#جبرني_الوقت⏳
#الحلقه_السابعه
بقلمي✍ #نورهان Ñř Ŕóhã
••
كٌن راضياً لن يصيبك إلا نصيبك..🖇️
~~~
ابتسام..الو
مجدي...انحبك
ابتسام..معش اتزعلني
مجدي..وعد معش فيه زعل بينا حددي يوم اتجيكم امي تطلبك لي رسمي
ابتسام...متأكد من قرارك
مجدي...معش نقدر علي بعدك ياروح غير يوم مشا بدون صوتك غمتلي
ابتسام...خلاص توا تحكي امينه مع امي
مجدي...خليها بعد بكرا
ابتسام...خلاص انشوف امي ونقولك
مجدي...تمام
رزان...وخرت من ابتسام بنات
امينه...ابشري اصالحو
رزان...اي اصالحو يبي يجب امه
هناء...وحق ربي كان احساسي يقول هكي
اروي...ربي يكمل عليهم
روان...يارب
رزان...ردت تسمع مع ابتسام
فرح...ربي يتمملهم علي خير
رزان..اسكتي ياحني نبي نسمع
ابتسام...تمام حبيبي
مجدي..صافي يالبن
ابتسام...حليب يااشطه هههه
مجدي...انحبك
ابتسام....حتي انا
مجدي..شن
ابتسام...انحبك
رزان...بنات نبي انطيح وحده تمسكني
هناء...انطيحو كلنا شن حكو
رزان...وخرت الكرسي وقعمزت ااااه قولي شن ماحكوه
ابتسام..صكرت التلفون مداته ل هناء رزاااان
رزان...صكفمك كذا خليني في حالي
هناء...ههههههه جفاف بكل
رزان...لاوالله مش من قلتهم لكن انا اختياري صعب في الحياه ااااه
البنات..هههههههه
امينه...مبروك حبيبتي
ابتسام..ايديها علي وجها ييييه مش مصدقه ي بنات واخيرااا حنتم ل حب اسنيني
امينه...صبت حضنتها ربي يكمل عليكم خنقتها العبره
اروي..تعالي حتي انا نحضنك فرحتلك
ابتسام...نجكن لي ربي يسعدكن
اروي...فرحتلك من كل قلبي بيسو
ابتسام...الفال لك يالحب
امينه....تمسح في ادموعها
ابتسام...ربي يفرحني بيك
امينه...ابتسمت نفرح بيكن انتن
رزان...حاطه كرعيها علي كرسي اروي ورافعه راسها لسماء اااه وخلاص اخيييييييي من توا جوكن قعد شين يابال تقعدن متزوجات عيشن جو بنت خالكن
فرح...كلا انا العبي بعيد نرجا بالساعه والدقيقه اللي نكون فيها مع بيدا
رزان...غير تعالي جاي من بدري نبي نسألك شن اللي ع ارقبتك ياالفانص اممممم بيدا معاطي مفعوله ااااه يالقهر وخلاص
فرح...ااااا حطت يدها علي ارقبتها اذكرت بوست عبدالله
امينه...جسمها حساس اكيد قرصتها نموسه
رزان...علي حد خبرتي في الحياه هذي قرصت نموسه كبيره ههههه
فرح...قرصتها يابارده صكرت جاكه التوته
البنات...ههههههههههه
اروي...يابت عيب اعقلي
فرح.. بكل طايشه
رزان...المهم قعمزن بطلن احضان وكلام فاضي تعالن خاطري مليان نبي انفضفض
اروي..احسن مافيه اختي ماعندهاش اسرار في حياه ابدا كرت الكرسي كرعيك
رزان..ااااي بشويا اكريعاتي مازالت نبيهن بعدها تعالي جاي تبيني اندس في خاطري ونفكر ونحرق في روحي انخش في توحد نفسي لاحبي ضروري من فضفضه
ابتسام....ههههههه السانك متبري منك
روان...بكل بكل
رزان...المهم نحكيلكن
البنات...دارن دائره بالكراسي ويسمعن ل رزان
رزان...تذكرن سعد
امينه...هذا س
رزان..خلاص معش تحكي ايام الجامعه
ابتسام...خليني نكمل كلامي هههه مش فصلتو علي بعضكم
رزان...توا انوريكن الرسائل وريته رزان شن يطلع منها
فرح....لاااااا شن درتي
رزان...طبعا بنت خالكن عندها صفحه او بلأجمل صفاحي وهميه خاطي الصفحه العامه اقدم هنا ايام الجامعه
امينه...وانا اللي نعلق علي بوستاتك نقول دارت عقل واخيراا
رزان...هههههه علي العامه هذين لخرات مش عاطيتهن لحد كل واحد ديرتله صفحه
