#جبرني_الوقت⏳
#الحلقه_الرابعه_واربعون
بقلمي✍ #نورهان
اُرفضـوا الإنطفاء ، كونوا كنجومٌ سرمديّـه قُدر لهـا أن تُضـيء إلى الأبـد...
●●●●
ملاك...تحكي مع ايه شن الصوت اللي بره
هناء...التفتت صوت شن بنات م نسمع في شي
اسراء...صاح صوت عمي عمران وعبسي
طلعن كلهن للحاجر
امينه...اشوي بنات وطن الصوت كنه عبسي
عمران...والله خوك مافيه حاجه توا تفجع الصبايا اللي جوا
عبدالسلام...مايهمني حد ياعمي تكذبو علي خوي مات قولي
هناء...وقفت في مكانها دومي لالا
هاجر...مسكت في يد هناء لالافاهمين غلط هنو
عمران...والله اكويس ادم والله حادث بسيط
عبدالسلام...يبكي خوتي كملو حوادث ليش ليش بعد يقرب فرحهم يموتو عطوني مفتاح السياره نبي انتأكد نبي نشوفه
عمران...ياعمي راني مريض والله ادم مافيه حاجه
امينه...لالالااا طلعت تجري فتحت باب الشارع دومي كنه
عمران...ياباتي مافيه شي دار حادث علي الدائري لكن اكويس
امينه...اخري الدائري
عبدالسلام....عبدالله خوذني له
عبدالله...عمي خليه يمشي معاي
عمران...رد بالك تخليه يسوق
امينه...نبي نمشي معاكم
عمران...لاياباتي خشي
امينه...تبكي لالاياباتي من ايهم ل ادم واجد
عمران...لااله الا الله هذين تفاكير من ربي اهو صالح يرن
عبدالله...خذا عبدالسلام وطول للمستشفي
صالح...ها عموره
عمران...تنهد بعد سمع صالح يحكي عادي كان قلبه يبي يوقف لو قاله ادم صارت فيه حاجه
صالح...تسمع في
عمران...اها
صالح....ادم اكويس الحمدالله وهوا زقب من السياره لوكان فيها لاسامح الله كان
عمران...الحمدالله علي كل حال توا اكويس متضرر
صالح... فيه تجريح في ايديه وظهره لكن الحمدالله لمنجي حاضر مازال عنده عمر
عمران...تنهد الحمدالله الحمد الله انا توا طالع شوركم
صالح...لالاانا كلمتك عشان انطمنك نحنا اللي توا انجو غادي
عمران...واعي
صالح...اها واعي
عمران...يطلعوه اليوم
صالح...اها اكويس مافيه شي
عمران...باهي الحمدالله تبي شي
صالح...سلامتك
عمران...صكر الخط خش يده علي كتف امينه اكويس
امينه...تبكي واعي
عمران...واعي توا صالح عاد باته اللي يحكي معاي كان ماطلع من السياره راهو لاحول ولاقوه الابالله
هناء...ادموعها ماوقفوش ماتحكيش مع حد
عمران...ماحد يحكيها لأمي ولاحواء توا ايجي ادم بروحه ويخش يحكيها لهن
امينه...امتي يطلع
عمران..بأذن الله قبل ل12يكون طالع انا نمشي للمستشفي برم وطلع
هناء...تشوف ل عمران بعدت يد هاجرخشت لحوش
هنيه...نمشي نشوفها
امينه...مسكره علي ايديها خليها هنيوا
فرح...نشوفوها بس
امينه...تهز براسها انا اللي مش قادره ننسي اليوم الأسود اللي عشته
روان...ااا ياعمري قربت حضنتها الله غالب
اسراء...تبرم تحكي بالتلفون وتبكي لالا ارقي شوفه توا
حسن...والله ياقلبي عندي مرضه لكن توا اندز ممرضه تمشي تشوف
اسراء...نقولك خويا تقولي اندز ممرضه
حسن...تمام ماتزعليش روحك توا نوقف المرضه اشوي ونشوفه ونرد عليك
اسراء...تخلينيش نرجا واجد
حسن...تمام
اسراء...هيا باي
حسن...باي
اسراء...نزلت التلفون اهو حسن توا يشوفه ويطمنى
ايه...باهي اللي ابتسام روحت كان هكي راهي انفجعت
امينه...تمسح في ادموعها راه وحده تكلمها ابتسام مريضه
اصيله...مشت لشقتها
امينه...لاقاعده في حوش عمها
اصيله...باهي اقريب
هنيه...صبت نشوف هناء
امينه...تعالي
هنيه...نبي نشوفها قبل م يجي إسلام
إسراء...قصدكن مش بيتات
فرح...لالا حتي بيدا في الطريق لكن نبي نطمن علي دومي قبل بيدا طمني قالي اكويس بس نطمن بروحي
إسراء...نرجى في مكالمه من حسن
هنيه....خشت للحوش وطول لدار ايمن ايام كان عازب فتحت الباب توميتي وين
هناء...مغطيه وجها بالباطنيه
هنيه...وقت بطانيه بالله عليك حمو حولت البطانيه من وجها
هناء...مصكره اعيونها اطلعي هنيوا
هنيه...مافيه شي ادم
هناء...لالاقلوها لنا في ايهم مانبيش نحظر خشت عمامي وهم يقولوها ليا كيف مادارو مع امينه
هنيه...شافت للباب امينه متكيه علي الباب تسمع فيها
امينه...تمسح في ادموعها انتي فرحتك حتكمل
هناء...تكذبو عليا
امينه...نرجي في مكالمه من ايمن قالي نخش عليه نعطيه لك
هناء...مصكره اعيونها كان قالو مات ماحد يخش عليا
امينه...لااله الا الله تفائلي خير
هناء...شن نبي اكثر اني نطمن عليه ويكونلي بخير
امينه...طلعت من الدار للحاجر مع رنت ايمن رفعت التلفون خذت نفس افتحت الخط طمني
ادم...عطيني مراتي
امينه...ههههه اخلطت عليها دموع علي بكيه نجككك لياااا الحمدالله ياربي
ادم...اكويس انا لكن السياره راحت فيها قهرتني
امينه...افداك دومي جت في الحديد يتعوض
ادم...سلمك انا شوي ونطلع نرجا في دكتور الجراحه يخيطلي كتفي
امينه...كيف صار
ادم...بعد انجي نحكيلك عطيني هناء
امينه...لوتشوف كيف رعشت عليك
ادم...عارف عشان هكي قلت نحكي معاها تلفونها ماتردش عليه حطي التلفون علي وذنها
امينه... هيا هيا خشت تجري جوا
هاجر...الحمدالله
اسراء...نزلت التلفون الف حمد وشكر لك ياربي
اصيله...شن قالك حسن
اسراء...قالي كتفه مفتوح يبو يخيطوه له وجه في جروح سطحيه اما الباقي الحمدالله مافيه شي
الكل....الحمدلله
هاجر...يارب كمل فرحتهم علي خير
بشري...يارب
امينه...نونا نونا دومي يبيك
هناء...شفتلها تكذبي عليا
امينه...هههههه والله لا الو دومي
ادم...حطي التلفون علي وذنها
امينه...حطت التلفون علي وذنها اه
ادم...ارنوبتي
هناء..فتحت اعيونها لالا
ادم...جايك
هناء...ادموعها ينزلن انت حي
ادم...نرزق مافيا شي
هناء...تعال توا هيا نبيك
ادم...وقفي بكاء قتلك شكلك يقعد شين ارنوبه وتبكي
هناء...ههههه تمسح في ادموعها تعال ماطولش عليا
ادم...الجو تمام جا الدكتور نبي نصكر
هناء...تمام عينك من روحك ياروحي
ادم...انشالله انشالله صكر
هناء..تشوف ل امينه حي مافيه شي مني
امينه...نزلت التلفون الحمدالله اطمنتي
هناء...نبي نشوفه
امينه...صوته اكويس هيا معانا بره
هناء...عمتي حواء
