#جبرني_الوقت⏳
#الحلقه_التاسعه_والثلاثون
بقلمي✍ #نورهان
لا تحزن أبداً ، فالدنيا ليست بإرادتنا ،
إنما بأمر الله ، وأمرُ الله كلّه خير💔🩹
مجدي...نسمع فيك مافيش برانيه
احمد..ابتسام وين
مجدي...عليش تسأل قاعده
احمد...يلاك هيا
مجدي...اها عليش
احمد...عمي عمران في المستشفي جايته جلطه
مجدي...رفع حواجبه اهاا شاف ل ابتسام اللي اتفرج من امتي
احمد...من نص ساعه تعب عليهم جت بنتهم الكبيره طقت علينا توا جو خوته وعيال خوه
مجدي...اها شن الوضع بضبط
احمد...والله يامجدي جلطه عنده انسداد في الشراين
مجدي...تمام بس كيف ايسير في اللي عندي
احمد...قوللها مريض
مجدي...تم توا اندير راي
احمد....تمام تمام
مجدي...اوكي
احمد...اوكي
مجدي...صكر وحط التلفون جنبه
ابتسام...شفتله كنك
مجدي...اه لا لكن هيا
ابتسام...رفعت راسها وين
مجدي...توا امينه طقت علي هلي
ابتسام...عدلت قعدتها امينه وطقت علي هلك عليش
مجدي...عمي عمران مرتفع عليه السكر سعفه احمد وباتي
ابتسام...ترعش باتي كنه انت تكذب علي
الباب طق
ابتسام...شفتله قولي باتي مافيه شي
مجدي...والله مافيه حاجه الله توا شالوه للمستشفي ينزلو في السكر
هيا البسي نشوف الباب
ابتسام..تصبي وترد اتقعمز انا مش متوازنه
مجدي...صباها وخششها لدار توا انجيك نشوف من اللي علي الباب
ابتسام...فتحت الدولاب وبدت تلبس
مجدي...فتح الباب
رزان...قلتها لها
مجدي...اها علي عمي عمران مرتفع عليه السكر تمام
وسام...شن حيصير
ابتسام...طلعت وقفت عند الباب الفاصل شافت رزان جت تجري كنه باتي تبكي باتي كنه يارزان عليش لابسه قوليلي ماتكذبيش عليا
مجدي...يمسك فيها والله مافيه حاجه
رزان...مافيه شي والله مافيه شي مرتفع عليه السكر توا كنت نحكي مع هناء قلتلي قالو اكويس بدا ينزل قلت نرقي نقولها لك ونمشو مع بعضنا قالي مجدي قلتها لها كان صايره حاجه تبي تحقي حالتي هكي
ابتسام...ترعش كلها هيا هيا باهي لبست كندرتها ونزلت من الدروج
مجدي...ارجي بس
رزان...ماعليك فيها
ابتسام...تبكي ياربي باتي لا ياربي
رزان...استهدي بالله والله مافيه حاجه
ابتسام...فتحت باب العماره ليش ماكلموني هناء مشغول امينه مشغول
مجدي...فتح السياره هيا وسام رزان في نفس السياره مافيكم مامشيتو في سيارتكم
رزان...ركبت مع ابتسام وسام ركب مع مجدي
ابتسام...تبكي بصوت امس ماكان فيه شي شن صاار معاه ليش مايردن هذين
رزان..مسكت يدها ترعشي في روحك والله مافيه حاجه
مجدي...ابتسام والله مافيه حاجه كان يحكي معايا احمد قالي اكويس كان خلوه اليوم في المستشفي ناخذك له بس ماترعشيش روحك
وسام...صاح ابتسام انشالله تسمعي عليه خبر خير
ابتسام....يارب ياااارب
رزان...هاتي التلفون خلاص قريب نوصلو خذاته حطاته في شنطتها
ابتسام...مافي حد رد عليا ليييش
مجدي...مافيش حد فاضي
#نورهان✍
ادم...يامني خلاص بطلي ابكا
ايمن...خلاص امينه
امينه...كيف جلطه شن جلطه باتي في شن يخمم باله مشغول بشنو كيف جاته جلطه ياايمن تحسابها ساهله الجلطه ليش حطين الأجهزه هذين كلهن عليه عليييش
صالح... سلم بنتي اهدي
امينه...حضناته ينعلي ياعمي كان باتي صارت فيه حاجه
ادم...مسح اعيونه قرب يفك في امينه قولي لا اله الا الله
امينه...نبي نشوفه
صالح...مايخشو حد
امينه...نطمن عليه بس
ايمن...خشيت عليه امبدري في شبوب اكويس خششني والله اكويس اطمني
امينه...لالا ياايمن باتي ينقطع عليه في النفس باتي مش قادر يتنفس
احمد...حاط ايديه في اجيوبه ويشوفلهم
خليفه...صكر التلفون ومشي ل صالح صالح
صالح...ايوا
خليفه...كنت نحكي مع دكتور قريبي في بنغازي حكيتله علي وضع عمران قالي ضروري ماتجيبوه غادي مرات ترد اخري الجلطه طالمه الضغط مابش ينزل
صالح...كيف ايسير
خليفه..شوفو سياره اسعاف وعلي الفجر نطلعو للبنغازي
صالح...ايمن
ايمن...عادي اهم شي يكون بخير
ادم...توا ننزل انشوف سياره اسعاف مشي خطوات
امينه...اغمي عليها
ادم..رد مش هكي يامني رفعها وحطها علي الكرسي
صالح...البنت مفجوعه
خليفه...اها جيبولها اميه احمد اميه
احمد...حط التلفون في جيبه تمام نزل
ادم...مني مني
امينه...فتحت اعيونها تشهق
ايمن...والله مافيه حاجه ياامينه والله مافيه حاجه
امينه...تكذب عليا باتي يبي يموت
ايمن...لااله الا الله والله مافيه حاجه
امينه...تشوفلهم وتبكي عليش تبو تخذوه للبنغازي
خليفه...يابنتي بنغازي خير كان تقولي بنغازي لا اهي طبرق بس بنغازي اقرب
امينه...نبي باااتي
ادم...حضنها خلاص مني خلاص والله مافيه حاجه
امينه...كان صارت فيه حاجه
ادم...تفائلي خير
احمد...جايب اميه وقف يشوفلهم باتي
خليفه...خذا شيشه اميه هاكي يابنتي
ادم...بعد خلاص مني
خليفه...مدلها الشيشه
امينه...خذتها ويديها يرعشو
ايمن..وانا نقول امينه القويه امينه اللي تحملت كلشي صار معاها امينه عزمها قوي
ادم...فتح الشيشه ويشرب فيها
امينه...شربت الا باتي كلشي انتحمله من الدنيا الا تاخذ مني باتي باتي لا لعند باتي لاقويه ولا عندي عزم
ادم...خلاص باهي معش تبكي توا مرات تخشي عليه يرتفع السكر مع الضغط خليه يشوفك تضحكي وجوك سمح عشان يتريح حتي نفسيآ
احمد...متكي علي الساس وفاتح تلفونه مره مره اعيونه يشيلنا شورهم
ادم...انا نازل نحجز في سياره اسعاف ماتقطعيش الواي
ايمن...عدي عدي جا قعمز جنبها
امينه...تمسح في ادموعها وتهز في كرعيها
صالح...عدي امينه للحوش تريحي
امينه...مش حنمشي الا ب باتي شن نبي فيه الحوش بلاه اه شن نقول ل امي شن نقول ل حني باتي سيبته وجيت لا مش ماشيه
ايمن...حتي كان قعدتي مش حيخلوك تخشي عليه
امينه....شفتله لا حنخش
#نورهان✍
عبدالله...يحكي بالتلفون
فرح...من
عبدالله...امي
فرح...سلم عليها
عبدالله...ابتسم تمام امي انتلاقو
فرح...ماقتلك سلم عليها
عبدالله...سمعاتك اصلا قلتلي ماشيه لحوشكم
فرح...عليش ولاكساد
عبدالله..لاعمي عمران مرتفع عنده السكر
فرح...باتي كنه
عبدالله...قالت كنت نحكي مع خالتك قلتلي عمران مرتفع عليه السكر ماشيه غادي
فرح...تلفوني وييين تلفوني وين
عبدالله...اهو حبيبي وسعي بالك
فرح...باتي كنه امس مافيه شي كنت معاه ينعلي فتحت تلفونها ترن بالوحده مافيش وحده ردت عليها عزقت تلفونها ومشت لدولاب تبكي فتحاته وبدت تلبس
عبدالله...قولي خير
فرح...حي عليا باتي ليش ماردو عليا ليييش
عبدالله...اكيد مشغولين
فرح...تلبس في عبايتها وخمارها خذت تلفونها هيااا هياااا نبي نشوف باتي
عبدالله...باهي وراك بس معش تبكي
فرح...ماسكه التلفون وتعاود في الاتصال
اميمه...كيف نقولها ل هنيه حامل مرات تنفجع
ايه...مشعارفه ارقي قوليلها ماشيه ل فاطمه قالت عمران مريض مرتفع عليه السكر وخلاص
اميمه....هي قولتك رقت اطق عليهم في الباب
إسلام...فتح امي خشي
هنيه...من
إسلام...امي
هنيه...شفتلها خشي خالتي
اميمه...لاوالله نبيك اتوصلني قبل ماترقد اسلومه
إسلام...وين
اميمه...لخالتك فاطمه
هنيه...بايته غادي
اميمه...اها كلمتها توا قلتلي عمران مرتفع عليه السكر قلت نمشي نقعد معاها ومنها نطمن عليه
هنيه... قربت كنه باتي
اميمه...مافيه شي مرتفع السكر
هنيه...راجيني نمشي معاك خشت تجري
إسلام...شن فيه وجهك شين
اميمه...تحكي بشويش في المستشفي جايته جلطه
إسلام...لالا
اميمه...اها هيا نرجو فيكم لوطي
هنيه...تلبس وتبكي
إسلام...خش هنيوا وسعي بالك مافيه شي ماديما يرتفع عليه في السكر
هنيه...حاجه في صدري من بدري مش نقول فيها لك نقولك في حاجه مضايقتني
إسلام...يلبس في جاكته انشالله ماهناك الا كل خير ماترعشيش روحك
هنيه...ماسكه التلفون اهي فرح رانه عليا تمشي وترن عليها
فرح...كنك ماتردي
هنيه...تبكي توا جتني خالتي قلتلي باتك مرتفع عليه السكر
فرح...تبكي اها انا في الطريق ماشيه غادي
هنيه...خلاص انتلاقو اوكي
فرح...اوكي
إسلام..صكر الباب راجيني
هنيه...نار والعه فيا مش قادره نوقف تنزل مالدروج
#نورهان✍
مجدي..وقف السياره
رزان...اهو باتي جاي
ابتسام...فتحت الباب وخشت تجري جوا رفعت الخيمار باتي امي
هناء...ابتسام جت
ابتسام...خشت للمربوعه مظلمه خشت جوا تبكي باتي
هناء...لقتها حضنتها مش قاعد
ابتسام... وين باتي
هناء...خذوه للمستشفي
