#جبرني_الوقت⏳
#الحلقه_الثامنه_والثلاثون
بقلمي✍ #نورهان
➴
كُره عظيم للساعات والدقائق وحتى الثواني التي تمضي بدونك..💔🩹
عايشه...انشالله خير بدر
بدر...يامسكينه اليوم ابراهيم قاري فاتحه لروحه
الكل......فاتحه
اروي...اعزقت التلفون فاتحته منو
زينه...عمي ابراهيم
اروي...مستحيل عمتي نواره تخليه
بدر...والله الأسبوع اللي فات حكالي انا يبي يمشي يطلب عارضته قتله تحشم علي وجهك ياراجل كبير مفروض تفكر في اعيالك قالي انا بروحي مش عايش حياتي بعدها نواره هيا اللي حولتني مالمزرعه حوش المزرعه كبير اوواسع قالي قلت نبي نرد لحوش المزرعه ونقرب من امي قيلتله مش ماشيه معاك رد بروحك في واحد بعقله يسيب البلاد ويمشي يعيش فالمزرعه قالي قلتلها توا انجيب من يعيش فيها مشي خطب توا قالي خليها في البلاد انجيب من تقعد فيها المزرعه انا عارضته ماشي واخذ اصحابه وخالي منصف وقال الخميس انجيبها
عايشه...اكيد اتبصر علينا
بدر...والله هذا اللي صار هكي حكالي
عايشه...ونواره
بدر...في حوشها
اروي...مش حتسكت عمتي نواره ازعما عندها العلم
بدر...مانضنيش عندها العلم
زينه...يعني حنعيشو اكشن الخميس
عايشه...عيب تحشمي مهما كان نواره ماشيفين منها الا كل خير
روان...فيها الوعره
اروي..صاح
عايشه...خلاص انهن
اروي...صدقت روان حتي حني ماتريح الا عندنا تقول بعد نمشيلهم تخطر عليها العرايك والمشاكل هيا و ابراهيم قدامي نقعد علي اعصابي نين انروح لحويشي
عايشه...خلاص اروي قلت مهما كان مدرعن شن دسلكن الوقت مازالتن في اول عمركن ماتشمتن في حد
روان...والله ياامي اديري كل شي بأصلك ماحد يقدر ايجي شورك وتقعدي معززه مكرمه
عايشه...خلاص قلت لاحول ولا قوه الا بالله
بدر...مدرعن امي بعد تعلمها شن ادير
عايشه...اكيد حتزعل مهما كان
زينه...ماتفرح الا فرحان عليش حتزعل حني
بدر...يشوف لتيلفزيون خافن حتي علي بوكن
عايشه...شفتله
بدر...شفلها ماسك الضحكه نبي اعيال عندي رزق وخايف عليه نبي من يورثه من بعدي
روان...صبت امسكت اشدوقه ربي عطاك نحنا بس وربي يطوللنا بعمرك
زينه...ادغدغ في كرعيه من تبي اتجيبلنا قلت اه
بدر...هههههه حولي يابت
زينه...وين بتلاقي كيف امي اه وييييين
بدر...هههههه ياعايشه حولي بناتك
عايشه...تضحك حولن خلني نحكي مع بوكن
اروي...الله غالب ربي ماعطانا اعيال كنا جايبن اعيال خالتي بعد اكبرو عدو لأمهم بعدها ياباتي نحنا اللي نخشوك لجنه
روان...ههههه اكيد كان جبت اعيال تلقي حوشك منظم ومرتب وبنته سمحه كيف يلقوك راقد يغطوك كان تنزل للمزرعه يلحقوك جيبين لك حاجه تاكلها يفقدوك اه
بدر...يشوف ل عايشه لاوالله انتن عندي بالدنيا ومافيها والله مانبدلها امكن
عايشه...ماحكيتها إلا وهيا في بالك
بدر...هههه غمزلها قلت مستحيل انجيب عليك ضره
عايشه...عادي راهو انا غير ماتجيش تسكن معايا من حقك تزوج وتجيب اعيال يورثوك
بدر...بناتي قعدات
عايشه...انا نوضحلك بس لوتفكر فيها عادي مش حنمنعك
بدر...كنك تقول تعزمي عليا بالغصب قلت مانبدلك انتي ام بناتي شن تحكي
البنات....ههههههه
اروي...حسيتها امي تعزم بأصرار
حني صالحه...خشت حاطه يدها علي اعيونها مازالتو واعيين
اروي...حنينتي سمعتي باتي شن كان يحكي
حني صالحه...جت قعمزت فيش كنت تحكي
بدر...ياامي من حقي نزوج
حني صالحه...حقك كيف يعني
بدر....يعني انجيب وحده اتساعدك
حني صالحه...اول حاجه انشالله من القوه للحفره لانجدا لانتردا في يوم علي حد
الكل...بعد عمر طويل
حني صالحه...قصدك اتجيب ضره علي عويشه
عايشه...اها عمتي عادي انا راضيه
حني صالحه...خبطاته بالعكوز نقص صدري اللي رضعت منه كان جا اليوم هذا وانا حيه امشي وين تلقي كيف عويشه ماسكتك وماسكه امك
البنات....هههههههه
اروي...ربي يطوللنا بعمرك ياحني
عايشه...عادي ياعمتي
حني صالحه...لالالالا ماعادي
بدر...شن اندير انا نبي نطلع فرحي مع ابراهيم
حني صالحه...فرح ايش دوته فرح يوسف
بدر...فرحه بروحه ابراهيم
حني صالحه...ارهومه
بدر...اها والله كيف مانحكيلك
حني صالحه...كلمه لي
بدر....قال نبي اعيال ماعيال
حني صالحه...بعد العمر هذا سلم اعويلته
بدر...اها عادي شن فيها
حني صالحه...خبطاته بالعكوز ماتبوش اتكونو جيش اعيال
البنات...هههههههه
حني صالحه....كلمه لي
بدر...ليل
روان....شن اديري ياحني حتمنعيه
حني صالحه...اها اللي كيفه يفكر يزوز اعياله
بدر...بكرا توا يجيك توا ليل
#نورهان✍
خليفه...يتفرج علي التيلفزيون
سعده...اتفرج معاه
حنان...امي شكله جا صوت الباب
سعده...بسومه وين
حنان...في الدار الضيوف قالت دايخه
سعده...بكت واجد
حنان...ربي يهدي الوضع بينهم
احمد...خش السلام عليكم
الكل...وعليكم السلام
حنان...انت فكرتك مجدي
احمد...اهو وراي
خليفه...شافله وين كنت
احمد...كنا في كافي مع بعضنا
مجدي...خش ماسك التلفون راقيله السلام عليكم
الكل...وعليكم السلام
ابتسام...تقعدت تسمع في اصوتهم وكلها ترعش
خليفه...قعمز
مجدي...قعمز شن صار معاكم
خليفه...مشينا ل عمران
مجدي...اكويس باهي
ابتسام...تسمع في صوت مجدي قلبها يبي يطلع من مكانه ياربي
خليفه...بكرا ماشيين للمحكمه
احمد...عليش المحكمه
مجدي...راجي احميده شاف ل خليفه عليش المحكمه
خليفه...ننهو هالقصه طلعت علينا ابتسام قالت انا ولدكم معش نبيه ومعش حد يجي يردني بكرا نتلاقو في المحكمه
