#جبرني_الوقت⏳
#الحلقه_الثانيه_والثلاثون
بقلمي✍ #نورهان
ثابت كُل الثبوت في قَلبي يافرحت عمري🫀
●●
الدكتوره...اها انتي مريضه سكر
ابتسام...اها عليش دكتوره خوفتيني
الدكتوره...لاسألت عادي حولت الجهاز من بطنها مبروك
ابتسام...اه
الدكتوره...انتي حامل
ابتسام...شفتلها كيف يعني قصدي صاح وينه
الدكتوره...ههههه
الممرضه...الله علي الفرحه
الدكتوره...واخذته عن حب
ابتسام...تمسح في ادموعها شن
الدكتوره...زوجك
ابتسام....هزت براسها اها
الدكتوره...عبير كلميه زوجها خلينا انفرحوه
الممرضه...ههههه حاضر
الدكتوره...دارت الأيكو شور ابتسام شوفي
ابتسام...وينه
الدكتوره...شيرت هذا
ابتسام...كيف حبة الفاصوليه هذي
الدكتوره...ههه مازالتي بدايه الحمل الف الف مبروك
ابتسام...تشوف لسقف ودموعها ينزلن يبارك فيك
الدكتوره...ادموع الفرحه هذين
ابتسام...اكيد كنت انتخيل في روحي مش حنحمل لأني مريضه سكر تمسح في ادموعها
الدكتوره....وكان مريضه سكر
ابتسام...يحكو لو كان حملت يحرقهم السكر
الدكتوره...من اللي مخشش الفكره هذي في راسك مافيش منه الكلام هذا راجعيني بس حنكون معاك اول بأول
ابتسام...حيجي علي الدنيا صاح وبصحته مش متشوه
الدكتوره...شفتلها ابتسام فكري امتي يكون بين ايديك وخلي في بالك انتي مريضتي من اليوم
ابتسام...تنهدت اكيد حنكون معاك انتي
الممرضه...تبتسم تفضل
مجدي...اعيونه علي ابتسام مشلها الخوف مسيطر عليه شن فيه
الممرضه...لقيته برا عشان هكي طولت
ابتسام.....شفتلها وشافت لمجدي
مجدي...شفلها قرب من السرير شن فيه
الدكتوره...انت زوجها
مجدي...اعيونه في ابتسام انشالله
الدكتوره...ماشاءالله ياحظك ياابتسام
ابتسام...شفتلها ابتسمت
مجدي...شن فيه ابتسام
الدكتوره...مبتسمه شفتله شوف هنا
مجدي...شافلها بسرعه وشاف الأيكو
شن
الدكتوره...زوجتك
مجدي...كنها شن فيها
الدكتوره...شافت ل ابتسام وغمزتلها شفتله كنك مرتبك
مجدي...خايف عليها نبي نعرف شن سبب فقد التوازن والدوخه
الدكتوره...ردت الجهاز علي بطنها
مجدي...يشوف لبطن ابتسام
الدكتوره...شن هذا
مجدي...شاف للأيكو شن
الدكتوره...مشعارف
مجدي...مراتي كنها شن عندها
ابتسام...اعيونها ع الأيكو
الدكتوره...تبي تعرف ليش فاقده توازنها
مجدي...تنهد اكيد
الدكتوره...سببه هذا
مجدي...شن يعني
الدكتوره...مبروك حيجيكم بيبي هوا مش حامل شي يفقد في توازن ماما ولا ابتسام
ابتسام....تمسح في ادموعها
مجدي...شفلها ويبتسم حامل حامل
الدكتوره...هههه اها اهو كيس الجنين قدامك
مجدي...اعيونه اللي يضحكن قبل فمه مسك يد ابتسام قعمز علي طرف السرير يشوف ل ابتسام
الدكتوره...مدتلها المناديل تعالي عبير امسحي بطنها
مجدي...لاعطيهن ليا ماحد يلمسها
الدكتوره...ابتسمت مدتهن له
مجدي...خذاهن يمسح في بطن ابتسام ويبتسم
الدكتوره...شافت للممرضه وابتسمت
الممرضه...ربي يبارك في حملك
ابتسام...تسلمي
مجدي...نزل البدي هكي تمام
ابتسام...تمام
مجدي...مسك يدها ونزلها من السرير
ابتسام...اتصكر في العبايه
مجدي...ماسك يدها
الدكتوره...تكتب في الروشيته تعالو تفضلو
ابتسام....قعمزت
مجدي...قعمز صادرها يشوف في ابتسام وهيا تحكي مع الدكتوره ويبتسم صكر اعيونه وهز راسه
الممرضه...ربي يحفظكم
ابتسام...شافت لمجدي وشفتلها ابتسمت تسلمي حبيبتي
الدكتوره...ابتسام هذين فيتامينات وهذا رقم تلفوني راني مانعطيش فيه لحد لكن انتي حاله خاصه اي شي يسير معاك رني عليا
ابتسام...باهي ودواء السكر
الدكتوره ....هوا معدل ولا
ابتسام....اها
الدكتوره...خلاص اكسري الحبه اثنين وحده خوذيها صبح والاخره في ليل مش حبه كامله
ابتسام...يعني في اليوم حبه بس قسمتها
الدكتوره...ايوا
ابتسام...صبت
مجدي...صبا
ابتسام...بارك الله فيك
مجدي...تنهد يشوف ل ابتسام وهيا تحكي
الدكتوره...هذا شغلي مدتلها الروشيته
ابتسام...خذتها امتي انجيك مره اخري
الدكتوره...بعد شهر وكان صار معاك اي شي رني عليا
ابتسام...انشالله شافت لمجدي نمشوا
الدكتوره...تشوف لمجدي وتبتسم
مجدي..اه اها هيا
الدكتوره...عينك من روحك وربي يثبت حملك
ابتسام...تنهدت انشالله نزلت الخيمار
وطلعو.....
