بالوكال وشرب ولاهدايه انا مخنوقه مضايقه نبي نطلع
وسام...صبى انتي تبي اديري عركه مش داير يازازا وليدي وين
رزان...نكلم باتي انا
وسام...رزااان ريحيني
رزان...تبكي انت اناني تحب الشي اللي حابه اما انا شن نحب شن نحس مايهمك اهم شي نفسك انا ماطلبتش تاخذني لتركيا قلت نبي نمشي لهلي اقل شي انفس علي روحي في المزرعه انت تطلع من الصبح مرات م تجي الا في ليل ونلقيك بأبتسامه مانحسسك بشي
وسام...رد حضنها وتي روحك معش تبكي فعلا انا اناني
رزان...توديني
وسام...اها
رزان...بعدت خشت لدار خذت شنطه تمسح في دموعها فتحت الدولاب حطت دبش
وسام...حطيلي معاك
رزان...عليش
وسام...ماشي مع اصحابي نغير جو
رزان...اها لاحاضر طلعت شنطه اخري حطت دبش وسام مدتها له
وسام...خذاها
رزان...مدتله شنطتها
وسام...عليش الدبش هذا كله
رزان...قاعده اسبوع غادي
وسام...براحتك
رزان...انت معش تحبني صااح مليت مني معش يهمك نقعد ولانمشي بالنسبه لك من اول م جبت أفي وانت متغير مش كيف اللهفه قبل
وسام...ههههه قرب حط أفي في الشيال وطلع انا بره
رزان...نحكي معاك انا
وسام...اصحابي يرجو في
رزان...لبست عبايتها والخيمار حطت التلفون وشحن في الشنطه خذت شنطه الدبش وطلعت
وسام...كملتي
رزان...اها
وسام...هيا
طلعو صكر الباب طلعو ركبو في السياره
وسام...عادي تقعدي اسبوعين عند هلك
رزان...مطبسه علي أفي شفتله خنقتها العبره عادي هلي اللي مشيتلهم
وسام...ماترايفيش عليا
رزان...معش ردت عليه دموعها ينزلن
وسام...نحكي انا
رزان...اكيد في وحده في حياتك لانك متغير معايا مش حاسس بيا
وسام...عليش تبكي توا انتي
رزان...مقهوره حبيبي حياتي متلخبطه معش نشوف فيك مكملها شغل شغل نحكيش عشان م تكون جاي من ضغط ونكون انا ضاغطه عليك اندير غداء نرجاك ماتجيش برضو العشاء نتصل بيك م تردش وكان رديت تحقيق انا عارفه ضغط شغلك بس حتي انا ليا حقوق عليك مش طالبه واجد نبيك تخصص وقت لنا مش كلشي شغل مليت من نفس الروتين م طلبتش شي قتلك وصلني لهلي اقل شي المزرعه نطلع انفس علي روحي قعد وجودي وعدمه واحد في شقه طبست علي أفي يبكي خلاص ماما
وسام...كنه يبكي
رزان...يبي يرضع وين ماشي انت مش هذي طريق المزرعه
وسام...يدربك علي دومان عارف
رزان...عليش ماشي منها
وسام...ماشيين لسوسه مأجر شاليه علي البحر قاعدين اسبوعين فيه مش تقولي مرايفه خلينا نردو اسبوعين ننعزلو فيهن م الضغط
رزان...رفعت الخيمار تحكي جديات
وسام....طريق يافرخه نزل الخيمار اها كان سكتي اصلا جاي ناخذ فيك
رزان...ليش تخلي فيا نحكي ونقول اللي حاسه بيه
وسام...نبي نعرف شن داسه في قلبك
رزان...خبطاته مش هكي حرجتني
وسام...عارف مقصر لكن ضغط حبيبي توا قلتلهم اسبوعين انسو حاجه اسمها وسام نبي نهيج
رزان...نجك ليا
#نورهان✍
امينه...ماسكه أملي وتمشي بيها في دار
