#جبرني_الوقت⏳
#الحلقه_الثامنه
بقلمي ✍ #نورهان Ñř Ŕóhã
إنَّها لَمِن أصعب الفترات ، لكنَّ الله مَعَنا.🔥
●●
ابتسام...اتشوف ل روحها في المرايه ودندن والفرحه مش سايعتها نين جتها الرساله صبت وهيا تقرا فيها((خليهم ايجو لكن يردو خايبين))
ابتسام...حقير قلبها يدق بسرعه رهيبه شن يبي ايدير مثلا
ردت عليه برساله ...(اعلي مافي خيلك اركبه مش واخذه غيره ))...تم التسليم
فاتت ساعتين
جن خلاتي اميمه ومريم والبنات والكل فرحان واخيرا فكينا الحزن من بعد عبسي
ملاك...شن الجمال هذا
ايه..صلي علي النبي
الكل...عليه الف الصلاه والسلام
بشري...تهبلي بسوم وشعرك الله اكبر
رزان ...لاماسمح واخذ نموها طووويل وثقيل مصغر حجمها غير اشدوق مافيها حاجه اتورا قالت حني
البنات...هههههههه
اروي...طبعا اختي بعد تشوف حاجه سمحه هرمون الحسد يرتفع
ملاك...جسم فرنسي بياض حليب شن تبي اخري
رزان...ابتسام اشدوق
البنات...هههههه
ابتسام...هههه بنات تمام يعني لبستي
فرح...قاعده ضاعفه
رزان...شافطها جاركم
هناء...ههههههه يابت عيب
رزان...البدله اول مناسبه ناخذها
ابتسام...ادبشي كله لك خوذي اللي تبيه
اروي...تجنن البدله
ابتسام كانت في يومها لبسه بدله رسميه بالسروال كحليه اقصيره وبلوزه سمائيه هاديه مايله للأبيض كانت بسيطه بس عاكسه عليها
اميمه...خشت مالدار
اروي...كيف حالك ياعمتي
اميمه..الله يسلمك شخباركن انتن يابنات
الكل...الحمدلله
اميمه...الله اكبر عليك يابسومه
ابتسام...صاح خالتي حلو
اميمه...تهبلي ماشالله عليك
رزان...وكنتك شن رايك فيها
فرح...رزان بطلي
رزان..عادي عمتي جوها كيف جونا ولاخلاص كان خذاتك ل ولدها
اميمه...هههههه كنها كنتي ماشالله عليها كوكب
رزان...مش اجمل من عبادي عاد عمتي
روان...البنت هذي
اروي...عيب
فرح...خلنها تحكي من توا لبكرا مش ح تأخذ مني كلمه تعالي خالتي معايا
رزان...اسأليها علي الفرح نبو انهيجو
اميمه..هههههه جيت نبي انحدده
فرح..وخرت تحكي جد
رزان...توقعت من عند ناموسه امس
البنات...يتمايلن من الضحك
رزان...هههه اااااااه ياجنبي
اميمه...اي ناموسه
رزان...نحظرو في فلم امس لايف ناموس وعالم حايس مش فاضيلنا بكل هههههه
بشري...تمسح في ادموعها خلاص انا انتهيت والله حسيت حاجه في جنبي
رزان...الحياه إيزي يابنتي عادي
اميمه...هههههه ربي يهديك
رزان...احمممم احمممم تعاالي جاي ياعمتي جديات والله امتاا هههههههههههههه
اميمه..شافت ل فرح والبنات اللي طيحات علي بعضهن مالضحك احكنلي شن فيه
رزان...اا اا ههههههه اصلا انا وحده هههههههه
اروي...ههههههه قوليها متحشميش
رزان...تخبط علي كرعيها اااااااي اجنابي خلاص جبتها
مريم...جت لدار ههههههه شن فيه
اميمه...شكله راكب فيهن ناموس امس
البنات...يتميلن علي بعضهن
ابتسام....رافعه اعيونها فوق وتهوي عليهن بنات وراس امكن معش قدرت مكياجي يخرب
ملاك...طلعي رزان
رزان...يرزيني فيكن طالعه هههههه
اميمه....ههههههه بعيد السو
مريم...والله شن فيه من ضحكهن جيت
اميمه...هههههه مكاليب علمي علمك
مريم...ههههه هيا للكوجينه طلعن للكوجينه
البنات...طلعن كلهن ماعادا امينه وابتسام
امينه..وخري شعرك لورا
ابتسام...هكي
امينه...ايوا نمشي نشوف كيف وتن
ابتسام...صكرت الباب
امينه...وخرت شن فيه
ابتسام...والله مانخليه يضايقني في احلا يوم بعمري ثمان اسنين نرجا في اليوم هذا من بدري نبي نحكيلك تمن البنات قعدات معش عرفت كيف نحكي
امينه....شن تحكي من يبي يخرب عليك
ابتسام...مدتلها التلفون
امينه...بصوتها تقرا في الرساله ((خليهم ايجو لكن يردو خايبين))
شافت ل ابتسام منو هذا
ابتسام...يووووسف
امينه...هالحاله النفسيه فوتيه
ابتسام.. من برا قويه من جوا متفرتشه
امينه...شوفي ماتفكريش فيه
ابتسام...يبي يخرب عليا
امينه...كل مايجي في بالك تخيلي انك مع مجدي وربي جمع بينكم طلعي الافكار السلبيه من راسك ماعنداش مايدير
ابتسام...كان دار
امينه...بما اني انا في ظهرك وانا معاك ونحقق مرادك ومراد كل وحده منكن لو حد فكر يخرب عليها في حبعمرها
ابتسام...نجككككك لي
امينه... هبله انتي تبدلي ثمان اسنين ب يوسف اللي دزلك كلمتين خلاك ترعشي ماتفكريش فيه فكري في مجدي وبس انا توا طالعه ناخذ برمه علي الحوش خلاص اكيد اقريب ايجو
