#جبرني_الوقت⏳
#الرابعه_والثلاثون
بقلمي✍ #نورهان
- أكتفيتُ بك وطناً فلا أمان غيرك،وأكتفيتُ بك نبضاً فلا حياة لي إلا بقُربك....♥️
امينه...افتحت باب الدار شفتلها
ربيعه...نحلم ولاكيف صوت جيهان
امينه...ابتسمت لاصوتهم
ربيعه...جابهم فتحي
امينه....لا انا جبتهم
ربيعه....شفتلها كيف يعني
جيهان...خشت ماما
ربيعه...روح امك
جيهان...جت حضنتها رايفنا عليك ماما
ربيعه...روحي
جنه...ماما
امينه....متكيه علي الباب تشوفلهن والدمعه اقريبه من عينها
ربيعه...شن درتو بعد مشيت
جيهان...ماما قعدنا عند جدي اشوي جا بابا رقانا شقتنا
ربيعه...بابا نزل لوطا وخلاكم فوق في شقتنا
جيهان...لاماما قعد معانا غير لحمادي الديبر كلينا ورقد معانا بابا
ربيعه...حنكم جبتلكم سفره فوق
جيهان...لاماما بابا دار مكرونه وكلنا بس حضنتها خلينا معاكي
ربيعه...روحي انتو حضنتهم وتشوف ل امينه ليش مشيتي
امينه...صكرت الباب مايلويش يدك بعيالك
ربيعه...شن درتي انتي
امينه...قعمزت حطت محمد في كترها امس دزيت ل دومي رساله بعد تطلع في الصبح نبي نطلع معاك في الصبح عندي مشوار جاني ساعه تسعه لأنه عنده شغل
ربيعه...انشالله حكيتيله
امينه...كنك خايفه
ربيعه...انا علي طريق مانبي انجيب عند هلي
امينه...عديه ميت وجبرك الوقت انك اتجيبي عند هلك يايتأدب ويحترم نفسه ويعرف وراك هل ينشد بيهم الظهر يااهي المحكمه يعرفو كيف يأدبوه
ربيعه...بناتي يأخذهن مني
امينه...مايقدرش
ربيعه...لايقدر ماتعرفيه فتحي انا اللي معشرته كارهني مستعد ايدير اي شي
امينه...تشوفلها خليك واثقه فيا لو خذاهن منك انطيح دونك انتي وبناتك بعد الفطور ح يجي يأخذك وكل يوم حنجيك مع ادم لو لقيته حتي ماسك شعرك حيعرف مع من علق
ربيعه...شن القوه اللي عندك انا خلاص متحملته حتي جسمي تعود
امينه...انا خايفه عليك تخيلي لاقدر الله الكدمات اللي في جسمك اثرن فيك ونقلبن للمرض من يبي يفكر فيك انتي اللي تكليها وتموتي وهوا يمشي يزوج وتكون الثانيه ضحيه كيفك هذا ضروري مايتوقف عند حده عشان معش يكرر الشي هذا
ربيعه...ياريت لو تعطيني من شجاعتك
امينه...من قسوه الدنيا عليا علمتني بوعا انا في ظهرك وفي ظهر خواتي والناس اللي نحبهم الواحد يبي يعيش الحياه براحه بال مش يعيشها بذل وإهانه انا ضد الراجل اللي يمد يده علي زوجته ولا حتي اخته
ربيعه...تحضن في بناتها ياريت لو يسمع كلامك
امينه...لاسمع كلامي هوا وامه وباته وخواته حتي خوته مافي حد قدر يرد عليا بكلمه
ربيعه...عمتي طلعت عليك احكيلي شن درتي انتي
امينه...بصرااحه من اول ماحكيتيلي وشفت جسمك انتي جسمك جسم تعذيب كيف متحمله خفت لو تسكتي علي الذل والضرب يتمادا مرات يضربك اتجي علي عمرك شفت لهفتك علي بناتك واوليدك كلو شربو اكيد يبكو مارقدت لتوا عالقه لعند مامشيت جبتهم لك توا نبي نخش نرقد
ربيعه...لاقبل احكيلي
امينه...بعد نوعا نحكيلك
ربيعه...لاتوا
امينه...بوعا
ربيعه...حي عليا شن درتي انتي توا يخليني وانا في شهري لامعايا فلوس ولا دبش
امينه...انتي قاعده بين خوتك وامك
ربيعه...لو مش بطني قدامي صاح لكن انا حااامل افهمي موقفي محرج
امينه...حيجيك اليوم اطمني
ربيعه...قالك
امينه...لاانا قلت
ربيعه...شن حكيتي مع عمتي والبنات
امينه...توا نحكيلك
فرح...خشت جنجوني
امينه تذكر شن صار معاها لبست وقعدت في الحاجر نين سمعت صوت سياره ادم وهوا يولع فيها راجيته نين رن عليا
ادم...واتيه
امينه...تمشي في الحاجر طلعتلك
ادم...هي صكر
امينه...فتحت الباب وصكراته بشويش فتحت باب السياره وركبت
ادم...يمشي بالسياره وين ماشيه
امينه...لحوش فتحي
ادم...اي فتحي
امينه...راجل عمتي
ادم...شفلها ليش
امينه...انجيب العيال
ادم...ليش حرجانه
امينه...اها
ادم...رفع حاجبه راهو يقعد ماد يده عليها
امينه...لالا
ادم...عليش باه
امينه...ماتسألني ماشيه انجيب العيال وانجي
ادم...حتي انا مستغرب امس جيتها والعيال مامعااها
امينه...هذا لي صار...