احمد....حبيبي وين بطاقتي كانت هنا
امينه...شفتله علي جنب في الدرج الزيانه
احمد..كنه رقالك
امينه...معش تقولي حبيبي
احمد...وام عيالي انشالله
امينه...بجد فيك كميه برود غريبه كيف متقبلني
احمد...من مايشوفك م يتقبلك
امينه...انا نروح من تونس نازله لحوشنا
احمد...اكيد لانا نجو بطلانين
امينه...حوش باتي
احمد...هذا حوشك
امينه...انت لمستني بدون ماانا نوافق تاخذ في حاجتك بالقوه مش محترمني اذا انا متقبله ولا
احمد...مانتحملش لما نشوفك واقفه قدامي حاولت بس م قدرتش
امينه...طلعت لصاله مشت لصالون نزلت أملي في القعاد انت خذيت اللي تبيها بالقوه وغصب عني كل يوم تاخذ في حاجتك بدون ماانا نبادلك تغطي في أملي
احمد...حتتعودي وتتقبليني
امينه...رفعت راسها شفتله صكرت اعيونها قعمزت علي الصالون انت واحد متخلف
احمد ..كنك
امينه...مش شورككك
احمد...ابتسم قرب منها كنك
امينه...تبعد فيه قتلك مش شوركك
احمد...طبس باسها علي راسها
امينه...تشوف ل أملي
احمد...قعمز علي الصالون مقابلها بيش توتي الشنطه
امينه...حاجتي بروحي
احمد...شنطه وحده طالعه
امينه...مش حنرد عليك توا
احمد..ههههه امتي اتردي
امينه...بعد نروح
احمد...انشالله وانتي طيبه رن الجرس اووو الباب شكلهم جو صبي يالله قرب من امينه
امينه...كنك
احمد...رفع وجها بيده خطف بوسه من فمها
امينه...كرهتني في روحي اكثر ماني كرهتها
احمد...تبي تسكتي ولانرد ومش فاتح
امينه...معش ردت عليه تمسح في فمها قرفني بحركاته
احمد...سمعتك فتح الباب ابتسم
مجدي...احميده تعال نبيك
احمد..هيا اني جيت
ابتسام...شن فيه
مجدي...نتأكد من الأوراق
ابتسام.. اها خشت جوا مني
امينه...في الصاله
ابتسام...خشت خير بنتي وين
امينه...اهي ترجا فيك
ابتسام..ياعمري درتها فيك مني
امينه...لاوالله نجك ليا
ابتسام...قعمزت خايفه من المشيه
امينه...شفتلها عارف بيسو م نفكر في شي
ابتسام...حتي انا مني كيف نبي نمشي ل باتي وامي ونقوللهم
امينه...بروحي نفكر فيها بذات طلعين مع بعضنا
ابتسام...م قتنعتش اني نقوللهم ماشيين شغل انتي عارفه باتي مش بسهوله يصدق
امينه...سرحانه
ابتسام...راحت هذي مني
امينه...اممم
ابتسام...شن نقولو
امينه...بعد تشوفي باتي تلقي الكلام بروحه
مجدي...بيسو
ابتسام...نعم
مجدي...هيا
ابتسام...هيا هيا صبت
امينه...خليك معايا
ابتسام...عارفه عندي دبش نبي نغسله ونبرم علي الشقه ونوتي الشنطه بكره اكيد ماشيه ل باتي وبعد بكره في المطار
امينه...بنينا ماشيين
ابتسام...لا الأبرق
امينه...باهي قريب
ابتسام...اها صبت خذت القعاد وشنطه اجودي
مجدي...رد ايوا
ابتسام...مدتله الشنطه والقعاد
مجدي...هيا
ابتسام...هيا ردت مني تبي شي
امينه...سلامتك صبت خشت لدار النوم صكرت الباب
ابتسام...طلعت
مجدي...يرقي مالدروج جنبه ابتسام
احمد..خش صكر الباب مني
امينه...حاطه السماعات
