#جبرني_الوقت⏳
#الحلقه_الرابعه
بقلمي✍ #نورهان Ñř Ŕóhã
هل سَتشفـى...
ارواحنـآا يومـاً مااااا
ام انهـاااا ستفـاارقنـاا وهي متعبــة.....⌛
~~~✍
قدام حوشهم رجاله من ضمنهم عمامها يبرمو قدام الحوش جا في بالها طول عبسي عزقت تلفونها وطلعت تجري كان نبضات قلبها اسرع منها تفتح في الباب الصكرا اللي فوق طولت ماحلت تخبط افتحي افتحي فتحتها وجمعو عمامها قدام الباب
ابتسام....مننننن ياعمي في من
عمها صالح...قولي لا اله الا الله عبدالسلام عطاكم عمره.
ابتسام.....بعلو صوتها لاااااااا تخبط في وجها خيي لااااا خييي لااا ينعلي ياامي ينعلي ياباتي خيي
هناء...شالت الغطاء وطلعت تجري ابتسام
هنيه...ينعلي اعياط كنكم
عمران...ينعلي صوت ابتسام هذي طلع
ابتسام..اتريش في روحها قولولي لااا ينعلي امرايفه ياهوو امرررايفه
صالح...يمسح في ادموعه قولي لا اله الا الله الله يرحمه
ابتسام..مش مصدقه وخرو نبي انشوفه خوذوني له
صالح...ياابتسام انتي عندك السكر
ابتسام...وووووو علي نا خييي انموت نا انا نموت هوا لاااا
عمران...لا اله الا الله كنكم كنكم
هناء وهنيه ..ورا بعضهن كنكم
ابتسام...وووو اتخبط ع وجها عبدالسلام ينعلي مات
عمران..طاح قبل ماتكمل كلامها
فاطمه...مقعمزه علي الدروج كرعيها معش شالنها
في نص ساعه الحوش كان مليان والبنات مش قدرات يصدقن مستمرات في العياط
في حوش حني امينه....
ايمن..امي امي
حني امينه...كنك ياايمن
ايمن..ياامي امينه وين
حني صالحه..في الدار راقده ساعه كم خليها راقده
ايمن..ياامي ابتسام ارتفع عليها السكر خذوها للمستشفي هيا نمشو غادي حيسين البنات سيبوهن برواحهن
حني امينه...ينعلي وصلت لل المستشفي هي
ايمن...اها هيا تمشو تونسو البنات برواحهن
حني امينه..هي هي عدي وعي امينه
ايمن...خوذي دواك معاك نمشي انوعيها
حني امينه...باهي باهي
ايمن..طقطق
امينه..افتحت اعيونها من
ايمن..عمك ايمن
امينه..فتحت الباب اتبعد في شعرها من اعيونها عمي
ايمن..البسي تمشي لحوشكم
امينه..مسكت يده شن فيه
ايمن..خانقته العبره مافي شي ابتسام كالعاده
امينه..تبكي ينعلي كنها اختي
ايمن..ارتفع عندها السكر وخذوها للمستشفي والبنات قعدات برواحهن
ابتسام...حي علي هيا هيا
بدت امينه تلبس في عبايتها وشاحها وطلعت للحنها تشوفها
~~~
.في حاجر هل مجدي ديرين الرجاله كراسي وبرا يركبو في اخيام
صالح..يشرب في عمران اميه قول لا اله الا الله انت راجل ايمانك بالله قوي
عمران..الا في هذي اولدي فرحان بيه
صالح..ذخر في الجنه
عمران..نبي نفرح بيه في الدنيا نبي انشوفه
صالح..مازالو في الطريق
عمران...ماتحطوش في الثلاجه
صالح..عشان النزيف
عمران...صبا وطاح وجتمعو عليه الجيران
~~~
بدر..طقطقطق
فرح...دوبها خشت للفراشها شافت ل ساعه من يبي يجينا توا طلعت من من
بدر..حلي افريحه
فرح..خالي اكيد ناسيات حاجه البنات جيتك افتحت
بدر...اعيونه حمر
فرح..ينعلي ياخالي كنك