بعد ساعه كنا يلا حوش هل فتحي
ادم...خليك توا ننزل
امينه...لا علي السريع
ادم...اكيد مرقدين
امينه...يوعو فتحت الباب ونزلت
ادم...ننزل معاك
امينه...لا علي السريع مشت يدها علي الجرس لدورين الثاني علي شقه ربيعه وبيديها لاثنين علي الباب تخبط
ادم...هي هي مش هكي
امينه...مستمره يدها علي الجرس فتحت الباب اخت فتحي
امينه...شافت ل ادم توا انجي خشت وصكرت الباب
امينه...امشي كلمي امك وخوك
اخت فتحي...ماعندكش ذوق خوفتي امي وباتي
امينه...مسكتها من جاكت توتتها تهز فيها اتخافو انتو
فتحي...نزل امينه
اخت فتحي...بعدي يدك
امينه...قلتيلي خفتو دفتها
فتحي...داهش كنها ربيعه
امينه...ليش شاغلتك لااا ماتقولي مشغول منها انت انت عندك قلب لو حيوان مادار اللي درته
في ثانيه طلعو خوت فتحي واخته وامه وباتي
فتحي...انتي يافرخه شن جايه اديري هنا
امينه...احترم نفسك فرخه عينك جيت نوقفكم عند حدكم انا مش عمتي اللي مزمطينها علتها وساكته
ام فتحي...دازتك هي
امينه...قربت منها امس كانت اتغير في دبشها خشيت عليها صدفه اللي دايره اولدك المتوحش فيها علي الله وصيامها وقزنها تشوفيه علي بناتك وحده وحده
اخت فتحي...تستاهل مش دايره خير
امينه...مسكتها من جاكتها شن ماسكات عليها لو نمسكك مايفكك مني حد اللي داره خوك في عمتي انديره فيك وبزايد ونشوفوك تقدري تتحملي ولا
فتحي...سيبيها امينه
امينه...شفتله انت مازال الكلام معاك ماكملش عارف عمتي علي طريق كيف هانت عليك لضرب عمتي خذيتها ورده مفتحه مش ناقصها شي عاندت الكل عشانك يدها في وجه انت انت شن كافيتها اتعلم عليها وتضرب فيها قدام اعيالك عشان ترضي هذين تشير علي امه وخواته لثنين اااه ربيعه اللي مامن اللي كان يتمنى يأخذها سيبتهم كلهم لافتحي انت انت بشنو كافيتها احكي عمتي من كثر الضرب جسمها متشوه ياعمتهااااا عمتي جسمها الوان اتبين قدام عمامي وحني اسعد خلق الله عشان اولدك اللي مادار فيها غير السوده ع فكره حطها في دماغك عمرك ماتذلها عمتي عمررررك ولا تلوي يدها بالعيال اعيالها الها لعند اخر كلمه تطلب من ربي يهديك ويخفف يدك عليها شفت لشنو وصلتها
فتحي...يشوف ل امينه
ام فتحي..اتجيب فيها لروحها عمتك السانها طويل
امينه...تحشمي عيب عيييييب كان تعرفي العيب انتي عارفه عمتي اتحشم حتي من زولها علي اي السان تحكي عليه لوعندها السان طويل كيف ماتقولي ماساكته لتوا علي وعمايلكم فيها عيب مش لكي الكذب لو عندها السان طويل اولدك مش قدامك راهو في الحبس عيب الخبر اللي اديري فيه اللي في عمرك ماسكه سبحه وتستغفر ربها انتي توا تمشي علي حافه قبرك الدنيا ماتخافي منها خافي من القبر خافي يوم اللي تلاقي فيه ربك شن حتقولي فكري في اللي اديري فيه في بنات الناس سيوره راد علي بناتك خافي من عمتي علي طريق دعائها مستجاب حي عليكي ربي يرزيك في بناتك وحده ورا وحده عمتي عمتي قزونه طيبه الله حنونه كريمه تستاهل اللي اديرو فيه فيها لاماتستاهل لو حد غيرك يافتحي راهو حاطها فوق راسه انت ياعمها اللي كيفك حازم الموضوع وتوقف مع الحق عمتي عمرها وجعاتك بكلمه
اب فتحي...لا والله الله يسامحها
ام فتحي....شفتله كيف صار
اب فتحي...كلامها صاح وهي الله يسامحها الفسس فيكن انتن وولدك
امينه...انا مايهمني حد اللي تهمني عمتي لو ماعاملتها معاملها اتليق بيها وتحافظ عليها حوش بوها قاعد مش خايف اعيالك بعد يكبرو يكرهوك مش خايف بدال ماتكون عندهم ذكريات حلوه تكون ذكريات حزينه اعيالك حتكون عندهم حاله نفسيه من معاملتك للأمها وتوا عدي جيبهم ناخذهم عمتي دفنتوها بالحياه لو ماحفظت عليها حوش بوها قاعد معززه مكرمه وبعيالها اه عمرك ماتكسرها بعيالها عمررك لو وحده في مكانها تمشي للمحكمه ترفع قضيه تكسبها اتعفن بالحبس وعيالها عندها عدي جيبهم لي
فتحي...اعيالي مش ماشيين وحسابها معايا ربيعه
امينه...انت ناسي عمي صالح وكيل نيابه لو ماطلعتهم ورحمه الغوالي اتعفن بالحبس وماتطلع بسهوله امشي جيبهم جسمها لتوا ماحد حقه الا انا
ادم...طقطقطقطقطق بيديه وكرعيه
اخ فتحي....فتح الباب
ادم...ضاربها عن طووووط طوووووط طوووووط بدا فيه ضرب
امينه...اتفرج
اب فتحي يحز وخوته ادم في يومها الغل كله حطه فيه
امينه...رقت لشقه توعي في العيال نزلتهم جيهان تبكي بابا
ادم ...شالها حرام فيك العيال هذوم
امينه...حاضنه حمادي شافت ل ام فتحي لو انا منك نمسك سبحه ونطلب من ربي يكون اختامي خير وربي يستر عليا وعلي بناتي وانتن اللي اديرنه تلقنه ربي مع المظلوم عمتي تخدمها نيتها وانت ياراجل عمتي هذا اصغر واحد وشفت شن دار فيك فكر في عمي ايمن باتي عمي صالح اللي يخليك يطلع الدود منك لو يعلم فكر في كلامي وعمتي هكي هكي هيا الكاسبه في النهايه اعيالها وعندها خليك اصنت ل امك وخواتك اللي يوصلنلك في الكلام الكذب من حقدهن وكذبهن بس عشان تنفرد بيها طرايح وهنا يستمتعن انشالله ذقت الضرب اللي كل يوم عمتي توعا وترقد عليه
فتحي...جيبي اعيالي
اب فتحي...تستاهل كنت نقولك ماتسمعلهن
امينه...شرف هذا عاد باتك طلعت اركبت في السياره
ادم...والله طووووط
امينه..اسكت صايم
ادم...والله نفطر عليه الطوووط عمتي تنضرب ليش ساكته لييييش
امينه...اششش العيال يتباكو خلاص جوني خلاص
ادم...حاط حمادي في كتره
امينه...جيهان وجنه في كترها
طلعت متريحه نفسيآ ومعنويآ خذيت حق عمتي وذاق الضرب اللي كان يضرب فيه العمتي وهيا ساكته
ربيعه...مني احكيلي
امينه...شي ياعمتي طقيت فتحت اخته
ربيعه...من ابتهاج اكيد
امينه...مانعرفهن من بعضهن قلتلها كلميلي فتحي كلمته نزل قتله عيب كلامك هذا ومن الكلام هذا
ربيعه...عمتي ماتكلمت
امينه...لااا عادي
ربيعه...حي عليا توا تملاه عليا ياريتك مامشيتي اصلا هكي هكي مروحه للعيال
امينه...وتردي علي نفس الظلم
ربيعه...عشان اعيالي انتحمل العلقم عادي
امينه...وباهي صبت
ربيعه...كمليلي
امينه....بوعا نعسانه شي قالي باهي جابلي لعيال قالي اصلا جاي واخذها في ليل بس
جيهان...بابا خالو ادم دم ماما
ربيعه...شن
امينه...هههههه نجك لي ياجيجي ادم خشمه تما ينزف فتحي عطاه منديل اتعيطلك حني جيجي
ربيعه...كنه ادم ليش هيا قالت بابا
امينه...هيا يعني فتحي عطا ادم منديل مادققيش بوعا طفله ماتفهمش
ربيعه...اها نجكم لي
امينه...تنهدت
ربيعه...ادم كنه خشمه نزف
امينه....قال من الجو
ربيعه...اها صبت
امينه...لاخليك راقده ورقديهم معاك
ربيعه...لانصبي تشقا بروحي
امينه...لاتشقي لاشي تريحي مازال بدري ارقدي طيبي نومك
ربيعه...حمادي نعسان
امينه...اها نجك لي مشت للباب توا نرده ونطفي الضي
ربيعه...باهي
امينه...طلعت للكوجينه امي
فاطمه...برا
امينه...طلعت وين ماشيه
فاطمه..للقطعه نقرا قران
امينه...راجي نمشي معاك
مشن للقطعه....