احمد...جو قهوي فتح باب الدار
امينه...بدون م تشوفله
احمد...فيش اديري
امينه...صكرت الدفتر حولت السمعات تحكي معايا
احمد....رفع الورغان اها
امينه...يانعم شن تبي
احمد...فيش تكتبي
امينه...حاجه م تخصكش
احمد...شن اللي ع الروشن
امينه...التفتت
احمد...كر الدفتر صبى
امينه...صبت نبضات قلبها زادت سرعتهن لا م تفتحش
احمد...يبتسم يقلب في الدفتر شن رايك نطلع نقفل الباب من برا ندير قهوه نقعمز في الصاله نقرا
امينه...وخرت سندت علي الساس يدها علي صدرها شن تبي مني
احمد..نقرا اللي في دفتر
امينه...شن تبي مني
احمد...نقرا اللي كاتبته
امينه...مش قادره انتنفس قعمزت علي السرير
احمد...جاها مسك ايديها نبصر
امينه.... تبعد في ايديه
احمد...نبصر معاك
امينه...اه
احمد...نبصر معاك مش حنقراه
امينه...حتكون عرفت كل قصه وحده فينا بعدت يده دفتري وينه
احمد...مال علي السرير جابا لها
امينه...تبكي بصر في اي شي الا في هذا
احمد...شن كاتبه فيه اللي يخليك تبكي
امينه...حياتنا
احمد...مش حياتك انتي
امينه...كلنا
احمد...خواتك
امينه...كل اللي مرينا بيه وعشناه تمام هكي
احمد...نطبعه لك ويكون كتابك الخاص
امينه...لا
احمد...ليش
امينه...تمسح في دموعها لانا اللي مكتوب فيه ماحد يقراه
احمد.. ليش
امينه...قتلك القصص اللي صارن ف حياتنا مكتوبه فيه
احمد...ماقلت شي حسيتك متعلقه بيه بكل الدفتر هذا
امينه...لوحد قراه حيخربن ابيوت
احمد...واااو
امينه...تمام هكي
احمد..وبيتك
امينه...حياتي واضحه قصتي كانت وحده والكل عارفها
احمد..وتوا
امينه...خلاص احمد مش قادره نحكي
احمد...بعد تكتبي الأوراق اللي مازالن فضيات ويصكر الدفتر شن اديريله
امينه...برضو مش حتقراه
احمد...لهدرجه مكتوب فيه حاجات م نقدرش نقراهن
امينه...ابتسمت اها
احمد...شن اديريله بعد يكمل
امينه...مشعارفه بس مش حنخليك تقراه
احمد..شن ساير في حياتكن
امينه...ياما ساير عشان هكي متعلقين ببعضنا نحنا وبنات خالي بدر
احمد...هز براسه طلق طوله علي السرير
امينه...حضنت الدفتر تنهدت
احمد...يشوفلها بس اكيد اتريحي بعد تكتبي
امينه...اها اكيد انا الوحيده اللي كلهن يحكنلي وكلهن يأمنن فيا وبالنسبه لهن انا الدعم النفسي ممكن لأني الكبيره ممكن لأني الواعيه فيهن
احمد...انحبك
امينه...شفتله
احمد...انحبك
امينه...كيف تقول كلمه وانت مش قدها
احمد...انحبكك مد يده كرها شوره
امينه...طاحت علي صدره
احمد...قد الكلمه عارفه ليش
امينه...اممم
احمد...لاني شفت الخوف بعيونك وتصرفاتك عشان الدفتر انحبك لانك قد الأمانه والثقه اللي حطنها فيك
امينه...مش مسامحتك لو لهيت ولقيتك فاتح تقرا فيه
احمد...وعد مش حنقراه طالما مش برضاك تبي تاخذيه معاك لتونس
امينه...مرافقني كيف ضلي كل م نلقي الوقت فاضي نكتب شن صار مع كل وحده فينا
#نورهان✍