بدر...مافي شي صاحبي توفا وتوا كلمني عمران قالي ابتسام ناسيه دواها رقدوها في المستشفي ونا بكرا طالع للمرج نوديكن توا
فرح...ابتسام هكي خلاص خالي عدي بكرا توا اندز علي يوسف ولااسلام يودينا
بدر..هيا سلم خالي يجارو هذوم
فرح..هي نوعي حني ونطلعو معاك
بدر...نرجا فيك
يوسف..موقف عند حوش بدر شايل عايشه والبنات ديرات مناحه
في دقايق طلعت فرح ماسكه حني صالحه وتركب فيها في السياره شافت ل سياره يوسف دار ضي ونزل لطريق اهو يوسف
بدر..اها
فرح..كان هكي نمشو معاه مافيك ماطلعت في ليل
بدر...لا عادي عنده شغل
فرح..براحتك اركبت في السياره وتتصل ب هناء وهنيه وابتسام مايردنش رنت علي امينه
امينه..الوو
فرح..خير مني
امينه..خير افريحه ماشيه لحوشنا ابتسام في المستشفي
فرح..حتي انا جايه غادي
امينه..خلاص قريب نوصلو
فرح..انتلاقو باي
ابتسام...ياربي كيف بنصبرو بلااه عزوتنا ياربي ليش ياربي ليش
سعده ام مجدي...ربي يحبه خذاه
ابتسام...مازلنا نبوه نحنا صبت طاحت اغمه عليها
امينه..تحط في تلفونها في شنطه مع خشتهم في شارع شافت ل خيام
ايمن..عبدالسلام عطاكم عمره
امينه..افتحت باب السياره لالا
ايمن..السياره تمشي
امينه...تعيط بعلو صوتها من بدايه الشارع عبسي لاااااااا خيي لااااا كان معايا كيف مات
صالح..جاها يمسك فيها اسكتي قولي لا اله الا الله
امينه...كيف انقولها حي علينا حي وووووه علينا خيي خييي وحيدنا وخر انتو تكذبو عليا شافت ل عمران جاته تجري قدام الرجاله باتي باتي قولي كذبه عبدالسلام حي
عمران..اضبطها
امينه..دفاته لااا لااا خيي لا ووووووو علينا ياامي حي علينا ياامي ينعلي فقدنا خونا
فاطمه...سااكته في وضع الصدمه يضبطن فيها جراتها وجت اميمه ومريم دارن مناحه قدامها فاطمه مااثرش فيها ولا شي اتكرر قالي توا انجي قالي توا انجي
خشت امينه تعيط جنها اميمه ومريم هناء وهنيه بنات خلاتها مادرنش اشوي في وجوهن
يوسف..انزلن
عايشه اروي روان رزان دارن مناحه بعد خشن بدال مايهدن اللي قعدات يبن من يهديهن
فرح...شن الزحمه هذي
بدر..قولي لا اله الا الله
فرح..خيتي لا خيتي لااااا
بدر..لا
فرح...انزلت اتعيط ينعلي ياابتسام ينعلي كنتي عندي
عبدالله...يمسك فيهاا قولي لا اله الا الله عبدالسلام اللي مات
فرح...شفتله طول اغمه عليها
عبدالله..لاحول ولاقوه الا بالله رفعها
بعد ساعتين من العلم
مازالن البنات علقات ابكاء ويقولن في كلام يقطع القلب
ايمن...خش للخيمه
ابتسام..صبت عمي عمي وراسك نبي نشوفه امرايفه عليه كان امرايف عليا
ايمن...حظنها اسمعن كلكن خانقته العبره عبدالسلام قاعد برا في سياره اسعاف تبن اديرن اللي درتنا انرد بيه للمستشفي تبوه يبات معاكم ولا في الثلاجه
ابتسام..حضناته معانا معانا
امينه...ينعلي ياعمي جيبه نشبع منه
هناء...اتعيط وتريش في روحها يمسكن فيها كيف نبي نشوفه ميييييت ياهو ضحكتي السمحه سماحتي بصاري كيف يجيبوه ميت
ايمن...انرد بيه
ابتسام...تمسح في ادموعها لالا نزله وعد نسكتو