فاطمه...مقعمزه علي كرسي شن صار معاك
امينه...اضربه دومي مسح كبدي علم عليه الحيوان
فاطمه...لااا ليش
امينه...يستاهل مافيش ليش اللي دايره في عمتي مش بشوي تبكي ياامي تخيلي عمتي تسير فيها حاجه ياامي جسمها مقسوم اللحم باين ياامي هذا عذاب ماقدرش انتحمل ولانسكت
فاطمه...لاحول ولا قوه الا بالله ربي يهديه يخساره ياربيعه ماتستاهل
امينه...ماتستاهل عمتي طيبه حنونه ماتستاهل ايصير فيها هكي لعند امتي تسكت علي الظلم والإهانه لعند امتي لقيها ساكته نازل عليها ضرب
فاطمه...ادم وين راهو يرد يضربه
امينه...لاعدا لشغل
فاطمه...ربي يهديه ربي يهديه ماعندي مانقول
#نورهان✍
ابتسام...قاعده في الصاله فاتحه علي قران وماسكه المصحف في يدها تقرا صدق الله العظيم صكراته وحطاته علي الطاوله حولت المصليه وردت قعمزت علي الصالون تشوف لتيلفزيون علي قناه السعوديه يارب ماتحرمني من الطوف حولها يارب وخرت وتكت علي الصالون تشوف لتيلفزيون حطت يدها علي بطنها يارب قر عيني بشوفته بصحته وعافيته والخلقه التامه يارب
مجدي...ابتساااااااام
ابتسام...صبت خشت لدار نعم
مجدي...تلفووونك
ابتسام...فتحت الضي
مجدي...مش تحقي فيا راقد ليش تخلي فيه فوق راسي ليييش
ابتسام...اسفانه
مجدي...لااسفانه لا نم طفي الضي وصكري الباب
ابتسام...قربت خذت التلفون طفت الضي وصكرت الباب وردت قعمزت علي الصالون من اللي يتصل اها هذي رزان عاودت الأتصال
رزان...خييير
ابتسام....يومك سمح ياعمري
رزان...ويومك شن اديري انشالله مش راقده
ابتسام...لا انتفرج علي تيلفزيون
رزان...علي شن
ابتسام...السعوديه
رزان...جوك خارب
ابتسام....لاااا بس نحس في روحي مرهقهه
رزان...ينعلي ياقلبي كان مش قادره علي الصيام افطري ربي عارف بوضعك
ابتسام....لا مش لدرجه نفطر شخباركم انتو
رزان...والله اكويسين الحمدالله جايين غادي اليوم
ابتسام...وين عند حني امينه
رزان...لانبو السوق بنبدا انبتت
ابتسام....جابلك افلوس ادم
رزان...لا باتي عطاني
ابتسام....باهي ربي يساعدك
رزان...انشالله يارب مكسده قلت والله انرن عليها
ابتسام...نجك لي كنت نقرا في قران وتوا مكسده ماعنديش حوسه
رزان....ياريت اتجي للمزرعه
ابتسام...حطت يدها علي فمها اااامممم صكرت التلفون
رزان...بيسو
ابتسام...صبت تجري للحمام فتحت الباب وبدت تستفرغ يدها علي بطنها ياربي مش قادره
مجدي...يسمع في صوتها ابتسااام
ابتسام....صكرت الباب وردت تستفرغ مش قادره خلاص
مجدي...صبا فتح الدار ابتسام طق علي الباب الحمام
ابتسام...تبكي كنك
مجدي... كنك تبكي
ابتسام...قعمزت علي حوض السباحه كنيش
مجدي...يفتح في الباب طقطقطق حلي باهي
ابتسام...صبت ماسكه في الساس فتحت الباب وردت تغسل في وجها
مجدي...روحي كنك
ابتسام...تبكي خلاص انا كان قعدت هكي نموت
مجدي...شن صار
ابتسام...اللي كليته كله استفرغته
مجدي...باهي تعالي كولي حاجه
ابتسام...صكرت الشيشمه لااا نبي نرقد مش فاطره
مجدي...بس استفرغتي
ابتسام...هئه مش قادره لو كليت حنرد نستفرغ هذي شي من اول ماوعيت
مجدي...باهي تعالي معايا ساندها عليه خشو لدار رفع الورغان
ابتسام...خشت دارت وجها لساس
مجدي...غطاها وجا ورقد جنبها ديري وجهك شوري
ابتسام...غطت وجها تؤتؤ
مجدي...ياريتك حتي تاكلي
ابتسام...مش قادره قتلك
مجدي...صبا وطلع من الدار
ابتسام...صكرت اعيونها
مجدي...خش للحمام غسل وتوضي وطلع صلي وخش للكوجينه
#نورهان✍
اروي...كنك
رزان..كنت نحكي مع بيسو صكرت
اروي...شخبارها
رزان...اكويسه نعاود عليها خارج التغطيه
اروي...مش دارت مدار رني عليها
رزان...صاح ذكرتيني روان وينها
اروي...تقرا في قران وزينه مشت لحوش حني
فات الوقت ساعه 9:30 ليل....
امينه...مقعمزه في الحاجر مع ادم
ادم...نبي نحكي مع باتي
امينه...لاااا راجي نشوفوه شن ايدير قبل تأدب ولالا
ادم...عليش ساكته عليش نبي نفهم
امينه...اششش مافي حد عالم
ادم...خليهم يعلمو كيف يمد يده عليها وتسكت
امينه...دومي مش ضربته خلاص هكي عرف انا وراها هل
ادم...مازالت مامسحت كبدي
امينه...شورك عاد
هناء...طلعت من الكوجينه دايره منشف علي شعرها اسراء اسراء تعيط
امينه...شن تبي فيها
هناء...انجفف اشعري نبي استشوار
امينه...ماجبتن معاكن
هناء...عبيت علي افريحه قلتلي انسيته كان ماجففته نمرض
اسراء...نعم
هناء...مديلي استشوارك
اسراء...حاضر تبي حاجه اخري
هناء...لا نجك لي
فرح...مني تبيك عمتي
امينه...شافت ل ادم
ادم...شوفيها
هناء...شن اديرو هنا حتي الفطور مافطرتو شن فيه
ادم...صايرلي خناق
هناء...ههههه حد علمي خناق العرايس لكن رجاله جديده هذي
ادم...نحكي ل مني نبي ناخذها للعرب وكي اللي مرتبك
هناء...اختفت الضحكه صاح مني
امينه...شاف ل ادم
ادم...شافلها ورفع حاجبه
امينه...اها خشت
هناء...باهي ربي يسعدك ويهنيك
ادم...شافلها
اسراء...هنو
هناء...نعم
اسراء...ارقي
هناء...قربت السلوم
ادم...خليه توا نرقا انا
هناء...بدون ماترد عليه بعدت
ادم...طفي الدخان ورقا هاتي
اسراء...مداته له
ادم...نزل هاكي
هناء...خذاته وخشت بدون ماتحكي كلمه
ادم...قعمز علي الكرسي طلع دخان وبدا يدخن
هناء...خشت لدار مني
امينه...نعم
هناء...صاح تبي تشوفي صاحبه ادم
يعني يبي ياخذك
ربيعه...كيف صاار
امينه...ابتسمت مازال ماصار شي يبيني نمشي في رمضان قتله خليها بعد رمضان خير
هناء...هزت براسها
فرح...انجففلك
هناء...مدتلها الأستشوار سرحانه
ربيعه...صاح