ابتسام...باتي كنه
عايشه...قالو مرتفع عليه السكر
ابتسام..امي وين امي
بدر...انا طالع للمستشفي
فاطمه...طلعت من الدار اعيونها متنفخات
ابتسام...جتها حضنتها تبكي امي باتي
فاطمه...انشالله خير يابنتي انشالله خير ادعيله
ابتسام...نبي نمشي
بدر...وين
ابتسام...للمستشفي
بدر...لاخليك
ابتسام...اللي نحكي عليه باتي ياخالي نزلت الخيمار وطلعت
اسراء اصيله وحواء جيات علي كرعيهن
ابتسام...عمتي
حواء...انشالله خير
ابتسام...نبي نمشي نشوفه
اسراء...راجيني نمشي معاك
ابتسام...هيا
حواء...هيا اصيله
اصيله...تبكي ازعما يقعد اكويس
حواء..ماتقوليش جايته جلطه
اصيله...لامش حنقول
خشن جوا البنات حيسات جت فرح جت هنيه اميمه وايه ومريم بشري وملاك كانو الكل يرجو خبر علي عمران علي اساس السكر مرتفع
امينه...حاطه يدها علي راسها اااه راسي يبي ينفجر
ايمن...مش منك
ادم...شاف ل ابتسام معاها اسراء قرب اسراء مع من جيتي
اسراء...مع ابتسام شن داير عمي
ادم...في العنايه
اسراء...خشيتو عليه
ادم...تؤ
اسراء...مني
امينه...ارفعت راسها اسريوا باتي خشيني عليه
اسراء...حاضر
امينه...صبت ابتساااام
ابتسام...قربت حضنتها تبكي كنه باتي يامني
ادم....مرتفع عليه السكر
امينه...شفتله
ادم...غمزلها
احمد...يشوفلهم ويحكي مع مجدي من هذك
مجدي...ولد عمها
احمد...كي اللي يتلصق بالحيل مع اخت ابتسام
مجدي...لا ياراجل اخ ايهم
احمد..امممم
مجدي...شن صار
احمد...يبو يخذوه علي الفجر للبنغازي
مجدي...تعبان بكل
احمد...الله يعلم جبته مش قادر يتنفش مرتفع عليه الضغط سببله جلطه
مجدي...لاحول ولا قوه الا بالله
اسراء...تحكي بالتلفون اها في العنايه دكتور تمام بارك الله فيك
امينه...شن صار
اسراء...دكتور حسن قالي ماسك اليوم في المستشفي توا انجي
ابتسام...من دكتور حسن
اسراء...بعد اتشوفيه تذكريه
ابتسام...نعرفه انا
امينه...هذا يوم اللي اسنجتي
ابتسام...قطعتها اها مشت لل مجدي ماتبيش تذكر
مجدي...قرب منها هاروحي تروحي
ابتسام...نشوف باتي قبل
مجدي...باهي تعالي قعمزي
صالح..قعمزي يابسومه
ابتسام...قعمزت جنب صالح
مجدي...شن صار
ايمن...ساند علي الساس والله ماني عارف نرجو الفجر وطالعين للبنغازي
مجدي...انشالله خير
جا عبدالله وإسلام وبدر وابراهيم ومؤيد يسلمو ع امينه
احمد...ماشاءالله من هذوم
مجدي...اعيال خالتها متزوجين خواتها ولد خالها
احمد...شكلهم متعلقين بيها
مجدي...امينه الكبيره يحترمو فيها
احمد...ههه الا احترام ولد عمها احضان اقريب ايحطها علي صدره
مجدي...شن فيه
احمد...مافي شي نازل لوطا
مجدي...تمام
اسراء...دكتور
ادم...انتي يافرخه من هذا
اسراء...تبتسم مرحبا دكتور
د.حسن...اهلين اسراء كيف حالك
اسراء...الحمدلله ادم خويا
د.حسن...سلم عليه اهلين
ادم...اهلين
اسراء..باتي وعمي
بدو يسلمو
مجدي...قرب من ابتسام اتروحي
ابتسام...نشوفه بس تعال انشوفو الدكتور بلكي يخششني اسراء
د.حسن...الف لاباس عليه
اسراء...ماتشوف باس نعم ابتسام
ابتسام...نقدر انخش
د.حسن...ابتسام انتي
مجدي...كيف نعم شن قلت بشنو تعرفها حضرتك
امينه...مجديييي
اسراء...دكتورها
مجدي...دكتورها شافلها
د.حسن...كيف حالك ابتسام
ابتسام...اذكرته الحمدلله
امينه...ايمن
ايمن...صبي
د.حسن...شن دايره صحتك
مجدي...شن مالك بأمها
د.حسن...نعم
ايمن...مجدييييي مسك يده
ابتسام...دكتور نقدر انخش انشوفه لوسمحت حتي خمس دقايق اللي ماسك علي العنايه ماخلني
د.حسن...حاضر نخش انشوفه ونجي انطمنكم
اسراء...بارك الله فيك دكتور
د.حسن...ولو هذا شغلي طق علي الباب وخش للعنايه
ادم...وين وين وين معش فيه احترام
اسراء...بالله عليك شن درت دكتور اللي نحكي معاه
ادم...احسابك معايا
اسراء...غير نطمن علي عمي واللي تبي اديرها ديرها
مجدي...قدامي
ابتسام...قلت مش حنخطي خطوه الا لما نشوفه
مجدي...شن عرفه بيك
ايمن...الكلام معايا انا
مجدي...ايمن لو سمحت
ايمن...دكتورها
مجدي...كيف دكتورها وانا قيللها مافيش دكتور
ايمن...والله معلش انسينا ناخذو رائيك يوم الفرح السمح هذك ابتسام صارلها انهيار عصبي وسنجت وجبناها للعياده كان ماسك وهكي عرفها لأنه يعرف اسراء فهمت توا
مجدي...معش رد عليه
امينه..ياربي طمنا
بدر...امينه
امينه...نعم خالي
بدر...هاكي امك طمنيها
امينه...خذت التلفون ايوا امي
فاطمه...ها امي طمنيني
امينه...لاانشالله اكويس
فاطمه...كنكم طولتو
امينه...مازال في العنايه
فاطمه...العنايه
امينه...اها امي
فاطمه...كنه باتك مادسي عليا شي
امينه...جايته جلطه
بدر...لااا
امينه...امي
فاطمه...لاحول ولا قوه الا بالله تمسح في ادموعها واعي
امينه...اها صكري امي كان خشيت عليه توا نخليه يحكي معاك بسرقه
فاطمه...تمام طمنيني الله يربحك مشغوله
امينه...حاضر
د.حسن...تعالي اسراء
اسراء...نعم
د.حسن...البسي وتعالي
اسراء...عادي
د.حسن...اها
امينه...كيف نحنا مانقدروش انخشو
د.حسن...بالواحد يخش بس نخشش اول وحده الدكتوره اسراء
اسراء...البست البالطو وجت
د.حسن...طق علي الباب
الشاب..فتح الباب ممنوع يادكتور
د.حسن...شن اللي ممنوع
الشاب...تخش الانسه
د.حسن...دكتوره هذي شهور وتقعد تفتحلها في الباب
اسراء...شفتله ابتسمت
الشاب...تفضلي
د.حسن...اهو عمك
اسراء...نزلت الكمامه عمي
عمران...شفلها ابتسم اسريوا
اسراء...مسكت يده شن دايره صحتك
عمران...الحمدلله
اسراء...امينه وابتسام برا والكل في الحوش يرجو فيك
عمران...هز براسه
اسراء...املنا في الله وفيك رد بالك ترخي بينا ياعمي
عمران...نفسه اعلي منه انشالله انشالله ياعمي
اسراء...معش اتعب روحك خلي معنوياتك عليات كلنا برا نرجو فيك عمي وباتي وخوتي ونسابتك وجيرانك
عمران...ابتسام وين
د.حسن..شكلها المحبوبه ابتسام
اسراء..اها تقدر اتخش
د.حسن...ممنوع لكن نحاول
اسراء...نطلع انا وخليهن يخشن يشوفنا ويطمنن ويطلعن
د.حسن...نشوف طلع
من بعد جهد جهيد خلوهن يخشن
ابتسام...باتي
اسراء...بيسو ابكا لا عمي حيطلع ويكون اكويس اسمع ياعمي انت وعدتنا بزرده علي البحر ولا انسيت
عمران...انشالله انشالله
امينه...تبوس في يده رد بالك تفكر اتسيبنا نحنا مازلنا في حاجتك
عمران...دموعه ينزلن
اسراء...لاااا تمسح في ادموعه مش هكي
امينه...باتي نبيك اتردلنا اكويس وبصحتك
ابتسام...من بعد ماشافت الأجهزه علي جسمه ادموعها معش قدرت تسيطر عليهن
عمران...بسومه
ابتسام...روحها
عمران...مافيا شي ياباتي
د.حسن...هيا خلوه يتريح
ابتسام...تبوس فيه باتي نبيك تطلع اكويس نرجا فيك
اسراء...تمسح في ادموعها وتبعد فيها خلاص
امينه...باتي امي تبي تطمن
د.حسن...ممنوع المكالمات
امينه...تطمن مشغوله رنت طول ردت
فاطمه...هاامي
فرح..كرت التلفون من يدها وعلقت السبيكر
فاطمه...ايوا
امينه...فتحت السبيكر امي
فاطمه...معاك امي شن داير باتك
عمران..اكويس اكويس
فاطمه...عمران شن داير
عمران...اكويس اكويس طمني امي
فاطمه...كنك اتنفس هكي
عمران...لاعادي قلولي ماتحكيش واجد عينك من البنات
فاطمه...انت عينك من روحك امتي تطلع
امينه...بكرا ماشيين للبنغازي كيف ماقتلك
فرح...عليش
امينه...عارفتك فاتحه السبيكر يافريحه
فرح...تبكي كنه باتي عليش ماشيين للبنغازي
امينه...انديرو كورس غادي كامل
ماتوا سمعتن صوته هيا باي
فرح...راجي نحكي
امينه...مانقدرش نحكي بعد نفضي نرن عليك باي باي صكرت
د.حسن...هيا
اسراء...شكرا دكتور
د.حسن...اهم شي اطمنتن
ابتسام...باتي عينك من روحك
عمران...حتي انتي
ابتسام...روحي انت بلاك مانقدرش انعيش اطلعلي طيب وبصحتك
عمران...ابتسم انشالله ياباتي
امينه...شفت الكل مشغول عليك لازم ماتطلع اكويس
عمران...انشالله انشالله
طلعو من العنايه
مجدي...اطمنتي عليه
ابتسام...الحمدلله لكن وجه مغصور
مجدي...خلاص عاد ابكا
ابتسام...مستحيل انعيش بلاه
مجدي...ربي يطول بعمره انشالله يطلع اكويس
ابتسام...تنهدت يارب
ادم...شفتوه
اسراء...اها اكويس
ادم...ليش مايخلونه نخشو انشوفوه
اسراء...ممنوع
صالح...هااسريوا
اسراء...شفتله اكويس باتي الحمدلله واعي وقال طمنوهم كلهم
صالح...واعي واعي
اسراء...اها
ايمن...ابتسام خوذي امينه واسراء وروحن
ابتسام...وباتي
