#جبرني_الوقت⏳
#الحلقه_الثالثه_والثلاثون
بقلمي✍ #نورهان
نصف السعاده تجدها في روح تفهمك
والنصف الاخر في قلب لن يتغير عليك....
●●
امينه...هوا االلي خذها من الدولاب قال دافيه قلتله خوذ متاعتي انا تغطا بيها مابش خذا متاعت ابتسام ورقد
فاطمه...من اللي راقد كان مش ابتسام
امينه...خونا عبسي
فاطمه...عبسي امتي جاء
امينه...من بدررري
حني امينه...خبطت الباب بعكوزها هيا صبي وطلع
فاطمه...خليه ياعمتي راقد
حني امينه....قربت كرت منه البطانيه
عبدالسلام...مصقع ياحني غطيني
حني امينه...صبي قلت ارقد في دارك معش ترقد مع البنات
فاطمه...خليه ياعمتي راقد
حني امينه...لا هيا قدامي تخبط بالعكوز علي كرعيه
عبدالسلام...اني صبيت ياحني طلع من الدار راقيله
حني امينه...فطومه يافطومه
فاطمه...خليه خليه
حني امينه...صبت ولعت الضي فطومه
فاطمه...وعت تاخذ في نفس
حني امينه ...تحلمي تحلمي
فاطمه...تصكر في اعيونها ويدها علي صدرها ياربي
حني امينه...مدتلها كبايه اميه هاكي شكلها جثامه
فاطمه...تشرب لا اله الا الله لا اله الا الله
حني امينه...ردت لسريرها
فاطمه...ايديها علي وجها تبكي بصوت
حني امينه...قولي لا اله الا الله كنك بسم الله
فاطمه...مستمره في البكاء
امينه...امي حولت البطانيه
فرح...وعت مفجوعه كنك
امينه...امي تبببببكي صبت تجري فتحت الباب
فرح...صبت وراها ينعلي امي
هناء&هنيه...وعن مفجوعات
امينه...امي امي كنك
حني امينه...شكلها كانت تحلم
عمران...واعي داهش خش لدار كنكم
حني امينه...لاتخاف لاتخاف شكلها كانت تحلم
عمران...قعمز علي الصالون تنهد
فرح...تبكي امي كنك
هنيه...كنها شن صار
امينه...تمسح في ادموعها خلاص امي
فاطمه...تبكي
هناء...مقعمزه جنب عمران تمسح في ادموعها
فاطمه...يانا المرايفه ياحبيبي مافرحت بيييك يانا علي المصقع يبي دفاء
حني امينه....تشوفلها وحدي الله يافطومه فجعتي ابنياتك
فاطمه...لا اله الا الله
امينه...عليش تبكييي
فاطمه...حلمت
امينه...شن الحلم اللي بكاك
فاطمه...حلمت ب عبسي
امينه...حضنتها الله يرحمه
فاطمه...تبكي مكانه فاضي
حني امينه...الله غالب الدنيا باده وعاده ماشي الكبير والصغير كلنا لهل طريق شربيها اميه
امينه...بعدت
هنيه...اشربي امي
فاطمه....شربت
حني امينه...الله غالب
فاطمه...شفتلها صايمه انا
امينه...مازال عشر دقايق علي الأذان
فاطمه...رقدتن بدري
امينه...يوم متعب
فاطمه...فجعتكم
عمران...مطبس ومصكر اعيونه
حني امينه...عدي ارقد
عمران...رفع راسه شفلها والله نحسابك سايره فيك حاجه
حني امينه...لااكويسه الحمدلله
فاطمه...رني علي ابتسام
امينه...توا اكيده راقده
فاطمه...رني عليها خليها توعا نبي نطمن عليها
امينه...صبت لدار جابت التلفون وردت
عمران...توا تفجعوها
فاطمه...لالا رني عليها اكيد واعيه
امينه...رنت علي ابتسام
ابتسام...راقده علي صدر مجدي وعت مفجوعه
مجدي...كنك ياروح
ابتسام...تلفوني
مجدي...توا كيف رن