مجدي...فهموني محكمه عليييش
سعده...تبي الطلاق بسومه
حنان...حتي بعد حكيت معاها قالت راني اندير حاجه في روحي معش حد يجبرني عليه مجدي
خليفه...اعيونه علي التيلفزيون ماقالت الا الصادقه
مجدي...لامحكمه لانم ومعش حد يدخل فينا حتي اللي يدخل يخرب امها
احمد...مجديييييييي
خليفه...احترم نفسك
مجدي...ايديه يرعشو انتو شن حكيتو معاها نين قالت معش اتجوني
سعده...حتي حاجه ياوليدي قالت معش حد يجبرني علي اني انرد عليه شن خطرله بعد الشهور هذين توا يبي يردني
مجدي...باتي كان حطيتها في يده يمشي اطلقني منها من ايام الفاتحه وهوا رافضها
ابتسام...يدها علي فمها مصدومه تسمع في كلامه
خليفه...هذا كلامك
مجدي...اها
خليفه...عدي لدار الضيوف امك حطتلك حاجتك كلها فيها خوذها وجهك هنا معش انشوفه
مجدي...يعني مادرتوش حل مشيتكم كي جيتكم
خليفه...ماعندناش لك حل هيا ملينا ونحنا نمشو ونجو وراكم مانش لعبه عندكم
مجدي...تمام صبي
خليفه...قبل ماتطلع خوذ حاجتك وجهك معش نبي انشوفه
احمد...ياباتي كلشي وله حل ابتسام كان هكي نحكي معاها انا مش حتردني
مجدي...معش حد يدخل في امي
احمد...ياراجل غير ارجى بس
مجدي...امي
سعده...تضحك هاامي
مجدي...لاخبر يضحك اصلا لميتي حاجتي كلها
سعده...كلها
مجدي...اقعدو في امها طلع وخش لدار الضيوف خبط اكراعه علي الباب عن طوووط
ابتسام...صبت ترعش
مجدي...ولع الضي وي شاف ل ابتسام وخر
ابتسام...ابتسمت حاجتك هيا انا
مجدي...بيسو قرب
ابتسام...توخر
مجدي...كرها وحضنها نجك لي نجككككك ليييي
ابتسام...ااااي ارخي ايديك توجع فيا
مجدي...اريااااف ياروح
ابتسام...شفتله شن الأسلوب اللي تحكي فيه مع باتك
مجدي...يبو يبعدوني عنك
ابتسام...حسن اسلوبك مهما كان
مجدي...حاضر حااااااضر من يوم وغادي اسلوبي حيتغير مع الكل بعد وريني
ابتسام...شن
مجدي...طبس ايديه علي بطنها ياروحي كيف حرمتيني من اني انشوف بنتي وهيا تكبر في بطنك
ابتسام...تمسح في ادموعها بعد مجدي
مجدي...سامحيني
ابتسام...ايديها علي كتوف مجدي قتلك بعد بعد انااا
مجدي...شفلها خلاص اششش معش تبكي
ابتسام...منك
مجدي...حضنها سامحيني ياشدوقي
ابتسام...مش قادره ننسا مش قادره
مجدي...حنسيك خلاص معش تبكي
ابتسام...مستحيل ننسا الايام اللي عشتهن
مجدي...حنسيك وعد
احمد...كنه معش طلع هذا
حنان...ابتسام في الدار الضيوف
احمد...الله
حنان...حقالله
احمد...امي باتي
خليفه....خليه يتأدب
احمد...ههههه والله فيكم الخير ويسير منكم في الدراما بس شكيت في امي من عند ضحكتها
سعده...حركاته كيف العيل الصغير بعد تاخذ منه حاجته
احمد...وينككككك يامجدي
مجدي...حاضن ابتسام مش جااااي
ابتسام...عيب خلينا نمشو غادي
مجدي...اي غادي هيا لشقتنا
ابتسام...طبست خذت خيمارها صكرت اعيونها مسكت في مجدي
مجدي....كنك ياروح
ابتسام...فتحت اعيونها وتنهدت كنيش ابتسمت هيا
مجدي...هيا مسك يدها
ابتسام...عيب بعد يدك
مجدي...ضغط علي يدها حلالي
ابتسام...بوس يد وراس باتك وامك عيب اسلوبك معاهم لولاهم مش ماسك يدي هكي
مجدي...اااااه ياالروح حاضر
احمد...هههه قال مش جاي
مجدي..خش لدار فكني من القرمه
احمد...اوووو هههههه خير ابتسام
ابتسام...تفك في يدها من مجدي عشان تسلم
مجدي...واقف وضاغط علي يدها
احمد...حتي تسلمي بالحواجب يمشي الحال طحتي في الحصله ياابتسام
حنان...ههههههه
سعده...هههههه
مجدي...مافيش داعي اتسلم
ابتسام...تفك في يدها يدييي
خليفه...يشوفلهم ويرد يشوف لتيلفزيون يبتسم
ابتسام...من بعد جهد جهيد فكت يدها رفعتها اتشوف فيها شفلته مجدي
مجدي...تبو شي
خليفه...زعلها مره اخري اندير ورقه بينا لاولدي لانعرفك
مجدي..لاانشاءالله توووووبه
احمد&حنان...ههههههههه
احمد...اكويس تأدبت
مجدي....مش غير تأدبت مشى ل خليفه باس يده وراسه سامحني باتي
خليفه...مسامح مسامح
مجدي...امي طبس باس يدها وراسها سامحيني امي
سعده...ربي يسعدكم ويهنيكم
احمد...مافيش انا
مجدي...احلم
احمد...ههههه
خليفه...عينك منها يامجدي
مجدي...حاضر
طلعو ابتسام ومجدي من بعد ماسلمت عليهم ركبت في السياره تشوف لحوش هلها
مجدي...نورتيني ياروح
ابتسام...يدها علي راسها بنورك
مجدي...يسوق وماسك يد ابتسام حبيبي مسامحتني
ابتسام...اها مسامحتك مافيش حاجه تستاهل نزعل عليها
مجدي...قولي والله مسامحتك يامجدي
ابتسام...كان مش مسامحتك مش جنبك توا
مجدي...نبي ندهور بيك قبل
ابتسام...لاخوذني لشقه مرايفه علي رزان
مجدي...ماامس كانت عندك
ابتسام...شن عرفك
مجدي...قالها ليا وسام
ابتسام...اها صاح مااصلا انا قريبه بكل من رزان مانشبعش منها
مجدي...نجك لي يبوس في ايدها تنهد ااااه ياحبيبي كيف مشن الأيام بلاك
ابتسام...ادموعها ينزلن بدون صوت وجعتها روحها
#نورهان✍
وسام...قاعد بعيد من العماره بمسافه في السياره يحكي بالتلفون
رزان...تصكر في الروشن شافت وسام قاعد في السياره اااا كيف صار مش قالي نص ساعه ونجي مع من يحكي وليش مبعد السياره من العماره خلت الروشن كيف ماهوا عشان ماينتبه وخشت لدار خذت تلفونها وطلعت لصاله مشت لروشن ورنت علي وسام محول خدمه الأنتظار ياوسام مشغووول مع من دزتله رساله... (حبيبي نتصل بيك مايعلقش الخط كلمني)...تم الأستلام تشوف في وسام بعد التلفون من وذنه
وسام...شاف الرساله توا نحكو بعدين باي باي