الدكتوره...ماشاءالله عبير اول مره انشوف اثنين خايلن علي بعضهم
الممرضه...الفرحه في اعيونه
الدكتوره...وجعتني اصغيره وعندها السكر
الممرضه...عندها السكر
الدكتور...اهاا
الممرضه...ربي يحل اعويناتها علي خير
الدكتوره...انشالله والله بعد شفتهم طاقه ايجابيه خشوها عليا خشي الحاله اللي بعدها
الممرضه...هيا هيا
#نورهان✍
امينه...خلاااص كلا انا كرعيا
هنيه...ينعلي تعبتك
فرح...ماشاءالله قطعتن مشوار
هنيه...اليوم جبنا حاجات الكوجينه بس من العوايز والات
هاجر...ماشاءالله ذوقك يهبل
هنيه...اللي اتجي في عينك خوذيها هجوري
امينه...خشينا للمحل علي اربع ادوار خذينا حاجات الكوجينه كلها
هاجر...احسن شي
اسراء...ماشاءالله انشاءالله ربي يهنيك
هنيه...نجك لي العقبال لبتاتك
اسراء...انشالله يارب
اصيله...فاتتكن جيت بيسو
هنيه..جتتتت
اصيله....ماطولتش
هنيه...ياخساره امرايفه عليها
امينه...كنها ماقعدت
هناء...عندها عياده
امينه...شن اتحس ينعلي حكيت معاها امبدري مافيها شي
فرح...تفقد في توازنها ودوخه
هاجر... يارب تكون حامل
امينه...انشالله يارب
اصيله....يارب
هاجر...قالت بكرا جايه
امينه...توا نكلمها
هاجر....اكيد مازالت في العياده
امينه...ساعه كم
فرح...1:45
امينه...معقوله زحمه هكي العيادات
هاجر...اها شن قتلك
امينه...انتي بكرا عدي للعياده
هاجر...لالا
امينه...نحنا نمشو مع دومي كان قعدنا نطلعو يومي في اسبوع انكملو
هاجر...لالا انا عادي
امينه...بس غلط
هاجر...الحافظ الله
هنيه...شن رايكن في الألوان قالي الكوجينه لونها اخضر هادي جبت الألوان هذين
فرح...يجنننن
هنيه...افريحه اللي تجي عينك عليها خوذيها حتي انتي عطيتيني من حاجاتك
فرح.. وين انحط انا كملت
اسراء...منسقت الطولات علينا
امينه...لاوالله انتن تكفن قعدتكن معانا
اصيله...حكينا مع باتي قال خلاص اتفقنا شوفن منسقه وحقها علينا بالحاجات اللي علي طاوله
فرح...لاواللهي اصوله
اصيله...نحنا خوات ياالهبله بعدها عمي يبي يلحق علي من ولا من
هاجر...انا شوري صالونك هنيوا اختاري بكرا وحقه شوري قد مايكون حقه اختاري بس هذي هديتي
هنيه...لاوالله اتسد صالون فرح
هاجر...مش شوري كل وحده ومعزتها انتن معزتكن في قلبي كبيره
فرح...نجك لي حتي انتي مالك الاقرعتك في قلوبنا
هنيه...والله حرام وراك ولاده
هاجر...ايجي برزقه بعدها هذي مني مش من ايمن
هنيه...جت حضنتها ربي يفرحك ب منونه وهومي كيف ماتفرحي فينا
هاجر...الله علي الدعوه الحلوه انتن خياتي في اجيابي مانلقي الا فيكن
امينه...نجك لي
اسراء...خلينا انشيلو الحاجات في الدار ونمشو نسحرو
فرح...هيا
امينه...نلقاني جعانه جابلنا ايمن سندوتشات في الطريق ماكليت قعدت انتخيل في الفطور وهوا مسخن
هاجر...هههه توا نمشي انسخن الفطور
امينه...مانبيش انتعبك
هاجر...ريتي هالتعب هومي ومنونه مرقدين نسحر قبل مايوعو يعلقوها صباحي
امينه...كان هكي خليهم ليا
هاجر...يجننوك
امينه...واللهي عادي
هاجر...لاوالله ترقدي براحتك هما مزعجين بعد يوعو
امينه...نجكم لي
هاجر...وين هنو
امينه...شفتها طلعت
هاجر...تمام نمشي للكوجينه
هنيه...امي جوها شين
امينه...خنقتها العبره تشوف في بناتها يكبرن قدامها ويمشن وحده ورا لخره
اصيله...نجك لي ياعمتي صاح صعبه تذكري في فرح ابتسام
اسراء...خطرها علي ابتسام حتي هيا مشغوله منها
هنيه...كنها شغلتني عليها
اسراء...مشعارفه قالت فاقده توازني
فرح...كلمتها لقيتها مقفل
اصيله...رنن علي مجدي
فرح...لافكيني منه حتي صوته يخوف
اصيله...هههههه لهدرجه
امينه...هههههه صوته ثقيل لأنه
اسراء...ههههه
#نورهان✍
مجدي...يسوق ويصفق حنكون اب مش مصدق وووووه
ابتسام...تشوفله هههههه
مجدي...يبيب واللي يبي الطريق يعطيه الطريق واخيرا ياروح حنجيب منك اعيال اسمعي معش فيه تعب وبذل جهد نين اتجيبي ابنيتي
ابتسام...اها عشان بنتك بس
مجدي...لاحتي انتي
ابتسام...حاضنه بطنها بيديها مش حاسه بشي
مجدي...بعد تكبر في بطنك اتحسي بيها شكلها تبي تطلع شيطانه
ابتسام...ههههه قولك
مجدي...امممم تخلي فيك تفقدي في توازنك الشيطانه
ابتسام...تكونلي بخير مانبي شي
مجدي...انتي ويها
ابتسام....يارب
مجدي...وقف
ابتسام...كنك وقفت
مجدي...امبدري قلتي خاطري في ازلابيه
ابتسام...انسيتها
مجدي...لامش ناسي روحي وبنتي خاطرهن في ازلابيه ليش مانجيبها لهن
ابتسام...نجك لي اممم صفره اه
مجدي..من اعيوني نزل للحلواني
ابتسام...فتحت الشنطه طلعت التلفون ييييه مقفل فتحاته بدن يجن الرسائل
امينه...اهي بيسو فتحت تلفونها جني رسائل متاحه
ابتسام...اتصلت ب امينه
امينه...اهي تتصل الو
ابتسام...نسمع فيك مني
امينه...وينك ياسمحه ماتلاقينا مرايفه عليك بكرا تعالي بدري
ابتسام...بكرا مانقدرش عازمه عيت عمي بعد بكرا خليها
هنيه...شن قالتلك
امينه...قالت بكرا عازمها عيت عمها
هنيه...بيسو تعالي بعد بكرا بدري
ابتسام...انشالله جيتن من السوق
امينه...جينا
ابتسام..شن جبتن
امينه...حاجات الكوجينه الات عوايز
ابتسام...ماشاءالله
امينه...توا بعد اتجي اتفرجي
ابتسام...انشالله
امينه...شغلني البنات قالن عندها عياده قالن تفقد في توازنها
ابتسام...لاغير تبي تقعدي خاله بعد تسع اشهور
امينه...اي خاله من انا
ابتسام...هههه اها واحلا خاله بالدنيا
امينه...عيطت حامل قصدك
ابتسام...هههه اهاا
امينه...تبكي نجك لي يابيسو كان قدامي حضنتك عارفه قد شنو فرحت
ابتسام...تنهدت عارفه
هنيه...حامل
امينه...اها
هنيه...لوووووووولي
ابتسام...من
امينه...هنيوا ياربي فرحانه واخيرا حنكون خاله
فرح...بسم الله كنك اتزغرتي
اصيله...شن في
فاطمه...عليش اتزغرتي وعيتي حنك
هنيه...اعيونها ادموع ابتسام حامل
فاطمه....شفتلها كلمتكن
هنيه...كلمت امينه
فاطمه...تنهد ربي يحل اعويناتها علي خير
هناء...خشت جوا ماشالله انشالله ديما في الزغاريت شن المناسبه
هاجر...بسومه حامل
هناء...احلفي
هاجر...والله نحكي جديات
...طبعا الكل كان فرحان باابتسام مش متوقعينها تحمل لأنها مريضه سكر كانو يفكرو انا السكر يسبب اي تعرقل في الحمل او ماتحملش الا بصعوبه كانت اكثر وحده فرحتها ماتوصفش فاطمه وهيا تحضن فيها حواء وهيا تبكي