ايمن...قعدين كلنا معاه
ابتسام...الحمدلله تريحت نقدر نمشي هيا مني
امينه...اطلبو اي حاجه الا اني نمشي ونسيبه
ايمن...هنينا يامني شفتيه وطمنتي عليه بكرا اتجيه
امينه...بس
ابتسام...بكرا قبل مايمشي للبنغازي انجوه
امينه...وعد
ابتسام...وعد
امينه...امباه هيا اسريوا
اسراء...سلحت البالطو
د.حسن...ابتسم اطمنو وضعه مستقر وربي يطمنكم عليه
الكل...انشالله
د.حسن...خش للعنايه
ابتسام...ايمن
ايمن...خذاها علي جنب
مجدي...يشوفلهم
ايمن...شن وضعك
ابتسام....الحمدلله
ايمن...حكيتي ل مجدي
ابتسام....تؤ
ايمن...لييش
ابتسام...ماجاش الوقت المناسب
ايمن...نمشي نحكيله
ابتسام...وعدتني انت
ايمن...خايف عليك
ابتسام...خلاص اشهور ونديرها العمليه والكل حيكون عنده العلم
ايمن...عليك اعناد فيك
احمد...مجدي وين
خليفه...اهو
احمد...اهااا مجدي
مجدي...ايوا جيتك
احمد...شن صار
خليفه...خشن البنات قالن اكويس يستر الله
احمد...لا انشالله خير
صالح...ايمن
ايمن...شفله
صالح...تعال
ايمن...جيتك هي باهي بسومه عينك من روحك وماتفكري في شي عمران بين ايدين ربه
ابتسام...تبكي شن يعني باتي حالته خطيره
ايمن...لاانشالله خير انتي بس فكري في روحك حتي انتي قال الدكتور اهم شي النفسيه
ابتسام...الورم سرطاني صاح
ايمن...شفلها نمشي ل صالح
ابتسام...مسكت يده ايمن وغلاوه اعيالك احكيلي لو سرطاني مش حنفتح عليه حنكون متعايشه معاه لعند ماربي ياخذني اقل شي انعيش مع بنتي وهلي اشوي
ايمن...حضنها
الكل...يشوفلهم
ايمن...عينك م روحك ماتفكري في شي
ابتسام... يعني الورم
ايمن...زاد حضنها
ابتسام...بدلته بنفس الحضن مش حنفتح عليه وحنموت وما حد له علم غير انا وانت بس
احمد...شن فيه
مجدي...يشوفلهم مشعارف
احمد...اعيونه شلنه ل ادم وامينه
مجدي...مشي ل ابتسام
ابتسام....شفتله بعدت
ايمن...عينك م روحك
ابتسام...هزت براسها انشالله طمني توا نقعد كل اشوي انرن عليك بالله عليك ماتخليني مشغوله لعند مانجي ع الفجر
ايمن...حاضر اربحو
ابتسام...مني هيا
امينه...تحكي بالتلفون مع البنات وتمشي
ادم...يمشي جنبها
اسراء...باتي دز علي عصائر
صالح...انشالله ياباتي
اسراء...حضناته عينك م روحك عمي اكويس
صالح...انشالله
امينه...تمام تمام نحنا توا طالعين وجايين للحوش والله اكويس الحمدلله
ادم...خذا التلفون وصكر
امينه...ابتسمت ليش
ادم...مش حيصدقن
امينه...مشت لصالح باست راسه عينك م روحك
صالح...الله يربحك
امينه...باتي الحمدلله اكويس
صالح...انشالله انشالله دار وجه لجيه الثاني عشان ماتشوف ادموعه
امينه...حضناته ربي يطول بعمرك وبعمره ومانفقد منك حد
صالح...خانقته العبره انشالله
امينه...ايمن عمي صالح عينك منه
ايمن...انشالله انشالله
امينه...خالي بدر خالي ابراهيم حتي انتو
بدر...انشالله طمني امك مشغوله
امينه...انشالله
ابراهيم...تربحو
امينه...عمي خليفه صحيت علي وقفتك جنبنا ربي يعطيك الصحه
خليفه...كيف عمران خوي وجاري ونسيبي كان ماصبيت معاه مع من نصبي
امينه...ربي يعطيك الصحه
خليفه...اللهم امين
امينه...طلعت من جنبهم
اسراء...هناء مشغوله
امينه...نمشو ونطمنوها
مجدي...يمشي وجنبه ابتسام اللي تبكي بدون صوت
ركبو في السياره
اسراء..معلش عاد مجدي تعبناك معانا
مجدي...مافيش تعب
امينه...صحيت مجدي والله وقفت عمي خليفه جنبنا ماننساها له طول عمري لولاه ماقدرت انجيبه اللي نتصل بيه يامقفل ياخارج التغطيه
ابتسام...فاتحه الروشن وتشوف لطريق
مجدي...يشوف ل ابتسام لا والله مافيها جميل
امينه...ربي يطولك بعمره يارب
مجدي...اللهم امين
امينه...بيسو
ابتسام...تمسح في ادموعها نعم
امينه...باتي اكويس معش تفكري في شي
ابتسام...انشالله يارب
مجدي...يشوفلها
وقف مجدي عند الحوش...
امينه&اسراء...انزلن
ابتسام...فتحت الباب
مجدي...مسك يدها ياروح
ابتسام...صكرت الباب شفتله قلبها
مجدي...بأذن الله حيكون اكويس
ابتسام...شن نبي اكثر
مجدي..معش اتزعلي روحك مش شفتيه وخشيتي عليه
ابتسام...اهااا
مجدي...خلاص حبيبي خنقت صوتك تقتل في
ابتسام....لتفتت حضناته بقوه
مجدي...بيسو
ابتسام....تبكي بدون صوت
مجدي..حبيبي
ابتسام...بعدت تبي ترد علي المستشفي
مجدي...اها
ابتسام...طمني
مجدي...انشالله باتي كلم دكاتره غادي والله مش حيسيبوه
ابتسام....يارب كون معاه ومده بصحه والعافيه وماتفجعني بفقده يوم
مجدي...رفع الخيمار يمسح في ادموعها ليش لبكاء هذا كله
ابتسام...مشغوله
مجدي...بأذن الله نطمنك عليك
ابتسام...انشالله خلاص ننزل
مجدي...نتصل بيك ردي ماتشغليني عليك
ابتسام...تمام فتحت الباب
مجدي...نزل الخيمار
ابتسام...شفتله من يبي يشوفني
مجدي...ماحد يشوفك غيري
ابتسام...ابتسمت انزلت طمني عقلي عندكم
مجدي...انشالله
ابتسام...صكرت الباب وخشت
مجدي..رد للمستشفي
#نورهان✍
صالح...توا طالعين
ايمن...اها
صالح...ماقلتو علي الفجر
ايمن...عشان البنات يروحن
صالح...ماسياره الاسعاف قال صاحبها نطلعو ع الفجر
ايمن...لالاقلت ل ادم يقول هكي قدام البنات توا يجهزو فيه طالعين
خليفه...احميده عدي للحوش جيبلي دواي
احمد...ماشي معاهم
خليفه...اها
احمد...خلاص تمام
وسام...توا نمشي معاه انا
خليفه...نبي نسألك التهيت كنه راسك مع من داير عركه ياوسام
احمد...شاف ل وسام
وسام...راسي اها هذا هذا
احمد...مطبس تحت روشن المربوعه امس رفع راسه بسرعه ماجا الا علي الحافه
خليفه...معقوله ماتشوفه
وسام...ناسي الروشن بكل شاف ل احمد
خليفه...خيطوك
وسام...اها
خليفه...لاحول ولا قوه الا بالله
احمد..هيا انزل معايا لوطا
وسام..هيا منها نجيب سيارتي
#نورهان✍
ابتسام..قاعده في الدار هرجه وهداريز تشوفلهن بدون ماتحكي
رزان...بيسو
ابتسام...شفتلها
رزان..وين بالك
ابتسام..مع باتي ساعه كم توا
رزان..فتحت تلفونها 5وربع
ابتسام..خذت تلفونها وصبت
رزان..وين
ابتسام..نكلم اجودي ياخذني اكيد حيطلعو
رزان..براحتك
ابتسام..طلعت للحاجر ورنت علي مجدي
مجدي..قاعد جنب ايمن وبدر وابراهيم وسام خليفه ادم صالح قاعدين واقفين برا العياده في بنغازي
ايمن..ابتسام
مجدي..شافله اها
ايمن..عطيها ليا
مجدي..اكيد كلمت عشان ناخذها للمستشفي
ايمن..توا نحكي معاها انا
مجدي..مدله التلفون
ايمن..فتح ايوا
ابتسام..استغربت الصوت من امعايا
ايمن..ايمن معاك
ابتسام...تمشي في الحاجر ايمن كيف وين مجدي
ايمن...اهو جنبي لكن قلت انرد عليك انا
ابتسام..في حاجه سايره
ايمن...كل خير انتو شن جوكم غادي هاجر جت
ابتسام...اها جت مع خوها
ايمن...تمام تمام يمسح علي راسه قتلك
ابتسام...تبكي ايمن قولي باتي فيه حاجه
ايمن...صبي والله مافيه حاجه وتوا في بنغازي
ابتسام...بنغازي
ايمن...انعم
ابتسام...قصدك خذيتوه بدون ماتقولولنا تبكي مش وعدتونا
ايمن...وقفي ابكاء شن قتلك امبدري
مجدي...قرب عطيها لي
ايمن...بسومه هنيني الله يربحك وقفي بكاء توا تشغلي اللي غادي
ابتسام...انت كذبت علينا ليش تكذب
ايمن...مدله التلفون
مجدي...ايوا
ابتسام...ليش ماقتلي انكم تبو تمشي ليش
مجدي...بعد حبيبي والله ماعندي علم مش وصلتك للحوش جيت للمستشفي القيتهم يجهزو فيه بس والله وضعه مستقر
ابتسام...لاتكذب عليا ليش خذيتوه بالسرعه هذي معناها تعبان باتي
مجدي...بيسو والله مافيه حاجه
ابتسام...من مشي معاكم غادي
مجدي...عمامك وخوالك وباتي وسام وراجل عمتك عبدالله إسلام باتهم
ابتسام..كلكم مشيتو
مجدي..اها والله انطمنك عليه انتي حامل ترعشي روحك
ابتسام..نعني مانروح نبي باتي حي
مجدي..انشالله كان قدرت نخش عليه نصوره لك تمام
ابتسام...تعال خوذني له
مجدي..حاضر
ابتسام..امتي اتجي
مجدي..نطمن عليه ونجيك
ابتسام..ربي مايفرحك ب بنتك ولا بيا كان باتي فيه حاجه وانت ادس عليا
مجدي..اششش شن تحكي انتي بعيد السو عليكن ياروح والله زعلت جديات منك
ابتسام..قعمزت علي الكرسي طمني علي باتي
مجدي..وقفي بكاء بس والله نطمنك
ابتسام..مش قادره انتخيل حياتنا بلا باتي اووف مخنوقه نبي نموووت
مجدي...ماتشغليني عليك خوذي دواك وربي يطمنا عليه ادعيله ياروح
ابتسام...ربي مايذوقنا ناره يارب
وسام...مجدي
مجدي...التفت
وسام...بعد تكمل قوللها تعطيني رزان
مجدي..