رزان...مطفيه الضي وتشوف من الروشن صكرت توا ياوسام تشوف لتلفونها اللي رن بعدت من الروشن فتحت الخط الووو حبيبي
وسام...معاك ياعمري
رزان...حبيبي وين قاعد
وسام...تبي شي
رزان...لانبيك اتجيب معاك فراوله خاطري فيها شكلك مازالت في الطريق
وسام...اها في الطريق حبيبي خلاص تمام تبي شي اخري
رزان...فتحت اعيونها لا نبيك اتجي بسرعه رايفت عليك
وسام...ههه نجك لي حاضر حبي وتيلي روحك ليله صباحي
رزان...صكرت اعيونها من اعويناتي حنخليها ليله صباحي
وسام...عارفك قدها باي توا قاعد في طريق وزحمه
رزان...عينك من روحك
وسام...تمام ياقلبي باي
رزان...باي صكرت وتشوفله من الروشن شافت وسام شاف للعماره ورد يحكي بالتلفون
رزان...مع من وسام تبكي مننننن
تشوف من الروشن وتمسح في ادموعها وسام هايم في المكالمه
رزان...فتحت التيلفزيون علي ام بي سي دارت كتم وتشوف لسقف دموعها ينزلن من ياوسام اللي تخون فيا معاها بعد دقايق
وسام...يفتح في الباب خش للمربوعه توا انجي رزان
رزان...تمسح في ادموعها نعممم
ابتسام...خشت لصاله
رزان...شافت ل ابتسام لااا جتها تجري بيسو تبكي
ابتسام...كأنها ترجا في الحضن تبكي معاها
رزان...واخيرااا
ابتسام...تبكي خاطري مكسور زونه
رزان...لو ريتي خاطري
ابتسام...بعدت كنك زونه تمسح في ادموعها
رزان...مسحت ادموعها وردت حضنتها تنهدت اااه علي حبيبت قلبي اللي امرايفه عليها ياهوو انشالله مانفقدك بيوم
ابتسام...تحضن فيها ولا نفقدك
رزان...نورتينا مسكت في يدها تعالي
ابتسام...شن فيه
رزان...شافت ل باب وسام وينه
ابتسام...حطت الخيمار جنبها وتمسح في ادموعها خشو للمربوعه
رزان...وين تلاقيتوا
ابتسام...موقف السياره بعيد عيطله مجدي جا
رزان...هزت راسها بخيبه
ابتسام...شن فيه
رزان...بعد نكونو برواحنا نحكيلك
مجدي...ابتسام
ابتسام...صبت جاته نعم
مجدي...هيا
ابتسام...هزت راسها باهي
رزان....خليك
ابتسام...بكرا ياترقيلي ياننزلك
رزان...حضنتها رايفت عليك واخيرا جيتي بعدت
ابتسام...ابتسمت لبست خيمارها
رزان...تمشي مع ابتسام عند الباب
ابتسام...تلبس في كندرتها
رزان...خير مجدي
مجدي...خير رزان شخبارك
رزان...تمام الحمد لله انساتك بيسو
مجدي...ابتسم الله يانسك
وسام...ماسك التلفون ويمشي
رزان...شفتله باي تصبحو علي خير
مجدي&ابتسام...وانتي من اهله
وسام...صكر التلفون بدري
مجدي...من عمرك مسك في يد ابتسام ويده الثانيه حاطها في جيبه يرقو
رزان...تشوفلهم
وسام...خشي يشوفك حد وهوا نازل
رزان...خشت وصكرت الباب تبكي
وسام...وراها كنك حبيبي
رزان...كنيش فرحانه علي بيسو
وسام...هههه نجك لي
رزان...جبت فراوله
وسام...خبط يده علي جبهته وووووه انسيتها بكل
رزان...هه عادي مش مهمه
وسام...لاطالع توا انجيبها
رزان...مش مهمه قلت
وسام...لازعلتي طالع للمحل قريب
رزان...تشوف لتلفونه اللي ماسكه
وسام....تبي حاجه اخري
رزان...هئه طولش
وسام...وتيلي دبش نجي ندوش
رزان...تمام
وسام...لبس كندرته وطلع صكر الباب وراه
رزان...تنهدت حنشوفو ياوسام
خشت قعمزت في صاله
#نورهان✍
عبدالله...راقد علي السرير حاط يده تحت راسه يشوف لسقف
فرح...التفتت بيدا
عبدالله...شفلها
فرح....امتي جيت حبيبي
عبدالله...مالياش ربع ساعه
فرح...كنه جوك شين
عبدالله....مافي شي ارقدي نبي نرقد ويحا
فرح...قربت منه كنك حبيبي احكيلي من اول ماجيت من حوش هلي وانت راقيتلك شن صاير معاك
عبدالله....مافي شي
فرح...مش امرايف عليا
عبدالله...اكيد امرايف
فرح...احكيلي شن مزعلك
عبدالله...نبي نمشي لتركيا
فرح...ليش
عبدالله....ماقتلك علي الشغل
فرح...انت تتهرب من شي عارفه انك ماتقدرش تستغني علي البيضاء روحك فيها شغلك هلك اصحابك شن خطرلك مش صكرنا علي موضوع تركيا بعد جينا من تونس وقلت لاخلاص مش ماشي
عبدالله...اها بس توا غيرت رائي
فرح...عشان لعيال صاح
عبدالله...دار وجه لجيه الثانيه لا
فرح...لاهوا الموضوع العائق في حياتنا انت تكذب عليا
عبدالله...انا نبي نمشي تبي تمشي معايا هيا ماتبي عدي لحوش هلك
فرح...مش ماشيه لحوش هلي ونسيبك انا نبيش اعيال بيدا نبيك انت
عبدالله...ويحا انا ماشي
فرح...مش حتمشي وتتهرب من الموضوع هذا ربي كاتب هكي تبي اتعارضه لوتبي اعيال نمشو نتبنو اعيال عشان ماتحس بالنقص بس ماتحرمني من لمه هلي ونتغرب عنهم عشان الموضوع هذا لو مشينا لأخر الدنيا مش حيكون عندنا اعيال خلاص تقبل الموضوع علي اساس تركيا اتنسيك اكيد لا كل ماحتشوف وحدين مسكين اعيالهم حتتألم تعود انا بنتك وانت اوليدي ربي كتب مانعيشو الشعور هذا حتي انا عقيمه بيدا مانضناش تمام هكي وخرت ودارت وجها لجيه الثانيه عمري ماتخيلت انعيش حياتي معاك هكي بيدا ولاحيكون موضوع العيال هوا اللي حيخرب حياتنا كنت متقبلتك كيف ماانت بعيال وبلاهم تبكي لومش منك انا نبيهمش وخلي في بالك لوشن درت فيا مستحيل انسيبك حطها في قلبك قبل عقلك
عبدالله...تنهد اعوذ بالله من الشيطان قرب حط يده تحت راس فرح وحضنها ربي يدومك ليا العمر كله يافرحت اسنيني
فرح...انحبك انا
عبدالله...نموت فيك موووووت
فرح...عمرك ماتخلي موضوع العيال عائق في حياتنا حبيبي
عبدالله...يمسح في ادموعها حاضر
فرح...موضوع تركيا انساه
عبدالله...به
فرح...معش اتزعلني
عبدالله...به
فرح...خليك ديما معايا
عبدالله...به
فرح...اتحبني
عبدالله...به
فرح...التفتت شوره به به به