حني امينه...يارب ديما في الأفراح
فاطمه...تمسح في ادموعها يارب
حواء...العقبال لكل نفرحو بيهن
فاطمه..يارب
ابتسام...باهي مني نحكو بعدين سلمي علي الكل انتلاقوا
امينه...عينك من روحك
ابتسام...انشالله هيا بالسلامه
امينه...باي باي
مجدي...ركب في السياره جايب طبق زلابيه خليته ايديرها قدامي ساخنه
ابتسام...اممم نجك لي رفعت الخيمار فتحت الطبق خذت طرف تاكل امممم
مجدي...شفلها هههه صحه حبيبي
ابتسام...ع قلبك تنهدت كنت نحكي مع امينه قلتلها اني ح ح حطت يدها علي راسها
مجدي...هدا السياره كنك حبيبي
ابتسام...بنتك شكلها ماتبيش اتهدي مازالت ادوخ فيا خلاص ختمتها بنت علقت في فمي كان طلع اوليد
مجدي...ياروح هذي مش حاله
ابتسام...اكيد بعد فتره اتحول عادي انتحمل اي شي حطت يدها علي بطنها لعند مانحضنها بين ايديا يهون علي التعب والألم اهم شي تكون بصحتها وعافيتها
مجدي..نبيك حتي انتي بصحتك
ابتسام...دوبها في بطني وانا ماتخافش عليا خذت من الزلابه شن كنت نحكي
مجدي...قلتي كنت نحكي مع امينه
ابتسام...قلتلها اني حامل نسمع في الزغاريت قدامها
مجدي...تنهد اكيد حيفرحو بيك واخيرا ابتسام ادير اعيال ههههه
ابتسام...هههههه حاجه ماتتوقعش اني نحمل ونجيب ونربي مرات نحس روحي مازالت طفله
مجدي...مهما كبرتي انتي مازالتي طفله برائتك ملامحك كل شي طفله
ابتسام...ههههه الطفله هذي الشهور الجايه تقعد بطنها قدامها
مجدي...اناااااعلي نااا
ابتسام...حبيبي بكرا اوعالي بدري
مجدي..عليش
ابتسام...اتجيبلي الحاجات اللي نقصات
مجدي...انشالله وعيني
ابتسام...انشالله خذت من الزلابيه تاكل
مجدي...حبيبي ماتكثريش منها
ابتسام...مازالت في الطرف الأول
مجدي...صحه ياشدوقي
ابتسام...هههه ع قلبك يالقلب
مجدي...وقف تحت العماره هيا حبي
ابتسام...فتحت الباب ونزلت
مجدي...صكر الباب وامن السياره مد يده ل ابتسام
ابتسام...مدت يده
مجدي هاتي انشيلها
ابتسام...مش ثقيله عااد
مجدي...حتي كان معش اتشيلي حاجه ثقيله بكل
احمد...فتح شقته مجدي
مجدي...نزل درجتين ايوا
احمد...جبتلي اللي قتلك عليها
ابتسام...انا راقيه تصبح علي خير
احمد...وانتي من اهل الخير
مجدي...جاه شن
احمد...البطاقه
مجدي...اها اهي في جيبي انسيتها بكل
احمد...بكرا عندي شغل وماعنديش وقت نمشي لعند الحوش
مجدي...طلعها من الجزدان باركلي
احمد...اصالحتو
مجدي...ربي مايجيب زعل بينا تبي تقعد عم
احمد...شفله كذاب عارفك
مجدي...والله نحكي جديات هذي جيتنا من العياده
احمد...حضنه مبروك يانصي
مجدي...العقبالك
احمد...انا خلاص
مجدي...نبو نفرحو بيك
احمد...حياتي اندفنت معاها
مجدي...الله يرحمها باهي تبي شي
احمد..والله ماتقولها ل وسام طلع التلفون
مجدي...توا يجي جي هذا
احمد...لاقاعد في المركز وراقيله
مجدي...شن فيه
احمد...يحقق مع بنات
مجدي..لااا
احمد...ايوا
وسام...نسمع فيك
احمد....وين
وسام....في الطريق ماشي للحوش
احمد...فاتح السبيكر كملت تحقيق
وسام...كملت مع طوووووط
احمد....هذا شغلك المهم كملت
وسام...كملت وباطل وجوي خارب
احمد...باهي قتلك
وسام...شن
احمد...تبي تقعد عم اقريب
وسام...من من يااحمد من جدك
احمد....ههههه كيف يعني
مجدي...ههههه
وسام...من متزوج انت كنت اتقوللنا بس وخوذها بالحلال وقدام الناس فكني من العار
مجدي..ههههههه
احمد....امشي يامسخ مش انا مجدي
وسام...امشي بلاكذب
احمد...مانكش للحلوفات اهو قدامي ميت ضحك
وسام...عارفك اتهني يانصي
مجدي...ههههه امشي يامسخ
وسام...سخسختو بيا العقبالك احميده
مجدي...انشالله يارب
احمد...قولك
وسام...اها انشالله
احمد...ونشالله
مجدي..انا راقي
احمد...معطيها المفتاح
مجدي...شاف لجيبه اهو في جيبي
احمد...عدي عدي
مجدي..يرقا من الدروج بالدرجتين وثلاثه عشان يوصل
احمد...اوكي وسام
وسام...اوكي احميده انتلاقوا
احمد.. انشالله تصبح علي خير
وسام...وانت من اهل الخير
مجدي...روحي
ابتسام...مقعمزه علي الدروج
مجدي...ليش ماعيطتيلي مد يده
ابتسام...مسكت في يده وصبت عادي حبيبي
مجدي...والله نحساب روحي معطيك المفتاح
ابتسام...عادي حبيبي منها تريحت اشوي
مجدي...فتح الباب
ابتسام...خشت وسلحت كويشتها وخشت لصاله تسلح في العبايه
مجدي...قفل الباب وعزق المفاتيح علي الكنداره
ابتسام...تشوفله
مجدي...جا حضنها وتنهد
ابتسام...ابتسمت فرحان حبيبي
مجدي...لدرجه ماتوصفش
ابتسام...زادت حضناته انحبك انا
مجدي...صكر اعيونه نموت فيك مووووت انزلت منه دمعه ع ابتسام
ابتسام...شفتله حبيبي تبكي
مجدي...قبل ضريتك ياروح امس
ابتسام...اششش كلا من ورا قلبك عارفه
مجدي...انا اناني فيك نجري بالسياره وانتي حامل وخاطي هكي اتخافي من السرعه كان صارت فيك حاجه انا شن اندير من ورا انانيتي
ابتسام...تمسح في ادموعه حبيبي خلاص ماصار شي تشوف فيا مافيا شي قدامك
مجدي...كان صار
ابتسام...ابتسمت تعال مسكت يده
قعمزو علي صالون الصاله شوف انت غلطان صاح ياخشيمي انت عارفني عندي فويبا من السرعه بس انا امسامحتك لو شن درت فيا مانقدرش نزعل منك بعدها انا رقيتها لك في السياره يعني انت غلطان وانا غلطانه هكي تصافينا
مجدي...يمسح في ادموعه لالالا حبيبي اللي درته مستحيل ايتكرر بذات توا انتي حامل معاك روح والله امبدري انسوق خطر عليا يوم امس استحقرت روحي
ابتسام...خلاص حبيبي
مجدي...شاف ليده نص ساعه ويأذن هيا تعالي اسحري
ابتسام...عارف حبيبي شبعانه
مجدي..حليب
ابتسام...والله ماعندي نيه توا نصبي انديرلك سفره تسحر
مجدي...لاانا نبي حليب بس نشربه
ابتسام...خلاص تمام
مجدي...عدي غيري ادبشك انا نشرب حليب ونجيك
ابتسام...صبت نجك لي
مجدي...وليا ينجيك ياروحي
ابتسام...هههه حبيبي انت خشت لدار وردت عارف اندير دوش من الجل اللي علي بطني
مجدي...توا اديريه بكرا
ابتسام...لاعشان نرقد متريحه
مجدي...براحتك خش للكوجينه
ابتسام...حطت عبايتها وشنطه في الدار وخشت لحمام تدوش
مجدي...يشرب في حليب خذا شيشه اميه وطلع للبلكوني ولع دخان يدخن
#نورهان✍...
