#جبرني_الوقت⏳
#الحلقه_الخامسه_والعشرون
بقلمي✍ #نورهان
العين التي تمتلئ بك ، لن تنظٌر لغيرك حاضراً كٌنت أو غائباً"
سميره...ابتساام عارفه واجعني مجدي لأنك لو تحملي يايطيح يايحرقه السكر عندنا قريبتنا هكي لأنها عندها السكر وراجلها قعد معاها ثلاث سنوات زواج من بعد قصه حب مل منها طلقها مسكين عاد يبي اعيال
ابتسام...افقدت اعصابها ايديها يرعشو ادموعها ينزلن معش اقدرت اتسيطر عليهن ماعنديش مانرد عليك حسبي الله ونعم الوكيل
انا اول مره انشوفك شن درتلك اتسمعيني الكلام الجارح هذا
سميره...خافت انا حكيت عادي ع قريبتنا
مجدي...حنااان وين القهوهه
ابتسام...دارت وجها لجيه لاخري ماتبيش مجدي يشوف ادموعها
سميره...نمشي نهدرز مع عمتي سعده
حنان...اللي عليك درتيها عاد
سميره...شافت ل حنان كيف
حنان...عدي عدي
سميره...خشت بدون ماترد علي حنان
مجدي...كنك تحكي معاها هكي عيب
حنان...بنت مش اكويسه
مجدي...عيب كلامك هذا
ابتسام...شافت ل حنان نونا انتعبك هاتيلي عبايتي
مجدي...شافلها تبكي انتي
ابتسام...تمسح في ادموعها
حنان...وين ماشيه
ابتسام...لحوشنا
حنان...ماتعدليش عليها
مجدي...مسكها من يدها ولفها شوره كنك تبكي
ابتسام...ماتردش مصكره اعيونها تبكي بدون صوت
مجدي...نحكي انا شوفيلي
ابتسام...بعد مجدي
حنان...خلاص بيسو هذي غارت منك ماتفكريش في كلامها
مجدي...دفها احكييي
حنان...مجدي مش هكي انت عارف حركاتها سميره المستفزه
مجدي...شن حكت معاها
حنان...قالت ...............
مجدي...شن مالها سميره غير تلهي في روحها
حنان...خلاص فوتوها صبت اميه هاكي بيسو
ابتسام....نبيش نبي باتي
مجدي...تمشيلهم بالمنظر هذا
ابتسام...نونا عبايتي لوسمحتي
مجدي...خش جوا سميره
حنان...اتخبط ع وجها يييه يييه علينا
ابتسام....تمسح في ادموعها صاح كلامها نونا
حنان...ربي اللي يعطي مش سميره هذي غايره منك لأنا باتي مشى طلبها ومجدي رفض عشانك
ابتسام...حتي كان ماتجرحني بكلامها
●●●#نورهان✍
سعده...كنك يامجدي
مجدي...شن مفترشه انتي يافرخه شنمالك تدخلي في حاجات مش شورك
سعده...عيب يامجدي
عمته مبروكه...شن دايره انتي
سميره...شي
عمته مبروكه...احسابك في الحوش
مجدي...طلع من الدار للكوجينه
سعده...امسحيها في
عمته مبروكه...شن حاكيه
سميره..ماقلت شي ياامي قلت وجعني مجدي...........
عمته مبروكه...توا اتشوفي
سعده...صبت لحقت مجدي
ابتسام...تشرب في اميه
مجدي...قدامي
ابتسام....شفتله اعيونها حمر نطلع من هنا لحوش باتي
مجدي...ماتخلينيش نقلبها علي راسك من هنا لشقتنا
سعده...اشششش يسمعوكم
ابتسام...ايديها علي وجها تبكي
سعده...قربت من ابتسام ماتعدليش عليها سلم بسومه خلاص امسحي ادموعك
مجدي...امشي جيبي حاجتها
حنان...العشاء
مجدي...خليهم ياكلوه هم
حنان...خليكم ماتعدلوش عليها
مجدي...عدي حنان عدددي بسرعه بسسسرعه بسرعه
حنان...مشت جابت حاجات ابتسام
ابتسام....تلبس في عبايتها وتبكي
مجدي...صكرِفمك خلاص
ابتسام...تلبس بدون ماترد عليه
مجدي..هيا هيااااااا
سعده...ياوليدي عيب قدام الضيوف
مجدي...ماشور شي جيتنا اصلا
سعده...جيين عشانكم عيب
مجدي...سلفك انتي وباتي ياامي
سعده...لا إله الا الله
ابتسام...مسكت الشنطه
مجدي...نزلي الخيمار وين كندرتك
حنان...في المقدمه
مجدي...طلع من باب الكوجينه برم للباب المقدمه بدون مايحسو عليه الرجاله جاب كندره ابتسام
سعده....وسعي بالك
ابتسام...تمسح في ادموعها
حنان...نكدتها علينا الله ينكدها عليها
ابتسام...ترعش
حنان...حتي كان يهزب ماتعدليش عليه حنون مجدي يرد يراضيك بروحه
ابتسام....ماتردش غير مكتفيه بالدموع
مجدي...عزق كندرتها قدامها قدامي هيا
ابتسام...تلبس بدون صوت
مجدي...هياااا
ابتسام....مسكت شنطتها وطلعت
مجدي...انتفاهموا في الشقه فتح الباب اللي ع الشارع قدامي في السياره
ابتسام....قربت من السياره
مجدي..راجي نفتحها
ابتسام...يدها ع باب السياره وعيونها لحوش هلها مع طلعت عمران سيبت مجدي واقف مكانه ومشت لباتها
مجدي...ابتسام لا ردي
عمران...يشوف للمضخه
ابتسام..بااتي
عمران...شاف وراه شاف ابتسام جايته فتح ايديه بسومه
ابتسام...رفعت الخيمار حضناته تبكي
عمران...يده علي راس ابتسام الحوش فاقد هرجتك ياباتي
مجدي..خبط باب السياره عن طووط صكر السياره ومشلهم
ابتسام...مستمره تبكي بس بدون صوت حاضنه عمران زيييين
عمران...ادموع ارياف ولادموع حاجه اخري
ابتسام...وخرت ارياف اكيد
عمران...خير يامجدي
مجدي...سلم خير ياعمي كيف حالك
عمران...سلم عليه وحط يده علي كتف ابتسام ويمشي تعالو تفضلوا شن داير ل بنتي يامجدي
مجدي..ههه حتي حاجه شكتلك مني
ابتسام...دموعها ينزلن
عمران...خليها تشكي بس معش تشوف وجها بكل عندي بنتي بالدنيا الا بسومه ادموعها ماينزلنش الا وهيا فرحانه رد بالك
مجدي..هههه اكيد عمي ولالا ابتسام
ابتسام...ماتردش
مجدي..ايديه في اجيوبه راقيتله
عمران...يركب من الدروج امك والبنات حيفرحن بشوفتك
ابتسام...حتي انا امرايفه عليهن
عمران...تفضل مجدي للمربوعه
مجدي...خش للمربوعه وراه عمران
ابتسام...خشت جوا طول لدارهن خييييير
فرح...عزقت التلفون جنبها صبت تجري بيسو
هناء وهنيه بيسوو صبن يحضنن فيها
فرح....بعدن انا امرايفه
كلهن يحضنن في ابتسام وابتسام ادموعها مش قدرات يكفو
فرح...بيسو كنك
ابتسام...لاااا امرايفه بس
فرح...حتي نحنا
ابتسام...امي ويييين
فرح...في الكوجينه