.ياروح
ابتسام..نعم
مجدي..رزان جنبك
ابتسام..لا انا قاعده في الحاجر
مجدي...باهي انا نبي نصكر توا نرن اخري هذا وسام يبي يحكي مع رزان
ابتسام...تمام طمني
مجدي..صلي الفجر ودعيله عمي عمران لأنه طيب ويخاف الله ربي ح يمده بالصحه
ابتسام...يارب
مجدي...تمام تبي شي توا
ابتسام...نبيك اطمني عليه
مجدي..انشالله ياروح باي
ابتسام...باي صكرت وخشت رزان رزان
هناء...خشت للكوجينه كنك
ابتسام...رزان يبيها وسام
هناء...رزان
رزان...جيت صبت وخشت للكوجينه شن فيه
ابتسام...مدتلها التلفون وسام
رزان...خذاته الو
ابتسام...لا توا يتصل بيك مش علي الخط
رزان...تمام غمزتلها شن فيه
ابتسام...شي خشت
هناء...شن فيه
رزان...مشعارفه رن التلفون طلعت للحاجر
ابتسام...خشت لدار امي
فاطمه...ايوا
ابتسام...باتي خذوه للبنغازي
امينه...صبت شن
ابتسام...كلمت توا مجدي رد عليا ايمن
امينه...تبكي ليش ماخلونا انشوفوه
ابتسام...تمسح في ادموعها مشعارفه مشعارفه بس حلفلي ايمن قالي اكويس
حني امينه...ايديها علي وجها وتبكي بصوت ينعلي ماخذوه الا وهوا تعبان ينعلي ياعموره
ابتسام...طلعت
هاجر...عمتي انشالله تسمعي عليه خبر خير
حواء...استهدن بالله بأذن الله يروح طيب
فاطمه..طلعت من الدار خشت للحمام توضت وطلعت
هنيه...امي
فاطمه...طرحت الصلايه
فرح...امي
فاطمه...نبي نصلي
جت ساعه 12:00ظهر الكل عالق مارقدش والناس تطلع وتخش
امينه...تحكي بالتلفون دومي ماتكذبش عليااا
ادم...والله يامني اكويس خذو منه تحاليل وعنده صور ايديرهن
امينه...علي شن
ادم...السكر ارتفع لأنه باله مشغول ضروري مايتعدل
امينه...ينعلي ياباتي شفته شفته
ادم...لاوالله خش باتي عليه توا ماخلوش حد كان خشيت وقدر يحكي نعطيه لكي تحكي معاه
امينه..امانه راك تنسى
ادم..حاضر
ابتسام..شن صار
امينه..اشوي
ادم..خوذي راحتك
امينه...لاهذي ابتسام تسأل
ادم...خلاص تمام حتي انا نبي انصكر معش تتصلي لعند مانتصل بيك
امينه...لاهذي ماتطلبها مني لاانت لا ايمن
ادم...ههه تمام اوكي
امينه...باي باي صكرت
فاطمه...بسومه
ابتسام...تبرم في الحاجر نعم
فاطمه...تعالي كولي
ابتسام...شن هذا
فاطمه..سندوتش وعصير
ابتسام...لالالاماتقربي شي مني
فاطمه...هنيني انتي مريضه وحامل ماكليتي شي
ابتسام...امي ماتجبريني نين نسمع صوت باتي قلبي نار عليه
فاطمه...امينه
امينه...تعالي كولي طمني ادم
ابتسام...يكذبو علينا
فاطمه...قعمزت علي الكرسي مش قادره هيا سلم بنتي هنيني
ابتسام...امي تقول تجبري عليا في سم مانبيش نطمن عليه ناكل
فاطمه...روح معاك ارحميها
ابتسام...مش متقبله طعام رن التلفون اجودي الو
مجدي...خيييير بروحي
ابتسام...طلعت للقطعه حبيبي
مجدي...روحه
ابتسام...رايق
مجدي...من مايسمع صوتك ومايروق
ابتسام....طمني شفته
مجدي..لاوالله لكن كان عمك صالح عنده قال اكويس وطلع دكتور قريب باتي والله طمنا عليه وقال عنده عمليه لأنك حلفتي بروح بنتي اتسير فيها حاجه كان ماقتلك
ابتسام...عمليه شن
مجدي...عنده انسداد في الشرايين يبو يركبوله دعمات
ابتسام...تبكي ليش هذا كله
مجدي...عادي حبيبي باتي مركب دعمات والحمد الله اكويس
ابتسام..حيكون اكويس صاح
مجدي..بأذن الله والله طمنا عليه الدكتور
ابتسام..امتي العمليه
مجدي..ايمن قال ماتقولوش لحد نين يطلع ولاانتي تقوليها لحد لعند مايديرها ويطلع عشان ماتشغلي حد
ابتسام...مستحيل اندس عليهن امي وخواتي
مجدي...تكدري عليهن حتي عمي لأنه مشغول السكر مابش ينزل
ابتسام...ياروحي
مجدي...تمام بعد ايدير العمليه نكلمك
ابتسام...لاقبل مايخش
مجدي..حاضر
ابتسام..شن ادير
مجدي..شي واقفين برا
ابتسام..ينعلي رقدت
مجدي...لاوالله وانتي
ابتسام...تؤ عالقه
مجدي...تريحي اشوي وكولي ياروح
ابتسام...والله ماعندي نيه في شي
مجدي...لاعشان خاطري كولي
ابتسام...انشالله
مجدي...انتي حامل مش عشانك عشان بنتك حرام تقعد جعانه تهون عليك
ابتسام...لااكيد
مجدي...هههه نجك لي
ابتسام...طمني حبيبي
مجدي...تمام غير ماتحكي لحد لعند مايطلع طيب
ابتسام....انشالله ونرن عليك ررررد
مجدي...تم
ابتسام...باي
مجدي...باي صكر
ابتسام....طلعت من باب القطعه امي
فاطمه...يدها علي خدها هاامي
ابتسام...مني وين
فاطمه...خشت جوا
ابتسام..كرت كرسي وقعمزت جنبها
فاطمه..شن قالك مجدي
ابتسام...رفعت جمتها شي
فاطمه...نعرفك بعد تكذبي شن قالك
ابتسام...يبو يركبوله دعمات
فاطمه...امتي
ابتسام...مازال بس قالي ماتقوليها لحد لعند مايطلع اكويس
فاطمه...تنهدت يارب يكون كله حلم ويفرحني بطلته
ابتسام...باست كتفها يارب
فاطمه...كولي هنيني
ابتسام...خذت سندوتش ورداته مافيش نيه
فاطمه...لاتقعد عندك عشان بنتك
ابتسام...تنهدت وبدت تاكل
اروي...وسعي بالك هنو
هناء...تبكي مش قادره الجو يخوف كل مانبي نصكر اعيوني انتخيل في صوت صريخ وهرجه انتخيل في عمي صالح يقول باتكن مات
اروي...حضنتها تبكي خلاص باهي شن التخيلات الشينات هذين
هناء...هذا اللي انتخيل فيهن
روان...تمسح في ادموعها ادعيله
هناء...عارفات شن يعني باتي العمود الفقري متاعي لو ننكسر فيه انا حننتهي
بشري...وراسك خلاص بكيتيني
فرح...ربي مايذوقنا نارك ياحنوني
هنيه...طلعت من الدار
اروي...شفتي كيف كدرتي علي خواتك
هناء...مش بيدي
اروي...خلاص ربي يطمنا عليه
هناء...يارب نذر لو باتي طلع اكويس شهر انصيم مانقطع يوم يارب ماتحرمنا من طلته علينا
رزان...جت حضنتها من لورا والله كان ماصمتي يومك
هناء...نذر
رزان...حتصيميهن وعد
هناء...يارب يارب
فات الوقت الكل عالقين مافيش حد رقد الكل علي اعصابهم
عايشه...مني نبي ابزار
امينه...مافيش في الحكه
عايشه...لا
امينه...هنو
هناء...نعم
امينه...مافيش بزار
هناء...مافيش
امينه...مافيش مشكله ابزار بس تبي
عايشه...اها نبي اندير العشاء
امينه...شن تبي اخري
عايشه...ابزار بس
امينه...خلاص تمام توا نشوف اوليد برا اندزه
عايشه...كان هكي نمشي بروحي
امينه...لااعويشه ينعلي تعبناك معانا
عايشه...ريتي هالتعب
امينه...نصبولك في فرح البنات
عايشه...هههه انشالله يارب
امينه...لبست المصليه وطلعت فتحت باب الشارع تشوف في حد برا شافت احمد ردت
احمد...صكر السياره وفتح بابهم وخش
امينه...سبحان الله كان مانبيهم نلقاهم برا صكرت الباب وخشت لدار لبست عبايه وشاح
ملاك...وين ماشيه
امينه...للمحل ملوكي
ملاك...مافي حد برا
امينه...تؤ مافي حد برا طلعت من الدار وخشت للكوجينه عويشه ماشيه انا
عايشه...من جدك
امينه...امممم شن فيها
عايشه...مغرب
امينه...ع السريع نبي حتي حلويات قريب يكملن للي يجو نمشي سريع قبل مايأذن
عايشه...تمام
امينه...طلعت من باب الكوجينه
فاطمه...وين ماشيه
ابتسام...للمحل
فاطمه...عينك م روحك
امينه...انشالله طلعت وطول للمحل السلام عليكم
الشاب...رفع اعيونه وعليكم السلام
امينه...تاخذ في الحلويات وتحط قدامه نبي ابزار وحسبلي
الشاب...حاضر بدا يحسب
امينه...رن تلفونها طلعاته من الشنطه ادم الوو
ادم...هامني
امينه..نسمع فيك
ادم...شن الجو
امينه...تمام الحمدالله شن اموركم انتو شن داير باتي
الشاب...يحط في الاكياس ويشوف ل امينه
ادم...الحمدالله توا جبتلهم قهوه من الكافي مافي حد راقد
امينه...شافت ل شاب اللي يشوفلها كم الحساب
الشاب...108
امينه..اشوي دومي طلعت الفلوس مدتله 110تفضل خذت الاكياس تبي تطلع