ايمن..فاطمه وين
ابتسام...شيرتله اهي
ايمن..شفلها وجاها نزل حظنها قعد يبكي شدي عزمك
فاطمه...عبسي حي قولي حي كله كذب
ايمن...قولي لا اله الا الله
فاطمه...وينه
ايمن..برا في سياره الأسعاف عمران قال مايخشش الثلاجه
فاطمه...اوليدي صقاع مايحملش الصقع الثلاجه مصقعه جيبه في داره علي سريره الدافي
ايمن...فاطمه انتي اكويسه
فاطمه..اكويسه نمشي انضم سريره نزله
ايمن...صبا قعد يشوفلها وهيا خاشه للحوش ومش منزله دمعه كلامها غريب شاف للبنات انزلها نسمع وحده اتعيط انرد بيه
امينه..خلاص عمي نزله
طلع ايمن والبنات وقفات يشوفن
عمران ماسكه بدر منهار خشه جوا لدار عبدالسلام
...خشو شايلين التابوت ابراهيم يوسف اسلام ايمن عبدالله
ابتسام..حطت يدها علي فمها وتبكي
خشو التابوت وكل وراه
فاطمه...تشوفلها وهم خاشين بيه لدار
ايمن..قولو لا اله الا الله الله غالب كلنا لها ماحد راد منها الطريق هذي نزلو التابوت حطوه علي سريره ايمن..خلوه بالتابوت
فاطمه...نزلوه لوطا
ايمن..يافاطمه.
فاطمه..شفتله
البنات...يتباكن بصوت عالي
ايمن...طلعهن وصكر الباب
فاطمه...فتحت عليه الغطاء علي وجه بكت بصوت عااااالي يمي جيتني دموعها ينزلن عليه كيف الشلال علي وجه يمي خليتني بروحي نرجا فيك تكبر عشان انزوجك جيتني بتابوت قهرتني يمي فيك ترفع في راسه لفينه له بشاش
ايمن...طبس عليها يبكي لااله الا الله الله يرحمه
فاطمه...التابوت قطع انفسه طلعوه حطوه علي سريره الدافي
ايمن..خايفين ينزف
فاطمه..انا معاه اولدي مضايق منه
عمران... ليش سيبتنا ياباتي
يوسف...يرفع في عبدالسلام هوا واسلام من التابوت لسرير
فاطمه...اتغطي في صدره ليش يمي مشرطين ادبشك شن الحاجات اللي علي صدره
ايمن...جا للمستشفي حي دروله الصدمات
فاطمه...ماخلاتش يكمل كلامه صبت اطلع في بطاطين من دولابه اتغطي فيه اوليد امصقع
بدر..فتح الباب لقا عمران وفاطمه علي راسه قولو لا اله الا الله كنتو اتمنو يجيكم عيل لما ربي عطاه لكم فرحتو ولما خذاه درتو الشي هذا
فاطمه...يمي شن حسيت حسيت بألم ياريتني نا ولا انت في المكان هذا ياريت ماعشت لذوقت ناركككك ياروحي
عمران...لا اله الا الله انا لله وانا اليه راجعون
ابتسام..خشت وراها البنات
ايمن...مانبيش صوت
ابتسام..دفاته خيي هذا وحيدنا جت طاحت علي كرعيه امرايفه عليكككككك اتجيني الجيه هذي ي عبسي شينك جيه ياخيي متت ماكليت اللي خاطرك فيه مازلنا نبوك معانا
امينه...ماسكه يده وتبكي بصوت عالي كنت معاي انا اللي وتيتلك للمشيه ياريتني خليتك ماوتيتلك
فرح....ماسكه وجه بين ايديها وتبوس فيه امرايف علي فرحتك ينعلييييي ناااا المقهوره فيك متت ماشفتني ياريتني جيت وحقيتك انجي انحقق ميت ياحبيبي
فاطمه...غطن خوكن اتصقعن فيه
عمران...انا لله وانا اليه راجعون اللهم لا اعتراض علي امرك يارب
بدر...فاطمه بحتي في
فاطمه...ياروحي ياامي ياحنوني اللي مايحمل في حاجه
بدر..مسك وجه فاطمه وخلاها تشوفله.