ابتسام...اها
امينه...استلمي تلفونك يرن
ابتسام...اجودي
امينه...خلي جوك سمح واحكي معاه الفرحه اللي شفتها امس ماتخليش حد يسرقها منك حتي لويوسف
ابتسام...اعيونها تعبو ادموع
امينه...طلعت وسكرت الباب وراها
ابتسام..رفعت راسها فوق ماتبيش ادموعها ينزلو
مجدي...الووو
ابتسام...خيررر حبيبي
مجدي...وتيتي روحك
ابتسام...وتيت
مجدي...احفظي التاريخ
ابتسام...كل تاريخ في قصه حبي معاك حافظته اكيد هذا تخزن في قلبي وكبدي ام حبعمري تبي تطلبني رسمي شن نبي اكثر من هكي
مجدي...طلع وسام للحلواني وجينكم اكيد اقريب منكم
ابتسام...قلبي يبي يطلع من مكانه من الفرحه
مجدي..حتي هوا اكبيدتك ياروح
ابتسام...ربي يكمل فرحتي
مجدي...اتجي اليوم امي تطلبك وتحكي ع نظره شرعيه انجي عاد نكون معاك في نفس المكان
ابتسام...علي اساس مش شابع من وجهي
مجدي...عيب احتشمي انا وين نعرفك امي اللي دلتني
ابتسام...ههههههههه
مجدي...ايواااا ضحكتك هذي اللي نبيها حبيبي
ابتسام...ربي مايحرمني منك يادنيتي
مجدي...ولامنك اهو وسام في الانتظار
ابتسام...باي حبيبي
مجدي...باي صكري عشان نفتح
وسام...الو
مجدي...حبيبي صكري وسام ف الأنتظار
وسام..خوذ راحتك ياعمري
مجدي...انت يافرخ
وسام...اسكت راه ناخذ امي وحنان وعمتك وخالتك يطلبن لي انا وخلي ابسومه معلقه
مجدي...وسااااام كنكم طولتو
وسام..خالتك وعمتك مايطلعنش قبل ما يسوكن ويكحلن
حنان...ههههههه
مجدي...ههههه هيا يافرخ وقت
وسام...العقبالي
مجدي...انشالله يارب هيا بسرعه طولتو
وسام...مش خاطره علي نمشو نصلو العصر عندهم مازال بدري
مجدي...وساااام
وسام...خلاص قريب منكم بعد انجي توا انبيب
مجدي...رد بالك انا خشيت السياره في القراج وقاعد في الحوش
وسام...متحشم هههههههه
مجدي...وسااااام
وسام...ههههه هيا وجك توا
مجدي...امشي
وسام...خليك معاي اكويس كل حاجه معايا حتي الطلابه
مجدي...وساااااااام حرقت كبدي ينعنجد الذل
وسام...ههههههه هيا اوك
مجدي...صكر في وجه
●●~~~~#نورهان✍
عايشه...سخنتن المثروده
اميمه...اها ساخنه
مريم...صاح تبي تحددي الفرح
اميمه...اهاا خلاص سمطت
مريم...ربي يتمم علي خير
عايشه...ربي يسعدهم عبادي نجك لي الحمدلله اللي ربي طمنا عليه وافريحه ماتلقي كيفها
اميمه...اكيد افريحه مانلقي كيفها ولانلقا وحده اتحب اوليدي قدها
عايشه...ربي يسعدهم
اميمه..قتله تسكن معايا قالي لالا انأجر لعند مانكمل شقتي
عايشه...ليش
اميمه...مابش ولاانا ضغطت عليه قلت شباب ويبو يعيشو حياتهم
مريم...افلوسه كملهن في تونس
اميمه..علي كيفهن اهم حاجه ردلي اوليدي
مريم..اكيدد كل شي معوض الا الصحه
اميمه...الحمدلله يارب
عايشه..تبي اطلعيه السنه
اميمه..اها شهر سته
مريم...مازال اربع اشهور
اميمه..اها
مريم...ربي يتمم عليهم بالخير
اميمه..انشالله يارب
●●~~~~~#نورهان✍
فرح..ابتسام جو جو يرنو علي الجرس
ابتسام...قلبي يبي يطلع من مكانه
امينه...لأنا الكبيده
اروي...هيا بنات نستقبلوهم
رزان...يابنتي لو انا في مكانك وخذته علي حب انا اللي نستقبلهم ونروح معاهم بالمره ماخللتي الا واجد عند هلك
بشري...هههههههه
ملاك...خلاص رزان اجنابي من بدري يوجعن في
رزان...بعد اتحقن وجهي معش تقعدن قدامي هك انا بنت اتحب تضحك للحياه معش في شي يكدرها حتي لو تهزبيني نضحك
ايه...كذابه دمعتك ديما اقريبه من عينك بعدها يقولو فيها اللي يضحك واجد
دمعته واعره
رزان...نكسر كل عين تبي اتنزل ادموعي ماعاش ولاكان انا رزان بدر بنت عويشه كان زمان نبكي من ابسط شي عارفه يابنتي توا شن صايرلي
ملاك...شن
رزان...كبدي قاعده كبد جمل
ايه..ههههههه فتحت ايديها تخيلت كبدك هالكبرها
رزان...بس قاسيه
ابتسام...بطلي كذب غير قدامنا انتي بنت حساسه لأبعد حد
رزان...خليكن وخذات عليا الفكره هذي باهي صبت افتحت الباب
فرح...يييه بنات
رزان...كنك ياام الرعايش
فرح...تلفوني طاح مني
رزان...خبطتها علي كتفها اتعيشي وتجددي توا يجيبلك الليله هذي بيدتك وطلعت
فرح...واقفه في مكانه متحسفه علي تلفونها
ملاك بشري ايه...هههههههه
فرح...بنت مجنونه
ايه.. ساهله افريحه هاكي تلفوني علي ماجابلك عبادي تلفون