الشاب...نردلك الباقي
امينه...خليهن عندك طلعت باهي دومي
ادم...وين قاعده انتي
امينه...مشيت للمحل انجيب في حاجات نقصات
ادم...كيف عبسي ماجاكم ولاحمادي
امينه...لالا
ادم...عنجد كده كيف تطلعي
امينه...عادي دومي المهم شن اخبار باتي
ادم...وين قاعده توا
امينه...في الطريق راده للحوش
ادم...خلاص تمام بعد توصلي رني علي توا نكلم حمادي وعبسي يقعدو عندكم
امينه...ياااريت دومي غير عبسي شفرته خارج الخدمه
ادم...تمام شارلي شفره جديده
امينه...نجك لي تمام هيا باي
ادم...باي
امينه...تمشي للحوش
احمد...طلع ويحكي مع حنان
حنان...مني
احمد..اه
حنان..امينه اخت ابتسام
امينه...شفتلهم وبتسمت
حنان..شيرتلها ومشتلها شخبارك
امينه...اكويسه الحمد الله
حنان...شن اخبار عمي عمران
امينه...الحمدلله اكويس
حنان...حتي باتي طمني عليه امتي العمليه
امينه...شفتلها عمليهه
حنان...يدها علي فمها
امينه...نونا عمليه عليش
حنان...شافت ل احمد
امينه...شوفيلي هنا عمليه علي شن
حنان...قسطره
امينه...نزلت الاكياس ومشت ل احمد
حنان...رفعت الاكياس ولحقتها مني والله مافيه حاجه
امينه...لوسمحت شن قلولكم علي باتي
احمد..شن فيه
امينه...عمليه امتي بي يديرها
احمد..شاف ل حنان
حنان...زله السان
احمد...قسطره بس عادي حتي باتي مركب دعمات مافيش اي خطوره علي حياته
امينه...باتي طلعت تلفونها من الشنطه ورنت علي ادم
ادم...وصلتي
امينه...تبكي دومي كنك ماقتلي علي العمليه
ادم...من قالها لكي
امينه...ليش ماقلتهاااا
احمد...شاف ل حنان
حنان...والله احميده نحساب عندهم العلم
احمد.. يشوف ل امينه
امينه...صكرت الخط كان ماقلتيها ياحنان ماكانو يبو يحكولنا باتي خذوه بدون مانشوفوه وتوا بي يدير العمليه بدون مانجيبو علم لييش
حنان...مني والله اكويس ياريتني ماحكيت
امينه...مشت وسيبتهم
احمد...حليها عااااد
حنان...حي عليا شن اندير
احمد...عدي قولي حتي باتي ديرها مش ماشيه عندهم
حنان...اهااا
احمد...خلاص واي حاجه تنقص رني عليا قوليهم معش يطلعو
حنان...شفتله وبتسمت
احمد...هيا هيا انا طالع
حنان...وين
احمد...عندي عشاء برا
حنان...تمام باي
احمد.. صكر الباب باي
#نورهان✍
مجدي...يدخن
ايمن...عدي اتكي في السياره
مجدي..مانعرفش نرقد
ايمن...اهي سيارتي تريح فيها وخر الكرسي ريح راسك
مجدي...بعدين مافيش اي اخبار علي عمي عمران
ايمن...لاوالله بكرا علي الظهر يبي ايديروله العمليه انا مش في هذي
مجدي...شن فيه
ايمن...السكر مشيط
مجدي...يفكر
ايمن...الدكتور قال كل حاجه تمام لكن كان مانزل السكر مش حنديرها له
مجدي...كان خش عمي صالح خليه يحكي مع هله هوا باله مشغول ممكن بعد يطمن عليهم ايتريح
ايمن..مامنعين عليه التلفون
مجدي...يسمع صوتهم بس
ايمن...انشالله
صالح..ايمن
ايمن...ايوا صبى ومشاله
صالح...دزيت علي الفلوس العمليه
ايمن...اها في الطريق
صالح...مع من
ايمن...صاحبي
صالح...تمام
ايمن..شن وضع عمران
صالح..وضعه مستقر انفسه اعلي منه داهش يسأل علي بناته
ايمن...يقدرو يخشوني
صالح...اسأل بلكي يخشوك
ايمن...هي قولتك خش للعياده
خليفه...شن اموره
صالح...انشالله اكويس الدكتور اللي ماسك عليه طمني قال انشالله يطلع اكويس عنده انسداد في شريانين الأورطي والتاجي وجايته جلطه له فتره هذي الثانيه
خليفه...لاحول ولا قوه الا بالله
صالح...انشالله خير
خليفه...انشالله
صالح...تعبناك معانا
خليفه...عيب ياراجل غير يطلع طيب
صالح...انشالله
فات الوقت ساعه 11:45ليل...
الكل..قاعد في الدار
حني صالحه...نواره ماكلمتك بكل
فاطمه...اه
حني صالحه...نواره مراه ارهومه ماكلمتك
فاطمه...لاوالله خاطرها وجعها
اميمه..شن دخلنا هوا اللي يبي يزوج حتي نحنا علمنا كيفها
فاطمه..اخر همي نواره يطلع عمران طيب كله ساهل
مريم..انشالله ربي يطمنك عليه
فاطمه..يارب
عايشه..ماتعشيتي يافطومه
فاطمه...لاالحمدلله
عايشه...لاانتي لا بناتك شي
حني امينه..صاحب المريض مريض عقلهن يشتغل
امينه...ادعيله ياحني
حني امينه...ربي يطمنا عليه
ابتسام...راسها علي كرعين رزان خذها النوم مع رنت تلفونها وعت طايره
رزان...بشويا بشويا توا كيف رن
ابتسام...مسكت التلفون ايمن ايمن الو
ايمن...نزل الكمامه هابسومه
ابتسام...نسمع فيك
ايمن...افتحي السبيكر
ابتسام...فتحت السبيكر فتحت
ايمن...احكن عمران يسمع فيكن لكن الدكتور قال مايحكيش عشان مايتعبش
ابتسام...انت تكذب علينا باتي مش يلاك
ايمن...هذا اللي طلع منك
امينه...بجديات ايمن ماتخلينا علي اعصابنا
عمران..قرب يد ايمن عيب تحكن مع عمكن هكي ياباتي
ابتسام..باتي
عمران..انفسه عالي اكويس انا الحمدلله بالي عندكم
ابتسام..صبت قعدت قدام فاطمه وحني امينه ماتفكر في شي ياباتي نحنا اكويسين نرجو فيك
حني امينه..ياعموره ماتشغل بالك في حد فكر في روحك
عمران..حتي انتو ماتنشغلو علي
فاطمه..شن داير
عمران..اكويس اكويس الحمدلله علي كل حال
ايمن...تمام هكي ماتنشغلو عليه معش نقدر نخليه يحكي اكثر
ابتسام...ايمن امتي العمليه
ايمن...عندكم علم
ابتسام...الكل عنده العلم اخت مجدي حكت ل امينه جت امينه دارت مناحه
ايمن...ليش هذا كله مازال م قرر الدكتور بعد يقرر نقوللكم
ابتسام...خلاص تمام وعينك منه
ايمن...حاضر حتي انا طالع مانقدر نقعد اكثر غير الدكتور صاحب عمك خششني بالسرقه عشان نطمنكم
ابتسام...نجك لي خلاص تمام
ايمن..تبي شي
ابتسام...نبيك اتجيب باتي طيب
ايمن...انشالله باي
ابتسام...باي صكرت
فرح...الحمدالله سمعت صوت باتي بيدا امبدري قالي ماخلو حد يخش
ابتسام...اها ممنوع
هنيه...امتي العمليه
ابتسام...مازال ماقرر الدكتور
هناء...يارب فرحنه بطلته يارب
الكل...يارب
فاطمه...فرشن يابنات
ايه...توا نصبي انفرش
ملاك...يدك نساعدك
ايه...مدتلها يدها صبت
ابتسام...قربت جنب رزان حكيتي مع وسام
رزان..اها
ابتسام..حطت راسها ع كتفها اصالحتو
رزان..لا
ابتسام..ليش
رزان..خاني يابنتي
ابتسام..حكيتو مع بعضكم امبدري وامس
رزان..عمي خليفه سأله علي راسه قيله وسام خابط في روشن قالي كان حكت معاك امي قولي من الروشن
ابتسام...دنيا معفنه ماودك تزعلي علي شي
رزان...الا الخيانه
ابتسام...قتلك هوا غلط عادي كلنا نغلطو
رزان...لو انتي في مكاني ماكنتي تحكي بالثقه هذي
ابتسام...لو انا في مكانك نفكر كيف انسيه ونعيش انا وياه في اجمل ايام عمرنا كل يوم وكل دقيقه وكل ثانيه تمشي من عمرنا مانخلي فيها زعل ولاحزن
رزان..ماقدرتش
ابتسام..لاتقدري انتي وياه عايشين نفس القصه الفرق سعد خذا غيرك وهيا خذت غير وسام انتو لاثنين مجروحين انتو اللي اداوو بعضكم
رزان..سعددد تصدقي مرات نضعف نبي نرن عليه لكن بعد نذكر وسام نوخر
ابتسام..وسام عكسك ضعف يعني حتي انتي حسيتي بشعوره
رزان...يعني
ابتسام..ردي عليه وكسريها وعيشي عمرك مع وسام اوليدكم انتي الوحيده اللي تقدري اتنسيه انتي بس
رزان...وانا من اينسيني
ابتسام...هوا اللي ينسيك خلاص ح تجيبي تلهي في اوليدك ولا بنتك الحياه ماشيه بعد كم سنه تقعدي تضحكي علي كلشي عشتيه
رزان...قولك بيسو حيجي يوم وننسا
ابتسام...اها ياروح بيسو حتنسي
رزان...مسكتها مع خدودها انننننك لي
ابتسام...هههه
رزان...هههههه رايفت علي ضحكتك
ابتسام...البنات وين عدن
رزان..طلعن للحاجر
ابتسام...نمشولهن
رزان..هيااا
ابتسام...رفعت راسها وردت حطاته علي كتف رزان ااااااه