امينه...قولكن ابتسام معاها اوليد ولا ابنيه
فرح...اكيد ابنيه
هناء...لااوليد
اسراء...نقول اوليد حتي انا
اصيله...لاابنيه وتكون نسخه بسومه اعويناتها وشعرها وشديقاتها
امينه...نجك لي تطلع اتجنن سوا نسخه ابتسام ولا مجدي
اسراء...اهم شي تكون اكويسه والخلقه التامه
امينه...يارب
فرح...تشوفلهن وساكته
هنيه...مسكت يدها نجك لي
فرح...شفتلها بخيبه
هنيه...اعيالي اعيالك
فرح...نجك لي هنيوا
امينه...كنت نحكي مع عمتي ربيعه قلتلي جايه ثالث يوم صايمه عندنا
اسراء..نحس فيها مش متريحه مع راجلها
امينه...الله يعلم عمرها ماحكت
اسراء...عمتي ربيعه قاعده منتهيه ومرهقه بعد ماكانت كيف الورده
اصيله...ممكن من الجياب حتي هوا ايديرها
امينه...صاح نمشي نشرب اميه قبل مايأذن
فرح...خوذيني معاك حتي انا نشرب اميه
امينه...هيا
#نورهان✍
مجدي...هاتي انجففلك شعرك
ابتسام...ابتسمت نجك لي مدتله الأستشوار
مجدي...ولعه وبدا يجففلها في شعرها
ابتسام...اتشوفله في المرايه
مجدي...يرفع في شعرها
ابتسام...خذت كريمه نيفيا ادير فيها علي ايديها وتشوف للمرايه
مجدي...هكي تمام
ابتسام...ترفع في شعرها تمام حبيبي
مجدي...طفا الأستشوار طبس خطف من خدها بوسه نجيلي السمح
ابتسام...هههه نجك لي اسحرت
مجدي...الحمدلله انجيبلك حليب
ابتسام...لا حبيبي نبيش فتحت شيشه الميه شربت وصبت لسرير حولت الورغان
مجدي...تبي ترقدي ياروح
ابتسام...لاحبيبي غير نرجا في الأذان
مجدي...بما انك واعيه اكتبيلي اللي ناقصتك
ابتسام...مدلي تلفونك
مجدي...مدلها التلفون
ابتسام...فتحت علي المذكره وبدت تكتب
مجدي...كل حاجه اكتبيها هنا
ابتسام..هزت راسها بمعني باهي وتكتب حبيبي
مجدي...هممم
ابتسام...عندي نواقص واجد
مجدي...اكتبي اللي تبيها كلها
ابتسام...نجك لي بدت تكتب
مجدي...منسند علي السرير ويشوفلها وهيا تكتب
ابتسام...شفتله ههههه كنك اتشوفلي هكي
مجدي...لو بيدي نصكر عليك هنا معش تطلعي بكل
ابتسام...صكرت التلفون كتبت كل اللي نبيه امممم وليش
مجدي...كل ماتباعدي عليا كل مانرايف اكثر نبيك 24ساعه قدامي
ابتسام...ههههه اخياب هذا
مجدي...وانا خايب فيك
ابتسام...قربت منه وراسها علي صدره انموت فيك انا
مجدي...مش قدي
ابتسام...صكرت اعيونها
مجدي...انتخيل في بنتنا وهيا دايره ضفيره كيف اللي اديري فيها وضحكتها كيف ضحكتك خجوله كيفك بريئه كيفك اعيويناتها اعويناتك كلشي كلشي نسختك يده علي شعرها يمشي فيها ياروحي سامحيني علي كلشي درته لك سامحيني لو في يوم زعلتك سامحني علي كل مره دفيتك فيها بسبب غيرتي انتي مسامحتني ياروح
ابتسام...راقده بالنوم
مجدي...شفلها ياشدوقي هههه نجك لي راقده عدل قعدتها
ابتسام...فتحت اعيونها حبيبي ليش بعدتني تؤ ردت ارقدت
مجدي...خش تحت الورغان حضنها والله مانبعد عنك كم روح عندي صكر اعيونه وراحو لاثنين في نوم عميييييييق...
#نورهان✍
ثاني يوم ساعه تحديدآ 12:30
ابتسام...الوو اجودي وينك
مجدي...تحت العماره ياروح هيا اني جيتك
ابتسام...ننزل انساعدك
مجدي...لاعمري اهو احميده توا يساعدني غير افتحي الباب
ابتسام...هيا
مجدي...اوكي صكر
ابتسام...حطت التلفون علي الطوله ردت نفس الدوخه اووووف ياربي استرني اليوم نكمل الفطور علي خير كرت الكرسي قعمزت تمسح علي اعيونها تصكر وتفتح صبت تفتح في الباب
مجدي...يرقا من الدروج
احمد...والله مافي داعي اتعب روحها جيبه جاهز وقول هيا اللي دراته
مجدي....ههههه مايسير شي لو انا قلت هكي هيا ماتبيش
احمد...تعب عليها اقل شي جيب حنان اتساعدها
مجدي...هيا هيا ماتبيش قالت نستمتع بعد نقعد في الكوجينه
احمد...معناها انت ساعدها
مجدي...انشالله
احمد...نزل الأكياس تبي شي مافيش داعي تمشي رن عليا انا طالع طالع
مجدي...خش
احمد...لاوالله جيت ناخذ في اوراق
مجدي...تمام تربح
احمد...نزل من الدروج
مجدي...سلح كويشته خش بالأكياس حطهن في الكوجينه
ابتسام...ينعلي تعب
مجدي...انجيب اللي برا
ابتسام...مشت معاه
مجدي...رفع الأكياس
ابتسام...طبست خذت باقي الأكياس
مجدي..نزلي نزلي
ابتسام...نزلت كنك اجودي
مجدي...اثقال عليك ماتشيليش
ابتسام...اجودي ماتقيدنيش مش اثقال
مجدي...قدامي
ابتسام...ارفعت كيس
مجدي...لا اله الا الله
ابتسام...مش ثقيل عاد هذا
مجدي...خش بالأكياس للكوجينه حطهن خلاص انجيب الباقي ونصكر البااب
ابتسام...حطت الكيس علي الطوله لبست المريول فتحت الثلاجه طلعت الحافظات صكرت اعيونها وفتحت ياربي استرني
مجدي...داهش اه
ابتسام...لاقلت نبدا اندير ياروحي
مجدي...خليها الخضرا توا انظمها
ابتسام...طلعت الحافظات تحط فيهن علي الطوله
#نورهان✍
اروي...رزونه
رزان...دايره وجها لساس
اروي...هيا صبي خلاص كله نوم زينه وروان من بدري وعيات مفروض انتي واعيه قبلنا
رزان...تمسح في ادموعها توا نصبي هي الحمام في حد
اروي...رزونه كيف تبكي قربت من سريرها تشوفلها
رزان...تقعدت
اروي...شهقت ايديها علي فمها كنك اعيونك منتفخات
رزان...تمسح في ادموعها مافي شي مضايقه بس
اروي...شن فيه
رزان....قلبي نار فيه مش قادره نستغني علي سعد برغم هوا استغني عني تخبط علي صدرها نبي انطلعه من قلبي نبيش نظلم وسام
اروي...حظنتها ياروحي والله مايستاهل ادموعك
رزان...امس حكيت معاه قتله بكرا النظرة الشرعية قعد يبكي كيف العيل الصغير اللي واخذا منه لعبته بصوت يبكي اروي
اروي...امتي حكيتي معاه
رزان...امس بعد حكيت مع وسام
اروي...ليش تحكي معاه
رزان...مجرد صوته بس يغير يومي كله عارفه هوا مع غيري وهوا بدلني بس خنقت صوته وبكاه امس موجوع
