#جبرني_الوقت⏳
#الحلقه_السابعه_واربعون
بقلمي✍ #نورهان
انـت عالـمي الثـاني واحسـاسي الحـلو انـت شـيء يخـصنـي ويكفـينـي عـن الجـميع💍❤🌎
●●●
فاطمه...منى
امينه...نعم امي
فاطمه...يبيك باتك بره
امينه...شن فيه
فاطمه...مشعارفه قالي كلميلي منى
امينه...وين الغسول يابنات
اسراء...اهوا هاكي
امينه...خذاته نغسل وجهي ونجي
فاطمه...باه
امينه...خشت للحمام تغسل في وجها
اسراء...كنه ماخش عمي
فاطمه..قال نبي البروده بره
اسراء...صاح الجو انضغط
فاطمه...بكل
امينه...طلعت تنشف في وجها حول
اسراء...اها
امينه...خشت لدار حولت الفستان لبست توته وطلعت للحاجر باتي
عمران...اني هنا ياباتي
امينه...جاته قعمزت جنبه تحس في شي
عمران...لاوالله الحمدلله
امينه...باهي هيا خش جوا
عمران...لاهنا متريح
امينه...حطت راسها علي كتفه ربي يطولي بعمرك ياعمري
عمران...يده علي راسها
امينه...باتي بكره في العشيه مروحين للحوشنا
عمران..باهي ياباتي
امينه...توا نرفع حوش حني كله والفرش توا نقول ل ايمن حطه في الغسيل يوم اللي يطلع انجي نفرشه لها اما الحوش مافيش حاجه حايسه بكره نوعى بدري اندير حمله عليه ويسعدني البنات
عمران....الله يربحك
امينه...زادت حضناته نجكلي
عمران...كلمني خليفه عليك
امينه...بعدت شفتله حله
عمران...كيف
امينه...ترفع في جمتها لاباهي كنه
عمران...قال نبي انجي نطلب امينه ل احمد ولدي
امينه...معش ردت حست في وقتها كأنها قاعده في دار مافيهاش باب ولاروشن مصكره من جميع الجهات مشعارفه كيف تطلع منها
عمران...احمد اكويس وحتي هوا فقد هله انا مانزرش عليك هوا قالي رد عليا الأسبوع هذا عشان انجي نحدد الفرح والفاتحه
امينه...باتي
عمران...ماتحكيش شي فكري انا مانجبرك علي شي غير نبي انتريح عليك
امينه...ردت حطت راسها علي كتفه
عمران...حكالي قدام صالح وصالح قالي خليها توافق لعند امتي ترفض ايهم ربي مش كاتب يكونو ل بعضهم
امينه...تمسح في ادموعها
عمران...فكري والقرار الأخير لك نقدر اندزلك مع امك لكن قلت نحكي معاها بروحي
امينه...رفعت راسها شفتله رد عليه قوله مرحبا موافقين
عمران...متأكده
امينه...ماعنديش حل غيره الا اني نوافق
عمران...مش تقولي باتي جبرني
امينه...اكيد لا الوقت جبرني مش انت اطمن
عمران...عليش تبكي
امينه...لااا
عمران...يمسح في ادموعها وحياة باتك ماتنجبري علي حاجه انتي مش متقبلتها ماتبيش خلاص نرد عليه نقوله ماعندناش لك نصيب
صالح...خش لاقوله عندنا النصيب
امينه...شفتله عمي
صالح...قعمز جنبها لعند امتي تقولي لا
امينه...هزت براسها دموعها ينزلن معش قدرت تسيطر عليها
صالح...وافقي ايهم والله ماعاد راد هني باتك عليك كان انتي اللي ميته قدام باتك نقولك ايهم مانخليه يقعد الوقت هذا كله بدون زواج لانزوجه ونترحم عليك انا ولدي نبي نفرح بعياله لعند امتي يكون بدون زواج هذي سنه الحياة وايهم الله يرحمه هوا في دار الحق مايجيب منك علم انتي في الدنيا وهو في الاخره وافقي علي العريس اللي جاك وانا وعمتك حواء معاك ومعزتك هي معزتك ومكانتك هي مكانتك عندنا
امينه...تشوفله بخيبه
حواء...جت دوم اللمات الحلوه
فاطمه...جايبه سفره فيها عشاء حطتها في النص شافت ل امينه كنك
عمران...صكر اعيونه
امينه...تمسح في ادموعها تصبحو علي خير
صالح...وانتي هي الخير
عمران...وانتي بخير
فاطمه...تبي تلحقها
عمران.. خليها تعالي تعشي
حواء...كنها تبكي منى
صالح..جايها عريس
امينه...خشت لدار يدها علي فمها ماتبيش حد يسمع صوتها
اسراء...اصوله تعالي منى خشت في دار ايمن تبكي
اصيله...صبت من فراشها تكذبي ولا
اسراء...والله نحكيلك جد
صبت اصيله مشت لدار ايمن
اسراء...فتحت الباب منى
امينه.. ايديها علي فمها تبكي
اصيله...تحول في ايديها شن فيه
امينه....صبت من السرير تمشي في الدار نار فيااا ناااااار ياربي مش قادره تطفي
اسراء...صكرت الباب شن فيه كنك منى خوفتينا
امينه....ليش انا حياتي متحكم فيها غيري ليش حياتي مش ليا انا كلام عمي معايا ماكأني كنت مراه اولده في يوم يحكي معايا مسح ايهم في ثانيه
اصيله.. تبكي شن حكى معاك باتي
امينه...تمشي وتخبط علي صدرها تبكي مش قادره نمشي علي نار ياهوو حسو بيا
فاطمه...فتحت الباب منى
امينه....تمشي وتخبط علي صدرها امي
فاطمه...مسكت ايديها ماتخبطي علي صدرك وحياة امك اللي انتي تبيها هيا اللي تسير
اسراء...قطعتي قلبي شن فيه
فاطمه...بنات اشوي خلنا
اصيله...طلعت وهيا تبكي مشعارفه عليش ادير هكي امينه
اسراء...جت حضنتها مهما كان اللي حكاه باتي اكيد لمصلحتك وانتي عارفه باتي مايحمل فيك شي
فاطمه...خلاص وقفي ابكاء
اسراء...طلعت من الدار وهيا تمسح في ادموعها ماشيه للحاجر
فاطمه...خلاص شوفي حالتك
امينه...قعمزت علي السرير تمسح في ادموعها مافي حد حاسس بيا
فاطمه...انا حاسه بيك قعمزت جنبها عمك حكى معاك هكي عشان توافقي حتي حواء كل م تشوفك تقولي وجعتني قعدتها لتوا بدون زواج
امينه...كان قعدت عشر سنوات شن دارو عمي ناسي ايهم
فاطمه...مافي حد ينسى كبده لكن متعيشين مع الحياة
امينه...كنت انتقبل من اي حد يحكي معايا هكي الا عمي يقولي انتي لو اللي ميته كنت حنزوجه ايهم
فاطمه...خلاص منى عارفه مانحمل فيك ولاخواتك حاجه احمد رافضته انا نوقف معاك
امينه...اااه امي لومش ساير اللي ساير كنت صكرت راسي علي الموضوع لكن انجبرت
فاطمه...شن جبرك ماحد يجبرك وانا قاعده
امينه....تمسح في ادموعها النار اللي فيا مش قادره تطفي ياامي
فاطمه...حضنتها
امينه...دافنه راسها علي كتف فاطمه تبكي بصوت
اسراء...فتحت الباب منى
فاطمه....رفعت يدها بمعني خليها
اسراء...تمسح في ادموعها
اصيله...تشوفلها خليني نحكي معاها عمتي
فاطمه...خلنها توا كان مابكت مش حتريح عرفتها
اسراء...طلعت من الدار خشت لدار تبكي
اصيله...صكرت الباب لحقت اسراء
اسراء...باتي كيف يحكي معاها هكي
اصيله...يبي مصلحتها
اسراء...شفتي كلام باتي برا عادي جدا
اصيله...لعند امتي اسريوا تقعد علي ذكراه صدق باتي لو هيا اللي ميته نحنا حنزوجو ايهم
اسراء...حب افهمو مش يحكي معاها هكي
اصيله...ماتنكريش بعد نقعدو برواحنا نقولو امينه لعند امتي تبي تكون وحيده بدون زواج
اسراء...مش معارضه فكره زواجها بس مايحكوش معاها هكي عرفين منى حساسه
اصيله...باهي احمد اكويس وحيحس بيها
اسراء....انشاالله نخاف تكره باتي
اصيله...مستحيل منى هذي
اسراء...انشاالله اصوله والله تنكدت بكل
اصيله...والله حتي انا قبل نبي نرقد ونعسانه بكل طار النوم
اسراء...بما انا النوم طار خلينا نغيرو جوها
اصيله...بعد تطلع من الدار هيا توا ماتبيش تحكي مع حد
●●●●
مجدي...ابتسام راقده علي صدره بيسو
ابتسام...قلبها
مجدي...زعلانه
ابتسام...علي شنو حبيبي
مجدي...عشان مامشينا لشقتنا
ابتسام...عادي
مجدي...عارفه ليش غيرت رائي
ابتسام...عليش
مجدي...عشان ماتسمعيش الكلام تقعدي تخليني نين نطلع وتقعدي تنزل ل رزان
ابتسام...شفتله هههههه
مجدي...والله انا لونحبسك فيها الشقه وتقعد رزان قاعده في العماره تعرفي كيف تطلعي
ابتسام...هههههه نحبك
مجدي...نموت فيك يمشي في يده علي شعرها طالعه سماحه اليوم
ابتسام...حتي الفستان يهبل
مجدي...رقصتي
ابتسام...حضناته هئه
مجدي...عينك في عيني
ابتسام...شفتله
مجدي...بدون كذب
ابتسام...اشوي
مجدي...شن قتلك
ابتسام...والله بروحي ماقدرت بصراحه صوت الفرقه مايتقاوم بس ماطولتش والله
مجدي...تحسي في شي
ابتسام...بكره نبي نمشي لدكتوره حاسه بثقل بكل
مجدي...خلاص توا نحجزلك في الصبح والعشيه تمشي
ابتسام...تمام نجك لي جتني النعوسه
مجدي...ارقدي ياروحي يرفع في تلفونه
ابتسام...كنك
مجدي...لانرجا في رساله تجيني من بدري
ابتسام...من من
مجدي...احمد
ابتسام...رفعت راسها حلك خنتني
مجدي...بدينا هههههه
ابتسام...رفعت خصله من شعرها تمشي فيها علي وجه مع من اممممم
مجدي...احمد
ابتسام....تخون في الروح ام ابنيتك
مجدي...امممم بنة شعرك
ابتسام...تخون في شدوقك
مجدي...قربها منه نخون عدوك قلبي متربعه فيه
ابتسام...قربت تبوس فيه حارمتك مني صاح
مجدي...صكر عين وفتح عين بكل
ابتسام...هههههه نزلت تبوس فيه بلعوط انت حبيبي قاعد
مجدي...دوبني نحق في اعيوني السماح هذين معش نبي شي عادي انتحمل
ابتسام...ههه شوف انجيب من هنا نقعد اسبوعين هكي مانطلعش من الشقه بعدها خلينا نأجرو شاليه نرفهو علي رواحنا تكون بطني خافه وجايبه متريحه ننعزلو علي العالم شن قلت
مجدي...اجمل شئ ناخذك انتي وبنتي ونمشو نعيشو حياتنا يكفي الضغط اللي كنا فيه