فاطمه...اوليدي مصقع يابدر اوليدي الدافي مصقع مش قادره اندفيه
بدر...دفيه بالقران ابكاك وكلامك يقطع فيه امشي توضي واقري عليه قران بدال مادايره مناحه هوا لو بكيتن عليه العمر كله مش جاي خلاص حكم ربي ونزل امانه ربي عطاه لك وخذاها
فاطمه...تشوفله انقهرت فيه
بدر...قهرنا كلنا عدي سلم خيتي توضي صبن حتي انتن
ابتسام...لا
بدر..توضن وضو صلاه وكل وحده قران في يدها وقرن عليه
عمران..يمسح في ادموعه صبي سلم باتي كلام خالك صاح هيا افريحه الله غالب سامحنله وقرن عليه قران توصله
فرح...ياباتي هذا عبدالسلام
عمران..الله غالب مافيدي شي حكم ربي ونزل....
بعد بدر حكا معاهم توضو كلهم وكل واحد في يده مصحف يقرا ماعادا هناء ماخشتش علي عبدالسلام دايره مناحه برا
فاطمه...تقرا ويدها علي راسه
عمران...مقعمز علي الكرسي يقرا وجنبا امينه
ابتسام..جنب كرعيها وتقرا
هنيه.وفرح...قعدات معاه علي السرير وكل وحده في يدها مصحف
ابتسام...تقرا ودموعها مليات المصحف تمسح وترد تقرا يزيدن
اسلام..ياشباب انا ماشي انجيب خبزه مالكوشه
يوسف..عينك مالطريق
اسلام..تمام
عبدالله...يدخن ازعما ايسيرلي هكي حتي انا
يوسف...ماسمعت شي تمام بعدها انت انا اللي نمشي معاك لاكيماوي لا شي نووي طول احرق امه بكل
يوسف...يبي نووي اقل شي نطلع من ليبيا اقل شي اقل شي80الف في جيبي شن تحكي انت مازال الباقي
يوسف...مايهمك شي كلمت حمزه وحكيتله قالي توصلو ل تونس بسلامه ماتفكرو في شي
عبدالله...حمزه نين ناسي وجه
يوسف..ههههه خلاص استقر غادي
عبدالله...ربي يسعده
يوسف...انشالله
فات الوقت بسرعه البرق⌛س10:24ص
صالح...هيا اطلعن نبو ناخذوه
ابتسام...حاضنه كرعيه لالالالا مش معطيته خيي وين تبو تاخذوه
فاطمه..مطبسه علي راسه خلاص درتها مشيت معش نشوفك معش نسمع صوتك ولاهرجتك ياحبيبي قهرتني في عمري
فرح...ادف في صالح وين تبو تاخذوه
فاطمه...حاضنه راسه وتبوس فيه انا لله وانا اليه راجعون يارب صبرررني ياربي اوليدي يارب فرحتي يارب عريسي صبرني يارب
ابتسام...لاعبسي وين ماشي مازلنا في شوقتك ياخيي
عمران...ختمتن القران عليه هوا في حفظ الله انهار ابكا مافيدي شي امانه عطاها لنا ربي وخذاها
امينه....يارب الصبر من عندك
ابراهيم ...سلم بناتي هيا نبو انغسلوه ونمشو لجامع وقت
فاطمه...الله يسامحك الله يسااامحك ياامي راضيه عليك في دنيا ولاخره تبوس فيه
عمران...كرها خلاص وقت علي الصلاه
فاطمه..تبكي وتترجا فيهم خلوه لي ليش القطن في خشمه وفمه وذانه ليش اوليدي السمح يموت هكي ليش
عمران...قضاء الله وقدره مش اوليدي حتي انا مش قهرني حتي انا
فرح...حضنت عمران ياعزتنا فيه ياباتي
عمران ...انهار ابكا