يوم جديد تحديدااا 4:30عصر
مفرشين في القطعه في حوش عمران
ابتسام...هههههه
اروي...بصراحه ناقصه رزان اللمه
امينه...رزان زايطه حقاتها حرام بعد جابت أفي انحبست نشوف في بوستاتها مهيجه
هناء...حي عليكن كان علمتكن مسافرات م ودعتنها
ابتسام...شن اندير نبيش نخرب عليها مشيتها
بشري...يابيسو رني عليها وقوليها لها
ابتسام...توا تجي
بشري...هذي اكيد
ابتسام...حرام خليها مبسوطه
هنيه...نلقاني واصله حدي ثاقله بكل
ابتسام...ياعمري خطرتي عليا بشكلي ربي يسهل عليك
البنات...اللهم امين
هناء...امي شن تبي اخري
فاطمه...كاكاويه بس
هناء...توا نحطها في الكوشه
فاطمه...لاجبيها توا انديروها هنا
هناء...باهي
ايه...راجيني نمشي معاك
هناء...هيا
ابتسام...نونا كنك م جبتي معاك عمتي والبنات
هناء...جيات توا حتي هجوري جايه
ابتسام...باهي تمام بصراحه لمتي هذي نقصتها زونه
زينه...مافيش الا نرن عليها
ابتسام...لاوالله لا خليها عرفتها تعلمها تجي وهيا ماصدقت طلعت مخنوقه
اميمه...ياافريحه
فرح...ههههه شفتلها نعم خالتي
اميمه...عبادي قالي ماشي ل بنغازي
فرح...اها عنده شغل اسبوع
اميمه...ماشيه معاه
فرح.. لالا
اميمه...ليش
فرح..ماقاليش تمشي معايا ياخالتي
اميمه...توا نحكي معاه
فرح...توا يقول قلتها لها
اميمه...لاعدي انتي م تطلعيش
فرح...خطرها قلتلكم هنو انها حامل
البنات...تحكي جديات
فرح...وحقالله
امينه...ماشالله
البنات...ربي يسهل عليك نونا
هناء...اللهم امين اسكتن بروحي مش مصدقه
ابتسام...ههههه نجك لي
هناء...ردت قعمزت توا نجيبها امي نحكيلكن فات موعدها نبي ندير خلطه حني ههههه عشان تنزل قلت متأخره وهكي نحكي فيها ل اسريوا قلتلي طاااح اسعدك بلكي حامل
البنات..ههههه
هناء...نحكي فيها ل دومي برود قتله فات موعدها شاكه اني حامل خذاني امس ف العشيه درت مختبر في العياده
ورديت ركبت في السياره بعد ربع ساعه جا خذا النتيجه قلولها مبروك في حمل قبل قلب علي السياره من الفرحه هههههههه
البنات...ههههههههه
هناء...ربي يرزق كل مشتاق يارب بفرحه دومي انا برود عندي مش مصدقه
البنات....ههههههههه
ابتسام...الله اخبار حلوه
فرح...فرحتلك من كل قلبي
هناء...ياقلبي انتي
عايشه...خشت من باب القطعه ماسكه القعاد
امينه...مش غريب علي القعاد
ابتسام..التفتت شن
عايشه...حي عليكن
ابتسام...لاااا زونه
رزان...يرزيني فيكن ملتمات ومسافرات بدون م تقولتلي لو في نهايه الدنيا نجيكن تسلم علي حناتي حواء وفاطمه جت تسلم علي البنات
البنات...هههههههههه
ابتسام...والله كانت نقصتك
رزان...كذابه كان هكي قلتيلي
امينه...والله عشان م نخربو عليك القعده السمحه قلنا م صدقت طلعت
رزان..كلم مجدي وسام امي خلي أفي معاك تسلح في العبايه قاله مسافرين وكلهم ملتمين في حوش عمي عمران قتله توا توديني
البنات...ههههههههه
بشري...والمشيه حرام