هناء...موسع بالك باهي احكيلنا ع سعد
رزان...مرات نبكي في نص الكلام
هنيه...انتي تبكي
رزان..مرات مش عارفه
روان...اهي شيشتي
رزان...خليها مرات نحتاجها خاطري مليان
عايشه...بنات
ابتسام...نعم
عايشه...ليش صوتكن عالي
رزان...امي نحسابو اروحنا في المزرعه
البنات..ههههه
عايشه...رزان صوتك عالي
رزان...خلاص امي توا انوطيه خلاص
عايشه...انخش نسمع صوتك عالي انخشك
رزان..حاضر امي
عايشه..خشت
ابتسام...عارفه عليش
البنات...علي عاااااودها
ابتسام...هههههه فرحانه
امينه...مسكت يدها ربي يكمل فرحتك
البنات...انشالله يارب
رزان...انرد علي اطياح اسعدي
فرح...باهي
رزان...قعد يحكي معاي لعند الواحد بعدها ايدير روحه ناعس واعي بدري لعند مانقوله خلاص انصكرو التلفون تريح ارقد كل مره عذر شكل دايره
فرح..ب الوووو
رزان...اها علاقه من ايام الجامعه عاد خلاص
فرح...ههههه باهي
رزان...المهم نرقد انا الطيبه نوعا في الصبح نلقا اخر ظهور له علي الواتس
10 وعلي المسنجر ساعه 4الفجر قعدت نضرب اخماسي ف اسداسي
امينه...اووو
رزان...المهم لامره لامرتين لاثلاثه
فرح...كيف وجهتيه
رزان...جايتك في الكلام يرن عليا علي الظهر مسكين دوبا واعي باطل عالقها صباحي
فرح.. عليك صبر فيك
رزان...حلي الشيشه اقريب نبكي
البنات..ههههههه غير كملي
رزان...انمشي فيها له اه حبيبي رقدت الساعه كم يقولي بعد المكالمه
ابتسام...معقوله
رزان..رفعت يدها شورها لوسامحتي مايخونش فيا يابيسوو النت فاقد عقله اونلاين بروحه وقرينه هوا اللي يخدم بداله
البنات...هههههههه
رزان....هههههههه طبيعي يابنتي لا اول مره لا ثاني مره وهوا منسجم يحسابني راقده علي ذاني
اروي..شوفن شن دارت
رزان..تذكري يابيسو امنه البنت اللي معانا في الجامعه من بن جواد
ابتسام...اها
رزان...خلاص هيا اللي ورتني كيف نفتح صفاحي باالإيميل مش بالرقم
ابتسام...بعدها فلته في حاجه اسمها نت
رزان...بكل علمتني وتوا زايطه
فرح...باهي شن درتي
رزان...في الصبح لافيو حبي رايفت عليك وفي ليل معاه علي صفحتي الوهميه
ابتسام..بس يطلعله اونلاين
رزان...الوتس الغاء تثبيت وقبل م نرقد اندير تبديل حساب للفيس خلاص رزونه معش تطلعه اونلاين
هنيه....واااااو كلا انتي
رزان..تعلمن تعلمن تلقن ارواحكن في المستقبل
امينه...هههههه
هناء...هههههه ح تعلميني كيف نفتح بالإيميل
رزان...اتأشر علي اعيونها من اعويناتي
هناء...نجك لي
رزان...المهم نسهر معاه لعند 6الصبح مرات والله يابنات ل8
امينه...حقير
رزان....ازباله مايسوا شي يييييه يييييه يابنات اعيوب الدنيا فيه 4سنوات علاقه معاه كيف ماكتشفت الشي هذا صدق اللي قال الْغَوى عماءْ
البنات...هههههه
فرح...فقدك رزان
رزان...يرزيني فيه لااااا نساني بكل بس ماتبعدش بعيد يحكي معايا ههههه
البنات...هههههههه
هنيه...البنت هذي حتقتلني من الضحك
رزان...ينعلي ينعلي انصدمت انصدمت وووووه عليا اخيييي طلع كلمه عيل اشوي فيه
فرح...انصدمتي فيه
رزان...بكل بكلللل قتلكن وصلني ل حاله مايعلم بيها الا ربي
اروي..نقطع كلامك بالعسل عارفات يابناات انخش عليها في الدار اتخبط في وجها شن درت في روحي انا
رزان...خنوها ادموعها حقير حبيته من كل قلبي
ابتسام...ييييه قربت منها حطت يدها علي يد رزان ربي يحبك وضح نيته لك