هناء...تمسح في ادموعها يابارده الحوش كسد من بعدك فقدينك
ابتسام...حتي انا فقدتكن نمشي ل امي ونجي
فاطمه...ادير في العشاء ولاهيا
ابتسام...شن دايره العشاء امي
فاطمه...طاجين ومحش ييييييييه ابتسام
ابتسام...ههه جت حضنتها خلطت عليها ضحكه في بكيه
فاطمه....تبكي والله فقدينك وفقدين صوتك غريبه البنات ماقالن انك جايه
ابتسام..تنهدت الله مررررايفه علي بنتك السمحه
فاطمه...زادت حضنتها خايبه من يومك
عمران...البنت وامها
ابتسام...وخرت ههههه
عمران...مجدي حكيت معاه وطلع مابش يقعد للعشاء قال عندهم عشاء
ابتسام...اها
فاطمه...كيف جيتي هنا
ابتسام...ااا اها عشاء رجاله
فاطمه ...اها تعالي جوا
هناء...امي عدي قعمزي معاها جوا هيا باتي توا انجيب العشاء جوا
فاطمه....طلعي الطاجين من الكوشه
هناء...تمام امي
ابتسام...تمشي وراسها علي كتف امها
فاطمه...شخبار مجدي
ابتسام...اكويس
عمران..قعمز ف الدار افريحه جيبيلي الريموت
فرح...مداته له
فاطمه...نمشي انجيب تلفوني من الدار مرات اترن امي
ابتسام...خشت لدار لقت عمران يتفرج علي التلفزيون
عمران...تعالي ياباتي
ابتسام...جت قعمزت جنبه وراسها علي كتفه
عمران...زعلانه انتي
ابتسام...رفعت راسها شفتله لاااا ردت حطت راسها علي كتفه
عمران...قتلك انا لو في يوم زعلك مجدي انا قاعد عمرك ماتنزلي دمعك علي حاجه ماتستاهل نزليها علي حاجه اتفرحك ياباتي
فاطمه...خشت كيف صار حتي انا لي حق
ابتسام...هههه نجكم ليا
عمران...انتي عارفه غلاوه بسومه عندي
فاطمه...عارفتها
ابتسام...تنهدت باتي
عمران...هاباتي
ابتسام...ربي يطولي بعمرك انت وامي
عمران...انشالله
ابتسام...صكرت اعيونها
●●●●#نورهان✍
مجدي...ركب في السياره والله انوريك ياابتسام يخبط في الدومان
احمد...طلع مجدي
مجدي....ولعله الضي
احمد...افتح
مجدي..فتح الباب
احمد...شن ساير
مجدي...ابتسام عدت لهلها
احمد...شن فيه حنان فاصله جوا طلعت نحسابكم روحتو لشقتكم نبي نلحقك
مجدي...علي اساس مشيين لشقه شافت عمي عمران برا مشتله يخبط في الدومان
احمد...شن فيه
مجدي...تخيل لو كلام عمي عمران صار صاح
احمد...حكا معاك
مجدي...اها
احمد...احكيلي شن طلع ابتسام من الحوش
مجدي...خشيت للكوجينه...........................
احمد...سميره ريت مايطلع منها شاغلها انت
مجدي...فصلت عليها
احمد....وجعتني ابتسام
مجدي...شافله
احمد....صاح وجعتني لو من الصبايا توا راهي طالقه السانها بس حتي رد ماردت عليها اكتفت بالدموع
مجدي...يعني
احمد...تصرفك معاها غلللللللط بعدها اكيد خلطت عليها يامجدي كيف تسلم علي سميره قدامها وتخش جوا مش معتبرها موجوده بكل وانت عارف انا ابتسام عارفه باتي مشا طلبها لك تخيل ابتسام دارت نفس اللقطه شن كان شعورك
مجدي...نقلب الدنيا علي راسها
احمد...شفت هيا ماقلبتش الدنيا لأنها بنت ناس حتي صوتها ماعلاته انت الغلطان
مجدي...يعني
احمد...تصرفك وكلام سميره لها مش ساهل عدي صالحها
مجدي...عمي عمران قالي كلام معش عرفت شن نرد عليه وابتسام تلفونها مقفل
احمد...شن قالك
مجدي...قالي
عمران...انستنا يامجدي
مجدي...الله يانسك
عمران...كنها بنتي
مجدي..كنها
عمران...ابكاها بكا وحده مقهوره انا يوم اللي عطيتها لك الفرحه مش سيعتها اتجيني هكي
مجدي...لانها امرايفه عليكم بس
عمران...لاهذا مش ارياف يامجدي بنتي مش متريحه معاك وشن قصه يدها اللي لفتها
مجدي...لامتريحه ياعمي يدها تلم في قزاز انجرحت عقمتها لها عشان ماتتبكتر
عمران...مش مزعلها
مجدي...لا ياعمي
عمران...بنتي مش هاينه علي كان مضايقها مزعلها اتنزل ادموعها جيبها لي مازالت نبيها
مجدي...ياعمي مافيش منه الكلام هذا متريحه معايا وربي مايجيب زعل بينا
عمران...رد بالك يامجدي مازالت نقول بنتي مش هاينه علي عطيتها لك اتصونها اتحافظ عليها مش اتجيبها دمعتها علي خدها
مجدي...قالي هك
احمد...صدق
مجدي..مصبي معاه انت
احمد...الأب ديما حنون علي بنته اكثر من اولده صدق في كل كلمه قالها انشالله غير ابتسام ماتحكي شي
مجدي...كان حكت
احمد...اتشوفها في احلامك
مجدي...هذي في عينك وعين اللي يبي يفرقنا انزل نكدتها علي
احمد...اهي تشاركيه جت انزل
مجدي...مش نازل
احمد....مشي هالليله علي خير خش ومشي الامر عادي وجاملهم عادي وطلع
مجدي...مانعرفش انجامل
احمد...رن عليها
مجدي..مقففففل
احمد....وحده من خواتها
مجدي...هناء رن عليها
●●●#نورهان✍
هنيه...تلفونك
هناء...مسكاته مجدي هذا
فرح...ابتسام راقده علي كتف باتي الله منظرهم يهبل كأنها كانت شايله حمل ثقيل وعلي كتف باتي حول كله
هنيه...حسيت جوها مش تمام
فرح...حسيت
هناء...الووو
مجدي...خير هناء
هناء...خير مجدي
مجدي...ابتسام يلاكي
هناء...لاوالله راقده
مجدي...راقده عارفها يلاكي عطيها ليا
هناء...والله انا في الكوجينه وهيا راقده يلاها باتي
مجدي...ماتقدريش اتوعيها
فرح...تشيرلها لالا باتي يلاها
هناء...والله مانقدر باتي يلاها كان وعيتها يهزبني
مجدي..تمام بعد يطلع عمي عطيها ليا
هناء...حاضر
مجدي...صكر عزق التلفون جنبه اووووووف
احمد...شن صار
مجدي...قالت راقده
احمد...لقت راحه
مجدي..شافله بالله عليك فوت امي احمد....ههههههه تمام هيا انزل
مجدي...مش نازل
احمد...هيا توا اندزلها عشاء لعندها
مجدي...ولع دخان مش ناااازل
احمد....كيفك
وسام...اووووي انزلو
احمد...مايبيش
وسام...كنه
احمد...متعارك مع المدام
وسام...شن فيه
احمد....ابتسام عند هلها ...........