امينه...هز براسها بمعني اها كلبوزي
ربيعه...ههههه
امينه...بوبي قاعد خميرة نوم
ربيعه...ههههه مازالن ماجن هنيه وهاجر منونه وينها
امينه...منونه راقده مع حني وهومي مع عبسي لامازالن
هناء...خلاص افريحه
فرح...مازال من لوطا
هناء...خلاص معش تكملي
فرح...بسم الله هذي كنها
هناء...صبت طلعت من الدار لدار حني امينه حني
حني امينه...هاحني
هناء...ضفريلي
حني امينه...تعالي
فاطمه...خلي حنك اتريح تعالي انضفرلك انا
حني امينه...لاتعالي عندي
هناء...جت قعمزت وبدت حني امينه اتضفرلها
#نورهان✍
سعده...ينعلي بسومه ماكلت شي
حنان...خشت لدار قالت انريح راسي
سعده...ماحطت شي في فمها صبت اول وحده
حنان...والله امي مشعارفه قالت حكيت لدكتوره قلتلها بدايه وحم عادي
مجدي...خش لدار المعيشه راقيله السلام عليكم
حنان سعده&...وعليكم السلام
حنان...انديرلك قهوه
مجدي...يشوف بعيونه لدار يشوف ابتسام لامانبيش ابتسام وين
حنان...في دار الضيوف خشت ارقدت
مجدي...هز براسه وطلع
سعده...ينعلي مشغول
حنان...انحس فيها مرهقه بكل
سعده...هذا كله بدايه حمل شن اخبار الشهور الجايه ربي يكون معاها
حنان...يارب
مجدي..خش لدار وفتح الضي حبيبي
ابتسام...حولت يدها اللي حطتها علي وجها نعم
مجدي...راقده
ابتسام...تؤتؤ
مجدي...هيا
ابتسام...وين
مجدي...تطلعي اتغيري جو ونروحو لشقتنا
ابتسام...توديني لهلي
مجدي...لاخليها مره اخري
ابتسام...مدت يدها لمجدي
مجدي...مسك يدها
ابتسام...صبت عبايتي علي الشطار
مجدي...جابها
ابتسام...كان اتخليني نلبس جاكات مقيدات العبايات
مجدي...عشان يقعدو يفصلو فيك لا
ابتسام...هزت براسها بمعني باهي بدون ماتناقشه تلبس
مجدي...هيا
ابتسام...هيا
مجدي...خش ع سعده في الدار امي ماشيين
سعده...راجي حطيت حافظات فطور بسومه توا تسخنهن لقدام
ابتسام...عمتي عنديش نيه في شي
سعده...صبت وخشت للكوجينه كيف تبي تكملي رمضان وانتي بالحاله هذي ضروري ماتاكلي
ابتسام...حتي اليوم مجدي فطرني غصب عني
حنان...عادي بيسو توا تعوضيه اهم شي صحتك
سعده...فتحت الثلاجه وطلعت ليمونه هاكي هذي
ابتسام...عليش
سعده...بعد كبدك تزعم شميها تهون عليك
ابتسام...صاح عمتي
سعده...اها بسومه
ابتسام..ياريت حتي لما نستفرغ ماعنديش جهد
سعده..ربي يهون عليك
ابتسام...يارب
سعده..مجدي
مجدي...خش للكوجينه ايوا
سعده...هذا الفطور بعد تمشي غادي سخنه لها
مجدي...ماكنتيش اتعبي روحك
سعده...فطورها ماكلته
ابتسام...ربي يخليك لنا ومايحرمنا منك
سعده...نشوفكم بصحتكم وعافيتكم تكفيني
ابتسام...خنقتها العبره نزلت الخيمار وماسكه اليمونه تصبحوو علي خير
حنان&سعده...اتلاقي الخير
مجدي....طلع لسياره وراه ابتسام
ابتسام...صكرت الباب
مجدي...حط الكيس من الكرسي الوراني وفتح الباب ل ابتسام
ابتسام...اركبت
مجدي...صكر وركب في السياره شن دايره
ابتسام...تشم في الليمونه اكويسه لكن ماتقربلي الطعام قدامي ابدااا
مجدي...مايصير شي هكي كيف اتغذي اللي في بطنك
ابتسام...انت كل اللي يهمك اللي في بطني بس اما انا شن انحس لا صاح
مجدي...عليش تبكي اكيد اتهميني ماانتي اللي حامل بيه اكيد خايف عليك ياروح
ابتسام...كارها روحي
مجدي...مسك يدها شن تحكي انتي شن كارها ماكارها
ابتسام...حبيبي من اول ماعرفت روحي حامل وانا متوتره مش كيف قبل جسمي نحس فيه كل يوم يرهق اكثر من اليوم اللي قبله
مجدي...يبوس في يدها عادي ياروح شي طبيعي مازالتي ماتعودتي علي الروح اللي معاك توا انغير جوك
ابتسام....كيف يعني
مجدي...توا نوريك بعد اشوي
ابتسام...حبيبي ماتزعلش مني
مجدي...مش زعلان خايف عليك ياروح ماكان فيك شي من اول ماوعيتي وانتي تستفرغي بطنك مافيها شي كان استمريتي علي الوضع هذا حنركبلك تغظيه
ابتسام...تشم في اليمونه سبحان الله كأنها تمص في زعمت الكبد نجك لي ياعمتي
مجدي...تريحتي عليها
ابتسام...اها بكل
مجدي...نجك لي
ابتسام...ليش خشيت من الطريق هذي
مجدي...نبي المحلات اللي هنا
ابتسام...شن تبي
مجدي...دبش لبنيتي
ابتسام...تحكي جد كان طلع اوليد بعدها مش مازال بدري علي الدبش
مجدي...كل مره ناخذو حاجه لعند مانعرفو الجنس وقف السياره
ابتسام...نجك لي شن يصير ننزل باليمونه
مجدي...لامش لدرجه تنزلي بيها
ابتسام...حبيبي كان خليتها يوم اخري نخاف كبدي تزعم
مجدي...لاانشالله خير هيا
ابتسام...الخيمار طويل ويدي مش حتبان ننزل بيها والله خايفه
مجدي...باهي ياروح
ابتسام...فتحت الباب ونزلت
مجدي...راجيني
ابتسام...باه صكرت الباب
مجدي...امن السياره وجا ل ابتسام هيا
ابتسام...تمشي جنبه
مجدي...فتح باب المحل السلام عليكم
صاحب المحل...وعليكم السلام تفضلو
مجدي..صكر الباب وبدو يشوفو في الدبش
#نورهان✍
صالح...وقف السياره وراه ايمن
ايمن...اووو صالح وين كنت
صالح...كنت انعزي كنك
ايمن...ماليا شي نزلت الصبايا جوا صالح...كملتو
ايمن...مازالن حاجات خفيفه تعال خش
صالح...هذي مش سياره فتحي
ايمن...اه نلقانها هي
فتحي...وقف السياره
ايمن...شيرله بيده انزل
فتحي...طلع يده لالا مره اخري
صالح... مشاله طق علي القزاز
فتحي...نزل القزاز وشفله
صالح...وخر كنه وجهك
فتحي...داير عركه
صالح...من ولد الحرام اللي ضاربك الضرب هذا
فتحي...موضوع وصكر انا اللي غالط
ايمن...لالا وجهك متورم
فتحي...توا يختفي
صالح...خش اسحر
فتحي...لاوالله مستعجل قول ل ربيعه هيا
ايمن...غير خش اهي سياره ادم شكله جوا نسحرو
