#جبرني_الوقت⏳
#الحلقه_السادسه_والثلاثون
بقلمي✍ #نورهان
مش خايل عليك الهم ولا خايلات جروحه ..
مش لك الشقى والهم يا خاطري ويا روحه(من مجدي لروح...🔥
الدكتور...شفلها بس انتي حامل
ابتسام...عادي دكتور احكي عادي متقبله اي حاجه رايدها ليا ربي شن عندي
الدكتور...معلسف طلع في الصور الأشعه ورم علي الدماغ
ابتسام...حطت يدها علي بطنها لاحول ولا قوه الا بالله العلي العظيم
ايمن..شفلها وشاف لدكتور يادكتور ورم شن
ابتسام...رد صدا الصوت يبعد تكرر لاحول ولا قوه الا بالله العلي العظيم
يارب اني لا املك من أمر الدنيا شي واني وكلتك امري كله جله اوله واخره علانيته وسره فتولاه بعنايتك وجعلني دائم الرضا كثير الشكر حسن الطباع لاحول ولا قوه الا بالله العلي العظيم
دكتور...يشوف ل ابتسام ويسمع في كلامها ابتسام
ابتسام...شفتله نعم
دكتور...ريلاكس اهم شي تكون نفسيتك متريحه وراضيه بقضاء الله وامره
ابتسام...الحمدالله الحمدالله ربي إذا حب عبده ابتلاه الحمدالله راضيه كل الرضا حتي لو ايامي معدوده في الدنيا الحمدالله الحمدالله علي كل حال
دكتور...لأزم من استئصال بس توا لا لأنك حامل مرات البنج يأثر علي الجنين
ابتسام...خلاص تمام بعد انجيب اندير العمليه توا اكيد لا اصلا انا بروحي مش حنرضى
ايمن...ورم سرطاني ولا حميدي طمنا اقل شي
دكتور...مانقدرش نقول شي لعند مانتأكد
ايمن...معناها نطلع بيها ل تونس
دكتور...براحتك
ايمن...صبى بارك الله فيك دكتور
دكتور...انشالله الف لاباس عليها كان مناي نقول نتيجه خير لكن قدر الله وماشاء فعل كله يعتمد علي النفسيه تقبلي الشي هذا يا ابتسام لو تقعدي اتفكري حتأثري حتي علي الجنين
ابتسام....صبت تنهدت انشالله وبارك الله فيك تعبتك امعايا
ايمن...مسك في يد ابتسام وطلعو
ابتسام...ايمن
ايمن...نعم
ابتسام..تكي علي الحلواني جيب بكلاوه وتورته
ايمن...شافلها حاضر
ابتسام...اركبت في السياره ونزلت الروشن
ايمن...واخذا راحتك اه مافي حد يقولك سكري الروشن يشوفو فيك
ابتسام...ههههه بالله عليك من بيشوفني من الخيمار
ايمن...ههههه يعني
ابتسام...فرحانه
ايمن...عارفك تكذبي
ابتسام...ورحمه عبسي فرحانه هكي شعور بفرحه خش لقلبي
ايمن...يبيب تي حول غادي عالق في
ابتسام...ايمن بشويش انت الغلطان
ايمن...لا هوا اللي غلطان المهم شن تبي انتي
ابتسام...بكلاوه الخضرا طبعا عشان هنو وتورته
ايمن...شن شكلها
ابتسام...اكبر وحده تلقاها
ايمن...وقف علي الحلواني مسايا
ابتسام...فتحت الشنطه ومدتله افلوس هاك
ايمن....شفلها دسيهن دسيهن تلقيهن علي حالك
ابتسام...بس انا اللي طلبت
ايمن...امعايا افلوس
ابتسام...ايمننن نزعل
ايمن...ابتساااام طربقي
ابتسام....هههههههه
ايمن...ههههههه هالله العظيم نزل وصكر الباب
ابتسام....ههههههه نجك لي احم احم مع رنت تلفونها امينه فتحت الوو
امينه....وينكم طولتو انشالله ديما تضحكي
ابتسام...هههه انشالله خلاص اقريب انجو