ابتسام...خلاص ثبت الحجر بعد اسبوعين من ولادتي
مجدي...باهي امتي تجي طولت
ابتسام...هههه خلاص وعد يابابي الاثبوع هدا انتون تالعه ونزننك من بتايا هههههه
مجدي...روحي نا هيا وكلامها السمح لوتغيري كلامك هذا بعدين تشوفي يابيسو
ابتسام...امباه لوح بيسو
مجدي...نزل راسها علي صدره ربي مايحرمني منك
ابتسام...لالاانت اللي ارقد علي صدري بعدت تعال
مجدي...حط راسه علي صدر ابتسام يده علي بطنها اتحرك
ابتسام...فرحانه
مجدي...كيف عرفتي
ابتسام...لانها سمعت كلامنا انا نبوها اتجي طولت علينا
مجدي...شفلها
ابتسام....رمشت بعيونها ههههه
مجدي...نموت فيك موت
ابتسام...هزت براسها
مجدي...قرب باسها علي فمها تصبحي علي خير
ابتسام...وانت الخير يالقلب
مجدي...نزل راسه علي صدر ابتسام يمشي في يده علي بطنها
ابتسام...يدها علي راسه صكرت اعيونها
#نورهان✍
هناء...تمسح في فمها بالمنديل وخرت الحمدالله
ادم...شبعتي
هناء...امممم شبعت تصكر في الروب
ادم....جعانه جعانه ماكليتي شي
هناء...هكي انا ههه
ادم..باهي هيا جوا
هناء...كيف هيا جوا
ادم...نقصو التورته
هناء...جيبها هنا
ادم...ضحك علي جنب صبى انشيل هذين ونجيك
هناء...صبت لاتوا انظم هذين عدي ارقد انت
ادم...رفع الحاجات للكوجينه التفت شورها
هناء...اختفت الضحكه دومي
ادم...خش للكوجينه توا انجيك
هناء...خشت تجري عليه كتفك فيها دم
ادم...التفت وين
هناء...مش حاسس بيه
ادم...حسيت حاجه ساخنه نزلت بس ماعدلتش
هناء...خلي من يدك تعال نشوف الجرح
ادم...مادوريش اصلا م نحسش فيه
هناء...مسكت يده كنك عنيد دم ينزل تمشي بيه لصاله
مافيش مطهر حاجه نعقم الجرح بيه
ادم...نونا قتلك مانحسش فيه
هناء...تفك في بطم السوريه لاتحس في اسلح
ادم...صكر اعيونه
هناء...ليش تقول مانحسش فيه قعمز المناديل اللي هنا وينهن
ادم...كنك ارتبكتي
هناء...رفعت السوريه شوف الدم
ادم...ابتسم نحول حتي الكناتيره
هناء...ارفع يدك
ادم...تحوليها
هناء...ماانت قلت شفتله كنك صايع ههههه
ادم...الصياعه كان مش معاك بالله عليك مع من تكون
هناء...امعايا
ادم...اناااعلي نا
هناء...تحول في اللصقه غيرت عليه حبيبي
ادم...امس
هناء...وااو
ادم...التفت كنك
هناء...كنهم مخيطينك هكي
ادم...لأنه يتخيط هكي
هناء...رفعت غرزه مفكوكه عشان هكي نزل الدم الجرح مازال ماضم
ادم...بكره في العشيه ماشي نفك الغْرز اصلا
هناء...رد بالك الجرح مازال مانضم حينفتح من جديد مسحت الدم مافيش لصقه
ادم...لا
هناء...ردت اللصقه لجرح باست كتفه متعوق دومي فيا ولافيك
ادم...توا شن درتي توا
هناء...تنهدت شي بستك بس
ادم...التفت مسك ايديها دواى قاعد قدامي مش محتاج حد يداويني
هناء...اوعدني معش تمشي بسرعه
ادم...خايفه عليا
هناء...اكيد دومي كبيدتي انت
ادم...قرب باسه في فمها واخيراا خذيتها
هناء...صكرت اعيونها
ادم...يشوفلها افتحي
هناء...متحشمه باهي
ادم...شوفي هذي شنو
هناء...فتحت اعيونها شن
ادم...رد باسها صبى هيا
هناء...قتلك
ادم...قولي
هناء...وين مشيين
ادم..لدارنا
هناء...والحوسه
ادم...نلحقو نلموها
هناء.. بس نبي نقولك علي حاجه
ادم...رفعها شن
هناء...لاا حبيبي كتفك
ادم...نسيت جرحي
هناء...انا معذوره اليوم
ادم...يعني ارنوبه
هناء...امممم
ادم...كيف صليتي
هناء...اه
ادم..ههه خش لدار شن يعني نعرف المعذور مايصليش
هناء...انا معكوسه انا معذوره اليوم مش حيسير شي
ادم...خليني نشوف بروحي
هناء...عيب شن تشوف
ادم...مش قلتي ارنوبه
هناء...اممم
ادم...نزلها علي السرير حنشوف بروحي رد صكر الدار طفي الضي جا علي السرير
هناء...التورته ماكليتش
ادم...ههه عارف روحي جيبها علي الفاضي مش حتاكلي
هناء...باهي خلينا انتفاهمو قبل
ادم...نزل يبوس فيه وراحو لثنين لعالم الحب ورمانسيه...........#مشفر
الكل كانو عرسان مع هناء وادم
●●●●●
ساعه 2:30
طلعت امينه من الدار تشوف للحوش هدوء طلعت للحاجر طفت الضي كرت كرسي من الطوله قعمزت اعيونها منتفخات من كثر البكاء
تشوف لشقه ايمن الضي طافي تمسح في اعيونها مش قادره تصكرهن
اسراء...ارحميهن
امينه...شافت للباب الكوجينه
اسراء...مارقدتش كنت نرجا فيك تطلعي
امينه...تشوف لسماء لوتبي تحكي ماعنديش نيه نحكي
اسراء...نبي نجي نقعد جنبك بس
امينه...تمسح في ادموعها
اسراء...بالي عندك
امينه...عبسي وينه
اسراء...في حوشنا
امينه...وحمادي بايت هنا
اسراء...لالافي حوشنا
امينه...هزت براسها
اسراء...مازالتي متضايقه
امينه...شفتلها
اسراء...مانبيكش تزعلي من كلام باتي باتي قسى عليك في الكلام يبي يفرح بيك
امينه...تمنيت فعلا لو انا اللي ميته مش ايهم اقل شي هوا راجل يقدر يتحمل انا مانقدرش الكل ضدي انا مانبيش نفرح بروحي انا هكي عجبتني روحي عشان ابتسام درت هذا كله وانا حكيت مع احمد يوم اللي ابتسام طاحت يوم تطريفه هناء
اسراء...كيف يعني
امينه...نحكيلك لكن اوعديني الكلام يكون بينا لعند مايحكو برواحهم مانبيش باتي وامي يعلمو مش ناقصهم
اسراء...خبطتها بارده عمري ماحكيت شي صار بينا احكي شغلتيني كنها بيسو
امينه...بدت تحكي من يوم المزرعه اللي حكتلها ابتسام
اسراء...صدومه ابتسام عندها ورم
امينه...هزت براسها
اسراء...يدها علي فمها كيف ماخطرتش في بالي شي كيف هكي
امينه...عشان هكي انا وافقت علي احمد يوم المستشفي قتله انا موافقه عليك بس قلبي يوجع فيا اسريوا قلت شي وندمت عليه
اسراء...قربت الكرسي مسكت يدها مش قادره نفكر عقلي مشوش بيسو لالا
امينه...شفتلها اعيوني وجعوني من البكاء ياريت هومي عايش
اسراء...تعمي اعيونك ايهم قهرنا كلنا وانا كنت شاهده علي حبكم بس مش بيدنا شي امانه خذاها ربي هوا يومه انتهى في الدنيا تلقيه حاسس بيك ومش زعلان منك انك خذيتي القرار هذا صدقيني كملي الطريق اللي ماشيه فيها
امينه...المكان هذا ديما فيه صوت ضحكته الهاديه مازالت نسمع فيها لليوم
حلمنا مع بعضنا خططنا لحياتنا كيف حتكون حتي اعيالنا اسمائهم اختارناهن لهم نظمنا حياتنا وعدنا بعضنا مش حيكونن مشاكل ولازعل حياه كلها حب وحنيه وخوف علي بعضنا كلهن عدن معاه كنت وفيه معاه موضوع الزواج مستحيل نفكر فيه لعند ماعرفت ابتسام عندها ورم لوتشوفيها كيف توصي فيا علي بنتها لوصارت فيها حاجه حتكون مطمنه عليها لأني حنكون مع احمد وقريبه منها انا مانبيش احمد وشاهد ربي جبرني عليه الوقت كلام بيسو خوفني حسيت من كلامها اني حنفقدها صاح
اسراء...انتو لاثنين
امينه...فقدين انتو حافظين الكلمتين هذين بس
اسراء...تمسح في دموعها لأنه هذا الواقع
امينه...انا مش حنموت في يوم
اسراء...بعد عمر طويل نحق احفاد احفادك يارب
امينه...لاجد يارب افتكرني وصلني له
اسراء...اسكتي ربي يعطيك طولت العمر هيا معايا
امينه...وين
اسراء...لسطاح نردو ايام زمان
امينه...الوقت متأخر
اسراء...لاهيا مش تقولي انتربح نفسيا بعد نرقى فوق نحس في روحي قريبه من ربي هيا وانا انتفرج علي الجيران
امينه...ههههه
اسراء...ايوااا ضحكتك هذي يارب مايحرمني منها
امينه...صبت
اسراء...مسكت يدها هيا
رقت فوق لدور الثاني
امينه...كان فتح ايمن الباب
اسراء...لااكيد زايط في هاجر راقد باطل
امينه...هههه
اسراء...ههههه رقن لدور الثالث فتحن الباب ردن الباب
امينه...فتحت ايديها تخذ في نفس ااااه راحه نفسيه تشوف لسماء
اسراء...شوفي النجوم كيف يلمعو كانه ربي يقولك انا قريب منك
امينه...قولك ايهم حاسس بيا
اسراء...حتي موجوع لانك بكيتي واجد وانتي عارفه ايهم مايحبش يشوف ادموعك يزعل بعد يشوفك زعلانه
امينه...قربت لساس تشوف لجيران
اسراء...عمتي ميمونه مااترقد بكل
امينه...هههههه
اسراء...والله جد شوفي كيف اتمشى بالله عليك مفروض تكون واخذا دواها وراقده من بدري
امينه...مسكينه عايشه بروحها ماعندها ماادير مرات يكون الخوف مسيطر عليها
اسراء...اتفرج علي الجيران
امينه...اتفرج وتضحك علي كلام اسراء
اسراء...نبيكي اتغيري جو
امينه...نبي نمشي لجيه الثانيه
اسراء...عدي شوي وتوا نلحقك
امينه...ياما رقينا انا وياك وهومي فوق
اسراء...سبحان الله قعدت ذكره
امينه....ينعلي نا
اسراء...تشوفلها
امينه...بعدت من اسراء عدت لجيه الثانيه ايديها علي الساس تشوف لسماء اتأمل فيها
اسراء...تشوف وترد تشوف ل امينه حاولت منى حاولت مانبكيش قدامك خيي مش واجعني كاسرني موته لكن مش بيدي شي
امينه...تغني ((سبت فراغ كبير
عندي والله حبيبي، حبيبي
وإنت هناك بعيد مش بعيد عني حبيبي
قولي إزاي أعيش سبت فراغ كبير
عندي والله حبيبي، حبيبي
وإنت هناك بعيد مش بعيد عني حبيبي قولي إزاي أعيش