رزان...بسم الله كنك
ابتسام...شي
فاطمه...كنك بسم الله
ابتسام...كراعي راقد
فاطمه...بسم الله
رزان...حولت يد ابتسام من راسها اتحسي في شي
ابتسام...صبت لاااا نمشي ناخذ دواي
رزان...صبت
فاطمه...رزان الله يربحك ديريلها حاجه تاكلها
رزان...من اعيوني مسكت في يد ابتسام هيا ياسلفتي
فاطمه...ابتسمت
ابتسام...طلعت للكوجينه
رزان...ماقلتي ناخذ دواي
ابتسام...خذيته امبدري لكن نسيته فهمتي
رزان...باهي تعالي كولي حاجه
ابتسام...والله ماعندي نيه حتي في العسل
رزان...كلمك مجدي
ابتسام...اها
طلعن برا كل البنات مقعمزات يهدرزن
ربيعه...مني
امينه..نعم
ربيعه...ترعشي
امينه...لابوعا عادي
ربيعه...شن عادي
امينه...فوتيني انا شن جوك مع فتحي
ربيعه...تنهدت سبحان الله حياتي تغيرت بكل بكل
امينه...للأحسن ولا للأسواء
ربيعه...للأحسن اكيد
امينه...تمشي لعيت عمك
ربيعه...لالا يأخذ في العيال بس
امينه...اريح متغير معاك
ربيعه...لدرجه لونحكي نخاف نحسده وينقلب عليا
امينه...ههههه نجك لي
ربيعه...بعد طريحه ادم شكله عدل خلايا في مخه حكالي علي جيتك لهم انتي وادم والكلام اللي قلتيه هوا بروحه منحرج قالي امينه شايله عقل عزوز عمرها سبعين سنه
امينه...هههه واو
ربيعه...هههه والله جديات ياريت من زمان حاكيه
امينه...المهم تغير
ربيعه...شراء حوش ارضي
امينه...جديات
ربيعه...اها والله
امينه...يارب تكون عتبته خير عليكم
ربيعه...ييييه يارب ويطمنا علي عمران
امينه...يارب يارب
روان..هنو الله الكلام اللي كتبته علي عمي عمران يهبل
هاجر...فاتحه تلفونها اها يهبل
هناء...ربي يفرحني بجيته
هاجر..يارب
بشري...شن كاتبه فتحت تلفونها
اروي...اهو البوست منزله صورتها دايره قلب علي وجها وصوره عمي عمران دايره اشاره للبنات حتي انتي اسراء واصيله
اسراء...ابتسمت اه
اصيله...لا اختي هايمه بكل
اروي...هههه نحكي علي البوست اللي منزلته هنو
اسراء...بوست شن
اروي...ديرتلك تاق
اسراء...انا علي الواتس مازالت م فتحت فيس
اصيله...توا نقراه
زينه...تلفوني جوا اقرنه ليا
فرح...كاتبه...(ابي هو الدرع الحصين في هذه الحياة وهو النجمة المضيئة في حياتي فاحفظه لي يارب))
زينه...وجهك باين اي قلب
هناء...عادي شوفي باقي البوستات
زينه...عادي
هناء...عادي كل صوري مع باتي مافي حد يقدر يمنعني
اسراء...عليك براده اووف حلال فيك بلوك
الكل...شفولها
اسراء...شفتلهم
امينه..شن فيه
اسراء..ندي
امينه..من ندي
اسراء..خطيبت ادم مني
امينه..نسيته بكل
هناء..شفتلها كنها
اسراء..امتي تبو اتجو قلتلها عمي في بنغازي مريض باهي حدديلي يوم نقوللها عمي مريض مافي حد قاعد باهي يعني الأسبوع هذا اتجو
ربيعه...علاقه اسريوا
اسراء..لالا تقولي يوم اللي تجن تطلبن رسمي خليه يجي نظره شرعيه وووه عليا مش هكي تخف اشوي
امينه..يروح باتي عدو
اسراء...مازلنا نقولو ياهادي عليش مستعجله مش رايحين
هناء..صكرت التلفون تشوفلها يحكي معاها
اسراء...قلتلي دزيلي رقمه
هناء..دزيته
امينه..شفتلها
اسراء..مانقدرش
هناء..ليش
اسراء..ادم مرات يهزبني
هناء..اممم فتحت تلفونها تقرا في التعليقات معش ردت عليها
كل وحده لاهيه في تلفونها
ابتسام...تشوف لكل وحده
رزان..بست
ابتسام...اممم
رزان...كنك تشوفيلهن هكي تقول تحفظي في ملامحهن
ابتسام...هه قولك
رزان...اها
ابتسام...ممكن صاح
رزان....شن
ابتسام...نملي في اعيوني بيهن
رزان...باهي كلمي راجلك خليه يعطيني راجلي
ابتسام...كسرتي تلفونه عاد وترجي في رحمه ربي
رزان...جابها لروحه هكي حركتي مشاعري
ابتسام...ربي يصلح بينكم
رزان..بطلي فلسفه وكلمي
ابتسام...ههه امباه
إسلام...مجدي
مجدي..ايوا
إسلام...قهوه
مجدي...جت في وقتها راسي مصدع
إسلام...مارقدتش
مجدي..تؤ
إسلام...تريح اشوي
مجدي...انشالله
إسلام...قعمز جنبه
مجدي...رن تلفونه الشدوق فتح نقص الصوت ايوا
ابتسام...حبيبي
مجدي...وعليكم السلام شن لامور
ابتسام...ههه في حد جنبك
مجدي...اها والله مش في الحوش
ابتسام...انحبك
مجدي...حتي انا والله
ابتسام...قولها باهي
مجدي...اها
ابتسام...ههه نجك لي
مجدي...انشالله
ابتسام..شن وضع باتي
مجدي...لاقاعد مع نسيبي اها لا انشالله اكويس
ابتسام...واعي
مجدي...لاتمام
ابتسام...وسام يلاك
مجدي...لاقاعد بعيد مني مع عبدالله
ابتسام...باهي نصكر وخليه يرن علي رقمي تبي تحكي معاه رزان
مجدي...انشالله
ابتسام...انحبك
مجدي...انتلاقو انشالله
ابتسام...هههه باي
مجدي...معسلامه صكر
رزان...بعدت وذنها الله صوته وهوا يحكي بجديه
ابتسام...اهي حملتك جايه علي راجلي يطلع نسخته
رزان...يطلع ل عمه
ابتسام...هههه نجك لي
رزان...اناعلي وليا ينجيك
مجدي...وسام
وسام...خلاص خليه يجيني في المكتب ننهي اموره
عبدالله...انشالله
وسام...رفع يده بمعني شن فيه
مجدي...شيرله علي التلفون
وسام...صبي توا انجي نشوفه
عبدالله...خوذ راحتك فتح تلفونه ورن علي فرح
فرح...صاح زيونه
زينه...اها افريحه
فرح...بس الموضوع هذا سببلي عقده انا مش معدله بس هوا مضايق منه
زينه...مايبيش يحسسك بالنقص
فرح...انا كامله بيه بما انا في حياتي والله حتي العيال مانبيهم
زينه..نجك لي
فرح..عمره طويل يرن صبت فتحت بيدا
عبدالله..عمري انا
فرح..نجك لي صوتك ذابل
عبدالله..مش راقد شن دايره انتي
فرح..ينعلي حبيبي امرايفه عليك
عبدالله..حتي انا
فرح..نحبك
عبدالله...نموت فيك شن اديري
فرح...شي قاعده مع البنات في الحاجر مش جاينا نوم
عبدالله...انشالله مارقدي عالقه
فرح...اها والله نين راسي يبي ينفجر
عبدالله..عمي اكويس ارقدي وخلي خواتك يرقدن
فرح...والله ماقدرنا
عبدالله...كولي واشربي ماتفكري في شي
فرح...وين قاعد
عبدالله...يلا العياده مع الشباب عدو خوالي واب مجدي للقريبهم قالو انتريحو اشوي
فرح...انتو قعدين
عبدالله...اها
فرح...ياروحي نا كان مشيت ريحت اشوي
عبدالله...نطمنو عليه ونتريحو كلنا
رزان...نسمع فيك شن جوك
وسام...علي اساس مشغوله
رزان...وساام
وسام...نظر اعيونه
رزان...شن داير
وسام...تنهد بصوتك قعدت اكويس
رزان...ماتملش من الكذب
وسام...مانكذبش زازا
رزان..باهي شن داير راسك
وسام...اكويس
رزان...يوجع فيك
وسام...اها
رزان...سامحني
وسام...لالا ارجي شن قلتي
رزان...سامحني
وسام...انتي تطلبي السماح
رزان...ضميري يأنب فيا مهما كان كنت نحكي معاك مش ضرب لكن ماتحملتش اكيد لو في وعيي مادرت فيك هكي
وسام...زعلانه عليا
رزان...مازالت تبيها
وسام...نبيك
رزان...نحكي علي حبيبتك
وسام....حبيبتي حامل مني ماعنديش غيرها بعد وعيت لروحي فهمت انا اخترتك انتي مانبيش وحده غيرك في حياتي انا غلطان ونستسمح منك
رزان...يعني عارف روحك غلطان
وسام...اها حتي احميده ضربني بكف عشانك بعد علم
رزان...يدها علي فمها تحكي جديات
وسام...وغلاتك الكف هوا اللي وعاني
رزان..اتحبني
وسام..كان مانحبك ماخذيتك وتوا حامل مني
رزان..بس انت حكيت معاها
وسام..غلطه
رزان..تعاود اديرها
وسام..مستحيل انكرر نفس الغلطه ونخسرك وين كان عقلي بعد حكيت معاها
رزان..يعني
وسام..مستحيل اتجي في مكانك لو شن دارت
رزان...هذي اكيد
وسام...مغروره
رزان...حقاتي ولا
وسام...حقااااتك اناااعلي نا
رزان...شن اخبار عمي عمران
وسام...اكويس
رزان..كليت شي
وسام..اها
رزان..صحه عينك من روحك لعند ماتروحلي
وسام..مسامحتني
رزان...مسامحتك هذي اخر مره