امينه...خشيتي علي الدكتور
ابتسام....اها هههههه الله يعطيك الخير ياايمن
امينه...كنه
ابتسام...ضحكني اطمني قالي هذا كله من فقر الدم دمك سبعه
امينه...احكي بصراحه
ابتسام...هذا اللي صار
امينه...احلفي
ابتسام...بشنو انتفائل علي روحي بالمرض مش اكويس
امينه...بعيد السو
ابتسام...قال الصور طلعن سليمات اما التحاليل الدم سبعه والفيتامين دال مافيش بكل يعني كله فيتامينات ناخذهن طمني باتي وامي بالله عليك نحنا اشوي ونجو غادي
هناء...بكلاوه
امينه...اسكتي
ابتسام...نجك لي اهو نزل ايمن ايجب فيها
هناء...نجك لي
امينه...باهي بشرتيني والله قاعده علي اعصابي
ابتسام...لااطمني اهي رزان في الأنتظار صكري
امينه...باي صكرت
ابتسام...الوو زونه
رزان...مع من في الأنتظار بيسو هذي ثاني مره نتصل
ابتسام... مع حبي
رزان...شافت ل مجدي وبتسمت والله نحكي جديات منو
ابتسام...حبي قلت كنك
رزان...بيسوو
ابتسام....امينه زونه
رزان...وين قاعده
ابتسام...في السياره
رزان...حسيتك فرحانه من صوتك
ابتسام...صاح حتي انا حاسه بهكي
رزان...نحكي جديات وين قاعده
ابتسام...كنت عند الدكتور يهبل يازونه
رزان...ابتسمت
ابتسام..اسلوبه يسهل كلشي تطلعي امريقله من عنده
رزان...شن قالك
ابتسام....ماعنديش فيتامين دال بكل
رزان...ريتي هالشمس اللي تطلعيلها
ابتسام....هههههه
رزان...هههههه والله باهي وشن اخري
ابتسام...عطاني مقويات عشان يرتفع الدم قالي سبعه
رزان...ياروحي
ابتسام....وبس بلكي اليوم في ليل مروحه للحوش نبيش مجدي يحقني
رزان...شفتله اليوم
ابتسام...اها
رزان...توا وين قاعده
ابتسام....ايمن نزل علي حلواني نرجا فيه
رزان...باهي ياروحي طمنيني عليك كان روحتي دزيلي رساله انجي انبات عندك بكرا
ابتسام...خلاص تمام تبي شي
رزان...نبي سلامتك
ابتسام...نجك لي باي
رزان...باي صكرت
مجدي...صبى
رزان...وين
وسام...اسكتي عيب
رزان...ابتسام تكذب راهي
مجدي...شفلها كيف يعني
رزان...فيها خنقه في صوتها نعرفها بعد تكون داسه شي
مجدي...كيف شنو يعني
رزان...مشعارفه كيف شنو المهم اطمنت عليها
مجدي...طلع
رزان...ياريت ايتلاقوا وترد حرام هكي
وسام...انشالله حبيبي
ايمن...ركب في السياره ويشوف وراه انخاف التورته اطيح
ابتسام...لالا مش حطيح ايمن
ايمن...يسوق شن
ابتسام...وغلاوه هاجر وعيالك عندك وحياة حني امينه
ايمن...شنننن
ابتسام...ماتحكي شي
ايمن...لا هذي ماتشرطيها عليا هذي حياة او موت
ابتسام...هذي حياتي انا مش حياة حد
ايمن...مانقدرش يابسومه
ابتسام...طلبتك هالمره عشاني
ايمن...نسكت لعند امتي
ابتسام...لعند مانجيب
ايمن...سكت بس شن انقول
ابتسام...ماعندهاش فيتامين دال في جسمها دمها سبعه
ايمن...لا اله الا الله
ابتسام...محمد رسول الله باهي ايمن
ايمن...حنشوف
ابتسام...ايمن عشان خاطري ملينا من النكد مانبي حد يفكر فيا
ايمن...لاانشالله خير
#نورهان✍
الكل في حاجر حني امينه يرجو في ابتسام وايمن....