كل يوم بقول إمتى ترجع ليّ إمتى
صعبة أوي الحياة صعبة من غيرنا أنا وإنت قولي إزاي أعيش
ذكريات كثير بتقابلني معاك يوماتي
بتفكرني بيك و بسنين حلوة في حياتي قولي إزاي أعيش
مهما غبت سنين عن عيني إبتسامتك ضي عيني روحي مش ممكن هترجع إلا بوجودك حبيبي حبيبي حبيبي
سبت فراغ كبير عندي والله حبيبي، حبيبي وإنت هناك بعيد مش بعيد عني حبيبي عندي كلام كثير
نفسي أقوله وإنت معايا قلبي مش لاقيه غير معاك إيه الحكاية
كل يوم مفيش عندي سيرة غير حياتنا و اللي فرحنا بيه بعد ما فرح ما فاتنه من غيرك بموت
و إسمي عايش حد ثاني ببكي من غير صوت وسط دوامة الأماني
قولي إزاي أعيش
اسراء...تسمع فيها تغني ودموعها ينزلن يارب احمد يكون اكويس معاها مشت ل امينه
امينه...يدها علي خدها تشوف لسماء
اسراء...قربت تمسح في ادموعها خلاص وقفي ابكاء
امينه...الأغنيه ماشيه مع قصتنا واااو ياسريوا ماودكش تحلمي بشي حتي اغنيه فرحنا نين اختارناها شوفي ابسط شي الوان شقتنا تخيلناهن حلمي في يوم انتهى تبيني ننسا ايهم بسهوله هذي مستحيل انا نحلم ونخطط وهومي يقولي ايجي اليوم هذا ساهله طلعت السلسله من صدرها لو مشيت ل احمد هذين شن انديرلهن كناتيرته اللي نلبس فيهن معش نلبسهن مره اخري يعني دبلته دبلتي معش يرفقني بكل مش نقولك ناااار فيا جوا مش قادره نطفيها كل م نذكر لحظاتنا تقوا النار اخرى كل م نلتفت في حوش حني نذكر موقف صار بينا
اسراء...ورحمه ايهم تسكتي خلاص دموعي معش قدرت نسيطر عليهن شوفي اعيونك حني بكرا توا ينفجعو منك قريب يصكرن
امينه...خليهن يصكرن مانفتحن الا واجد
اسراء...حلفتك برحمته توقفي ايهم لوعايش وشافك بالمنظر هذا كان حيموت عليك خلاص
امينه...نعسانه انتي
اسراء...تمسح في ادموعها طاير النوم
امينه...خلينا لعند الفجر وننزلو
اسراء...باهي جو فوق سمح
امينه...بكل يرد الروح
●●●●
يوم جديد ...11:30صباحاا
امينه...ترفع في الحوش
فاطمه..تشوفلها
امينه...امي الفرش توا ياخذا ايمن قالي توا نجيب سياره ياخذا للغسيل بعد ايجي نجي نفرش
فاطمه...سرحانه فيها
امينه...امييي معايا انتي
فاطمه...اه باهي تمام
حواء...قلتلي اسراء مارقدتش عالقه توا اطيح
فاطمه...شربت قهوه ساده حتي السكر ماحطت فيها وبدت في الحوش ماتبيش حد يحكي معاها
حواء...اسراء مستلمه دايره حمله علي الكوجينه ترد في العوايز واتنظم اصيله قالت نطلع للحاجر
فاطمه...ربي يعطيهن الصحه
حواء...انشالله حتي عمتي سألتني علي امينه قلتلها توا اتجيك دايره حمله علي الحوش
هاجر...فتحت البلكوني اصوله
اصيله...شفتلها
هاجر...الستاير غسلتهن انزلهن لك من هنا
اصيله...بوركتي نزلي
هاجر...هي لاني مش قادره ننزل واصله حدي
اصيله...كان هكي توا نرقالك
هاجر...لاماتعبيش روحك توا انزلهن لك من هنا بعد تكملن تعالن اشربن قهوه معايا
اصيله...خلاص معش فيه حوسه واجد انتي اللي انزلي نزلي هومي ومنونه
هاجر...مازالو مرقدين
اصيله...نجكم ليا
هاجر...خشت جابت سله بدت تنزل في الستاير ل اصيله
●●●●
رزان...وساااام
وسام...ايوا
رزان...رقم بدون اسم يرن تعال رد
وسام..طلع من الحمام لبس الديجمبر حاط المنشف علي رقبته كنك
رزان...رقم يرن عليك
وسام...وشن المشكله
رزان...لامافيش مشكله بسلامتك حبيبي اهو رد يرن هذي خامس مره
وسام...حول المنشف عزقه عليها المنشف علي اساس غيره
رزان...مسكاته قربت نبي نسمع
وسام...يده علي كتفها فتح الخط ايوا
المتصل...افندينا
وسام...من امعايا
المتصل...عادل ياراجل
وسام....اووو كل مره برقم وطي الصوت ويحكي معاه
رزان...قربت تبوس فيه في فمه
وسام...يبعد فيها
رزان..تبعد في يده تبوس فيه عضاته في فمه
وسام...اااي دفها
رزان...تشوفله
وسام...رفع حاجبه مسكها من يدها لاياراجل كراعي التوا ماتشوف باس
رزان..تفك في يده
وسام...خلاص شوي وطالع للمكتب انتلاقوا معسلامه صكر عزق التلفون علي السرير شن اديري انتي اه
رزان...ردت بساته هك درت بس مش موضوع
وسام...ماهذا اللي درتيه ايدير مواضيع واجد شن انديرلك رد باسها في فمه
رزان...دفاته انا نعضك بس انت لا
وسام...معش ادفيني
رزان..توخر شن تبي ادير
وسام...عندي تحقيق كلموني لكن نحقق معاك انتي قبل
رزان...يعني
وسام....نزل علي رقبتها يبوس فيها مش طالع نحقق معاك انتي قبل وخرها علي السرير..........#مشفر
#نورهان✍
ادم...راقد علي بطنه رفع راسه مالقاش هناء يمسح علي اعيونه يشوف لدار يسمع في صوت قران
هناء...توتي في الفطور وتحط فيه علي طولة الكوجينه
ادم...صباحيه مباركه
هناء...التفتت شوره تحكيش معايا
ادم...قرب حضنها من لورا يبوس فيها ليش اممم
هناء...وعيت تمام
ادم...امممم
هناء...خشيت لحمام ندوش
ادم...امممم
هناء...مش داير خير في جسمي شوف رقبتي كيف نبي نمشي لعيت عمي هكي
ادم...قرب فمه من وذنها حلالي
هناء...كان شافو منظري هكي
ادم... بعدها مش طالع بيك لاهلي لاهلك نطلعو ندهورو ونردو للمملكتنا
هناء...شفتله ابتسمت صباحوو حبي
ادم...اجمل صباح نشوفه في حياتي حلالي قدامي
هناء...ايديها علي وجها دوومي
ادم...كبيدته يبعد في ايديها يقرب منها
هناء...شن
ادم...شنن شنن
هناء...نبيش انا
ادم..شننن
هناء...توخر
ادم...يقرب مسك يدها كنك
هناء...تفك في يدها دومي خلينا نمشو لحوش حني
ادم...لصق فيها ماطلعتي منه غير امس
هناء...تشوفله باهي خلينا خلينا
ادم...نزل يبوس فيها شن البنة السمحه هذي
هناء...باهي بوس مش حنمنعك لكن ماتعلم فيا
ادم...بعد شفلها اجمل شي اني نعلم فيك مدى حبي لك يكون معلم عليك
هناء...لا
ادم...اششش خليني منسجم نزل يبوس فيها
هناء...باااهي تبعد نبي نقولك علي شي قبل ماننساه
ادم...يووووه علينا رفعها حطها علي كتفه يمشي بيها
هناء...نزلني خلاص مليت من قلت الأدب
ادم...ماريتي شي منها قلت الأدب
هناء...باهي كتفك توا تنزف
ادم...خليها بعد نكون هايم فيك معش تبعديني
هناء...الدم نزل لراسي نزلني
ادم...يضحك خش لدار وصكر الباب وراحو الاثنين في عالم الحب........#مشفر
#نورهان✍
ابتسام...اتمشي في الدار
مجدي...رقى الدور الثاني فتح الباب الدار بالأبتسامه العريضه
ابتسام...حبيبي جيت
مجدي...صكر الباب روح حبيبك جيتك ياروح طولت
ابتسام...امممم
مجدي...هيا
ابتسام...وين
مجدي...لشقتنا
ابتسام...احلف
مجدي...ماتبيش عادي خليك
ابتسام...لانبي
مجدي...هيا وين شناطيك
ابتسام...اهن حبيبي وراء الباب
مجدي...مش حاطه شي في الدولاب
ابتسام...لالا
مجدي...ننزل بيهن ونجيك ماتنزليش
ابتسام...تمام
مجدي...نزل من الدروج
احمد...اووو نصي لوين
مجدي...مشيين
احمد...وين
مجدي...لشقه
احمد.. شن فيه
مجدي...شي كنت خايف عليها مالدروج وفرح اختها ترقى وتنزل توا تريحت معش تنزل
احمد...والله كان قعدتو
مجدي...في فرحك انشالله
احمد...قريب
مجدي...نزل الشناطي كيف صار
احمد...دزيت باتي ل عمي عمران يحكي معاه
مجدي...لاااا
احمد...كنك
مجدي...توا ترفض توقعتك صكرت عليه موضوع امينه
احمد...لامش حترفض
مجدي...كيف عرفت
احمد...ايجي يوم ونحكيلك
مجدي...انشالله علي البركه
احمد...سلمك
مجدي...رفع الشناطي
احمد...انا طالع طالع هات توا نحطهن في السياره
مجدي...مدله المفتاح والشناطي ورقى ل ابتسام
ابتسام...تلبس في الخيمار ماطولتش
مجدي...احميده لقيته لوطى قالي توا نحطهن في السياره هيا
ابتسام...مسكت في يده هيا حبيبي
مجدي...صكر روشن الدار وطلع ماسك في يد ابتسام نزلو مالدروج وقفو عند الباب مجدي يلبس في كندرته
ابتسام...طلع حتي كندرتي
مجدي...طلعها من الكنداره
ابتسام...طبست
مجدي...خليك توا نلبسها لك
ابتسام...حبيبي
مجدي...روحه يلبس فيها
ابتسام...مرات يخش حد فجأة شن يقول
مجدي...راجل يساعد في مراته الحامل شن الموضوع يعني صبى
ابتسام...نموت فيك موت
مجدي...فتح الباب مش قدي طلعو
لشارع لقى احمد مولع السياره وحاط الشناطي فيها
احمد...اي خدمه
مجدي...بوركت يابرو
احمد...ولو
مجدي..فتح الباب ل ابتسام
ابتسام...ركبت
مجدي...صكر الباب وجاء ركب
ابتسام...حبيبي ولع التكييف
مجدي...حموانه روحي
ابتسام....بكل
مجدي...ولع التكييف وطلع بالسياره
ابتسام...حبيبي وين كنت
مجدي...كان عندي شوي شغل
ابتسام...شن
مجدي...اوراق شغل ننهي فيهن
ابتسام...اها هههه يافرحه رزان
مجدي...اييييه بكل
ابتسام...حرام عليك
مجدي...مافيها شي حرام حتي كيف نقوللها راقده ادف الباب وتخش لاتوا نوعيها
ابتسام...هههه نجك لي زونه
مجدي...ههههه نجك لي زونه عاجبتك عاد انتي
ابتسام...حركاتها عفويه اجووودي
مجدي...هههه بكل
#نورهان✍
في المزرعه....