فتحي...لاوالله مره اخري
صالح...خليه براحته توا انخش نكلمها
فتحي...تمام
ايمن...انا خاش توصي علي شي
فتحي...سلامتك
ايمن...تصبح علي خير
فتحي...وانت من اهله
صالح...ربيعه ياربيعه
ربيعه...نعم
صالح..فتحي برا
ربيعه...هيا هيا شافت ل امينه
امينه...عدي مش من بدري ترجي فيه اهو جاك
ربيعه...خايفه لأنك خذيتي العيال حيضربني
فرح...كنكن تحكن بشويش
امينه...مواضيع خاصه لأنهن
فرح...من امتي في شي خاص بينا
امينه...ييييه علينا
فرح...طالعه شفتي الحاجات اللي جيبتهن هنيوا يهبلن
امينه...ذوق من يومها هجوري
ربيعه...تلبس حي عليا مني
امينه...الو نكون عندك حتي علي الفجر
ربيعه...ياخذ مني تلفوني
امينه....حنجيك بكرا
ربيعه...مع من
امينه...ادم اكيد
ربيعه...باهي تمام هيا جيجي
امينه...تشيل معاه فالعيال
ايمن...فتحي برا داير عركه وجه خارب
ادم...يدخن ماقالش من اضربه
ايمن...لا والله قال انا اللي غلطان
ادم...معناها يستاهل
ايمن...كيف ياراجل نسيبنا
ادم...عاد عرق الحن اللي عندك انا ماورثتاش
ايمن...هذا كنه
ادم...واللهي نسيبنا نسيبنا
ربيعه...نزلت الخيمار تصبحو علي خير
ايمن...وانتي من اهله
ادم...صبا
ايمن...وين
ادم....اساعه انجي
ايمن...كنكم مش حاملين شي
ادم...فوتني مالأخر هاتي بوبي مني
امينه...مداته له
ادم...شايله وطلع بيه
ربيعه...ركبت في السياره خير
فتحي...شافلها
ربيعه...عيطت كنه وجهك
فتحي...ماردش عليها
ادم...فتح الباب علي فتحي مدله بوبي اولدك عمتي الو انكون عندك اه
ربيعه...تشوفله عرفت ادم هوا اللي دار في فتحي هكي من جوا فرحت بس شن منتظرها لقدام هذا اللي خلاها تخاف
فتحي...صكر الباب وحرق العجل وطلع بسرعه
ادم...عدي الله لا يردك امسخ
يشوف عجاجات السياره
فتحي مد بوبي ل ربيعه بدون مايحكي
بعد ساعه وصلو
فتحي...انزلي
ربيعه...ترعش ياربي كون امعايا
فتحي...هيا بابا خذا منها بوبي هيا انزلو
جيهان..بابا افتح الباب
فتحي...هيا بابا
جيتك
ربيعه...خير عمي
اب فتحي...قاعد برا خير ربيعه كيف حالك وحال امك
ربيعه...باست يده وراسه تمام الحمد الله اكويسه اتسلم عليكم
فتحي...هيااا
ربيعه...خشت تبي تخش لحوش عمها
فتحي...وين ماشيه
ربيعه...مش تقولي تخشي طول ل امي وخواتي اتسلمي وامتي ماانا نقولك ترقي ترقي لشقتك
فتحي...لاقدامي نبيك فوق
ربيعه....حست قلبها يبي يوقف ياربي شن يبي ايدير هالمره اكيد حيقتلني
فتحي...يرقي من الدروج وراه العيال
ربيعه...ترعش كلها تحكي بينها وبين روحها شن درت انا ينعلي مخرب وجه حي علي ترقا بشويش
فتحي...هيااااا
ربيعه...رقت
فتحي...فتح الباب خشي
ربيعه...خشت
فتحي...صكر الباب بالمفتاح
ربيعه...كانت في كل طقه مفتاح كأنا حاسه نهايتها تشوف فيها قدامها بذات من الصبح عليها ليه اتجي وتختفي
فتحي...عزق المفتاح ماوداتك الا انك تمشي تشكي عليا لهلك
ربيعه...توخر لا ماحكيت شي
فتحي...امينه من حكالها وادم اللي خرب وجهي وجسمي كدمات منه
ربيعه...تبكي والله ماحكيت حاجه ماتضربنيش انا نبي انجيب اقل شي ارحمني من الصبح عليا الليه
فتحي...ليه صار
جيهان...بابا ماما بدري
فتحي...رفعها ماما حكت عليا غادي
جيهان...اها
ربيعه...جيجي
فتحي...اسكتي شن تحكي علي بابا عشان ناخذك الملاهي
جيهان...صاح بابا
ربيعه...ماسكه بطنها قعمزت علي الصالون انا اليوم حنجيب
فتحي...صاح عارفك ماتبيني نسألها اديري في الحركات هذين
ربيعه...ماتخشش لعيال في تفاهات هكي توصيل الكلام
فتحي...لمن تحكي جيجي ماما
جيهان...ل خالتو مني
فتحي..شن تقول
جيهان...قالت شافت ل ربيعه
ربيعه...تشوفلها
فتحي...احكي بابا هيا ناخذك انتي مش حناخذ جنه وحمادي انتي بس
جيهان...يدها علي راسها انسيت بابا
فتحي..اذكري
جيهان...اه قالت
ربيعه...حاضنه بوبي وحمادي
جيهان...قالت لخالتو مني حتي لو يوعي فيا بضرب ويرقد فيا بضرب مستحيل انسيبه ربي يهديه بابا عشان اعيالي انتحمل هكي قالت بابا
فتحي...من قالك قولي الكلام هذا
جيهان...لا قالت هكي ماما اتحمل في الأحه اللي ادير فيها الها عشان بوبي وحمادي وجنو وعشاني انا وخيتنا اللي في بطن ماما صاح هكي اعيالها صاح بابا
فتحي...نزل جيهان وطلع
جيهان...بابا خوذني معاك
فتحي..مش توا بابا لبس كندرته وطلع
ربيعه...يدها علي قلبها تنهدت ينعلي ماضربنيش تعالي جيجي
جيهان...تبي تضربيني صاح
ربيعه...لاماما مستحيل نضربك تعالي من قالك قولي هكي
جيهان...خالتو مني قلتلي لما بابا يسألك قوليله هكي قلتلي عشان انديرلك عيد ميلاد كبير ونجيبلك العاب واجد
ربيعه...حضنتها ينعلي انقضتيني ياماما
#نورهان✍
مجدي...شن رايك في لون هذا يمشي بنات وعيال
ابتسام...اممم سمح ابيض خوذها بس حبيبي انت خذيت نص الدبش بنات كان جانا عيل
مجدي...عادي ادسيه لعند ماتجيك بنت
ابتسام...ههههه نجك لي
مجدي...نمشو
ابتسام...هيا يالقلب
مجدي...اللي خترته كله انا
ابتسام....كله واحد سوا انا ولا انت كل اللي اخترته يهبل
مجدي...نوصلك لسياره ونرد نخلص الشاب
ابتسام...احسن شي لأني مش قادره نطلق طولي
مجدي...هيا هيا
ابتسام...ماسكه في جاكت مجدي وتمشي
مجدي...حط الدبش احسبلي توا انجي
الشاب...حاضر
مجدي...فتح الباب وطلع ابتسام
ركبها في السياره ورد للمحل
ابتسام...ااا انرن علي مني
امينه...مقعمزه مع ادم وايمن في الحاجر
هناء...مني تلفونك يرن هاكي
امينه...من
هناء...ماركزتش
امينه....خذاته هذي بيسو
هناء..اها عزقت قرنها ورا ظهرها
