#جبرني_الوقت⏳
#اضافه_حلقه_العاشره #تصبيره لحلقه بكرا🤤
بقلمي✍ #نورهان
انا في قلبي شخص ماتعـوضاش الدنيا ولا تعـوضه الايام ولا يجى في مكانه حدد🤤♥️
●●
((لعيونكن درت إضافه❤🫂))
مجدي...باتي لييييش يحكي هكييي لييييش
وسام...مش عارف نقولك الفاجعه الأخيره
مجدي...في اكثر من الفجايع هذين
وسام...ابتسام انتحرت
مجدي...شنو فيش تفترش انت
وسام...هذا اللي صار خذت ادويه مسكوها يوم في المستشفي واليوم اطلعت
الوو الوووو صكر
عاود الاتصال معش رد عليه رن علي احمد
احمد...ايوا
وسام..كلمني مجدي
احمد...وين كان
وسام...مش عارف والله ماقليش
احمد...شن قالك
وسام...صكر في وجهي
احمد...يستر الله اوك
سعده...هذا مجدي
وسام...اها
سعده...وين قاعد
وسام..والله ماني عارف
حنان...ماقلكش وين كان
وسام...لا ديريلي قهوه
حنان...العشاء واتي
وسام...ماعنديش نيه فيه
حنان...به صبت للكوجينه
~~~
فات الوقت
عايشه...رزان
رزان..نعم
عايشه...تعالن وتن السفر
رزان...بنات هيا
اروي..جيتك
بشري..هيا هيا
رزان...صبن كلكن بعد العشاء كل وحده تستلم حاجه عشان نقعمزو مع بعضنا
اروي..علي اساس اديري في حاجه تأمري بس
رزان...شن رايك ههههه
اروي...ههههه عدي وعي ابتسام
رزان...مانوعي اعز منها هيهي
اميمه...ماصدقت
رزان..سمعتك ماطاحت الافي وذني خدمي كنتك
اميمه...ماقصرتش
رزان..ردت ههههه ايجي يوم تشكيلي منها نهارك
الكل...هههههههه
رزان..ينعلي يارزونه افريحه مايطلع منها خذت عبادي منا ووووو كلام الدارج جديد
الكل...ههههههه
فرح...خالتي هذي كان سمعتيها انسي
اميمه...هههههه خليها تحكي
رزان....هههههه عارفتني انبصر هيا بسلامه
مريم..هههههه
~~~
رزان..فتحت الدار هيييييي هييييييي مارقدتي الا واجد
ابتسام...تؤتؤتؤتؤ كنككككك
رزان...لك سبع ساعات راقده
ابتسام...فتحت اعيونها تحكي جد الساعه كم
رزان..نبصر لك نص ساعه راقده
ابتسام...حرام عليك رزااااان
رزان...حولت من عليها الباطنيه هيااااا عشاء
ابتسام...مانبيش تعشي انتي
رزان...لالالالا ماناكل الا بيك
ابتسام...ههههه رزان
رزان...هياااا
ابتسام...والله مش متوازنه بكل
رزان...من قل الوكال
امينه...هيا بنات
رزان..هيا هيا جينا
ابتسام..ترفع في شعرها صبت
رزان...كرتها وماسكه في يدها انشالله يمسكك هالمسكه مجدي
ابتسام...ههههه وخري باه
رزان...قدامي يعني ماتمنيش
ابتسام..اكيد انتمنا لكن هوا خطب
رزان...كله كذب حكتلي افريحه
ابتسام...انشالله هي
رزان...جيناااا
امينه...تعالن معايا
زينه..تعالي معايا ابسومه
امينه...لامعايا
بشري..تعالي معانا
حني صالحه...لاانتي لاهي تعالي مع حناتك
ابتسام...وهي قولتك جيتكن
رزان...قعدت معاك امينه هي
امينه...هههههه
وتعشو الكل وكان الكل فرحان ب ابتسام اللي ردت مالموت
