#جبرني_الوقت⌛
#الحلقه_الأربعون
بقلمي✍ #نورهان
واجعله سندي ورفيق دربي إذا مالت بنا الأرض يؤنسني و يأنس بي حتى المشيب يالله...🌸
●●●●
ايمن...ابتسام عندها ورم علي الدماغ ضروري مالعمليه وهيا لاتبي تحكيلك ولاتبي ادير العمليه
مجدي...شفله ورم ههه شن تحكي
ايمن...مجدي شكلي يوحي اني نبصر هذا اللي صار ابتسام عندها ورم علي الدماغ الدكتور رديت عليه اليوم قالي انديرلها العمليه بس لأنها حامل انأجلها لعند ماتجيب عشان البنج والجنين ماينضر
مجدي...شن تحكي انت مستحيل
ايمن...هذا اللي قدامك هنا الصور والتحاليل مافيش حاجه اسمها مستحيل الأعراض اللي حكالي عليهن الدكتور عندها توا
مجدي...يشوف في الصور لالا انتو فهمين غلط ابتسام مافيها شي الدوخه والأرهاق وكل اللي يصير معاها لأنها حامل بس
ايمن...مجدي ركز امعايا كر الصوره من يده اهو الورم وااااضح وااااضح
مجدي...لالالا انزل ابتسام مافيها شي توا انتأكد بروحي
ايمن....حتي انا نازل بس عينك منها مرات اطيح فجأه ايجي راسها علي شي حاجه لاقدر الله
مجدي...مصكر علي ايديه مافيش منه الكلام هذا
ايمن...رد بالك تحكي ل عمران مجدي
مجدي...شافله افهههم ابتسام مافيها شي
ايمن...ماتبيش تقتنع فتح الباب راجيها نين اتجي تلقاها ميته في مكانها وتقول ياريت صدقت كلامه نزل وطبق الباب
مجدي...حرق العجل مشعارف وين ماشي كان كل همه يبعد من ايمن بعد وقت وقف علي الدائري رن علي احمد
احمد... يتفرج شاف لتلفون مجدي انشاءالله خير وطى الصوت التيلفزيون رد عليه يامرحبا
مجدي..احمد احمد تعال نبيك توا
احمد...شاف ل سعده في حوشنا قاعد والله شن جوكم
مجدي..تعال توا توا
احمد...صبي وخذا المفاتيح
سعده...من
احمد...بعد التلفون صاحبي توا انجي
مجدي...تعال يااحمددد
احمد...ابتسم شير ل امه وين يانصي قاعد قلت
مجدي....علي الدائري
احمد...تمام مسافه الطريق صكر
مجدي...عزق التلفون جنبه يمسح علي جبهته رفع الصور يشوفلهن مافهم شي حطهن جنبه يخبط علي الدومان ليش ماتبيش تحكيلي ليييييش
#نورهان✍
عمران...اشربي ياباتي
ابتسام...حاضر تشرب في كاكاو سلم ايديك هنو
هناء...صحهه
عمران...امبدري كلمني بالتلفون صالح
ابتسام...شخباره عمي امرايفه عليه واجد
عمران...اكويس قال جايين بعدين يحددو في الفرح
ابتسام...ماشاءالله ربي يتمملهم علي خير ليش ماقلتيها ليا
هناء...اليوم كيف قالها ليا ادم
امينه...كذابه
هناء...انسيت بيسووو
ابتسام...معتبرتني مش موجوده
هناء...ههههه لاوالله
فاطمه...شخبار رزان
ابتسام...اكويسه الحمدالله جتني اليوم قلتلي طالعين يدهورو
فاطمه...بلكي بكرا نمشو للمزرعه تمشي معانا
ابتسام....يييييه امي ياريت
فاطمه...خلاص توا تمشي امعانا
ابتسام...خلاص
عمران...لاتسأل راجلها قبل
ابتسام...توا نسأله حطت الفنجان في السفره وفتحت الشنطه طلعت التلفون
امينه...توا يقولك لا
ابتسام...قولك انشالله لا يقولي باهي امرايفه عليها المزرعه
امينه...اهااا واضحه
هناء...بعدها افريحه وهنيوا جايات غادي اكيد حتي رزان
ابتسام...احلفي
هناء...والله
ابتسام..انجرب رنت علي مجدي
مجدي...عزق الدخان شاف التلفون الشدوق تنهدد الووو
ابتسام...الوو خير
مجدي...خير بالروح
ابتسام...صبت وخشت لدار عبسي الو تسمع فيا
مجدي...اها نسمع فيك
ابتسام...يالقلب طلبتك ماتردني
مجدي...مسح اعيونه ادللي كم روح عندي
ابتسام...بكرا هلي ماشيين للمزرعه لحوش حني حتي فرح وهنيوا جايات غادي
مجدي....باه يشوف ل احمد وقف سيارته ونزل
احمد...فتح الباب وركب شن فيه
مجدي...يده علي فمه باهي
ابتسام...من جنبك
مجدي...احمد
ابتسام...اها باهي حبيبي نبي نمشي
مجدي...انشاءلله
ابتسام...توصلني بكرا
مجدي...انشاءلله
ابتسام..انحبك انا
مجدي...خنقته العبره حتي انا
ابتسام...اجودي
مجدي...نسمع فيك
ابتسام... في حاجه سايره
مجدي...لااا
ابتسام...صوتك مخنوق
مجدي...ههه لامافي شي ياروحي
ابتسام...متأكد
مجدي...اها توا اشوي اخري انجي ناخذك
ابتسام....عيت عمي صالح جايين يحددو في فرح هناء
مجدي...ماشالله خلاص انتلاقوا
ابتسام...باي
مجدي...باي صكر
احمد...شن فيه كنهن اعيونك حمر داير عركه يامجدي
مجدي...لاا
احمد...شن الأوراق هذين
مجدي...ابتسام عندها ورم علي الدماغ
احمد...شفله شن
مجدي...شن اندير انا ياأحمد شن اندير في روحي كان صارت فيها حاجه
احمد...ياراجل مش لك لبكاء قول خير
مجدي...تحكي مع عمها أيمن يومي وعمها يطمن عليها انا ماعندي علم من شي يااحمد مراتي بين الحياة والموت وانا اخر من يعلم لييش ماحكتلي ليش
احمد...يشوف لصور اها اهو الورم صاح
مجدي...شن اندير
احمد...الورم ضروري ماالأستئصال
مجدي...كان ماتت
احمد...قول لا اله الا الله
مجدي...ابتسام لا
احمد...من امتي مكتشفته
مجدي...من ايام وهيا حرجانه موصيه عمها انا مايحكيليش
احمد...ليش
مجدي...ابتسام مش ناسيه اللي درته فيها مازالت شايله مني
احمد...في ليبيا مادير شي خوذها برا
تمام وماتفكرش في شي
مجدي...كيف مانفكر يااحمددد كيييف
احمد...مش لك البكاء ياراجل وسع بالك
مجدي...كيف كيف كل مانسألها تقولي من الحمل ابتسام ادس عليا في مرضها
احمد..لأنها ماتبيكش تزعل
مجدي... كيف درت فيها هكي كيف
احمد...وكل امرك لربي هكي مكتوبلكم
مجدي...مانبيش انعيش اللي عشته مانبيهاش تموت انا بلا ابتسام حياتي تنتهي
احمد...طبس الله يرحمها ويسامحها
مجدي...ايديه علي وجه ويبكي بصوت مش متخيل حياتي بلاها
احمد...يده علي كتف مجدي ياراجل وسع بالك
مجدي... راسي امشوش
احمد...عندي رفيقي في تونس اندزله الصور والتحاليل يقولي شن ح يصير كان هكي اقرب شي تونس
مجدي...تواصل امعاه
احمد...امتي ماشيين بس
مجدي...يخبط علي الدومان ماتحملش البنججج يعني بعد اتجيب كان صارت فيها حاجه بنتي ياأحمد
احمد...ياراجل قول لا اله الا الله بأذن الله مايصير الا كل خير
#نورهان✍
رزان...تشوف من الجبل الله علي المنظر
وسام...كان خاطرك فيه تفرجي لعند م تملي
رزان...قعمزت ااا حبيبي
وسام...قعمز جنبها عمره
رزان...انحبك
وسام...نموت فيك
رزان...حطت راسها علي كتفه دموعها ينزلن تشوف للمناظر
وسام...حبيبي شن فيه كان جوك سمح
رزان...ابتسمت تمسح في ادموعها لااا كان خاطري انجيه المكان هذا
وسام...حققت حلمك يعني
رزان...ردت لذكرياتها مع سعد
سعد...شن في خاطرك ياشينه
رزان..عارف سعودي شن خاطري
سعد...قولي حبيبي
رزان...نكون مقعمزه علي كيف الجبل عااالي انتأمل في المناظر الطبيعه والأضاءه والحيشان واصوات الناس بس نكون بعيده منهم انا بس اللي نشوف فيهم هما مايشوفو فيا
سعد...ياروحي هذي بس حااضر ثاني يوم الفرح وغلاتك عندي ناخذك للمكان اللي خاطرك فيه
رزان.. حبيبي حيتحقق حلمي
سعد...مانكونش انا سعد كان ماحققته لكي
رزان....ييييه حبيبي نجك لي حنكون اسعد وحده في الدنيا نبي وانا مستمتعه في المناظر نحس ب الراحه النفسيه
سعد...من اعيوني نفس المكان اللي خاطرك فيه في اثار شحات فوق الجبل تشوفي كلشي
رزان...تنهدددت مسحت ادموعها
وسام...كنك ياعمري
رزان...سامحني
وسام...علي شن انتي مش مزعلتني