ابتسام...انت واعي
مجدي...نرجا في الفجر
ابتسام....وخرت جابت تلفونها من الكوميدينا
مجدي...من
ابتسام... مني هذي تنهدت انشالله خير الو
امينه...فاتحه السبيكر خير بيسو
ابتسام...بصوت ناعس خير مني شخباركم
امينه...شافت ل فاطمه ينعلي راقده
ابتسام....امم
فاطمه...اسأليها اكويسه هيا
امينه...شن دايره صحتك
ابتسام...لااكويسه الحمدلله شخباركم انتو
امينه...لااكويسين سهرانين قلت انكلمك والله كان نحسابك راقده مارنيت سامحيني
ابتسام...لانجك لي عادي باهي اللي وعيتيني علي الفجر
امينه...يسلمو عليك
ابتسام...سلمي عليهم
امينه...باهي انتلاقوا
ابتسام...اتشالله هيا باي
امينه...باي صكرت
ابتسام...حطت التلفون علي الكوميدينا
مجدي...مافيش برانيه
ابتسام...قربت حطت راسها علي صدره تسأل عليا تحسابي واعيه
مجدي...من بدري نبيك توعي شي من اول ماحطيتي راسك طول رقدتي قبل نبي نشيطن ونوعيك ببوساتي بعدها قلت حرام من الصبح وهيا عالقه
ابتسام...حضناته كنت اتوعيني
مجدي...نجك لي ماهنتيش عليا
ابتسام....روحي انت
مجدي...تلفونك
ابتسام....وخرت جباته امينه شكلها حالمه بيا
مجدي...هههه
ابتسام...الو شكلك حالمه بيا
امينه....ههههههه لاوالله شكله ارياف قتلك هاكي باتي يبيك
ابتسام...عطيه ليا
عمران...خير ياباتي
ابتسام...خير باتي كيف حالك
عمران...الحمدلله شخبار مجدي
ابتسام...شافت لمجدي اكويس الحمدلله
عمران...ياباتي بكرا فطوركم هنا
ابتسام...والله ياباتي مافيش داعي لتعب
عمران...لاباتي ضروري ماتجي
ابتسام...خلاص تمام نجك لي
عمران....قوليها لمجدي مش يقول ماكلموني انا ولاكان هكي عطيه ليا نحكي معاه بروحي
ابتسام...هي مدتله التلفون باتي
قربت حطت راسها علي صدره
مجدي...ايوا
عمران...كيف حالك يامجدي
مجدي...تمام الحمدلله انت شن دايره صحتك عمي
عمران...لااكويس الحمدلله مانبيش انطول عليكم بكرا فطوركم هنا
مجدي...والله ماتعب روحك
عمران...لامافيش تعب تمام
مجدي...انشالله
عمران...هيا تصبح علي خير
مجدي...تلاقي الخير
عمران...صكر
مجدي...مدلها التلفون
ابتسام...خليه يلاك عنديش نيه نحطه من غادي
مجدي...حطه علي الكوميدينا اللي جنبه ماسحرتيش ياروح
ابتسام...شبعانه ياقلبي
مجدي...بس ماكليتي شي
ابتسام...بسرعه مانشبع بس نعطش بكلللل حبيبي
مجدي...خذيتي الدواء ياروحي
ابتسام...اها
#نورهان✍
امينه...اطمنتي
فاطمه...صبت نمشي انتوضي الفجر
امينه...شن حلمت
عمران...الله يعلم حتي انا نمشي انتوضي طلع من الدار
امينه...حني ماحكتلك شي
حني امينه...لاوالله وهي راقده تقول خليه خليه بعد وعيتها قعدت تبكي
امينه...امي من بعد وفاه عبسي معش بكت هكي
حني امينه...مانلومها جنينها اووحيدها الله غالب
امينه....الله يرحمك ياعبسي فقدينك
هنيه...حتي انا امرايفه عليه
فرح...يارب اربط علي قلب امي
هناء...تمسح في ادموعها يارب
حني امينه...يدها علي خدها يارب
#نورهان✍
يوم جديد.....