رزان...تسمح في ادموعها بنيت مستقبلي معاه كان واخذ حياتي اووقتي يسكر في تلفونه بالساعات نكون مشغوله عليه تشهق بالبكا
اروي...وراس باتي خلاص مايستاهلش ادموعك
رزان...عارفات قهرني يابنات قهرني داير شفرات اخري بعد طاح فيا قعد يقولي انا نبي انجيب امي وخواتي يطلبنك حتي شوفتك مانبي انشوفك جوك كيف جوي وتفهمي عليا
روان..هاكي اشربي خذيت حقك
فرح....تمسح في ادموعها شن درتي انتي الأخره
روان...بعد رزان انصدمت فيه قعدت معش تفتح في نت شك انا رزان هيا نفس البنت
ابتسام...يوم اللي هبط عندي السكر تبي تحكيها ليا
رزان...اهاااا قعدت اروي وروان لاافتحي نت افتحي عشان مايشكش فيكي
امينه...والله ربي نجاك منه اهم شي مش دازتله صور
رزان...لالا مال من وجهي عمري مادزيتله كان دازه قلتها لكن قهرتني العشره ضيع من عمري اسنين
ابتسام...ربي ياخذلك حقك
امينه...شن درتي روان
روان..من اول ماتفتح نت شك انا رزان لانا رزان قفلت تلفونها بكل واخر ظهور لها وصفحه الوهميه مش اونلاين
ابتسام...لاااا
روان...هههههه والله اختي خشت في اكتأب
رزان...تعلمت من غلطي
روان...فتحت نت قعد مُسر علي بصمه صوت دزيلي بصمه صوت دزيلي بصمه
ابتسام...كيف درتن
رزان...والله وصلت بيا بنات نشوف في رسائل ودموعي ماوقفو ماوقفو لأني مقهوره ردت روان
فرح...شن دزيتيله
رزان..كتبتله شن فيه بيبي قعد يكتبلي نبي نسمع صوتك
روان..دزيتله بصمه سعدودي يومك نزيك بيبييييي
هناء...هههههههه لااااااا تكذبي
اروي...تي ورب الكعبه انا بروحي سحت من صوتها
ابتسام...اتشوفلها بخيبه وجعتها رزان
رزان...ههههههههه ااااه بكيت وسعت علي خاطري المطرطش
فرح...حقير شن درتن
رزان...حذفت بصمه روان ودرتله سكرينات المحادثه كلهن علي الواتس بعد م ثبته من جديد
ابتسام...وكانت المفاجأه
امينه..تيراااا راااااا شن ردت فعله بالله عليك
رزان...قعد يوم كامل تخيلن ما ردش عليا
فرح...شن يبي يرد بعد اللي داره
رزان...في ليل رقدت رقده متريحه كأني شايله اهموم الدنيا علي قلبي
وعيت في الصبح كتبلي (امنوره اتجربي فيا)
اروي..هههههه رديت عليه انا لأنا اختي ماتعرفش ترد مرات يضحك عليها بكلمتين
رديت علي رسالته (انتحسف طول عمري علي السنوات اللي عشتهن مع عييييييل زيك تشوف في كل حرف كتبته لك حرام اصلا انتعب اصابعي ونرد عليك انسا حاجه اسمها رزان خير مانرزيك في عمرك ياعره الرجاله ).....بلوووووووك طول
البنات..ههههههههههه
اروي...العرب كانو مخططين حتي اسماء اعيالهم ههههههه خبر يقهر
البنات...ههههههه
امينه...سلم فَمك مسحتي كبدي
اروي...نعجبك~~ طوووول وهوا يحاول معاها لعند توا يرن عليها بأرقام غريبه مش مصدق انا خسرها
هنيه....ههههههه عره الرجاله
اروي..هههههه بس اختي ضرها من بعده قعدت مرتبطه لاواحد لااثنين تحكي معاهم كل مره طلعتلي اسم جديد
امينه...غلط رزونه
رزان...اللي ايدها في النار مش كيف اللي ايدها في الميه
امينه...ماتكرريش نفس الغلطه
رزان...سمعتها اغنيه بدت تغني فيها ....(محد فهمني من البشر ومحد يحس بحالي لاحب يدويلي جرح ولاصاحبي وفالي
ماريد اي راحه بعد بس امي راحت بالي ولاحد يجيني ويعتذر ماعندي واحد غالي كلهم يخنونو كلهم يبيعون كلهم يضحكون من اوقع بشده ........