رزان...سامحني وبس
وسام...حضنها مستحيل نزعل منك
رزان...بساته علي خده حققت حلمي
وسام...شن رايك في المنظر
رزان...هذا المنظر اللي كنت نحلم بيه
وسام....حققت حلمك
رزان...حققته ربي مايحرمني منك ويدومك ليا العمر كله ياريتني متعرفه عليك من زمان
وسام...قرن حواجبه
رزان...عشان تحقق حلمي
وسام....حضنها نجك لي
رزان....اااي
وسام....وخر شن فيه
رزان...ههههه يدها علي بطنها نجك لي يتحرك
وسام...ابتسم يده علي بطنها مافيش حركه
رزان...يدها علي بطنها ماما بابا مكذبني تحرك
وسام....ههه لاتوا يتحرك من كلمتك
رزان...وال
وسام....ههههه تحرك
رزان..ههههه نجك لي توا كنت نبي نحلفلك مانكذب
وسام...نجكم لي
●●●
ابتسام...نزلت التلفون
هناء...شن صار
ابتسام...ماتكلمش
امينه...لااا
ابتسام...واللهي
فاطمه...خلاص بكرا نمشو مع بعضنا
ابتسام...انشالله شافت ل عمران باتي شن دايره صحتك
عمران...الحمدلله
ابتسام...قاعد ناقص
فاطمه...اها معش ياكل
ابتسام...نجك لي
هناء...تلفونك مني
امينه...اروي هذي
ابتسام...قوليلها انتلاقوا بكرا
امينه..تمام الو
اروي...خييير
امينه..خيرات شخبارك
اروي...تمام الحمدالله وينك غاطه
امينه...قاعده والله
اروي...حتي ع النت معش نشوفو فيك
امينه...مش محصله وقت بس
اروي...شخبار عمتي وعمي
امينه...اكويسين قاعدين يلايا يسلمو عليك حتي بيسو
اروي...سلمك وسلمهم شخبارها بيسو
امينه...اكويسه الحمدالله
اروي...قلت ماتسأل نسأل انا وخلاص
امينه....هههههه لاوالله
اروي...مافيها شي لا والله ههههه نجك لي تكونيلي بخير تكفي
امينه...صبت وخشت لدار نجك لي لا اكويسه الحمدالله بكرا جايين للمزرعه خلينا انتلاقوا
اروي...الله
امينه...والله
اروي...خلاص نقولها ل دوسه ونجي مريفتلكن بكل
امينه...نجك لي خلاص انتلاقوا
اروي...كلمي حتي افريحه وهنيوا
امينه...لاتميت فيهن حتي بيسو بكرا جايه
اروي...الله نردو ايام زمان
امينه...بكل
اروي...خلاص مانطولش عليك سلمي عليهم
امينه...يوصل سلامك باي
اروي...باي باي ياقلبي
امينه...حطت التلفون علي السرير ولتفتت
ابتسام...ابتسمت جايه
امينه...اها
ابتسام...احسن شي بكرا مافيش وحده ناقصه
امينه...نجك لي تعالي قعمزي
ابتسام...فتحت الدولاب
امينه...شن خطرلك
ابتسام...امرايفه علي بنته السمحه
امينه...الله يرحمه
ابتسام...كأنه حلم ميته سبحان الله
امينه...كلنا علي هالطريق
ابتسام...اي والله قعمزت علي السرير حاضنه الجاكه ليش امي ماوزعت ادبشه
امينه...مابتش اتحوس فيه وتجي اتنظمه من جديد كأنه هوا اللي حوسه
ابتسام...عمري ماتخيلت في يوم مجرد خيال انعيش بلاه
امينه...لأنه اقرب واحد لكي متعلقه بيه عمرك مارفضتي طلبه
ابتسام...متريحه لأنه في مكان اجمل من هنا بس سيب فراغ كبيييير في حياتي
امينه...اكيد نحنا عندنا اخ واحد بس
ابتسام...حتي لو عندنا عشره عبسي مكانته كبيره نجك لي
امينه...خذت منها الجاكه خلاص الله يرحمه يعوينه حافظ اكتاب الله رضي باتي وامي يحب ايدير الخير بدون مقابل برغم صغر سنه
ابتسام...عييين عبسي واضحه الناس معيطه معاه
امينه...حطت الجاكه في الدولاب
ابتسام...تشوف لدار
امينه...صكرت الدولاب وجت جنبها احكيلي
ابتسام...شن نحكي
امينه...جوك مش عاجبني
ابتسام...لا انا جوي عادي بس اجودي جوه شين كأنه في شي مضايقه
امينه..متعاركين انتو
ابتسام...لاوالله جونا عادي خذيت ابره الروايه وجيت هنا قال عندي مشوار مافيه شي
امينه...ممكن قاعد جنبه واحد مش قادر يحكي
ابتسام...صاح احمد معاه باهي احكيلي انتي شن جوك
امينه...كساد ريحت راسي من بوفا صكرت كلشي يوصله لي
ابتسام...مني
امينه...شن
ابتسام....عطيه فرصه
امينه...مستحيل بيسو انا الموضوع هذا صكرت عليه
ابتسام...عشان يسكر
امينه...تي مايوعاش بكل توا تسمعي صوته ياربي سامعته ولسانه اللي ثاقل لالالا بعدها انا بعد ايهم خلاص مش متقبله اي راجل بعده غير بوفا لصق
ابتسام...ربي يفرحني بيك
امينه...وبيك يفرحني تحلي اعويناتك علي خير خلاص هيا خليها تطلع نبي نفرح بيها
ابتسام...هههههه مازال شهرين ياخويله
امينه...هههههه فضول لمن تشبه
ابتسام...اكيد ل اجودي انشالله
امينه...كان طلعتله ولا طلعتلك حتكون جميله في حالتين
ابتسام....هههههه نجك لي
هناء...بنات
ابتسام....شفتلها
هناء...كنكن بتن هنا
ابتسام...شي انهدرزو
هناء...ينعلي يابنات ادم صدمني
امينه...عليش
ابتسام...شن فيه
هناء...قالي الفرح الشهر الجاي
ابتسام....ههههه نجكم لي
امينه...باهي تمام
هناء...باهي تمام لا لقيتي حل لا مانبيش الشهر الجاي
امينه...دومي بشقته اومقتدر علي انا يطلع الفرح ليش كلمه لا
هناء...اقل شي يخليه بعد سنه
امينه....ههههه لاواجد هكي
ابتسام....خايفه انتي صاح
هناء...اهاااا
ابتسام...ماتخافيش حتعيشي معاه اجمل ايام حياتك
هناء...لاخايفه
امينه...مش واخذين علي بعضكم
هناء...ولد عمي يبصر معايا نتعاركو يزعل فيا بس زواج لا
امينه...ههههه نجك لي لعند امتي انشالله برنسيسه
هناء...عادي يكون معايا خطيبته لعند اخر يوم في عمري لكن انعيش انا وياه في حوش واحد لااا
ابتسام....هههههه اااي يابطني
امينه....ههههه مش لهدرجه هنو
هناء...لالهدرجه بذات بعد حكالي علي حاجات عيب خفت منه
ابتسام...وراسك خلاص بطني توا اطربق
امينه...هههههه
هناء...ماتضحكنش انا نبي من يفهمني بعد بدا يحكي قتله قليل الأدب وصكرت في وجه دزلي رساله الفرح الشهر الجاي
ابتسام...ههههههه يدها علي بطنها عطك احبيبه باهي
هناء...ههههه بيسووو
ابتسام...ماعنديش لك حل لو تعرفن العار اللي درته اول ليله لنا تقعدن تضحكن
هناء...شن درتي
ابتسام...ههههه لامرات اديريها
امينه...بكل هنو نسخ لصق
ابتسام....لامش حاكيه بس والله ماتفكري في شي هذا اللي نقوله لكي بعدها انتي نصيبك جا في ادم شن تبي بعد هكي
هناء...متاع مشاكل
امينه...حيتغير
هناء...مستحيل شن تحكي انتي
ابتسام...اعرفي كيف اتعاملي معاه كل اللي يديره ديري عكسه
هناء...كيف شنو يعني
ابتسام...فهميها مني بطني وجعتني خلاص ههههه
امينه....ههههه يعني لو صوته قعد عالي انتي خلي صوتك واطي مش تلعلعي
هناء...لاهذي مستحيله
امينه...لامافيش حاجه مستحيله
هناء...نبي نعرف رزان كيف عايشه
ابتسام...يهبلو مع بعضهم
هناء...عصبيه رزان
ابتسام...خفت عصبيتها
امينه...كل ماتعاشري ادم كل ماتعرفي مميزاته من عيوبه تقدري تسيطري في كلامك اسلوبك معاه
هناء...قالي بعدين بعد انجي نبي نحكي معاك
ابتسام...واحكي
امينه...شن الجديد مايومي عندنا
هناء....عادي يابنات
امينه...شن فيها ولد عمك وراجلك
ابتسام...حطت يدها علي راسها وتصكر في اعيونها
امينه...كنك بيسو
ابتسام...ماتردش
امينه...شن فيه ليكون السكر نزل
ابتسام...اشوي بس دخت
هناء...نمشي نجيبلك عصير صبت
ابتسام...فتحت اعيونها لاعادي
امينه...معقوله مازالتي ادوخي
ابتسام..امممم المهم بكرا شن انجيب معايا
امينه...شي
ابتسام...لانحكي جديات
امينه...والله حتي حاجه اتفقنا انا والبنات كل وحده اتجيب حاجه نبو انكسدو في المزرعه نعصرو برا
ابتسام...لاضروري خلاص انجيب بيتزا واتيه
امينه.. براحتك