عمران...امينه شن صار
امينه...قالت طلع فقر دم ودمها سبعه وعندها نقص فيتامين دال طمنتني وجايين في الطريق
صالح...باهي والله
هناء...جت جنب عمران باتي
عمران...هاباتي
هناء...باتي قتلك راسلت الأكاديميه رد عليا المدير قالي قبلنا نبي نمشي نعطي فيها
عمران...وينها
هناء...فاتحه جديد
ادم...لا اكاديميه لا نم
هناء...نحكيش معاك انت بعدها مش ناسيه كرت شعري امبدري
عمران...كنك ياادم امعاها
ادم...ياعمي هكي هيا ادور في الحس معايا
هناء...انشالله تلقها من كذبك ياكذاب
عمران...خلاص ريحوني
هناء...شن قلت بابي
ادم...بابي هه قلت مافيش كان ماكملتي الجامعه تموتي
هناء...دخلكش بعدها نحكي مع باتي انا شن دخلك انت
عمران...خلاص باتي نسأل عليها قبل
هناء...هذي تقعد اكاديميه اب حودا شاب كان يقرا معايا وهوا قالي تعالي عاطي معايا دروس بصراحه ياباتي نبي نمشي شافت ل ادم رفعت حاجبها
ادم..والله ياهناء راني نصبيلك
هناء...عمي نجك لي فكني من اولدك
صالح...تريح يااادم
ادم...حودا والله نوريك عليها
عبدالسلام....بالله عليك شن اسمه
هناء...محمود نقوله حودا
عبدالسلام...معاك ياهنو في نفس التخصص
هناء...اها عبسي وشبوب نزيك بكل حتي بعد مانجي مرات لجامعه يعطي فيا الشيتات متاعاته عشان نشوف شن فاتني
ادم...هناااااااء
صالح....ياراجل كنك
ادم...خليها تصكر فمها
صالح...بنت تحكي علي مستقبلها مع بوها انت شن دخلك
عبدالسلام...اي واحد اسمه محمود متاع علم
هناء...هههههه بكل شاطر شافت لعمران باتي نعطيك تحكي معاه يحكيلك علي الاكاديميه منها تتعرف عليه والله اكويس بكل
عمران...باهي هاتي عندك رقمه
هناء...ماانا راسلته خاص دزلي رقمه عشان نتواصل معاه واتس
ادم...صبا مسك هناء من شعرها شن عندك رقمه مارقمه يهز في راسها
البنات...يضاحكن
هناء...تبكي ياباتي جمجمتي طارت في يده
عمران...كيف اتمد يدك عليها وانا قاعد
ادم...ياعمي وين عمرها بنت من بناتنا حكت مع واحد
عمران...زاميلها في الكليه واثق في بنتي ماديرش الغلط
ادم...ياعمي انت طيب بكل خليها شغلها عندي هذي
عمران...احترم نفسك ياادم بوها اللي قدامك
ادم...وانا ولد عمها والله ماماشيه لا اكاديميه لا سو
صالح...تحشم علي وجهك ياادم
ادم...صبي ياهناء من قدام وجهي
هناء....اااا تبكي ينعلي يا راسي
اصيله...طايحه علي اسراء تضحك شوفي شعرها كيف صبا
اسراء...هههههه
امينه...لادومي حرام راسها يوجع فيها
هناء...اااااا ياباتي خليه يخطاني ياعمي امسك اولدك عطب امعيشتي
ادم...ونسودها كان نبي ياارنوبه
هناء...هههه ااااا تبكي خطاني ياادم
اصيله...منظرها وهيا تبكي قتلتني
هناء....والله نشتغل
ادم...جاها
هناء...صبت ورا عمران ينعلي ياباتي مايقدر عليه غير ربه
ادم...قلت والله مانك ماشيه نقعد كابوسك
هناء...اننننن كابوسك انت توا وكابوس شوخ علي خواتك اهن قعدات يكملن
ادم...انتي انتي مافيش
هناء...تحلم الدجاجه انها اطير في سماء ربها مادخلكش بيا باتي نعطيك تحكي مع حودا تتفق معاه
عمران...بكرا مش توا
هناء...قعمزت يدها علي راسها ينعلي يا جمجمتي اللي مازالتي ناجيه باتي بحت راسي مش مايل
البنات...هههههههه
امينه...فيه ميله
هناء...ينعلي من هنا صاح
صالح....ههههه لاحول الله
عمران...يسقم في شعرها
هناء...ينعلاااي ياباتي هنا عندك
اسراء...ههههههه شوفي ادم كيف يبحت فيها
هاجر...هههههه مستشر
امينه...بكل حتي هناء مستفزه شن حودا ماحودا
اسراء...ادم غاير
هاجر...حسيته حتي انا
هناء....نجك لي ياباتي عطيني بوسه باساته علي خده رن تلفونها صكراته من الجنب وصبت توا انجي مكاني مايخذا حددددد
امينه...من
هناء...غمزتلها توا انجي