وسام...حتي خوك هذا
●●●●#نورهان✍
عمران...ابتسام
ابتسام...شفتله
عمران...عدلي رقدتك
ابتسام....بدون ماترد صبت لزاويه ورقدت
فاطمه...تشوفلها وتشوف لعمران
عمران...ماحكت شي
فاطمه...لا
عمران...افريحه
هنيه...نعم باتي فرح في الحمام
عمران...غطي خيتك
هنيه...مشت جابت بطانيت ابتسام وغطتها
هناء...تطرح في المفرش
فرح...وراها بالسفره
فاطمه..عقبتن لختكن
فرح...اها باتي عيطتلي
عمران...خلاص قبل نبيك اتجيبي بطانيه تغطي اختك
●●●#نورهان✍
حني امينه...الله يربحك طفي الضي
امينه...خذيتي دواك
حني امينه....اها
ايمن...انا ماشي
امينه...وين قبل نبي اندير قهوه نشربوها برا
ايمن...نمشي انجيب هاجر
امينه...نرجاكم بيها
ايمن...انطولو
امينه...خلاص تمام بكرا تنزلو تتغدو معانا
ايمن...انشالله
امينه...صكر الباب وراك
ايمن...تمام تبي شي
امينه...سلامتك
●●●#نورهان✍
زينه...رزان كنك
رزان...متعاركه مع وسام
زينه...ليش
رزان...عشان امس سهرانه للفجر ع النت
زينه...غيره هذي
رزان...نحب الحريه انا
زينه....ليش ترتبطي بيه مالأول
رزان...كبدت فيه
زينه...شن سهرك
رزان...عادي نصفح
زينه....عيني في عينك
رزان...سعد يجدا فيا نحكي معاه اخر مره مرايف ع صوتي
زينه...ردي بالك
رزان...اكيد مش ح نرد عليه نقرا في الرسائل ونفوت
زينه...حطيه في الحظر
رزان..حطيته بس هذي صفحه جديده خاطي الرسائل متاعات الشفره بس جد يازيزا حايره في شي
زينه..اللي هوا
رزان...مش ازوج
زينه...اهاااا
رزان...يقعد فاتح نت لعند سبعه في الصبح مش مفروض الوقت هذا يقعد مصكر مع زوجته
زينه....غريبه بصراحه
رزان...تعالي اقري الرسائل
زينه...وريني
اروي...شن اديرن
رزان...نوري فيها في رسائل
●●●●#نورهان✍
هناء...سلم ايديك امي
فاطمه...صحه
فرح...سفره دايمه لذاذه طعامك امي
فاطمه...صحه
هناء...الجرس
عمران...توا انشوفه
هنيه...خليك باتي توا نشوفه كمل عشاك
فاطمه..قعمزي حتي انتي توا نمشي انا طلعت فاطمه من
احمد...احمد
فاطمه...فتحت خير احميده
احمد....سلم كيف حالك
فاطمه...الله يسلمك
احمد...مدلها سفره
فاطمه...ليش اتعبو في ارواحكم
احمد...مافيش تعب سلمي ع عمي عمران
فاطمه...يوصل
احمد...صكر الباب
فاطمه...خشت جوا
عمران...من من
فاطمه...جابها احمد وعي ابتسام تاكل دوبه ساخن
عمران...خليها راقده
ابتسام...حولت الباطنيه من وجها
عمران..وعيتيها
فاطمه...كان مازال في عقلك رقده ارقدي
ابتسام...لااا من بدري راقده
عمران...نص ساعه
ابتسام...كأني عشر ساعات صبت اطبق في بطانيتها
عمران...جيبي عشاء اختك
هناء...هي هي صبت للكوجينه
ابتسام...نغسل وجهي ونجي مشت للحمام
فاطمه...افريحه جيبيلي العااله
فرح...حاضر
هناء..جت جابت السفره تعالي تعشي
ابتسام...تمسح في وجها شن هذا
فاطمه..جابه احمد
ابتسام...لافكيني منه نبي من عشاكم
فاطمه...كولي
ابتسام...لالا نبي ناكل محشي وطاجين
عمران...خايبه
ابتسام...ههههه طعام امي مايتبدلش
بدت تاكل
عمران...يغير في التلفزيون
فرح...ناقصه امينه لمتنا
ابتسام...امممم بكل مرايفه عليها
عمران...بسومه
ابتسام.....اممم نعم باتي
عمران...كنها يدك
ابتسام...رفعت يدها انكسرت كبايه انلم في القزاز انجرحت ماعدلتش عليها جا مجدي قعد يهزب ههه خايف اتسير غرغرينه في يدي لو هملتها ليش عشان عندي السكر
عمران...وصدق ياباتي عمرك ماتهملي جرح داويه لعند مايبرا ماتهزيش عليه حتي لو كان صغير
ابتسام...جديات ياباتي لو هملته لاسامح الله تسير
عمران...فكك الله لكن اها ياباتي
ابتسام...شافت ليدها لاحنقعد انداوي فيها كنت مش معدله
فاطمه...لاياامي عدلي بعد المره
هنيه...انشيل السفره
ابتسام...شيليها نبي عشاكم واصلت تاكل وتحكي
فرح...ادني في العااله ل فاطمه
●●●●#نورهان✍
مجدي...نمشي انجيبها
احمد...اتصل ب هناء اكيد وعت لطف الجو معاها قبل
مجدي..اوووووف مسك تلفونه رن علي هناء
هناء...بيسو مجدي يتصل مافيش تغطيه هنا
ابتسام...انتعشاء مش امصبيه
عمران...خليها اتعشاء
هناء...ثالث مكالمه
ابتسام...صبت طلعت من الدار للحاجر
هناء...ردي
ابتسام...مش راده
هناء...الووو
مجدي..ها هناء وين ابتسام
هناء.. بيسو اهي
ابتسام...فنصت فيها
هناء...شن اندير
ابتسام...الوو
مجدي...مشكلتي اني انحبك
ابتسام...شن تبي
مجدي...نبيككك
ابتسام...وانا معش نبيككك
مجدي...متأكده
ابتسام...اها
مجدي...انحبك ياروح عارف روحي زودتها
ابتسام...طلقني
مجدي....ابتساااااام ههههه نجك لي وخلاص
ابتسام...توا قاعده في الحاجر نبي نخش نحكي لباتي ع كل شي جيبلي ورقتييي
مجدي....افتحي الباب به
ابتسام...انتلاقوا في المحكمه صكرت عليه وخشت مدت لهناء التلفون