امينه...هيا هنو
هناء...شن اندير
امينه...تعالي اقلي
هناء...حرام عليك قلي
اصيله...خليه توا نقلي انا
امينه...عمتي ربيعه في الطريق اقل شي انوتو كل شي
اصيله...عدي هنو ديري حاجه اخري
هناء...ماعنديش ماندير افريحه واهنيوا مكافيات وموفيات نمشي انسيق الحاجر
امينه...المربوعه شوفيها
هناء...والله منظمه وفتحت علي قران
امينه...معناها عدي سيقي
هناء....امي شن دايره
امينه...تصدقي عالقه من وعيتها
هناء...توا ادوخ هكي
اصيله...ياناعلي وتوا ادير في تنور
هناء...نمشي انشوفها بعدها انسيق
امينه...خليك سريعه هنو نبيهم بعد ايجو مافيش زحمه
هناء...التوبو وين
اصيله...معلق في القطعه
هناء...تمام بكل
هاجر...خشت من باب الكوجينه خيير
هناء...والله امس في حاجه ناقصه نورتينا
هاجر...هههه ماسكه منونه نجك لي
امينه...بكل وين هومي
هاجر...خذاه مني ادم وطلع لشارع
امينه...صاح مش طلع
هاجر...كان عندي فوق جايب اوراق ل ايمن
هناء...انا طالعه نشوف امي ونسيق
هاجر...نحط منونه مع عمتي ونجيكن
امينه...تمام
اصيله...اسراء كنها طولت
امينه.....حرام تعبت
اصيله...عادي
هناء...امي
فاطمه...مقعمزه علي الكرسي شفتلها هاامي
هناء...كملتي
فاطمه...انحمي في الثاني
هناء...سلم ايديك
فاطمه...كليتي حاجه
هناء...اها نبي التوبو نبي انسيق
فاطمه...شيرت بيدها اهو معلق
هناء...شافت اها مشت خذاته وطلعت علقاته في الشيشمه هنيوا
امينه...جوا
هناء...وحده اتجي اتشيل معايا الطوله
امينه...انكمل اللي في يدي
هناء...تمام ترفع في الكراسي علي بعضهن
ادم...شايل ايهم راقد هاجر وين
هناء...تحكي معايا
ادم...لامع الساس
هناء.. تمام فتحت الشيشمه
ادم...نحكي معاك
هناء...بعد نبيش نعبيك اميه
ادم...نحكي انا
هناء...تشوف فيا ساس رد ياساس عليه
ادم...خش للكوجينه هاجر
هاجر...نعم
ادم...هذا رقد
هاجر...عطيه ليا
ادم...توا نحطه في الدار غير غطيه
هاجر...به
ادم...خش لدار
حني امينه...راقد
ادم....اها
حني امينه...جيبه علي سريري
ادم...حطه ورا حني
حني امينه...تغطي فيه
هاجر...رقدته مع عمتي
ادم...اها طلع
هناء...ماسكه التوبو تسيق واليد لاخره ماسكه المكنسه
ادم...كر من يدها التوبو
هناء...شفتله ليش
ادم...انا نمسك التوبو وانتي كنسي وراي
هناء...تحكي جديات
ادم...شفلها شن رايك
هناء...ياريت
ادم...هه هيا
هناء...تمشي في الميه
ادم...يبخ ع الورد
هناء...لاتوا ينزل التراب
ادم...لالا
#نورهان✍
ابتسام...تلبس حبيبي
مجدي...روحه
ابتسام...قلتها لعمتي
مجدي...اها كلمتها
ابتسام....ساعه كم
مجدي...6:23
ابتسام...تلبس في الخيمار
مجدي...واتيه
ابتسام...اها حبيبي باهي نطلب منك طلب
مجدي..ادللي
ابتسام...نلبس جاكه
مجدي...لاياروح اعيال عمك
ابتسام...امباه
مجدي...يلبس في كندرته
ابتسام...شنطتي
مجدي...انا نرقا لسطاح ونازل
ابتسام...باهي خشت خذت الشنطه ردت لبست كندرتها وصكرت الباب قعدت واقفه فم الباب نزل شاب من فوق السلام عليكم
ابتسام...وعليكم السلام
مجدي...نزل سمع ابتسام
الشاب...نزل
مجدي...شن كنتو تحكو
ابتسام...شي قال السلام عليكم
مجدي..وانتي عليش اتردي عليه عليييش
ابتسام...سلم اجودي رديت السلام
مجدي...لامترديش
ابتسام...حاضر
مجدي...نزل
ابتسام...ماسكه في السلم وتنزل ماقال شي قال السلام عليكم اللطف ياربي
مجدي...هيااااا
ابتسام...انزلت
مجدي...فتح باب العماره سلم
ابتسام....معش ردت عليه
مجدي...فتح باب السياره
ابتسام...اركبت
مجدي...شن ناخذلك
ابتسام...عادي اي شي دارت وجها لروشن
مجدي...حبيبي اسف
ابتسام...عادي مافيش داعي تتأسف
مجدي...باهي شوفيلي