فرح...لاوالله وجعني فيه رسائل وذكريات عادي انا نحكي معاه بأي تلفون البنات واني انصلحه ممنوع طبعا
ايه...غير خوذيه ماعنديش ماندير بيه مشي بيه
فرح.. لا والله مانبيه نجك لي
ايه...براحتك دزت رساله ل عبدالله(تلفون افريحه طاح منها تكسر)....تم التسليم رداته في جيبها وطلعت
●●
امينه...تعالن سلمن بنات
ابتسام...هيا بنات انا نطلع للكوجينه
امينه..انتي مازال قبل م يحطو المثروده خشي خمس دقائق وطلعي
روان..حيحي كان سمعاتك رزان ورب الكعبه تحطك علي المشرحه ههههههه
ابتسام...ماسكه ضحكتها بكل
امينه...هههههه مش غريبه تقولك عدي معاهم
روان...هههههه اها
امينه..هيا بنات عدن سلمن
ابتسام...انا طول للكوجينه
امينه...ابتسمت هيا معايا
●●~~~~~#نورهان✍
جت عمتي سعده وحنان وعمته مبروكه وخالته رابحه
●●
عايشه..ماشالله ماشالله
ابتسام..شن رايكن
اميمه..ربي يحميكن بنات خيتي
رزان...خوذيني ل إسلام ياعمتي محتاجه حنان وطبطبه كيف توا
اميمه...ههههه مانقول لا مانلقا خير منكن بنات خيي
عايشه..تحشمي يارزان
رزان...نبي عمه هكي شفتي كيف اتعامل في فروحه وتوا ابتسام
عايشه...حتي هيا اتعامل فيكن هك
مريم...تعالي حبيبت عمتها
رزان....اااه ياعمتي احضنيني محتاجه حنان
مريم....حاضنتها
رزان...انتي ماخطرت عليك تزوجي الا بعد باتي ليش مازوجتي قبله راكي توا عمتي
مريم...ههههههه
عايشه...ماعندي ماندير البنت هذي وحلت فيها
رزان...ماشالله علي التغليف ذوووووق
امينه...هذي حنان
رزان...ماشالله صورتن يابنات
اروي...صورت
رزان...حتي التقديم نبي انزله نقول طلبتي
روان...ههههه اديرها
رزان...ل 14الاسبوع اللي فات متعاركين
هناء...ماسكه السفره هههههه ومرقمتها اخري
عايشه..شن
رزان..علي مشاطه الشعر
عايشه...اها هذي ماتحب حد ياخذ حاجتها
البنات....ههههههه
عايشه...واللهي
رزان...شفتن كيف طلعت منها
ابتسام...تلفونها يرن شفت اجودي طلعت للحاجر
مجدي..الو
ابتسام...الو
مجدي..ها يالروح خشيتي علي امي
ابتسام.. لاااا قلبي يبي يطلع من الخوف
مجدي..وين قاعده
ابتسام...طلعت ل حاجر زحمه جوا
مجدي..راجي
ابتسام...شنو
مجدي..شوفي باب البراني مصكر ولا
ابتسام...لفت من الحاجر وطول للباب شفاته مصكر الو مصكر
مجدي..معاك كان يجبنك لي معاهن
ابتسام...شافت ل حوشهم
مجدي...شيرلها من البلكوني الدور الثاني
ابتسام .شفتله تمشي وتوخر ااااا انت جبتني للباب عشان تشوفني
مجدي...قصدك ماتبيش توريني السماحه هذي
ابتسام..حبيبيييي
مجدي...نموت فيك قصدك هذا كله مازلتي ماخشيتي عليهن
ابتسام.. لاااا
مجدي...شوفي
ابتسام..شافت للبلكوني
مجدي...عزقلها بوسه خشي خلاص ماتفكري في شي فكري امتي نكونو مع بعضنا
ابتسام..نجك لي
مجدي..نزل سرانتي البلكوني خلاص خشي
ابتسام...تمام باي
مجدي....باي
ابتسام...خشت للكوجينه شافت حنان
حنان..كنتنا الجميلة كنت نسأل عليك
ابتسام..سلمت عليها كيف حالك
حنان..تمام الحمدلله شن رايك في التغليف
البنات...مع بعضهن يجنننن
حنان...ههههههه العقبالكن يارب
البنات..انشالله
حنان..هيا تعالي جوا
امينه...عدي اشوي واطلعي
حنان...شن فيه اشوي واطلعي
امينه..عداتنا
رزان.. تاكل في بكلاوه عدي حتي معاهم عااااادي خلي عادتها ينفعنها
البنات...هههههههه
حنان...هههههه تخطري عليا بخفه دم وسام خوي
رزان...ااااه ماجيتي الا علي الجرح
ابتسام..هههههه
حنان..هههه هيا
ابتسام..باهي شكلي تمام
حنان. اخر طرف وجا من حظ خوي مجدي
ابتسام...نونااااا
حنان...تهبلي واللهي هيا مسكتها من يدها
امينه...هههههه عدي
حنان...خشت لدار الضيوف ماسكه في يد ابتسام
سعده..مرحبا بابنيتي
ابتسام...منحرجه تسلم
حنان...عمتي خالتي خطيبه مجدي
بدن يسلمن عليها
ابتسام...قعمزت جنب حنان
حنان..طاحن فيك
ابتسام...خلاص باه مش قادره نرفع راسي
فاطمه...مانلقو خير منكم
سعده...ربي يتمم عليهم بخير
~~~
رزان...تاكل في بيتزا امممم عمتي امتي نفتكو من فرح
اروي...بطلي رزان
رزان...نحكي بلسان فرح قلتلي اسأليها
فرح...شفتلها انااااااا جتها تجري
رزان...جرت ورا اميمه قولي مرات اولدك
اميمه..ههههههه حتي وانتي تكذبي لكن الفرح في 6
رزان...شفتلها مالجنب امممم ماتقدروش اتقربو الموعد
البنات...مسكات الضحكه