عمران...قالك هيا
ابتسام...لا قتله انتعشاء
عمران...باهي صحه تعشي علي مهلك
الجرررس يرن
عمران...من هذا صبا يالله
ابتسام....ماسكه ضحكتها وتاكل
فاطمه...تبو الشاهي بنعناع ولابردقوش
ابتسام. نعناع خليها حلوه
فاطمه...لاانتي درتلك بروحك
ابتسام...امي شاهي خضرا مش سمحه مرررره
فاطمه....حليتها اشوي
●●●#نورهان✍
عمران...فتح الباب
مجدي..اااا خير ياعمي ابتسام واتيه
عمران...مازال بدري مازالت اتعشي
مجدي...لاوالله عندي شغل في الصبح
عمران...خش جوا
مجدي..لاوالله مستعجل
عمران...راجي نكلمها لك خش جوا بسومه
ابتسام...تشرب في اميه نعمم
عمران..مجدي برا يرجا فيك
ابتسام...صبت توا نشوفه
فاطمه...خليه يخش
عمران..قال عندي شغل في الصبح مابش
ابتسام...طلعت ل مجدي
مجدي...داير وجه لشارع ويدخن
ابتسام...شن تبي
مجدي...شفلها عزق الدخان وخش رد الباب وراه هيا
ابتسام....نبيش نمشي عش نبيك انا
مجدي...عيونك في اعيوني
ابتسام...شفتله اه نبي ورقتي كل حد فينا يمشي في طريق
مجدي...قرب مسكها من شعرها باسها بوسه طووويله في فمها
ابتسام...ادف فيه بعدد عش تقرب مني
مجدي...ورقتك تاخذيها بعد نقعد تحت التراب فهمتي
ابتسام...حضناته بعيد السو عليك حبيبي شفتله بس انا مش ماشيه
مجدي...هيا ياروح جوي خارب بكل
ابتسام...لا انا اللي مريقله
مجدي...هيا باه
ابتسام...خلاص مش ح نطلق منك عشان كلام الناس يقولو جت قبل حتي ماطق اسبوع تبي الطلاق بس بايته اليوم بكرا نمشي
مجدي...حضنها مافيش نوم بعيد عني هيا
ابتسام...انت زعلتني
مجدي...معش انزعلك
ابتسام...كان زعلتني
مجدي...ربي مايجيب الزعل بينا
ابتسام...دفاته قبل ضعفت وقلت نمشي معاك لالا مش ماشيه سلمت علي سميره
مجدي..ههههه رد حضنها هبله انتي
ابتسام...حبيبي
مجدي..روحه
ابتسام...نبي انبات يوم بس
مجدي...والله مانقدر انشوف السرير بلاك مش ح يجيني نوم هيا بروحي نعسان
ابتسام...حبيبيييي
مجدي...هيااااااا قدامي
ابتسام...مش ماشيه نين نشرب شاهي
مجدي..تشربيه في شقه
ابتسام...متاع امي غير
مجدي...باهي نرجا فيك في السياره
ابتسام...خلاص نشوف مرات نطلع مرات انطلع باتي
مجدي...ياروح ردي بالك هيا نرجا فيك
ابتسام...تمام خشت طوول لدار
فاطمه...قالك هيا
ابتسام...اها
فاطمه..اشربي شاهي
ابتسام...قعمزت تشرب
عمران...عينك من روحك ياباتي
ابتسام...حاضر باتي تشرب في شاهي
فرح...امتي اتجينا
ابتسام...بينا الوو صبت تلبس في عبايتها سلم ايديك امي علي العشاء والطاسه الشاهي اللي قعدت راسي
فاطمه...صحه ياامي
عمران..تنقصك حاجه كلميني تكون عندك
ابتسام...باست يده وراسه نشوفك بصحتك وعافيتك تكفيني ياباتي مشت باست يد وراس فاطمه ربي يطولي بعمرك
فاطمه....عينك من روحك
ابتسام...انشالله تصبحو علي خير
عمران&فاطمه.... وانتي بخير
طلعن البنات معاها
ابتسام...هنيوا رديتي علي خالتي
هنيه...نخاف انوافق مانتأقلمش معاه
ابتسام...والله يهبل إسلام
هنيه...طبعه واعر
فرح...اقنعيها
ابتسام....اوعر من ادم
هنيه...اكييييد لااااا هههههه ينعلي ادم
ابتسام..خلاص انتي تقدري اتغيري طبعه من الشين لزين
هنيه...انرد نقول موافقه
ابتسام...والله ماحتلقي عمه كيف خالتي وسلفتك افريحه
هنيه...حضنتها من توا رايفت عليك
فرح...حضنتها حتي انا
هناء...بعدن اشوي عطني حصه فيها
ابتسام...تعالن نجكن لي حضنتهن ربي مايحرمني منكن
فرح...ولا منك راجلك يبيب
ابتسام...نزلت الخيمار اي شي رنن عليا
هناء...تمام
هنيه...عينك من روحك
ابتسام..انشالله
●●●#نورهان✍
احمد...وحده وحده
مجدي...انشالله
احمد...وسام حكالي ع موضوع زازا يبي يتم فيها رسمي
مجدي...واللهي هههههه الله ياوسام وامتي
احمد...قالي يفضي الجو نحكي ل امي بس يبي حنان تدخل ع اساس دليله منها وحق الله امبدري يحكي انا اجنابي خلاص من الضحك
مجدي...هههههههه
احمد....قالي بات معاي علي اساس دعم معنوي
مجدي...هههههههه
احمد....المدام جت هيا صبح ع خير
مجدي...اي حاجه الوو بينا وانت بخير
احمد...تم
ابتسام...فتحت الباب وركبت
مجدي...تنننهد نجيلي اشدوقي
ابتسام...نبي نرفع الخيمار
مجدي....لالا
ابتسام...حمو
مجدي...نولع التكييف
ابتسام...ليل من يبي يشوفني
مجدي...لايشوفو يشوفو
●●●#نورهان✍
رزان....ثبتن ع كلامي
اروي...توا مش انتي قلتي وسام يبي يطلب رسمي
رزان...اهااا
اروي...ليش مازلتي معاطيه فرصه ل سعد
رزان...مش عاطيته فرصه اناااا بس نوريكن شكله مش متريح مع مراته
اروي...حتي ينحرق معش لك بيه دخله
زينه...كلامها صاااح كان يبيك يحارب الدنيا عشانك اهو مجدي شن دار عشان تكون ابتسام ملكه
رزان...خلاص اششش وسام يتصل
اروي..هيا زينه طلعن....