ابتسام...لو شفتلك حنبكي خليني
مجدي...ولع السياره مسك يدها حتي صوتك مانبي حد يسمعه
ابتسام...تشوف لطريق حاضر
مجدي...شن في خاطرك
ابتسام...شي
مجدي...غير قولي
ابتسام...والله شي كان خاطري في شي قتلك نحس في روحي مرهقهه
مجدي...من بنتي
ابتسام...نجيها ليا افداها كل شي
مجدي...لانبيك بصحتك حتي انتي
ابتسام...انشالله حبيبي
مجدي..نجك لي ياام ابنيتي
ابتسام...خلاص قررت بنت
مجدي...يارب
ابتسام...كان اوليد
مجدي...لابنت متأكد
ابتسام...ههههه
مجدي...كيف حتي تخيلتها
#نورهان ✍
ادم...خلاص خشي
هناء...خليني نطلع برا
ادم...خذا المكنسه جواااا
هناء...نجيلي الواعر خاشه حتي انا
ادم...فتح الباب وطلع بتوبو
هناء...عدت لشيشمه صكرتها
ادم...ماسك التوبو عزق التوبو وخش انتي يافررخه
هناء...توبعاته تحكي معايا
ادم...حلي الميه
هناء...شيرت علي اعيونها من العين هذي قبل هذي
ادم...طلع وهوا يبتسم
هناء...فتحت الميه وطلعت للقطعه
فاطمه...تصكر في التنور
هناء...خلي من ايديك كل شي عدي ديري دوش توا انظم الحوسه
فاطمه...لاتوا نلحق
هناء...لاعدي ديري دوش وقعدي في الدار معش تطلعي
فاطمه...متأكده
هناء...اها
فاطمه...تنهدت الله يربحك
هناء...نبي الربح هذا انا جت حضنتها
فاطمه...ضحكت
هناء.....ربي يحفظك لي ويطولي بعمرك يادنيتي ومايحرمني من ضحكتك في يوم
فاطمه...ويحفظكن لي
هناء...يارب خلاص عدي ديري دوش وتريحي
فاطمه...خشت
هناء...بدت اتنظم في القطعه ادندن ترا حقي ان افكر بيك وشغل بيك تفكيري بهالدنيا بعد ماعيش من تفكر بغيري مستمره اتغني تخيل لو عليا تغيب وننهي حبنا ويتركه
ادم...التوبو ماسكه في يده يسمع في صوت هناء واقف عند باب القطعه يشوفلها
هناء...شنو رأيك وصلت لحد صرت عايش بشخصيتك وبوس البخت اللي بيوم جابك اللي وحبيتك
وبوس البخت اللي بيوم جابك اللي وحبيتك
شنو رأيك وصلت لحد صرت عايش بشخصيتك وبوس البخت اللي بيوم جااااابك اللي وحبيتك
ابعدك عن اعيون الناس وتركك تنسجن بيا غرامك غير العادات علمني الأنانيه غرامك غير العادات علمني الأنانيه ترا حقي انا افكر بيك وشغل بيك تفكيري بهالدنيا بعد ماعيش من تفكر بغيري شفتله من امتي هنا
ادم....خش علق التوبو الا اله الا الله اصيام واغاني
هناء...حي علي صوتي عالي
ادم...غير انا اللي سمعته
هناء...قصدك عالي
ادم...يعني
هناء...كملت
ادم...اها
هناء...حتي انا خلاص انخش
ادم...قتلك
هناء...وقفت شن
ادم...صاح جايك عريس
هناء...عليش تبي اتحجرني ناخذك بدون تحجير ههه
ادم...والله صاح
هناء...طبعا نكذب
ادم...قرب
هناء...لو قعدت اخر واحد مسسستحيل ناخذك
ادم...معناها خللي عند عمي
هناء...قربت منه وشفتله متأكد دومي
ادم...اكيد
هناء....قطعتني ع اخر مقطع من الأغنيه
ادم...كيف
هناء....اسمع بحبك صرت اسوي اشياء ولاتخيلت اسويها بعمري ماحضنت اثياب اصلا صرت احاكيها بعمري ماحضنت اثياب اصلا صرت احاكيها
صوتك اااه لو بيدي ماخلي احد يسمعه اعشقنك عشق مجنون حاول تفتهم وضعي اعشقنك عشق مجنوون حاول تفتهم وضعي
ادم...باهي خلاص
هناء...انعبر علي مشاعري يانكدي حول تفتهم وضعي اعشقنك عشق
ادم...خلاااص مش وقتك توا بعدي من قدام خلقتي
هناء...حاضر توا انغنيها للي نبي نزوجه رد بالك اتحجرني ايواااا طلعت من باب القطعه
ادم...هه تحلمي يزفك واحد غير ادم بعد هذا كله ياارنوبه
هناء...عمتيييييي
ربيعه....جت حضنتها نجك لي
هناء...امرايفههه عليككك
ربيعه...وانا اكثر نجك لي
هناء...بوبي اسسكلي
ربيعه...خوذيه
هناء...شالته اتبوس فيه
ربيعه...هههههه
ادم...اوووو ربيعه شن صاير فيك ذابله
ربيعه...حضناته ادموعها ينزلن نجك لي