عبدالله...به
فرح...ههههه
عبدالله...ههههههه
فرح...تبوس فيه في فمه انحبك بال به بكل
عبدالله...صاح
فرح...اممم
عبدالله...يبوس فيها
فرح...بيدا انت كبيدت من
عبدالله....فرحت اسنيني نزل يبوس فيها..........#مشفر
مجدي....بيسو
ابتسام...قاعده في الحمام تغسل في وجها
مجدي...طقطق
ابتسام...فتحت الباب وردت تغسل في وجها
مجدي...مازالتي دايخه
ابتسام...تؤ تمسح في وجها
مجدي...تعالي
ابتسام...طفت الضي نعسانه انا
مجدي...تعالي معايا باهي
ابتسام...نبي نوعي بدري الشقه معججه وحايسه
مجدي...ماتقربي شي توا انظمها انا كلها
ابتسام...ابتسمت وخشت لدار حولت الورغان وخشت لسرير
مجدي...واقف يشوفلها عرفها مازالت زعلانه
ابتسام...شفتله وحطت راسها علي المخده
مجدي...خش في السرير تعالي عندي
ابتسام...تؤ هكي متريحه
مجدي...كرها تعااااالي عندي
ابتسام...ماسكه ضحكتها لااا
مجدي...مفروض تقعدي سمينه معقوله قربتك بيد وحده
ابتسام...راسها علي صدره مش عاجبتك قعدت اخيييي يعني
مجدي...انموت فيك بكل حالاتك
ابتسام....شفتله وردت طبست
مجدي...ياروح
ابتسام....امممم
مجدي...وين كلمه قلبها امممم طول هكي
ابتسام...شفتله ههههه خطاني مازالت شايله منك
مجدي...واللهي
ابتسام...واللهي
مجدي...باهي ياامممم بما انا حتجينا كيكه كيف امها
ابتسام...شفتله امممم
مجدي...شن حنسموها خلاص تمينا انها بنت
ابتسام...ماخاطريش في اسم سمي علي عمتي
مجدي...قالت ماحد يسمي عليا
ابتسام...ماتفرقش تطلع اكويسه مانبي شي
مجدي...معقوله ماخطركش في اسم
ابتسام...والله اجودي مسفتر راسي مافيش اسم في بالي
مجدي...هيا اتجي بأسمها
ابتسام....اكيد شافت لزيانه مالقتش العطر هه
مجدي...كنك
ابتسام...لاااا قولي
مجدي...شن نقول عمري
ابتسام...شن درت في اغيابي
مجدي...شي كل يوم يمشي بدونك كأني مش في الحياه
ابتسام...اول كذبه اللي بعدها
مجدي...هههه بيسو
ابتسام...امممم
مجدي...انحبك
ابتسام...الكذبه اللي بعدها هيااابنشوف التأليف والأخراج
مجدي...لاحول الله قعدت مكملها طلعات مع اصحابي قعدت في الشغل ناكل في المطاعم باتي محرم عليا الحوش انجي بالسرقه بعد اتكلمني امي تقولي مش جاي الا في ليل نلقاها معقبتلي الغداء مرات انجي بعد العشاء ونجي نرقد هنا
ابتسام.....شفت الدار الضيوف فيها افراش كيف احمد يجي يرقد معاك ولاجايك ضيف
مجدي...لا افراشي
ابتسام....كيف يعني
مجدي...مانرقدش في الدار النوم وانتي مش فيها
ابتسام...عينك ف عيني
مجدي...ليش ماتقعد فمي في فمك اجمل
ابتسام....مستحيل نخليك اتقرب مني
مجدي...وتوا شن
ابتسام...لاقصدي بوس واحضان وهكي يعني
مجدي....واللهي
ابتسام....صكرت اعيونها ورتخيت
مجدي...وعدتك اني معش انزعلك حبيبي وعددد توا انتي عرفتي عليش درت هذا كله مش كره فيك لا وغلاتك لكن غرت قعدت انفكر لو في يوم انتي بدلتيه بنفس المشاعر شن كان حيصير فيا انموت فهمتي بيسو نمووووت
ابتسام...فتحت اعيونها وتصكر حبيبي
مجدي...روحه
ابتسام...شن الصوت هذا
مجدي...شن بيسو مافيش صوت
ابتسام...صاح
مجدي...اها سمعتي شن حكيت
ابتسام...كنت راقده
مجدي...شفلها تبصري ولا
ابتسام...لاوالله كنت راقده من بدرررري
مجدي...ماسمعتيش الكلام اللي قلته
ابتسام...اها حبيبي كنت تحكي بعد نمشو لحوش هلك ناخذو معانا امينه
مجدي...امينه
ابتسام...اهاا حبيبي كنك
مجدي...ههههه نجك لي ياروحي نعسانه
ابتسام....امممم
مجدي...حضنها نجك لي ارقدي ياروح
رزان...اتفرج علي التيلفزيون
وسام....صكر الباب حبيبي
رزان...هناااا
وسام....قلت اكيد رقدت
رزان...وين هذا كله علي اساس المحل يلا خشمك
وسام...هههه يلا شن
رزان...خ ش م ك
وسام...هههههه امباه حتي وانتي مره مره اسلوبك فستري بس نجك لي وهذي الفراوله وهذين حلويات ومكسرات ديريلنا جو لعند مادرت دوش ونجيك ياقلبي قرب خطف بوسه من خدها
رزان...حاضر واحلا جو عمري نا
وسام...يلا شن يازازا
رزان...خشمك
وسام....يمشي هههههه وتيتي دبش
رزان...خوذ في طريقك عنديش نيه انصبي
وسام...حاضر ادللي
رزان...وسام فرحان
وسام...اها جوي سمح اليوم
رزان...شن المعني اليوم
وسام...هكي
رزان...بصراحه من اول مازوجنا ماشفت الضحكه اللي مرسومه علي فمك توا
وسام...قرب مسك اخدودها ومن مايشوفك ومايكون مريقل اه
رزان...ابتسمت نجك لي خلاص خش دير دوش ساخن غمزتله عشان نخلو ليلتنا صباحي حبي
وسام...اناااااا علي ناااا فتح باب الحمام سريع
رزان...علي اقل من مهلك علي ماجهزت الطوله
وسام...انااا علي نااا بعدها تفهمي فيه الجو
رزان...ولو طلعت من قدامه للكوجينه اختفت الأبتسامه حنشوفو من اللي تحكي معاها وسام افندي قعدت واقفه عند الطوله لعند ماسمعت صوت الدوش طلعت من الكوجينه لدار خذت تلفونه وطلعت لصاله تفتح فيه وقعمزت علي صالون خشت طول علي السجل المكالمات حاذف جميع المكالمات رسائل اقدم خشت علي المحظوره لقت رساله من رقم بدون اسم
((بيبي بعد ترقد كلمني ماشبعت منك امرايفه عليك)) ....ايديها يرعشن تعود تقرا في الرساله خذت تلفونها وكتبت الرقم في كاشف الأرقام قرت الأسم صكرت اعيونها مازالت متواصل معاها عزقت تلفونها جنبها ورنت علي الرقم من تلفون وسام
وئام...هههه والله عارفه يا بيبي ماهنتش عليك اكيد قاعد برا
رزان...ههه ولاهنتي عليا نخليك بدون ماتسمعي صوتي
وئام...انتي
رزان...ايوااا انا مراته