وسام...وعد معش اتكرر
رزان...تموم باي توا
وسام...تعالي جاي نبي نحكي معاك
رزان...هكي يكفي
وسام...غيرتي جوي قبل كان جوي شين كلهم نشوف فيهم يحكو مع صبايهم وانا ماد وجهي بروحي
رزان...ليش مارنيت عليا
وسام...تلفوني ماكسرتيه
رزان..ساهله تروح ادير غيره
وسام...نجك لي نحبك
رزان..به
وسام...قلت نحبك
رزان...نموت فيك
وسام...عينك م روحك كان الجو قدامك حايس عدي لحوش هلي تريحي اشوي
رزان...والله مانقدر نسيبهن
وسام...عينك م روحك
رزان...حتي انت
وسام...انشالله هيا باي
رزان.. باي صكرت وشافت ل ابتسام
ابتسام...تشوف ل سماء
رزان...تشوف معاها
#نورهان✍
ادم..فاتح نت يصفح
ايمن..قعمز جنبه شن ادير
ادم..شي نصفح
ايمن..اممم
ادم..كنه جوك خارب
ايمن..شي كنت نحكي مع هاجر قلتلي سيبت العيال عند هلي
ادم..باهي اكويس
ايمن..اي اكويس واحد يمرض يطيح وانا بعيد
ادم..قعدين خوالهم
ايمن..زمر الهي في تلفونك
ادم..هي اللي دايرها خش علي صفحة هناء لقي البوست اللي منزلته عام يقرب في الصوره وبعد يقرا في التعليقات هناااء
ايمن...كنك
ادم...فوتني ايمن
ايمن...كلنا علي اعصابنا خفها
ادم...صكر التلفون ورد فتحه رن عليها وصبي
هناء...تقرا في قران في المربوعه صكرت القران ومسكت التلفون ادم فتحت الو ادم
ادم...تمسحي ام الصوره
هناء...شن
ادم...الصوره اللي منزله امها تحذفيها توااا
هناء...علي اي صوره تحكي
ادم...اللي منزلتها ع فيس
هناء...انت من عشان تطلب مني نحذفها حل عن خلقتي ومعش لك دخله فيا
ادم..ورب الكعبه نولع السياره مانوقف الا عندك راسك يطير في يدي
هناء...اعصابك ياروحي لايطقلك عرق
ادم...هناءءء
هناء...نعمممم
ادم...تحذفي امها توا
هناء..انت من
ادم...ولد عمك مش حنسمح لصوركن ينزلن
هناء...باهي ياولد عمي شوخ علي اللي تبي تأخذها انا اسلحني من دماغك
ادم...هناءءء
هناء...معش لك دخله في حياتي
ادم...لادخلني
هناء...صكر الخط في وجه
ادم...صكر علي يده والله نوريك ياارنوبه رد التلفون في جيبه
هناء...حطت التلفون جنبها تنهدت فتحت القران بدت تقرا
#نورهان✍
صباح يوم جديد تحديدا ساعه7
الكل راقد
امينه...طلعت للحاجر
هناء...مقعمزه علي الكرسي تشوف لسماء
امينه...يييه هنو
هناء...مسحت ادموعها شفتلها
امينه...اعيونك حمر ومنتفخات انشالله عالقه
هناء...اممم
امينه...عدي تريحي
هناء...كل مانبي نصكر اعيوني انتخيل نوعى علي اعياط وصريخ مش قادره نرقد
امينه...قولي خير
هناء...مني
امينه...اعيونها
هناء..صاح ادم يبي يخطب رسمي
امينه...قربت حضنتها كنك هنو
هناء...لاااا مافي شي
امينه...اتحبيه
هناء...اها انحبه مش متخيله يكون لغيري بعد الكره اللي شايلته في قلبي له انقلب حب حركاته بصارته معايا حتي عرايكنا مانبيش انتخلا عنهن
امينه...نجك لي
هناء...امنعي الخطبه حسيت الموضوع جديات
امينه...هوا صاح جد الموضوع بس ادم حسيته يمكر فيك
هناء...شن اندير عشان معش يفكر فيها
امينه...يروح باتي قولي نبي نشتغل
هناء...كيف يعني
امينه...انتي قولي هكي مش تبيه مايكون لغيرك
هناء...اهااا
امينه...خلاص ديري اللي نقولك عليه
هناء...كان خذاها
امينه...يكون النصيب اقوي منك
هناء...اوووف
امينه...ههههه عدي تريحي جوا
هناء...امس كلمني قالي.................
امينه...هههه نجكم ليا
هناء...عشان الصوره اللي نزلتها
امينه...صديقك هوا
هناء...لا ممكن صديق اسراء واصيله لاني دايره تاق
امينه...لامش صديقهن
هناء...جد
امينه...اها رافض بنات علي صفحته عشان اصحابه
هناء...يعني
امينه...يراقب في صفحتك
هناء...احلفي
امينه...واللهي
هناء...حذفت الصوره وحطيت بدالها صور اب وبنته
امينه...دزيله حذفت الصوره
هناء...لافكيني
امينه...كرت التلفون افتحي
هناء...فتحت التلفون
امينه...دزتله( حذفت الصوره ياولد عمي خفت يشوفها حد يكبد فيا عشانك حذفتها )..تم التسليم
ادم...حاط يده علي وجه في السياره سمع رساله
ايمن...من
ادم...فتح تلفونه قرا الرساله ابتسم صكر التلفون
ايمن..من
ادم...شركه لبيانا
ايمن...تخليك تضحك
ادم...شفله وحط يده علي وجه
ايمن...شكلها الشركه دزتلك انحبك
ادم...هه قالك
ايمن...هههههه واللهي
ادم...ننزل نسأل علي عمي
ايمن...اشرب قهوتك
ادم...رويت من القهوه
ايمن...حتي انا لكن لأني مش راقد حتي الوكال منسده نيتي
ادم...هانت ايدير العمليه ونطمنو عليه نرقد يوم كاااامل
ايمن...حتي انا والله
ادم...نزل من السياره فتح تلفونه دز رساله ل هناء(اكويس فاهمه درسك)...تم الاستلام
هناء...ابتسمت
امينه...شن كتب
هناء...دارت تلفون شور امينه
امينه...ههههه نجك لي دومي
وعوو الكل وكل وحده استلمت حاجه ....جت ساعه 1:30
إسلام...نسمع فيك هنيوا
هنيه...فاضي
إسلام...اها
هنيه...حبيبي مسكتني ليه
إسلام...صبي من قدام عبدالله شن تحكي
هنيه...شن اندير نقولها ل امي الكل لاهي وباله مشغول
إسلام...شن اندير انروح
هنيه...لاحبيبي خليك نحكيلك بس
إسلام...اووف اووف هنيوا مش وقتها
هنيه...تبكي ياريتني ماحكيت
إسلام...كيف ياريتني ماحكيت اكيد تحكيلي انتي حامل
هنيه...نحس في روحي ح نزل
إسلام...يمشي ويجي ديري راي لعند مانروح ماتتوتريش بس
هنيه...شن اندير
إسلام...عدي احكي ل امي توا اديرلك راي انا علي العصر نكون عندك
هنيه...لاتوا هكي تقعد تجري
إسلام...شغلتيني عليك
هنيه...حبيبي ماتشغلش بالك ندمت اني حكيتلك
إسلام...شايله حاجه ثقيله
هنيه...لا
إسلام...رقدتي
هنيه...ساعه هكي
إسلام...جسمك يبي راحه عدي تريحي
هنيه...ماسكه بطنها باهي حبيبي نبي نصكر
إسلام...كنك
هنيه...امي تعيطلي
إسلام...هنيوا قويه الليه
هنيه...تبكي اهاا
إسلام...خلاص معش تبكي توا انجيك
هنيه...باهي
إسلام...اوكي
هنيه..اوكي صكرت
فاطمه...كنك
هنيه...ليه تقطع فيا
فاطمه..تعالي معايا
هنيه...وين
فاطمه...لداري
هنيه...تمشي معاها
اميمه..كنك هنيوا تبكي
هنيه...يدها علي بطنها دموعها ينزلن
فاطمه...ليه عليها
اميمه...حي عليا لحقتهن
فاطمه...ارقدي
هنيه...مانبيش نرقد
فاطمه...تخف الليه
هنيه...خشت في السرير
اميمه...جابت امخاد رفعت كرعيها
هنيه...ليش الليه نبي انزل صاح
اميمه...لالا لأنك ماترقديش
فاطمه...صكرت الروشن ارقدي ماتطلعيش بكل
فرح...كنها هنيوا
اميمه...عندها ليه
فرح..يييه جت جنبها من شنو هنيوا
هنيه...مشعارفه
فرح...خلاص عدن توا نقعد معاها انا
فاطمه...عينك منها خليها ترقد
اميمه...حتي الفطور مافطرت
فاطمه...توا انديرلها
مريم...خشت لدار شن في
فاطمه...هنيوا عندها ليه
مريم...اعصاب معده
اميمه..حتي ماتكلش
عبدالله...شن فيه
إسلام...عمي خش للعمليات
عبدالله...اها توا
إسلام...نبي نروح
عبدالله...احضر طلعته وعدي
إسلام...هنيه عندها ليه مرات اتنزل مافي حد يشيلها للعياده
عبدالله...لا صاح عدي انا قاعد
إسلام...بينا الو
ايمن...شن فيه
إسلام...هنيه مريضه وضروري مانروح وبالي مشغول علي عمي عمران
ايمن...لاعدي وتهنا خش توا بأذن الله مش حيطول
إسلام...انشالله يارب
ايمن...خلاص اربح وحده وحده
إسلام...خذا مفاتيح تمام
عبدالله...مش تجري ياإسلام
إسلام...انشالله كلموني
ايمن..تمام تمام اربح وعينك من روحك
إسلام...تمام وربي يطمنكم عليه
ايمن...انشالله
إسلام ولع سياره توجه ل البيضاء
اميمه...كولي
هنيه...مانبيش
اميمه...خليك في مكانك وكولي ماتحركيش
هنيه...مانبيش ياخالتي