روان...امي زينه وين
عايشه...بره مقعمزه في المقدمه
روان...اها باهي
عايشه...كنك
روان...لاغير فقدتها
عايشه...لابره مقعمزه
روان...باهي طلعت لقت زينه حاطه سماعات في ذانها تسمع في اغاني مصكره اعيونها اها منسجمه علي الأخر حطت يدها علي كتفها
زينه...فتحت اعيونها
روان...فكت السماعات
زينه...خليهن
روان...نبي نحكي معاك
زينه.. شن
روان...فكت السماعات من تلفون زينه علقتهن في تلفونها
زينه...ليش
روان...نبي نسمعك كلام مُراد علقيهن
زينه..ردت السمعات في ذانها
روان...فتحت علي التسجيل
مُراد...كنك صكرتي
روان...فصل الخط بروحه
مُراد...امس كلمتك في ليل مقفل
روان...جيت من الفرح تاعبه بكل وتلفوني طفي شحن جيت رقدت نسيت نشحنه
مُراد...اها يعني قاعده في المزرعه توا
روان...اها
مُراد...اوكي تمام والله امس بعد لقيتك مقفل خفت تكون سايره حاجه
روان...انشالله مايسير الا كل خير
مُراد...انشالله يارب خلاص بما انكم روحتو للمزرعه خلينا نردو للموضوعنا
روان...موضوع شن
مُراد...نبي نجي انتقدم مانبيش علاقتي بيك علي التلفون مرات نسببلك باتك يفطن انك تحكي
روان...انت متأكد من الخطوه اللي تبي اديرها مش حسيتك مستعجل
مُراد...انا نبي الحلال ونويتك خلاص انتهى الموضوع
زينه...تبتسم وتشوف ل روان
روان...كان قالو كيف جا وكيف يعرفك خايفه اشوي
مُراد...بكره انجيب حني لكم وخلي تقديمكم عااادي جدااا وحتي انتي علي اساس ماعندك علم انها جايه واصلا انا حكيت ل حني
روان...شن حكيتلها
مُراد...يبو يزوجوني عندك حد في عقلك قلتلهم لالا لعند م شفتك حكيت مع حني برواحنا
روان...ههههه شن حكيت
مُراد...ههههه لامش قلتلها علاقه وهكي قلتلها ياحني البنت اللي مع قريبتك اللي مشينا للمزرعه تذكري ياحني يوم زرده خشيت المواضيع في بعضهن طولت ماستوعبت بعدها قلتلي اهااا بنت بدر ولد صالحه قلتلها مشعارف ياحني بنت من لكن ناخذك تمشي تشوفيها متزوجه عازبه مخطوبه قلتلي لاصغيره قلتلها انتي عدي شوفيها كان هيا مش مخطوبه ولامتزوجه تكلميلي فيها
روان...تحكي جديات مُراد
مُراد...والله جديات انتي خلي جوك عادي ماتربكيش روحك جايتكم حني بس بعد تنهي مع حنك اندز امي وخواتي معاهن حني يطلبنك رسمي تمام
روان...تمام
مُراد...انا طالع للمعرض عندي سيارات قريب يوصلن وتأخرت نوصل نكلمك
روان...تمام
مُراد....عينك من روحك
روان...حتي انت باي
مُراد...باي
زينه..فكت السماعات تشوف ل روان الله مافيش اجمل من الحلال مافيش اجمل من يكون الشخص واضح من البدايه ربي يهنيكم
روان...خايفه
زينه...من شنو
روان...يرفضوه
زينه...مستحيييل راجل ويبي الحلال ليش يرفضوه بعدها حني تخش في الموضوع تنهيه
روان...شن انديرو لبكره
زينه...انتي م ديري شي انا توا اندير
روان...شن اندير
زينه...بعدين اندير كم نوع موالح
روان...توا يشكو
زينه...ماديما اندير فيه ماتفكريش انكثرهن ونعزل منهن نحطهن في الفريز وندير شاهي ونقول ل حني وامي ننزلو ل باتي في المزرعه نعصرو غادي يبو يقولو عليش درتي كنك انتي
روان...خلاص تمام
#نورهان✍
جت 7:15المغرب
امينه...تسيق في حاجرهم
فاطمه...يابنتي تريحي خلاص
امينه...عجاج بكل
فاطمه...خليه بكره توا نوعو ونبدو نضمو نفسي تسد حوش حنك من الصبح وانتي مصبيه
امينه...عادي امي عادي خلاص قريب نكمل
عمران..فتح الباب
امينه...باتي جاء
عمران..تعالي شيلي معاي
امينه...عزقت التوبو ومشت
عمران...ينزل في الخضره تعالي شيلي
امينه...ياباتي لابسه توته
عمران..ليل مايشوف فيك حد تعالي
امينه...طلعت لسياره تشيل في الخضره وترد لحوش طلعت كملت
عمران...اها صكر السياره وخش
امينه...رفعت التوبو
عمران...مد يده ل امينه
امينه...رفعت التوبو ل عمران يغسل في ايديه
عمران...نفض ايديه علي وجه امينه
امينه....هههههه
عمران....ههههه خلاص خشي توا تتعبي
امينه...خلاص باتي قريب نوصل للباب
عمران...امي واعيه
امينه...سيبتها متكيه
عمران...رقي مع الدروج
امينه...كملت التسييق ردت للحاجر في يدها التوتو ومكنسه حطتهن في القطعه وخشت للحوش امي
فاطمه...هااامي
امينه...نبي نخش ندوش وتوا انجي اندير عشاء
فاطمه...لاتوا انديره انا
امينه...ماعندي ماندير
فاطمه...لاعدي ادوشي وقعدي مع حنك
امينه...بكره تبيلي وعيه بدري
فاطمه...عليش
امينه...نلمع الرواشن وندير حمله علي الكوجينه
فاطمه...ارحمي العمود الفقري
امينه...فكت شعرها ترفع فيه عرفتني لما نقعمز نضايق ضروري مانشتغل
فاطمه....تنظم في الخضره في الثلاجه ربي يهديك
امينه....هههه انشالله خشت لدار خذت دبش وخشت للحمام
●●●●
فات اسبوع كامل....