ايمن...كنك قالبه وجهك
هناء....انا
ايمن...اها
هناء...تهايلك نبي انجيب اكنافه ديرتها اصوله نمشي ناكل
ايمن...جيبي الطاجين وتعالي احكيلي
هناء...ماعندي مانحكي خشت للكوجينه
امينه...تمام الحمدلله شخبارك انتي
ابتسام...اكويسه كنت في محل اطفال اجودي يغير في جوي
امينه...صبت وبرمت من الحاجر شن فيه ماشاءلله كنه جوك
ابتسام...شي بدا الوحم اللي ناكلها نستفرغها خلاااص واصله حدي
امينه...ينعلي حاولي تاكلي عادي استفرغي اهم شي كولي
اابتسام...والله انشالله انتو شن اخباركم
امينه...اكويسين جن البنات هجوري وهنيوا من السوق
ابتسام...غريبه انتي مامشيتي
امينه...ماعنديش نيه نطلع اليوم بلكي بكرا
ابتسام...بوعا قاعده
امينه...تنهدت لا عدت باهي طمنيني عليك
ابتسام...انشالله اكويسه نجك لي فيش اديرو
امينه...قعده مع ايمن وادم في الحاجر والباقي جوا
ابتسام...سلمي عليهم
امينه...يوصل توصي علي شي
ابتسام...سلامتك مني تصبحي علي خير
امينه...وانتي من اهله
ابتسام...صكرت وحطت التلفون في الشنطه
مجدي...فتح الباب ورا ابتسام حط الأكياس وجا ركب مع من كنتي تحكي
ابتسام...مني
مجدي...اها اااه احم
ابتسام...كنك حبيبي
مجدي...داهش بس تبي حاجه خاطرك في حاجه قبل مانمشو
ابتسام...يدها علي خد ربي مايحرمني منك برغم في صبح زعلتني لكن سامحتك
مجدي...امتي
ابتسام...مش متذكر
مجدي...انا
ابتسام...اها عشان تلفوني يرن
مجدي...وووو انسيته بكل سامحيني بس صوته عالي وانا مارقدتش الا في الصبح
ابتسام...ليش
مجدي...انتأمل في الملاك اللي هاملني
ابتسام...صاح حبيبي هاملتك
مجدي...يعني بس غاير
ابتسام...من شن
مجدي...من النوم اللي ياخذ فيك مني
ابتسام...هههههه نجك لي بعد تحقني راقده وعيني
مجدي...كان فطر عادي لكن اصيام لالالالا كل ماقعدت بعيد عنك خيير انتي اتفطريني
ابتسام...ههههههه نجك لي
#نورهان✍
ربيعه...رقدت العيال وقاعده في الدار ترجا في فتحي تبرم مسكتها ليه اسمعت الباب طق معقوله فتحي بس فتحي معاه المفتاح ياريت يكون هوا لأني واصله حدي خلاص
هيا هيا مشت فتحت الباب
اخت فتحي.. دفتها
ربيعه...ابتهاج لاا انا نبي انجيب
ابتهاج...انشالله تموتي وانتي اتجيبي
ربيعه...مطبسه يااربي
ابتهاج...تحسابي كان حكيتي لبنت خوك تقدر توقفنا عند حدنا جيتنا الجالطه علي صبح لا هابت امي لا باتي اتلعلع بصوتها ولا ولد خوك الشوارعي
ربيعه...اطلعي برا
ابتهاج...مش طالعه نين انطلع روحك
ربيعه...اطلعي ابتهاج شن ديرتلكن بس شن اااااي اطلعي برا مش وقت مشاكل
ابتهاج...شن تبي تطلعي شاطره وتقلبي فتحي علينا لكن دوبنا عايشين ونحنا وراك نين ايطلقك هكي نحنا نكرهوك مانقبلوك والكذب اللي نكذبو فيه عليك فتحي يصدق فينا شن تبي قاعده في حوشنا بعد الضرب اللي يضرب فيه فتحي لكي وقاعده لأنك ماعندكش كرامه
ربيعه...حسبي الله ونعم الوكيل اطلعي انا مريضه حرام عليك
ابتهاج...فتحي وين
ربيعه...مشعارفه مشعارفه ماشفته اطلعي
ابتهاج...هججتيه صاح يا طوووط ياطوووط
ربيعه...ادف فيها اطلعي توا ايجي يضربني انا مش قادره انشيل حتي روحي
ابتهاج...يضربك لااطمني توا بعد ايجي انتلاقاه من لوطا دارت ودارت
فتحي...طلع من المربوعه واللهي
ابتهاج...وجها تغير فتحي
فتحي...مسكها من شعرها وبدا فيها طريحه
ربيعه...اتحز عليها خلاص ماتضربها ماتضربها
فتحي...بعدي انتي
ابتهاج...اتصرخ
فتحي...كف يرفعها وكف ايجيبها انزلي توا انوريك انتي واختك لاخري
ابتهاج...كرت ربيعه والله نضربك
فتحي...يفك فيها من ربيعه
ربيعه...ليش تكرهني ليش
ابتهاج...انشالله اتموتي
اخت فتحي..رقت
ابتهاج...اتصرخ انتصروا علييييييا
فتحي...انتي لاخره والله انوريك احسابك عندي
مروه...طبست شن درتي
ابتهاج...الحيوانه كانت حاطته في المربوعه عشان يسمع كلامي
مروه...حي علينا هيا هيا
ربيعه...قعمزت فم الباب ااااا
فتحي...كنك
ربيعه...نبي انجيييب
فتحي...كيف تبي اتجيبي
ربيعه....لاااا
فتحي...خش جاب عبايتها وجا يلبس فيها
ربيعه...الشنطه في دار النوم وعيالي جيبهم
فتحي...خليهم مرقدين
ربيعه...ماسكه بطنها تهز براسها لالا ااااااااه لالالا جيبهم يرقدو في السياره مش حنخليهم هناااااا هيا جيبهم
فتحي...خش وعاهم يتباكو ركبهم في السياره ورقا صكر الشقه ويصبي في ربيعه
ربيعه...تمشي بشويش خلاص نبي انجيب
فتحي...تحملي لعند العياده
ربيعه...انا خلاص
فتحي...ينزل فيها من الدروج لعند ماركبت في السياره طلع طول لقرب عياده
#نورهان✍
ساعه4:10
هناء...تشرب في اميه
ادم...بكرا صايمه
هناء...انشالله تلفونها رن حطت يدها علي جيبها
ادم...رفع حاجبه من
هناء..ماشفتش
ادم...من يبي يرن علي الفجر
هناء...مش شورك
ادم...كيف مش شوري
هناء...بالله عليك الهي في حياتك رن التلفون مكالمه الثانيه انا خاشه بنرقد تصبح ع خير
ادم...مسكها من يدها هه لا تعاالي جاي مش عيل قدامك
هناء...باه المطلوب
ادم..من اللي يرن كلمه
هناء...مادخلكش غير انت اللي ترتبط
ادم...لا إرادي ضربها بكف
هناء...يدها علي خدها حيوان
ادم...حط يده في جيبها طلع تلفونها
هناء...ماسكه يده بعد يدك والله نقولها ل باتي انك ضربتني
ادم...قوليها اخر همي شن الرمز الطوووط
هناء...مش قايله رن التلفون
ادم...الحب صار مسكها من شعرها
هناء...شن دخلك
ادم...تعالي ردي
هناء...تبكي مش راده شن دخلك
ادم...ضغط ع شعرها وقربها منه صكرفمك وردي فتح وفتح السبيكر