اسراء...بس والله يهبلو كان صار بينهم شي مش حنملو من الكوميديا عسل
هاجر...ههههههه بكل
ايمن...خش السلام عليكم
الكل...وعليكم السلام
ابتسام...كيف حالكم
الكل...الحمدلله
حني امينه...شن دايره يابسومه
ابتسام...لا الحمدلله حني طمني الدكتور قالي نقص في فيتامين دال ودمي سبعه عطاني مقويات عشان الدم يرتفع بس
امينه...والدوخه
ابتسام...هيا من الدم
امينه...يعني اكويسه
فاطمه...عطاك دواء
ابتسام...اها
فاطمه...باهي عاد عينك من روحك
ادم...شاف الكل لاهي مع ابتسام خش جوا
ابتسام...انشالله قعمزت جنب حني امينه
هناء...ههههه نجك لي امتي نتلاقو راني امراااايييفههه عليك بكل
ادم...خش لدار كر التلفون من يدها حطه علي وذنه
هناء...واقفه في مكانها تشوفله
ادم...صكر الخط علي هاله
هناء...يامتخلف
ادم...قرب امممم
هناء...شن لحقك فيا
ادم...امممم
هناء...معشش اتقرب
ادم...لصق فيها شن قلتي
هناء...ايديها علي صدره ادف فيه
ادم...كان ماتنزلي ايديك نكسرهن
هناء...الا ايديا اتسد راسي باهي بعد عشان نتفاهموا
ادم...علي شن نتفاهموا
هناء...بعد بس
ادم...تؤؤؤ
هناء...اددددم بنتك دخان علي عطر ماتجيش
ادم...واللهي
هناء...ترفع في اعيونها فيه وطبس اها
ادم...شوفيلي بس
هناء...بععععد
ادم...مسكها من شعرها
هناء...والله يوجع فيا والله حرام عليك
ادم...قلتي امبدري من اللي عندك رقمه
هناء...من انا حكيت هكي ليش تكذب
ادم...ماسك ضحكته ضغط علي يده
هناء...خلاص الجمجمه في حاله اغماء حرام عليك
ادم...انتي تحكي معاه
هناء...شفتله منوووو طاح اسعدك
ادم...هو اللي حكيتي عليه وتبي عمي يحكي معاه
هناء...حوداا اها
ادم...نزل راسها
هناء...نكذب نكذب كنت انرقي فيها لكي لأنك متغير معايا
ادم...كيف متغير يعني رفع راسها
هناء...حطت يدها علي يده باهي خفف يدك بس
ادم...تؤؤؤ
هناء...عشاني حرام اشعري ايطيح منك
ادم...احكي وفكيني من تغيير المواضيع
هناء...تلفوني يرن
ادم...شفلها
هناء...دومي كنك عصوبي انت هاله صاحبتي
ادم...طلع بالمشغول باهي كملي
هناء...شننن ادم بعد يدك بس ونتفاهموا
ادم...يافرخه راني نكسر ارقبتك من سي حودا هذا مننننننو
هناء...بعد يدك نحكي
ادم...بعد يده
هناء...باهي نشوف في حد برا مرات يسمعنا يفهم غلط
ادم...ها ها ها علي مين
هناء...كنك
ادم...تبي تهربي
هناء...مسكت يده لامش حنهرب حتي لو هربت مرجوعي لك ولا
ادم...عارفه يعني
هناء...اها
ادم...يشوف في يدها
هناء...بسم الله شن هذي
ادم...شن لتفت
هناء...فكت يدها وتبي تهرب
ادم...لقطها بكرعه
هناء....طاحت ااااي ههههه
ادم...تضحكي علي عيل انتي
هناء...خطاني طيحتني علي فمي راك
ادم...مازال خشمك نزل مسكها من يدها صبي هي
هناء...صبت ماسكه ضحكتها علي طيحتها
ادم...توا تطلعي لعمي قوليله غيرت رائي
هناء...بس انا ماغيرته رائي
ادم...لاحتغيريه
هناء...بس انا نبي نشتغل عليش خذيت الشهاده شن اندير بيها
ادم...توسدي بيها مش حتنقصك حاجه لكن تطلعي وتخشي هذي لااا
هناء...وانت من صاح صبيت معايا كنت في جنبي في كلشي في امتحاناتي في تخرجي الزفه اللي درتها ليا بعد الحفله مش ناسيه جميلك علي راسي من فوق لكن انك تتحكم فيا هذي لا سلم باتي
ادم...عارفه
هناء...شن مسكت يدها بارد توجع فيا
ادم...تستاهلي
هناء...باهي شكرا ادم نبي نطلع ممكن
ادم...تطلعي تقولي ل عمي غيرت رائي
هناء...بس انا
ادم...هناااء
هناء...مش علي اساس بعد العيد الفطر ماشي تبي تطلب شن غير رائيك عدي حبيبي عيش حياتك بلكي تلهيك عني اشوي
ادم...مافيش حد يقدر يلهيني بعدها كنت نكذب قصدك القصه اللي في رمضان اللي جيتينا انا و مني في الحاجر