امينه...لالاماعندهاش علم توا تنشغل مافي حد عنده علم البنات بس
هناء...يدها علي صدرها قلبي يبي يوقف من الفرحه
امينه...حتي هوا دومي
هناء...تقعدت حضنت امينه خفت مني خفت انعيش كيف ماانتي عشتي
امينه....حضنتها بكل قوتها ربي يكمل عليكم فرحتكم
هنيه...هذا إسلام ايرن الحمدالله اطمنت اكيد برا قربت حضنتهن ربي يكمل علينا فرحتنا ويكمل عليك ياارنوبه لزم ماتحكيلي قصه الارنوبه انا توميتك
هناء...شفتلها هههه
امينه...حتي انا
هناء...ردت فيها الروح من بعد مكالمه ادم هههههه هوا يقولي ارنوبه بروحه
امينه...شاكه في الموضوع هههههه
هناء..هههه نقوللكن حاجه وحده هيا بدايه قصه حبنا
امينه...ههههه نجكم ليا
هنيه...مسكت يدها صبي برا البنات عقلهن عندك
امينه...هيا
طلعن للحاجر كلهن يحضنن في هناء بذات اسراء واصيله لانهن عاشن نفس الشعور مع ايهم
هناء...ماقالكش حسن امتي يطلع
اسراء...عارفه نونا طلعته من المكتب متاعه عنده مرضه خليته يرقى يشوفه طمني عليه ورد معش قدرت نكثر عليه
هناء...الحمدالله يارب ماقهرتني فيه
#نورهان✍
ابتسام...راقده علي سرير مجدي
مجدي...واقف علي البلكوني يشوف لحوش عمران يبتسم شريط علاقته مع ابتسام يمر قدامه التفت شاف ابتسام تشوفله
ابتسام... حولت الورغان تبي تصبي
مجدي...قرب تبي الحمام
ابتسام...لاحبيبي نبي نوقف معاك برا
مجدي...خليك اصلا الجو بدا يصقع
ابتسام...لاحبيبي مش مصقعه بدت تصبي طولت ماطلقت طولها
مجدي...حبيبي كان هكي
ابتسام....ماسكه في يده مافيا شي ساعه كم
مجدي..قريب ثلاثه
ابتسام...مارقدتش انت ياقلبي
مجدي...لالا
ابتسام...وقفت في البلكوني تشوف لحوشهم تذكر حبيبي كيف كنت نوقف هنا تشير بيدها
مجدي...ههههه ييه علي اليوم اللي تزعلي نقلب في وجهي علي الدنيا كلها
ابتسام....هههههه انت ما توحل ياتكلم خواتي ياتجي للحوشنا
مجدي...اها نقعد بلا روحي
ابتسام...نجك ليا لاوالله بعد اتجيب حاجات ليا تقولي اطلعي من الروشن بعد تنزل للحوشكم اتنزل الطاقيه
مجدي...اجمل ايام
ابتسام...مش نادمه علي اي شي عشته معاك
مجدي...ولاانا توا قاعد انتخيل لو وفقتي علي يوسف
ابتسام...اذكرت يوم المزرعه شن خطرلك حبيبي
مجدي...مجرد جا في بالي
ابتسام...عارف لو جبرني الوقت علي انا يعقد عليا وتميت له
مجدي..شن كان حيصير فيا
ابتسام...تكون تروي فيا اميه علي قبري وتقرا عليا في الفاتحه ونكون عشت ومتت وانا وفيتلك اجودي
مجدي...حط يده علي فمها اشششش معش تحكي كلام كيف هذا ردي بالك
ابتسام...تشوفله
مجدي...نزل يده تمام ياروح
ابتسام...لوجبروني عليه تأكد اني كنت ح ننجبر نختار الموت ولانعيش يوم بدونك وحياة بنتنا كنت حنموت ودرتها تخيل نعيش حياه انت مش موجود فيها بعد حب وعشره عمر وعلاقه الكل شاهد عليها نكون لغيرك
مجدي...وتوا انتي لمن
ابتسام...لك العمر كله
مجدي...وربي مايحرمني منك العمر كله
ابتسام...تشوف لحوشهم وتبتسم كانت تشوف في ذكرياتها ادق التفاصيل اللي عشتهن مع مجدي كانت تشوف فيهن قدامها حبيبي
مجدي...روحه
ابتسام...تذكر يوم عيد ميلادي
مجدي...اي عيد
ابتسام...يوم اللي كانن عندنا بنات خالي بدر
مجدي...ههههه والله ياروح عيت خالك بدر غير مش مسجلين انهم في الكتيب ديما عندكم
ابتسام...هههههه حي كان سمعاتك زونه
مجدي...هههه اي عيد ياشدوقي
ابتسام...توا انذكرك كنه متعاركين عشان ماشيه لخالتي ونبي نبات عندها وانت قلت لا قعدت مامشيت وقفلت تلفوني في ليل جن البنات من خالتي معاهن بنات خالي بدر وكنت في الحاجر مع البنات في ليل ساعه 11:30 يوم الأربعاء كان عمري 19ونبي نخش علي 20 كنت انهدرز مع البنات وفي حاجه ناقصه فيا والله ناسيه عيد ميلادي بكل كان الفيس ايذكر فيا لكن انا مصكره حتي النت والبنات لاهيات
مجدي...اذكرت قلبت الدنيا مفرقعات ودزيت هديتك والتورته مع حنان
ابتسام...يييه حبيبي اذكرت نجك لي توقعتك ناسي
مجدي...كل تفاصيلك حافظهن حتي الأعياد الميلاد اللي اديري فيهن ليا حافظهن بكل تفاصيلهن
ابتسام...ربي مايحرمني منك
مجدي...ولا منك يحرمني لو قتلك شن تبي هديت عيد ميلادك الجاي
ابتسام...قولك نعيش ليوم هذا
مجدي...بيسوووو
ابتسام...خايفه من الجياب
مجدي...ربي يسهل عليك
ابتسام...اني نمشي انا وياك لسعوديه ونشوف الكعبه ونلمسها بيدي ونطلب من ربي حاجات واجد
مجدي...كيف شنو
ابتسام...نطلب من ربي يمد بعمري وعمرك ونعيشو مع بنتنا اجمل سنين عمرنا ونعمر علي عبسي والأدعيه الباقي سر بيني وبين ربي بس كلهن لك
مجدي...تنهد وعد نمشي نعمر انا وياك ومعانا بنتنا
ابتسام...عادي بنتنا
مجدي...اصغر معمره
ابتسام....يييه حبيبي نجك لي ياريت
مجدي...هيا حبيبي جوا مرات يشوفك شي حد من الجيران
ابتسام...خلينا
مجدي...بنتي اتصقع لالا يده علي كتفها قدامي
ابتسام...خشت اها بنتك لكن بيسو لا
مجدي...ماانتي اللي شيلتها ياهمي
ابتسام...ردت لسرير لاصاح تعال باهي
مجدي...غطاها باسها في خدها اندخن ياروح ونجيك
ابتسام...وراسي لاخليك جنبي بعدت تعال عليش الدخان ارحم روحك اشوي
مجدي...عشانك بس طفي الضي وخش معاها في السرير تعالي ياروح
ابتسام...راقده علي صدره حبيبي امتي نمشو لشقتنا
مجدي...في حاجه زاعجتك هنا
ابتسام...لاحبيبي بس رايفت عليها
مجدي...ياشدوقي منعين عليك الدروج
ابتسام....عادي نرقي اشوي بشوي
مجدي...بعد ينتهي فرح اختك عشان نضمن انك معش تنزلي وترقي
ابتسام...به صكرت اعيونها جتني النعوسه
مجدي...نوم العوافي روحي صكر اعيونه وراحو لثنين في عالم اخر
#نورهان✍
هاجر...طولو قريب ثلاثه ونص
اسراء...عادي هكي ضروري مايمسكوه عدي ارقدي
هناء....صاح طولو ليش نرن عليهم م يردو
اسراء...عادي نونا
اصيله...عدي هجوري انتي حامل من الصبح واعيه
هاجر...باهي نخش نرقد
اصيله...كسدنا البنات
هاجر...صبت اها بكل
اسراء...توا في الصبح يكونن عندك
هاجر...انشالله تصبحن علي خير
اصيله...مني بنات خالك بدر ليش ماقعدن هنا بنات خلاتك كسدنا بكل