هناء...حبيبي تردش ولد عمي قدامي صكر
ادم...دفها الووو
هاله...هههههه حبيبي صار انااااعلي ناااا
ادم....بعد التلفون
هناء...ليش اتردي
هاله...ههههههه خفت يقتلوك حبي قلت انرد عليك
ادم...صكر في وجها
هناء...خزي بارد
ادم...خشي جوا ادمدري
هناء...باهي هات تلفوني
ادم...مش عاطيه
هناء...مسحت ادموعها حيوان خشت لدار معش حكت معاه
ادم...ماسك التلفون يقلب فيه حطه علي الطوله وطلع خبط الباب
فرح...كنك هنو
هناء...ماكني شي
امينه...كنك تبكي
هناء...ماحد يسألني ااااا
امينه...بسم الله خلاص معش تبكي شن فيه
هناء...امتي نروحو للحوشنا
هنيه...حني قالت السنه اتصيمو الشهر كله عندي ماحد يمشي
هناء...تمسح في ادموعها امتي قلتها
امينه...امس قلتها ل باتي وعمامي
هناء...وانا وين
امينه...مشعارفه بلكي كنتي جوا
هناء...خشت لفراشها معش حكت شي
امينه...طفت الضي وكل وحده في افراشها
#نورهان✍
الممرضه...انت زوج ربيعه
فتحي..اها انا
الممرضه...الحمدلله علي سلامتها لكن البنوته ملتف الحبل السري عليها كان طولت لاسامح الله كان صارت فيها حاجه
فتحي..اكويسه هيا وامها
الممرضه... اكويسه هيا وامها اشوي ونطلعوها للغرفه
فتحي....باهي الله يبشرك بالخير طلع لسياره يشوف للعيال
بعد ربع ساعه
الممرضه...تفضل طلعت
فتحي...اكويسه
الممرض...لااكويسه الحمدلله
فتحي...خش للغرفه
ربيعه...تشوف لسقف اعيونها منتفخات من كثر البكاء
فتحي...الحمدلله علي سلامتك
ربيعه...اعيالي وينهم
فتحي...في السياره
رببعه....ماتخليهم في سياره برواحهم عدي اقعد معاهم انا توا نبي نطلع
فتحي...لاقالو ساعتين
ربيعه...اكويسه عدي دير الخروج علي مالبست
فتحي...يشوف لل بنوته ماشالله ماشالله طالعه سمحه كيف امها
ربيعه...تمسح في ادموعها شوهتها امها
فتحي...شفلها حيتغير كل شي ونعوضك
ربيعه...بعد شن بعد شوهت جسمي الممرضات يشفقن عليا من منظر جسمي اه بعد شن بعد تنهي في يومي بضربك بشن تعوضني اتردلي احساسي اللي فاقدته شخصيتي اللي مسحتها مانبي منك شي خليني انعيش العمر اللي باقيلي لعيالي تفك في التغظيه
الممرضه...خشت ليش تفكي فيها اتعوضك انتي ضغط نازل ونزفتي دم واجد
ربيعه...لا تمام نبي نطلع توا اصلا
الممرضه...بس
ربيعه...فتحي هيا
فتحي...شفلها
ربيعه...نبي نطلع
فتحي... تمام تمام طلع من الغرفه
ربيعه...ساعديني نلبس
الممرضه....حاضر تمام براحتك
#نورهان✍
فات شهر رمضان .....
يوم العيد في العشيه الكل عدو لحوش عمران عشان فرح هنيه وفرح يبدو يجهزو
امينه....ايوا رزان وينكم
رزان...في الطريق تبو شي
امينه...لا سلامتكم
رزان...من عندكم
امينه...عمامي بس
رزان...خالتي مريم ماجت
امينه...لاعند خالتي
رزان...حتي نحنا نبو انتكو عليهم روان وزينه ينزلن غادي حتي امي حرام خالتي ماعندها حد انا واروي جايين غادي
امينه...تمام نجكن لي
رزان...هيا باي
امينه....باي هجوري
هاجر...ايوا
امينه...كنه وجهك شين
هاجر...بادي الوحم خلااص
امينه...كيف ابتسام كملت رمضان بالتغظيه وتوا نفس الشي خذاها يركبلها في تغظيه
هاجر...وحمها جاي واعر
امينه...بكل
#نورهان
مجدي...شن ياروح
ابتسام...حبيبي خاطري في حنه
مجدي...ياروح خايف عليك
ابتسام...لاعادي
مجدي...براحتك
ابتسام...بكرا جايه اللي حنتني في فرحي تحني البنات
مجدي...باهي ياروح
فات يوم الحنه...
ابتسام ماحنت ماتحملت بنتها
وفات يوم البتات مامشت
وجا يوم السياق قرو فاتحت هنيه وجابو لسياق كانت فرحه فرح ماتوصفش واخيرا كانت تستنا في اليوم هذا من سنوات عكس هنيه اللي خايفه بس ماقدرت اتبين تخش لدار تبكي وتطلع وكأنها اسعد وحده
دارن تطريقه كيف تطريفت ابتسام بس مالبسن عربي عشان العين لبسن فساتين عاشت معاهن ابتسام جميع التفاصيل سيناريو فرحها اتشوف فيه قدامها كانت مقعمزه جنب حناتي شرط فاطمه هيا وهاجر
مايتحركن ولايصبن
هاجر...بسومه لعند امتي التغظيه في يدك
ابتسام...شكلي لعند مانجيب مش قادره نستقبل الطعام بكل هجوري
هاجر...ينعلي
ابتسام...زعلانه لأني ماحنيت من بدري نمسك في ايدين خواتي سهفني
هاجر...كنتي اديري حتي ورده في كفك
ابتسام...غير بعد شميت البنه طلعت نجري نستفرغ خاطري فيها
هاجر...ينعلي
ابتسام...شن درتي في وحمك في هومي ومنونه
هاجر...جتني علي ايمن بس الا الطعام عادي اربع وعشرين ساعه انتعاركو بدون سبب
ابتسام...هههههه
هاجر...جو الفرقه تهبل مني علي الدي جاي
امينه....حاضر من اعيوني
هاجر...قتلك بسومه
ابتسام....اعيوني
هاجر...حنان
ابتسام...شفتلها تصفق مع البنات كنها نونا
هاجر...عندي خويا اندورله ازعما عندها حد
ابتسام...ماأعتقد
هاجر...عاجبتني من يوم فرحك
ابتسام...شن شكله خوك
هاجر...خوي تيم
ابتسام...مانعرفه
هاجر...طلعت تلفونها تقلب في الصور اهو ماسك منونه
ابتسام...ماشالله عليه اطريف
هاجر...بحوشه وبشغله طبعه سمح يبي غير بنت الحلال
ابتسام...والله توا نحكي معاها شن اسمه
هاجر...تيم
ابتسام...تيم خلاص تمام بعد تقعد بروحها نحكي معاها
هاجر...انشالله تقول باهي طايحه فيها بكل
ابتسام...والله انشالله وين بتلاقو وحده كيفها ادب وخلاق وتربيه وجمال وعلم تهبل نونا
هاجر...عارفه نحنا نبو النسب حكيت مع اروي علي خويا الكبير مازالت ماردت عليا
ابتسام...خزي عليكن كنكن ماتحكنلي
هاجر...هههههه امس حكيت معاها خذيت صوره منها وريتها لخوي وانا نحط في العيال عندهم عجباته
ابتسام...باهي والله ماشالله
#نورهان✍
جا يوم الفرح.....