رزان..الوو
وسام...هلا بالحب
رزان...خير وسام
وسام...جوك خارب ولا
رزان...اها انسيت كيف هزبتني
وسام...غرت عليش واعيه
رزان...مش جايني نوم
وسام...فيش اديري
رزان...شي نصفح
وسام...اممممم به
رزان...جت ابتسام للعشاء
وسام...اهاا
رزان...امرايفه عليها وحقالله
وسام...هههه اكويسه بعد العشاء عدت للهلها
رزان.. البنات ماقلنها ليا انها جايه
وسام...لاحبيبي مشت بصدفه
رزان...اها
وسام...قتلك
رزان...قول يابعد طوايفي
وسام...ههه رزااان فكيني من كلامك هذا
رزان...شبيتش
وسام...رزااااان
رزان...ههههه خلاص خلاص قول حب
وسام...كمليها
رزان...هئه
وسام...هانت توا تقوليها غصب عنك
رزان...امباه
وسام...قتلك تحكي مع راجل انتي يفضي الحوش نحكي مع امي
رزان...احلف
وسام...والله بعدها خلاص تعرفت عليك وعرفت عليك كل شي مليت من التلفون نبيك تكوني معايا
رزان...نجك لي
وسام...نحكي مع امي ونقولك حددي يوم
رزان...تمام
وسام...امرايف عليك
رزان...ههههه لأي حد
●●●#نورهان✍
ابتسام....شفتله حبيبي ليش ماخليتني انبااات
مجدي...مسك يدها مافيش نوم بعيد عني
ابتسام...نجك لي
مجدي...باس يدها اندهورك
ابتسام...باهي
مجدي...عندك اغاني في تلفونك
ابتسام...اها
مجدي...مدلها خيط اعلقي اغاني
ابتسام...طلعت التلفون ييييه تلفوني مقفل
مجدي...جننتيني امبدري نتصل مقفل
ابتسام...ناسيه عليه فتحته عارف رقدت علي كتف باتي كأني راقده ساعات مش دقايق منوم مغناطيسي ربي يطولي في عمره
مجدي...انشالله يارب
ابتسام...تشوف في الاغاني اهي سمحه كنا الصوت
مجدي...عدل حاجه في المسجل وعلا الصوت
ابتسام....ايهبل محمد حماقي
مجدي...شفلها كف
ابتسام...انت اهبل منه حبيبييي
مجدي..هه عنجد اهبل منه
ابتسام...طلعت من الخوف ههههه
مجدي...ههه نجك لي
الأغنيه...(محمد حماقي)حبيتك
●●●#نورهان✍
حنان..تكنس في الحوش
وسام...طفا المكنسه
حنان...ليش
وسام...تعالي نبيك
حنان...مش وقتك بصراحه
وسام...غير تعاليييي مسكها من يدها
حنان...تبي شاهي جيب بروحك
وسام...لا ياريته شاهي ونجيبه بروحي
حنان...شن داير طاح اسعدك
وسام...ههه خش لدار نبيك في موضوع
حنان....حي علي من قاتل
وسام...زمر حنان حنونتنا ركزي معايا
حنان...في مصلحه في الموضوع
وسام...اسمعي نبيك تنهي الموضوع هذا
حنان...كان قدرت
وسام...زمر تقدري عليك ذل
حنان...هههههه خلاص خلاص قول
وسام...قعمزي مع امي قولي ياامي وسام مش اصغير علي الزواج خلينا نخطبوله انا تعبت حنان ديري هاكي حنان جيبي
حنان...والله صاح تعبت
وسام...زوجوني
حنان...من اللي تبي تاخذك
وسام...فيه
حنان...من زازا
وسام...انتي تعرفيها
حنان....لا بس سمعت مجدي يقول فيها لك من
وسام...رزان بنت خال ابتسام
حنان...مستحيل تقبل مسسسستحيل غيرها وسوم
وسام...لاتقبل مرتبط بيها انا
حنان...كذاب مستحيل ههه
وسام....حناااان
حنان...باه والله خيلين علي بعضكم
وسام...صاح
حنان...خلاص توا بكرا نحكي مع امي
وسام...تواااااا اي بكرا
حنان...نبي انكنس الصاله
وسام...انكنسها انااا غير انهي الموضوع نقدر نحكي مع امي بس تسألي كيف تعرفها ويبدن الأسئله ع اساس دليله منك
حنان...شفتله ههههه امباه توا نمشي بس اتكنس الحوش مش غير الصاله
وسام...خشي لدار من هنا انا نولع من هنا
حنان...هههه عجبتني الفكره فتحت الباب خلااااااص انااااا تعبت مليييييت ماحد حااااسسس بيا والله الموت خييير
وسام...هذي كنها
حنان...بروفات اسكت بس
سعده...اطلعت من الدار بسم الله كنك ياحنونه
حنان...تعب انا تعبببببت
وسام...صكرفمك
حنان...ياامي مافي حد حاسس بيا حتي وزني ماعاد زاد كل يوم في ناقص حطين الحمل كله عليا
وسام...قتلك وطي صوتك
احمد...كنكم كنك يافرخ مع اختك
وسام...عشان قلتلها حددي ادبشي وسخنيلي شاهي طلقت السانها
حنان...ياامي خلاص انا
احمد...تبي حاجه صبي بروحك
وسام...هي عليش قاعده
حنان...ورا سعده تشير ل احمد بمعني اسكت
احمد...شاف ل وسام اها ههههه عليك حاله
حنان..قاعده عشان نخدم عليك انا
سعده...بنتي مايتعبها حد خلاص ياوسام مانكش صغير اللي في عمرك عندهم ثلاثه واربع اعيال شقتك واتيه وبشغلك وبراتبك وبمكانتك كان عندك وحده نمشي ناخذها لك تعالي امي
حنان...حضنتها تعبوني اعيالك
سعده...مايتعبك حد وانا قاعده
وسام...الموضوع هذا مصكر عليه
حنان...بعدت علي امها كييييييف مصكر عليه وتوا تقولي ديري وديري
احمد...ههههه
حنان...انا مانشتغل عند حد تعبتوني عروستك قاعده غير قول باهي كان ماعندك وحده تبيها نمشي نطلبها لك خليها اتجي تخدمك انا خلاااص