اميمه...ههههه مازالت انوتي مازال يدور في اجار
فرح...تسمع وساكته
مريم...باهي ربي يتمملهم ع خير
رزان....يبي يأجر
اميمه..اها في البدايه قتله تسكنو معايا قالي لالا انأجر لعند ماتم شقتي ماتكلمتش خليته براحته
رزان....اهم شي الأستقرار تمشي قربت من فرح تحكي بشويش عطت مفعولها الناموسه مايبيش يسكن مع هله
فرح..ماسكه ضحكتها
البنات..ههههههه من فم رازن فهمن شن حكت
رزان...لعقبال ناموسي حتي انا
اميمه..هههههه مُسره ماتبيش تحكي قصه الناموسه
رزان...علمت يوم وختفت كان هكي وريتك مكانها ههههه
اميمه...حسيت مافيش ناموس هنا
اروي...تمسح في ادموعها هههه خلاص رزان
رزان.. نطلع برا خيرلي
امينه...ابتسام مازالت ماجت
رزان...قتلكم امسكوها راهي تمشي معاهم
عايشه&مريم&اميمه..هههههه
روان.. خلاص رزان اربحي وراس امك عيب اضيوف
رزان...تبسي موالح برا ايجيني خير مانديرلكم العار
اميمه...انا اللي انجيبه لك
رزان..ماقتلك ياريتك عمتي سيبو فرح وخوذوني
فرح...هههههه مش لدرجه عاااد
رزان...جيبولي برا خير ماناخذ عبادي يااميمه
اميمه...كان هان ع فرح
فرح..ههههه تروح
الكل...ههههه
ابتسام...خشت للكوجينه وجها احمررررررر
امينه. كنك سكنتي جوا
ابتسام...ككل مانبي انصبي عمتي خليك اشوي
روان...يييه يييه كان تسمعك رازن تحطك علي المشرحه
ابتسام...نسمع في ضحكن سهفتني
اميمه..هذي رزان ماتخلي حد يسكت
بشري...عطوها موالح برا خير ماادير العار
اميمه..اتحط في تبسي لاصدقتي
عايشه..خلك منها
اميمه..لاوالله ابنيت خيي
~~~
بعد ساعه طلعت سعده وحنان وعمته مبروكه وخالته رابحه لحوش علي كرعيهن
●●
رزان...عطيتي نسيبنا مثروده
ابتسام...هوا م تكلمش الحق خوه وسام قالي دزيلي من كل حاجه
رزان...دزيتيله الغزال
ابتسام...اها جا خذاهن من هناء فم الباب قبل م يطلعن
رزان...انتي يامْصيبه شافك
هناء...تشرب في اميه منو
رزان..الغزال
هناء...منو الغزال
رزان...اخ مجدي
هناء...مال من وجهي وسام
رزان...جو سمح بينكم
هناء...عادي غمزتلها عليش تسألي
ملاك...شكلها كبدت
رزان...مش لدرجه مجرد سؤال
ابتسام....كل شي غلفته خذاه
امينه...جوه يهبل وسام شهلولي الضحكه ديما مرسومه علي الفم
رزان...خلاص باه
امينه...دفتها هذي كنها
رزان...ماتشكريش جنس ادم قدامي
امينه...اذا كان اختيارك من الأول غلط شن بنديرلك بالله عليك
رزان...ذكرهم ونكد عليهم خلاااص معش اتذكريني
البنات..ههههههه
ايه...خلاص يارزان اجنابي من الضحك
رزان.. خلاص اصلا باتي جاينه بعد العشاء ح ترايفو علي اني انضحكن ياوجوه النكد
امينه...مستحييييل تمشو خليكن بعدها الجمعه ماشيين زرده نطلعو مع بعضنا
رزان...مازال خمس ايام علي الجمعه مامن اللي يعيش ويموت وماجا الجمعه
امينه...لاانتي ح تعيشي
اروي..لاوالله نمشو منها انوتو حاجات من غادي
هنيه..انوتو مع بعضنا
~~~~
فات الوقت~~~~تحديدااا ساعه 12:54
هنيه...في افرشها كساد
هناء...كسدنا البنات
فرح...ياريت قعدن بس
هناء...ياريت
ابتسام..مني نتصل ب مجدي مقفل
فرح...اكيد علي الشحن
ابتسام...مستحيل حتي بعد يحطه ع الشحن يكون مفتوح
امينه...قلتلي امي بكرا جاي نظره شرعيه قلتها لها عمتي سعده
فرح...علي اساس مش شايفك
ابتسام...اسكتي انتي يامتاعت الناموس
البنات...ههههههه
هناء...ينعلي امبدري قدام خالتي انحرجت انا اللي ماشور شي
فرح...لوتشوفي انا قعدت علي اعصابي
ابتسام....جوها فرفوشي من يومها تحب تعطي طاقه ايجابيه للي قدامها
هناء...ديما ضحكتها علي فمها
هنيه...بس اتصدقن يابنات مره مره نطلع للقطعه مقعمزه في نهايه القطعه تبكي ماتخذنش علي ضحكها وبصارتها من جوا مقهوره
امينه...واعره ماتحبش حد يشوف ادموعها بذات الكل عارف حبها ل سعد
فرح...ربي ياخذ حقها منه
ابتسام...كنت شاكه فيه من ايام الجامعه تذكري مني
امينه...اها عينه زايغه يحكي معاها وعيونه مش معاها
فرح...صبت نحكي مع بيدا يرن
امينه...وين ماشيه
فرح..لدار عبسي
امينه...باهي قبل قلت نطلعو برا
هناء...نطلع من افراشي عشان تحكي
هنيه...شكلها
هناء...تحلم
امينه...انا مصبيه فتحت الدولاب خذت شنطه وطلعت
ابتسام...لوين
امينه..نبي نطلع للحاجر نقعد بروحي
ابتسام...انا نمشي للمربوعه نشوف سيارته قاعده ولالا باتي رقد