ابتسام...منها نطلق اكريعاتي انتمشي
امينه...نجك لي
هناء...جت في يدها كبايه عصير هاكي بيسو
ابتسام...والله م كنتي انتعبي روحك
هناء...قعمزت ريتي هالتعب
ابتسام...ربي مايحرمني منك
#نورهان
مجدي...شن اندير توا
احمد...ماعندك ماادير خليها اتجيب قبل وساهله
مجدي...خايف عليها
احمد...اللي كاتبها ربي اتسير وانشالله ماهناك الا كل خير خليك معاها الفتره هذي اكثر كيف ماقال عمها لاسامح الله اطيح علي حاجه
مجدي...يارب يارب لاانشالله مش حنسيبها
احمد...فتح السياره ونزل انشالله هذين اختبارات من ربي يبي يشوف قد شنو تقدر اتحمل وإيمانها بالله قوي ولا لا بأذن الله يطلع ورم حميدي ودير العمليه وتكون اكويسه
مجدي...يارب ربي مايقهرني فيها بعد السنوات هذين يارب انا ولا هي
احمد..اعيونك فضيحه حمر ماشي ل ابتسام
مجدي...مسح اعيونه اها نبي نأخذها نغيرلها جوها ماتطلعش بكل سيرلها كيف الأكتأب نفكر نحكي ل امينه اختها
احمد...رد ركب وصكر الباب خطرها علي اختها امينه
مجدي...كنها
احمد...هيا شن جو طبعها واعر ولالا
مجدي..لابلعكس عليش تسأل
احمد...اها لاغير امي وحنان خشن الموضوع الزواج في راسي ويبن امينه
مجدي...والله يااحميده ابتسام ديما تحكي عليها تقول هيا رافضه الزواج لكن توا نحكي مع ابتسام
احمد...علي اساس من امي ماتجيبني في الموضوع مرات تقول لا وجهي يقعد اطروف قدامها
مجدي..ههههه تم يانصي ربي يسعدك تستاهل كل خير
احمد..ههههه سلمك
مجدي...تنهدددد
احمد...قالت تم رد علي اندز امي تنهي امعاها قالت لا موضوع بينا وصكر
مجدي...تمام
احمد...نزل من السياره تبي شي
مجدي...سلامتك ريحتني يااحميده
احمد...اي خدمه الو نكون عندك صكر الباب وعدا لسيارته
مجدي...بيبله
احمد...شيرله بأبتسامه
#نورهان✍
هناء...اكويسه
ادم...كنه جوك خارب
هناء...ابتسمت لاااا
ادم...يقلد فيها لااا
هناء...حبيبي
ادم...اناعلي كبده
هناء...قصدك عمتي حواء جوا تحدد في الفرح
ادم...مسكها من خشمها وجايبه حتي الفلوس ياارنوبه
هناء...تشوفله
ادم...حول يده كنك ارنوبتي
هناء...نبيش توا انا
ادم...نبيش توا انا
هناء...خبطاته علي صدره معش تقلدني يابارد
ادم...ههههه كيف ماتبيه توا
هناء...تشير بيديها وجها احمر يعني يعني مش وقته خليه السنه الجايه
ادم...لاحبي عندي مواضيع لسنه الجايه
هناء...زي
ادم...تقعدي جيبتلي ارنوبه صغيره وحامل بالأرنوب
هناء...شفتله حبيبي بطل سماطه نحكي جديات انا زي شنو
ادم...هذين المواضيع نبيك تملي الحوش ارانب
هناء...ماسكه ضحكتها وسرحت
ادم...شفلها الو راحت رسمي
هناء...يابارد تخيلت عندي ارانب جديات
ادم...لامش ارانب ارانب اللي نشوفو فيهن
هناء...هذا اللي شفته اناااا حطت ايديها علي وجها
ادم...قرب حول ايديها ماتبيش مني اعيال
هناء...شفتله اددددم
ادم...غمزلها شن
هناء...اكيد نبي بس مش بعد الزواج طول
ادم....قولي واللهي
هناء...واللهيييي
ادم...شاف ل امينه احممم
هناء...نبيش ارانب خبطاته علي صدره علقتها في فمي اعيال طول قصدي
ادم...ابتسم عيب هنو كلامك هذا
هناء...شن اللي عييييب اددم ماانت توا تحكي هكي
ادم...ابتسم شن جوك مني
امينه...تبتسم الحمدالله شن جوك انت دومي
ادم...الحمدالله
هناء...شافت ل امينه
امينه...ابتسمتلها حطت السفره القهوه وخشت
هناء...شافت ل ادم
ادم...طلع دخان ولعه من جيبه حطه في فمه ولعه يشوف ل هناء خذا فنجان بدا يشرب
كنك حبي
هناء...لااااكنيش
ادم...اكويس
هناء...نبي نشتغل
ادم...جبد من الدخان نفخ فوق شن تبي
هناء...نشتغل
ادم...مش حتنقص عليك شي شن تبي في امه الشغل
هناء...هك رشقتلي نشتغل
ادم...يده علي لحيه رشقتلك
هناء...تشوفله اعيونها تعبو ادموع اها نبي نشتغل كيفي كيف صحباتي انا
ادم...عزق الفنجان ماتبيش تنهي موضوع ام الشغل هذا كل بعد فتره نبي نشتغل نبي نشتغل
هناء...ايديها علي وجها تبكي
ادم...عزق الدخان موضوع الشغل انسي امه فهمتي
هناء...معش نبيك انا
ادم...قرب مسك شعرها لاتبيني وغصب عنك
هناء...شعري
امينه...طلعت من باب الكوجينه دومي هنو
هناء...تبكي شعري ياامينه
امينه...قربت تفك في يد ادم
ادم...قارن حواجبه مني ماتدخليش بيني وبينها
امينه...مش هكي راهو
ادم...امينه
هناء...شفتله خلاص تمام
ادم...شن
هناء...معش نبي نشتغل
ادم...حول يده اكويس
هناء..بعدت اطلع من حياتي سلحت الدبله عزقتها عليه وخشت
ادم...يبي يخش وراها
امينه...مسكت يده خليها راقيتلها
ادم...نزل خذ الدبله راقيتله
امينه...ماتضغطش عليها نونا عندنا عصبيه بس قلبها طيب
ادم...ماضغطت عليها يامني بس انا راجل غيور انا ادم مانبيش راجل يحقها من حقي وهيا كل بعد فتره نبي نشتغل نبي نشتغل
امينه...حتي هيا قدرها ولو اشوي قرت وسهرت وتعبت وتخرجت خذتها الثاني علي الكليه بتفوق بعد هذا كله تقعد في الحوش خلي روحك في مكانها
ادم...مش شوري انا خذتها بتفوق تاخذها حتي الأول انا مانرضاش حد يشوف مراتي حلالي يقعدو يفصلو فيها وانا كيف التيس بقروني
امينه...مسكتها الضحكه حشاك
ادم...اميينه خليها اطلع موضوع الشغل من راسها لو سكرت راسها والله نقتل الله
امينه...اششش فكنا الله من مصايب الدنيا خلاص توا نحكي معاها باهي اقل شي يوم في الأسبوع
ادم...حتي عشر دقايق لا
امينه...باهي هدي انت عاد باتي لوسمع ويشوف طريقة كلامك هذي يحرم عليك حتي انك تأخذها
ادم...هه وين هذي
امينه...انا قتلك عاد
ادم...باهي كلميها نراضيها خشت تبكي
امينه...تفاهم معاها بهدوء
ادم...ربك ينزله الهدوء اللي تحكي عليه
امينه...ههههه ربي يهديك ويهديها نخش نكلمها خشت امينه جوا وطول لدار الضيوف
اسراء...تعالي مني
امينه...تشوف بعيونها ع هناء اااه توا انجي
ابتسام...شفتلها في شي
امينه...ابتسمت لا
ابتسام...حسيتك ادوري علي شي
امينه...اها سماعاتي اكيد في الدار
ابتسام...ابتسمت باهي اسريوا يبيش ايدير خطوه
اسراء...قالي بعد اتخرجي لو تشوفي اسلوبه معايا بيسو
اصيله...اختي اذكر منه
ابتسام...ههههههه
اسراء....خبطتها بارده عاد انتي ههههه
اصيله...اااي هههههه
اسراء...هوا اسلوب بكل بصراحه
ابتسام...ماشاءالله باين من شكله
اصيله...امتي اتجيبيلنا عاد
ابتسام...هانت شهرين
اسراء...شن تبو اتسموها
ابتسام...والله مافي اسم ابالي اصلا هكي هكي الاسم يجي معاها قبل قلت نسميها سعده علي عمتي قال اجودي هيا قايله م حد يسمي عليا
اسراء...عادي اتسمي سعده
ابتسام...عادي وياريت تطلع كيف عمتي بطيبت اصلها وحنيتها
اسراء...بس بنتك تدمر نفسيتها بعدين سعدهه
اصيله...كنت نبي نقولها يابال جيل توا اسماء مميزات ونادرات
ابتسام...بعد تعيش مع حنها وتعرف حنيتها اتحب اسمها بعدها بلعكس حلو اسم سعده طلتها عليا سعاده وانشالله تعيش طول عمرها في سعاده
اسراء...الله علي البساطه اللي عندك انا مستحيل انسمي علي اسم حنات
اصيله...نبو عاد علي وزن حسن
اسراء...نجاليا اكيييد
ابتسام...حطت يدها علي راسها وصكرت اعيونها
اصيله...كنك بيسو
ابتسام...دايخه
اسراء...تلفونك يرن بيسو
ابتسام...وينه
اسراء...مداته لها حاطته ع الهزاز
ابتسام...مش منتبها اجودي الوو