ادم...ليش البكاء
ربيعه...ارياف
امينه.. بوعا نجك لي
ربيعه...مشت حضنتها
ادم...بوبي
هناء....نجك لي
ادم...خذا من هناء بوبي قاعد ناقص
هناء...علي فكره يشبهلك
ادم...كلهم يقولوا فيها
هناء..اعيالك عندهم مستقبل
ادم...مرات يطلعو ل امهم مشكله هذي
هناء....من
ادم...بعد العيد توا تعرفيها
هناء....اختفت الأبتسامه قصدك تبي تخطب
ادم...انشالله مانيش اصغير اللي بعمري اعيالهم يقرو
هناء...من باهي
ادم...كنه وجهك تغير
هناء...انا هههه لااا
ادم...عليش الفضول راكي تحسابي روحك انتي
هناء...شفتله فهمتش
ادم...يعني انا نبيك ولانفكر فيك
هناء...طبست بوبي نجك لي حتي انا مانفكرش فيك وين باقي خوتك حبيبي تمشي وتحكي مع بوبي (بوبكر)
ادم...يشوفلها وهيا تمشي ابتسم وطلع برا
#نورهان✍
حني امينه...البنت هذي ميته بكل
هناء...حني عنديش نيه
حني امينه...ماكليتي شي
هناء....تطلع من وراهن مش جعانه
ربيعه...بكل هنو ناقصه ناقصه
هناء...الله غالب ياعمتي هذا جسمي مش متقبل الطعام تشرب في العصير
ابتسام...تبيلك دكتور تغذيه
هناء...هههههه لاهذي معناها نمشو كلنا
الكل...هههههههه
هناء...والله كلنا نفس المعناه
هاجر...لابس انتي بكل
هناء....تشرب في عصير لاتجرحيش
اصيله...ههههههه امس قاعده علي بوكس كامل بكلاوه توقعت نوعا نلقها بطمه
هناء...هههههه
ابتسام...سفره دايمه
فاطمه...كولي امي
ابتسام...الحمدلله شبعت والله مخسرين ارواحكم سلم ايديك عمتي حواء
حواء...صحه والله ماكليتي شي
ربيعه...باهي اللي تلاقينا امرايفه عليك
ابتسام...والله حتي انا هافات عليا ايام زمان
ربيعه...الله الله انا بايته ماشيه بكرا
ابتسام....صاح يعوينك
ربيعه...خليك
ابتسام...امبدري في السياره مجدي قالي عازم اصحابي بكرا
ربيعه...في شقتك
ابتسام...لاعند عمتي
ربيعه...شخباره مجدي
ابتسام...اكويس
اسراء...بركيلها حامل
ربيعه...تبصري
اسراء...والله
ربيعه...جديات بسومه
ابتسام...اها
ربيعه... نجك لي ربي يثبت حملك وتحلي اعويناتك علي خير
ابتسام...انشالله يارب
الكل...انشالله
#نورهان✍
فات الوقت ساعه12:14
الكل...قاعد في دار حني امينه
ابتسام...ههههه
هاجر...يوم لو البنات ديرات بسبوسه ماعطنه
امينه...هههههه نجك لي ياايمن
ربيعه...من يومه ايمن
هاجر...ماعرفتش انديرها تطلع امعايا يابسه
ربيعه...علمنها اسريوا
اسراء...في يدي تطلع سمحه وخفيفه لكن بعد اديرها وقدامي تطلع يابسه
هاجر...الفسس في يدي
الكل..ههههههه
حمادي...بسومه
ابتسام...هههههه شفتله نجك لي اعيون بسومه
حمادي...مجدي قالك هيا يتصل بيك ماتردي
ابتسام...تلفوني في الشنطه هيا هيا صبت صكرت اعيونها ردت نفس الدوخه
فاطمه...مسكت يدها كنك
ابتسام...صبيت بسرعه راسي برم
فاطمه...عينك من روحك
ابتسام...تمشي عند الشطار حاضر خذت العبايه تلبس فيها
البنات...كلهن صبن
اسراء...والله ماشبعت منك
ابتسام...نجك لي مشت باست يد وراس فاطمه
فاطمه....الله يربحك
ابتسام...باست يد وراس حواء
حواء...الله يربحك
ابتسام...حضنت حني امينه ربي يطوللنا في عمرك ونستنا وضي حوشنا باست يدها وراسها توصيني علي حاجه
حني امينه...عينك من روحك وطريقك بيضاء
ابتسام...انشالله طلعت ضرف من الشنطه مداته ل هنيه
هنيه...شن هذا
ابتسام...هديتي ماعرفتش شن انجيبلك ولا نقدر نطلع لسوق تشوفي في حالتي
هنيه...لااا
ابتسام...شن اللي لااا
هنيه...لاانا خلاص اقريب انكمل
ابتسام...اللي في خاطرك جبيها
فرح...اتسد انا
ابتسام...عليش اسمنا خوات
فرح...حضنتها نجك لي
ابتسام... باي بوعا
ربيعه...باي عينك من روحك
ابتسام...انشالله
طلعت ابتسام ....