فرح...كولي حتي من قل الوكال
هنيه...نيتي منسده
فرح..كولي عشان اللي في بطنك هيا سلم خيتي
هنيه...بدت تاكل من يد اميمه
ابتسام...شن صار
مجدي..مازال ماطلع
ابتسام...يارب كون معاه
مجدي...كلنا قعدين نرجو فيه
ابتسام...نقرا في قران طمني
مجدي...تمام ياروحي عينك من روحك
ابتسام...انشالله يالقلب باي
مجدي...باي
ابتسام...مسكت القران تقرا
فاطمه...صكرت القران شن صار
ابتسام...مازال ماطلع تقرا في قران ودموعها ينزلن
فاطمه...مسحت ادموعها بدت تكمل في القران
ابتسام...حطت القران علي صدرها وتبكي بصوت
فاطمه...لااله الا الله ولاحول ولا قوه الا بالله خلاص بسومه توا تفجعيهم
ابتسام...مش قادره امي
رزان...خشت بيسو
فاطمه...خليها تبكي
رزان...شن فيه
فاطمه...مضايقه
رزان...حضنتها ياعمري انتي
امينه...شن فيه كنك تبكي باتي كنه
فاطمه...مافي شي كانت تقرا في قران قعدت تبكي بروحها مضايقه خلنها
امينه...خلاص بيسو ربي يطمنا عليه امبدري طمنونا امتي مادكتور يقرر علي العمليه ايديرها ونطمو عليه
ابتسام...شافت ل فاطمه
فاطمه..صكرت اعيونها انشالله ايديرها ويطلع طيب
فاتن ساعتين
عبدالله...وينك إسلام
إسلام..في مدخل البيضاء وصلت
عبدالله...تجري
إسلام...شن اندير
عبدالله...عمي عمران طلع وكويس
إسلام...الحمدلله باهي والله شفتوه
عبدالله...من تيلفزيون شفناه
إسلام...اكويس
عبدالله...شكله هكي اكويس قال الدكتور واحد من الشراين يضخ للقلب 20% وين كنتو بيه هذا
إسلام...لا ياراجل بس كان مافيه شي
عبدالله...لاجيتي الأخيره وجه اسود كيف المغصور قال جايته جلطه لها فتره وهذي الثانيه كان تأخرتو بيه مشعارف شن كان صار
إسلام...الحمدلله ياربي راجل طيب الله ربي نجاه
عبدالله...اي والله باهي مانطولش عليك والحمدلله علي سلامتك
إسلام..الله يسلمك
عبدالله...اوكي
إسلام...اوكي
ايمن...مجدي كلم ابتسام طمنها
مجدي...رفع تلفونه ورن علي ابتسام
ابتسام...صكرت القران تشوف لتلفون
رزان...ردي
فاطمه...ردي
ابتسام...خايفه
فاطمه...ردي سلم بنتي
ابتسام...يدها ترعش فتحت التلفون الوو
مجدي...الحمدلله علي سلامته
ابتسام...تبكي الله يسلمك دارها
مجدي...اها اووضعه مستقر شفناه اكويس الحمدلله
ابتسام...احلف
مجدي...والله نحكي جديات
ايمن...عطيها ليا
مجدي...هاكي عمك
ابتسام...الوو
ايمن...طمني امي وفاطمه والكل عمران بصحته وكويس وتوله الحفله ع سلامته
ابتسام...تبكي بصوت نزلت التلفون
رزان...تمسح في ادموعها شن فيه
ابتسام...امي باتي دار العمليه
فاطمه...الحمد وشكر لك ياربي
رزان...لوووووووووووولي
ايمن...راحت بكل مدله التلفون
الكل...اجمعو علي رزان
امينه...شن فيه
رزان...عمي عمران دار عمليه وكويس
امينه..تبكي عم
فاطمه...تحضن فيهن الحمدلله ياربي الحمدلله
انقلب الحوش من الحزن وقلق وحرق اعصاب لفرح ولصوت زغاريت
اروي توزع في عصير وحنان توزع ف شوكولاطه
هاجر...نجيلي زوجات خوتي
اروي...هههه
هاجر...اناعلي نا
اسراء..عنجد زوجات
هاجر..ههههه
اصيله...صحيتن في فرحكن انشالله
هاجر...اقريب عاد بعد اشهرين
اصيله..جديات
اروي...ماعنديش علم
حنان..شفتلها ولا انا
هاجر...علي اساس نبي انجي انا وامي الأسبوع هذا لكن نصيب مرض عمران انشالله يطلع انجو
اروي...بديتي توتي
حنان...لاوالله
الباب يطق..
امينه...خليكن توا نفتح انا طلعت من
احمد...انا
امينه...من انت
احمد...انا احمد اخ مجدي
امينه...فتحت الباب تفضل
احمد...ينزل من السياره في ثلاث بوكسات اكبار موس كيك يحط فيهن يلا الباب تفضلي
امينه...طلعت راسها شافت البوكسات ردت شن هذين
احمد...التفت دز عليهن مجدي علي طلعت عمي عمران بخير وسلامه والحمدالله علي سلامته
امينه...الله يسلمك ليش اتعبو في اروحكم
احمد...مش شوري شور مجدي
امينه...مردود في الفرح انشالله
احمد...انشالله
امينه...نزلت تاخذ في البوكسات
احمد...شفلها
امينه...خذت بوكس وخشت
احمد...رد صكر الباب والأبتسامه مرسومه علي وجه ركب في سيارته وطلع
#نورهان✍
إسلام...شن فيه دكتوره
دكتوره...الجنين وضعه اكويس لكن عندها القولون العصبي في حاجه مضايقتك شاده اعصابك
إسلام...اها باتها كان مريض
دكتوره...لاباس انشالله
هنيه...ماتشوفي باس يعني الجنين مافيه شي
دكتوره...لامافيه شي وضعه ممتاز
إسلام...الحمدلله
طلعو من الدكتوره
إسلام...حبيبي
هنيه...نعم عمري
إسلام...معش اتفكري في شي
هنيه...انشالله
إسلام...فتح السياره
هنيه...اركبت
إسلام...سكر الباب وجا ركب وصكر الباب خوفتيني عليك
هنيه...علي فكره انت مجنون انكلمك اتروح وبسرعه هذي
إسلام...كان في نهايه الدنيا انجيك والله طول الطريق بالي عندك
هنيه...نجك لي ربي يخليك ليا
ادم...ويخليك لي
#نورهان✍
فاتن يومين....
ايمن...ايوا تسمعي فيا
امينه...اها
ايمن...حطي سرير في المربوعه
امينه...جيين
ايمن...قريب نخشو ل البيضاء
امينه...نجكم لي هيا هيا امي باتي جاي بيسو فريحه هنيوا هنو باتي جاي هذا وين نور حوشنا تحكي وتبكي الحمدلله ياربي هيا تعالن حولن طروف من الصالون نحط السرير
حواء...قربت حضنتها الحمدلله ياحبيبتي ربي طمنك عليه
امينه...الحمدلله ياعمتي الحمدلله
ابتسام...تصلي في ركعتين شكر
فاطمه...جنبها رفعت ايديها تدعي
ابتسام...سلمت وتشوف ل فاطمه اللي تدعي ودموعها ينزل بدون صوت دموع فرحه دموع لهفه
ابتسام....قربت حضنتها وحاطه راسها علي كتفها الحمدالله ياربي
فاطمه...يستاهل الحمد ربي كريم
حني امينه...افريحه
فرح...نعم حني
حني امينه...جبيلي عكوزي نستقبله برا
فرح..هيا
حني صالحه.. حتي انا
فرح...ههههه حاضر
بعد نص ساعه بدا التبيب دايرين زفه لعمران ولمفرقعات من عبسي وحمادي..
البنات...جوا يزغرتن
ابتسام..باتي صبت طلعت تجري فتحت الباب ونزلت من الدروج
صالح..ماسك في يد عمران
ابتسام..جت حضناته وتبكي الحمدالله ياربي الحمدالله اللي شفتك طيب
هناء..باتي تبوس في يده وتبكي نورت حوشك ياضينا بلاك حوشنا مظلم
طلعن البنات كلهن يحضنن فيه عمران دموعه ينزلن
حني امينه..حولن علي اولدي
عمران..امي قرب حضنها
ايمن...يده علي كتف ابتسام اطمنتي جبته لك ولا
ابتسام..برمت حضناته ربي يطولي بعمرك وبعمره وبعمر كل اللي وقفو جنبه
ايمن..نجك لي ربي يطمني عليك حتي انتي ماعاد نبي شي
ابتسام..زادت حضناته اللهم امين
عمران يسلم علي الكل
هناء...لصقه جنبه
عمران...يده علي كتفها ويرقي مالدروج خش للمربوعه قعمز علي السرير
هناء..رقت ع سرير قعمزت جنبه تحضن فيه يييه شينك حوش بلاك بابيتي
عمران..هههه الحمدالله علي كل حال
فاطمه..شن داير
عمران...الحمدلله انفسي رد الحمدالله
فاطمه..الحمدالله ربي طمنا عليك
ادم...خش للمربوعه هيا فضو المربوعه الرجاله اللي برا يبو يخشو
هناء..مش طالعه نقعد معاه في البطانيه مش ح يشوفني حد
ادم..قرب مسكها من شعرها محلاك هيا برا
هناء..ياباتي
عمران..تريح ياادم
ادم..ماتسمعش في الكلام
هناء..صبت باست عمران في خده ربي يطولي بعمرك ياضي حوشنا اها باتي خطرها الأسبوع الجاي باديه في الأكاديمية
عمران..انشالله
ادم..يالله يالله قدامي
خششهن كلهن جوا وطلع برا خشش الرجاله اللي وقفين برا
مجدي..بيسو
ابتسام..قلبها
مجدي..اطلعي
ابتسام..وين
مجدي..لحوشنا نبيك اشوي
ابتسام..توا
مجدي..اها
ابتسام..بس بدا الحوش يزحم
مجدي..مش حنطولو
ابتسام..حاضر نلبس بس
مجدي..نرجا فيك برا.....يتبع