عايشه...رزان
رزان...شفتلها وحقربي بس امي راحه بالي نعم يااعيون رزان
عايشه...خشن اساعه اربعه اقريب ونص
اروي...هههههه ماحسيناش بالوقت
روان..وين افريحه
هناء...في نص حديثكن كلمها عبادي
روان..اها باهي تمام
اروي...هيا بنات
عايشه...هيا
رزان...جينا ياجنتي
عايشه...خشن قدامي
رزان.. فراري وراك
ابتسام..مني
امينه...نعم
ابتسام...تحكي مع امي
امينه...حاضر في صبح مش ح تقول لا مش ح يلقو كيف مجدي جديات
ابتسام...ايوا طاقه ايجابيه انتي في حياتي
رزان...ياتؤام سمعت بيسو تقول تؤام طاقه سلبيه في حياتي
امينه...ههههههه
ابتسام....ههههههه والله كذابه
هناء...مستحيل تقولها
رزان...شالت الكرسي وخشت توا تثبتن علي كلامي وخشت للحوش
اروي.. شفتن ي بنات اختي معش عندها ثقه في اي راجل
ابتسام...عشره عمر معاه واعره قدريها
امينه...مش غير واعره حطي روحك مكانها
اروي...ممكن كيف ما قالت اللي ايدها في النار مش كيف اللي ايدها في الميه
امينه...ربي يسعدها رزان اتهبل وطبعها عسل وجوها سمح مع الصغير قبل الكبير
هنيه...راجل ينسي راجل توا تنساه
روان...انشالله
اروي..انشالله
خشن كلهن لدار كل وحده في افراشها راحن في نووووم عميييييق
الا ابتسام اللي مش قادره ترقد من فرحتها سهرت لعند م اذن الفجر صلت وراحت في نوم عميق
~~~~~
صباح يوم جديد.تحديدآ ساعه10:34.الكل كان شمسه عاليه
حني صالحه...مقعمزه في الحاجر تشمس
امينه...شمس اليوم جو سمح
حني صالحه...اها ماوقت الا زرده
امينه...كان باتي فاضي نمشو الجمعه ونشوفو خالي بدر
حني صالحه...خلاص
امينه...قربت كرسيها حني نبي نحكي معاك في موضوع
حني صالحه...انشالله خير يابنيتي
امينه....جايين عرب ل
حني صالحه..هذا الساعه السعيده ربي يسعدك يابنتي
امينه...ههههه حني حني ل ابتسام
حني صالحه...ماشالله العقبالك والعقبال لكل اصغير
امينه...لحظه صمت
حني صالحه...ماتبيش اتعيشي عمرك ايهم يااموينه ايهم لوتعيشي كل عمرك ترجيه مش ح يجي
امينه...حني الموضوع هذا صكرته نهائي
حني صالحه...لعند امتي
امينه...لعند ماانتلاقه امعاه في جنه
حني امينه...لاحول الله انا نبي نفرح بيكن
امينه...اهي ابتسام وفرح وتؤام
حني صالحه...باهي من العرب
امينه...عمتي سعده جارتنا اللي مقبلتنا
حني صالحه...ااااه ااااه عرفتها ماشالله عليها مراه اكويسه في حالها
امينه...بكرا تبي اتجي تطلب ابتسام ل ولدها
حني صالحه...تعرفا ابتسام مانبوش انردو العرب
امينه...ههههه نجك لي ياحني وخلاص نقولك جارنا تعرفا قالت احكيلهم
حني صالحه...يعني اموافقه
امينه...اها حني توا نبي نحكي مع امي وانتي سعديني في الموضوع
حني صالحه...لا ماعليك
امينه...صبت باست راسها وحقالله انك بركه العيله امييييي
عايشه...في الكوجينه امك خشت جوا مني
امينه...عيطيها لياانتعبك عويشه بعدها تعالي احضري الحديث
عايشه...جت هههه قلتلي توا انجي تحكي بالتلفون انشالله مش قرمه بس
امينه.. لا والله جايين عرب ل ابتسام نبيك تحضري الحديث وساعديني هههههه
عايشه...ماشالله تستاهل ابسومه
فاطمه...عويشه اتعيطيلي
عايشه...كرت كرسي اها تعالي قعمزي اشمسي
فاطمه...قعمزت هذي اميمه اتسلم عليكن
الكل...سلمك وسلمها
حني صالحه...ايش داير عبادي
فاطمه.. لااكويس قالت
حني صالحه...ماقالت شي براني
فاطمه...لاوالله غير جايين عرب ل امينه
امينه....اييييييه ايييييه علينا ياامي
فاطمه...ماقلت شي حكيت اللي قلته لي
حني صالحه...ماشالله شكلها سنه خير
عايشه.. انشالله يارب
امينه....استسلمت ل سكوت
فاطمه...انشالله ياامي انششالله
حني صالحه...جايين عرب ل بسومه
فاطمه...من
امينه...عمتي سعده تبيها ل مجدي وبكرا جايه تطلب وابتسام مش متكلمه قالت موافقه خلي هلي يكون عندهم العلم بكرا جايه عمتي سعده
عايشه...تشوفلها وماسكه الضحكه
فاطمه..نفسي بس