مجدي...فتحلها الباب من بدري انرن عليك ياروح
ابتسام.....في الشنطه والهداريز ماسمعته
مجدي...قلت هذي تبي اتبات طلع بالسياره
ابتسام...والله لو مش جايين اصحابك بتت
مجدي...اي اصحابي
ابتسام...شفتله مش جايين اصحابك بكرا
مجدي...لا
ابتسام...حبيبي قلتها ليا
مجدي...اها صاح
ابتسام...معناها بكرا وديني بدري عشان انساعدهن
مجدي...انشالله
ابتسام...اعجبك الفطور
مجدي...مخسرين ارواحهم والله ماشاءالله عليه
ابتسام...صحه حبيبي
#نورهان✍
في الحاجر...
امينه...باهي بوعا شن جوك انتي
ربيعه...اكويسه الحمدلله
امينه...وين العيال
ربيعه...مسكتهم عمتي
امينه...والله امرايفه عليهم
ربيعه...مش بيدي باهي اللي خلوني انجيب بوبي
امينه...ليش
ربيعه...البنات وين
امينه...هناء راقده هنيه تحكي مع إسلام فرح مع عبادي اصيله واسراء في حوشهم عليش
ربيعه...مضايقه نبي نحكي مافي حد يفهمني الا انتي
امينه...مسكت يدها شن فيه
ربيعه...من وين نبدا
امينه..من وين ماتحبي
ربيعه...من راجلي ولا من خواته ولا من امه ولا ولا ولا
امينه...كنت حاسه بيك كيف معاملته مش اكويسه معاك
ربيعه...تمسح في ادموعه تنهدت للأسف قاعده خدامه
امينه...شفتلها بصدمه كيييف
ربيعه....تذكري كيف كان يحبني لوكان ماخذاني انجن وقصه حبنا تنهدت
امينه...اكيدد عشت معاك كل التفاصيل
ربيعه...بعد جبت جيهان تغير معايا يخش يكسر يطلع يكسر بدون سبب كأنه كارهني بعد قتله كلمه منك نطلع معش تشوف وجهي لكن اعيالنا بدو يخافو انا مانبيش اعيالنا بعد يكبرو بدال مايذكرو الحاجات السماح يذكرو كيف بوهم يضرب في امهم ويهين فيها عشان يرضي امه وخواته مانبيهم يشوفو صوره عايلتهم بالشكل هذا تبي تضربني اضربني جسمي تعود اصلاا بس بروحي ماتخلي اعيالي يتفرجو عليك بس ولا كأني نحكي يامني يجب فيا من شعري ويعيطلهم ويبدا فيا ضرب قدامهم عشان حكيت ونصحته
امينه...ياروحي انتي قصدك يمد في يده عليك
ربيعه...ليش مانجي هنا برغم خاطري انجي حتي خميس وجمعه لكن يقعد وجهي الوان كله جسمي اثار الضرب خلاص مني لدرجه بعد يبي يضربني نقعد مسلمي روحي قتل فيا الأحساس
امينه...تبكي ليش تخلي فيه يمد في يده عليك
ربيعه...تمسح في دموعها تنهدت اعيالي اعيالي كاسرين ظهري
امينه...احكي لعمك
ربيعه...عمي طيب في حاله كلمة عمتي هيا اللي ماشيه فالحوش نرقد علي ضرب ونوعا علي ضرب امي لو نحكيلها حتموت اختي اختي مش قادره نحكيلها لأني عاندت الكل عليه مجبروه نسكت ونتحمل نطلب من ربي في كل ركعه انا يهديه لأني عارفته من ورا قلبه
امينه...شن يقولنله نين يضربك
امينه...مره من المرات راقده كانت جوري عندها حراره ساهره عليها الليل كله وهوا عارف اني مش راقده ساعه ثمانيه في الصبح كيف رقدت هوا عدا لشغل وانا حضنت ابنياتي وحمادي ورقدت ماكان عندي حوسه عشان نقاوم ونكملها كل شي منظم قلت ماعنديش عليش واعيه انتي عارفه اعيالي بما اني راقده مستحيل يوعو ولا إذا وعوو يفتحو التيلفزيون علي الرسوم هاديين نجكم لي والله يامني كيف مانحكيلك وعيت يجر فيا من اشعري خطرها علي شعررري حولت الوشاح
امينه...ايديها علي فمها
ربيعه...من الكر المهم نكملك وعيت علي انا يجر فيا رفعت راسي فوق اللي كسرتني جيهان ادف فيه وتبكي ماتبيش يضربني
امينه...ياروحي
ربيعه...كان السبب اني انا بعد طلع للشغل نزلت لعمتي نهزب فيها ونعلي في صوتي عليها ونقول في اسلوب مش اكويس كانت صدمه عمري قعدت نحلف من اول مانزلت وانا راقده ماشفتها عمتي ماصدقني ضربني ضرب علم فيا وطلع لشغله ونسمع فيهن يضاحكن لوطا وانا دمعتي علي خدي مش قادره انسيب اعيالي قالي يوم اللي تطلعي من هنا انسي اعيالك نحاول اني نصلح صوره بوهم قدامهم عشان بعد يكبرو مايكرهوه ولاتسيرلهم حاله نفسيه وصلت بيا بعد يضربني نمشي نخفي العلامات بالمكياج عشان اعيااالي اللي كسرين اظهري وتوا حامل اخري