رزان...لاردين في ليل قبل م يبيش يجيبني درت يوم
البنات..هههههههههه
رزان...قربت من ابتسام نصي الثاني كيف م نودعها قبل م تمشي
ابتسام...حضنتها ياحظي بيك كنت خايفه نمشي م نشوفك
رزان...نجك لي م نقدرش علي بعدك ولابعد وحده من الكلبات هذين
البنات...ههههههههه
ابتسام...ربي مايحرمني من اللمه السمحه
البنات...اللهم امين
رزان...عليش ماشيه لتونس
ابتسام...شافت ل امينه
رزان...والله م لحقتكن
البنات..ههههههههه
امينه...هههههه مش هكي
ابتسام...نبي ندير عمليه لوز قبل نبيها هنا لكن اجودي م بش قال نمشو لتونس منها تغيري جو
رزان...صاح يوجعن فيك
ابتسام...اها
رزان...تحوليهن نشالله يزول السو
البنات...انشالله اللهم امين
اروي...جو القطعه خيال
البنات...اهاا
جت حواء واسراء واصيله هاجر منونه ايهم ادهم
وكتملت اللمه وكانت ابتسام الفرحه مش سيعتها بلمه
#نورهان✍
جت ساعه12:00ليل
عمران...عينك من روحك ولك زمان تشكي منهن
ابتسام...نجك لي حتي انت عينك من روحك
عمران...بنتك وخذتها معاك خليها معانا
ابتسام...اها باتي ماشيه معايا مني احمد عنده شغل غادي توا تقعد عينها منها
عمران...قالتها ليا امينه
ابتسام...اها عينك من روحك
عمران...انشالله
ابتسام...حضناته خوذ دواك وربي يطولي بعمرك بعدت باست يده وراسه
عمران...الله يربحك
ابتسام...امي حضنتها عينك من باتي وصحته
فاطمه...انشالله حتي انتي طمنيني عليك
ابتسام...انشالله باست يدها وراسها
فاطمه...الحوش فضي جيتو مع بعضكم وروحتو مع بعضكم قعدت غير انا وباتك حتي حنك مشت قالت ماشيه لعمتك
ابتسام...ياقلبي وعد وقت نروح وعدت البنات بقعده نقعدو اسبوع عندكم
فاطمه...انشالله وانتي طيبه
ابتسام...تبو شي
عمران...سلامتك عينك من روحك سلم باتي
ابتسام...انشالله هيا بسلامه
فاطمه...طمنيني
ابتسام...انشالله شيرت بيدها باي
عمران...طلع معاها بره طريقكم بيضاء
ابتسام...يارب مشت لسياره فتحت الباب ركبت تنهدت
مجدي...ماسك أملي نمشو
ابتسام...فتحت الروشن تاخذ في نفس هيا
مجدي...مدلها أملي
ابتسام...خذتها م نبيش نبكي اوكي
مجدي...م تفكري في شي بأذن الله نروحو طيبين
ابتسام...يارب شوف باتي كيف يشوفلي ياقلبي حسيته مش مقتنع بكلامي
مجدي...بيبله وطلع بالسياره بأذن الله نروحو طيبين وتفرحيهم بطلتك السمحه
ابتسام...يارب
●●●●●●
يوم جديد....ساعه 10:45صباحا
مجدي يركب في الشناطي في السياره
احمد....مدله الشنطه
مجدي...واتيه امينه
احمد..اها نزلتلها ابتسام
مجدي...نمشي نقوللهن هيا وقت
احمد..علي م اكدت علي الأوراق
مجدي...خش للعماره طق علي الباب بيسو
ابتسام...نعم حبيبي
مجدي..هيا
ابتسام....نعطيك لولي
مجدي..هاتيها
ابتسام...مدتها له
مجدي...طلع لسياره
امينه...هيا طلعت
ابتسام...قدامها
امينه...احمد
احمد..ايوا
امينه...اشوي
احمد...جا ل امينه