امينه...خذت نفس ااااااه جو ام زكي مانحباش لكن ديما الكبيره جايه علي راسها واخيرا قدرت نحكي
عايشه...ههههههه
حني صالحه...ههههه وربي يفرحنا بيك
فاطمه.. انشالله يارب مرحبا بيها خليها اتجي بما انا ابتسام مش متكلمه وتوا بعد ايجي عمران نحكيله
حني صالحه...كان اكويس ماعندكم عليش اتلطو عليها عطوها
فاطمه.. لاامجيده ماعندي مانقول فيه محسوب اوليدي ماشالله عليه
عايشه...ماشالله ربي يهنيها ويتتم فرحتها علي خير
حني صالحه...انشالله يارب انا مانعرفه الوليد لكن امه ماشالله عليها
فاطمه...لاسعده الله يسامحها مانلقو نسيبه كيفها
عايشه...ماشالله غمزت ل امينه خلاص كلمي البنيه قوليلها تعالو
فاطمه...نحكي ل عمران قبل
عايشه...جاركم ومحسبو ولدكم بعدها جيت صبايا يطلبن بعد يجن قوليها له مش ضروري اليوم ولا يتكلم
فاطمه....لاعادي
حني صالحه...ربي يديم علينا الافراح
فاطمه.. انشالله يارب
عايشه...غمزت ل امينه عدي فرحيها
امينه...نمشي نشوف البنات ايديرن قهوه
فاطمه...اها قعدات علي التلفزيون ومسيبات الشمس السمحه كلميهن
امينه...شافت ل عايشه ابتسمت لاتوا نخليهن يطلعن خشت لقتهن كلهن وقفات في الكوجينه يسمعن في الحديث والفرحه ماليا قلوبهن
ابتسام...امي مش متكلمه
امينه...لاااا قالت مرحبا وطلع اوليدها امجيده امممممم
ابتسام...بطلي حسد ينحب حبيبي نجاليا
اروي...لاهذي راحت بكل
امينه...ديرن قهوه وتعالن برا يلا حني
ايتسام..انديرها ناااااا
رزان..يافرحه ويش انديرلك طيريلي ولاانطيرلك
البنات.....ههههههههه
طلعن البنات كلهن برا ماعاد رزان وابتسام يوتن لقهوه
حني صالحه...كان الجو قعد كيف هذا الجمعه نطلعو زرده
اروي...الله ياحني ياريت
حني صالحه...بأذن الله
عايشه..صوت الباب القراج
فاطمه...عمران يخشش في السياره جايب عمتي
امينه...حني جايه
فاطمه...اها قتله جيبها اتغير جو مع امي
امينه...نجيلي حنونتي ياربي وخرت الكرسي وطلعت تجري
هناء...راجيني
فرح...معاكن امرايفه عليها
عمران...ينزل في حني امينه من السياره
امينه...تبوس في ايديها نجك لي ياحني امرايفه عليك
حني امينه...سلم بنتي انا اللي فاقدتك
امينه.. معش فيه مشي عيشي معانا
فرح.. بعدي حنيييييي
حني امينه..خير بفريحه
هناء...تحضن فيها مع فرح
عمران...خلن حنكن اتريح
امينه...امرايفين ياباتي وين طولتي عند عمتي
حني امينه...تمشي وماسكتها فرح وامينه ماحتوها طلقتني
امينه...شن دايره صحتها عمتي ربيعه
حني امينه...اكويسه ساكنه برا من البلاد لاتطلع لاتخش اسملا عليها قالت نبي انجي نقعد ايام عند عيت عمران امرايفه عليهم
فرح...ياريت جت معاك ياحني
حني امينه...اعويله اصغار ياحني
فاطمه..مرحبا مرحبا نور الحوش
حني امينه...تسلم منور بهله
فاطمه....وين الغيبه رايفنا عليك
حني امينه....والله حتي انتو في بالي ومرايفه
فاطمه...شخبار ربيعه
حني صالحه...اكويسه اتسلم علي اللي ينشد عنها وصلت سلام مخصوص لكم
فاطمه...حتي هي امرايفين عليها
~~~
حناتي سلمن علي بعضهن والكل كان مقعمز في الحاجر وفرحه لمتنا
عمران...نخش جوا وعيني علي الظهر
فاطمه.. تمام
عايشه...غمزتها بمعنا الحقيه احكيله
فاطمه....قولك
عايشه...اها قوليله علي امينه قبل بعدها ابتسام
فاطمه...تمام
ابتسام...تاكل في روحها من الخوف
رزان...خلاص توا ياخذك كان ماخذاك حقك عليا انهربك تهريب معاه
عايشه...واللهييي ياعيني واللهيييي
ماشالله عليك
البنات...ههههههه
رزان...جو حرق الاعصاب مانحباش انهدي فيها بس
عايشه...اعقلي يارزان
رزان...ايجيبه ربك العقل ماعندي من وين انجيبه
البنات....هههههه
حني صالحه تحكي لحني امينه علي امينه وطلبه ابتسام
~~~~
عمران...فيه حاجه ناقصه قبل لانرقد
فاطمه...لاوالله كل الخير فيه
عمران...في فمك كلام
فاطمه...مقعمزه علي السرير قاهرتني امينه