بعد العشاء توزعن البنات في الحوش
ايه...ماسكه المبخر انبخركن
اميمه... طيب بنتك بخوره شن هذي يافطومه
فاطمه...المدينه
مريم...تهببل
رزان...امي جيبيلنا منها
عايشه...اول طلعه ليا توا انجيب منها
ايه...تبخر في ابتسام اعوينه هذي اعوينه في هالسماحه
الكل..ههههههه
ملاك...صوت الجرس
بشري...توا نمشي نفتح
ابتسام...ليش باتي وين
امينه...عدا لعمي صالح جايينه اصحابه
ابتسام...وخالي بدر
عايشه..عدا للحوش شرب شاهي وعدا في طريق توا
ابتسام..ليش مابات
عايشه...لاوالله المزرعه ماتسيبش
اروي..ياريت مشيت معاه
عايشه...قال بكرا انجيكم
رزان...حني مش قلتي الجمعه نمشو زرده
حني صالحه...ابتسام مريضه
رزان...خذونا للبحر توا تقعد تقول جن
الكل..ههههههه
بشري..غمزتلها ليش بذات البحر
رزان...اسكتي ياسوسه
حني صالحه...توا نشوف باتك كان قال باهي نمشو
~~~
بشري...تفضلن
ابتسام...شافتلهن صبت
حنان..بيسوووو
ابتسام....حضنتها
حنان...بعيد السو عليك
ابتسام..خنقتها العبره ماتشوفي سو سلمت عليها بعدها سلمت علي سعده
قعمزو كلهم في الدار وهدريز كل وحده اتهدرز مع الثانيه
حنان...بيسو شن دايره توا
ابتسام...الحمدالله
حنان...مجدي امبدري كلم وسام
ابتسام...تشوفلها اها
حنان...وسام قال فصل عليه
سعده...شن دايره يابسومه
ابتسام...شفتها ابتسمت الحمدلله بخير ياعمتي
●●●
امينه...بيسو
ابتسام...نعم
امينه..تعالي نبيك
ابتسام..هيا جيتك جتها
امينه...وراسك اطلعي علي هذا سكتيه خليه يمشي قبل مايجي باتي
ابتسام...منو
امينه...مجدي قالي مش طالع الا بعد تطلع ابتسام اطلعي عليه قبل مايجي حدددد اتسير مشكله
ابتسام...سيبت امينه وطلعت انزلت من الدروج
مجدي...داير وجه لباب ويديه في اجيوبه راقيتله
ابتسام..مجدي
مجدي..لتفت عليها جاها شن دررررررتي انتي شششن درررتي
ابتسام...ترعش اششششش وطي صوتك وراسي
مجدي..مشششش ساكت كيف ياابله ابتسام تنتحري مافكرتيش فيا
ابتسام...قعمزت علي الوطا ترعش ايديها علي وجها تبكي خلاص عددي تخوف فيا
مجدي...كييييف درتيها ياابتسام كيييييف بس كان صارت فيك حاجه انا شن اندير مافكرتيش في مجدي قتلك مايزفك راجل غيري عطيتك وعد تمشي تنتحري من وراي لييييش
ابتسام...شفتله انت مشيت خطبت وسيبتني
مجدي...والله وااااااللهي مازاف غيرك ولانفكر في غيرك
ابتسام..ليش قفلت تلفونك
مجدي...من الهم اللي شايله ياروح
ابتسام...انا معش عندي قدره انتحمل افهمني نبي انتريح
مجدي...عن د.....................
ابتسام...حاطه ايديها ع ذانها خلاااااص اسكتتت
مجدي...انتي انانيه مافكرتيش في انا شن ح يصير فييييييي كان انتي صارت فيك حاجه قوووليلي
ابتسام...صبت اطلع وراس امك
مجدي...مش طالع باتك ويييين
ابتسام....ادف فيه لالالا اطلع
مجدي....نبي ننهي ام القصه ال..........