اروي...الله يسامحها حتي امه خلاص اسكتي اعيونك فضيحه
رزان...قهرني في عمري شوفي شن دزلي بعد صكرنا
اروي...شن
رزان...فتحت التلفون حطت علي الرسائل شوفي
اروي...تقرا...((ياريت لويرد بيا الوقت والله مانفكر نخسرك ياكبدي مقهور في عمري اللي عايشه بلا روح ))
رزان...ترفع في شعرها
اروي...تبي
رزان....مستحيل انا نبي نكمل طريقي امه مستحيل ترضي تخليه يأخذني
اروي...وشن ذنبكم انتو
رزان...نصيب جمعنا ونصيب فرقنا سعد لو شن دار فيا اول حب في حياتي مستحيل نقدر انطلعه من قلبي انحن لي ايامنا لضحكنا حتي بعد نتعاركو ويصالحني رايفت عليهن اتصدقي حتي ادموعي ادموع ارياف
اروي...حضنتها ياقلبي انتي حاسه بيك والله ادموعك غاليات خلاص وقفي ابكا عشان خاطري
رزان....تبكي صوته وهوا يبكي مازال في وذني اروووي ليش النصيب فراقنا مفروض هوا اللي اليوم اللي جاي نظرة شرعيه مش وسام
اروي...اشش خلاص ياروحي والنصيب يبيك ل وسام مش له اكيد فيها خيره
رزان...تنهدت حسبي الله ونعم الوكيل
اروي...خلاص صبي ديري دوش ونديرلك استشوار مرات الضي يطفا
رزان...بعدت من اروي اها صاح وين البنات
اروي...في الكوجينه ايديرن في الفطور
رزان...صبت تنظم في سريرها
اروي...عدي توا انظمه انا
رزان...فتحت الباب وطلعت بدون ماترد عليها
#نورهان✍
هناء...قاعده في الحاجر فاتحه تلفونها تصفح
ادم....جا من برا شاف هناء
هناء...خييير
ادم...راقيله خير امي جوا
هناء...اها في الكوجينه ايديرن في الفطور
ادم...وانتي كنك ماتخشي اتساعديهن
هناء....نعرفش
ادم...شن تعرفي تفطري في عز النهار والقايله
هناء...هههه اها
ادم...تضحك اخري مصح وجهك
هناء...والله حاجه ربك منزلها شن اندير
ادم...وتقولي فيها بكل وقاحه
هناء.. شن اندير
ادم....امتي اتصيمي كيف الخلق
هناء...بعد بك شن مالك يابارد
ادم....ههه امباه
امينه...طلعت للحاجر دومي خير
ادم...خير مني
امينه...شن في خاطرك
ادم...نعطي الفرخه هذي كف يعلم
امينه...هههه فكنا من هرجتها خشت
هناء...صبت من الكرسي قربت من ادم دارت وجها والله مانخليها بخاطرك لاني عارفه يد منه اللي تبي تضربني
ادم.....يشوف لعيونها
هناء...مسكت يده هيا عطيني كف
ادم....صكر اعيونه دفها خاطي وجهي طلع
هناء...ارفعت حاجبها وبتسمت
امينه...ماسكه ورقه وين دومي
هناء...طلع
امينه...نبي اندزه علي حاجات نبيهن
هناء...عطيني شن تبي
امينه...هاكي الحقيه غير عنديش رصيد
هناء...حافظه رقمه
امينه...اها
هناء...فتحت التلفون كم
امينه...094♡♡♡♡♡♡♡
هناء...توا اندزله الحاجات في رساله
امينه...تمام خشت
هناء...ماسكه الورقه وتشوف ل امينه نين خشت ردت لطوله رنت علي ادم
ادم...يسوق هدا
هناء...رد
ادم...ايوا
هناء...هاااي
ادم...من معايا
هناء...عرفتنييش
ادم...من انتي
هناء...هنو ياولد عمي شكلهن واجد نين ملخبط ماعلينا
ادم...هه هناء كنك يافرخه
هناء...طلعت لشارع لحقتك مالقيتك القيت ولد جيرانكم اللي مصادركم
ادم...وقف السياره بدل التلفون لجيها الثانيه طلعتي وين
هناء...برا برا لشارع كنك
ادم...نقتلك يافرخه ماعندناش بنات يطلعن برا
هناء..المهم جا قالي تفضلي لأني نعيطلك دومي دومي مارديت عرفتك مشيت قرب من الباب جت عيني في عينه قالي تفضلي ادم عدا توا
ادم...صاح تمام
هناء...المهم قالي تبي حاجه قتله هئه بوركت صكرت الباب وخذيت رقمك من مني الو الو تسمع فيا كنا مايرد يييه صكر الحيوان عاودت نشالله مارديت بعد دقايق الباب طق
امينه...شوفي الباب
هناء...فكت السماعات مش وقت الباب صبت من مننن
الباب...طقطقطقطق
هناء...كسره ماعندا عليش قاعد فتحت الباب يييييه ادم
ادم...ولد جيرانكم اه
هناء...شفتله وخشت
ادم....لحقها مسكها من شعرها من من اعيال جيرانه شن شكله
هناء...نكذب ورحمه عبسي نكذب ياحيوان شعري
ادم...من قالك افتحي الباب
هناء...شفتله ببرائه يدك واعره ادم
ادم...خفف يده من عمايلك
هناء...والله نقصه
ادم.. حلوه حتي هذي
هناء...مسكت يده باهي حول
ادم...مش محول
هناء...والله يجي باتي نحكيله
ادم...حتي انا نحكيله علي عمايلك ياارنوبه نقوللهم فاطره
هناء..باهي حول يدك
ادم...نكسر ارقبتك يافرخه لو يطق الباب وتفتحي
هناء...خلاص هانت ادم كلها شهر
ادم....عليش شهر
هناء....حنزوج
ادم....ليش من يبي يأخذك انتي
هناء...شفتله
ادم...مرفع حاجبه وعيونه في اعيونها
هناء...قصدك اللي يشوفني ماينعجب بيا غمزتله كيفك يعني
ادم...حول يده خشي هناء جوا
هناء...كنك
ادم...طالع انا خشي جواااا
هناء...حتي انا خاشه خاطري في بكلاوه خضرا الصغيره هذي جيبها
ادم...نشتغل علي احسابك
هناء...توا راجلي ايجيبلي بلا جميلتك باهي اللي ماطلبت حاجه كبيره
ادم...جوااااا
هناء...تمشي خاشه يااعصاب لفت من الحاجر وقعمزت علي الطوله اسمعت الباب بعد اصكر ابتسمت نجك لي
امينه...هنو شن صار
هناء...اه دزيته
امينه...تمام
هناء...فتحت التلفون دزتله رساله
نرفوزي قلتلك مني جيب معاك طحينه وجبنه هابي كاو ))...تم التسليم....
#نورهان✍
فرح....مش واخذا علي بيدا يستكردني بصراحه
هنيه...ماحكاش معاك
فرح...لااا وانتي
هنيه...لاكلمني بس حتي هوا جوا خارب
فرح...ماقالكش بيدا كنه
هنيه...ماحكاش علي عبادي بكل
فرح...ليش يقفل في التلفون بس
هنيه...راجي
فرح...شن
هنيه...اندز رساله ل إسلام
فرح...شن تكتبيله
هنيه...راجي دزت ((ياعويناتي عبادي متعارك مع افريحه ولالا افريحه مصكرا علي روحها في الدار امس مافطرت اليوم صارلها هبوط خلي عبادي يكلمها يخليها تاكل ))تم التسليم....