امينه...حني بعد اتجيكم مالحظت شي
ربيعه...بعد اتجيني امي مش عارف وين يحطني غير اسكتي وما تحكي شي فيه مره من المرات شافني ناخذ في حبوب منع حمل قتلني مش ضربني نين اغمي عليا تلفوني في يده بعد ترن امي يعطيها ليا والسبيكر مفتوح عشان يسمع خواته وامه يزرعن في الكره في راسه عشان يكرهني تصدقي يتلذذن بضربي برغم مش ديرتلهن الا كل خير
امينه....ياروحي شن جابرك تتحملي كل هذا
ربيعه...الوقت جبرني انتحمل عشان اعيالي نطلب من ربي يهديه ويخفف يده عليا كارها روحي كارها اليوم والساعه والتاريخ وكل شي ربطني بيه مستحيل يكون هذا هوا نفس الشخص اللي عاندت خوتي عشان ناخذه طيب كريم حنون بس ليش تغير معايا ليش كرهني
امينه...حسبي الله ونعم الوكيل في اللي كان السبب كنتو عايشين اجمل قصه حب
ربيعه...اها قتله نبي نمشي ل امي ودينا توا قالي تبي امك العيال مافيش مشي قتله ليش باهي خليهم خوالهم امرايفين عليهم لالا خوالهم عندهم اعيال وخايف علي بناتي
امينه...متخلف شن يبو ايديرولهم بنت عمرها ست سنوات ولاخره خمسه
ربيعه...نسكت ماعنديش ماندير باهي حاضر ترقا عمتي اتكرهم من ورايا والله يتعايطو مايبو يمشو ياماما نبوك مانبوش نمشولها
امينه...مش لاقيين حن
ربيعه...تمسح في ادموعها لدرجه وصلت ندعي ياربي وانا انجيب نموت بس نقول لاياربي اعيالي لمن انخليهم
امينه...بعيد السووو عليك بوعا انشالله الموت فلي بكوك
ربيعه...تصدقي راسي وجعني مدرعن اعيالي توا رقدو كلو شربو يتباكو مغطينهم
امينه...خلاص قطعتي قلبي
ربيعه...بما انا بوهم معاهم مطمته
#نورهان✍
مجدي...حبيبي
ابتسام...في الدار
مجدي...شن اديري
ابتسام...نلبس طلعت من الدار نعم
مجدي...نعيما شن السماحه هذي
ابتسام...سلمك تبرم امممم عجبتك
مجدي...تعالي اشربي حليب خير ماناكلك اخري ويأذن الفجر ونريحو في عالم اخر
ابتسام....هههه ماشبعتش ناخذ الدواء قبل
مجدي...منك مستحيل نشبع
ابتسام...خذت الدواء وشربت الحليب نجك لي
مجدي....تعالي
ابتسام...وين
مجدي...نخشو لدار
ابتسام....مسكت يده هيا
مجدي...امتي تكبر بطنك تقعدي بطه قدامي ونعرف بنت ولااوليد
ابتسام...ههههه نجك لي انشالله بعد اربع اشهور تعرف
مجدي...ماينعرف في الثاني
ابتسام...هههههه مشلدرجه حبيبي حتي تكوين ماتكون في الثاني
مجدي...اكيد يعرفوه نبي نفضي الدار اللي مقابلتنا ونزوقها بوردي ونجيب فيها دار اطفال ورديه كل شي نبيه وردي حتي دبشها
ابتسام...لاحبيبي مرات يطلع اوليد
مجدي..مش شوري نبي بيسو الصغيره
ابتسام...انعلي نا هكي انغار
مجدي...تعالي باه
ابتسام....امممم
مجدي...مسك يدها كنك ترعشي
ابتسام...فاقده توازني
مجدي...قلتيها لدكتوره
ابتسام...قلتلي عادي من الحمل
مجدي...يعني عادي
ابتسام...اها حبيبي حضناته ربي يطولي بعمرك اجودي
مجدي...تنهد وبعمرك ياروح
ابتسام...قربت بساته في فمه
مجدي..صكر اعيونه
ابتسام...بعدت اتشوفله
مجدي...شن يعني
ابتسام...خاطري فيها بشتك
مجدي...بشتيني اه مازال كم علي الأذان
ابتسام...شافت لتلفونها ساعتين جعان حبيبي
مجدي...اها
ابتسام.. انديرلك حاجه تاكلها اجودي
مجدي...جا فوقها لاتوا نشبع توا
ابتسام...ايديها علي صدره تشوفله كيف يعني فهمتش اجودي
مجدي...هكي يعني نزل يبوس فيها ........#مشفر
#نورهان✍
ربيعه...في افراشها تريحت بعد بكيت
امينه...ياما شايله
ربيعه...هذا كله واللي حكيته اشوي
امينه...فيه اخري
ربيعه...خليها ساكته اللي حكيته كان كفيل يوضح كلشي
امينه....صبوره انا ماعنديش القوه اللي عندك
ربيعه...مجبروه تغطت وصكرت اعيونها
خشن البنات ....