رزان...يرزيني فيكن باهي
زينه...ليش
رزان..كنك ماقلتن بكره جايين العرب يطلبو في رونا
زينه...غير وسعي بالك كلشي جا فجأة
رزان...كذابه
زينه...اممم المهم جايه
رزان...لادايره انحداد ليش ماقلتنلي
زينه...ههه خلاص باهي ماافي عنده العلم
رزان...اكيد جاي في الصبح
زينه...جاتك اروي
رزان....جتني اها
زينه...شن جابتلك
رزان...انا حجزت في لبسه كجول كامله بالكويشه بكل من النت جتني مغلفه من بدري تجنن اجمل من الصور وبوكس مجموعه نيفيا وعطر ماهر جني امبدري شوي جتني اروي جايبه التورته حجزتلي فيها من امس وجبتها ليا اليوم
زينه...شن شكلها
رزان...مستطيله تجنن توا نصورها لكن
زينه...درتي اجواء لشقه
رزان...اكيد زينو امبولات وشموع حاجه مش مفهومه توا انديرلكن فيديو قبل مايجي
زينه.. خلاص نرجا فيك وراكي تنسي
رزان...تمام تمام تبن شي
زينه...وتينا كل حاجه
رزان...اي حاجه تنقصكن دزيلي قبل مانجي غادي
زينه...تمام
رزان...تبي شي
زينه...سلامتك خطرها خطرها قبل لاتصكري
رزان...شن
زينه...شن صار في منى
رزان...شن صار نفس الموضوع
زينه...حددو الفرح
رزان...هذا ماقالت عمتي انا منى نتصل بيها مقفل حتي احمد قال ل مجدي نبي انتواصل معاها خلي ابتسام تحكي معاها
زينه...باهي
رزان...مافيها شي باهي مابتش قالت الفرح هو اللي جا مافيش داعي يحكي معايا
زينه...ينعلي باهي امتي الفرح
رزان...احمد شايطه فيه النار ههههه نهايه الأسبوع الجاي
زينه...ليش مستعجل كيف اتلحق مسكينه علي البتات
رزان...حيييي اسكتي امس جاب بنقله شالت الحوش كله صدقه وبدا يجدد في الأثاث حتي العوايز اللي في الكوجينه كلهن شالهن الدار النوم كأنه شاري الشقه وبادي يأثث فيها
زينه...باهي ومنى اكيد تبي تبتت كيفها كيف باقي البنات
رزان...تحكيلي بيسو قلتلي قالت لا مش دايره بتات ولا تطريفه ولاسياق
زينه...هذا شنو هوا اسمه فيه فرررح خليها تفرح
رزان...هاتي عاد من يفهم انا معش تواصلت معاها واحمد قال مانبيها اتجيب شي بادي يبتت امس جايب الدار النوم قالي وسام مايقعدش بكل في الشقه
زينه...بجد وجعتني منى
رزان...الله غالب نصيبها من الدنيا
زينه...ربي يجيب اللي فيه الخير
رزان...انشالله يارب
زينه...باهي عاد راجلك وين
رزان...عنده تحقيق من امس ساعه ثمانه عدا وبات غادي جا ساعه سبعه الصبح ادوش ولبس وطلع قال قضيه قتل مانقدرش وكل مانتصل بيه نبيه يروح اقل شي ياكل عارفته زينه ماياكلش يحرق كبده بالدخان كلمتين مادورونيش مش فاضي بسسسس
زينه...كيف ايسير في العيد الميلاد ليل خلاص
رزان...توا نرن عليه توا ساعه كم اصلا
زينه...10:45
رزان...نلقانه تأخر نرن عليه
زينه...تمام شن لبسه
رزان...روب قصييير احمررر ومكياج اللي تحبه عينك وشعري مطلوق
زينه...سخيفه عاد انتي
رزان...يقبلني بوجه مرايقل مش نكشر ومتكدره نحسسه بالحياه ماتخافيش يوم اللي تتزوجي فيه حنعطيك كورس كامل
زينه...هههههه وفريه لروحك
رزان...عرفتك قدها ههههه خلاص خليني نكلم راجلي
زينه...خلاص تمام هيا باي صكرت
رزان...رنت علي وسام يطلع بالمشغول شن اندير بهذا كله اوووف عاودت عليه طلع بالمشغول ردت عاودت عليه
وسام...طلع للبلكوني المكتب فتح الخط هااااااا افهمو مش فاضي
رزان...خنقتها العبره حبيبي
وسام... مش قتلك بعد نكون مش فاضي معش ترني عليا اه مش قتلك القضيه اللي نحقق فيها صعبه مرات حتي اليوم انبات
رزان...تشوف في الطوله بعدت التلفون من وذنها صكرت
وسام...الووو بعد التلفون عنجد هذي عاود الأتصال
رزان...تشوف لتلفون ان ماخليتك تجي ونحتفلو بعيد ميلادك مانكون انا رزان بعد اربع مكالمات خذت نفس ردت
وسام...اوووف حبيبي اسف غير ضغط شغل
رزان...عارفه
وسام....كنه صوتك كنتي تبكي
رزان...بصوت ذابل وسام ياتلحق عليا يامتلحق تعال بسرعه
وسام...ييييه علينا يالحب كان اديري هكي عشان نروح انا مازالت في تحقيق اثنين ادورو فيهم نحقق معاهم وجايك بروحي تعبان نبي نرقد
رزان...وسام تعال
وسام....كنه صوتك وين قاعده انتي
رزان...حبيبي انا نبي نجيب تعال مش قادره انتنفس تبعد في التلفون من فمها ردت التلفون تسمع فيا مش قادره انتحمل بيسو عدت للعياده كان هكي مشيت معاها مش قادره ياحنموت انا يا سكتت
وسام...صكفمك باه معش تجيبي سيره الموت كيف تبي اتجيبي رزان مش قادر نعلي صوتي احكي انتي تبصري
رزان...رفعت كبايه من الطوله طيحتها ردت التلفون علي وذنها تسمع فيه معش ردت
وسام...الووو الوووووو
الشرطي...فيه حاجه افندي
وسام...لالا الوووووو عن طووووط صكر التلفون خذا مفاتيحه يخبط علي جبهته التحقيق
عادل...خش للمكتب شن فيه
وسام...نبي نروح ضروري
عادل...شن فيه
وسام...هلي حاله وضع شكلهم
عادل...لاعدي اصلا مازالو مالقوهم قالو احتمال نزلو لمصر تهريب
وسام...يعني
عادل...اي احداث بينا الوو وربي يطمنك عليهم عدي وكون هاني
وسام...يانجك لي المكتب في امانتك في مستندات مهمه
عادل...صكره وخوذ المفتاح حتي انا طالع
وسام.. صكر الباب خذا المفتاح وطول لشارع ولع السياره طلع في سرعه يرن علي رزان
رزان...تولع في الشموع زعما فيه قزاز طبست تشوف في الأرضيه نجيني وخلاص حره حره شافت لتلفونها مع رنت وسام فتحت
وسام...الووو الوووووو ردي
رزان...الو
وسام...ماتخافيش اني جايك في الطريق
رزان...يرزيني في روحي كان دار حادث
وسام...الوووو
رزان...امشي بشويش حبيبي
وسام...كيف عرفتي روحك تبي اتجيبي
رزان...انت تجري
وسام....مش هذك السرعه
رزان...لالاامشي بشويش توا
وسام...يهدي في السياره انتي تكذبي علي صاح
رزان...بعدت التلفون تضحك
وسام...الووو
رزان...التغطيه ضغيفه صوتك بعيد
وسام...انتي تكذبي مش عليك الليه
رزان...لاعليا ماتخلينش نبكي بروحي خايفه
وسام...تحكي مافيك شي
رزان...ووووه عليا ردت اخري انت وينكككك اااااا
وسام...خلاص قريب منك
رزان...معش نقدر خلاص انا صكرت الخط بدت تولع في باقي الشموع ولعتهن كلهن جت ولعت المنظومه علي موسيقي
طفت ضوايه الشقه كلهن ولعت التيلفون علي فيديو تصور للبنات
#نورهان✍
امينه...اعيونها ذبلات اتفرج علي التيلفزيون
فاطمه...منى ماتبيش تمشي لسوق
امينه...وصيت افريحه اتجيب الحاجات
فاطمه...باهي ماتبيش اتجيبي حاجات دار النوم ولاالكوجينه وحاجات الخاصه
امينه...تشوف لتيلفزيون هوا راضي بيا هكي طالعه بشنطه دبشي وبس
فاطمه...الناس شن تقول علينا
امينه....خلي اللي يبي يقول يقول ورحمه هومي مايحركو مني حاجه كان سمعت لناس ييييييه يييييه ياما نبي نسمع وذن طرشه
فاطمه....بس يابنتي
امينه...امي خلاص ماتجبروني اندير فرح وزيطه وانا مش متقبله
فاطمه...ليش توافقي
امينه...شفتلها جبرني الوقت
فاطمه...بس ياامي كنتي تمشي مع افريحه
امينه...خلاص امي خلاص افريحه تعرف اتجيب
فاطمه...حتي باتك مش متريح
امينه...انا متريحه طمنيه اها انسيت نقولك لانبي تطريفه لاسياق لاشي
فاطمه..لاوالله بنتي كبيرتي نبي نفرح بيها
امينه...انا هك متريحه هلي وهله بنات خوالي فقط وعمامي مانبيش العالم اللي جا في فرح البنات
فاطمه...امينه العرب شن يبو يقولو علينا
امينه...اللي في خواطرهم
فاطمه...طلعت من الدار
امينه...تفرج علي مسلسل اجيال علت التيلفزيون وعيونها علي التيلفزيون ماتبيش تفكر في شي
●●●●
مجدي...صكر الباب حط المفتاح علي الكنداره بيسو
ابتسام...في الكوجينه
مجدي...خش للكوجينه فيش اديري ياروح
ابتسام...حطت ايديها علي ذانها صكرت اعيونها
مجدي...قرب مسك ايديها كنك
ابتسام...صوت قوي في ذاني
مجدي...نزل ايديها ايديه علي راسها قرب فمه علي وذنها يقرا في المعوذات واية الكرسي
ابتسام...فتحت اعيونها حبيبي
مجدي...بعد شن
ابتسام...اختفي الصوت
مجدي...كيف صوت شنو ياروح
ابتسام...حبيبي صوت كأنك تمشي في مفتاح علي السياره مش ايدير صوت اقوه من هك
مجدي...توا انتي شن ادير وانتي تعبانه
ابتسام...خاطري في سبيقه انطلع اللحم من الكوشه ونرميها
مجدي..قعمزي توا نكملها انا
ابتسام...اخرت بيها انت قلت مازال مش جاي توا
مجدي...اها كر الكرسي قعمزي هنا
ابتسام...حبيبي خليني توا نكملها
مجدي...تريحيييي
ابتسام...حبيبي نبيش انتقيد
مجدي...قلت قعمزي انا
ابتسام...قعمزت اتفرج عليه
مجدي...احكيلي شن درتي بعد طلعت
ابتسام...لميت الشقه خشيت الدبش من المنشر جت زونه
مجدي...غريبه ماقعدت
ابتسام...ماطولتش جت اروي بس عند زونه مارقتلي
مجدي...بما انا وسام عنده تحقيق كانت جت قعدت معاك
ابتسام...صاح قصدك يطول حبيبي
مجدي...شفلها عليش
ابتسام...ديرتله عيد ميلاد زونه مااليوم عيد ميلاده وسام
مجدي...شاف فوق اوووو صاح
ابتسام...قصدك حبيبي مش حيجيها
مجدي...والله ماني عارف ياروح بس قالي قضيه قتل ماقتل اكيد حيطول