مجدي...برا ياروح
ابتسام...صاح
مجدي..اها
ابتسام...راجيني نلبس نحس في روحي ثاقله بكل
مجدي...علي مهلك ياروح وحده وحده اهو احميده جا نكسد معاه علي ماطلعتي
ابتسام...تمام باي
مجدي...باي صكر
احمد...طق علي القزاز
مجدي...نزله
احمد...تبو تروحو
مجدي... اها
احمد...تمام عينك منها
مجدي..انشالله
احمد...سلام نمشي نرقد
مجدي...مش ماشي لشقه
احمد...لا بايت هنا
مجدي...تمام توا نحكي مع ابتسام علي موضوع امينه
احمد...تم تصبح علي خير
مجدي...اتلاقي الخير
احمد...رد لسيارته امنها وخش لحوشهم
مجدي...ساند راسه علي الكرسي
امينه...صبي هنو خلاص
هناء...تبكي مش مصبيه خليه يخطا وجهي
امينه...ههههه لاهذي مستحيل
هناء...مانبيش نشوفه
امينه...حرام من بدري يرجا فيك
هناء...مش طالعه قلت
امينه...يخش عليك
هناء...اطلعي توا نقفل الباب
امينه...هيا هنووو
هناء...خاطيني انتي كنك واقفه معاه وقفي معايا انا هذا يبي يدفني في الحياة
امينه...يغار
هناء...مش غيره هذي
امينه...قعمزت جنبها نحكيلك شي مرات تقتنعي
هناء...تمسح في ادموعها
امينه...تذكري ايام الجامعه
هناء...اكيد
امينه...تذكري فائق شن دار فيك وتهديداته وشن دار في هاله
هناء..عليش تذكري فيا
امينه...لولا ادم راهو لتوا يهدد فيك لكن بعد شاف من واقف في ظهرك ويخاف عليك وخر كسر يده عشانك ومستعد يكسر اي حد يقرب منك مش تقولي هوا متاع مشاكل بس راجل يمشي جنبك هيبه الكل يعرفوه والكل يخافو منه لانه مش متاع بصاره
هناء...يعني
امينه...تبي تشتغلي
هناء...اها ماتعبتش السنين هذين كلهن عشان انتوسد بيها شهادتي
امينه...حتشتغلي بس ماتعانديه دومي مايبيش حد يكثر عليه بس
هناء...شن كثرت كل اللي نبيه شغللل
امينه...حتشتغلي وهوا راضي عارفتك من اعيونك ماعندك فيه نيه الشغل لكن اعناد فيه
هناء...من حركاته عندي نيه فيه
امينه...هيا باهي اطلعي عليه باتي مريض لو سمع اصواتكم عليات ينفجع
ابتسام...مني هنو تصبحن علي خير انتلاقوا
امينه...ماشيه
ابتسام...اها اجودي برا سلمت علي امي وعمتي والبنات وجيتكن توا نمشي ل باتي وطالعه اطلعن اقعدن مع البنات عيب
امينه...صبت لا هيا جيت
ابتسام...هنو حقالله دايخه تبكي انتي
هناء...اها
ابتسام...كنك
هناء...نحكو بكرا
ابتسام...تمام انا طولت علي اجودي هيا باي
امينه...عينك م روحك
ابتسام...عزقتلها بوسه انشالله باي وطلعت لدار عمران تمست عليه وطلعت تلبس في كويشتها
هناء...قاعده داهشه نفسك عالي
ابتسام...بكل خلاص هانت
هناء...سلمي علي بوعيون كحيله
ابتسام...يوصل ادم وين
هناء...درعنه انا نبي نخش
ابتسام...ههههه شكلها فيه عركه
هناء...بكرا في المزرعه نحكيلك
ابتسام...تمام حبي باي
نزلت مالدروج وفتحت باب الشارع وطلعت
مجدي...شاف ل ابتسام وهيا جايه لسياره نزل الطاقيه عشان ماتشوف اعيونه
ابتسام...فتحت الباب ركبت خيييييير
مجدي...خير ياروح
ابتسام...مالت صكرت الباب اااا تنهدت خلاص انا داهشه بكل امتي انجيب
مجدي...انشالله هانت حرك السياره وطلع
ابتسام...شفتله حبيبي
مجدي..يشوف لطريق روحه
ابتسام...في شي
مجدي...لااا
ابتسام...والله نحكي جديات شن فيه
مجدي...مافي شي
ابتسام...رفعت يدها لسقف السياره ولعت الضي شفتله يييه كنهن اعيونك كنت حاسه من بعد حكيت معاك شن فيه اجودي
مجدي...شفلها مرفع حاجبه طفي الضي
ابتسام...قولي شن فيه
مجدي...مافيه شي ياروح
ابتسام...حبيبي راهو والله دمعتي قريبه من عيني شن ساير قولي كنت باكي صاح شن فيه
مجدي..مافي شي ياروح صاحبي خذوه توا لبنغازي داير حادث حالته خطيره
ابتسام..لاحول ولاقوه الا بالله حطت يدها علي لحيته شن الغلا اللي شايله في قلبك ل صاحبك ياحظه
مجدي...حط يده علي يد ابتسام نزلها علي فمه باسها نجك لي
ابتسام...نجك لي متأثر منه ربي يطمنك عليه
مجدي...اللهم امين يارب
ابتسام...كنت عنده
مجدي..امممم
ابتسام...ضغطت علي يده انحبك ياحنوني
مجدي...ابتسم نموت فيك موت وقف السياره هيا ياروح
ابتسام...كان م عيب عشان الجيران نقولك شيلني
مجدي...شفلها ابتسم فتح باب السياره نزل جا لجيه ابتسام
ابتسام...فتحت الباب
مجدي...مسك يدها انزلي بشويا
ابتسام...مشعارفه خايف عليا ولا عليها
مجدي..عليكن ياروح
ابتسام....نجك لي نحبك به
مجدي...هيا انزلي
ابتسام...خليني انتأمل بسماحتي اشويا
مجدي...واللهي
ابتسام...حقالله
مجدي...هههه
ابتسام...هههههه نزلت طلقت ظهرها انشالله م نجيب قبل التاسع
مجدي...تحسي بشي
ابتسام...بثقل حبيبي
مجدي...ياروح مجدي انتي مسك يدها هانت خشو للعماره
ابتسام...سانده راسها علي يده نجك لي انتكي علي رزان
مجدي...تؤ طلع التلفون ولع الفلاش حطه في يد ابتسام
ابتسام...فيه ضي
مجدي..خليك توا نجي
ابتسام...وين ماشي
مجدي...طلع من الباب نزل العداد
ابتسام...دايره التلفون علي الباب
مجدي...فتحت الباب العماره
ابتسام...شفتله حبييي
مجدي...شن انديرلك رفعها
ابتسام... لا حبيبي
مجدي...يرقى م الدروج شن اللي لا ياروح
ابتسام...كنت نبصر معاك
مجدي...ماتهونيش عليا ترقى داهشه
ابتسام...رفعت الخيمار انحبك انا قربت بساته علي خده حبيبي
مجدي...نزلها شاف لفوق في حد ينزل نزل الخيمار يفتح في الباب
الشاب...مجدي شنجو
مجدي...خشش ابتسام وشافله يامرحبا
الشاب...كيف الضي طفى غير علي العماره
مجدي...صاح كيف صار
الشاب...العمارات اللي جنبنا والع الضي عندهم
مجدي..عارف هذا العداد فاصل يمكن حموله انت نازل
الشاب...اها
مجدي...ارفعه بطريقك
الشاب...تم تصبح ع خير
مجدي...وانت بخير
الشاب..نزل
مجدي...خش وصكر الباب
ابتسام...ما انت فصلت الضي
مجدي...نزلت العداد بس ياروح حلالي م نبي حد يشوفها
ابتسام...بس الجيران عيب
مجدي...دقايق مايأثرن فيهم اصلا كان م نزل كنت نبي ننزل نرفعه
ابتسام...قربت حضناته ربي يخليك ليا يادنيتي
مجدي...اهو ولعه ويخليك لي
ابتسام...ههههه شفتله حرام عليك
مجدي...ايديه علي شدوقها عادي اهم شي ماتتعبي ياروح
ابتسام...قاعده ثاقله صاح حبيبي
مجدي...بكل لدرجه ايديا رقدن بعد رفعتك
ابتسام...شفتله اسفانه رقدت ايديك
مجدي...هههه انحبك اي ثقيله خفيفه بكل
ابتسام...لاحاسه بروحي عندكش عليش اتحايل عليا
مجدي...رفعها لوتبيني طول م انا قاعد معاك مانخليك تمشي خطوتين رفعها برغم بطنك كابره وبنتنا تكبر كل يوم في بطنك مفروض تكوني سمينه بس لعكس
ابتسام...توا قولي عاجبك جسمي هكي ولا
مجدي...يمشي بيها لدار النوم اتجيبي علي خير وسلامه وتكونيلي بخير وبصحتك العمر كله مانبي شي ياروح
ابتسام...تعال للمرايه ههههه بنشوف شكلي
مجدي...اعيوني لك قرب للمرايه
ابتسام...تشوف للمرايه هههههه بطني تضحك صاح
مجدي..تذكري يوم اللي درتي قرينين
ابتسام....ههههه يييه اجودي ذكرتني
مجدي...يشوفلها
ابتسام...حضناته انحبك اجودي انت الحاجه الوحيده في حياتي اللي مستعده اندير اي شي عشان تكون معايا طول ماانا عايشه ياريت لو يرد بيا الوقت كنت درت المستحيل عشان مانحرج ولانخليك تخليني نقعد اربع اشهور بعيد عنك الشهور اللي قعدت فيهن بعيد عنك عدن من عمري كيف قدرت انتحمل نكون بلاك انا حضناته