ابتسام...وخرت والله كان ماتطلع توا هالمره انشنق روحي نبي انتريح خلاص مليت تعبت
مجدي...كرها شوره حضنها خلاص اشششش
ابتسام...اطلع باهي توا نسكت كرعيا مش شيلاتني
مجدي...توا نطلع نبي نحكي مع عمي عمران
ابتسام...مش قاعد باتي
مجدي...يمسح في ادموعها شن دايره توا ياشدوقي
ابتسام...اليوم طلعت من المستشفي
مجدي...مسكها من خشمها شن انديرلك نضربك انعيط شن اندير موضوعنا والله مامسيبه قصه باتي اللي حاكي مع عمي عمران ماعنديش علم منه ومافيش منه اصلا الكلام اللي قاله
ابتسام...اوعدني لو شن صار ماتفكرش تاخذ غيري
مجدي...تحكي مع راجل شن تحكي الوعود قوليهن للعيل ولد خالك ل..
طووطوطو احسابه معاي
ابتسام...شن تبي ادير حبيبي رد بالك خلاص نبي انتريح
مجدي...قوليلي اتحسي في حاجه ياروح
ابتسام...ابتسمت لالا اكويسه توا
مجدي...تاخذي في دواك
ابتسام...اها
امينه...جت مجدي باتي في الطريق
ابتسام...عدي
مجدي...افتحي تلفوتك
ابتسام..مازال باتي ماعطاه ليا
مجدي...طلع تلفون من جيبه هاكي تلفوني
ابتسام...لالا توا نحكي معاك بتلفون هناء ولاهنيه
مجدي...مسك يدها تلفوني
ابتسام...وانت
مجدي...توا انشغل تلفوني القديم
امينه....هيااااا مجدي
مجدي...كر ابتسام حضنها حضن كسرها بين ايديه
امينه...انحرجت خشت
مجدي...معش اديري حاجه كيف هكي
ابتسام...كسرتني باه
مجدي...خاطري انكسر راسك علي اللي درتيه
ابتسام...كان هنت افداك
مجدي...عطاها بوسه علي راسها انا طالع
ابتسام...عينك من روحك
مجدي...معاك روحي ياروح بينا الووو
ابتسام...تمام
مجدي...فتح الباب شاف لشارع وطول ل سيارته
وسام..مش من جدك هذا كله
مجدي...باتي قاعد
وسام... قاعد حسيت روحي ابو ماجد اللي في باب الحاره ولامدرعنه قاعدلك حارس
مجدي...ماكانش في داعي
وسام...وين ماشي
مجدي...راقي لباتي
وسام...احكي معاه في الصبح
مجدي...لالا يرقا من الدروج باتي
خليفه...فاتح التلفزيون يتفرج
مجدي....باتي
خليفه...في الدار
مجدي...داهش باتي
خليفه...تبي عزومه علي جيتك
مجدي...ياباتي ليش تمشي ل عمي عمران تحكيله حاجه كيف هك ياااااباتي عارف مواضيعي مانبي حد يخش فيهننننننن يابااتي يحكي وعروق ارقبته طلعات
خليفه....عيت عمران معش تحكيلي عليهم كان تبيهم عديلهم بروحك وخالط فيهم بروحك
وسام...هذا اولدك اللي كيفك اتوقف معاه
خليفه...العرب كسفوني
مجدي..اللي خرب علي و......طوطوطو
خليفه...تحشم علي وجك ومسك السانك تحكي مع باتك المهم حجرها ولد خالها كسفنا
وسام...وجا ولد سيدها كسفه كيف ماكسفكم يعني ردت كسفتك
خليفه...مانفهمش انا
مجدي...مواضيعي انحلهن بروحي ماحد له دخله بيا تحقوني ننحرق قدامكم مادخلكمش طلع
وسام...ماعندك عليش تشوفلي حقه
~~~
سعده...سامحيني جت متأخره
فاطمه...لاوالله
سعده...انشالله حد السو يابسومه
ابتسام...اكتفت بالابتسامه