ابتسام...اها صكرت اعيونها حطت يدها علي بطنها
مجدي...شفلها كنك
ابتسام...لاباهي
مجدي...كنك
ابتسام...ليه في سرتي
مجدي...كيف
ابتسام...هنا الليه تشير علي بطنها
مجدي...هههههه
ابتسام...هههههه ااااي لاجديات واعره اااا
مجدي...تحكي جديات
ابتسام...جعانه بس بنتك
مجدي...يحرك في الطنجره حاضرين كم ابنيه عندي
ابتسام....اثنين
مجدي...شفلها
ابتسام....صبت حضناته انا ابنيتك الكبيره ولا
مجدي...يبعد فيها من الغاز اكيد ربي يحميك لي
ابتسام...ولااوس نيتك انا
مجدي...لاابنيتي
ابتسام...تنهد امباه ليحتني
مجدي..ههههههه ناااعلي نااا
ابتسام...ومنت تنهدت ناعلي قتلك حبيبي عمتي مازالت ماجت
مجدي...جت اليوم
ابتسام...صاح وحقالله مرايفه عليها كان تجيبها بكره
مجدي...هههه نجك لي حاضر توا انجيبها
ابتسام...نحكي جديات
مجدي...باهي حاضر
#نورهان✍
وسام...وقف السياره
رزان...نزلت الروشن وجت قعمزت حطت كراع علي كراع تشوف للباب
وسام...فتح الباب رزان
رزان...ااااه يابعد طوايفي اني هنا
وسام...يسلح في كويشته كنك مطفيه الضي خش لصاله وقف يشوف في الشموع المبولات والأجواء اللي ديرتهن رزان يشوفلها حبيبي
رزان...صبت قربت طبس
وسام...طبس
رزان...بساته في فمه كل عام وانت معايا
وسام...اليوم شن
رزان...حضنااته عيد ميلادك حبيبي
وسام...اوووو صاح ناسيه بكل حضنها والفرحه مش سايعته يعني مش مريضه انتي
رزان...هئه تعال
وسام...ندوش ونجيك سريع
رزان...خليك هكي عادي
وسام...مضايق ودبشي بنتة دخان حتي عشانك طبس باسها في فمها بس طلعتي محتاله عرفتي نقطه ضعفي
رزان...بصراحه قعدت نغار من شغلك ياخذ فيك مني باليوم الكامل
وسام...بس قلبي وعقلي معاك
رزان...نبيك كلك
وسام...جيتك حتي انا والله خفت تكوني صاح تبي اتجيبي
رزان..ياعمري تجيب بيسو قبل بعدها انا
وسام...انشالله يارب طول الزح
رزان...هههههه نجك لي
وسام...رفع يدها يبرم بيها شن الصاروخ اللي قدامي
رزان...حلو الروب
وسام...خليني ندوش ونفضالك
رزان...طولش حبيبي نرجا فيك
وسام...سريع خش للحمام يدوش
رزان...نخش نوتيله دبشه خشت لدار
#نورهان✍
فات الوقت ساعه3:12
امينه...صبت من الفراش خشت للحمام توضت ردت لدار لبست المصليه طرحت الصلايه تصلي قيام ليل
عمران...فتح باب الدار شاف دار البنات والع الضي شفلها لقى امينه تصلي وقف يشوفلها
امينه...سلمت خذت القران شاف للباب
عمران...تقبل الله
امينه...منه ومنك نجك لي ليش واعي تحس بشي
عمران...لاوالله غير معش جاني نوم حتي انا نتوضى ونخش نقرا قران
امينه...نجك لي باهي فتحت القران بدت تقرا في سوره البقره
فاطمه...طلعت من الدار خشت لدار منى
امينه...صدق الله العظيم التفتت نعم
فاطمه...باتك وين
امينه...كنك
فاطمه..وعيت مالقيتاش راقد وينه
امينه...في المربوعه يقرا في قران
فاطمه..تنهدت باهي تمام
امينه...كنك امي
فاطمه...هك واعيه في قلق حاولت نرقد معش رقدت
امينه...بسم الله تعوذي من الشيطان امي
فاطمه..اعوذ بالله من الشيطان الرجيم باهي نخليك تقري
امينه..هزت براسها بدت تقرا
فاطمه..طلعت من الدار خشت للمربوعه تطمن علي عمران
●●●●
ابتسام...صبت من السرير دوبها تمشي طلعت من الدار خشت للحمام حست حاجه ساخنه نزلت رفعت الروب دم اجودي اجودي
مجدي...راقد بالنوم
ابتسام...اجودي اجودي انا نبي نجيب
مجدي...فتح اعيون وصكر
ابتسام...ردت لدار دوبها تمشي اجودي اوعى اووووعى ااااي
مجدي...فتح اعيونه بيسو
ابتسام...انا نبي نجيب خلاص
مجدي...حول الورغان وصبى وهوا نعاس شن
ابتسام...رفعت الروم
مجدي...دم
ابتسام...تبكي بنتي صارت فيها حاجه صاح
مجدي...شنطه الولاده وين
ابتسام...انت حاطها في السياره
مجدي...خش غسل وجه باهي شن اندير انا ارتبك
ابتسام...غيرلي ادبشي وخوذني للعياده
مجدي...راجي نرن علي امينه
ابتسام...لالاحبيبي نبيش حد ينشغل عليا وليل فتحت الدولاب طلعلي روب هيا
مجدي....شن شكله
ابتسام...الأحمر حبيبي هذا خليني نخش نغسل قبل
مجدي...ماتبكيش بس
ابتسام...مش قادره بدت فيا الليه خشت للحمام
مجدي...خش معاها
ابتسام...ماسكه في يده بكل قوتها نبي نجيب خلاص
مجدي...ينشف في جسمها ويلبس فيها طلع ماسك في يدها لدار لبسها عبايتها والوشاح كيف يلتبس هذا
ابتسام...ااااااه خلاص معش قادره ووووه عليا
مجدي...طلع من الدولاب افلوس حطهن في جيبه مسك يدها هيا حبيبي
ابتسام...تمشي بشويه حبيبي نخاف نفجعك ونجيب
مجدي...يلبس فيها في الكويشه وين خيمارك
ابتسام...علي الشطار
مجدي...رد يجري جايبه ورد لبسه لها
ابتسام...وقت خيمار
مجدي...مانبي حد يشوفك
ابتسام...تضغط علي يده
مجدي...نكلم وسام
ابتسام...لاحبيبي دايره عيد ميلاد اكيد مرقدين خلينا نمشو
مجدي...ينزل فيها من الدروج
ابتسام...كلملي عمتي امي نقدرش نكلمها توا تنشغل
مجدي...احميده بايت غادي رن عليها
احمد...يده علي وجه راقد يسمع في صوت تلفونه حول يده شاف التلفون انشالله خير فتح الخط الووو
مجدي...يصكر في الباب علي ابتسام الوو
احمد...ايوا نسمع فيك انشالله خير
مجدي...انت وين قاعد
احمد...في حوشنا
مجدي...عدي وعي امي وجيبها للعياده نور الأمل
احمد...شن فيه
مجدي...تبي تقعد عم
احمد...احلف
مجدي...والله شكله ولع السياره هيا اوكي صكر
ابتسام...يدها علي الباب حبيبي مش قادره خلاص
مجدي...تحملي اشوي
ابتسام...نحس فيها تبي تنزل خلاص
مجدي...ليه قويه
ابتسام...تبكي اهااا موت
مجدي...مسك يدها يجري بالسياره ماتربكيش روحك بس خلاص
ابتسام...يدها علي راسها
مجدي...يسوق ويشوفلها شن فيه حبيبي
ابتسام...راسي
مجدي...يجري نوقعلك علي عمليه
ابتسام...لاكان وضعي طبيعي اااااا نبي نجيييييب خلاص اصلا حاسه بيها نازله من في السابع
مجدي...خلاص هانت تحملي قريب نوصلو
ابتسام...اجودي بنتي كان صارت فيا
مجدي..قطعها اشششش عارفه انا مانقبلش الكلام هذا
ابتسام...ركز معايا بنتي امانه عندك انا مرات نموت كان مش اليوم الايام الجايه فكت يدها من يده حطتها علي بطنها تعيط بصوت عادي مش قادره راسي وبطني نبي نموت
مجدي...عيونه علي الطريق ويجري وقف عند العياده وصلنا وصلنا نزل من السياره فتح عليها الباب
ابتسام...تبي تنزل حي عليا
مجدي...معش تبكي نزلها من السياره
ابتسام...تمشي وتوقف نبي نجيب
مجدي...خش للعياده وقف عند الريسبشن ولاده
الموضف...وقع ودفع كان طبيعي ولاعمليه
مجدي...طلع من جيبه عزق عليه الفلوس خشوها
الموضف...يااستاذ
ابتسام...فكت يدها خشت
الممرضه...تمشي في الممر
ابتسام...سعديني نبي انجيب
الممرضه...رقتها لدور لثاني
مجدي...خذيت فوق من حقك خشوها
الموضف...فهمتني غلط
مجدي...مش وقت تبرير
احمد...خش كنكم
سعده...وينها
مجدي...امي رقوها فوق شوفيها
سعده...رقت فوق
مجدي...احمد
الموضف...تبي دكتور من
مجدي...دكتوره
الموضف...مش مسكات اليوم
سعده...نزلت مجدي
احمد...شن
سعده...مجدي احميده كلم خوك
احمد...امي
مجدي...هاامي
سعده...راهي خشت معاها قابله تهني
مجدي...كيف يعني قابله
الموضف...تجيب حتي هيا
مجدي...رقي لدور الثاني
احمد...لحقه
سعده...التفتت كنك
مجدي...راه يقعد راجل معاها جوا
سعده...ياوليدي هذه حياة وموت
مجدي...خليهم يطلعوها امييي
سعده...والله وليه خشت معاها مافي راجل
مجدي..امي
سعده...تكذب في اسمها نسرين عدي اسأل عليها كان انا نكذب عليك
مجدي..حشاك امي
احمد...مجدي ممنوع نقعدو هنا هيا لوطى
مجدي...نطمن عليها قبل
احمد...امي رني علينا
مجدي...عدي انت انا قاعد
احمد...غير هيا
مجدي...كني مانسمعش في صوتها راهي تقعد اغمي عليها
سعده...تحسابها ساهله عدي الله يربحك انزل
مجدي...امي
سعده...انزل
احمد...كنك هبل
مجدي...لعندها هبل اها
نزل قعمز احمد علي الكراسي
مجدي...يبرم
الموضف...استاذ اسمحلي
مجدي...مش وقتك طير من قدامي
احمد...غمزله حصل خير
الموضف...امس جت مريضه سلمت وطلعت بدون ماتدفع وانا اللي تحملت المسؤوليه انت عطيتني مبلغ هالب حتي حق العمليات تعال خوذه
مجدي...قتلك طير
احمد...تمام بعد نطمنو عليها توا نجوك
الموضف...عدا للمكانه
مجدي...يبرم في صاله الأستقبال ايديه في اجيوبه
ابتسام...تعيط نبي نموت شن حطيتي في التغذيه
القابله...شي
ابتسام...حقيتك زادت الليه شن درتي انا نبي ننفجر ارحميني
القابله...ليه صناعيه ادحمي خير ماينقطع عليها الأكسجين
ابتسام...لالا بكل قوتها تدحم نبيها عايشههههه
القابله...عيطت للممرضه
الممرضه...نعم
القابله...اضغطي علي بطنها من هنا معش سعدتني
ابتسام....فكيني منها تخوف ايديها اكبار
الممرضه...ههههه عشان طويله وعريضه
ابتسام...وينك يااميييييي تعيط
القابله...سعدينا راهو الحبل السري ملفوف علي رقبتها سعدينا الله يساعدك شافت للممرضه
الممرضه...ادحمي وانا نساعدك
ابتسام...مرات تقتلي بنتي