امينه...خلاتي روحن لحيشانهن بكره يكونن هنا اما بنات خالي بدر متحشمات عدن لخالتهن قريبه منا قالن نجو في الصبح ونباتو عندها
اسراء...والله نفضيلهن الجو ماحد يخش
امينه...هانت الصبح هوا اللي جاء
هناء...باتي ماقال شي
امينه...لالا
اسراء...روح هوا وباتي وباتو في حوشنا والله دومي مافيه حاجه
هناء...طولو بااااهي بالله عليك شوفي الساعه كم ايمن قفل تلفونه
امينه...ايمن شحن حتي هجوري قلتها
هناء...اعيوني يوجعن فيا
اصيله...من البكاء
هناء...طبست راسها علي الطوله نبي نشوفه راسي يبي ينفجر
اسراء...اهو الباب النفتح صبت
ادم...السلام عليكم دوبا يمشي
اصيله...صبت تجري حضناته
ادم...ااااه متفترش بشويا بس
اسراء...تحضن فيه معش تفجعنا عليك
اصيله...فهمت كلام اسراء
ايمن...انا راني راقي فوق
ادم...تعبتك وفجعتك
ايمن...وجهي وجه فجايع اصلا ههه تصبحو علي خير
اسراء...هههه نعنا مانفقدوك
امينه...صبي
هناء...كرعي رقدن تمسح في ادموعها
امينه...ههههه الحمدالله اللي سمعت صوته نمشي نشوفه مشت لفت من الحاجر دومي هذا وين نور الحوش بعدن
اسراء اصيله....بعدن ههههه
امينه...حضناته ربي مايقهرنا فيك بيوم يالغالي
ادم...سلمك وين مراتي
امينه...بعدت انفجعت سيبتها تبكي
ادم...ليش ليش انا مافيا شي يمشي مافي حد
امينه...لالا غمزت ل اسراء واصيله عدن قدامه وخشن للحوش
ادم...لف من الحاجر شاف هناء فتح ايديه اااه صبي ياارنوبه
هناء...تشوفله دموعها ينزلن بدون صوت صبت جاته خبطاته علي صدره بالقوه ليش ادير هكي
ادم...يدي حبيبي
هناء...حضنته مش شوري انا تبكي تخيل متت نموت وراك
ادم...رفع يده اللي مخيطه فوق راسها لالالا مايسير شي اوووف نزلها
هناء...بعدت كيف
ادم...يمسح في ادموعها يدي مخيطه بدا البنج يحول توجع فيا
هناء...فيا ولافيك حبيبي شوف انت مش تبيني نلبس خيمار والله حنلبسه لعند مانموت غير معش ترعشني عليك
ادم...عبايه طويله سوده
هناء...حاضر
ادم...اللي نقولك عليها حاضر حبيبي
هناء...حاضر حبيبي
ادم...بسرعه ادم اذكر
هناء...شفتله هههههه ربي مايحرمني منك شريط ايهم مر قدامي
ادم...والله حتي انا جا قدامي ايهم كيف تحمل انا اللي نجتني اني طلعت منها كان فيها والله راني ميت ورحمه ايهم ميت
هناء...خبطاته باهي صكفمك
ادم...خفتي تقعدي بلاي
هناء...اكيد دومي
ادم...لكن ارواب جيبتهن انشالله نشوفهن كلهن عليك وتشري مليون مره ونشوفهن ومامتت
هناء...ردت حضناته باهي خلاص بطل سماطه انتحشم انا مسكت يد تعال قعمز
ادم...يمشي وجهي خرب صاح
هناء...جروح بسيطه توا يحولن وخرت الكرسي تعال قعمز
ادم...اااه جسمي متكسر قعمز بس ماتخافيش بأذن الله يوم الفرح ماكأنه في شي
هناء...حمادي وعبسي وين
ادم...فكيني من تغيير المواضيع
هناء...اكيد جعان نمشي انديرلك حاجه تاكلها
ادم...قتلك مافيا شي توا كليت قبل مانجي سمعتي شن قلت
هناء...خلاص باهي انتحشم انااا
ادم...يشوفلها ويبتسم كيف ماحنيتي
هناء...حبيبي
ادم...سألت عادي
هناء...بكره نحني وماعنديش نيه فيها بعد رعشت عليك
ادم...لاحني ونبيها حنه حاجه صاح
هناء...قعمزت خطاني باه
ادم...مش بسهوله نخطاك
هناء...ابتسمت ولانخليك انا
ادم...كنه طول هذا
هناء...من
ادم...عبسي
هناء...ليش وينه والله خلاص من الرعايش
ادم...يادار شغل في المستشفي يندب كيف الصبايا هما طالعين جيين من الدائري شيفين السياره يحسابني متت ههه
هناء...تشوفله ربي مايحرمنا منك
ادم...ولامنك ياعمري
اصيله اسراء امينه...طلعن قعمزن معاهم بدا يحكيلهن كيف فلت منه السياره وكيف دار الحادث
كانن كلهن متأثرات بذات امينه اللي صوره ايهم قدامها
عبدالسلام...خش في يده كيس الادويه ادم
ادم...تعال هنا
عبدالسلام...مافي حد
ادم...من امتي الادب
عبدالسلام...جا قعمز قدامهم شن داير قالك هههه
امينه...ياعمري ياعبسي
عبدالسلام...يصكر في اعيونه نعسان بكل
ادم...لكن دار شغل هههههه اااه يدي
عبدالسلام...طبس خلاص باهي والله خفت نخسرك كيف ماخسرت ايهم
ادم...كان متت شن المشكله
هناء...خبطاته علي كتفه خليها توجعك وتتألم ولاعاد تحكي كلام هكي انا خلاص راني من جوا منهاره افهم انت تحكي علي الموت قدامي انشالله يومي قبل يومك
عبدالسلام...الجو تمام حسيت شكلنا مش حلو ولا لا ياخواتي ومني
امينه...هههههه
اسراء...هههههه يهبلو
اصيله...لك الرد دومي
ادم...خليهم عنك انا قدامك بصحتي مافيا شي شن تبي اكثر بس يدي وجعتيني فيها
هناء...تستاهل
عبدالسلام...اكيد حمادي خش رقد
ادم...كنه ماخش معاك
عبدالسلام...نعسان عدا لحوشنا
ادم...حتي انا نمشي امي قلتوها لها
اسراء...لالا مافي حد عالم غير نحنا بس والبنات
ادم...توا بكره نجي نحكيلها بروحي
عشان ماتنفجع
امينه...يكون احسن
عبدالسلام...تمشي معايا لحوش ولا تقعد
ادم...مد يده لانمشي انتريح ناخذ الدواء ونرقد
عبدالسلام...صباه
هناء...عينك منه عبسي
عبدالسلام...اتجي تهتمي بيه بروحك فكيني من وجيجه
ادم...يارييييت غمزلها هيا
البنات...ههههههه
هناء...ههههه لالا
اسراء...نفرشلك هنا
ادم...لا نمشي غادي
هناء...باهي تعال في الصبح خليني نطمن عليك
ادم...تبيني نجي الساعه كم قوليلي بس
عبدالسلام...يارا تحشمو تحشموووو
البنات....ههههههه
هناء...مع ل11
ادم...قبل 11نكون عندك
عبدالسلام...ماسك في يده ويمشي قطعتي لواه ياهنو
هناء...هههههه عينك منه
عبدالسلام...انشالله
عدو للحوشهم ادم منسند علي عبسي
البنات...خشن رقدن اسراء اصيله
امينه...مش جايك نوم
هناء...لانبي نمشي نصلي كرعتين شكر ونقرا قران لعند م يأذن الفجر وانتي
امينه...نقعد اشوي ونمشي نرقد بكره نوعى بدري
هناء...بكره السياق ولابعد بكره
امينه...بكره
هناء...هزت راسها تصبحي علي خير
امينه...وانتي من اهله
هناء...خشت للحوش
امينه...قعدت في الحاجر اتأمل في السماء لعند مااذن الفجر خشت لقتهم نصهم وعيين يبو يصلو
صلو كلهم والكل خشو رقدو من بعد يوم متعب....