احمد...من ترضا بيه هذا مش غريبه من ثاني يوم تصبح عند هلها المسكينه
وسام...مش شورك انت سعدها بس
احمد...احممم لاصاح ياامي زوجيه فكينا منا اقل شي وليه تخدمه حرام حنان مسكينه
سعده...حضنت حنان إلا وحيدتي
حنان...ماعندكاش وحده في بالك
وسام...لاااا
حنان...معناها انجيبها ع ذوقي
وسام...شن شكله ذوقك انتي
احمد...تعجبك كيف
سعده...وحده من صحباتك ياحنونه
احمد...ماسك ضحكته
حنان...اهااا
وسام...شفلها
حنان...يعني بدينا صحبات انتي تعرفيها
سعده...صحباتك كلهن نعرفهن اي منهن
حنان...لاامي مش من صحباتي هذي قريبه ابتسام
سعده...من هي
حنان...بنت خالها اسمها رزان اللي اعويناتها اكبار
سعده...ماشاءالله عليهن كلهن بس اي منهن مانعرفهن من بعضهن
حنان...امي فيها واجد من ابتسام شعرها اعيونها امييييي
سعده...اهااا عرفتها والله مانضني هذي تقعد لعند توا اكيد مخطوبه
وسام....حد يفهمنا
حنان...لامش مخطوبه راجي انجيب الكاميره نوريها لك مصوره مع ابتسام
وسام...غمز ل احمد اربح انت
احمد...اربح عينك
سعده...تشوفلهم مش قايل لا عليها
وسام...من
سعده...رزان
وسام...نشوفها قبببل
سعده...ماشاءالله عليها بنت رازنه
حنان...اهي الكاميره راجي نعلقها في التيلفزيون
وسام...مش لدرجه
حنان...اوضح هههههه تعال اعلق
وسام...يعدل في التيلفزيون مش قلت عندك شغل
احمد....كلمتهم اعتذرت جاب طفايه قعمز علي الصالون ويدخن
وسام...زمر قعد هذا
حنان...خليه بلكي تعجبه وحده انطلعو فرحكم مع بعضكم
احمد...والله انا خلااص بعد المرحومه
سعده...اتكمل عمرك هكي
احمد...الله غالب
حنان...اهن اطلعن الصور
احمد...بعد اشوي
وسام...ريح روحك عيب اعراض ناس
احمد...هههههه حتي انت بعد
وسام...نبي انحق البنت اللي تبيها لي حنان
احمد...امي باتي وين
سعده...خش رقد
احمد....اها
حنان...هذوم مجدي وابتسام يهببلوووو
وسام...عيب عرض خوك غيري
احمد...بعد
وسام...مش مبعد
احمد...صكرت علي الشاشه بكل ياطيب صبا في يده الطفايه
حنان...هذي اروي
وسام...مش سمحه
حنان...امشي يابارد هذي مش سمحه فيهن اعيون ايجننن كلهن
وسام...للي بعدها
حنان...بشري وملاك بنات خالتها يجننن حتي هنا
وسام..اللي بعدها
احمد...حطي ع رزان طول انتي
حنان...مش عارفه في اي صوره بشويا
وسام...وخر اشوي
احمد.. سحب دخان ونفخه في وجه وخر انت اعراض ناس تتفرج عليهم
وسام...صور وفي يد اختك تحق فيهن في يدي
احمد...اهاااا
حنان...هذين التؤام هناء وهنيه
وسام...تي هذين كيف يفرقو بينهن
سعده...ههههه نسخه
حنان ....ههههههه يهبلن اتمشي وهذي
وسام...هذي من
حنان...امينه اخت ابتسام الكبيره
احمد...يطفي في الدخان متغيره هنا بلا مكياج اجمل
وسام&وحنان....شفوله
احمد....حط الطفايه بشويا ع الطوله
يوم اللي وديت العشاء بعد الفرح هيا اللي فتحتلي الباب
حنان...اها
سعده...حظها عطيب مسكينه
وسام...ليش ماشاءالله عليها عشان ابتسام ازوجت قبلها نصيب
حنان...لا مش قصه ازوجت قبلها
سعده...كانت مخطوبه لولد عمها
حنان...تعرفه وسام ايهم صالح
وسام....اها ايهم لاحول ولا قوه الا بالله كان راجل فعلا مش له الدنيا
احمد...من وسام
وسام...ايهم ياراجل اللي يسكن قدامنا
احمد....عرفت ايهم عشان نعرف وين يسكن ع اساس حددت المكان
وسام...ايهم صالح يارااجل اللي دار حادث النت انقلب عليه حادث شين علي الدائري
احمد....اهااااا اذكرته اذكرته حادث شين بكل
وسام...كان صاحب ماشالله عليه لما يحكي معاك معش تعرف شن ترد عليه من جمال اسلوبه
احمد...حتي الزين يبيه ربك
سعده...ايواااا
وسام...قصدك من وفاء ايهم لتوا مازالت مانخطبت
سعده....يجوها
احمد...اعيونه ف لشاشه وذانه معاهم
وسام...كنها ترفض
سعده...ماتبيش
وسام...حد عمره ايهم الله غالب
سعده...حتي فاطمه قلتلي ام ايهم حكت معاها انها تشوف نصيبها بس هيا مصكرا راسها
حنان...توجع بصراحه
وسام...ربي كاتب هكي مشي ع صورتها
احمد...خ
وسام...شافله
حنان...شافت ل سعده وشافن ل احمد
احمد...نبي نقولك خليك سريعه
حنان...اها تمشي وهذي اختكم السمحههه
احمد...طالعه ماشاءالله برنسيسه
حنان...رمشت بعيونها ثانكيوو
احمد...هههههه
وسام...هههههه
سعده...ابنيتي سمحه من يومها
حنان...ايوا امي اشكريني خليهم يموتو قهر
وسام...هههههه
حنان...ههههه وهذيييي
وسام....عدل قعدته وصكر ع احمد
سعده....هذي هيا ايوااا
حنان...رايك ذوق ولا
احمد...خلينا انشوفو بعد