طلعت فرح وهنيه للكوافيره
هناء دارت مناحه وراهن ابكا هيا وامينه ابتسام ماحضرت كانت في العياده تركب في تغظيه
رزان...خلاص هنو
هناء...كلكن مشيتن
رزان...حتي انتي توا تمشي
هناء...لامش ماشيه قاعده
رزان...ههههه لاتوا تمشي وتطلعي طلعتهن شن تقولي عليا انا فرحي الأسبوع الجاي انفكر في طلعتي من توا
اروي...يييييه رزونه
رزان...هيا هنو
#نورهان✍
مجدي...حبيبي شن تلبسي
ابتسام...فستان الأبيض
مجدي...لي ظهره كله عريان اللي وريته ليا
ابتسام..اها حبيبي
مجدي...تحكي جديات
ابتسام...اها حبيبي كنه
مجدي....بس هكي انغار انا
ابتسام...علي شنو
مجدي...من العيون الناس
ابتسام...ههههه نجك لي
مجدي...هذي الكوافيره
ابتسام...اها
مجدي...قاعد برا
ابتسام...مرات انطول
مجدي...لاقاعد برا مرات يسير شي
ابتسام...تمام حبيبي نجك لي نحاول نسرع حتي انا وقت ع الصاله
مجدي...تمام ياروحي
ابتسام...انزلت وخشت للكوافيره
مجدي...فتح تلفونه يتفرج علي صور يوم النظرة الشرعيه تنهد نجك لي ياروح
#نورهان✍
بعد ساعات كانو الكل في القاعه يرجو في العرسان
اميمه...نكلم في عبادي قالي ماشي للكوافيره انجيب فيها
ابتسام...خلاص معناها اكيد في الطريق
امينه...خلاص خالتي من كثر مانك متوتره وترتيني
اميمه...فرحه علي خوف
امينه...لا ماهناك الا كل خير
ابتسام..مقعمزه علي الكرسي شن دايره بوعا
امينه...اكويسه طلعو من فوق عيت عمها طردتهم عمتها وتوا اجرو لعند مايلقو شقه ولاحوش
ابتسام...انصدمت بعد حكيتيلي
امينه...بس هوا متغير معاها بكل هيا بروحها منصدمه
ابتسام...بعد طريحه دومي له
امينه...هههه شكله عدل خلايه في مخه
ابتسام...بوعا تستاهل كل خير
امينه...بنتها حياه تهبببل كلبوزه كيف بوبي
ابتسام...نجك لي كان اتجي
امينه...قالت جنه مريضه حضرت التطريفه والسياق تكفي
ابتسام...تغير جو بس
امينه...الجايات اكثر انتي شن جوك طالعه تهبلي
ابتسام...صاح مشينا لشقه ماقبل طلقني اجودي
امينه...هههههه
ابتسام...حقالله شفتي رزان طالعه تهبل
امينه...هذا كله وطالقه الشيانه
ابتسام...تهبل حتي عمتي وحنان حيسات يوتن يطلعن يومي من رمضان
امينه...ماشالله يارب ديما في الأفراح
ابتسام...يارب
#نورهان✍
فرح...تركب في السياره
عبدالله...ياملاكي السمح
فرح...ترعش
عبدالله...جا ركب وطلع
إسلام...راجينا بس يركب في هنيه
اناااعلي نااا مبروك حبيبي
هنيه...ترعش وانت طيب
إسلام... ههههه ركب ولحق عبدالله ماراجو الزفه اللي دايرينها اصحابهم وراهم
عبدالله...يرفع في البرنوص واخيرا ويحااااا
فرح....تنهدت اخيرااا بيدا
عبدالله...عالق علي الأغاني علي الأخر والفرحه مش سايته
إسلام...وانت طيب صار نجك لي هههههه
هنيه...تضحكش مرتبكه
إسلام...يبوس في يدها نجك لي يافرحت اسنيني
هنيه...تشوفله
بعد دقائق وصلو
عبدالله...انا مانرجا حد انخش معاك ونطلع معاك
فرح..ماتبي تخش علي الرجاله
عبدالله...بعدين بعدين وقف السياره عند الباب
فرح....بيدا
عبدالله...شن
فرح...جسمي كله يرعش
عبدالله...من الخوف
فرح...مشعارفه كيف انخش خايفه انطيح
عبدالله...معاك ماتفكري في شي
إسلام...وراهم يبيب
عبدالله...نزل جيتك هيا اووووو نصي
يوسف...كل شي علي البركه
عبدالله...واخيرا جيت كنت حنزعل
يوسف...مش من جدك انخليك في يوم فرحك بروحك
عبدالله...احضنه الفال لك
يوسف...وخر انشالله انشالله افريحه كل شي علي البركه
فرح...شفتله وجها تغير يوسف
عبدالله...مرتبكه
يوسف...ههههه نزل هلك إسلام مركب
عبدالله...هي هذي مشا فتح الباب علي فرح ونزلها
إسلام...شن يعني
هنيه...ننزلو هنا
إسلام...لصق السياره ورا سياره عبدالله ونزل نزل هنيه
اميمه...تبخر فيهم ربي يحفظكم ماشاءالله ماشاءالله
إسلام...يسلم علي اميمه
المضيفه...صكرت الباب العرسان يبو يخشو العرسان يبو يخشو
الكل...يلبس يغطي في روحه
فرح...مرتبكه خواتي وين
امينه...جيتككك حضنتها ماشاءالله ماشاءلله
ابتسام...هنيوا حبيبتي تبارك الرحمان
امينه...هنيوا تهبلي تحضن فيها
هناء...تؤامي حسبي الله فيك ياإسلام فرقتنا تحضن فيها
إسلام...امشي روحي
اميمه...ههههه والله كان عندي اوليد اخري خذيتك
بدن البنات يحضنن في بعضهن وجت فاطمه ومريم وباقي البنات يحضنن في فرح وهنيه
اميمه...هيا تعالو خشو
فتحو الباب
خش عبدالله ماسك في يد فرح وراه إسلام وهنيه
علي اغنيه...جوزيف عطيه ....ياكلي الدني...
بعد وقت ابتسام نبي نطلع لصاله الأستقبال مش قادره لصوت الدي جاي الدوم نحسه في راسي
هاجر...خوذيني معاك
طلعن قعمزن برا
رزان...وين بيسو
اروي...ااااه
رزان...بيسوووو
اروي...طلعت برا
رزان...صبت طلعت
ابتسام...اتفرج علي خواتها من بعيد
هاجر....خطر عليك فرحك
ابتسام...بكل اجمل يوم بعمري
رزان....كنكن طلعتن
ابتسام.. صوت الدي جاي مش حاملته
رزان....ينعلي الأسبوع الجاي انعيش كيف الشعور هذا
ابتسام...اجمل يوم بحياتك حيكون
رزان...انشالله
ابتسام...تلفوني يرن
رزان...من
ابتسام...اجودي
رزان..ردي اكيد يبي يطمن
ابتسام...الووو
مجدي...اطلعي
ابتسام...اه الو نسمعش فيك حبيبي
مجدي....قاعد براااا اطلعي
ابتسام...برا
مجدي...هيا تروحي
ابتسام...صكرت
مجدي...موقف السياره نزل هذي توا تشوفه نزل
رزان...كنه
ابتسام...صبت قالي قاعد يلا الباب
رفعت فستانها وطلعت فتحت الباب
رفعت عينها تبي تشوف مجدي جت عينها في عين يوسف
مجدي...جا ورا يوسف متريح هنا
يوسف...برم بشويش شافله هه لدرجه اليوم هذا يقعد مخزن طول ماانا عايش
مجدي..شاف ابتسام خشي جوا صكر الباب فيش ادير هنا قلت
يوسف...غمزله جيت عشان نشوف اللي نبي نشوفه توا
مجدي...لقي روحه نازل في يوسف ضرب............#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الخامسه_والثلاثون
#نورهاان✍