حنان...عينك من روحك
ابتسام...نجك لي
حنان...حضنتها وشوشتها في وذنها قبل ماديري حاجه كيف هذي فكري في مجدي ح ينجن عليك خيي يحبك مستعد ايدير اي حاجه عشانك
ابتسام...نجك لي
سعده...هيا امي
حنان...جيت امي
●●●
رزان...بكرا ماشين ولالا
حني امينه....مازال ماجا عمران
فرح...باتي لاجا في المربوعه
حني امينه...عدي كلميه ليا
فرح...عدي هنو
هناء...توا نكلمه مشت بااااتي
عمران...ها باتي
هناء...شن ادير
عمران...انتفرج ع الاخبار
هناء...تبيك حني امينه
عمران...انشالله خير هيا اني جيته صبا
هناء...حاضنه يده نجك لي
عمران...شن وراها
هناء...ههههه باااتي يعني عمري ماحضنتك
عمران..يمشي ماسكه فيه هناء السلام عليكم
الكل ...وعليكم السلام
حني امينه...سيبي باتك
هناء...لالا
عمران..هههه لصقه هذي
هناء...باااتي
هنيه...صبت حتي انا جت ماسكه كيف هناء
عمران...شن فيه يمي دزيتي علي
حني امينه...بكرا فاضي
عمران...فاضي بكرا جمعه كنك
حني امينه...ماشيين زرده
عمران...بكرا
البنات...اها
عمران...قلتوها ل بدر وسالم وفيصل
البنات...نقولوها
عمران...اتفقو قبل
امينه...نمشو بكرا
عمران..وين تبو
امينه...اتكت ع كتف حني امينه بحر
حني امينه....نبو البحر
عمران...البحر
حني امينه...اها منها نا وصالحه نحطو اكريعاتنا في الميه
عمران...خلاص معناها نطلعو بعد الغداء
حني امينه...باه
البنات..كانت الفرحه مش سيعتهن
حني صالحه ...كلمن بدر يجيب معاه حولي
عايشه...باه
من فرحتهن البنات الكل في الكوجينه ايديرن في كيكات وموالح للبكرا لانهن مجموعه ماحسنش بالوقت
رزان...بكرا عندي موعد
البنات....شنوووو
رزان...شفتلهن نكذب
امينه...رزااان
رزان...نكذببببببب
ابتسام...تلفونها يهز في جيبها طلعاته الو
مجدي...الو تسمعي فيا
ابتسام...اها نسمع فيك ياروحي
مجدي...شن دايره توا شن الهرجه اللي قدامك
ابتسام...تمام الحمدلله اها البنات يوتن للبكرا
مجدي...شن عندكم بكرا
ابتسام...طالعين زرده
مجدي...وين
ابتسام...لعند توا للبحر
مجدي...البحررر
ابتسام...انشالله
مجدي...ماشيه
ابتسام..انشالله ياروحي نقعد بروحي وانا مازالت مريضه ونفسيتي تعبانه
مجدي...باهي ياروحي ديري بالك علي روحك
ايتسام...مش متكلم
مجدي...لالا نبيك اتغيري جو
ابتسام...انحبك انا
مجدي ...نموت فيككك ياروح
~~~
فرح...الو
عبدالله....اكبيدتي وين
فرح...حايسه
عبدالله...العقبال مانحوس فيك
فرح...بيداااا
عبدالله...ماقلت شي سكتت
فرح...بكرا طالعين زرده اكيد خالتي قلتلك
عبدالله...اها
فرح...اتجي طبعا
عبدالله...خليها مفتوحه
فرح...بيداااا
عبدالله...توا انشوف ممكن نلحقكم في ليل
فرح...المهم اتجي
عبدالله...بأذن الله
~~~~
فاتت ليله علي البنات مفرشات جنب بعضهن من فرحتهن رقدن كلهن ماعاد
ابتسام اتصلي وتستغفر علي اللي دراته في روحها ضميره يأنب فيها