فرح....بوعا ارقدت
امينه...اها
هنيه...ياخساره قبل قلت انهدرز معاها اشوي
امينه...بكرا بكرا هيا خلينا انرقدو
خشت كل وحده في افراشها وراحهن في نوووووم عميييق
#نورهان✍
اروي...فيش اديري
زينه...انا
اروي...لارزان
رزان...شي نصفح
اروي...وريني
رزان....شن
اروي...حسيتك ساكته كأنك تقري في حاجه مهمه
رزان...لاعادي اندردش مع امنه
اروي...امنه ماغيرها
رزان...ماغيرها
اروي...وين اديارها
رزان...جاينن البيضاء الأسبوع هذا إقامه
اروي..والله كيف صار غريبه سيبو بن جواد
رزان...بوها توفي باعو الحوش ويبو يجو هنا قالت نزلين في شاليه علي ما بوفا دور حوش هكي قالت
اروي...ينعلي تشغل ابنيه عسل
زينه...معناها حتحضر فرحك
اروي...اعزميها ليا وين ماشفتها من ايام الجامعه
رزان...قلتها لها قالت بعد انجي حنديرلكم زياره
اروي....باتي قال ل أمي الفرح ثاني اسبوع العيد
رزان...حتي وسام
قالي توا انجيك انا وحنان نعطيك الفلوس
اروي...تبدي تطلعي خلاص الشهر بسرعه مايعدي
رزان...كأني في حلم
اروي...معش كلمك سعد
رزان...لا وانا كنت مصكره نت اصلا
اروي...انخاف يسببلك مشاكل بعدين
رزان...مستحيل ضامنته
زينه...شن الثقه اللي عندك
رزان...هوا اعيونه لثنين رزان في حد يقدر يعمي اعيونه مستحيل اطمني ضامنته
اروي...كان اسبب
رزان...قتلك يخاف عليا من الريح تقولي كان اسبب
روان...سبحان الله علي النصيب
اروي...نصييييب
رزان...عمري ماتخيلت روحي مع واحد غير سعد شقتنا حياتنا مستقبلنا اعيالنا كان كل شي متخيلينا مع بعضنا كنا حنكونو اجمل عايله لكن نصيبه مش ليا نصيبه تاخذه وحده واتيه لاتعبت لا راجت لاسمرت
زينه....امرار الرجا ما ذقت
يالواتي خذيت الواتيه
اروي...انسيه
رزان...حي علي وعلي ايامي
وما تغفي نين اتقول ننساهم وتوعاا امرايفه.. نرقد نقول خلاص نسيته نوعا امرايفه عليه
زينه...سمحههه راجي انزلها علي صفحتي
روان...هاكي هذي ..صار بينا غلا ما صار.. وصار بينا اللي صار وانتهت
رزان....ييييه ييييه
زينه...الوقت ينسي قوليلي صاح امنه جايه
رزان...واالله اهي المحادثه اقريها قالت جايين إقامه معش نبو انردو بن جواد شكله فيه مشاكل
اروي...تذكري بوفا ههههه
زينه...راجل بصراحه ياما ضايق امينه
اروي...يموت فيها موووت
زينه...ايام الجامعه حتي الدكاتره طايحين فيها
اروي...تهبل مني نجك لي ربي يفرحنا بيها
زينه...انشالله يارب
روان...بنات طفن الضي خلاص نعسانه
اروي.. صبت رزونه افتحي الفلاش
رزان...ولعت الفلاش
زينه...ههههههه خواتي يبن ينجنن
رزان ...عليش
زينه...ما الونسات ولعات
رزان....هههههه
اروي...هههههه والله انسيت
زينه...تصبحن علي خير
رزان...وانتي من اهله
#نورهان✍
وعينا علي صوت هرجه اعيال ربيعه ساعه 10:30
ربيعه...وعت جيهان
امينه...افتحت باب الدار شفتلها
ربيعه...نحلم ولاكيف صوت جيهان
امينه...ابتسمت لاصوتهم...........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الرابعه_والثلاثون
#نورهان✍