بعد جهد جهيد طلعو فاطمه وامينه وهنيه وفرح وابتسام بشرط فاطمه يتغسل في داره علي سريره
طلعن للخيمه يستقبلن في العزايه طلعن راضيات بقضاء الله ماعاد هناء اللي وجها خارب وصوتها رايح ومازالت مستمره في العياط بذات بعد حقت خواتها
فاطمه..مقعمزه جنب دار عبدالسلام وترجا فيهم استوعبت خلاص انا مات بعد شفاته وقعدت معاه الليل كله جت
حني صالحه... حضنتها ربي يصبرك
فاطمه...وين نلقاه الصبر ياامي اولييييدي
حني صالحه...ذخر في الاخره
فاطمه...نار في صدري ياامي نااااااار
حني صالحه.. انهارت معاها جت حني امينه لفات عليها وتباكن
بعد ساعه طلع عمران
فاطمه...صبت
عمران..اعيونه منتفخات كلمو الشباب
هنيه...تبكي تبوو تخذووووه
عمران.. لا اله الا الله وقت علي الصلاه
اروي...مشت طلعت للخيمه قبلها يوسف
يوسف..فيش اديري برا
اروي..تبكي تعالو خذوه
يوسف..عبدالله
عبدالله..رفع يده
يوسف..كلم سيده وشباب تعالو
خشوو الشباب وعمامي وخوالي لدار
طلعو التابوت
فاطمه...ماسكه فيه خلوه لي
عمران..يبكي
بدر...يوخر فيها اذكري الله
طلعو للحاجر
يقبلنهم البنات كلهن بنات عمامي خوالي خلاتي دارن مندب كأنا توا كيف مات علي طلعت التابوت
صالح...قلت سكتن
ابتسام...طلعت معاهم لبرا
يوسف..حط التابوت في سياره عمران ورد ماسك ابتسام من يدها ويشوفلها مجدي خشي
ابتسام..وخر يددددككك نبي نمشي معاه ماعندي عليش قاعده انونسه
صالح...مسكها من يدها خشي خلاص صبري امك وخياتك
ابتسام...وانا انا من يبي يصبرني
عليه مننن
طلعت السياره والشباب وعيال عمامي وخوالي ركبين معاه من لورا
فاطمه...اغمه عليها
ايه...في الدار حاضنه المخده وتبكي ليش خليتني
اروي...اتنظم في الدار وتشيل في الدبش
روان...تشوف لي اروي ويه
اروي...الله غالب ياويه
ايه..كان يحكي معايا قالي طالع توا من الاستراحه نحكي معاك بعد انروح عينك من روحك ويتي اخر شي قاله
اروي..جت حضنتها خلاص قطعتي قلبي
ايه...تبكي وصوتها رايح ينعلي داره فضت
روان..تبكي خلااااص طلعت خذت الحاجات اللي في الدار
كانت بنة البارزيتي فاااايح علي السرير المخده الدار كلها بنتها بارزيتي
فات الوقت اذن الظهر فاطمه ماسكه سبحه وتستغفر تبكي بدون صوت
ابتسام...قاعده جنب حني امينه
هنيه فرح امينه صبرات لانهن حقنا وايسن منه ماعاد هناء طايره بلا جناحات في يومها
روان..نظمنا كل شي في مكانه شن انديرو نصكروها
ايه..راقده علي السرير وحاضنه المخده ساكته رفعت راسها صكرنها وعاطن المفتاح ل خالتي
اروي...الله يرحمه انخلي الروشن مفتوح عشان بنة
ايه..مشت وقفت عند الدولاب فتحاته دبش عبسي المعطر المنظم عطوره ساعات كلشي كان منظم ماسكه الدولاب بيديها وتبكي
اروي..خلاص ويه الله يرحمه