مجدي...صكر اعيونه
ابتسام...ياريت بنتنا تطلع تشبهلك في كلشي تطلع كيفك بوعيون كحيله الناس تشوفلها كأنها مكحله بس هيا مش مكحله من كثرت رموشها امبين هكي اعيونها جذبات حنيت قلبها طيبتها خوفها كلشي فيها اجودي حتي لو حد شافها يعرفها طول بنتك من كثر ماتشبهلك
مجدي..نزل ابتسام تنهد
ابتسام...حبيبي قلت شي زعجك
مجدي...حضنها بكل قوته ياريت قلتي عشان ننزعج ياريت يرد بيا الوقت ماندير اللي درته ونخليك بعيد عني
ابتسام...ااااي حبيبي ارخي ايديك بطني
مجدي...رفع ايده علي راسها سامحيني
ابتسام...شفتله حبيبي كنك ليش تحكي هكي
مجدي...ناادم
ابتسام...تمسح في ادموعها مش زعلانه انا والله مازعلانه منك نزعل من كل الناس الا انت معقوله تبكيني ياريتني ماذكرتك خلاص هيا صفحه صكرناها معش نبو نفتحوها
مجدي...رفع راسه فوق
ابتسام...مسكت ايديه حبيبي شوفلي اسفانه
مجدي...علي شنو
ابتسام...اني خليتك تضايق ولاقصدي اندمك والله ماقصدي
مجدي...انتي مسامحتني
ابتسام...مش زعلااانه عشان نسامحك طبس به
مجدي...عليش
ابتسام...نقدرش نطولك معلسف جيت قصيره وزيدها زايد قاعده بطه
مجدي...هههههه جمالك يابطه
ابتسام...الضحكه هذي تردلي في الروح عمرك ماتحرمني منها
مجدي...وانتي ماتحرميني منك
ابتسام.... يدها علي بطنها ااااي
مجدي...كنك ياروح
ابتسام...هههه بنتك مش عاجبها الوضع
مجدي.. يشوفلها شن تحسي في شي ليه
ابتسام...هههه لا بس اتنبه فيا تقولي انا بينكم انتبهولي
مجدي... اتحرك ياروح
ابتسام...ههههه فتنا مرحله اتحرك اتخبط توا تبي تطلع ملت تبي تعيش معانا اللحظه
مجدي...ههههه نجكن لي
ابتسام...تنهدت قربت حضناته ولنا ينجيك
#نورهان✍
هناء...لبست الصباط وطلعت ل ادم كنك
ادم...كرها من يدها كني
هناء...يدي توجع فيا بعد
ادم...شن اللي درتيه توا
هناء...شفتله كان عاجبك
ادم...متأكده
هناء...اها طبست
ادم...لاشوفيلي
هناء...مطبسه خطاني ادم كسرت بخاطري
ادم...حضنها اششش ماعاش من يكسر بخاطرك ياارنوبتي وانا عايش
هناء...ماسكه ضحكتها باهي بطل قلة ادب وبعد
ادم...حلالي نقدر ناخذك بدبشك اللي عليك م حد يقدر يتكلم
هناء...دفاته عينك انا معش نبيك اصلا
ادم...دفيتيني صاح
هناء...اها لأنك سخيف الأدب شن قتلك علي الأحضان انا
ادم...معش تبيني
هناء...اهااا
ادم...خلاص تمام
هناء...شن اللي تمام
ادم...نشوف ندي
هناء...قربت مسكت يده حبيبي دوووومي
ادم...يشوفلها كبده
هناء...عضاته في يده
ادم...يشوفلها فاتح فمه منجدك انتي
هناء....اها انت ليا انا
ادم...يدي
هناء...بعدت يدها علي سنونها اممممم يطقن سنوني يدك قويه سنوني وجعني
ادم...حبيبي هههه يدي
هناء...عادي تكبر وتحكي لحفادك عليها قوللهم حنكم هناء حكيتلها علي وحده عضتني من غيرتها عليا
ادم...حنهم شريره
هناء...شريره عند الحاجه الخاصه ليا عش نعرف حد بعدها وين دبلتي اصبعي نحس فيه جاه شلل رباعي من كثر مافاضي شوف
ادم...ههههه شلل رباعي صار
هناء...هههه اهاااا هيا لبسني دبلتي رد اليدي الحياة
ادم...طلع الدبله من جيبه مسك يدها لواها
هناء...اااي ليش يدي توا تنكسر
ادم...عشان بعد تفكري اطلعيها تذكري هذي
هناء...به بس خفف يدك كسرتني ماهناك شي جهد انا
ادم...ماسك ضحكته لبسها الدبله وين المحبس
هناء...نبي الدبله بس
ادم...ليش
هناء...حبيبي واسع مالأخر
ادم...ليش ماقلتيها
هناء...عادي تكفيني الدبله
ادم...باهي معش اديري الجو اللي درتيه امبدري
هناء...رفعت يد ادم واو يانونا علمتي فيه
ادم...ارنوبه شريره
هناء...عاجبتك كلمه ارنوبه
ادم...لأنك ارنوبه
هناء...حبيبي
ادم...ايديه في اجيوبه وخر علي الساس رفع كراعه عارفه يانونا من يوم ماشفت الكرسي وخذيته للقطعه وغسلته عشان مانبي ايمن يشوفه وانتي لي مش لغيري مستحيل تكون لغيرك ياادم
هناء...يعني ماليوم هذك وانا في بالك
ادم...لاحاط عيني عليك من زمان لكن في اليوم هذك حسيت بشعور غريب
هناء...شعور شن
ادم...شعور بأنك انتي حلالي مانبي حد يشوفها بالمنظر هذا انا بس اللي منحقه يشوفها
هناء...يييه حبيبي سترتني تخيل ايمن شافني شن منظري
ادم...لأنك ارنوبه
هناء...ارنوبتك
ادم...انااااعلي ناااا قولي ل امي والبنات هيا نروح افتحي نت نحكو فيديو مازالت م شبعت منك
هناء...باهي وموضوعنا
ادم...موضوعنا
هناء...اهاا حبيبي
ادم...شن
هناء...الشغل
ادم...غمزلها ماتخافيش توا نشتغل عليك كان منحره علي هالشغل
هناء...شفتله قاعد سخيف الأدب بكل عارف روحك
ادم...تؤ مشعارف قرب وريني
هناء...توخر ادم
ادم...رفع حاجبه شن
هناء...لصقت في باب الكوجينه
ادم...وين هاربه
هناء...صكرت اعيونها فتحتهن ادم اقريب منها بنة العطر علي الدخان ارتبكت ابتسمت حبيبي نجك لي تذكر يوم اللي خذيتني م الجامعه
ادم...تؤ ذكريني يشوف لعيونها
هناء...شافت جنب ادم بسم الله بسم الله شن هذا
ادم...شن التفت
هناء...خشت جوا طيحت قلبي تبيلك مجلس تأديبي انت سخيف الأدب
ادم...ههه ماشي ماشي يانونا هانت كلمي امي انا برا
هناء...امباه عزقتله بوسه
ادم...ماتنفعش من بعيد
هناء...هههه عيب عيب خشت
ادم...يبتسم جننتني لف مع الحاجر وطول لسياره يرجا في حواء وخواته
امينه...والله مازال بدري ياعمتي
حواء...بدري من عمرك الجيات اكثر
فاطمه...خليكن باتن
اسراء...والله مره اخري
اصيله...بعد تجو من المزرعه توا نجو
فاطمه...عادي انأجلوها
اسراء...لاوالله
حواء...هيا بسلامه
هناء...مش جيه هذي ياعمتي مازال بدري
حواء...هههه مره اخري خلاص ابدي بتتي اي حاجه تنقصك رني علي البنات
فاطمه...خيركم سابق
حواء...بنتي هذي
هناء...نجك لي
اسراء...مالت علي هناء نجك لي صار فكري كيف ح تعيشي مع المجرم ادم يوعيك علي طريحه وترقدي علي طريحه حي عليك حيييي
هناء...شفتلها تحكي جديات انتي
اسراء...ادم يعشق العنف الضرب بدون وعي شفتي وجه كيف معلم
هناء...لالا اسريوا كنك انتي
اسراء...ماسكه ضحكتها مافيها شي لالا حي عليك
هناء...شن يعني نسيبه
اسراء...المشكله خلاص معش تقدري
هناء...مستحيل يأذيني
اسراء...انتي شايفه اعيونه بعد يقعدن حمر بعد يدير مشكله او يناقش في اي شي ييييه
هناء...اذكرت ادم بعد ضرب فائق بدون وعي
اسراء...راحت بكل الووو نحكي انا
هناء...اه
اسراء...طالعين
هناء...قصدك يضريني كيفه
اسراء...شر منه انتي قتل
امينه...ههههه
هناء...شافت ل امينه
اسراء...غمزت ل امينه مش صاح منى
امينه...لاتبصر عليك مستحيل دومي ايكون معاك عنيف ولابيوم يرفع يده عليك
اسراء...هبله انتي اعيونك تعبو ادموع مستحيل ادم ايدير شي كيف هذا تي يحبك يابنتي
هناء...لاتكذبي
امينه...والله تبصر عليك
هناء...صاح وجه معلم
اسراء...مش وضحات من اللحيه
امينه...هذين اوسمه
هناء...مش حيضربني بعدين
اسراء...انتي ومعملتك معاه احتمال يخليك بلا راس
هناء...خبطتها ههههه امشي يابارده
اسراء...هههههه نجك لي اكثر شي متشوقه انشوفه الكوميديا اللي حنعيشوها بفضلكم ههههه
هناء...ابتسمت ايديها علي وجها عارفه حقالله
اصيله...ههههه هيا اسرااااء
اسراء..هههههه جيت
امينه...كان قعدتن
اسراء...في فرحك انشالله
هناء...انشالله يارب