#نورهان✍
يوم جديد تحديدا ساعه 10:30 ..
ادم...طلع من حوشهم
ايمن...طلع من حوش حني امينه شن داير
ادم...بعد برد جسمي الم مش طبيعي بذات كتفي
ايمن...نجوتك كبيره اللي شاف السياره قال مستحيل يكون عايش اللي فيها
ادم...قهرتني السياره مالي شي شاريها مش وقت انها اتكسر توا بكل
ايمن...اتعوض السياره لكن انت ماتعوضش
ادم...الحمدالله علي كل حال
ايمن...حواء عندها العلم
ادم..لالاتوا نبي نخش عليها
ايمن...تمام انا طالع توا انجي
ادم...باتي وين مش قاعد في الحوش
ايمن...ضحك توا ايجي
ادم..شير بيده وخش للحوش يمشي في الحاجر يسمع في هرجه البنات
فاطمه...حواء شن انديرو الغداء
حواء...طلعت للحاجر رز امبوخ انا طالعه للحوشي توا انجي اندز صالح علي حاجات
فاطمه...مافيش حاجه ناقصه عليش ماشيه تمشي وراها غير تعالي قوليلي شن الناقص
حواء...التفتت توا انجي
فاطمه...ت شافت ورا حواء ادم شافت ل حواء ماتعبيش عمران هوا ماشي ماشي غير قالي عندي مشوار
حواء...لاوالله التفتت
ادم...يمشي بشويش شن ناقصكن
حواء...شفتله وخرت يدها علي صدرها شهقت ينعلي ينعلي كنك قربت
ادم...كيف ماتشوفو فيا مافيا شي
حواء...تبكي
ادم...قرب حضنها ياامي ما فيا شي امس درت حادث
حواء...وين درته كيف درته ينعلي ياربي اعيالي اعيالي ياربي
ادم...يبوس في راسها انا اكويس
حواء...وين درته
ادم...علي الدائري
حواء...كرعيها رقدن قعمزت
ادم...ينزل معاها ياامي كان علمتيها من امس شن درتي
حواء...الدائري كنه مع اعيالي ياربي انا شن دايره ماعنديش صبر خلاص كملته
ادم...لااله الا الله
فاطمه...دومي
ادم...صبى
فاطمه...حضناته الحمدالله علي سلامتك
ادم...الله يسلمك الحمدلله علي كل حال
فاطمه...شافت لحواء طبست يدها علي كتفها قولي الحمدالله مانك دايره الا كل خير اهو دومي قدامك
حواء...معش عندي قدره نخسر اخري بعد ايهم يافطومه
فاطمه....تمسح في ادموعها اذكري الله اللي تجي من ربي يامحلاها سلم اللي قعدين وسلم دومي شفتله ابتسمت
ادم...دوبه يطبس هيا امي صبي انا والله اكويس يعني كان علمتيها امس شن درتي
حواء...يدها علي وجه يوجعن فيك الجروحه هذين ورني في شن تحس
ادم...حتي حاجه يبوس في ايديها هيا صبي وهنيني
حواء...مسكت يدها تبوس فيها الحمدالله الحمدالله ياربي كمل علينا فرحتنا يارب
ادم...يبوس في راسها ربي يطولي في عمرك هيا صبي
حواء...تصبي من معاك في حد تضرر
ادم...لالا بروحي وسياره تقلبت بروحه
حواء...تجري
ادم...نجري
حواء...ليش ياوليدي
ادم...يده علي كتف حواء مد يده لفاطمه
فاطمه...قربت
ادم...حط يده علي كتف فاطمه يمشي بيهن
خشو للكوجينه
اسراء...لووووووولي نجك لي جيت
ادم...لامازالت بره
امينه...هههههه
اصيله...سؤال عبيط
ادم...غمز ل امينه بمعني وين هناء
امينه...ميلت راسها بمعني جوا
حواء...ديرن فطور لخوكن
ادم...قهوه
حواء...قدامي قهوه شن هيا لحنك احكيلها خير ماتنفجع
ادم...الا حني
هاجر...الحمدالله علي سلامتك
ادم...الله يسلمك
هاجر...رجيتك واجد امس
ادم...اها طولنا
هاجر...انشالله حد السو
ادم...سلمك
الفرحه مش سيعتهم ادم حي يرزق بصحته خش لدار علي حني امينه بعد ماشافته انفجعت قبل ماتحكي شي حكلها ادم وهيا ماشالت اعيونها منه وهوا يحكيلها
حواء...وين الفطور
اسراء...هيا يوتن فيه
ادم...نبي قهوه بس
اسراء...تمام خشت للكوجينه لقتهن وتن السفره شلتها وردت لدار هيا افطر
ادم...لالالا شيلي نبي قهوه
اسراء...وشوشاته في وذنه من نونا غير متحشمه تخش قلتلك كول
ادم...لاهكي فيها كلام اخري قربي السفره شور حني تعالي امي
اسراء...هههه معناها كول
حني امينه...الحمدالله
ادم...هيا امي
حواء...والله ياوليدي ليه مسكتني وكرعي مرقدات ماعندي نيه كيف ادير حادث ماتقولولي
ادم...معناها اسراء تعالي شيلي وين حني صالحه ام عمتي فاطمه
حواء...في الدار لاخره
ادم...هيا حني
حواء...تعالي ياعمتي
ادم...حتي انتي
حواء...مانقدرش
ادم...كان ماتاكلن ماناكل قرب السفره لهن
بدن ياكلن معاه وكانت ضحكته مش فارقته بعد اتجيب اسراء حاجه وهيا منها وتقوله من هناء
فاطمه...مني ماكلمت ابتسام
امينه...لاوالله توا اتجي مازال صبح
فاطمه...والله مشغوله عليها قاعد وجها اصفر وثاقله
خشت فرح وهنيه معاهن اميمه وايه بدن يسلمن جايبات حفظات موالح وحلويات
هناء...ليش اتعبن في ارواحكن
ايه...هذين عشان المثروده حتي بنات خالي بدر جيبات
هناء...العقبالك ويه
ايه...سلمك
فرح...كيف مازالن ماجن بنات خالي
امينه...لاوالله
فاطمه..شخبارك اميمه
اميمه...الحمدالله الحمدالله علي سلامه ادم
فاطمه...الله يسلمك والله خش علينا امبدري انفجعت
اميمه...قاعد جوا
فاطمه...اها في دار عمتي
اميمه..نمشي نسلم عليه ونحمد علي سلامته
فاطمه...به
خشت اميمه لدار تسلم علي ادم
ايه...شن دايره هنو
هناء..والله عالقه تصدقي علي اساس نصلي ونرقد علقتها
امينه...فطنتلك
هاجر...ههههه الحب اكيد
امينه...هههه اكيد
هناء...نجاليا اكيد كان ماخفت عليه علي من نبي نخاف
اسراء...حتي هوا دومي
البنات...هههههه
اصيله...شن صار اسراء كملتي
اسراء...كملت اها
امينه...كان في شي ناقص انديره
اسراء...انتأكد علي تغليفنا السياق
فرح...قصدك يبو ايديرو جو سيارات وهكي