وئام...قصدك وسام
رزان...ايواا وسااام راجلي
وئام...مش لكي من الأولي
رزان...ولاحيكون لكي
وئام...يعني عارفه بقصتنا
رزان..لااا ولا نبي نعرف لييييش متواصله مع راجلي
وئام...والله راجلك هوا اللي تواصل معايا
رزان...بصفتك شنو
وئام...ماضيه اللي مش قادر ينساه
رزان...وانا مستقبله اللي حنمسحك
وئام...وسام من اول ماعرف اني فارقت وطلقت وهوا كل اشوي يتصل بيا يعني راجلك انتي مش ماليا عينه لو ماليتها ماشاف للماضيه انا فارقت وطلقت وعدني وسام انا يأخذني وكان يرجا في اليوم هذا
رزان...وعدك بشنو ياامي قلتي
وئام...ياخذني
رزان...ناخذك بكف لو انطقك انريشك ورب الكعبه مش عارفه مع من علقتي لو تقربي منه اندمك في حياتك مشعارفه مع من علقتي مسجاتك وتسجلات صوتك كلهن عندي مش معاك الكلام مع هلك
وئام...عادي علي قلبي زي العسل ديري مشكله ويتم وسام ليا لأنا هلي مش حيسكتو حيقولو يأخذها
رزان...قتلك تحلمي لو حيصير شي كيف هذا بمزاجي انااااا فهمتي
وئام...هههه خشي علي الخزنه ديرلها اخفاء امبدري يحكيلي عليها رسائلنا وحتي صوري فيها عشان بعد اتجي لل هلي يكون معاك كل الدلائل
رزان...ماتقوليش حافظه حتي البوسوود متاعه عاااد
وئام...هههه 20111990 ولا والخزنه تاريخ ميلادي 2521990 تلقيها دايرلها اخفاء هههههااي لو عندك كرامه عدي وعاطي الطريق لغيرك لأنه مال منك
رزان...اذكري المكالمه هذي طول عمرك
وصكرت الخط
خشت طول علي الأخفاء بس مالقتش خزنه تقلب في التلفون تهسترت برضو مافيش خزنه كميه الجبروت اللي عندها يخوف بس كانت الحاجه الوحيده ترعش
وسام...طلع من الحمام لبس كناتيره وسروال توته حاط المنشف علي ارقبته ويمشي لصاله شاف رزان قاعده في الصاله ومطبسه ماسكه التلفون في يدها
رزان...شفتله
وسام...كيف صار علي اساس اتوتي الجو يشوف لتلفونه كان هكي انديره انا
رزان...تبي جو ولو صبت التلفون عزقاته في شاشه
وسام...شن اديري انتي
رزان...مشت خذت التلفون فتحاته مازالت تشتغل هوب في الساس جا طروف
وسام...يمسك فيها كنك شن فيه
رزان...تعيط بعلو صوتها فك يدي ياحيوااااان تخون فيااااا انااااا انااااا تخون فيا خذت الأكياس تعزق فيهن هذا الجو اللي تبيه حاااضر انكرهك في حياتك ياوااطي حان للماضي معاها تستغفل فيا رزان اللي تجي قدامها تكسرها
وسام...اهدي بس
احمد....خش من برا العماره يسمع في صوت صريخ رزان قرب من الباب طقطقطق
وسام...سمعتي الجيران اسكتي
رزان...مش سااااااكته مش ساااااكته
تستغفلو فياااا تحكي معاها بالساعات وتواعد فيها تضرب فيه والله نكرهكم في حياتكم والله تعرفو رزان من انااا اديرو فيااااا هكي انااااااا
وسام...يمسك في ايديها فاهمه غلط خليني انفهمك بس
رزان...تضرب فيه اتفهمني شن دفاته ومسكت تحفه عزقتها فيه جت في راسه
وسام...يده ع راسه خلاص رزان
رزان...اللي قدامها تعزقها فيه
احمد...طقطقطقطقطق حل ياوسام
ابتسام...فتحت اعيونها شن الهرجه
مجدي...والله ماني عارف
ابتسام...حولت الورغان
مجدي...وين ماشيه
ابتسام...نشرب اميه
مجدي...راجي نمشي معاك انتي مش متوازنه ياروح انخاف اطيحي
ابتسام...اها طلعت من الدار
مجدي...الصوت في العماره طلع فتح الباب
ابتسام...من وقفت عند الباب
مجدي...توابع احمد
احمد...ها
مجدي...شن فيه
احمد...هذوم عيت وسام
ابتسام...صوت رزان طلعت
مجدي...مسكها لبسه توته خشي
احمد...اهو وسام فتح
ابتسام...رزان هذي دفت يده ونزلت تجري
شن فيه شن فيه
مجدي...رد الباب ونزل وراها يشوف في الشقق لو في حد شاف ابتسام
ابتسام...وصلت لدور الأول داهشه وسام
وسام...حاط يده علي راسه ينزف يخبط علي الباب
ابتسام...رزان دفت الباب وخشت لصاله رزان
رزان...مقعمزه علي الوطا وتبكي ابتساااام خااني خااااااني يحكي معاهااااا ليش ياخذ فياااا لو في عقله لييييش
ابتسام...قربت حضنتها اششششش خلاص خلاص
مجدي...شن فيه
وسام...يارا كبستني اني مازالت متواصل مع وئام
احمد...ضربه بكف
مجدي....ياراجل ماتحق في راسه ينزف
احمد...يستاهل وئام لو تبيك ماسيباتك ياتافه شفت لعند وين وصلتو شفت بسبب ماضي مالهش اي قيمه
وسام...معش تضرب يده علي راسه
مجدي...يرفع في يد وسام ضروري اخياطه
وسام...مش ماشي
احمد...انشالله والله مامشيت حلها عاد صكرنا باب مجدي انفتح باب وسام افندي
مجدي..خلاص احميده خش البس جاكه وهيا انخيطك
وسام...لالا مش ماشي
مجدي...ابتسام
ابتسام...بعدت من رزان توا انجيك
صبت نعم
مجدي...جبيلي جاكه توته ل وسام
ابتسام...شن فيه
مجدي...غمزلها واخذه للمستشفي
ابتسام...تمام خشت زونه نبي جاكه وسام وخذينا للمستشفي شن دايره فيه انتي
رزان...مازال اخري
ابتسام...نبي نخش لدار خشت لدار خذت جاكه توته وطلعت مجدي مدتها له
مجدي...خذاها عينك من روحك توا انجي
ابتسام...باهي طمني
مجدي...تمام
رزان...صبت وطلعت عليهم قبل ماتمشي حطني في المكان اللي جبتني منه ياعره الرجاله
ابتسام...زونه
وسام...خشي جوا خير مانبرم عليك بكف
رزان...مازال عندك وجه تحكي
احمد...خلاص رزان احسابه عندي معاك الحق في كلشي
ابتسام...م م
مجدي...خلاص رزان
رزان...مش خلاص ودوووووني ودوني توا والله انربيك ياوسام
وسام...برم يبي يضربها
ابتسام....شفتلهم وطاحت
احمد...ابتسام
مجدي...دف وسام وطبس رفعها
رزان...بيسو
مجدي...يرقى بيها فوق
رزان...ترقى وراهم بيسو