الممرضه...وعد مني ماطقش دقايق الا وانتي سالمه ماشالله رحمك مفتوح عشره سانتي وبنتك تبي مساعدتك بس
القابله...تقرا في اذكار ادحمي تشوف للممرضه
الممرضه...تضغط علي بطنك
القابله...ماشاءالله ماشاءلله اهو راسها بان عليا ماشاءالله
ابتسام...دهشت معش نقدر انا نبي نموت
القابله...الله اكبر الفجر اذن ادعي اللي في خاطرك
ابتسام...تدعي يارب سهل عليا يارب اشفيني ونعش مع بنتي
الممرضه...ادعيلي بالذريه الصالحه انا ليا 12سنه ربي مارزقني
ابتسام...صرخت ياااارب اللي حاسه بيه تحسيه ويركبولك ليه صناعيه
القابله...ههههه الحمدالله علي سلامتك تفك في الحبل السري من رقبتها قبل خنقتيها
ابتسام....شفتلها ودموعها ينزلن
القابله...تخبط علي ظهرها ابكي
ابتسام...تمسح في ادموعها كنها ماتبكيش قتلتها انا
القابله...تخبط علي ظهرها نين بكت
ابتسام...يدها علي فمها تبكي بصوت
الممرضه...يارب نعيش شعورك ونبكي بكيتك
ابتسام...يارب
القابله...كان قعدت اشوي لاسامح الله كنتي ضريتها قربتها منها
ابتسام...تبوس فيها انستيني ياماما الحمدالله ياربي ماحرمتني بشوفتها
القابله...ياماما مازال ماقصيت الحبل
ابتسام...عينك منها
القابله...حطتها علي بطن ابتسام امسكيها
ابتسام...اطيح مني لالا
القابله...شافت للممرضه
الممرضه...ادعيلي ادعيلي مسكتها
القابله...قصت الحبل السري
ابتسام...ربي مايحرمك من الشعور اللي حاسه بيه
القابله...بنتك نعطيها لك
ابتسام...مش مستحقه حضانه
القابله...لالا بس حيمر عليها دكتور اطفال ماشاالله سمحه كيف امها
ابتسام...تبتسم ودموعها ينزلن
الممرضه...نسبحها شنطتها وينها
القابله...اهي فم الباب
ابتسام...لبسيها بجامه البودريه
الممرضه...حاضر غير ماتنسيني من الدعاء ربي يقبل منك كل الدعاء ادعي
ابتسام...يارب مايحرمك بالذريه يارب ارزقها
القابله...ضربت ابره ل ابتسام
ابتسام...ابره شن هذي
القابله...بنج عشان ماتحسي بالخياطه
ابتسام...مش حاسه بشي
القابله...من عياطك خلاص سخنتي
الممرضه...خلاص ماما خلاص
ابتسام...كنها تبكي
الممرضه...تبي بطن امها مازالت
ابتسام...هههه ياروحي تمسح في ادموعها
الممرضه...شن رايك فينا ياماما
ابتسام...هههه ربي يعطيك الصحه
الممرضه..نعطيها لكي تلف فيها في البطانيه
ابتسام...لاعطيها ل حنها تلقيها بره
الممرضه...طلعت باهي ياماما ماشيين لحنينه
ابتسام...عينك منها
الممرضه...في اعيوني طلعت برا انتي المرافقه مع ابتسام مجدي
سعده...اها
الممرضه...هاكي حفيدتك الحمدالله علي سلامتها
سعده...مسكتها تبكي الحمدالله ياربي الحمدالله بسومه شن صار فيها
الممرضه...اكويسه الحمدالله تخيط فيها شوي وتطلع
سعده...كويسه كويسه
الممرضه...اكويسه اها
سعده...الله يبشرك يارب
الممرضه..اللهم امين خشت للغرفه
مجدي...تي طولو شن صار فيها
احمد...ولاده راه مش حقنه عضل تحسابها ساهله
مجدي....يمسح علي راسه معش كثر عليه لأنه مراته خسرها وهي وولده مايبيش يذكره باليوم هذا
سعده...رنت علي مجدي وصكرت
مجدي...امي امي اكيد ناقصها حاجه ابتسام ماقتلك طولو
احمد...غير وسع بالك
مجدي...رقى مالدروج
سعده...ماسكه البنيه شفتله هنا هنا
مجدي...جاها يشوف في يدها امي
سعده...الحمدالله علي سلامتها جابت اهي بنتك
مجدي...هههه امي يرفع في البطانيه يشوف فيها شفلها ابتسام وين
سعده...مازالت جوا لكن اكويسه
مجدي...نبي نخش عليها
احمد...دفه وخذاها من امه
مجدي...بنتي
احمد...يشوف فيها نجك لي ايديها صغار خشمها وفمها
مجدي...هات بنتي هنا
احمد...يوخر بنتك عينك
مجدي...ياراجل بنتي خليني نشوفها
احمد...اكويسه خليني انتأمل فيها يرفع في ايديها تبارك الرحمان نسختك يامجدي نسختك
سعده....اها هي مجدي ههههه خذاتها من يد احمد
الدكتور...السلام عليكم
مجدي...وعليكم السلام
الدكتور...هذي المولوده توا
مجدي...انشاالله
احمد...كنك انشالله خير
الدكتور...انا دكتور اطفال نبي نشوفها
احمد.. قصدك تبي تاخذها لالا
الدكتور...نعم
سعده...هاك يادكتور
احمد...شن يبي فيها
الدكتور...هيا معايا للغرفه انت بوها
مجدي...لا والله عمها
الدكتور...ههههه ماشاالله تقدرو تعطوها ليا
احمد...خذاها من امه نشيلها انا
الدكتور...يمشي
احمد...يمشي قدامه
مجدي...يشوفله
سعده...خذاها منك
مجدي...مش غير
سعده...نعدي نشوفها
مجدي...امي طمنوك علي ابتسام
سعده...اها وحياتك قالت اكويسه اكيد توا تطلع
مجدي...نمشي نجيب عصاير ونجي
سعده...عدي بس ماطولش
مجدي...باهي سريع نزل مالدروج وطلع من العياده والفرحه مش سايعته
القابله...نزلت ابتسام من السرير تقدري تمشي
ابتسام...تمشي اها بنتي وين
القابله...مع حنها
الممرضه...لاخذاها الدكتور وردها لحنها
ابتسام...شن قال
الممرضه...اكويسه الحمدلله وزنها كيلوين ونص
القابله...ماشاالله ربي يحميها
طلعت ابتسام للغرفه قعمزت علي السرير غطتها الممرضه
ابتسام...عمتي وين وبنتي وين
الممرضه...شافت للباب اهن جن
ابتسام...مدت ايديها
سعده...حطتها علي ايديها
ابتسام...نزلتها في كترها مسكت يد سعده تبوس فيها ربي يطولي بعمرك مرايفه عليك بكل
سعده...قعمزت جنبها حتي انا رايفت عليكم الحمدالله علي سلامتك وسلامه بنتك احمد كان ماطلعته قبل يبي ياخذها ويروح بيها
ابتسام....هههه
سعده....وحقاالله خبر شين خش مع الدكتور ويشوف فيه كيف يفحص فيها
ابتسام...هههه انشالله حتي هوا ربي يرزقه بالذريه
سعده...يارب
ابتسام...اجودي وين
سعده...طلع توا يجي هذا خليفه يرن رضعيها
ابتسام...كان مافيش حليب
سعده...تشم صدرك توا ينزل بروحه
طلعت بره ردت الباب الو
ابتسام...طلعت صدرها قرباته من فمها ااااا بشويه هههه نجك لي الله علي الشعور
مجدي...في يده اكياس وين ابتسام
سعده...في ثاني غرفه
مجدي...فتح الباب يشوفلها والأبتسامه العريضه خيييير صكر الباب حط الأكياس علي السرير اللي جنبها قرب باس راسها الحمدالله علي سلامتك ياروح
ابتسام...تمسح في ادموعها واعره
مجدي...يمسح في ادموعها واخيرا هانت وحليتي اعيونك علي خير وسلمتي انتي وبنتنا حاسس بيك لكن مش بيدي شي
ابتسام...ماكنتش نحساب الجياب هكي
مجدي...خلاص معش تبي اتجيبيلي ولا كيف
ابتسام...انت تبي
مجدي...نبي عرم اعيال كل سنه حامل
ابتسام...وووه حبيبي موت شفته قدامي
مجدي...رفع يدها باسها انتي تتألمي فوق وانا ميت عليك خوف لوطى وندعي ل ربي يسهل عليك يشوف ل ابنيه ابنيتي جعانه
ابتسام...انحبك شكلها تبعد في صدرها هههه
مجدي...نموت فيك وفيها متمسكه بيه
ابتسام...اها سبحان الله اجودي كيف عارفه انا هذا اللي تاكل منه
مجدي...حاسه بيه
ابتسام...بعدت صدرها نزلت الوشاح رقدت تشوف ليديها
مجدي...يشوف ل ابتسام
ابتسام....عمتي وين شفتله
مجدي...قرب باسها علي فمها ربي مايحرمني منكن
ابتسام...ولامنك يحرمنا العقبال ل زونه وخواتي وكل مشتاق
الممرضه...طقت الباب فتحت
مجدي...ينزل في الوشاح علي صدرها
الممرضه...نبي نشوف ضغطك
ابتسام...اكويسه
الممرضه...اوامر الدكتور
مجدي...كيف
الممرضه..ماهي قابله جيبتها والضغط هبط وهيا تجيب خفنا عليها بعد سألنا الدكتور قال قيسولها الضغط كان هكي نعطوك تغذيه اخري
ابتسام...لاخلاص تكفي اللي امبدري خلاص
الممرضه...نطمنو رفعت يد ابتسام تقيسلها
ابتسام...تشوف ل مجدي وتبتسم
الممرضه... 110\70
ابتسام...توا نقعد اكويسه بوركتي
الممرضه...ولو شغلي طلعت
سعده...خشت واخيرا العقبال عيت وسام
احمد...نخش
مجدي..كان مش معاك زلوف ماتخشش
احمد.. فتح الباب ههههه ولو الحمدلله علي سلامتك ابتسام
ابتسام...الله يسلمك ماتعدلش عليه
مجدي...كيف مانعدل عيب عمها الكبير
احمد...استرني بس طلع من جاكته 300حطها مع البنيه هذين بس استفتاحيه توا تشوف الحاجات اللي نجيبهن لها
مجدي...هههههه صدق تي نبصر انا حول الفلوس مدهن له
احمد...رد يده مش لك ل بناخيتي شن سميتوها
مجدي...شاف ل ابتسام
ابتسام...سعده
سعده...انشالله من قسيمكم لكن انا مش مسامحه حد يسمي عليا لاونا حيه لاونا ميته
ابتسام...بعد عمر طويل نحنا نوينا اسمها جا معاها
سعده...سعده ماتسموش سمو اي اسم اخري
ابتسام...عمتي انتي زمقتها بنتي
سعده...حفيدتي نور اعيوني لكن مش سعده سمو اسم ماشي مع جيلكم
ابتسام...شافت ل مجدي
مجدي...مش شوري بينك بين امي
سعده...كبر مقداركم وعلي شانكم تبي الربح مني سعده لا
ابتسام....طبست كنت نبي سعده
سعده...كبر مقدارك يابسومه فرحت لأنك نويتيني لكن سمو اسم من الجيل الجديد حتي احمد وسام مانخلي حد يسمي عليا
ابتسام...باهي سميها انتي
سعده...والله مانعرف اسماء الجيل الجديد
ابتسام...اول اسم ايجي في بالك
سعده...بوها يسميها
مجدي...أملي
ابتسام...شفتله
احمد...يده علي كتف مجدي حلو بكل الأسم