فرح...شن دزيتي
هنيه...ورتها الرساله
فرح...توا يعرفنا متفقات
هنيه...لالا مش تبي تعرفي ليش مايكلم فيك توا نعرفو غلاته كان إسلام حكاله يرن عليك ولالا
فرح...تنهدت اوووف
هنيه...هههه تلفونك لايحبك
فرح...شافت التلفون بيدا
هنيه...نصكر الباب
فرح..تمام
هنيه...طلعت وصكرت الباب
فرح...ااالو
عبدالله...كنك ويحا
فرح...كني
عبدالله...صوتك ذابل
فرح...لاعادي
عبدالله...كنككك
فرح...عندي هبوط ماناكلش
عبدالله...لييييش صايمه راكي
فرح...كان خاايف عليا راهو اترن عليا ماتقفلش التلفون
عبدالله...مواضيع ياعمري
فرح...صاح المواضيع يلهنك علي فرح وتقفل تلفونك
عبدالله...مالأخر ياويحا
فرح...شن
عبدالله...غاير ومستنقص
فرح...من شن
عبدالله...قاعده في وسط شباب روحي لحوشكم نقعد اربع وعشرين ساعه انكلمك
فرح...اها عشان هكي
عبدالله...اها
فرح...ادم مرتبط بهناء ويبيها ومايجيش بكل للحوش الا علي الفطور يفطر ويطلع عبدالسلام هوا وعبسي الله يرحمه عمر واحد اما حمادي نجك لي 16سنه في اي واحد نفكر برأيك
عبدالله...سكت
فرح...انا متربيه معاهم اعيادنا لمتنا فرحتنا مع بعضنا انا توا انجي انفرق العايله لا خلينا نمشو عليش ياافريحه نحنا نفطرو مع بعضنا بين امي وخوتي لاباتي بيدا غاير باتي من شن علي اعيال عمي اللي تربيت معاهم هكي تبيها انفرق لمه العايله عشان نسمع صوتك هكي تبي بيدا
عبدالله...مش قصدي
فرح...شن هوا قصدك
عبدالله...اعذريني انا غيور
فرح...مهما كانت غيرتك انا لك مايملن اعيوني غيرك اطمن
عبدالله...انبطل انغار
فرح...لا غار بس ماتحرمني من صوتك وتمسكني من يدي اللي توجعني وتقولي روحي للحوش عشان اعيال عمي
عبدالله...باهي اسف
فرح...مش زعلانه انا بس معش تحرمني من صوتك يومين مشعارفه كيف عدن ترددت كم مره انرن علي خالتي لكن خفت تقول في شي بينهم ومتزعلين كلمت ويه قلتلي في داره مافي شي شن اندير انا انت ليا اكسجين بيدا
عبدالله...نجك لي باهي نحكي معاك بعد نفطر وكوولي خير ماناكلك معش نقدر انطول انتي حتفطريني
فرح...هههه هيا اوكي انشالله
عبدالله...باي
فرح...باي صكرت تنهدت حطت تلفونها في جيبها سامحني ياربي كذبت علي ادم وهناء طلعت من الدار طول للكوجينه
امينه...تقلي
فرح...شن اديري
امينه...نبي اندير مستفه
فرح...امممم
هنيه...غمزتلها شن صار
فرح...حكينا
هنيه..ليش مقفل
فرح...كيف كلام بنات خالي غاير من الشباب
هنيه...كذابه
فرح...واللهي وحتي إسلام اكيد نفس الشي
امينه...هيا بنات سعدني
فرح...امي وينها
امينه...مع عمتي حواء في القطعه ايديرن في تنور
هنيه...نطلعلهن
امينه...افريحه شيكي علي الكوشه
فرح...والعه من فوق ولوطه
امينه...تمام بكل
فرح...انساعدك في شي
امينه...لا
اسراء...جايه من برا حطت الطاجين علي الطاوله
فرح....شن دايره
اسراء...كيروسان وشاش طاووق
فرح...افتحت القزير عنشكلك دايره فحمه فيه
اسراء...شن رايك ايسير مني
فرح...البنة والشكل لذاذه
اصيله...خشت بالطاجين حطاته علي الرخامه وهذي الكيما
امينه..تعبتن ارواحكن
اصيله...ريتي هالتعب نسمع في امي وعمتي يهدرزن في القطعه
امينه...اها ايديرن في تنور
اصيله...هنو وينها
امينه...خشت امبدري لدار اكيد مع حني
اصيله...في حاجه انساعدك فيها
امينه...لانجك لي خلاص نحط هذي في الكوشه كملت
اصيله...يعطيك الصحه
#نورهان✍
ابتسام...مقعمزه علي طوله الكوجينه فاتحه التلفون ردت الدوخه حطت يدها علي راسها ياااربي
مجدي...خش لكوجينه بيسو
ابتسام...شفتله اعيونها
مجدي...شاف لباب ليش فاتحه الباب
ابتسام...بنة القلي نبيهاش اتخش جوا
مجدي...طلع من باب البلكوني يشوف في حد يشوف فيهم ولا
ابتسام...تمسح في اعيونها
مجدي...رد كملتي
ابتسام....كملت كلشي
مجدي...كنك دايخه
ابتسام...ابتسمت لاعطشانه
مجدي...تعبتي ياروحي
ابتسام...لاعادي حبيبي
مجدي...روحه
ابتسام...خوذ سفره العصائر حطها في الصاله اكيد في الطريق
مجدي...شالها قالي وسام توا كيف طلعنا
ابتسام...صبت وردت في مكانها هزت راسها اوكي فهمنا خلاص
مجدي...تحكي معايا
ابتسام...خذت الفواكه لا حبيبي
مجدي...خذاها منها معش اتشيلي
ابتسام....حبيبي مش ثقيله
مجدي...حتي كان
ابتسام...ابتسمت انجيب الميه عشان يقعد غير الفطور
مجدي...وين المفرش
ابتسام...علي طوله الصاله معاهن المخاد توا انجيبهن في دولاب
مجدي...اها اوكي شفته
ابتسام...خشت لدار فتحت الدولاب ياربي ليش قاعده نفقد في توازني لييش استرني لعند مايكمل الفطور
مجدي...وينك
ابتسام...جيتك خذت المخاد
مجدي...فرش المفرش
ابتسام...اهن انجيب الباقي
مجدي..قعمزي انتي مش تمام حتي وجك منصفر
ابتسام...حطت يدها علي وجها صاح حبيبي
مجدي...اها حط يده علي خدودها نجك لي تعبتي اليوم
ابتسام....ماحسيت بتعب بس عطشانه
مجدي..انجيب باقي المخاد ونجي
ابتسام...قعمزت علي الصالون رفعت راسها فوق ياربي شن اللي قاعد يصير معايا
مجدي...نظم المخاد علي فكره احميده أدبنا
ابتسام....شفتله هههه
مجدي...جا قعمز جنبها
ابتسام...حطت راسها علي كتفه وصكرت اعيونها
مجدي...رفع يده وحضنها نعسانه ياروح
ابتسام...هئه
مجدي...اتحسي في شي
ابتسام...لاعمري حطت يدها علي بطنها مش مصدقه اني حامل وفيا روح
مجدي...ابتسم لاصدقي هذا ثمره حبنا
ابتسام....شفتله هههه نجك لي صكرت اعيونها احلا ثمره يارب يكون يشبهلك في كلشي
مجدي...لابنتي تشبهلك انتي
ابتسام...تنهدت لااوليدي خلاص حاسه معايا اوليد
مجدي...اهم شي تسلميلي انتي
ابتسام...حبيبي
مجدي...روحه
ابتسام....شن خاطرك اتسميه
مجدي...انتي اللي حامل بيه وانتي اللي تتحملي الليه واتجيبه
ابتسام...انزلن ادموعها قبل نبي نقولك عبدالسلام بس حتي لو سميته عبدالسلام مش حيطلع كيفه ولايجي في مكانه
مجدي...يمسح في ادموعها خلاص حبيبي سمي الأسم اللي خاطرك فيه
ابتسام...تمسح في ادموعها شفتله كان بنوته
مجدي...انسميها ابتسام وتقعد عندي بيسو اثنين ههههه
ابتسام...هههه نحكي جديات
مجدي...نبي اسم مقارب من اسمك بعد نعرفو جنس الجنين نختارو الأسم
ابتسام...صكرت اعيونها اهم شي اتحافظ عليه اوعليها زادت حضناته