احمد...شفت لعند وين وصلتنا رقى
مجدي...دف الباب بكراعه وخش حط ابتسام علي الصالون الصاله
رزان....خشت للكوجينه خذت اميه وطلعت مجدي شربها
مجدي...راقيتله فتح الشيشه ويشرب في ابتسام
ابتسام...شافت ل رزان ودموعها ينزلن
مجدي....بيسو
ابتسام...شفتله
مجدي...يمسح في ادموعها مافي شي خلاص
رزان...قعمزت جنبها ويديها علي وجها تبكي
ابتسام....مدت يدها ل رزان خلاص زونه
احمد...مجدي
مجدي...جيتك توا انجيك بيسو صبى
احمد...شن صار
مجدي...اكويسه وعيت
احمد...تنهد باهي والله
وسام...كلملي رزان
مجدي...مش وقت كلام ياوسام رزان رقيتلها
ابتسام...تقعدت خلاص عشان خاطري
رزان...شن خلاص بيسو شن خلاص تبكي بصوت
وسام...خليني نخش بس
احمد...واالله كف
وسام...قاعده تبكي حول يدك بس
احمد...ماانت اللي خليتها تبكي هكي
وسام...نبيها تسكت بس
ابتسام...تسمع في صوتهم عالي صبت توا انجيك مشتلهم وسام
وسام...شفلها
ابتسام...قربت مجدي خوذه للمستشفي
احمد...شن تحسي روحك
ابتسام...لااكويسه
احمد...سامحينا رعشناك
ابتسام...ابتسمت عادي
مجدي...وانتن
ابتسام...قاعدين هنا لعند ماتجو
مجدي...هيا وسام
وسام...لامش ماشي
ابتسام...عشان خاطري شوف كيف ينزف حتي المناديل تعبو
وسام...نحكي معاها قبل
ابتسام...ماننصحكش توا بعد اتجو منها تهدا ونحكي معاها
وسام...راهي ترن علي هلها
احمد...هذا كل اللي شاغلك
وسام...اها مانبيش الموضوع يكبر نبي انحلها بينا
احمد...هيا باهي رعشتو الوليه سامحينا ياابتسام
ابتسام...لاوالله عادي بروحي مشعارفه شن صارلي
مجدي...باهي عاد انزلو نبي نحكي معاها
وسام....ينزل حاطه يدها علي راسه
احمد... تصبحي علي خير ابتسام
ابتسام...وانت من اهله
مجدي...لحقكم خش جوا في الشقه ورد الباب حضنها ياروح عينك من روحك
ابتسام....حبيبي خايفه
مجدي...مش شنو خايفه
ابتسام...هكي خايفه بروحي
مجدي...ماتخافيش نخيطو الجرح ونجيك طول
ابتسام...باهي طولش عليا
مجدي...خوفتيني عليك ياروح كنك
ابتسام....لايالقلب بس هكي
مجدي...ههههه خلاص توا انجيك
ابتسام....طمني
مجدي...تمام
ابتسام....راجي
مجدي...شن
ابتسام....خشت لدار خذت التلفون وطلعت كيف نتواصل معاك بدون هذا
مجدي....نجك لي خذا منها التلفون وطلع
ابتسام...حبيبي
مجدي...وقف شافلها روحه
ابتسام...عينك من روحك
مجدي...معاك
ابتسام...ابتسمت شيرتله
مجدي...شيرلها ونزل
ابتسام....صكرت الباب ومشت ل رزان
رزان...رعشتك صاح
ابتسام....بطلي ابكاء بس خفي علي عيونك
رزان...ليش الحياه هكي معانا كل اللي انتمنوه مايكونش لنا لو قعد لنا نكونو اتعس وحدين لييش
ابتسام....مسكت يدها مجبورين انعيشوها بحلوها ومرها الحياه بالله عليك يازونه تفتحي راسه من امتي قعدت عندك الروح الشريره
رزان...شفتلها كنت فاقده ويستاهل باهي اللي جاته هكي
ابتسام....احكيلي شن صار معاك لي وصلك اديري فيه هكي وشقتك اللي كسرتيها باهي ليش ماخفتي علي اللي في بطنك
رزان...وجعتني روحي ابتسااااام ليش يسير معايا هكي ليييييش انا شن دايره في حياتي
ابتسام....هذين صعاب ضروري ماتمري بيهن شوفي انا لولا الوقت اللي جبرني ماعشت اللي عشته قاعده بين نارين مجدي راجلي ويوسف ولد خالي اللي قبل تقاتلو بسببي اربع اشهور عدو من عمري بعيده علي مجدي وحوشي عشت اربع اشهور كل يوم انموت الف موته لأني بعيده عنه طلع بالنهايه يوسف حاكيله كلام مافيش راجل يقدر يتقبله رديت علي راجلي عليش
رزان...عليش
ابتسام...مشعارفه لو حنعيش ولا حنموت بعد نختفي من حياة مجدي نبي انخلي الذكره الحلوه بنتي اللي مشعارفه كيف حتعيش لو صارت فيا حاجه
رزان...اششش يابارده هرمون الحمل اثر فيك شن موت ماموت يابارده عادي حتي انا نتخيل لو انموت وانا انجيب بس نقول لاحنعيش لأني مش حنخلي حد يربي اولدي انتي من كلامك وصيتي حتي علي الكفن
ابتسام....ههههه قولك
رزان...ترفع في شعرها رقيتي عزمي بزايد عطيني تلفونك
ابتسام... عليش
رزان...نكلم باتي
ابتسام...مستحيل خالي مريض وليل يخبط في حد تاخذي ذنبه
رزان...نمص الليم لعند مايطلع الصبح كارها وجه مش طايقته نبي نمشي لحوشنااااااا افهمي
ابتسام....لامش حتمشي ملينا يارزان انا انرد انتي تمشي
رزان...انتي عاد ادبتيه حتي هنا اربع اشهور انا كان حقه وجهي مره اخري
ابتسام...لاماادبته ولا حنأدبه لأنهم هكي الرجاله
رزان...مايمشيش عليا القانون هذا
ابتسام...يدها علي راسها زونه عشاني ماتمشي للمزرعه
رزان...نقولك يحكي مع حبيبته القديمه
ابتسام...تصكر في اعيونها
رزان...من بعد الفرح بفتره يرنن عليه ارقام كملها ليا شغل شغل تحقيق تحقيق باااااهي رزان مشي صكرفمك انتي واخذه محقق كل يوم بنفس الطريقه لعند امس خلاص ختمت عليه يقعد برا واقف في الشارع امبعد من العماره محول خدمه الأنتظار عشان مانخش عليه انتظار تلفونه محضن عليه تقول جنينه اللي جايه علي شوق
ابتسام....هههههه
رزان...ههههه واللهي نحكي جديات لكن مسحت كبدييييييي اوووووههه ضربته وكسرت تلفونه وطلقت فيه التحف نين جت وحده في راسه
ابتسام...مفتخره بيها
رزان...اهااا مفتخره بيهااا وريته انا مش انتي كلمه كلمتين نبكي انا يايكون معايا وفي يايفوتني وإلا حتي انا نرد علي سعد وبعد ايجي نصكر ناخذه بالأحضان نقعدو انمثلو علي بعضنا انا سعداء هوا يخوني وانا نخونه