ابتسام...كيف خطرلك
مجدي...أملي فيها
سعده...أملي ماشاالله ربي يباركلكم فيها وتحمل اكتاب الله
احمد&مجدي&ابتسام...اللهم امين
سعده...شوفي البنيه تبكي
ابتسام...طبست شفتلها
مجدي...شاف ل احمد احط
احمد...خبطه علي كتفه أملي طلعت تعرف اتسمي جا في وقته الأسم املنا فيها كلنا
ابتسام...تشوفلهم مش فاهمه شي
احمد...انا بره
مجدي...صكر الباب
سعده...رضعيها
ابتسام...رفعت أملي ترضع فيها مصكر اعيونها
مجدي...كنك
ابتسام...يوجع فيا صدري بس
سعده...توا اتعودي
مجدي...شاف ل ابتسام قصدك مافيش حليب عادي نجيبلها حليب من الصيدليه
ابتسام...لالانبي نرضعها طبيعي انشالله مانستحق صناعي
مجدي...ماسك يد أملي يبوس فيها نجك ليا
سعده....تطلعي عندي
ابتسام...توا يجو خوالي وعمامي وخواتي يزحم الحوش عليك ياعمتي
سعده...ومرحبا بيهم الحوش علي حسابهم
ابتسام...وووه عليا تعب ياعمتي
سعده...لامش تعب اها العشاء مايندار الا في حوشي
مجدي...ياامي حوشك كله ابيض وبيج توا يتلبز
سعده...حفيدتي اللي جايه خليه نعيش ونجدد ماخساره فيها شي توا انجيبو تشاركيه ومنسقه خير من الصالات
ابتسام...عمتي ليهه خوذيها
سعده...مسكتها
ابتسام...مش قادره تقطع فيا
سعده...عادي يابسومه
ابتسام...وووه عليا ياعمتي مش قادره
سعده...توقف عندك تبدا في بنتك
ابتسام...فيا ولافيها تقتلها بنتي
مجدي...ندز علي دكتوره تعطيك ابره ولاحاجه
ابتسام...لالانبي نطلع انا
مجدي...مازال ماتطلعي الا علي الظهر بكره
ابتسام...لانبي نطلع بنتي مافيها شي الحمدالله خلينا نطلعو هيا
مجدي...نشوف قبل ايديرو حل قصدك تقعدي هكي في الحوش الليه معاك لالا خليك نين تخف
سعده...تشوفلهم وتضحك
ابتسام...عمتي قوليله نبي نطلع
مجدي...مايسير شي
سعده...هيا الطبيعي يمسكوها ساعتين ويطلعوها راجي بلكي يطلعوك
ابتسام...تبكي نبي نطلع انا
سعده...شافت ل مجدي
مجدي...بلا اهبال عليش البكاء توا
ابتسام...بطني توجع فيا وليه تقتل فيا نبي انتريح نصكر اعيوني نرقد
القابله...فتحت الباب خيييير بأم البنوته الجميله
ابتسام...شفتله ابتسمت تعبتك معايا
القابله... هذا شغلي الحمدالله اللي سلمتي انتي وبنوتك
ابتسام...الحمدالله خليهم ايديرولي خروج
القابله...تحسي في روحك اكويسه
ابتسام...اها اكويسه نبي نطلع
مجدي...شن ديرتلها انتي كنها الليه معش وقفت
سعده...مجددددي
ابتسام...مسكت يده عيب
القابله...امر طبيعي طولن مانزلن التبايع قبل ماتت عادي الليه اتنضف في الرحم
مجدي...يعني شنو
القابله...يعني ماتخافش عليها كتبلي الدكتور رشيته الدواء خوذيه في الصبح علي الفطور وقبل العشاء مضاد حيوي لمده ثلاث ايام عشان الخياطه
ابتسام...تمام نبي نطلع انا
القابله...يشوفك الدكتور قبل
مجدي...هه يشوف وذنه قوله امورها في السليم ورقه خروج بس
القابله...شافت ل مجدي وطلعت
ابتسام...مش هكي ووووه تخبط علي السرير
مجدي...شن يبي يشوف اه
ابتسام...خلاص باهي
بعد اشوي ردت القابله في يدها ورقه الخروج
سعده...احميده وين
مجدي...بره
سعده..نمشي معاه وانتو الحقونا نخذها معاي البنيه
مجدي...مرات تبي ترضع توا تمشي معانا
سعده...براحتكم توا نوصلها لكم لسياره
مجدي..نطلع الشنطه وجاي
ابتسام...نسرين
القابله...نعم
ابتسام...امسحيها في وجهي
القابله...غيورر بكل
ابتسام...فوق ماتتصوري مدتلها كيسين عصائر وشوكولاطات هذين تحليه من أملي
القابله...من
ابتسام...بنتي سميناها أملي
القابله...محلاه الأسم ربي يفرحك بيها
ابتسام...اللهم امين بالله عليك عاطي من التحليه للممرضه اللي كانت معاك
القابله...حاضر طلعت
مجدي...هيا
ابتسام...نزلت الخيمار
سعده...نسبقكم
مجدي...تمام افطني لدروج بس
سعده...انشالله
ابتسام...تمشي بشويش ماسكه في يد مجدي
مجدي...وحده وحده
ابتسام...الساعه كم
مجدي...7:15
ابتسام...نعسانه بكل
مجدي...توصلي ارقدي
ابتسام...اها مش قادره نقاوم
الموضف...استاذ عندك افلوس هنا
مجدي...هديه مني لك
الموضف...لامانقدرش
مجدي...وقف ليش ماتقدرش
الموضف...انا نعتذر علي الشي اللي درته
مجدي...انا اللي نعتذر لاني مشعارف الشي اللي صار من حقك المهم باقي الفلوس خليهن عندك
الموضف...اسف
مجدي...باهي شوف امانه اول حاله تجيك وتنقص عندها الفلوس وفيهن بيها
الموضف...هكي باه
مجدي...امانه
الموضف...حاضر الأمانه واعره ربي يقدرني
مجدي...تبقي طيب رفع يده
الموضف...رفع يده
ابتسام...تمشي لسياره
مجدي...فتح الباب
ابتسام...اركبت بشويش ااااه مش قادره
مجدي...بنتي وين
سعده...وراك
مجدي...تعالي
سعده...حطتها في كتر ابتسام
مجدي...هيا معانا
سعده...لاعدو برواحكم انا ماشيه مع احميده انتلاقوا غادي
ابتسام...غير هيا معانا
احمد.. يبيب
سعده...انتلاقوا غادي في حوشنا
مجدي...انشالله
سعده...ركبت مع احمد وطلعو
مجدي...صكر الباب وجا ركب ولع السياره وطلع بيها نورتي حياتنا أملي
ابتسام...كيف خطرت ببالك اسم أملي
مجدي...لأنه أملي فيها مش عاجبك نغيروه عادي
ابتسام...يجنن الأسم
مجدي...يسوق
ابتسام....حبيبي راهو يكون حبيت وحده
مجدي...اننننن انتي حبي الأول والأخير مشعارف اصلا كيف قلته بعد بعد فكرت في الحاجات اللي حنشوفهن لقدام مع الوقت جت في بالي أملي
بعدد دقايق وصلو للحوش
مجدي...عمي عمران بره
ابتسام...منحرجه ننزل قدامه هكي
مجدي...توا نخشش السياره في القراج نزل رفع يده ل عمران صباح الخير
عمران...صباح النور
خليفه...طلع من الباب صباح الخير
عمران..صباح النور
خليفه...مبروك مازاد عليك
مجدي...الله يبارك فيك ياباتي
خليفه...مبروك الحفيده ياعموره
عمران...اه
خليفه...جاتك حفيده
ابتسام...مطبسه علي أملي خلاص ماما ننزل بس انديرلك سبوحه سمحه ونرضعك وننو مع بعضنا
خليفه...مشى ل عمران
مجدي...احمد القراج
احمد..رد فتح القراج
مجدي...ركب في السياره خششها للقراج
احمد...صكر الباب
مجدي...فتح الباب ل ابتسام
سعده...هاتيها نورتي حوش جدك ياحبيبتي خشت بيها للحوش
ابتسام...امسكت يد مجدي لالا نقدرش
مجدي..كنك
ابتسام...بنج الخياطه بدا يحول
مجدي...انشيلك
ابتسام...لاحبيبي مش لدرجه خليني اشوي توا نطلع بروحي
احمد...خش للحوش
مجدي...تجي شورها يومك اه
احمد...امشي روح
مجدي..هههههه
ابتسام...هههههه طلعت كرعيها وطلعت من السياره ووووه عليا معقوله هكي الجياب حي علي زونه
مجدي...ماتخوفيهاش
ابتسام...ويحكن لاساهل لامش واعر وهوا موت قدامك تشوفه
مجدي...مايبنش يرعشنك
خششها للحوش
خليفه...ابتسام
ابتسام...وقفت رفعت خيمارها
خليفه...سلم عليها مبروك مازاد عليكم الحمدلله علي سلامتك
ابتسام...منحررجه الله يسلمك عمي
خليفه...ابناخيتي وين
ابتسام...رقت بيها عمتي فوق
خليفه...رقى لدور الثاني
ابتسام...حبيبي نعسانه بكل
مجدي...كولي حاجه
ابتسام...لالاعنديش نيه حتي بالعسل
مجدي...يرقي فيها لدور الثاني لاعندك انتي من اليوم ترضعي
ابتسام...باهي بعد نوعى توا يجو هلي اقل شي نرقد ونوعى مصحصحه سمحوني ماخليتكم ترقدو لاانت لاعمتي واحمد
مجدي...روحي انتي افداك كلشي اهم شي تكوني بخير انتي وأملي
ابتسام...الأسم جميل في فمك
رقو لدور الثاني يسمعو في خليفه يناغي فيها
ابتسام...شافت ل مجدي ههههه
مجدي...هههه شن عرفها مازالت صغيره
ابتسام...والله سكتت خشت لدار
خليفه...تشبه ل مجدي نسخه
ابتسام...حتي عمتي قلتها
خليفه...شن سميتوها
ابتسام...كنت نبيها سعده لكن هيا عارضت سمعها مجدي أملي
خليفه...ماشاالله صدقت سعده اسم قديم
سعده...واللهي
الكل...ههههههههه
ابتسام...غير تسلم
خليفه...هههههه
مجدي..شن الضرف هذا
احمد...فشك هيا الحاج حطلك مبلغ
مجدي...لاياباتي مش هكي
خليفه...هذين ل حفيدتي مش لكم
احمد..شيلها
سعده...ينعلي يااحميده شيلها بالباطنيه
احمد...حمو حمامه شايل
ابتسام...هههههه
مجدي...هههه مال ل ابتسام ماقبل جت الحمامه هذي
احمد...شن
ابتسام...انحرجت
مجدي...خليها عنك حمامه كتكوت خطاها
خليفه...هيا احميده سعده خليهم يتريحو
ابتسام...لاعادي عمي تعالو
سعده...لاتريحي
ابتسام...فيه حوض سباحه عمتي نبي نسبحها
سعده...عندي اها توا نجيبه لك
طلعو كلهم
ابتسام...سلحت عبايتها حطتها علي السرير حبيبي تقعد عينك منها نين ندوش
مجدي..باهي تمام بس افطني لروحك راكي اطيحي عندك هبوط في الضغط
ابتسام...أملي امانه عندك ماتخليهاش تبكي عشان السره
مجدي...باهي رفعها بين ايديه يتأمل فيها
ابتسام...خذت من الشنطه دبش وطلعت من الدار
مجدي...يارب يكون أملي فيك ويطلع الورم حميدي مع امك وتعيش معانا العمر كله أملي فيك ياأملي يكون قدومك علينا خير ياروح باتك سمع حاجه طاحت رفع راسه
احمد..مجدي............#يتبع
اسفه لوفي لخبطه بالأسماء
#انتظروووووني
في الحلقه الثامنه والأربعون
#نورهان✍