اسراء...حنبدو نوتو خلاص فرحكم
اصيله...هيااا توا يفصل علينا
اسراء...حي عليا هيا بنات بسلامه
امينه...غير قوليله نونا مسكتني تحكي معايا توا يسكت
اسراء...هههههه مافيش الا الحل هذا باي باي طلعت
امينه...هههههه شافت ل هناء
هناء...قولك كلامها صاح
امينه...الو نكون عندك دومي مستحيل مع الناس اما معاك غييير
هناء...نجكك لي ياراحتي النفسيه
امينه...حضنتها حتي انتي حتسيبيني ونكون بروحي
هناء...انشالله نفرح بيك حتي انتي
امينه...فرحتي تكونن فرحانات العمر كله تكفيني كأني فرحت انا
هناء...ياعمري ادموعها ينزلن
امينه...لادموع لا
هناء...ربي مايحرمنا منك
امينه...بعدت رفعت جمتها ماتبيش تبكي خذت نفس ولامنكن يحرمني
فاطمه..مني
امينه...شفتلها نعم
فاطمه..جت قتلك بسومه كنها
امينه...كنها امي
فاطمه..هكي جوها ماعجبني حكتلك شي
امينه...لا
هناء...عارفه امي حتي انا حسيت جوها مش تمام
فاطمه...راهو يبقى مجدي مايبيها تمشي للمزرعه ونحنا حرجناها
هناء...لامستحيل كان هكي قلتها
فاطمه...مشعارفه عاد كان كلمتكن طمنني
امينه...لاماهناك الا كل خير
فاطمه..انشالله نمشي نرقد انا
امينه...تصبحي علي خير
هناء...تصبحي علي خير
فاطمه...وانتن من اهل الخير خشت لدار وصكرت الباب
هناء...شافت ل امينه شن تبي اديري
امينه...نبي نطلع للحاجر نشم هواء اشوي
هناء...انظم الدار ونبخر قبل مايرن راجلي الواعر
امينه... ههههه تمام
هناء...هههههه
امينه...طلعت للحاجر
هناء...تشوفلها بخيبه بدت تنظم في الدار
امينه...طلعت من باب الكوجينه ردت الباب وراها جت قعمزت علي الكرسي تنهدت من وسط قلبها رفعت راسها لسماء ليش انا ياربي ليش حرمتني منه شن دايره في دنيتي عشان نعيش بلاه كان عايش ايهم راهو توا متزوجين وعايشين احلا حياه ليش ياربي حياتي ناقصه من بعده مش قادره نتقبل لتوا ليش مش معترضه علي حكمك ياربي عارفه كلنا حنموتو بس صكرت اعيونها لا اله الا الله الله يرحمه ويسامحه تمسح في ادموعها مع رنت تلفونها شفتله افريحه فتحت الو
فرح...انشالله مش راقده
امينه...لاوالله افريحه واعيه
فرح..كنه صوتك
امينه...لا مافي شي
فرح...صبت من السرير طلعت من الدار ردت الباب مني
امينه..تمسح في ادموعها معاك شخبارك
فرح...اكويسه الحمدلله انتي شن جوك صوتك متغير
امينه...ههههه معقوله
فرح...هههه والله حسيت هكي في شي كنتي تبكي
امينه...لا نجك لي
فرح...احكيلي
امينه...شكله عبادي مش يلاك
فرح...راقد جوه خارب
امينه...كنه
فرح..موضوع العيال تعبلي نفسيتي
امينه...ربي يسعدكم
فرح..انا نبيه هوا ما نبيش اعيال هوا كل يوم نفس الموضوع
امينه...نصيب
فرح..شن اندير مني نبي ينساه نحنا مازلنا عرسان مفروض م يحكيش هكي
امينه...انتي هدي بس
فرح..والله يامني م معدله انا
امينه...نجك لي ربي يعطيكم انشالله
فرح..مستحيل هوا واخذ نووي انتي عارفه النووي انسي حاجه اسمها اعيال
امينه...ربي كريم
فرح...انا م نبيهم والله بس هوا مزعل روحه
امينه...اكيد حكيون زعلان بس عليك م يبيك تنحرمي من انك تكوني ام
فرح...يايكون منه ياميكون
امينه...ربي كريم فيها خيره
فرح...وجعت راسك قتلك
امينه...ادللي افريحه في اي وقت
فرح...نجك لي قتلك كلمتك نبي نقولك البدله الرسميه السروال الدميه
امينه...اها تبيها
فرح..لا مش انا تبيها اروي قالت عندي عشاء بكره في المزرعه جبيها معاك اصلا جايه غادي هيا عرفتي
امينه...حاضر
فرح...يحضرلك الخير نجك لي
امينه...تبي شي اخري
فرح..لا كلمتني تحسابها عندي قلتلها في حوشنا ما جبتها معايا
امينه...تمام مازالت في دولابك
فرح...نجك لي
امينه..تبي شي اخري
فرح..سلامتك وانتي
امينه...شوفتك
فرح...نجك لي خلاص انتلاقوا تصبحي علي خير
امينه...وانتي بخير
فرح...باي
امينه...باي باي صكرت صبت من الكرسي وخشت للحوش
فرح...صكرت والتفتت ابتسمت بيدا وعيت نجك لي قربت منه
عبدالله...دفها ليش تكذبي علي
فرح...كنك حبيبي
عبدالله....ليييييش تقولي م نبيش اعيال وانتي تبي
فرح...حبيبي هدي بس
عبدالله...يدف فيها ليش تشكي ل امينه ليييش
فرح...ترعش حبيبي تخوف فيا
عبدالله...احكي لييييش توفقي انك تكملي معايا وانتي عارفه اني معش نضنا لييش
فرح...تبكي بيدا تخوف فيا
عبدالله...عدي لمي ادبشك وعدي وحقك يوصلك لعندك
فرح...مش ماشيه مش مخليتك انت ركبتلي عقده بسبب العيال انا م نبيهم لو مش منك
عبدالله...انا نازل عند امي وتي ادبشك توا توديك لحوش هلك مع إسلام
فرح...معش تبيني بيدا
عبدالله...شوفي نصيبك
فرح..انت نصيبي لو مش انت انا نموت فاهم
عبدالله...لا مش حتموتي
فرح...بيدا لو توديني لحوش هلي تخرب علي اختي
عبدالله...اختك عندها مستقبل اهم يرجو في اول عيل انتي عليش قاعده
فرح..عشانك انا هنا
عبدالله...انا معش نبيك
فرح...لاتبيني
عبدالله...هذا اللي عندي
فرح.. بيدا تجرح فيا بكلامك تحكيش معايا هكي
عبدالله...خير م نجاملك
فرح...قربت حضناته تحكيش معايا هكي بيدا انا نحبك مش متخيله حياتي من غيرك
عبدالله...يبعد فيها عدي وتي روحك توا توصلك امي
فرح...تشوفله وعيونها ملينات دموع خلي في بالك انت اللي تخليت عني
عبدالله...قعمز علي صالون الصاله عدي فرررررح عدي عدي
فرح...مسحت ادموعها حاضر خشت للكوجينه فتحت دولاب مواد التنظيف خذت الكلور صكرت الباب بالقوه طلعت من الكوجينه
عبدالله...ايديه علي راسه شفلها شاف الكلور في يدها
فرح...خشت للحمام صكرت الباب بالمفتاح
عبدالله...شن ادير هذي صبى مشى للحمام طقطقطق
فرح...نعممم
عبدالله...فيش اديري
فرح...حطت الكلور علي الغساله نغسل
عبدالله...باهي افتحي
فرح...فوتني مش معش تبيني وتبيني نطلع من حياتك خلاص
عبدالله...طقطقطق
فرح...تبكي شن تبييي فيا مش تخليت عني توا
عبدالله...عليش خذيتي الكلور
فرح...توا تعرف
عبدالله...ويحا فكيني من حركات العيال لصغار افتحي
فرح...فتحت المغطه الكلور عزقتها علي الوطي ردت الشيشه علي الغساله معش ردت عليه
عبدالله...طقطقطق ياويحا افتحييي
فرح...يدها علي فمها م تبي صوت ابكاها يسمعه
عبدالله...يافررررررح افتحي طقطقطق تسمعي في فرح فرح فرح ردي علي بس يفتح في الباب ردي علي بس انتي قاعده ورا الباب طقطق رددددددي يافرح
فرح...يدها علي خدها تمسح في ادموعها
عبدالله...يدف في الباب ردي طووووووط ردي ردي ردي
فرح...مسكت شيشه الكلور كبت منها فم الباب عزقت الشيشه علي الوطى
عبدالله...يشم في بنه الكلور فاحت فرررررح افتحيييي
فرح...ردت قعمزت علي الحوض السباحه
عبدالله...عارفك تسمعي في
فرح...تمسح في دموعها
عبدالله...يدف في الباب افتحيييي كيف شربتي لكلور يافرررح ردي علي بس خبط كراعه علي الكْمباسه خبط مره ثانيه انكسرت خشش يده للمفتاح فتح الباب وطلع يده
فرح...تشوفله
عبدالله...دف الباب شاف ل فرح تنهد قرب كرها من يدها وطلعها من الحمام
فرح...ساااكته
عبدالله...خبط الباب بكراعه في شن اديري انتي اه تبي تنتحري كيف مادارت ابتسام
فرح...حضناته
عبدالله...تنهد خفت تقعدي شربتي لكلور
فرح...معش تفتحلي موضوع العيال
عبدالله...زاد حضنها
فرح...هكي نحنا حياتنا سمحه انت اوليدي وراجلي وحبيبي وكل دنيتي