هناء...اها
ابتسام...متحشمه منه
هنيه...غير عدي هههههه نعنا حشمنا انا وتؤامي
ابتسام..ههههه بارده طلعت
●●●~~~ #نورهان✍
فرح...صحه ياعمري
عبدالله...علي قلبك ياشينه ماكنتيش اتعبي روحك
فرح...كبيدتي بيدا ليش اتجيبلي تلفون جديد
عبدالله...كيف نحكي معاك
فرح...عادي بتلفون البنات
عبدالله...انا كل اشوي انرن علي حبي مانبيش التلفون مشغول
فرح.. بس
عبدالله....كنك هبله معقوله نخليك بدون تلفون يعني كان ماقلتها ليا ايه ماتحكيش ولاكيف
فرح...عادي
عبدالله..لامش عادي
فرح..بيدا
عبدالله..همم احم احم بدا يكح
فرح...احممم بيدا كنك
عبدالله...كحه ياقلبي نعم قولي نسمع فيك
فرح...احلفلي
عبدالله..علي شنو
فرح...انك ما رديت علي الدخان
عبدالله...لا مش حالف
فرح..احلف بحياتي
عبدالله...يييييه علينا حياتك ماتنحطش في مواضيع تافها ياروحي
فرح...كنت حاسه انك راد عليه
عبدالله...روحي
فرح...تبكي لو انت هاينه عليك روحك انا مش هاينه عليا تصبح علي خير
عبدالله...حبي
فرح...صكرت الخط وقفلت التلفون رد مالموت وراد علي السم اللي ياخذ فيه خشت لدار
هناء...شفت ل فرح كنك
فرح..عزقت التلفون جنب افراشها قعمزت تبكي رد علي الدخان
هناء...ترفع في شعرها خلاص بطلي ابكا
هنيه..فكت السماعات كنك
فرح...تمسح في دموعها
هناء..عبادي راد علي الدخان
هنيه...مش سيبه
فرح..بعد روح بدا يدخن
هناء...احكي ل خالتي
فرح...خاصها هم بالله عليك
هنيه...صاح صدقت
فرح...نبي نرقد
هناء...حتي نا ميته نعاس
هنيه...ردت السمعات في ذانها
هناء وفرح راحن في نوم عميق
●●●
ابتسام...تحكي مع مجدي ليش مقفل
مجدي..حطيته ع الشحن يشحن بسرعه بكرا النظره الشرعيه
ابتسام...حكتها ليا امينه
مجدي..لانعرفك لاتعرفيني
ابتسام..كيف
مجدي...قدام عمي عمران
ابتسام...اها ههههه انشالله
مجدي...بكرا انجي علي العصر
بعد بكرا يجي باتي وعمامي يطايبو ويحددو الفاتحه مع الفرح نبيه بعد شهرين
ابتسام..ليش السرعه هذي بعدها شهرين شن انلحق
مجدي...انا بس اللي ميت علي طلعت الفرح طلعت
ابتسام...والله لا نجك لي حتي انا بس حبيبي كيف بنلحق علي الدبش
مجدي...اللي ماتلحقي عليه بعد الفرح نطلعو مع بعضنا نكملوه تمام
ابتسام...تمام يا عمري
مجدي..عدي توا ارقدي نبيك بكرا رايقه
ابتسام...نجكلي تمام
مجدي...اااامووووااااحححح في اشدوقي
ابتسام...وصلت
مجدي...تصبحي علي خير ياقلبي
ابتسام..وانت من اهله استنااا
مجدي..ايوا
ابتسام...اااامووووواححح
مجدي..وينها
ابتسام..في اعويناتي
مجدي..باهي اكويس قبل فرحت قلت في مكان اخري انزلي علي اعويناتك اشوي
ابتسام...هذي نبيها فيست وفيست
مجدي...احتمال انخلي انبعد شهر
ابتسام..ههههه لا خليها شهرين انلحق علي الدبش
مجدي...هههه جايتك جايتك ماعندك وين هاربه منها
ابتسام...حبيبييييي
مجدي...مافيها شي حبيبييييي
ابتسام...خلاص نبي نرقد
مجدي...اهربي اهربي
ابتسام....ههههه انحبك به
مجدي...انمووووت فيك موت باي
ابتسام..باي صكرت وكانت الفرحه مش سايعتها خشت طوول لفراشها والابتسامه مش فارقتها
●●●
امينه مقعمزه علي كرسي برا الحاجر
قربت الطاوله فتحت الشنطه طلعت دفتر وبنينه حطتهن علي الطاوله وطلعت البوم الخطوبه فتحت علي الصور تبتسم ودموعها علي خدها
تفرجت علي الصور كلهن حطاته علي جنب ومسكت الدفتر اللي قريب يكملن الاوراق من كثر ماكاتبه فيه
فتحت البنينه وبدت تكتب
ايهم حبيبي لو عايش راك اليوم جبتني للهلي نحضر طلبه ابتسام وعدتك مش ح نكتب الا الشي اللي فرحني الدفتر الوحيد اللي ينفس عليا في الوقت اللي مش قادره نحكي فيه الحد بس والله امريفتلك بكل حبيبي ايهم امرايفه عليك وعلي صوتك تمنيت لو اليوم قاعد معايا وجنبي مش متخيله حياتي من دونك كل مايجو عرب يبو يطلبوني ننجن انتخيل فيك ح تجي وتقولي كله حلم
دبلتك ودبلتي مازالن في ارقبتي لعند مانموت وهنا في ارقبتي انتمنا من ربي ياخذني لك ونكون معاك حياتي عيشتها هك وخلاص انا كل يوم انرايف عليك اكثر من اليوم اللي قبله منى كل ماتشوف اثنين يحبو بعضهم ايجي في بالها قصه حبنا اللي مستحيل اتكرر كل مانرايف نطلع برا في الحاجر نفتح البوم صورنا انتفرج الشي الوحيد يهون عليا حبيبي انحبك ونموت وانا انحبك امينه....