ايه...كيف ننساه وهوا روحي
روان...طلعت تبكي
اروي..توا نحنا لازم مانصبرو عمتي والبنات
ايه..صكرت باب الدولاب وطلعت للخيمه
فات الوقت جو الرجاله من المقبره حطو الغداء وجو بلا عبدالسلام جايبين الجرد الابيض متاع عمران مغطينه بيه بنة العطر عليه عطاه بدر ل فرح ماسكته فرح حاضتنه وتبكي بدون صوت
فاتت اول يوم ثاني يوم ثالث يوم كانت الخيمه الحوش الحاجر مليان ناس طالعه وناس خاشه بنات عمامي وخوالي وخلاتي قيمات بالواجب العزا كاضيافه
سعده..ابسومه
ابتسام..تشوفلها وهزت براسها بمعني نعم
سعده.. ناقصتكن حاجه
ابتسام..حضنتها لاااا معش نبو شي صحيتي
سعده.. الرجاله عندي يباتو مش ناقصهم شي شوفي خواتك
ابتسام..صحيتي عمتي مردودتلك في الفرح
سعده..قاعده معاكن اليوم حنان
ابتسام..ابتسمت بارك الله فيك
فاطمه..ابتسام
سعده...بسلامه تصبحي علي خير
ابتسام..وانتي بخير شافت ل فاطمه نعم
فاطمه..مسكتها من يدها تعالي
ابتسام...وين
فاطمه...خشت بيها ل دار اطلع في فرشات هاكي فرشي لضيوف
ابتسام...حاضر
فاطمه...اتمدلها
ابتسام...خذت وتبي اتلف طاحت من طولها
فاطمه...ينعلي ياربي فرح يااافرح اختكن
هناء. كانت في الكوجينه تشرب في اميه بعد اسمعت امها اتعيط جتها تجري خشت لدار لقت ابتسام طايحه
هناء...اتعيط بصوتها الرايح
اجمعو عليها كلهم
امينه..طلعت تجري برا ياباتي ياباتي
حي علينا
عمران..جاها كنك ياباتي
امينه..ابتسام طاحت علينا
عمران..ياسامي
سامي.اخ مجدي ...
سامي..جيتك
عمران..جيب السياره الله يربحك نسعف البنت غير سيارتي في نهايه الشارع
سامي...حاضر حاضر
عمران..خش جوا لقا ابتسام مش واعيه لحد امينه البسي هيا معاي
امينه..هيا واتيه
شلوها في السياره
عمران..يصفق في ايده لاحول ولاقوه الا بالله لاحول ولاقوه الا بالله
امينه...ماسكه يد ابتسام يارب
سامي...انشالله خير انشالله خير
وصلو للمستشفي طول خشوها للعنايه السكر مرتفع 400
الدكتور...يكشف علي اعيونها
نطلع نحكي مع هلها
الممرضه..تمام
عمران..يبرم نلقاها من وين ولامن وين
امينه...اه طلع الدكتور
سامي..لافي المستشفي ياراجل اهو كل شي صار فجاءه هيا اوكي صكر ومشا لدكتور
الدكتور...السكر 400لتوا مازال مانزل والهبوط في الضغط هيا ماتخذش في دواها ولا تاكل
عمران..يصفق في ايده يشوف ل امينه ليش ماشفتن اختكن
امينه...ياباتي كلنا حايسات
سامي..كان عندهم حاله وفاء
الدكتور...عظم الله اجركم
عمران...اجرك عظيم
امينه...سامي لوسمحت
سامي..نعم
امينه..جيب اميه ل باتي
سامي..حاضر
ماوقفش تلفون عمران فاطمه والبنات يسألن علي ابتسام
مجدي...وقف السياره ونزل
سامي....اووووي
مجدي..اااه سامي وين
سامي..في العنايه السكر مشيط
مجدي..رقا للعنايه ...