ابتسام...رزان برمت وجها انتي مش هكي ممكن هوا غلط عادي كلنا نغلطو ردي بالك مش لصالحك اديري شي كيف هذا انا الله غالب عليا مع الوقت حتعرفي انا ليش رديت
رزان...ييييه علينا انا غلطانه في هذي اني نقارنكم بينا فرق فرق انتي يوسف خرب حياتك مجدي ضعف وبعد عنك لكن مافيش خيانه بينكم بعد عرف كلشي توضح قدامه جا اعتذر وجاب هله ردوك بقدرك
هذا خاااااني افهمي
ابتسام...بعد اليوم حيتغير
رزان...نقولك هايم في المكالمه تقولي حيتغير شكلك طيبه بيسو انا اللي نعرف جنس ادم كم علاقه درت نعرفهم شن طريقه تفكيرهم
ابتسام...اذكري الله
رزان...لا اله الا الله
ابتسام....وسام راكي ضاربته واعيه لروحك انتي انثي مانكش ذكر نين اتمدي يدك علي الراجل خليك كيوت
رزان...لاعاد الكيوت سيبتها لكي كلمه كلمتين تبكي لا انا حقي ناخذه بيدي وباهي اللي ماخذوه مشيول
ابتسام....ماسكه ضحكتها
رزان...لااضحكي
ابتسام...هههههه شكلك كيوت لكن اسلوبك ذكوري
رزان...اها تبيني انجيه نبكي حبيبي انا بشنو مقصره معاك نين شفت غيري حبيبي ماتسيبني انا انحبك لااا امي انا اللي يدوسلي علي طرف نمسحه مسح ولا كأنه كان في يوم صاح رومانسيه ودلوعه وكيوت واللي يشوفني يتمني نكون له لكن نسمحش لأي مخلوق يهيني ولا يقلل من قدري حندز علي باتي ولا نقولك خليه هوا اللي يأخذني منتعبش باتي
ابتسام...انترجاك اللي تبيها مش انتي تقولي انأدبه ادبيه في شقتك وبطريقتك لكن انك تمشي حرجانه لا
رزان...كرامتي وين دفنتها لاامي نمشي لمن يأخذ حقي
ابتسام...تكوني انتي عطيتيها فرصه تنفرد في وسام بروحه حتنسيه رزان من
رزان...هههه لاوراس امك امسكيني تخلينيش نمشي مرات تنفرد فيه وتاخذه مني راجي اندور ادموع اللي جفن
ابتسام....ههههههه عطك احبيبه باهي والله كنت صدقت كلامك
رزان...انا لانترجاه ولانتوسل له يمشي طريق جدي
ابتسام...بعيد السووو زونه مهما كان اب اوليدك
رزان...مالت ريتي هالأب الخاين
ابتسام...مش مشغوله عليه وسام
رزان...ابدااا مانبي الا ندمدر
ابتسام...خذت تلفونها ورنت علي مجدي
رزان...صبت
ابتسام...استني الووو اجودي
رزان...خشت لدار
مجدي...ايواا معاك
ابتسام...شن صار
مجدي...جيين في الطريق
ابتسام...خيطوه ولا
مجدي...ثلاثه بونتو خيطوه مقويه بنت خالك ههه ماجت الا علي القيس
ابتسام...ينعلي وجعني بكل
مجدي...وبلا بنج
ابتسام...وووه عليا حبيبي كيف تحمل
مجدي...اهو تخيط وخلاص قالو مافيش بنج درولا البخاخه شن جو رزان
ابتسام....خشت لدار ارقدت حاولت تتصل بخالي منعتها
مجدي...جا خالك بدر خذاها لاااا
وسام....كيف
مجدي...رزان جا باتها خذاها باهي تمام انتلاقوا اصلا اقريب منكم
ابتسام...لاقتلك ارقدت انا
مجدي...هيا تمام تمام
ابتسام...تمام باي
مجدي...باي صكر ويسوق حسيتها وسام كان انا منك نبكي
احمد....يستااااهل
وسام....الرجاله يتحملو
مجدي...هههههه خف قيمتك حاله راسك ههههه
احمد..ههههههه
وسام...عادي غيره ردت فعل عاديه
مجدي...عدي عاد حلها عمك جا خذاها
وسام...نمشي انجيبها
احمد...ماعندك كيف اتجيبها
وسام...طلع دخان فوتوني حطوني علي الشقه ناخذ المفتاح ونمشي انجيب امها
مجدي...لكن ضربه يااحميده قعد كيف القطوس قدامها
احمد...بكل لأنه غلطان كان ماغلطان ماسكت
وسام...مجدددددي
مجدي...احكيلنا قصدك وئام اللي متواصل معاها
وسام...مش شووووورك
مجدي...غير احكي
وسام...اها
احمد...مش ازوجت
وسام...اطلقت
احمد...وانت كيف تتواصل معاها وانت متزوج
احمد...يوووووه علينا شن المشكله يعني عادي انا غلطت ومعترف بغلطتي
مجدي...كيف كبساتك بس
وسام...شكلها قاريه رسائل دزتهن والله ماني عارف انا بروحي بدت تضرب واللي تجي قدامها اتكسرها وتلفوني كسراته
احمد...لاحول ولا قوه الا بالله جاتك ساهله
وسام...فوتني يااحمد
مجدي...خذيت مسكن هههههه غير شوف شوف وجه يااحميده
احمد...شافله ههههههه
وسام...ههههه فوتوني
مجدي...وقف السياره هيا انزلو
احمد...نبي نرقد طول عندي شغل بكرا بعدها ماشي لحوشنا
مجدي...وانت
وسام...ماشي انجيب في رزان
مجدي...عارف الساعه كم
وسام...حتي فجر مش شوري
مجدي...خايف تخسرها
وسام...اكيد انا مش انت نخليها بالشهور
مجدي...انزل انزل خير مانكمل عقابك
احمد...جا علي الجرح اه فتح الباب ونزل
وسام...اااه ياراسي
مجدي...في النهايه مرجوعها ليا
وسام...صكر الباب مرجوعها ليا غير عيرنا اسكوتك عطيني مفتاح السياره
مجدي...عليش
وسام...ماعنديش جو اخش لشقه ونجيب المفتاح عطيني سيارتك
احمد...خليها بكرا
وسام...لاماتبات الا في شقتها
مجدي...انا علي نا اهي فوق ماخلتهاش ابتسام تكلم باتها
وسام....اصليه ابتسام
مجدي...ريح روحك بس
خشو للعماره
احمد..فتح شقته علي خير
مجدي...علي خير
وسام...شن هذي طيحين فيها جديده علي خير
احمد...نختصرو مانحقش في الطريق نعسان
مجدي...فوته اهم شي نفهمو في بعضنا
وسام...وعلي خير يرقي مالدروج
مجدي...وين حبي
احمد...يخفي في الانجاز اللي داره
وسام....احميده عدي عدي ارقد يرقي
مجدي...غير تعال جاي انزل لشقتك بكرا تحكي معاها
وسام...الليله تنزل شن ترقد فوق وانتو اليوم رديتو
مجدي...شن المشكله توا تبدا اتصرخ عيب حتي مع الجيران
وسام...يرقي مش شورك خليها اتنفس علي روحها
مجدي....يفتح في الشقه وخش
وسام...خش للمربوعه كلمها ليا
مجدي...صكر الباب
ابتسام...طلعت مالدار بعد ماغطت رزان تلبس في المصليه اجودي