●●●
يوم جديد الكل مجهز روحه
حني امينه...اركبي معانا ياصالحه
حني صالحه...باهي ماعنديش عليها اهم حاجه سياره واطيه
حني امينه...هيا معانا
جن خلاتي كل وحده في سيارتها وجا خالي بدر
وركبنا الحاجات كلهن في سياره ايمن وكل وحده اركبت مع هلها
وطول الطريق ونحنا ورا بعضنا البنات التصوير وفرحه مش عطياتها لحد
عمران...شفتي شن جبت في حاجه ناقصه
فاطمه...لاوالله جايب كل الخير
عمران...ركبتن كل حاجه في سياره ايمن
فاطمه...جبت اميه معدنيه
عمران...جبت
امينه..شفت مجدي في سياره وسام
ابتسام.. اها قالها ليا
امينه...ربي يسعدكم
ابتسام..حطت راسها ع كتف امينه ربي مايحرمني منك
امينه...ابتسمت ولا منكن
بعد وقت الكل واقف يرجا في ايمن امأجر شاليه
عمران...ايمن يااايمن الووو
ايمن...ايوا نسمع فيك
عمران...شمس فوق من روسن وينك ياراجل
ايمن...اهو نشوف فيكم قدامي الحقوني
عمران...شافله ولع ولحقه
بعد اشوي الكل وقف وبدا ينزل في حاجات
عمران.. ينزل في حني امينه وصالحه
رزان...كلا انا طول لشط
بدر...رزان ردي بالك اتعومي
رزان...مع المغرب ياباتي توا م نقدرش
بدر...اروي افطني ل اختك
امينه....شمس قويه
ابتسام....سمحه فيتامين
رزان...قالك فيتامين يمصها راسي كله بعد المغرب نقعدي تقول سكرانه وخلي الفيتامين ينفعني
ابتسام...ههههههه
ايه...بنات
بشري...قولي
ايه...خلينا نقعدو علي الشط
امينه...انكملو الحاجات ونضمو كل حاجه في مكانه بعدها نقعمزو
البنات انتشرن كل اثنين امسكن حاجه جات نص ساعه الا كل حاجه منظمه وفي مكانها
بدر وعمران اذبحو الحولي
ابتسام..عطيني فنجان قهوه نطلع للبنات
عايشه...من اعيوني
ابتسام..سلم اعيونك توا مافيش حاجه انديروها تعالن نقعدو برا
عايشه..توا نلحقوكن تفضلي
ابتسام..نجك لي
امينه...طالعه
ابتسام..اها
امينه...هيا حتي انا طالعه
طلعن
ابتسام...تمشي لجيه الشط وتشرب في قهوه تلفون رن
امينه..من
ابتسام...اجودي الوو
مجدي...وين قاعده
ابتسام..نازله لشط
مجدي...عليش
ابتسام...مغرب مافي حد يحق فيا البنات ع الشط كلهن
مجدي...باهي خشي اشعرك
ابتسام...مش طالع حبيبي
مجدي...لاطالع توا خشيه اوك
ابتسام...هذا لانا ديما وشاحي ينزل يحسابه طالع شعري
امينه..تبتسم
ابتسام..امسكي الفنجان نشوف وشاحي
رزان...هياااا تعالن
ابتسام..توا انجو
امينه...بيسو
ابتسام....يييه صاح طالع نجك لي تقول حاس بي
امينه...هيا
ابتسام...يرن اخري الووو
مجدي...هكي تمام
ابتسام...اجودي
مجدي..شوفي وراك
ابتسام...شافت وين
مجدي..دار ضي بالسياره
ابتسام...نجك لي انت اللي درت ضي
مجدي..من بدري تشوف في امينه
ابتسام...هههه والله ماقلتها ليا سياره من اللي جاي فيها حبيبي
مجدي....سياره صاحبي بدلنا سيارتي يعرفوها .............#يتبع
#انتظروووني في حلقه الحاديه عشر
#نورهان