عمران...كنها
فاطمه..جايينها عرب رفضت قبل مانحكي
عمران..خاطرها مازال واجعها
فاطمه...لعند امتي انا نبي نفرح بيهن
عمران...هذا نصيب
فاطمه...كلمتني جارتنا سعده
عمران...كنها
فاطمه..قلتلي عاجبتني ابتسام نبيها ل مجدي وبكرا نبي انجي نطلب رسمي حكيت مع ابتسام ماتكلمتش قالت اسألي باتي
عمران...والله شن انقولك ابتسام مش اصغيره مانبيش انلط عليها ومانبيش انغش العرب عارفين انا ابتسام عندها السكر
فاطمه..عارفين عندها السكر
عمران..مجدي اوليد محترم مافيه مانكره قوليلهم مرحبا
فاطمه..مش قايل لا
عمران...لا قوليلهم مرحبا
فاطمه..العقبال ل امينه وهناء وهنيه
عمران..انشالله
فاطمه.. نمشي نشوف الغداء
عمران...تمام صكري الباب وراك
فاطمه...طلعت وسكرت الباب وراها
امينه.. واقفه قدام الباب
فاطمه...شن اديري هنا
امينه...شن صار
فاطمه...قال مرحبا بيهم
امينه...ههههه تمام طلعت تجري ل ابتسام
ابتسام...خايفه قعده في الحاجر جنب رزان
امينه...تبتسم
ابتسام...صبت تجري شن صار
امينه...قوليلهم مرحبا
ابتسام...كذابببه
امينه...واللهي
ابتسام...نجك لي نمشي انكلمه ردت تجري خذت تلفونها وطلعت لللقطعه
رزان...ابشري
امينه...قال مرحبا
اروي...ربي يتمملهم علي خير
البنات....يارب
~~~
مجدي...ايوا
ابتسام...وينك
مجدي..لاتمام انشالله خلاص
ابتسام..في حد يلاك
مجدي...مع الجماعه
ابتسام.. باهي تمام باتي ماتكلمش
مجدي..ههههه تمام تمام
ابتسام...مش مصدقه
مجدي..والله ولا انا خلاص نروح انتلاقو
ابتسام...قول انحبك
مجدي...وحقالله
ابتسام...شن اللي حقالله
مجدي..هي هي
ابتسام....هههههه نموت فيك وانت ثقيل قدام اصحابك
مجدي..اها ههههه شن تبوني نقعد
ابتسام...انحبك انا هيا باي
مجدي...اوكي
ابتسام...صكرت التلفون والابتسامه مش فارقتها
امينه...تباوعت من باب القطعه بيسو
ابتسام ...ههههه اعيونها
امينه...ههههه ربي يكمل فرحتك من جاي ل بكرا
ابتسام...كيف
امينه...قصدي من ومن عمتي سعده واكيد حنان من معاهن ولاغير هذين بس
ابتسام...ماسألتش توا نسأله في ليل
امينه...عليش نرجا فيك طلعت تلفونها من جيبها
ابتسام...من تبي تكلمي
امينه.. نونا حماتك ههههه
ابتسام...تبصري
امينه....تؤتؤ الووو
حنان..خير مني
امينه.. وينك ياحنه شكلك مش في الحوش
حنان...في السوق انوتي لطلبه
امينه...قيميها عاد
ابتسام...واقفه مصدومه
حنان...عيب عليك توا اتشوفي التغليف علي اوصوله
امينه...هههههه نبصر يابنتي
حنان...مش اخساره فيها مراه خيي
امينه...ياحظها
حنان....بطلي حسد به
امينه...خلاص سكتت المهم كلمتك نبي نقولك بكرا من يبي يجي معاكم
حنان...انا وامي وعمتي وخالتي اربع وحدات بس
امينه...تمام نونا
حنان...توصي علي شي
امينه...سلامتك
حنان...سلام
امينه....سلام صكرت اكيد سمعتي كل شي
ابتسام...توا تحسابني انا اللي نقولك قولي
امينه...ههههه مش شورك
رزان...حني اتفقنا علي الجمعه
حني صالحه...خلاص انشالله ننهو طلبه ابسومه قبل
حني امينه...ربي يتمملها علي خير
رزان...ادعنلي ربي يثبتني
حني صالحه...يثبتك علي شنو
البنات...ههههههههه استلمي
رزان...ابنخياتك تفكيرهن سطحي يابنتي انتي وياها غمزتلهن يثبتني علي صلاتي
حناتي...انشالله يارب
~~~~
في الكوجينه
فاطمه...اطيب في الغداء
عايشه...شن صار
فاطمه.. ماتكلمش قال مرحبا
عايشه...ربي يهنيها الفال للباقي
فاطمه...يارب
فرح...بنات
ابتسام...كنك افريحه
فرح...ماوتينا شي بكرا
ابتسام...غير ربي يتمملي علي خير حجزت في كل حاجه بكرا علي الظهر الموالح يجني سخنات والمثروده عمتي عايشه قالت انديرها بكرا في صبح ساخنه
اروي...تمام
روان..يعني بكرا فيها وعيه بدري
رزان....اكيييييد حتي هوا بوعيون كحيله
ابتسام...طبعا نجا ليا
~~~~
فات الوقت تغدو وعمران طلع مع جماعته
حناتي مقيلات....