امينه...باتي انت روح وانا ح نقعد معاها لك ثلاث ايام م ترقدش في صبح اتجي
عمران...لالامانطلع الا بيها
امينه..ياباتي اسمع كلامي بس
عمران...من يقعد معاك
امينه...نقعد بروحي بعد ينزل السكر توعا امي اكيد منشغله عدي طمنهم
عمران..لالامش متريح
مجدي..خش للممر قابلوه ااه شن صاير
عمران..بنتي ابتسام ارتفع السكر عندها في العنايه
مجدي..يسقم في الطاقيه لاباس انشاءالله
عمران..ماتشوف باس
امينه...عدي ياباتي تريح
مجدي..كلمني سامي قال تعال مكاني مرات تنقصهم حاجه
عمران...بارك الله فيكم ماقصرتو
مجدي...الجيران للبعضهم
امينه...ريحني ياباتي
عمران...تلفونك معاك
امينه..اها
عمران..خليه مفتوح اي حاجه رني علي
امينه..باه
عمران..سامي وين
مجدي..لوطا
دكتور...مجدي اووو وين اديارك ياراجل مد يده
مجدي..شفله اوووو مد يده وسلم عليه شن الجو قاعد والله
دكتور..تمام الحمدلله شن جيبك عندنا
مجدي...ماسك يده اشوي شوفه لوطا ياسيدي
عمران...تمام اوكي
امينه...قعمزت علي الكرسي ويديها علي وجها شريط حياتها مره قدامها اكتفت بالبكاء وبس
الدكتور...بيش تقربلك
مجدي..فيك تقول خطيبتي
الدكتور..مجدي
مجدي..يووووه علينا
الدكتور...هيا خش
مجدي..تسلم
خش مجدي للعنايه يشوف ل ابتسام اللي ذابله راقده رقده تعب بطل هم يشوفلها
الدكتور...هامله دواها ارتفع السكر
مجدي..خاشه في غيبوبه
الدكتور..نشوفو مازال لتوا مانزل
~~~~~
في الحوش الكل واعي وحيسين
فاطمه...تبرم في الخيمه شافت السياره ضيها علي الخيمه طلعت نزل عمران
فاطمه..وين بنتي
عمران..في المستشفي
فاطمه..كنها
عمران..السكر ارتفع مش واخذه دواها بكل
فاطمه..كله مني انسيته وتوا من امعاها
عمران....امينه
فاطمه..امينه شن عرفها
عمران..الدكتور طمني ينزل السكر توعا بأذن الله الصبح تكون واعيه
فرح..جت تجري شن صار
عمران..اكويسه
هنيه..طولو
رزان...اكيد السكر واضح
هنيه...هملناها
رزان..معذورات كلكن
~~~~~ #نورهان✍
قعدت ثاني يوم بدت توعا ابتسام
الدكتور...واخيرا
ابتسام...عطيني اميه ريقي ناشف
الدكتور...نشوفو السكر قبل درلها الجهاز ماشالله نزل 192من 400
ابتسام..من امعايا
الدكتور..اختك
ابتسام...نبي نطلع نحنا مازلنا في العزاء اكيد انشغلو عليا
الدكتور..وسعي بالك مازلت نفحص فيك
ابتسام...كالعاده مافيا شي يرتفع انخش في غيبوبه ل ينزل السكر نوعا صار هكي لأني ليا ثلاث ايام ماخذيتش دواء
الدكتور...تنهي في حياتك
ابتسام..حولت الغطاء اللي كاتبها ربي مرحبا بيها
الدكتور..خليك في مكانك
ابتسام...اتسقم في وشاحها اكويسه ح ننتظم علي الدواء يتعدل مليت من اني انديرله اهميه السكر صبت
الدكتور..يعني
ابتسام..فيك اتقول جبرني الوقت اني انتعايش معاه السكر
الدكتور..اقل شي خليك يوم ثاني
ابتسام..وصلت للباب العنايه شافلته اكيد في حد محتاج مكاني
الممرضه..لوسمحتي بعدي دكتور فيه مكان فاضي للمريض طالع من العمليات
ابتسام..ابتسمت مش قلت اكيد في حد محتاج مكاني
الدكتور..حول السماعات حطهن علي السرير ابتسم ربي يعطيك الصحه