عبدالله...ربي مايحرمني منك
فرح...ولامنك يحرمني انا ماكنت نحكي مع امينه علي
عبدالله...قاطعها اششششش خلاص ويحا صكري علي الموضوع
فرح...انا م نضناش خليها في بالك
عبدالله...شفلها
فرح...عشان م تحس بالذنب
عبدالله...اتحبيني
فرح...تبكي لالا
عبدالله...كشر كيف
فرح...ندمنك
عبدالله...يمسح في دموعها خلاص معش تبكي
فرح....خفت نموت
عبدالله...ماسمعت شي اوكي يمسح في دموعها
فرح...تبي اعيال
عبدالله...كان خاطري
فرح...خلينا انتبنو راهم الهل اللي يربو مش اللي يضنو
عبدالله...مش توا
فرح...يعني خشت في راسك الفكره
عبدالله...نشوف مع الوقت
فرح..ردت حضناته ناخذو ابنيه و اوليد نربوهم احسن تربيه يقولولنا بابا وماما مش حنقصرو معاهم في شي اللي تبيها حاضر مني بس موضوع الفراق واني نبعد عنك هذا طلعه من بالك
عبدالله...باهي قتلك
فرح...شن
عبدالله...قاعده محلوه
فرح...بحالتي هذي
عبدالله...حتي بحالتك هذي زمر
فرح...هههه عارفتك تجامل فيا دفاته نمشي نرفع لكلور
عبدالله...لانرفعك انا قرب رفعها
فرح...لكلور
عبدالله...خش لدار ماسمعت شي صكر الباب نزلها
فرح...شكلي شين اعيوووني
عبدالله...قرب باسها علي فمها بعد سماحتي
فرح...ردت بساته مش اسمح منك
عبدالله...طفي الضي وراحو في العسل الباقي......#مشفر
#نورهان✍
مجدي...راسه علي كرعين ابتسام
ابتسام...تمشي في يدها علي شعره
مجدي...يشوفلها
ابتسام...ههههه شن فيه ربكتني من بدري تشوفلي
مجدي...مانملش منك
ابتسام...مسكت خشمه لابلكي تمل
عينككك
مجدي...مسك يدها يبوس فيها بيسو
ابتسام...قلبها
مجدي...خلاص
ابتسام...لااحكي اجوووودي
مجدي...انحبك
ابتسام...لامش هذي
مجدي...ههههه ميل راسه علي بطنها يبوس فيها امتي تطلع
ابتسام...شن يعني
مجدي...طولت
ابتسام...ههههه توا تطلع وتشبع منها قول شن يطلعها من توا خايفه
مجدي...لام نشبعش منها ولا من امها شن انديرلك عشان نمنع خوفك
ابتسام...ياعمري انت
مجدي...شن يمشي الأيام هذين
ابتسام...سندت راسها علي السرير صاح
مجدي...شن اللي صاح
ابتسام...صكرت اعيونها نزلت يدها علي رقبته
مجدي...رفع راسه روحي عدل قعدته يده علي رقبتها في نبض رفع الورغان عدل قعدتها
غطاها يشوفلها بيسو ياروح ردت عليها النوبه خذا تلفونه وطلع لصاله رن ع احمد بعد ثاني مكالمه
احمد...بصوت ناعس الووو
مجدي..راقد احميده
احمد....امممم انشالله خير
مجدي...باهي شن صار
احمد...في شن
مجدي...الدكتور
احمد...مازال م رد عليا
مجدي...امتيييي يرد
احمد...وسع بالك بومجيد اليوم كيف علمنا
مجدي..اسكنله عادي اديرها وهيا حامل
احمد..تحكي جديات اكيد مستحيل
مجدي...مشعارف مشعارف بس هيا الايام اللي فاتن نقعد نحكي معاها في موضوع وهيا تحكي في مواضيع اقدم بكل وباديه تنسا بس مانحساب عندها ورم توا بعد نحكي معاها نلقاها راقده
احمد....بلكي كثرت عليها وهيا نعسانه
مجدي...احمممممد
احمد...هههههه والله خير انشالله
مجدي...احكي معاه ورد عليا ضروري م بكرا يرد عليا
احمد...تمام يانصي علي خير
مجدي...وانت من اهله صكر رد لدار خش لسرير بيسو
ابتسام...افتحت اعيونها اممم
مجدي...اكويسه انتي
ابتسام...كنك حبيبي راقده
مجدي...ياروحي انا تعالي
ابتسام...وين
مجدي...في حضني
ابتسام...ابتسمت ياقلبي جت رقدت علي صدره
مجدي...نوم العوافي
ابتسام...اممم
مجدي...يده علي راسها
ابتسام...راحت في نوم عمييييق
#نورهان✍
هناء...خلاص باهي شوف الساعه كممممم
ادم...باهي ديري جو سقمي شعرك
هناء....قربت الكاميره تشوف لشعرها كنه شتشوته
ادم....جو قلق ارنوبه وشتشوته
هناء...تموت فيها
ادم...ماننكرش
هناء...ماحتتعود تشوفه واقع قدامك شكلي هذا
ادم...هههههه حلوه الصراحه
هناء...ههههه والله مش خير
ادم...بكل نحبك بكل حلاتك
هناء...حتي وانت كذاب وبلعوط بس نجك لي ونعلي منك
ادم...هههه هناااااء
هناء...عيونها ضحكتها نين يبانن سنونها
ادم...هههههه واااااو شن فيه جو حني
هناء...ههههههه شن رايك في التركيبه
ادم...مودره عنشكلك
هناء...وشكلك تبي شي ياحوبي
ادم...نبيك تبي تصكري
هناء...انشالله
ادم...بالجو هكي مازال بدري
هناء...من عمرك ياعمري نعسانه بكل
ادم...تبي اديريلي الجو هذا بعدين
هناء...وين بعدين
ادم...نعسانه ونبي نرقد
هناء...شن اندير لصقه علي اعيوني عشان نقعد واعيه ونجاملك
ادم...هههه هناءءءء
هناء...نعم ياقلبي
ادم...توا نعرف كيف انطيره نومك بعد تكوني بين ايدي
هناء..كيف يعني
ادم...نشرحلك بس نخشو علي الجو ال
هناء...النزيك لاحوبي مانبي نسمع شي
ادم...خليني نفهمك
هناء...نبيش
ادم...نونا
هناء...تبي تحكي في حاجات سخيفه صاح
ادم...ههههه وااااو حلالك انا
هناء...نبييش دومي خلاص
ادم...خلاص راكي تبكي بس ياساتر وجها تغير وخربت
هناء...خليني نجيك كتوسه مغمضه
ادم...انحبك باهي
هناء...نموت فيك انا
ادم...تخيلي ماتموتي في نقتلك ياارنوبتي
هناء...ههههه تصبح علي خير
ادم...انتي الخير
هناء...شيرتله
ادم...رفع يده وصكر
هناء...حطت التلفون جنبها نزلت راسها علي المخده تفكر كيف بتكون حياتها مع ادم وكيف حتعيش معاه
#نورهان✍
رزان...فتحت اعيونها والتفتت حبيبي
وسام...امممم وعيتي حبيبي
رزان...فيش ادير ليش واعي لتوا
وسام...نحكي مع صاحبي مسنجر
رزان...كرت التلفون
وسام...فاتح ايديه يشوفلها
رزان...تهسترت تفتش في التلفون
وسام...حط ايديه علي بعضهن وساند راسه علي السرير يشوفلها
رزان...تقرا في الرسائل
وسام...والله م نخون فيك
رزان...عزقت التلفون جنبها خوذه
وسام...تأكدتي
رزان...اعصابي تلفات
وسام...مستحيل انكرر نفس الغلطه
رزان...عشان تنسى حاجه اسمها رزان حطت راسها علي المخده
وسام....شوفيلي باه عليش عطيتيني بظهرك
رزان....صكرت اعيونها نعسانه
وسام...نحكي معاك انا
رزان...نعسانه حبيبي
وسام...يبي يحكي رن تلفونه
رزان...التفتت شفتله
وسام...خذا التلفون
رزان..من
وسام...هز براسه رقم غريب
رزان...افتح السبيكر
وسام...مش لدرجه رزااااان
رزان...كرت التلفون فتحت الخط فتحت السبيكر
وسام...رقيتله الووو
المتصل...افندي وسام انشالله م نكونو وعيناك
وسام...تفضل واعي من انت صكر السبيكر
المتصل..معقوله مش حافظ رقمي فيها حق انا عادل
وسام....اووو بورفيق رقمك في التلفون الأخر والله
رزان....تنهدت تشوفله
وسام....معاك تمام انشالله بينا الوو لا عادي ولايهمك تمام تمام وانت بخير اوكي صكر وحط التلفون علي الكوميدينا شاف ل رزان بدون م يحكي رفع الورغان وصبى
رزان...وين حبيبي
وسام...عندي تحقيق دزو علي
رزان...لالا
وسام...شن اللي لالا
رزان...رفعت الورغان صبت قربت منه تشوفله
وسام...كنك
رزان...حضناته خليك معايا
وسام....مش حنطول توعي الصبح تلقيني راقد جنبك
رزان...تؤ خليك حبيبي
وسام....يبوني ضروري ياعمري
رزان...اين اهم انا ولا هما
وسام...انتي اكيد
رزان...تعال امعايا مسكت يده تمشي
وسام...يمشي معاها لوين
رزان...اقفل تلفونك تعال ارقد معايا
وسام....م نقدرش
رزان...انت نعسان
وسام...عادي قالي فيه تحقيق مهم ضروري م تجي
رزان...فكت يدها عدي حبيبي رفعت لورغان خشت في السرير