اسراء...اها والله مرات خيي ماتحس بالنقص كم دومي وهنو
اصيله..اصحابه ديرينلا جو بعد العشاء في ليل جايه الحنايه تحني هنو وهجوري قلنالها ادير حسبتها
اسراء...قلتلها تجيب اختها ترسم رسم اللي ماخطرها في حنتنا ادير رسم
فرح...انا وهنيوا دزينا علي وحده اتجينا بكره
اسراء...خليك توا تحنيك هذي
فرح...مابوش رجالتنا
مجدي نزل ابتسام وراهم رزان وسام
خشن ابتسام ورزان ومجدي وسام عدو
ابتسام...خشت يومكم سمح
فرح.. بيسووو نجككك لي
ابتسام...ههههه ماتكذبي وتقولي ارياف
فرح...بكل وحقالله
رزان...اسملا علينا
فرح...ياكلبه حتي انتي
خشن يسلمن بعد نص ساعه جو عيت خالي بدر
جت ساعه4:30عصر
عبدالسلام كان راقد في حوشهم طلع لشارع لقى سيارات ملينات الشارع اصحاب ادم وجو اصحاب ايهم
ايمن...صح النوم
عبدالسلام...كان ماوعيت ماتوعوني امتي جو هذوم كلهم
ايمن...وين ياعبسي ساعه اربعه ونص كله نوم
عبدالسلام...والله ياعمي رقدت ساعه ٩ الصبح مازالت كل مانرقد نذكر يوم امس
ايمن...شن رايك في اللي قدام حوش حنك
عبدالسلام... سياره من ماشاالله
ايمن...صاحب ادم
عبدالسلام...اصحابه هك حتي سياره ادم غير عين ماله شي شاريها خطرها شن صار فيها
ايمن...انباعت رابش تعال نمشو ل باتك وعمك
عبدالسلام...وين ادم
ايمن..عدا يغير في ادبشه في شقته
عبدالسلام...مع من مشي
ايمن...مع مجدي اكيد في الطريق
عبدالسلام...تنهد باهي تمام
ايمن...اهم جو
عبدالسلام...باتي
صالح...وين هذا كله نوم
عبدالسلام...كنكم ماوعيتوني قتلك ياحويج
صالح...كنك
عبدالسلام...اشريلي سياره كيف هذي
صالح....اشتغل واشري
عبدالسلام...نموت وانا نجمع في حقها
ايمن..ههههه
صالح...لاتجيب حقها
حمادي...اسمع ياباتي تشري ل عبسي تشريلي حتي انا
عبدالسلام...كنك لصق في انت بعدها انت مازالت صغير
حمادي...ريح روحك بس
عمران...هههه
عبدالسلام...عموره انت الدعم النفسي ل باتي احكي معاه
صالح.. شاف لعمران ههههه
عمران...هههههه
ايمن..هههههه يعرف كيف يضحك عليكم مفخره صقع عليك انت خوذ وحده علي قصادك حتي كان تكسرت ماتوجعكش
عبدالسلام...والله ماخساره في ولالاعمي عمران
عمران...لاصدقت
ادم...نزل من السياره يسلم علي اصحابه وصوت ضحكهم وبصارتهم مالي المكان
صالح...ادم
ادم...ههههههه توا انجيكم نشوف الشايب جيتك
ايمن...شن جو ابتسام مجدي
مجدي..امورها طيبه
ايمن...انشالله
مجدي...كون هاني انشالله تسمع عليها خبر خير
ايمن...يارب تكمل فرحتنا كل مانشوف عمران اتجي ابتسام قدامي
مجدي...انشالله مايسير الاكل خير
ايمن...شن بودي غير معش حصلتها بروحها هيا ماحكتلك شي
مجدي..تؤ طلع الدخان
ايمن...هز براسه
ادم...ايوا باتي
صالح...شاف ل عمران يبيك عمك
ادم...نعم عمي
عمران...سياره من هذي خليهم يحولوها من الطريق
ادم...حاضر التفت ياشباب المفخره هذي لمن
الكل...قالو مش شورنا
ادم...كيف صار مجدي
مجدي...اهي سيارتي
ادم...وووه صاح عبدالله إسلام
قلوله مش لنا سياراتنا اهن
ايمن...بلكي لك
ادم...هه قالك راجي فيه شباب غادي من الشله توا نشوفهم مشي
عمران...لالا تعال جاي
ادم...راجي صاح مضيقه علي الباب
صالح...حولها توا
ادم...باهي حاضر ياباتي اندور صاحبها
صالح...كيف ادور صاحبها
ادم...شن عرفني بيه ياباتي
عمران...ادور وانت صاحبها حولها
ادم...راجي يامنجي شاف ل عمران كيف
ايمن...مبروك يابرو كسر وباتك وعمامك ايجيبولك
ادم...لالا
صالح...طلع ضرف فيه اوراق السياره تفضل هذي لك عريس يقعد يلا سياره ماتجيش
ادم...مسك الضرف يشوفله
صالح...قرب احضنه كسر وباتك ايجيب خيره السيارات اهم شي اتجي في الحديد ولافيك
ادم...ربي يطولي بعمرك
صالح...مبروك عليك وربي يهنيك فيها
ادم...يبوس في راسه ربي يطولي بعمرك
صالح...باقي المبلغ من عمك عمران وايمن هم اللي قالو نخذوله هذي
ادم...باس راس ويد عمران ربي يطولي بعمركم
ايمن...وانا
ادم...غمزله نصي عاد انتَ مش بينا
ايمن...ههههه ربي يهنيك فيها
عبدالسلام...واجد ياعمي ياباتي
ايمن..ههههه
عبدالسلام...وليه وسياره كني نا من دونهم
الكل..ههههه
عمران...كان باتك سرحلك انت هو عبسي وليدي مانشري لأعز منك
ادم...ركب في السياره والفرحه مش سايعته
بعد نص ساعه كانن البنات جوا علقات الدي جاي علي فرقه حمزه المحجوبي وحنان العريبي بنة الفاصوخ طابقه الحوش وبرا في الحاجر يوتن في العصور مثروده وموالح ولبن لرجاله اللي طلعو يبرمو بالسياق ويجو كيف الزفه
بعد ساعه روحو بدو يمتعو ويفرغو وصوت الاغاني في السيارات عليات بدو الشباب ينزلو في السياق في الحاجر ويطلعن اسفر الراني وشوكولاطه يوزعو علي الشباب اللي برا بعدها خشوهم لحوش صالح
حواء...ياصلوحه
صالح...خش ايوا
حواء...واتيات السفر المثروده كلمهم يجو يشيلو
خشو مجدي عبدالسلام وسام حمادي عبدالله إسلام ايمن يشيلو في السفر المثروده لحوش صالح
البنات جوا يحوسن يوتن للعشاء الرجاله اللي ودو لسياق
قعدو لليل الشباب تعشو كسكسو سلاطات نوعين موالح ثلاث انواع ومخلل ومشروب وميه معدانيه فواكه
عايشه....تحط في الرغوه في الطاسات
مريم...تصب في الشاهي
ايه...امي وين ي خالتي
مريم...والله مشعارفه ويه
ايه...هجوري شفتيش امي
هاجر...لاوالله كانت تغسل معانا في العوايز بره وخشن جوا
ايه...كملتو