صكرت الدفتر وردت كل شي في مكانه مسكت الشنطه وخشت للحوش لقت الكل رايح في نوم عميق ردت الشنطه في الدولاب وخشت لفراشها....
●●●
صباح يوم جديد الكل واعي رايق بذات ابتسام شمسها عاليه
فاطمه..صباح الخير
ابتسام...صباح الحب شن اديري
فاطمه..انوتي فطور لحنك
ابتسام..وعت
فاطمه..من بدري قاعده في الحاجر
ابتسام..نطلع نصبح عليها
فاطمه...وراك بالسفره
ابتسام..صباح الخير احنينتي
حني امينه...صباح النور
ابتسام...خذيتي ابره السكر
حني امينه...خذيتها توا هذا اهي مازالت في يدي
فاطمه..افطري ياعمتي وعطيها ليا نعزقها
حني امينه....مدتها لها هاكي الله يربحك
فاطمه...خذتها وخشت
امينه...امي
فاطمه..ها منى
امينه...شحني معش القيته
فاطمه..شوفيه علي صالون الصاله
امينه...الاسود
فاطمه..اهاا
حني امينه..تعالي افطري
ابتسام...صحيتي حني فطرت
حني امينه..خذيتي دواك
ابتسام...خذيته حني
حني امينه...صوت باتك شكله جا
ابتسام..صبت تجري وخشت جوا
حني امينه...خليك
ابتسام..منحرجه
حني خشت جوا امينه..ههههه
عمران..شمسك عالي عزوزي
حني امينه..الحمدلله
عمران..يزيدك حمد
●●●
جت ساعه4:29 تحديد طق الباب
امينه...شكله جا
ابتسام...قالي قريب اكيد هوا
هناء..مشا باتي فتح
ابتسام..ترعش
فرح..الله خطرتي عليا بجيت بيدا
ابتسام...ايديا صقعن
امينه...باتي يعيط نشوفه
ابتسام..عدي عدي
عمران..مدلي الحاجات وخش للمربوعه
امينه...جت تجري تعالي بحتي
ابتسام..شن
امينه..تعالي بس
طلعن البنات
ابتسام...ييييه نجك لي
هناء...امس متعبين ارواحهم واليوم
فرح...حتي هوا حب يابنتي
هنيه...العقبالنا ياتؤامي
ابتسام...انشالله يارب بنات صورنا ودزنا للبنات في القروب
امينه... شالن الحاجات اللي جايبهن مجدي هيا وهناء وهنيه وفرح الحاجات
فاطمه...ماشالله من جا معاه
امينه..بروحه
فاطمه..شافت ل ابتسام عطني شنو خبر مادليله
ابتسام..طبست
هناء..هههههه وينك يارزان
فاطمه...ضيفنا نسيبنا نمشي نشوف حنك
ابتسام..بنات تصوير
هنيه...شوري
●●
عمران..انست
مجدي..بوجوك ياعمي
عمران...شخبار الحاج
مجدي..اكويس الحمدلله
عمران..انا يااوليدي مانلقا خير منك ولاخير من نسبتكم بس نبي نخبرك
مجدي..سقم قعدته انشالله خير
عمران...انا بنتي
طقطقطق
مجدي...شاف للباب
عمران...صبا يالله
امينه...ابتسمت العصير
عمران..خذا منها وخش
مجدي..مرتبك
عمران...تفضل تفضل
مجدي..صحيت
عمران..فيش كنت نحكي اها بنت عندها السكر عندك علم
مجدي..اها حكتلي امي عادي
عمران..كان صار نصيب بينكم حطها في اعيونك كان ماصار
مجدي...لاانشالله خير
عمران...ههه توا نكلمها اتفاهمو
مجدي...عم السكوت عنده قلبه يرقص من الفرحه
عمران...حط العصير في السفره يالله صبا خش جوا ابتسام
امينه...يعيطلك
ابتسام..كرعي مش شيلتني
امينه...هيا
عمران...ابتسام
امينه..توابعاته توا اتجي
ابتسام...بنات لبستي تمام
امينه...ماشالله عليك خشي
ابتسام كانت لبسه سوريه بيضاء ساده في ظهرها تويتي فوق من الركبه وسروال امريكي ازرق وشاح وردي هادي عازقته علي شعرها ومكياج خفيف وبخت عطرها المفضل ..(بِنت حوران) اللي مدوخ مجدي
عمران..واقف فم المربوعه يستنا في ابتسام
ابتسام...شافت ل باتها وطبست
عمران..خششها
مجدي..كان مطبس رفع راسه من بنة العطر اللي خش للمربوعه قبل ابتسام
عمران..خشي خشي
ابتسام..خشت وترعش كلها
مجدي..صبا شفلها وطبس مد يده مرحبا
ابتسام..رفعت يدها المرعوشه اااا هلين
مجدي...ضغط علي يدها
ابتسام...شفتله
مجدي...رخا يده وخر وقعمز
ابتسام...قعدت واقفه في مكانها تشوف ل مجدي اللي زايد سماحه بعد خفف اللحيه واللبسه اللي كيف لبستها سوريه بيضاء وسروال ازرق وبنة عطره
عمران..قعمزي كنك واقفه
ابتسام..شافت ل باتها اه اها وخرت وقعمزت جنب عمران وعم السكوت
عمران...انصبي نشوف المضخه
خوذو راحتكم طلع وسيبهم برواحهم
مجدي..سمع صوت الباب البراني انحل صبا
ابتسام...صبت كنك
مجدي...لاغير واخذ نذر
ابتسام...تبي اتسيبني نذر شن
مجدي...شن تحكي انتي انسيبك شن شكلك مش متذكره
ابتسام...اجودي شنووو خوفتي
مجدي...قرب منها وعطها بوسه في اشدوقها
ابتسام...شافتله شن درت
مجدي..معقوله اتصيميني ثلاث ايام علي بوسه مسكها من يدها تعالي جنبي قعمزو...