هناء...اها قلت نبيها تمشي للعرب او حاجه هكي مادققت في الموضوع
ادم....عادي عندك ناخذ غيرك
هناء...كيف يعني
ادم...اني نزوج
هناء...اكيد حنفرح علي كبدي زي العسل
ادم...متأكده ياارنوبه
هناء...لااشوي كيف يعني ناخذ غيرك انا نوعيتي بعد نقعد قدامك زهايمر كيف يعني ناخذ غيرك
ادم...نزوج وحده غير الأرنوبه
هناء...شفتله ليش انت تبي الأرنوبه ههههه
ادم...عليش تضحكي
هناء...لا بس اتجر فيا بالكلام
ادم...لانحكي جديات انتي عارفه انا راجل لا نلف لاندور كلمتي كلمه
هناء..انت انت ادم يفكر في هناء مستحيل
ادم...ليش مستحيل بنت عمي او لا برانيه
هناء....يييييه كلامك سمح بس انا نبيكش
ادم...عينك في عيني
هناء...شفتله ااه
ادم...يعني انا طلعت انحب من طرف واحد
هناء...انت اتحبني انا مستحيل
ادم...اها خلينا نحكو جديات اشوي
هناء...شوف نصيبك عارفتك اتجر بيا
ادم...كلمه شوف نصيبك واعره ياهنو
هناء...شوفه
ادم...مش حتندمي
هناء...لا
ادم...متأكده
هناء...اها متأكده
ادم...تمام يابنت عمي طلع
هناء...هذا يحكي جديات ولا يجر فيا والله شكله شكل واحد يحكي بجد اوووف طلعت وراه
ابتسام...باتي ماشيين
عمران...اها
ابتسام...نبي نمشي للحوش
عمران...باهي براحتك
صالح...ايش رايكم الجمعه نمشو للبحر
اسراء...نجك لي ياريت ياباتي
صالح...عشان اصيله من ضغط الأمتحانات
اصيله...نجك لي وربي يطولي بعمرك حنوني
هاجر...ياريت النفسيه تبي مكان هكي ولا بيسو
ابتسام...بكل
امينه...خلاص معناها انأجلو مشيه للمزرعه السبت
ابتسام...عادي لكن علي رزان
امينه...توا نحكي معاها
ادم...قعمز
هناء...قعمزت جنب حني امينه
ابتسام...الجمعه ماشيين للبحر
هناء...الله
ابتسام....حقالله
ادم...امييي
حواء...هاامي
ادم...بما انكم كلكم قعدين
هناء...شفتله ماجاش في بالها الموضوع اللي يحكي فيه ابداااا كانت تشوفله وبس
ادم...امي نبي اندزك ل عرب تطلبي
صالح...من العرب
ادم...صحبه اسراء ندي
اسراء...ندي ماغيرها
ادم...ندي شن رايك فيها
اسراء....ابنيه ماشاءالله عليها بس راهي تبي تشتغل مش بعد لسنين كلهن تقوللها لامافيش شغل
ادم...لاعادي وتشتغل
هناء...شفتله
حواء...شن شكلها ياسريوا
اسراء...تهبل امي عندي صوره لها راجي نوريها لكي
اصيله...وانت وين شيفها
ادم...مش شورك انتي اسراء
اسراء...نعم راجي نوريها ل امي اهي امي
ادم...احكي معاها بكرا تمشو تنهولي فيها
اسراء...بكراااا غير الصبر نحكي معاها
ادم...مش حتقول لا
امينه...شكلها تبيه
اسراء...بكل مني بعدها هيا ميته فيه موت
هناء...تسمع فيهن
حواء...لاماشالله عليها
هناء...صبت وخشت جوا
ادم...يبتسم تمام
هناء...خشت لسرير حني امينه يحكي جديات هذا ولا يبصر بس يحكي جديات اوووف وعمتي حواء عجبتها البنت اااااادم اوووف
#نورهان✍
عمران...توصي علي شي امي
حني امينه...لا سلامتك
عمران...تمسوا علي خير
الكل...تلاقي الخير
ابتسام...تمشي ورا عمران
امينه...عينك من روحك
ابتسام...انشالله خشي مش لابسه صباط
امينه...باي خشت
ابتسام...باي
ايمن...ابتسام
ابتسام...وقفت نعم
ايمن...شن حديري
ابتسام...في شن
ايمن...شن يعني
ابتسام...اها مش حندير شي مخليتها علي الله لعند مانجيب
ايمن...مجدي
ابتسام...كنه
ايمن...من حقه يعرف
ابتسام...بعد اشهور ايمن لااا مش حيعرف
ايمن...عمران
ابتسام...وعدتني انت قبل مانخشو يكون الكلام بينا لو يعلم باتي يقعد يفكر ويجرم روحه ماتحكيش شي
ايمن...انتي مستهزاءه علي الموضوع
ابتسام...لا بس مش وقته توا هيا طولت علي باتي تصبح علي خير ااها خطرها قبل انسيت التحاليل وصور وينهن
ايمن...تحت كرسي السياره
ابتسام...ماتخلي حد يفطنلهن