مجدي...والله مفروض ماتقربي مني صايم صااايم
ابتسام....هههههه مادرت شي
مجدي...قربك مني هكي موضوع بروحه
ابتسام...بعدت تحكي جديات
مجدي...كان فطر مادرتي هكي
ابتسام ....هههه
مجدي...اهو وسام يرن
ابتسام....اكيد وصلو
مجدي...اكيد ايوا
وسام...افتح الباب
مجدي...هي صكر حط التلفون علي الصالون
ابتسام...وصلو
مجدي...اها
ابتسام...خذت المصليه لبستها
مجدي...شفلها
ابتسام...انتحشم من خوتك
مجدي...نجك لي مشا فتح الباب
خليفه...توا كنت نبي نرن الجرس
مجدي..سلم وباس راسه تفضلو
سعده...خير ياامي
مجدي...باس يدها وراسها ليش اتعبي في روحك
سعده...خبزه تنور
مجدي..سلم ايديك نونا
حنان....وهذا الحلووو
مجدي...سلم ايديك وين وسام
حنان...يطق علي احمد قال نرقو مع بعضنا
مجدي...رد الباب تمام خش للكوجينه يحط في الخبزه والحلوو
حنان...بيسوو جت حضنتها نجك لي والف الف مبروك مراه خيي
ابتسام...نجك لي يبارك فيك
سعده...انشالله تحلي اعويناتك علي خير وسلامه
ابتسام....سلمك يارب
مجدي...باتي وينه
سعده...سلم وخش للمربوعه
مجدي...باتي ياباتي
سعده...والله ماكنتي اتعبي روحك
ابتسام...لاوالله مافيها تعب
حنان...نبي انجي انساعدك مجدي قالي لاتعالي ضيفه توا احمد ايدير قصه تعبتوها ههههه
ابتسام...ههههه امبدري يقولي احمد أدبنا
سعده&حنان...هههههههه
خليفه...ماشاءالله ماشاءلله
مجدي...تعال قعمز
خليفه...قعمز علي صالون الصاله يالله
وسام....طقطق
مجدي...خش خش
وسام....يالله يالله
مجدي...خش ياابوشهاب
احمد...ههههههه
خليفه...هههههه
مجدي...واللهي هههههه
وسام...ههههههه ماشي ماشي
حنان...تنظم في الموالح في التباسي ليش هذا كله بيسو متعبه روحك
ابتسام...اطلع من الكوشه مافيش تعب نجك لي
حنان...انشيل هذين علي المفرش ونجيك
ابتسام...تمام
#نورهان✍
عمران...كلمو ادم كنه طول
امينه...والله دزيته امبدري علي حاجات جابهن وعدا
عمران...مازال خمس دقايق ويأذن
صالح...اكيد في الطريق
فرح...حطت سفره الحليب قدامهم
عبدالسلام...وين القيمات
فرح...توا انجيبهن السفره الاخره
ايمن...توا تنسد نيتك علي الفطور
عبدالسلام...خاطري فيهن مع حليب بالموز ماعندك ماتحكي
ايمن...ههههه
حني امينه...هاجر وينها ياايمن
ايمن...وديتها لأمها جايين اصحاب باتها بفطور وديتها علي الظهر
حني امينه...باهي تمام نحسابها مريضه
ايمن...لاوالله اكويسه
عبدالسلام...اهو ادم
ايمن...شاف لباب
ادم...فتح الباب
حمادي...شن جايب
ادم...مش شورك
عمران...وين كنت
ادم...كنت في المحل طولت
عمران...شغلتني تلفونك مقفل
ادم...اها صاح طفي شحن خش للكوجينه
هناء...اتنظم معاهن
امينه...جيت شغلتنا عليك
ادم...اني جيت حط البوكس علي طاوله هاكي
هناء...شفتله شن
ادم...طبس يحكي بشويش افتحي وشوفي ياارنوبه
هناء...اسكت راهن يسمعنك
ادم...مني وبعيد والباقي ينظمن برا
هناء...فتحت البوكس لااااا البوكس مليان بكلاوه الخضره الصغيره شوف اعنوني قعدن اقلوب اقلوب
ادم...بعدي تقربي يومك
امينه...شن بكلاوه
ادم...بنت ماتفهمش
هناء...شوفي اعنوني اقلوب اقلوب حقالله
امينه...ههههه شورك عاد
هناء...خذت طرف حطاته في فمها وتهز في راسها اممممم
ادم...خبطها علي راسها تحشمي
هناء...اي خلاص ماانت وجهي متفترش قدامك
ادم...صحه ارنوبه
هناء...اذن عدي افطر ونجك لي واجد واجد واجد لأنك ماخليتها بخاطري
ادم...خذا طرف كلاه
هناء...مش ذوق
ادم...هه بكل
هناء...عارفتك اتهزا
ادم...هيا اطلعي افطري
هناء...فمها مليان هههه ماانا فاطره مافي حد وجهي مفترش قدامه غيرك
امينه...دومي هنو تعالو
ادم...هيا
هناء...خذت ثلاث اطرف في يدها
ادم...يشوفلها بصدمه فمك مليان واخذا في يدك
هناء...ههههههه امممممم عادي لأني في خاطري مش حنشبع طلعت وهيا تاكل
فاطمه....تعالي هنو
هناء...صبولي حليب
فاطمه...شن تاكلي
هناء..اممم بكلاوه
فاطمه...واجد ياامي
هناء...ماحد ياكل اه ليا بروحي
اصيله...غير احلمي خوي اللي جايبها
هناء...خوك جابها عشاني ولالا اددددم
ادم...شفلها ششششن
ايمن...هههههه
هناء...مش عشاني البكلاوه
ادم...لاماعلي شانك جبتها حلو مع القهوه لقيتك زايطه فيه
ايمن..هههههه لااا
هناء...باتي جيبلي
عمران...الحمدلله حاضر ياباتي
صالح...كان قلتيلي راني جبتلك بلا جميلت ادم
هناء...المره الجايه شافت ل ادم وتشرب في حليب نلقانك فنان يامني ماتحطي يدك علي حاجه الا وتطلع خيال حليب بالموز مش مفهوم مصقع علي اشوي حلو اممم
امينه...هههه نجك لي صحه الجو كساد بلا هجوري والعيال
اسراء...صاح في حاجه ناقصه
فرح...بكل
حواء...كولي يافطومه
فاطمه...والله ناكل
حواء...قالو بكرا جايه ربيعه
فاطمه...اها قلتها ليا امينه مرحبا بيها
امينه...اها والله مرايفه عليها
فرح...من
امينه...عمتي ربيعه
#نورهان✍
خليفه...صياما مقبولا وافطارآ شهيآ سلم ايديك ابتسام
ابتسام...صحه عمي كول
خليفه...الحمد الله والله ماعاد عندي وين نحط
ابتسام...صحه
سعده...انتي ماكليتي شي
ابتسام ..لاوالله ناكل
احمد...اليوم ماشي نظرة شرعية
وسام...اليوم بعد هلفطور كان عليا نفطر عندهم
مجدي...شورك عاد
احمد...سبله وسبيله عاد
وسام...مانحكيلك سلم ايديك ابتسام ازعما بنت خالك كيفك
ابتسام...شفتله ابتسمت احلا من هك
احمد...اتمشي في سوقها ولا صاح
ابتسام...ههههه لاوالله تربايت عزوز كأنك واكل من ايدين عزوز بنات خالي تربات حني
مجدي...وانتي
ابتسام...امي معلمتني حتي حناتي
سعده...سلمها تربايه وسلمها تعليمه
حنان...ماسكه تلفونها
وسام...اتنزل الفطور اليوم عند خوي
حنان...شفتله ههههه لامازالت مانزلت اندير في تعديلات
مجدي...شاف ل ابتسام سلم ايديك
ابتسام...ابتسمت صحه
مجدي..ع قلبك
حنان...لاماشاءالله طعمه ومنظر ولذاذه سلم ايديك وديما عامر بحسك
ابتسام...نجك لي سلمك نونا
وسام...خذا تلفونه سفره دايمه وسلم ايديك
احمد...غمز ل مجدي وين ماشي
ابتسام...صحه
وسام...توا انجي
مجدي...لاخليك تعال اشرب شاهي
وسام...لاتوا انجي
احمد....وين ماشي
وسام....قعمز اه قعدتلكم سكنان
مجدي....هههههه احم احم عدي عدي
وسام...نق علي...