ابتسام..انشالله طلعت لقت مجدي وامينه
مجدي..بيسو
ابتسام..جاته مسكت يده خانوها اعيونها خيي اجودي خيي
مجدي..الله يرحمه ربي يحبه خذاه
ابتسام..حتي نحنا انحبوه مازال شوقه في الدنيا
امينه...تبكي بيسو خلاص صحتك
ابتسام..فكت يديها عدت ل امينه حظنتها مش قادره ننساها
امينه..ربي يصبرنا
ابتسام...تمسح في ادموعها باتي وين
امينه...روح
ابتسام...مع من انروحو
امينه..مافيش الا مع مجدي
مجدي..وعليش قاعد هيا
ابتسام..جينا
في السياره مع مجدي
امينه و ابتسام ركبات من لورا
امينه...تعبناك
مجدي..تعب شن
ابتسام...صوتها رايح ربي مايحرمني منك
امينه..قرصتها
ابتسام...اااه كنك
مجدي..فتح الروشن ويبتسم
ابتسام..قصدي صبا معايا وهله وقفو معانا يعني
امينه..تفنص فيها مع رنت تلفونها باتي
عمران..هاباتي وعت اختك
امينه..جيين في الطريق
عمران..كيف
ابتسام..خذت التلفون من يدها الو باتي
عمران..الحمدلله علي سلامتك شن دايره
ابتسام...اكويسه الحمدلله جايه في الطريق
عمران..ليش ماكلمتني
ابتسام..اكيد يجوك في اضيوف القيت امينه او ولد جيرانه شن كان اسمه
مجدي..شفلها م المرايه
عمران...مجدي مجدي
ابتسام...ايوا صاح هوا اللي مروح بينا خلاص قريب منكم
عمران..نرجا فيكم
ابتسام...تمام اوكي
امينه..خذت التلفون شن كان اسمه عبيطه
مجدي..حسيته حتي انا
ابتسام...ههه شن اندير
بعد دقائق وصلو للحوشهم استقبلهم عمران ويوسف
مجدي...عليك جو ماد وجه شن قاعد ايدير هذا
ابتسام..ساكته
امينه..فوته
مجدي..نزل الطاقيه وجك لوطا وطول للحوش
ابتسام...خلي السكر ثابت
مجدي..هياااا
ابتسام...باااهي باهي
انزلت امينه افتحت ع ابتسام ونزلتها
عمران..ايش دايره ياباتي
ابتسام..ابتسمت كيف ماتشوف فيا جن
يوسف..من اللي مروحات معاه
امينه..ماسكه يد ابتسام قبل م تحكي هذا اللي هله فتحين حوشهم لعزنا هذا لولا الله وخوه اللي سعف اختي راهي الخيمه انبنيت من جديد هذا مجدي ولد جيرانه كان ماجا من خبرك
عمران..خشي باتي شاف ل يوسف وخش وراهن
ابتسام..سلم حسك ولسانك مسحتي كبدي
امينه...البنات حكنلي كلشي
خشت ابتسام والكل بدا يحضن فيها فرحانين بشوفتها
~~~~~ #نورهاااان✍
فاتن الليالي وعبدالسلام راقد في قبره كل يوم يتباعد عنا عن اليوم اللي قبله
جا يوم الاسبوع الكل كان حايسه
فاطمه..كانت في العطار جايبه اكياس اكياس في ايدها
حني امينه..وين كنتي جن صبايا يسألن عليك
فاطمه..كنت انجيب في حاجات اليوم اسبوع اوليدي نبي نقيمه له
حني امينه..كيف يعني
فاطمه..نبي كل حاجه سمحه اللي مادرته في فرحه انديره في اسبوعه
هناء..امي ابتسام امعاك
فاطمه..حطت الاكياس لا
هناء..مش قاعده علي اساس قاعده في افراشها افراشها فاضي
فاطمه..حطت الاكياس قلت ماتصبيش انا خشت ادور عليها في الحوش كله مش قاعده
فاطمه..وينها
رزان..القطعه الورنيه مش مصكره
فاطمه..اها
رزان..امبدري سمعت صوت
فاطمه..طلعت تجري للحاجر ولفت للقطعه وراها البنات فتحت الباب لقت ابتسام ..........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الخامسه
تاقات لصحباتكن
#نورهان✍