ايمن...تمام وانتي من اهله واي شي رني علي
ابتسام...حضناته نجك لي ونعني مانفقدك
ايمن...رد حضنها هبله انتي شن تحكي
ابتسام...ههههه
هناء...هياااا
ابتسام...جيت مشت اركبت في السياره
ايمن...شير وصكر الباب
عمران...يسوق شن دايره يابسومه
ابتسام...الحمدلله
هناء..تحكي بشويش كنك ترعشي
ابتسام...مشعارفه
هناء...خايفه تتلاقي معاه برا
ابتسام...اها
هناء...ماتفكريش
ابتسام...حتي انا هيا اللي ديرتها
هناء...لعند امتي
ابتسام....دارت وجها لطريق معش حكت
عمران...وقف علي الكوشه انجيب خبزه ساخنه
فاطمه...احسن مادرت بس ماتكثرها
عمران...انشالله نزل
فاطمه...تعشيتي يابسومه
ابتسام...الحمدالله رز امبوخ متاع عمتي حواء يجنن
فاطمه...اها ماشاءالله عليها
هناء...امي صاح علي ادم
فاطمه...كنه
هناء...يبي يخطب
فاطمه...اها
هناء...تمام
فاطمه...كنك
هناء...لا نبو فرح فرحانه نبي انطير
فاطمه...خلاص كان خطب حيطلع الفرح واتي هو
هناء...بكل بكلللل
عمران...ركب يالله مدلها الخبزه
فاطمه...بنتها فايحه تبن
ابتسام...صحيتي
هناء...نبيش
عمران...طلع بالسياره وخش لشارع
ابتسام...يدها علي قلبها يبي يطلع من مكانه اربع اشهور ماجت للحوش هلها كانو هم اللي يجو لحوش حني امينه اربع اشهور عدن عليها من عمرها ضاقت فيهن المررر دموع ليالي سهرها مرضها حملها وحمها كانن علي رف ذكريات ابتسام انحرمت من حاجات واجد في الأربع الشهور فرح رزان اللي كانت تستنا فيه بالدقيقه والثانيه ماعاشت معاها فرحتها بكل تفاصيلها تخرج هناء الوحيده اللي قعدت في الحوش الكل عدو شاركوها فرحتها خطوبه اروي ماعاشت معاها فرحتها كانت في موقف محرج حامل وقاعده في حوش حنها مشعارفه مصيرها شن برغم الكل مش محسسينها بشي اهم شي ابتسام وراحت بالها حتي بعد جو عربها يردو فيها كان القرار الأول والأخير ل ابتسام
اربع اشهور مستحيل تقدر تنساهن بسهوله
عمران...هيا انزلوا
ابتسام...تشوف لحوش عيت عمها مافي حد الا سياره وسام واقفه برا
هناء...رزونه شكلها هنا
ابتسام...ماقلتلي انها جايه ممكن هوا بس باهي مش قاعد هو
هناء...مجدي
ابتسام...اششش وطي صوتك من بي يكون
عمران...فتح الباب هيا باتي
فاطمه...انزلت ماسكه الخبزه
ابتسام...انزلت من السياره
مجدي...يشوفلها ويشوف ل بطنها اللي كابره شعور اخيييي حس بيه لقي روحه نازل من السياره
هناء...بيسو
ابتسام...صكرت الباب ومشت لعمران
هناء...تشوف ل مجدي اللي جاي شورهم
مجدي...ابتسام
ابتسام...مجرد ماسمعت اسمها دفت الباب وخشت كلها ترعش
عمران...شفلها وشاف ل مجدي
هناء...لحقتها
عمران...تفضل
مجدي...نبي نحكي معاك عمي
عمران...في شنو
مجدي...نبي مراتي
عمران...بعد شنو
مجدي...عمي عمران انت مش فاهم شي
عمران...نبي نفهم انا
مجدي...مانقدرش نحكي
عمران...معناها ماعنديش لك حل ابتسام مش مفكره انها اترد لو تبي اترد ماطلعت وعدت لحوش حنها
مجدي...يحكي بيديه عمي كل شي حينحل يوسف هوا اللي غلطان
عمران...ماتوصلش تخرب فرح بناتي
مجدي...ماخربت شي انااا ياعمي
عمران...والضرب اللي ضربته ل يوسف
مجدي...ينابش في مراتي قدامي ونسكت وين اتجي هذي
عمران...كنت اتجي وتحكيلي
مجدي...ضحك علي جنب عمي شن انجي ونحكيلك شن حيقولو عليا خايف عطيته درس مش حينساه
عمران...مفتخر بيها
مجدي...عشان ابتسام اكيد مش غير يوسف كل من يبي يضايقها هكي حيصير فيه واكثر
عمران...وشن جاي تبي توا
مجدي...نبي انردها
عمران...كان قالت لا
مجدي...نحكي معاها ونفهمها هيا فاهمه غلط
عمران...بكرا اليوم لا
مجدي...طولت ياعمي لنا اربع اشهور
عمران...مانبيش نضغط عليها
مجدي...نحكي معاها ونتفاهموا حقك علي لا نضايقها لانزعلها انفهمها بس