هاجر...اها
حواء...ينعلي تعبتن
هاجر...نبو التعب ملينا من الدلال وكل حاجه اتجينا لعندنا نبو نحسو بحوسه الفرح
حواء...انشالله نحوسوها علي سلامتك وانا اللي نصبي
هاجر...انشالله يارب
طلعت عايشه في يدها سفره شاهي وراها مريم
مريم...ويه جيبي السفره لاخره
ايه...شن خالتي
مريم...السفره لاخره الحقينا بيها
ايه...حاضر خذت السفره ولحقتهن
عايشه...من في هنا
ايمن...فتح الباب
عايشه..تفضل
ايمن...صحيتي عبسي حمادي تعالو
عبسي كان مع اصحابه
عبدالسلام...مش وقتك بكل ياايمن توا انجيكم عدا
ايمن..خش لحوش صالح جيب باقي السفر الشاهي
حمادي...شوف اللي شفته خش خش لحق ايمن هههه
عبدالسلام..دف الباب فوت امي كذا
ايه...طبست تبي تحط السفره لوطي
عبدالسلام...هاتي السفره
ايه...ارفعت راسها شفتله فتحت فمها عبسي
عبدالسلام...شفلها وشاف بره السفره
ايه...هوا انت والله
عبدالسلام...خذا منها السفره
ايه...اعيونها فيه
مش قادره تنزل اعيونها كان فيه شبه من عبدالسلام ولد عمران بكل بكل كأنه تؤامه
عبدالسلام...من انتي
ايه...اه
عبدالسلام...من انتي
ايه...ايه انا
عبدالسلام...يشوفلها
ايه...انت نسخه المرحوم سبحان الخالق
عبدالسلام...شن تفترش هذي تمام ردي الباب وراي
ايه...تشوفله
عبدالسلام...طلع هه الله ياحمادي عليك اللي فاطن خش للحوشهم
فات الوقت جت ساعه 11:30
البنات بطلات من التعب لكن يقاومن يحضرن حنت هناء فرشنلها في الدار وجت الحنايه ضيفنها
هناء...قعمزت في الفراش كم تقعد ساعه
الحنايه...قبل الفجر فكيها
هناء...واجد
امينه...فرحة عمرك تحملي
هناء...صاح مش اخساره اتفرج علي اللصقه وتبتسم تذكر في كلام ادم
اسراء...خشت لدار تشوف للبنات كلهن مقعمزات يهدرزن شاف ل هناء شيرتلها بمعني تعالي
هناء...هزت براسها بمعني شن فيه
اسراء...طلعت من الدار
هناء...نمشي للحمام ونجي
الحنايه...تمام
هناء...طلعت من الدار شن فيه
اسراء...تعالي معايا للمربوعه
هناء...شن فيه
اسراء...ماسكه في يدها تعالي بس
هناء...هيا انشالله خير خشت للمربوعه ولعي الضي
اسراء...لالاخليه طافي توا يشوفنا حد ويسمع كلامنا انتي شن دايره
هناء...قلبها يدق بسرعه شن درت
اسراء...اعترفي شن قايله ل ادم
هناء...شن قلت
اسراء...احكي يانونا والا حنحكي ل عمتي فاطمه
هناء...خنقتها العبره شن حكيت انا لدومي ترعش
اسراء...معش تحكي معايا من اليوم
هناء...دموعها ينزلن شن درت دومي اليوم ماشفتاش كنك اسريوا كان جوك تمام شن غيرك
اسراء...تبكي جديات هههه
هناء...شفتلها تبي تطلع
ادم...مسك يدها تعالي جاي
اسراء...واقفه بره انا
ادم...لاتعالي جاي مسكها من شعرها تبكيها لي مره اخري
اسراء...لاوالله ارخي يدك من توا بديتي تقلبي فيه عليا
هناء...تفك في يد ادم نبي نمشي نرقد
ادم...طلع اسراء امشي انتي
اسراء...ااه سامحيني نونا هوا قالي احكي معاها هكي طلعت
هناء...نبي نمشي حتي الحنه معش نبي نحني
ادم....مسك خشمها عينك غصبن علي خشمك هذا تحني
هناء...ترعش لكن تقوللها ادير هكي
ادم...لاني اليوم انحرمت من شوفتك
هناء....صوت قلبها واضح تمام نبي نمشي
ادم...رفع يده علي صدر هناء ليش نبضه هكي
هناء...تمسح في اعيونها رعشتني
ادم...حضنها اااه يدي احسابها معايا
هناء...مازالت توجع فيك حبيبي
ادم...يعني
هناء...خذيت دواك
ادم...اها تعشيتي انتي
هناء...لالا
ادم...ليش
هناء...عنديش نيه حبيبي وانت تعشيت
ادم...اها ليش ماعندك نيه كولي قبل ماتحني
هناء...حبيبي كان قلت نبيش انحني عادي
ادم...لالامش عادي نبي حنه ونبيها صايعه اه ديري احسابك
هناء...ههه باهي بعد حبيبي ترجي فيا الحنايه
ادم...طبس باسها علي خدها بكايه لو شن صار معش اتنزلي دمعتك علي اي حد
هناء...شفت كلامها رعشني
ادم...ياقلبي انا باهي عاد نقدر انجي نشوفك بعد اتحني
هناء...قبل انت كيف خشيت
ادم...من عند الباب المدخل وخشيت للمربوعه
هناء..عمامي باتي خوتك وين
ادم...في حوشنا وعبسي ماسكلي عند الباب
هناء...عليك عار درته معش اتجي انتحشم انا
ادم...مراتي ونبي نشوفها
هناء...اها خطرها سلحت دبلتها خليها معاك
ادم...ليش تسلحي فيهاا
هناء...ماتبي اتحنيني بكره اتلبسها ليا دسها ليا
ادم...حطها بجيبه تمام عينك من روحك وخشي لحمام
هناء...شن دوومي
ادم...هههه ماقلتي ماشيه للحمام سمعتك
هناء...اها صاح باهي كيف تطلع توا
ادم...كلمي اسراء
هناء...باهي تمام تصبح علي خير
ادم...انتي الخير
هناء...بعدت تشيرله باي
ادم...كرها باسها علي خدها
هناء...لا
ادم...يومين بس بعدها مش حنشورك في شي
هناء...واللهي طبس باه نبوسك
ادم...مانقدرش كتفي
هناء...صاح باهي مسكت يده بستها
ادم...طبس
هناء...قدرت توا
ادم...حاجه كيف هك
هناء...بساته علي خده
ادم...خطف منها بوسه من فمها اناااعلي نا
هناء...انت واحد قليل الادب اصبر يومين بس
ادم....مانقدرش
هناء...اسريوا
اسراء...خشت سامحيني لانا حيضربني كان ماسماحتيني
هناء...يقدرش يضربك
ادم...قرب من اسراء
هناء...جت في النص غمزتله تحكي بدون صوت مش حندير الحنه كان قربتها
ادم...اممم بعد غير مراتي وقفت معاك بس يااسراء
اسراء..هههه
هناء...غمزتله انا خاشه توا طلعيه
اسراء...هههههه تمام
هناء...خشت لدار ردت للفراش
الحنايه...طولتي
هناء...ابتسمت القيته مشغول الحمام