ابتسام...تشوفله وكأنها السانها ارتبط
مجدي...نعطيك بوسه في يشير علي فمها عشان تستوعبي
امينه...يييه يييه علي خواتي اللي ضاعن وحده في رقبتها والثانيه في شدوقها ومدرعن الاخره وين ييييه
هناء..حاطه يدها علي فمها هههههه امينه...اششش
مجدي...حاط يده علي اشدوق ابتسام شنو الزف السماحه هذي
ابتسام...تبتسم
مجدي...انحبك
ابتسام..تشوفله
مجدي...قتلك انحبك كنك تشوفيلي هكي
ابتسام...انموت فيك انا
مجدي...مش مصدق انا مافيش فاصل بينا لاتلفون ولاروشن
ابتسام...هههههه
مجدي....مرقبات
هناء...طقطق
ابتسام..وخرت
هناء..خشت توزع في ابتسامات قلت انجيبلكم قهوه
مجدي..ياريتك ماقلتي
ابتسام..ههههه
هناء...انرد بيها ولاكيف
مجدي..هي جت جت حتي وهيا مش من ابتسام لكن نشربها
هناء...قليل الخير
مجدي..الوقت اللي نحكي فيه معاك مفروض مع ابتسام هيا جوا ومعش اتضيفيني شي نبي نمشي
هناء...مخسر روحك
مجدي..شاف ل ابتسام غمزلها ماخساره فيها شي
هناء...مسكتها ضحكه طلعت
مجدي...قربي
ابتسام...لاتمام
مجدي...غير قربي
ابتسام.. حبيبي مرات باتي
مجدي...توا نقرب ناا
ابتسام...بنة عطرك ادوخ
مجدي..لعقبال م
ابتسام...شفتله حبيبييي
مجدي..هههه سكتت سكتتت مسك فنجان وبدا يشرب ويشوف ل ابتسام ويضحك
ابتسام....خلاص بطل تحرج فيا
مجدي..اممممم قهوه سمحه
امينه...ههههههه ييييه ياريت بنات خالي بدر قعدات
فرح...عشان رزان تقتلنا ضحك
مجدي...حط الفنجان طلع تلفونه
ابتسام...شن ادير
مجدي..نبي نصور قبل ماايجي نسيبي
ابتسام..حولت الوشاح وابتسمت
مجدي..قربي
ابتسام...خلاص
مجدي...ماطلعتيش واضحه
ابتسام...صبي
مجدي..صبا
ابتسام...ارفع التلفون
مجدي..كنك جايه وراي
ابتسام...انت طويل
مجدي...قربها منه وخذا كم صوره معاها ابتسام
ابتسام...باتي حطت الوشاح علي شعرها وقعمزت في مكانها اللي اول مره تقعمز فيه
مجدي...رد للمكانه احترام واني مانعرفاش
ابتسام...هههه وراسي اسكت
عمران...يالله خش
ها اتفقتو
مجدي...انشالله كل شي تمام
عمران..حطيتي اشروطك
ابتسام...مطبسه اها
عمران...شن شرطك
ابتسام...خيمار مانبيش وكان جاني شغل نشتغل
مجدي...يشوفلها بصدمه
ابتسام..ارفعت وجها لباتها لقاته يسكر في القزاز الروشن حركت حواجبها ل مجدي وطبست
عمران...قبلت شرط بنتي يامجدي
مجدي...احم احم لاتمام
عمران...كل شي علي البركه
ابتسام...خشت لدار عزقت الوشاح وتضحك وراها البنات
امينه...ههههههه كسفتيه
ابتسام...حرجني باتي هذين اللي جن علي الساني
فرح...وهوا قايلك لا عليهن
ابتسام...ههههههه اها
●●
مجدي...نستأذن
عمران..اذنك معاك
مجدي...بكرا ايجيك باتي وعمامي
عمران...مرحبا بيهم
مجدي..طلع ركب في سيارته جاه وسام ركب معاه
وسام...عنجد شكلك
مجدي..انزل
وسام...بدال ماتشكرني
مجدي...علي شن نشكرك
وسام...من بدري عمي عمران يبي يخش انا اللي نوخر فيه جبتله قصه حتي حياة جدي اللي اجوز علي حني عشان انفضيلكم في الجو
مجدي...احلف
وسام..ههههه تخيل مش لهدرجه لقيته برا علي المضخه طلعت فيها اعيوب الدنيا هذي تبي لفه وهذي تبي خيط جديد المهم طلعت فيها اعيوب مالاحد مالاحد نفضيلك في الجو
مجدي..انردها لك انشالله
وسام...انشالله انشالله باهي احكيلي
مجدي..علي شن
وسام...هالساعه اللي قعدتو فيها مادرتو شي
مجدي..خبطه علي كتفه امشي ياامسخ
وسام...ماعلينا باااهي شن قالن علي التغليف
مجدي..لاوالله ذوق
وسام...ياحظ اللي تبي تاخذني