#نورهان✍
امينه...حني تبي حاجه
حني امينه...لا الله يربحك طفي الضي
امينه...حاضر طفت الضي وطلعت برا للحاجر
اسراء...ارقدت
امينه...اها كرت كرسي وقعمزت مشعارفه ابتسام شن امورها
اسراء...اكيد راقده
امينه...مستحيل انا اللي نعرفها
اسراء...خطرها تلفونك رن
امينه...من
اسراء...رقم بدون اسم
امينه...فتحت التلفون منو هذا
اسراء...ماعرفتيه
امينه...لا صكرت التلفون باهي شن كنا نحكو
اسراء...علي ندي كلمتها ينعلي طايره في السماء تعالو مرحبا بيكم هوا هوا قالك نبيها بسم الله ماعطتني فرصه
امينه...ههههه امتي تمشو
اسراء...ندي قلتلي تعالو بكرا يتعرفو عليكم بس
امينه...قصدك مش طلبه
اسراء...لا خوتها واعرين قالت تعالن ع اساس تكسيده ومن تكسيده امها تحكي ل بوها انا صحبتها تبيها لخوها هكي اتجي الطلبه
امينه...اها اوكي حتي هوا راي رن التلفون
اسراء...ردي مني
امينه...اشش فتحت وتسمع الوو
المتصل...السلام عليكم
امينه...عليكم السلام تفضل
المتصل...امينه ولا
امينه...انشالله
المتصل....مصطفي معااك
امينه...منو مصطفي ماعرفتك
مصطفي...بوفا يامني
امينه...بوفا اهااا
اسراء...ابتسمت
امينه...شفتلها علقت السماعات وحده لها والثانيه ل اسراء
مصطفي...تسمعي فيا مني
امينه...اها تفضل شن تبي
مصطفي...ياناس علي الصوت
اسراء...يدها علي فمها تضحك
امينه...بوفا شن تبي ومن عطاك رقمي
مصطفي...قلب بوفا انتي طالعه عسل من فمك وحقالله
امينه...اختصر
مصطفي...امرايف عليك يامني
امينه..عليش اترايف عليش
مصطفي...القلب وما يحب شن بنديرله اني
امينه...فوتني يابوفا اكيد طبعا كالعاده امنه عطاته لكي مش حنتفاجاء يعني بعد خذاته مني في الفرح
مصطفي...بالله عليك ياحبي عطيني فرصه فرصه وبس مش حتندمي
امينه...علي شن مافي شي بينا
مصطفي...عارف عارف ياحظه خطيبك اللي مش قادره اطلعيه من قلبك لو هوا في مكانك من زمان متزوج مش خاطب وبس
امينه...حاجه ماتخصكش بعدها انا عليش انضيع في وقتي ونحكي اصلا معش تتصل بيا
مصطفي...اسف اسف وربي اسف خلاص استقرينا في البيضاء ياريت لو نشوفك والله امرايف عليك يامني
امينه...صكرت الخط وحطاته في الحظر
اسراء...هايمه عطك ادعوه ياامينه باهي
امينه...دعوه خير انشالله
اسراء...ينعلي صوته صووته وكلمه حبي كيف طالعه احييي
امينه...خبطتها علي راسها اعتدلي يابت
اسراء...شوفيلي كذا
امينه...شفتلها امممم
اسراء...لعند امتي
امينه...ماحد يدخل بحياتي
اسراء...فعلا لو انتي ميته ايهم حنزوجوه كوني متأكده وحياتك ايهم خويا اللي نحكي عليه بس انتي مازالتي في عمر الورده عيشي حياتك تعرفي حبي ازوجي ديري اعيال تلقيهم علي حالك بعد تكبري لاانا ولا اصيله لا امي ولا باتي ولاخوتي معترضين بلعكس وجعتهم بكل لأنك ترفضي
امينه....مستحيل بعد ايهم
اسراء...مازال ماجاء اللي يعوضك بس
امينه...بالله عليك صكري علي الموضوع لأنك تحكي اتعبي في لسانك
اسراء...عطيه فرصه
امينه...شفتلها الاء
اسراء...سيب نهايه الدنيا وستقر هنا شن يمنعك كنت انصبي معاك لو قلتي بعيد بس هوا قرب
امينه....الااااء قلت
اسراء...بكيفك لكن حرام اللي اديري فيه بروحك
امينه...هكي متريحه فتحت النت كنكم مصكرين وين الشبكه
اسراء...رني علي اصيله تفتح اكيد مطفيته ولا لخيط فاصل
امينه...اكيد راقده
اسراء...لا تقرا
#نورهان✍
وسام...يمشي في يده علي شعر رزان حبيبي
رزان...شفتله نعم
وسام...نعسانه
رزان...تقعدت لا في حاجه نغزتني هن هن
وسام....يشوف ليدها علي صدرها كنك ياعمري
رزان...ردت حطت راسها علي صدره اوووووف مضايقه
وسام...علي شن
رزان...حبيبي قتلك
وسام....قولي