البنات...كل وحده مستلمه حاجه روان...يابيسو
ابتسام...هممممم
روان...قرري شن تلبسي
ابتسام...دبشي واجد توا في ليل انقرر شن نلبس
اروي...في ليل احسن
رزان...نمشي نحكي مع حبيبي
روان...من
رزان...ال15ديرتهم بالأرقام
اروي...شفتلها
رزان.. شفتلها مش شورك طلعت للمربوعه
اروي...بنات بجد خايفه عليها
امينه...بكل
فرح...غير مازال ماجا اللي ينسيها
ابتسام...خطرها كلمتي خالتي يافريحه
فرح...اها كلمت ايه
روان...ايه ولا بيدا
فرح...هههههه لاوالله ايه
اروي....هههههه
ابتسام...انا كلمت بيشو وامي كلمه خالتي مريم عماتي ربيعه باركتلي قلتلي مانقدرش وعمتي سليمه قلتلي توا انشوف حاضر
اروي...تمام
رزان...تحكي بالتلفون في المربوعه
هناء.. فيش اديري ر
رزان...اشششش تمام حبي لاالجو قدامي مش تمام باي باي
هناء...كملي نطلع...
رزان...صكرت التلفون وعزقاته علي صالون المربوعه لاعادي غير مش قايله اسمي
هناء...ههههه ربي يهديك اتبخر
رزان...قربت منها تشم في البخور اااااه اجمعيييييين يمي اجمعييين يهدينا تبي تطلع
هناء...صكري روشن المربوعه بالله عليك
رزان...كنهن ايديك
هناء....وحده فيها تلفون والثانيه البخاره
رزان....ردت امممممم تمام
هناء...طلعت
رزان...تصكر لقت روحه منسجمه اتفرج علي الشارع والله عندهم اطروف في الشارع وقفتي هذي تبكي غير علي زريعه عندهم حياه في الشارع تشوفي اوجوه اجدد
~~~
امينه...نكلمو مرات خالي ابراهيم
ابتسام...صبت لالا
امينه...ليش
ابتسام...هك وبس مانبيش توصللهم
امينه...عالمينها عالمينها
ابتسام...بعد يتم فيا خليهم يعلمو
امينه.. ابراحتك
ابتسام...نمشي ل رزان
هناء.. في مربوعه
ابتسام...طلعت للمربوعه
رزان...تشوف طلع وسام لابس كنتيره سوده وسروال برموده اسود فيه خطين بيض من الجنب طلع لسياره خذا حاجه ورد للحوش
رزان...شن الغزال هذا
ابتسام.. انشالله مش راجلي
رزان..شفتلها ههههه لالا من عندهم في الحوش خاطي بوعيون كحيله
ابتسام...هم ثلاث شباب وحنان
رزان...راجلك الكبير
ابتسام...لالاخوه احمد كبير
رزان...متزوج
ابتسام...ازوج ومراته ماتت وهيا اتجيب خلاص معش ازوج له ثلاث سنوات
رزان...ساكن معاهم
ابتسام...لالا في شقه بروحه
رزان...شن جابت مراته
ابتسام.. اوليد جاباته ميت اصلا صارلها نزيف
رزان...ياروحي خسر مراته و اوليده في وقت واحد
ابتسام...دارو العزا هنا يييه احمد ياما دار عليها
رزان...اكيد واخذها علي حب
ابتسام...اها
رزان.. ربي يعوضه خير باهي بعدها
ابتسام..بعدها مجدي بعدها وسام وحنان
رزان...اااااخ هذا معناها وسام
ابتسام....شافت ل روشن سيارته برا اها
رزان...طلع توا معش عرفت روحي في سماء ولاوطا الطول اللحه الجسم تخيلت روحي مدتله الرقم
ابتسام...ردي بالك
رزان...يرزيني فيك ياوجه النكد اكيد انبصر بس ماشاءالله عليه
ابتسام...اها احليو
رزان...اهوا العريس جا
ابتسام...نجاليا
رزان...مش غير
ابتسام....دفتها عينك شن تحكي انتي
رزان...انوزع معاك في المشاعر ماشالله عليك طول عطهم سماحه اكثر من هالسماحه شن هذا بكلاوه عسلها يقطرررر