وسام...ماعندك ماتشوف انت اللي بعد
احمد...قعمز علي الوطا ويشوف من تحت
سعده...شن رايك
وسام...يبتسم كانت رزان مايله علي ابتسام ومبتسمه ابتسامه خفيفه
احمد...لاماشاءلله عليها زازا
وسام...شاف وراه وطبس هههههه
حنان...ههههههه لهدرجه
احمد...قطع انفسي مابش يخليني
وسام...طفا الشاشه
احمد...وخر هههههههه كان غيرك
سعده...شن قلت
وسام...يمسح ع اشعره تمام كلميها ياحنان
حنان...الصاله قبل
احمد....ههههههه خلاص احتمال يدير حمله علي الحوش كله كوني هانيه
وسام...طبس علي احمد يصارع فيه
سعده..ههههه خلاص خلاص بعد من خوك
وسام...صبا داهش ماشي نبي نرقد
حنان...الصاله
وسام...باااهي حنان
حنان...قربت منه كلمه مني نلغي كل شي
وسام...مسكها من شعرها عارفك تقدري مش حننساها لك
حنان...ههههه اكيد نمشي اندس الكاميره
وسام...مشا لصاله ولع المكنسه بدا يكنس
احمد...واقف عند الباب هههههههههه
وسام....يضحك
احمد...هههههههه ذلاتك
وسام...بكللل انشالله غير يعجبها بعد هذا كله
حنان...كنس اكووويس
وسام...انتي غير قولي نبي اتكون عندك الحاجه
حنان...وقفت جنب احمد ههههههه
احمد...يده علي كتفها
●●●●#نورهان✍
مجدي..يغير في دبشه لبس توته لونها جيشيه
ابتسام...حبيبي نبي ندوش تلفوني يرن رد
مجدي...تمام ياروح
ابتسام...خشت تدوش
مجدي..يسمع في صوت الميه خش لسرير في يده تلفون ابتسام كتب تاريخ ميلاده وفتحه طول لرسائل المحظوره يقرا في رسائل يوسف
●●●#نورهان✍
فرح...نجك لي والله حتي انا
عبدالله...اليوم حايس بس والله عقلي عندك
فرح...غير معش تقفل التلفون حبيبي انحرجت من خالتي نرن عليها كل اشويا
عبدالله....راجلك عادي وتطمني عليه
فرح...لو أيه عادي لكن حتي هيا مقفل
عبدالله....خلاص ياعمري معش نقفله
فرح...شن ادير
عبدالله...توا شي جاي باطل درت دوش علي السريع ونبي نرقد لكن امررررررايف عليك
فرح...حتي اناا اليوم جتنا ابتسام
عبدالله...صاح ماشالله
فرح...فرحت بكل بجيتها امينه عدت لحني كساد
عبدالله...كنها ولاغير جو
فرح...لاعشان ادير حمله رمضان
عبدالله...اها امتي يمشي الشهر
فرح...عليش
عبدالله..تكوني عندي
فرح...انشالله حبيبي هانت
عبدالله...نجك لي كان معايا راني حاضنك منسياتني همي
فرح...حبيبي في شي صوتك مهموم
عبدالله...خايف اتسيبيني
فرح...مستحييل انا نرجا في الدقيقه والثانيه عشان انكون معاك تقولي انسيبك
عبدالله...عارفه انك مش حتقدري اتجيبي اعيال مني
فرح...عارفه
عبدالله...مانبيش نكون اناني معاك ونحرمك من انك تكوني ام
فرح...انت اوليدي وراجلي وحبيبي ودنيتي وروحي اللي انتنفس بيها انا ماصدقت تعافيت ورديت بصحتك مانبيش اعيال نبيك انت
عبدالله...كان هلك
فرح...عمر امي ولاباتي ادخلو في شي كيف هكي هذي حاجه اتخصنا نحنا الأثنين مافيش طرف ثالث
عبدالله....حتملي يافرح
فرح...بما اني عايشه وفيا نفس يابيدا مستحيل انمل منك حياتي عيشتها معاك انت العيال كان مش منك انا مانبيهم
عبدالله....انحبك شن داير في دنيتي اللي ربي رزقني بيك
فرح...انا ربي خلقني لدنيا عشانك بس
●●●#نورهان✍
مجدي....يقرا في الرسائل ويسمع ف ابتسام تولع في الغساله ضاغط علي يده اخر رسالة قراها كانت
((ماقدرتش انطلعك من قلبي مُجرد ماتجي في بالي انك معاه توا ومالكك ويشم في بنتك وبنة عطرك اللي جنني ننجن نسيني مش قادر ننساك....)) سمع صوت ابتسام طالعه من الحمام طفي التلفون وحطه علي الكوميدينا متاع ابتسام وخش في الورغان صكر اعيونه مايبيش ايدير عركه مع ابتسام
ابتسام...خشت بالديجمبر لدار صكرت الباب وجت قعمزت علي كرسي الزيانه خذت فيتامين سي بدت ادير فيه علي وجها وتشوف في المرايه اعيوني تعبنات بكل حبيبي رقدت
مجدي...لاااا
ابتسام...ههههه كنك مغطي وجهك
مجدي...نعسان
ابتسام...صبت حولت الورغان من ع وجه مريض حبيبي
مجدي...كر الورغان لا
ابتسام....حولت الورغان كنك تتهرب مني
مجدي...ياروح راسي مصدع بعد اتكملي طفي الضي
ابتسام...انجيبلك بنادول
مجدي...خذيت وانتي في الحمام
ابتسام...خلاص تريح ردت علي المرايه ادير في لوشن لجسمها وكريمه نيفيا ليديها خذت الاستشوار وحاجاتها وطلعت لدار لاخري
مجدي...حول الورغان تنهدددد اوووووف لو نحكي نتعارك معاها لو نسكت ننفجر اليوم بكيتها واجد ضروري ماشفره جديده هذي تصكر مرات يلعب براسها بس حتي الرسائل انا اللي فتحتهن دليل ع انها ماتشوف فيهن بكل يسمع فيها مولعه الاستشوار عن طووووووط يايوسف