رزان...ماشيه الخميس مروحه الأحد
وسام...لاهذي ماحد يقدر يفتيلك فيها
رزان...كيف يعني
وسام..متفقه مع بنات عمتك تتلاقن غادي تمام علي عيني وراسي لكن تقعدي اربع ايام لا حبي مانقدرش علي بعدك اربع ايام
رزان...حبي نبي نغير جو من اول مازوجنا مابتت غادي
وسام...انتي حامل مرات تسير فيك حاجه
رزان...لامتخافش نبي نقعد غادي لعند الأحد
وسام...لاقلت قاطع كلامه تلفونه يرن
رزان...رفعت راسها من اللي يبي يرن توا انشالله خير
وسام...ارتبك طلع بالمشغول وصكر التلفون
رزان...منو حبيبي
وسام...اكيد فيه تحقيق مش ماشي
رزان...توا
وسام..اها
رزان...باهي ردت راسها علي صدره خليك امعايا فيش مشي
وسام...قاعد ياقلبي مش ماشي رن التلفون
رزان...رفعت راسها شن الأصرار
وسام...طلع بالمشغول وداره وضع طيران
رزان...مصرين يعني مافيش غيرك
وسام...اثنين بس في المركز لأخر في طرابلس ماشي ينهي في اوراق غادي
رزان...تنهدت باهي تمام قربت تبوس فيه في فمه فيش مشي تقعد معايا فهمت
وسام...بدلها بالبوس وبعد حاضر ياعمري انا طالع اندخن في البلكوني
رزان...لافيش مشي تبوس فيه
وسام...بعدها حبيبي نبي نعدل راسي ونجيك
رزان...قلت فيش مشي انا
وسام...صبا من السرير
رزان....تشوفله
وسام....خذا التلفون وطلع
رزان...وسااام
وسام...توا انجي توا انجي
رزان...تقعدت رفعت حاجبها كيف من يبي يرن عليه ساعه ثلاثه فيه تحقيق توا من ياوسام خذت المخده وعزقتها اووووووف صبت طلعت من الدار تمشي بشويش اتبع في بنة الدخان مشت للمربوعه
وسام....ماسك التلفون راقيله ويدخن
رزان...انسندت علي الباب كنك حبيبي
وسام...شي ياقلبي خشي علي بنة الدخان
رزان...مادخن قدامي عادي شن معنى اليوم اممم
وسام...خايف عليك
رزان...تعال باهي نبيش نرقد بروحي دارت وجها تبي تخش
وسام...نكمل هذا ونجي رن التلفون دايره هزاز
رزان...التفتت عينها علي التلفون اللي ضاوي
وسام...سحبه وصكرا
رزان...بدون ماتحكي معاه خشت لدار وخشت تحت الورغان صكرت اعيونها ماتخليش الافكار السلبيه تسيطر عليك رزان اكيد شور التحقيق وشغل صاح
#نورهان✍
صباح يوم جديد....تحديدا ساعه 11:12
هناء...ليش ماطلعتي عليه امس
ابتسام...مش ضروري
هناء...اكيد نادم
ابتسام...بالله عليك خليني نجفف اشعري
هناء...افريحه جايه اليوم
ابتسام...صاح نجك لي باهي وهنيوا
هناء...قالت إسلام قال كنتي عندهم
ابتسام...اها حطت يدها علي راسها
هناء...كنك
ابتسام...لاعادي ديما تسيرلي باهي تمام
هناء...حتي انا نمشي ندوش علي فكره التوته تهبل
ابتسام...ضابطه صاح
هناء...لاتهبل عليك مطلعه بطنك ههههه نجيلي الأحمر
ابتسام...جبتها ليا مني
هناء...تهبببببل
ابتسام...مش اخساره فيك
هناء...بعد اندير بطن توا ناخذها
ابتسام...هههههه حقيره واضحه بكل
هناء...اكييد واضحه
ابتسام...خليلي الملايه بعد ايجي باتي نلبسها
هناء...باتي طلع لسوق مازال ماجا
ابتسام...طفت الأستشوار وترفع في شعرها فوق
هناء....يعوينك كملتي شن يجفف اشعري
ابتسام...توا انجففه لكي
هناء...نجك لي ماشيه ندوش
فاطمه...بسومه
ابتسام...تشوف لروحها في المرايه يدها علي بطنها نجك لي قاعده تكبري حبيبت امك انتي نعم امي
فاطمه...صكري روشن المربوعه
ابتسام...طلعت من الدار شن
فاطمه...روشن المربوعه مفتوح صكريه
ابتسام...من فتحه
فاطمه...باتك امبدري
ابتسام...امي خاطري في سبيقا
فاطمه...حاضر توا انديرها غداء
ابتسام...نجك لي نصكر الروشن ونجيك
فاطمه...باهي
ابتسام...خشت للمربوعه وصلت لنصها شافت ااا
مجدي...عيونه علي بطنها ياروح.........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #السابعه_والثلاثون
#نورهاان✍