ابتسام...تبي تحني هجوري
هاجر...اها بس نبي نرقى فوق
ابتسام...خلاص رديتو فوق
هاجر...اها من فتره
ابتسام...احسن استقرار
امينه...اصيله عمتي ربيعه مش جايه
اصيله...لاجايه بكره لكن عمتي كريمه راجلها تعبان قالت سامحوني انجي يوم الفرح
امينه...ينعلي من اول ماانجلط وهوا هذا حاله
اصيله...ربي يلطف بحاله
اسراء طلعت ادم من الباب وردت لدار
الحنايه كملت حنه هناء ساعه 2 ونص غطتها وطلعت في وحده اخري تبي اتحني البنات رسمنا رفعن ايديهن في وحده حامل قالت نبي انحني وينها انتي
ابتسام...لالا انا رسمت ايدي اول وحده توا نبي نمشي نغسلها نشفت
رزان...تحكي علي هجور لابعد طولتي قالت حرام انتعبها قالت للي جت معاك اللي ترسم هذي قلتلها ترقي معاي فوق اتحنيني
الحنايه...اها اوكي انشالله بالصباغ
هناء...انشالله نحس في روحي بدت ترتفع عليا الحراره
الحنايه..احسن بسرعه م تصبغ
هناء...سلمك
الحنايه...وحده منكن اتشوف كملت راجلي يرن
امينه...توا نرقي انا نشوفها
ابتسام...تصبي
رزان..لوين
ابتسام...نغسلها ونروح اجودي برا
رزان..لكن لونها خطير حتي انا نصبي معاك الغزال بره حتي هوا
ابتسام...ههههه هيا
عايشه...ماشاالله ماشاالله هذي رسم
ابتسام...اها نبي نغسلها
عايشه...لالا تعالن معايا ماتقربنهاش بالميه
ابتسام....تلحق في عايشه
عايشه...طلعت سلك حطت فوطه علي دبشها بدت تحول في الحنه بالسلك هكي اسحبنها سحب لكن تغسلنها حرام
ابتسام...اتصدقي مليت ياعويشه من اول م بدت ترسم هك ضاق علمي
عايشه...بسم الله
ابتسام...نبيها تكمل بسرعه برغم غاليه عليا الحنه لكن هك اليوم بذات ماعنديش نيه لكن قلت مانكسفش هناء
عايشه...الحنه حنونه خلاص خليها هك لعند الصبح
ابتسام...اتنفض في ايديها يعني م نغسلها توا
عايشه...اها تعالي رزان
ابتسام...انا نلبس ونطلع اجودي يرجى فيا خاطري انبات هوا يقول لامرات تمرضي
عايشه...لاصاح يابال انتي مريضه بكل
ابتسام...بكل هيا تصبحي علي خير
عايشه...تلاقي الخير قدامك
ابتسام...خشت علي البنات في الدار تصبحن علي خير
الكل...وانتي بخير
امينه...جت وراها داهشه تبي تعدي
ابتسام...اها نبيك خطرها
امينه...قتلك كملت اختك واهي نازله
الحنايه...تمام
امينه...شن فيه
ابتسام...تلبس في الخيمار شن صار فلي حكينا فيه
امينه...داهشه شنو بيسو
ابتسام...احمد
امينه...ييييه علينا
ابتسام...فكري
امينه...لااله الا الله كنك انتي ضروري ماتنكديها عليا
ابتسام...نبي انتريح عليك
امينه...متريحه
ابتسام...تمام
امينه...مازالت نقول تكذبي انتي ماعندكش ورم وانك متفقه مع ايمن عشان موضوع احمد
ابتسام...تمام نزلت الخيمار تصبحي علي خير
امينه...لوصاح عندك ورم شن اسمه
ابتسام...سكتت
امينه...شفتي
ابتسام...شن حيتغير لوقتلك
امينه...نبي نعرف
ابتسام...الصور اللي دروهن طلع ورم ضروري م يخذو عينه عشان يعرفو حميدي ولاخبيث بس بعد راسلت دكتور من بنغازي وحكيتله علي الأعراض قالي
امينه...شنننن
ابتسام....ولاشي تلبس في كندرتها
امينه...لااحكي نبي نعرف
ابتسام...خلاص مني مش حنجبرك انك تاخذي احمد حنقوله شوف غيرها
امينه...يكون اريح
ابتسام..تصبحي علي خير
امينه...وانتي بخير عينك من روحك
ابتسام...انشالله
طلعت ابتسام فتحت الباب
ايمن...طفي الدخان بسومه
ابتسام...حضناته نجك لي
ايمن...معش نحقو فيك
ابتسام...ههههه غير انت محرمه عليك هاجر اتخش
ايمن..هههههه هي هذي
ابتسام....نجك لي
ايمن...شن جوك
ابتسام...شافت ل مجدي ضغطت علي يده اكويسه الحمدالله شن حكينا نحنا
ايمن...شاف ل مجدي اها تمام
ابتسام...نجك لي تصبح علي خير
ايمن...وانتي بخير
مجدي...فتح باب السياره
ابتسام...تركب بشويه اااه
مجدي....صكر الباب وجا ركب جنبها ولع السياره بيب ل ايمن وطلع شير ل وسام وادم وعبدالله وإسلام يرجو في فرح وهنيه ورزان
امينه...خشت جوها خرب تفكر في كلام ابتسام
روحن بناات خالي بدر لخالتهن
خلاتي اميمه مريم
فرح هنيه اروي
فاتت ليله علي الكل طول لنوم من يوم متعب الوحيده اللي كانت واعيه هناء مش قادره ترقد برغم من النعاس اللي مسيطر علي اعيونها
هناء...اسريوا
اسراء...بصوت ناعس نعم
هناء...رقت عليا الحراره
اسراء...فتحت اعيونها شن
هناء....حراره جسمي
اسراء...شافت التلفونها
هناء...ساعه كم
اسراء...6:27 فاتني الفجر
هناء...وعي مني تعالن حولنها نبي نرقد خلاص قاعده اتحتحت خلاص
اسراء...هيا صبت ولعت الضي
امينه...ايدها علي وجها الضي
اسراء...نبي نحول حنه نونا
امينه...حولت يدها ساعه كم
هناء...سته ونص
امينه...فاتني الفجر شافت لتلفونها ديرته صامت
هناء...تعالي سعديها انا ماقدرتش نرقد كأنكن محنيات قلبي مش قادره انتحرك
امينه...هيا
بدن امينه واسراء يحولن في حنتها
هناء...تحرك في ايديها ينعلي حبست دمي
امينه...ماشاالله ماشاالله صابغه تجنن
هناء...تصكر وتفتح في ايديها وقفت دمي
امينه...ضاغطه اللصقه بس تجنن
اسراء...حيحي تجنننن
هناء...انشالله في افروحكن
امينه...الحنايه سيبت حنه واجده حنيت حنااتي وامي وعمتي حواء
هناء...نجك لي انشاالله ماعاد انحنو الا في فرحك
اسراء...يااااارب انشالله
امينه...شافت ل اسراء
اسراء...ياااارب نفرح بيك ونجي نساعدها الحنايه علي الحنه