ابتسام....هههههه اهو يرن
رزان...ااااه ياكبدي احكي ياقلبي احكي تخيليني مش موجوده
~~~~~
جا الليل تحديداااا ساعه 11:26م
في الدار الدبش في كل مكان
البنات اللي تحكي بالتلفون في الزاويه واللي حاطه السمعات واللي فاتحه نت
هناء....لاااااااااااا
البنات...كلهن شفنلها
هناء....عطن رائكن للبنت كل وحده لاهيه في حاجه
ابتسام...قررت نلبس هذي
امينه..اختيار موفق
اروي...حلوه
ابتسام...خلاص انتن دورن دبش
رزان...معايا
اروي...توا ناخذ منك
ابتسام...هذا دولابي اللي تبي حاجه تاخذها نعلق لبستي علي الشطار
بدت اتلم في الدبش اللي مطوح في كل مكان والفرحه مش سايعتها
بعدها ب ساعه رقدن البنات كلهن ماعاد ابتسام من فرحتها طاير النوم
~~~~
صباح يوم جديد طلبه ابتسام س12:17م🌞
الكل واعي رايق
البنات..حايسات في الكوجينه يوتن ويشوفن شن اللي ناقص
فاطمه..يانعلي ياعويشه واعيه ساعه كم اللي دايره المثروده
عايشه...صليت الفجر ومعش رقدت
فاطمه...مردودتلك في فرح ابنياتك
عايشه...انشالله يارب
ابتسام...نجك ليا ياعويشتنا انشالله ربي يفرحك ابنياتك كيف مافرحتيني بوقفتك معايا
عايشه...بلا اهبال انتي ابنيتي
ابتسام.. نجك لي
رزان..هيا انديرلك استشوار
ابتسام...هيا
امينه...قيميها لها
رزان...ماعليك فيها
هناء...مني خالتي كنها ماجت
امينه...امبدري كلمه بيشو ردت ملاك عليا قلتلي توا نجو بعد الغداء
هناء...تمام فرح وخالتي اميمه
فرح...قالي بيدا انجيبهن بعد الغداء
هناء..كان جن انتغدو مع بعضنا
اروي...خلاص اشوي ويجن
~~~
رزان...تستشور لي ابتسام قتلك
ابتسام.. هممممم
رزان...طبسي اظهري تكسر
ابتسام...تعبتك
رزان...شعرك اللي تعبني انقصه لك كاريه وخلاص
ابتسام...عينك
رزان...اقل شي لعند اظهرك
ابتسام...لا
رزان...اتصدقي حتي انا خاطري انقصه بس خايفه مايخيلش عليا
ابتسام...وراثه من هل باتي وامي الشعر
رزان...حتي نحنا طالعين لعماتي في كل شي حتي في الشبه
ابتسام...نجك لي
رزان..خلاص كملت شوفيه
ابتسام..صبت شافاته في المرايه ضمير
رزان...اكيد اسمعي
ابتسام...اتشوف ل شعرها هممم
رزان..اديري رفعه من فوق ايجي يجنن
ابتسام.. تمام تلف في شعرها وبدت توتي في روحها
رزان...انا طالعه نشوف اابنات
هناء..فتحت الباب
رزان..ييييه ييييه قبل خربتي وجهي السمح
هناء....هههههه شن عرفني ورا الباب تعالن تغدن
رزان...جايه
هناء.. هيا بيسو
ابتسام...ماعنديش نيه
رزان...من توا خناق الكذب
ابتسام.. لامش هكي ماعنديش نيه ومعش فيه وقت خلاص
رزان...امممم هيا نونا اللي عطاها يعطينا
هناء..ههههه
ابتسام.. بدت ادير في كونسيلر
~~~
فاطمه...وين ابتسام
هناء..قالت فطرت وخري ماعنديش نيه
امينه...توا انعقبلها متحشمه
هناء...ههههه
رزان...انحس في باتي هوا اللي تحشم مني يوم اللي يجوني عرب
الكل....هههههههههه
ابتسام...اتشوف ل روحها في المرايه ودندن والفرحه مش سايعتها نبن جتها الرساله صبت وهيا تقرا فيها((خليهم ايجو لكن يردو خايبين .........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الثامنه
تاقات لصحباتكن
#نورهان✍