مجدي...بكل
وسام...تلفونك يرن ننزل انا
مجدي...باهي اللي عرفتها
وسام...نزل
مجدي..طلع بالمشغول وعاود علي ابتسام
ابتسام...الو
مجدي...والله انوريك
ابتسام...عفوااا علي شن
مجدي..يقلد في صوتها خيمار مانبيش وكان جاني شغل نشتغل
شغل عييينك وخيمار لو شن درتي لبسته لبسته
ابتسام..هههههه
مجدي..تضحك
ابتسام....حرام شهادتي
مجدي...مش شورك
ابتسام..بس انا خاطري نشتغل
مجدي..توا نعلمك علي شغل واجد
ابتسام...اجودتييييي
مجدي...ههههه تمام سكتت الكلام اللي قلتيله ماسمعت شي منه
ابتسام...معناها مش موافقين عليك
مجدي...نخطفك
ابتسام...ههههه خطرها الصور دزهن ليا
مجدي..تمام
●●●
هناء...تحكي فيديو مع البنات
امينه...شخبارك رزان فقدناك
رزان...ااااه يالقهر ماتفقدن غالي حتي نحنا كساد وين العرايس
امينه...حددي ام ناموسه ولااشدوق
رزان....لااااا هي وصلت لشدوق
هناء...اعزقت التلفون من الضحك
رزان...ههههههه طق في اللحم الحي بوعيون كحيله
فرح....هههههه ياباردات بطلن
رزان...اسكتي انتي ياناموسه بيدا راه نحرش عليك بيدا يقرصك اخري
البنات..هههههههههه
امينه...بكرا جايين الرجاله تعالن مع خالي
رزان...انجيي مانقول شي
اروي..ماجينا الا امس
رزان...صاح انسيت
روان...قولنها ل باتي
امينه.. توا نحكي معاه منها الجمعه نطلعو مع يعضنا
رزان..خلاص تمام
ابتسام...خشت لدار بنات سمعاتي وين
رزان.. ديرن الكاميره عليها
ابتسام...شيرتلها خير بنات
رزان....قرصك في اشدوقك
ابتسام..مننن
رزان..بعيون كحيله
ابتسام...حطت يدها علي خدها ههههههه لااااا تسمعن فينا
رزان.. هههههه معش فيه حشم طبعا
هناء...معش نقدر نمشي نطلع
رزان...غير تعالي جاي
هناء...اجنابي يوجعن فيا
رزان..كلمن خالكن بلكي يخلينا انجو
امينه...هههههه تمام
●●~~~~فاتت ليله علي ابتسام ومجدي
من اجمل ليالي العمر ايتفرجو علي الصور والابتسامه مش فارقتهم
~~~~~~
يوم جديد جيت الرجاله
فاطمه..حايسه في الكوجينه توتي للمثروده
امينه...ياريت خالي جاب البنات وعويشه
فاطمه...قالي جيت من طريق اخري
هناء...ياريت جن
فاطمه...وتن السفر توا باتك ايجي يركب
هنيه...تغسل في فناجين القهوه
فرح...امي خالي جاب لبن
فاطمه...اها دزاته عايشه
فرح...تمام وين الكبابي
هناء..اهن هذين
هنيه...كلمي العروس توتي معانا
امينه..خليها فرحانه ربي يكمل عليها
فرح...صوت هرجه
عايشه...اكيد يتعازمو علي شي حاجه هيا كملن
فرح...والله صوت هرجه
~
ابتسام..مش مصدقه بنطير من فرحتي حبيبي
مجدي...احمد جا معاهم
ابتسام...صاح باهي تمام
مجدي..بلكي يفك الحزن
ابتسام..ربي يصبره
مجدي..انشالله فيش اديري
ابتسام.. قاعده في الدار والبنات يوتن
مجدي..شفتهم بعد جوكم وطلعت للمزرعه
ابتسام ..قصدك مش في الحوش
مجدي...لالانحكي معاك في الطريق انا مرات نخش للمكان تريح التغطيه نروح مع ال12
ابتسام...عينك من روحك
مجدي..روحي باتي قاعد يتمملي فيها
ابتسام...هههه نجك لي
مجدي...اهو صاحبي يستنا فيا نبي نصكر
ابتسام...تمام في امان الله وصكرت
فرح...تحط في الكبابي في السفر
امينه..دوبك امطبسه هاكي تباسي الموالح
عايشه.. هيا بنات بسرعه نبي نحط باتك توا يبدا يهزب
عمران.. خش للكوجينه مافيش داعي اتكملن عدو الرجاله
البنات..يشوفنله
فاطمه....كييف
عمران....ابتسام حجرها يوسف...........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_التاسعه
تاقات لصحباتكن
#نورهان✍