مجدي..صكرفمك يافرخ
خليفه...لالسان فالت شورك
احمد...صبا خذا تباسي فوق بعضهن
ابتسام.. خليهن احمد توا انشيلهن
احمد...لاعاد ناكلو ومانديرو شي واجد هيااا مجدي وسام
وسام...صبا قعد يشيل معاه
مجدي...ههههههه تفهم والله
احمد....غير صبي صبي بس
مجدي...صبا وبدا يشيل معاهم
احمد...يفضي في الحاجات
مجدي...مش لدرجه
احمد...غير ريح روحك تعالو سعدوني انا انفضي التباسي وانت حط في الغساله
مجدي...مش لدرجه
احمد...انت بشنو تفهم معش اتخليها اتصبي واجد هكي تتعب
مجدي...لاكان هكي صاح بدا ينظم في الغساله
وسام...خلاص كملت وراي حنان لفه المفرش
ابتسام...شن اديرو
مجدي...انساعدو فيكن
ابتسام...لاخلوهن عدو اشربو شاهي
احمد...انظمو هذين في الغساله بس
ابتسام...شافت ل مجدي عيب
مجدي...ماعندي مانديرله
احمد...اه
مجدي...قلتلي عيب
احمد...لاعادي خلاص انظمو اللي ع الطوله في الغساله بعدها اللي تبن اديرنها
حنان...اهي المكنسه ولعت ماشاءالله عليكم ياخوتي
ابتسام...اتنظم في الرخامه والله يتعبو في ارواحهم
احمد...خلاص كملت تعالي اللي تبي اديرها
ابتسام...بارك الله فيك
احمد..وفيك يبارك الله
مجدي...كيف تولع
ابتسام...حطيت الصابون
مجدي...لا
احمد...تبيلك كورس
مجدي...ههههه تعرف
احمد...اكيد حول حول وين الصابون
ابتسام...طلعاته
احمد...خذاه وحطه ولعها
مجدي...لاماشالله عليك
وسام...كملت تبو شي
احمد...وين
وسام...انعدي اندير دوش ونمشي لنظرة ياكبدي
حنان...وسام راك تنسي
احمد...شن
حنان...ياخذ باقه وبوكس حلويات
وسام...نعني مانفقدك باي
حنان...ههههه فرحان
احمد...ههههه مكلوب طلع
مجدي...لحقه
ابتسام...بدت اتكمل في الحوسه
#نورهان✍
رزان...ادير في مكياج شن رايكن
زينه...تهبلي يابنتي
رزان...عارفه شن رايكن في رفعت العين
اروي...تجنني
رزان...ساعه كم
اروي...10ونص
رزان...كلمني قالي اقريب منكم تشوف في روحها في المرايه كانت لبسه قونه ليكرا جيشيه راسمه جسمها وسوريه حطتها في القونه لونها بيضاء فيها ورد جيشي اووردي طالقه شعرها تحت من ظهرها تمام بنات
روان...ابرمي
رزان...تبرم
روان...اتهبلي كان ماخذاك معاه
رزان...هههه صوت الجرس
اروي...توا يفتح باتي راكي تطلعي
رزان...امسكوني نبي نطلع
البنات...ههههههه
رزان...هههه قعمزت ادير في زمارتو لونه ترابي هادي
انسيالتي والساعه رونا
روان...وينهن
رزان...في دولاب الأكسسوارات شوفيلي خاتم واحد
روان...هذي
رزان...تشوفلها في المرايه ايوا
اروي...وسام اللي جا
رزان...خش
زينه...جايبه الباقه هاكي ياحظك
رزان...تنفخ في ايديها تهبل راجي ناخذ صوره وهيا في ايديا تنفخ في ايديها احسن شي بسرعه ماينشف هاتي
اروي...جايب بوكس حلويات
زينه....بصراحه ذوق
رزان..حطت يدها علي الباقه صوري يدي زيونا
زينه...تصور صوت باتي
اروي...طلعت نعم
بدر...خلي رزان تخش للمربوعه انا طالع وماطولش
اروي...حاضر
بدر....خش للمربوعه توا انجيك
وسام...خوذ راحتك فتح تلفونه تي هيا تعالي الزززح
رزان...لبست وشاح ابيض شفاف تمام هكي
روان..كان حولتيه خير شعرك طالع ومن لورا باين
رزان...عليش اسمها نظرة شرعية باتي وينه تبخ من عطرها
اروي...طلع نمشي اندير قهوه
رزان...طلعت من الدار طول للمربوعه السلام عليكم
وسام...رفع راسه وع
رزان....هههه كملها
وسام...صبا مسك يدها وعليكم السلام ورحمه الله
رزان...وبركاته قعمز ياشيخ
وسام...هههه ماسك يدها نزل الوشاح شن الطرف هذا
رزان...عاجبتك
وسام...تعالي تعالي
رزان...قعمزت باهي فك يدي كسرتها
وسام...يبوس في يدها يرفع في شعرها شن السماحه هذي
رزان...اهم شي نعجبوك
وسام...كان شي ناخذك معايا نوريك عاجبتيني ولا
رزان...هئه
وسام...ليش
رزان....نبي نلبس الأبيض ياقلبي
وسام...انحبكك
رزان...قد شنو
وسام...باس يدها وحطها علي قلبه شوفي قلبي
رزان...ييييه ينبض بسرعه
وسام...بشوفتك
رزان...اناااعلي ناااا
وسام... امس مارقدش انتخيل في اليوم هذا
رزان...ولا انا حبيبي
وسام...شن
رزان...حبيبي
وسام...شن
رزان...حبيبي
وسام...يشوفلها شن درتي فيا يازازا
رزان...ههههه شي
وسام...هذا كله وشي كأني نحلم
رزان...نعطيك بوسه عشان تصدق
وسام...ماديرهاش
رزان...شن
وسام...البوسه
رزان...بساته في خده ودرتها
وسام...صكر اعيونه وفتحهن شافلها بكرا يجيكم باتي وعمامي يحكو مع باتك الفاتحه مع السياق والفرح في اسبوع العيد
رزان...و
الباب..طقطق
رزان...توا انجيك انجيب القهوه
وسام...مانبي شي
رزان...صبت
وسام...يفصل فيها وسرحان
رزان...خذت السفره وخشت تفضل
وسام....خذا السفره قعمزي مانبي شي
رزان...قتلك وسع بالك خليها بعد العيد بثلاث اسابيع
وسام....واللهي
رزان...واللهي خذت فنجان
وسام....عينك
رزان...خذت فم من القهوه ليش خوذ قهوتك
وسام...لانشرب من فنجانك
رزان...شافت للفنجان تاعي
وسام...هز براسه تاعك اها
رزان...هههههه عش تقلدي تشرب في القهوه
وسام...خذا من يدها وبدا يشرب
رزان...اهو فنجانك
وسام...متاعك يفرق كانو يجيبو واحد
رزان...حطت يدها علي خدها وتشوفله
#نورهان✍
في الحاجر
ادم...يا شاف لهناء انتي هنا كنت نبي انعيط ل اصيله
هناء...حطت التبسي تحت الطوله تحكيش معاياا
ادم...ليش
هناء...حرجتني امبدري علي البكلاوه
ادم...جايبها لك
هناء...بعد شنو امبدري تبريت مني
ادم....ماقلت شي بعدها كان قلت جيبها لك يحسابو في شي بينا
هناء...كيف يعني
ادم...انا في شي بينا كيف يعني
هناء...طلعت التبسي البكلاوه تاكل صاح مافي شي بينا انت ولد عمي وبسسس فاهم
ادم...اعصابك ياارنوبه
هناء...خطاني تاكل
ادم...عطيني طرف به
هناء..شيل يدك هذي ليا
ادم...فيه جوا
هناء...هئه فيش
ادم...انشالله كليتيها كلها
هناء...اها قول صحه
ادم...صحه غير خايف عليك
هناء...عليش اتخاف علللليش اتخاف مافي شي بينا
ادم...ريت الأرنوبه وهي معصبه
هناء...تنهدت خذت الطرف خوذ هذا انسدت نيتي
ادم...طبيعي تنسد بعد اللي كليتيه
هناء...نق عليا عاااد
ادم...يشوف فوق ويضحك وين الباقي
هناء....اللي في سوق واللي راقد
ادم...امممم وانتي مكسده هنا
هناء...سامع بيه كساد ماد وجه
ادم...ههههه لا والله
هناء.....هههههههههه راك تشرق وانت تاكل هذي انا
#نورهان✍..
الكل في سابع نومه من بعد يوم متعببببب.....
فاطمه...وعت وطلعت من الدار وخشت ع دار البنات
ييييه ابتسام امتي جت هذي بطانيه ابتسام من متغطي بيها تشوف للبنات هذي افريحه وهذي امينه وهذي هنيه وهذي هناء معناها ابتسام هذي عليش تبكي ابتسااام ياامي كنك تبكي حولي من وجهك البطانيه وحكيلي شن مبكيك
امينه....وعت اشششش امي مش ابتسام اللي راقده
فاطمه...من اللي راقد في بطانيتها هذي بطانيه اختك ماترقد الا فيها
امينه...هوا االلي خذها من الدولاب قال دافيه قلتله خوذ متاعتي انا تغطا بيها مابش خذا متاعت ابتسام ورقد
فاطمه...من اللي راقد كان مش ابتسام
امينه...خونا عبسي.........#يتبع
{{🔔نعتذر بكرا مش حنقدر انزل حلقه
....}}
اسفه لو في لخبطه في الأسماء
ان شاءالله تنال #اعجابكم
#انتظروووووني في #الثالثه_والثلاثون