مجدي...شيرلها وين رزان بدون صوت
ابتسام...مسكت يده وخشت لدار النوم
مجدي...رد الباب يده علي وجها فجعوك ياروح
ابتسام...حضناته خفت يالقلب بذات بعد سمعت صوت رزان
مجدي...زاد حضنها ماتخافيش خلاص كلشي حينحل
ابتسام...شفتله اجودي
مجدي...روحه
ابتسام...شن صار في وسام
مجدي..واااو انسيته بكل رزان وينها
ابتسام...راقده في دار الضيوف
مجدي...وسام يبيها
ابتسام...خليه يخش لدار
مجدي...لاوين يخش توا تبدا تعيط
ابتسام...خليهم بس مع بعضهم خليه يخش لدار وتعال نبيك
مجدي...غمزلها شن تبي فيا
ابتسام...ابتسمت اجودي
مجدي...مسكها من خشمها نجيلي روح اجودها انا خلاص تمام نخليه يخش لدار ونجيك
ابتسام...تمام
مجدي...بعد وطلع طول للمربوعه وسام
وسام...شافله
مجدي...ههه منظرك مزري
وسام...بلكي تنشغل وتحنن قلبها عليا وينها
مجدي...راقده
وسام...وعوها خليها تنزل
مجدي...مانوعو حد خش عليها في الدار حكت معاك باهي ماحكت اطلع ماتخليش العماره تسمع صوتنا
وسام...فوتني كذا عماره وين قاعده
مجدي....خش ابكي باهي
وسام...مجدي
مجدي...هههههه خش لدار الضيوف
وسام...وقف عند الديار هذي
مجدي...لاهذي خش وكيف ماقتلك
وسام...شفله علي جنب
مجدي...يده علي فمه يضحك وخش لدار النوم
ابتسام...صبت ههههه انشالله ديما تضحك
مجدي...قرب حضنها ماسك الضحكه
ابتسام...شفتله شن فيه
مجدي...خش عليها حيحي كان ماهالمره ضرباته علي مقتل
ابتسام...لابعيد السو بس ياريت خلاها بكرا لأنها رزان نفسيتها تعبانه
مجدي...صدقت
ابتسام...ربي يصلح بينهم
مجدي...تنهد انشالله ياروح
وسام...فتح الباب ولع الضي
رزان...راقده وحاطه يدها علي وجها بيسوو تؤؤ
وسام...طفي الضي
رزان...حولت يدها بيسو
وسام...ولع الضي
رزان...تقعدت شن قاعد ادير هنااااا اطلع برااااا
ابتسام...حبيبي
مجدي...حاضنها خليهم ياروح كان ماتناقشو مش حتنحل المشكله
ابتسام...بس رزان حامل
مجدي...وسام خايف عليها اكثر منك خليهم بس
ابتسام...تمسح في ادموعها وردت حضناته
مجدي...كنك ياروح
ابتسام...لاااا
مجدي...سامحيني بيسو
ابتسام...مش زعلانه منك
مجدي...حضنها بكل قوته ربي مايحرمني من طلتك عليا ياروح بلاك الحياه مافيهاش اي طعمه
ابتسام....ربي يخليك ليا
وسام...خليني نفهمك
رزان...يدها علي بطنها سببتلي القولون العصبي برااااا
وسام....مش طالع
رزان...والله بكرا ماتشوفه وجهي اطلع
وسام...باهي اهدي بس شوفي شن درتي فيا خلاص انا غلطان
رزان...غلطان شن يا..........
وسام...قرب طبس يده علي فمها مش هنا في شقتنا زازا
رزان...بعد يدككككك من عليا
وسام...رد يده علي فمها اششش
ابتسام...دافنه راسها في صدر مجدي بعد كلمه رزان تضحك
مجدي...سبحان الله بعد السماء علي الوطا بينك وبينها حتي اسلوبك مش كيفها تماما
ابتسام...ميته ضحك
مجدي...هههه
ابتسام...بعدت راسها شفتله تمسح في ادموعها مالضحك ااااي يابطني نجك لي زونه فعلا بعد السماء علي الوطا زونه تعرف تاخذ حقها بيدها ماترجاش حد يجي ياخذ حقها انا مانعرفش حتي انرد ابسط شي ادموعي يملو وجهي مانعرفش ناخذ حقي
زونه الكلمه اللي تجي علي السانها تقولها انانعرفش وخجوله نعرفش انعبر كيفها
مجدي...انتي مافيش منك اثنين وحده واصليه ل مجدي بس
ابتسام...ماحفظتش عليها
مجدي...انتي في قلبي حنسيك اللي عشتيه كله
ابتسام...مستحيل
مجدي...مش قلتي مسامحتك
ابتسام...اها بس اللي عشته مستحيل ننساه حبيبي
مجدي...طبس باسها في فمها وعد انسيك كل اللي عشتيه
ابتسام....تشوفله معش اتقرب مني الا بعد انا نسمحلك
مجدي...واللهي
ابتسام...اها
مجدي...طبس باسها بوسه طووووويله
ابتسام...ادف فيه بعد قتلك
مجدي...امرايف عليك ياروح
ابتسام...طبست
مجدي...انسي بيسو
ابتسام...مش قادره بعد كنت انتوحم وكل اشوي نستفرغ كنت في امس الحاجه لك كنت نبي شقتي كنت نبيش حد يتكدر عليا ولايفكر فيا ايام الوحم ايام مستحيل ننساهن ايام لما كنت نمشي مع عمي ومراته للعياده كنت كأني مضروبه بكف علي وجهي مهما كان عمي اللي ماشيه معاه برغم عمره ماحسسني بشي بالعكس كان ديما باله وفكره معايا يدز في هاجر مراته شوفي شن ناقصها شن في خاطرها لأني عارفيني ماليا ذنب فضولي الحوش قعدت انا وحني وامينه مافيش حاجه في خاطري ماجبوها ليا مافيش حاجه جت عيني عليها وماكانت ليا كانو يغيرو في جوي بضحكهم وبصارتهم ولمتهم برضو في حاجه ناقصه في حياتي انت كنت ناقص كل اللي نحبهم جنبي بس انت انت مش قاعد اجودي اللي درت المستحيل عشان يكون من نصيبي في يوم هانت عليا روحي عشان مش متخيله حياتي تكون مع غيره ادير فيا هكي ليش انا ماذنبي شي لو نبيه يوسف انا توا في حضنه مش في حضنك كيف صدقت كلامه عليا كيف
مجدي...وراسي خلاص اسكتي عارف روحي غلطان مشعارف شن صارلي ياروح كيف لعب في راسي حطي روحك مكاني
ابتسام...مستحيل انصدق بما اني انشوف في تلفونك من وراك ونفتح في الرسائل من وراك لأني واثقه فيك مستحيل اندير شي كيف هذا حتي لو درته مستحيل نقتنع انك درته
مجدي....يده علي راسها سامحيني علي كل اللي عيشته لكي في كل يوم بكيتك فيه في كل يوم خليتك فيه عند هلك مستحيل اتكرر وعد لو شن سمعت ولا شن شفت مستحيل عاد انصدق
ابتسام...ياريت
مجدي...شن ياروحي شن قلتي
ابتسام...قلت مسامحتك
مجدي...احلفي
ابتسام...وحياة ابنيتي اللي فرحانه بيها مسامحتك