امينه..نبي نصكر في شي ناقص
احمد...اها فيه
امينه...شن تأكد ع الأوراق
احمد...مسك يدها خش بيها لشقه رد الباب
امينه...شن فيه
احمد...قرب باسها في فمها تنهد ايوا هكي تمام م فيش حاجه ناقصه
امينه...شفتله
احمد...رد باسها
امينه...خلاص انا متضايقه مخنوقه خايفه حيسير في بيسو
احمد...كل خير
امينه...خايفه احمد
احمد...مسك يدها هيا متفائل خير انا
امينه...بعد يدك نتحشم من مجدي
احمد...حلالي
امينه...ليش تجبر فيا
احمد...لاني حبيتك طلع صكر الباب طلعو من العماره مشي فتح باب السياره
امينه..ركبت
احمد..صكر وجا ركب
مجدي...شافله ابتسم
احمد...مش ناسيين شي
مجدي...انشالله لا
احمد...ولع السياره وطلع لطريق المطار
امينه...احمد
احمد...شفلها م المرايه ايوا
امينه...تأكدت علي الجواز
احمد...اها
ابتسام...جددوه
امينه...باهي تمام مش وقت تعرقلات في الطريق
احمد...يسوق طلع التلفون من جيبه يشوف لطريق فتح الرسائل يكتب●●((دُمتي لقلبي حبيبتي و شريكتي و رفيقتي حتى نشيب سويآ يامن أود أن أكون معاها سنوات لاتعد انحبك ماتفكري في شي ربي يسهل طريقنا ...تم الأرسال
مجدي...يشوفله
احمد...ابتسم يشوف لطريق
امينه...سمعت صوت الرساله فتحت الشنطه طلعت التلفون قرت الرساله شافت ل احمد من المرايه
احمد...غمزلها
امينه...ابتسمت طبست صكرت التلفون رداته في الشنطه
ابتسام...شفتلها تبتسم
امينه...مدت يدها ل ابتسام مسكتها ....
●●●
بعد ربع ساعه وصلو للمطار وكان علي موعد الطياره نص ساعه في صاله الأنتظار
ابتسام...مطولين
مجدي...خلاص هانت
احمد...مقعمز جنب امينه فاتح التلفون
امينه...يدها علي فمها
احمد...شفلها كنك
امينه...نبي الحمام
احمد...تعالي معاي
امينه...ديرين بنة المعطر قوي صبت
احمد...شاف ل مجدي توا نجي
مجدي...تمام
ابتسام...مشعارفه ليش قلبي يبي يطلع من مكانه من الخوف
مجدي..مسك يدها من كثر التفكير
ابتسام...أملي
مجدي...فيك
ابتسام...هههه
مجدي...من امس وانتي توصي خلاص
ابتسام...مليت
مجدي..لابس كلامك واعر
ابتسام...عارف انا راسي حينفتح مش ساهله ودماغ خايفه تسير تعرقلات في العمليه ميته خوف لوطلع ورم
مجدي...يييه علينا خلاص مانبي طاقه سلبيه صاحب احميده ممتاز كان مش ممتاز التوانسه م خلوه عندهم
ابتسام...راجل اللي يبي ايديرلي العمليه
مجدي...غصبن عني هالمره حياتك اهم عندي
ابتسام...نموت فيك
احمد...كنك
امينه...طلعت م الحمام نستفرغ من البنه و اعصاب معده خلطت عليا
احمد...تعالي اشربي عصير
امينه...لاعنديش نيه موعد الطياره
مجدي...موعد الطياره هيا رفع أملي
ابتسام...صبت شافت ل مجدي............#يتبع
((🔔الحلقه_الجايه حتكون الأخيره ياريت اللي تقرا فيها تفرحني بتعليقها حتي لو سمايل راضيه❤🍒🥺
●●●
اسفه لوفي لخبطه بالأسماء انشالله تنال اعجابكم
#انتظرووووووني في الحلقه #خمسون #والأخيره
#نورهان✍