ابتسام....لبسه روب اسود اقصير ستان كله من لورا اخيوط اكس جففت شعرها وبخت من عطرها خذت حاجاتها وطلعت لدار
مجدي...غطا وجه
ابتسام...ترد في الاستشوار في مكانه وردت للحمام حطت الديجمبر وردت لسرير حبيبي تعشيت بلكي هبوط
مجدي...اها ياروح يحكي ومصكر اعيونه نبي نرقد بس
ابتسام...غطاته غريبه العشيه رقدت حبيبي لو تحس في شي قولي ماتشغلني عليك
مجدي...فتح اعيونه شفلها مافيا شي
ابتسام...احلف انك تعشيت
مجدي...والله تعشيت انتي تعشيتي
ابتسام...اها
مجدي..فتح ايديه تعالي شن السماحه هذي
ابتسام...ههه سماحتك قربت منه حطت راسها علي صدره
مجدي...يشم في بنتها صكر اعيونه اذكر كلام يوسف عن طووووط باهي
ابتسام....انفجعت وخرت يدها ع صدره كنك حبيبي تحس في شي
مجدي...دفها بيديه الاثنين نبي نرقد دار وجه لجيه الثانيه وغطا وجه
ابتسام...مالت ع جنبها حبيبي اااااي كنك
مجدي...ابتسام خاطي امي
ابتسام...في شي دايرته غلط قتلي معش اديري مكياج معش درت عشانك الروب مش عاجبك ولاعطري فهمني
مجدي...حول الورغان شفلها عطرك هذا في حد شامه غيري
ابتسام...يدها علي جنبها دفيتني ع جنبي حسيت كلوتي حبيبي شن درتلك انا كنك امعايا اليوم انت كل اشوي اتهين فيا ادموعها ينزلن كان معش تبيني قولي مستحيل انضايقك مره اخري
مجدي...سألتك جاوبي في حد شام بنة عطرك غيرررري
ابتسام...شن الأسئله الغريبه تمسح في ادموعها
مجدي...من امتي اديري فيه العطر هذا
ابتسام....حبيبي من وانا في الجامعه كنك انت عارف عطري المفضل وعاجبك انت
مجدي...شامه يعني
ابتسام... اليوم انصدمت فيك من العشيه تصرفاتك معايا غريبه خلي الليله تمشي علي خير حتي اعيوني تعبوني من البكا لو قربي منك يزعجك نمشي نرقد في دار اخري بس ماتجرحني مره تاخذي بالاحضان مره ادفني مره اتبكيني
مجدي...خليك في مكانك انا نبي نرقد
ابتسام...خشت في الورغان دارت وجها لجيه الثانيه صكرت اعيونها تبي الليله تمشي علي خير بأي طريقه مش عارفه شن زاعجه ليش ايدير في التصرفات الغريبه هذين خافت يكون كلام سميره صاح انا بعد فتره يبدا يمل منها
مجدي...التفت ل ابتسام
ابتسام...حست بيه يبي يقرب منها غطت وجها بالورغان
مجدي...حط يده تحت راسها وحضنها
ابتسام....بعد
مجدي...روحي والله مانقدر ماهنتيش عليا ترقدي زعلانه
ابتسام...لاهنت عليك
مجدي...فمه علي راس ابتسام يبوس فيها سامحيني لاني زعلتك
ابتسام...التفتت شفتله
مجدي...لالالالالا اعيونك تنفخو
ابتسام...حرام عليك والله حتي بعد انصكرهن يوجعن فيا اليوم كله وانا نبكي
مجدي... زاد حضنها وعد ماعاش انزعلك
ابتسام...شفتله قولي ليش مضايق
مجدي...لا مافيش شي
ابتسام...دفيتني ملت علي جنبي نين حسيت كلوتي كيف العرق مسكها
مجدي...يوخر في جمتها من وجها باسها علي جبهتها سامحيني مش عارف شن صارلي فقدت اعصابي
ابتسام...اوعدني معش اتزعلني
مجدي...وعد يبي يغير الموضوع بأي طريقه
خطرها ياروح وسام يبي يطلب رزان رسمي
ابتسام...والله
مجدي...ماقلتهاش لكي
ابتسام...لاوالله من بعد الفرح ماعاش شفتها
مجدي...اها
ابتسام...يدها علي لحيه مجدي حبيبي
مجدي...روحه
ابتسام...صاح انت حتسيبني
مجدي...اكيد
ابتسام...رفعت راسها شفتله
مجدي..ههههه إلا إذا ربي خذا امان
ابتسام...يدها علي فمه اششش رد بالك ترد تحكي هكي ننجن انا حبيبي معش تقول هكي وراسي حضناته ربي مايذوقني نارك في يوم
مجدي...هههه اتحبيني
ابتسام...هانت عليا روحي في يوم لو صارت فيك شي مانندفن الا جنبك شن نبي في حياتي وانت مش فيها
مجدي....بعيد السو عليك
ابتسام...حبيبي صاح ح يجي يوم وتمل مني
مجدي...مستحيل
ابتسام...كان قعدت كل مانحمل ينزل الجنين
مجدي..وراك وراك لعند ماتجبيلي طرف تشبهلك
ابتسام....يعني عادي كان نزلت مره مرتين ثلاثه
مجدي...شن الافكار اللي جيبتهن ليا في ه ليل كلام سميره النعجه فكيني منه
ابتسام....هههه النعجه هذي في يوم كانت حتكون مكاني توا
مجدي...ادور حد اخري ياصدري اللي راقده عليه يالك يايحرم ترقد عليه وحده غيرك انتي ماليته كله
ابتسام...مش ح تبدلني في يوم
مجدي...مكانك ماليته قلت عليش نبدلك
ابتسام...تنهدت صكرت اعيونها
مجدي...لف ايديه لاثنين عليها يشم في عطرها صكر اعيونه وضغط علي ظهرها بكل قوته
ابتسام...فتحت اعيونها اااي حبيبي كسرتني كنك
مجدي...فتح اعيونه خفف ايديه ياروح العطر هذا انسيه بكل .........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_السادسه_والعشروون
#نورهان✍