وسام...زعلتي
رزان..غطت وجها بالورغان لالا
وسام...قرب رفع الورغان لا
رزان...تكر في الورغان عدي
وسام...تبكي
رزان...معش حكت
وسام...احكيلي شن فيه مسك يدها تقعدي
رزان...مطبسه تمسح في ادموعها
وسام...عليش تبكي والله شفتي بروحك رنو هما
رزان...هزت براسها
وسام...لااااا ياعمري قعمز جنبها حضنها مانبيش نمشي وانا مشغول
رزان...خليك معايا انا نفسيتي تعبانه ماتسألني انا بروحي مشعارفه شن اللي قاعد ايسير معايا
وسام...تحسابي وئام اللي تكلم صاح
رزان...بعدت نقتلك فهمت انا معش عندي طاقه حتي اني اناقش في موضوع ست وئام
وسام...يمسح في ادموعها ليش كريتي مني التلفون اه
رزان...غرت انت ليا انا مش لحد
وسام...قرب باسها علي خدها وانا لك
رزان....محلاك تكون لغيري
وسام...ههههه رد حضنها ربي يخليك ليا
رزان...خليك انا انا مكسوفه منكككك
وسام..عليش
رزان...ع كرت التلفون وهكي
وسام...غيره غيره هذي
رزان...مش زعلان
وسام...لا باسها علي فمها نجيلي الغيور
رزان...ماشي
وسام...اها
رزان...امتي مروح
وسام...ثمانيه هكي
رزان...واجد
وسام...الله غالب هذا شغلي
رزان...رفعت الورغان
وسام...وين
رزان...انديرلك حليب
وسام...لاحبيبي تريحي توا اندير قهوه علي السريع ونخذها في مق حراري وطالع ارقدي
رزان...قهوه قهوه قهوه لالا صبت
وسام...تريحي
رزان...راحتي تكون متريح مش تحرق كبدك بالدخان وقهوه
وسام...خايفه عليا
رزان...حطت يدها علي بطنها اا
وسام...ليه
رزان... ولدك مشاغب
وسام...خليه نبيه هك اناااعلي منه
رزان...ههههه نغسل وجهي ونديرلك حاجه تاكلها
وسام...مانبيش
رزان...اشششش خلاص لاتبي طلعت مالدار
وسام...فتح الدولاب يطلع في دبش بدا يلبس
#نورهان✍
هنيه...عمري رقدت
إسلام...لاحبيبي واعي
هنيه...جوي خارب
إسلام...رفع راسه شن فيه تقعد كنك هنيوا تحسي بشي
هنيه...تؤتؤ
إسلام...شن حاسه
هنيه...سرحانه
إسلام...الووو
هنيه...ابتسمت نعم
إسلام...شن في
هنيه...امرايفه عليك
إسلام... ههههه
هنيه...ايديها علي وجها
إسلام...ههههه لاااا يوخر في ايديها
هنيه...شفتله حرجتني حبيبي
إسلام...غمزلها من ناحيه شن الرياف
هنيه...حبيبي
إسلام...لانحكي جديات انتي اللي تبعدي في
هنيه...نقولك علي شي بس توا ترقالك وتقول لا
إسلام...كشر رفع حاجبه شن داسه علي
هنيه...شفت خلاااص
إسلام...مسك يدها شن في
هنيه...رفعت يدها نزلت حاجبه ابتسم
إسلام....ههههه
هنيه..هكي انت كبيدتي
إسلام...لاجديات شن فيه
هنيه...صكرت اعيونها مالاخر بكرا بايته في المزرعه
إسلام...مالاخر اخري
هنيه...ههههه حبيبي
إسلام...اسمحيلي لا
هنيه...كشرت شفت
إسلام...كان هنت عليك نرقد بروحي باتي
هنيه...جيت علي الوتر الحساس
إسلام...مراتي ووليدي مايباتو بعيد عني
هنيه...يومين بس حبيبي مرايفه علي القعده غادي
إسلام...حتي نص يوم مانقدرش هنيوا
هنيه...حتي خالتي وايه بايتات
إسلام...مش شوري انا
هنيه...حتي فرح
إسلام...مش شوري بحد انا
هنيه..نبي نبات
إسلام...نرقد بروحي
هنيه...حتي ترايف عليا
إسلام...حتي تنزلي ل امي نص ساعه نرايف عليك يابال في المزرعه اطلبي حاجه اخري حبيبي الا هذي خايف عليك
هنيه...علي شنو
إسلام...انتي حامل
هنيه...اها اوكي فهمت عدلت المخده تصبح علي خير حطت راسها علي المخده عطاته بظهرها
إسلام...هنيواااا
هنيه...نبي نرقد لوسمحت
إسلام...قرب باسها في خدها رقد جنبها ارفعي راسك
هنيه...شن تبي فيه
إسلام...حط يده تحت راسها يده الثانيه علي بطنها خايف عليكم
هنيه...بعد ماتلصقش فيا
إسلام...لاخر نفس فيا وانا لاصق فيك شن تحكي انتي
هنيه...انت خايف عليه مش عليا
إسلام....لا انتو لاثنين
هنيه...لالا هوا
إسلام...ماانتي اللي حامل
هنيه...خليني نبات
إسلام...لا
هنيه...معناها رقدت زعلانه
إسلام...نعضك في وذنك
هنيه...هئه
إسلام...معناها اسكتي
هنيه....باهي يدك علي بطني
إسلام...حاضن عليه
هنيه...مش طايره خففها
إسلام...اششش حبيبي نعسان وراي شغل
هنيه...يعني انا شيطانه
إسلام...بكل
هنيه...التفتت شوره
إسلام...ابتسم مواضيع
هنيه...هههه يدها علي اللحيه حبيبي
إسلام...مصكر اعيونه
هنيه...توا رقدت يعني م كنت جن تحكي
إسلام...فتح وحده من اعيونه صكرها
هنيه....هههههه شفتك باهي حبيبي
إسلام...لا قلت
هنيه...تبوس فيه حبيبي قول باهي
إسلام...هنيواااا
هنيه...اممممم نبوس فيك شن دخلك حلالي خليك راقد
إسلام...يبتسم
هنيه...تبوس فيه قولي باهي هياااا
إسلام...لو نوعى نعلقها صباحي تحملي اللي يجيك
هنيه...قولي باهي نوقف
إسلام...لاااا قلت
هنيه....تبوس فيه هيا حبيبي
إسلام...فتح اعيونه
هنيه...نبصر حقالله
إسلام...تبصري توا جا فوقها
هنيه...حامل حبيبي
إسلام...وكان
هنيه...عارف من الصبح مسكتني ليه وووه عليا
إسلام...صاح ماقلتيها ليا نزل يبوس فيها
هنيه...قولي باهي
إسلام...طفي الوناسه
هنيه...ماتلمسني نين تقولي باااهي
إسلام...هه نزل يبوس فيها وراحو لاثنين في عالم الحب.....#مشفر
#نورهان✍
وسام...تبي شي حبي
رزان..نبيك
وسام...حاضنها ويمشي وعد مش حنطول
رزان...قريب الفجر خليك
وسام...والله تحقيق مهم لو كان مش مهم نقعد
رزان...حتي كان مريضه تسيبني
وسام...اكيد لا ماتهونيش علي
رزان...لبستك سمحه
وسام...عندي ذوق يعني
رزان...كان م عندك ماطحت فيا
وسام...ههههه اوووو ياثقه
رزان...خبطاته اكيد
وسام...ياريتني طحت من زمان
رزان...نجك لي
وسام...فتح الكنداره طلع الكندره
رزان...انسيت المق انجيبه ونجي
وسام...باهي
رزان...خشت للكوجينه خذت المق وطلعت هذي اقهيوتك حبيبي
وسام...قرب باسها علي راسها ربي مايحرمني من حنيتك
رزان...عينك من روحك
وسام...مخليها معاك عينك منها فتح الباب
رزان...صوتها مخنوق انحبك وسام
وسام...التفت حبي
رزان...تمسح في ادموعها ماطولش عليا
وسام...صكر الباب كنك حبيبي
رزان..هكي بروحي مشعارفه شن صارلي فجأة نبيك معايا
وسام...تحسي في حاجه
رزان...هئه
وسام...حضنها خوفتيني عليش البكاء
رزان...بروحي مخنوقه
وسام...اشششش خلاص ياقلبي
الباب..طق طق
رزان...بعدت تمسح في ادموعها من جاي في الوقت هذا
وسام...خشي جوا
رزان...قول من
وسام...مش من صنعتنا نقولو من نفتحو طول
رزان...حبيبي
وسام...خشي بس
رزان...خشت للكوجينه
وسام...فتح الباب احمد
احمد...رن عليا مجدي طير نومتي معش جاني نوم طلعت من حوشنا وجيت لشقه وانا خاش سمعت صوتك شكلك طالع
وسام...اها عندي تحقيق
احمد...توا
وسام...مهم اخري
احمد..ريي يساعدك
وسام...اجمعين
احمد...مشي لشقته علي خير
وسام...وانت بخير رد رزان
رزان...جيتك جت نعم
وسام...طالع ياقلبي عينك من روحك
رزان...في أمان الله
وسام...طلع وصكر الباب وطول لسياره ولعها وطول للمركز
رزان...ردت لدار خشت في السرير رقدت جيه وسام
#نورهان✍
صباح يوم جديد تحديدا ساعه 9:30
مجدي...يتكسل التفت جنبه مالقي ابتسام كيف صار بيسو واعيه مسك تلفونه يشوف لساعه مازال بدري عليش واعيه صبي من السرير فتح باب الدار بيسو وتيلي دبش ندوش فتح باب الحمام وقف...........#يتبع
اسفه لو في لخبطه في الأسماء
#انتظروووني في الحلقه واحد واربعون
Ñř Ŕóhá✍