امينه...ماردتش عليها نرفع هذين وانتي ارقدي
هناء...ردت للفراش ايوا هكي نرقد قبل تقيدت نشوف فيكن مرقدات سهفتني
اسراء...ههههههه
هناء...صباح علي خير كيف اتجي مشعارفه بس كان العصافير يسكتن
اسراء...ههههههه
هناء...واللهي ههههههه
#نورهان✍
صباح يوم جديد يوم التطريفه
الكل واعي بنشاط صوت الدي جاي عالي بنة الفاصوخ فايحه جن البنات وخلاتي عمتي ربيعه
صوت الهرجه ولمه العايله وصوت الضحكه كانت ماليا الحوش
هناء...خشت لدار علي حناتها توري فيهن في الحنه
عايشه....لووووووووولي
اميمه...ماشاالله ماشاالله
ربيعه...رقت عليك الحراره صاح
هناء...بكل
ربيعه...تهبل
ايه... نونا البنات يبنك في الكوجينه
هناء...هيا جيت طلعت مع ايه شور الكوجبنه
رزان....لووووووولي
ابتسام...لووووولي وريني
هناء.. رفعت الروب شن رايكن
ابتسام...تبارك الرحمان
اروي...وطت صوت الدي جاي
هاجر...قاعده علي الوطي اصوله دربوكه
اصيله...هيا في دار حني مشت جبتها هيا والبندير من ادربك علي البندير
روان...زينه شاطره
اصيله...هاكي زينو
زينه...بدت ادربك علي البندير
ايه...مبروك الحنه في اقدامك
والخير وراك وقدامك
اصيله.. علي الدربوكه
البنات....👏👏👏👏👏👏👏👏👏👏
هاجر....الساق اللي مبروم بحنة لا يزهق لا يشبع منه
البنات...اياااااااااي👏👏👏👏👏👏👏👏👏
رزان...مش غير
ابتسام...ههههههه
اسراء....عزيز انكان الحنه دار ..... حطبنا تولع فيه النار
البنات...هههههه👏👏👏👏👏👏👏👏👏👏👏👏👏👏👏👏
امينه....جينا بين منافع هلنا
في خيرة لبيوت نزلنا
البنات....👏👏👏👏👏👏👏👏👏👏
زينه...ايييييي العين الللي تذرف بلدم دواها عند اولاد العم
البنات...👏👏👏👏👏👏👏👏👏
ابتسام....ماطق جبلنا لاوالي فيت اوليد العم الغالي
البنات...👏👏👏👏👏👏👏👏👏
هنيه...مش خساره فيه غلانا
متشارك ف الجد معانا
البنات...👏👏👏👏👏👏👏👏👏👏👏
اسراء...في الكتيب سجلناها .... والعقبا لتسجيل ضناها
البنات..ياااااي👏👏👏👏👏👏👏👏👏👏👏
فرح...رافق نااس ايصونو قدرك
تقدر بيهم تخبط صدرك
البنات....👏👏👏👏👏👏👏👏👏👏
وستمرن البنات في التصفيق والاغاني
اسراء كلمت هناء
هناء...شن فيه
اسراء...يبيك ادم
هناء...لالا بكره هوا اللي جا
اسراء...يخش عليهن
هناء...مش هكي اسريوا قوليله
اسراء...اهو فم الباب يرجا فيك
هناء...اخري كان شافني حد شن يقول
اسراء...حلاله
هناء...بس انا انتحشم وهوا لا
اسراء...هههههه اصلا اطمني مافي حد يقدر يخش هنا عارفين فيه صبايا
هناء...وين قاعد
اسراء...في الحاجر
هناء...لبست صباط وطلعت نعم
ادم...التفت يفصل فيها من لوطى لفوق يصفر اووووبا شن هذا
هناء...تنزل في الروب شن فيه
ادم...نبي نشوفك اززززح تلفونك مقفل
هناء...شن تبي انا انتحشم شوف روبي قصير كان جا واحد من خوتك ولاعمامي عيب
ادم...اطمني عبسي برا
هناء...ناهي امورك يعني
ادم...اكيد وريني الحنه
هناء...مدت ايديها
ادم...لكن حنه وكرعيك
هناء...لالاهك تمام
ادم...وريني
هناء...حبيبي عيب
ادم...عض فمه انااااعلي امتي ايجي بكره
هناء... هزت براسها ليش
ادم...تكوني معايا في حوشنا توا نخليك براحتك بكره براحتي انا
هناء...اختفت الضحكه وجها قعد احمر قتلك حبيبي
ادم...غيرت الموضوع كالعاده
هناء...حبيبي وريني كتفك توجع فيك
ادم...لالاالحمدالله
هناء...باهي وجهك
ادم...مش واجد صرفينلي مسكن قوي
هناء...ياعمري قتلك
ادم...شن
هناء...شريت بدله
ادم...اها
هناء...كنك ماقلتها ليا
ادم...حسيتك مشغوله
هناء...باهي انا نبي الكوافيره اليوم التطريفه تميشلي وتصبغلي وديرلي جوها وجهي مازالت طالقه الشيانه
ادم...اي تميشي وتصبغي لالا فكيني خلي شعرك هكي
هناء...نبي انور انا ونورت العروس بتغيير
ادم...انتي تبي تنوري المعازيم ولاراجلك
هناء...اكيد لاثنين
ادم...نونااا
هناء...راجلي اكيد
ادم...شعرك هكي عاجبني خليه ردي بالك اتغيري
هناء...حبيبي
ادم..قلت لا
هناء...طبست
ادم...قرب رفع وجها كنه زعلوني
هناء....تبينيش نفرح
ادم....فرحتك فرحتي يالهبله لكن نبي شعرك هك
هناء...اقل شي خصلات ميش
ادم...هز براسه لا
هناء...خواتي كلهن ماغيرن انا نبي نغير خاطري فيه
ادم...بعد الفرح عادي
هناء...شن يفرق يعني
ادم...لا اله الا الله
هناء...يعني نمشي للكوفيره تحول شيانتي بس مش حتغيرلي شعري
ادم...اتكي علي الساس والله حتي هكي غمزلها ناااعلي منك
هناء...باهي دومي عيب والله تحرج فيا توا مفروض تكون اتخيل فيا كيف نطلع في الفرح توا هكي مش حتفرح كل اشوي داز عليا
ادم...مانقدرش ضروري مانشوفك
هناء...باهي نبي نخش جوا
ادم...طلع الدبله من جيبه رفع يدها لبسها لها
هناء...نسيتها بكل
ادم...دزيت عليك عشان نلبسها لك
هناء...انحبك ياخشيمي شن داير توا
ادم...بكره نكون كيف الحصان ماتخافيش كان تفكري في بكره
هناء...شفتله نبي نخش برمت وجها تبي اتخش
ادم...مسك يدها ههههه تعالي جاي
هناء....خطاني
ادم...مانقدر انخطاك
هناء...نبي نخش
ادم..امتي تبي تمشي للكوافيره
هناء...بعدين
ادم...تمام لكن حنه عض فمه خطيره
هناء...خطاني خشت للكوجينه وجها احمر
رزان...شن دارلك وسعو بالكم بكره هوا اللي جاي
البنات...هههههههه
هناء...هههه مني
امينه...هذي رزان هههههه
رزان....لووووووووولي
امينه...ساعه كم علي الكوافيره
هناء...ساعه اخري ونمشي قلتلي تعالي ساعه 2:00
امينه...باهي تمام اتغدي
هناء...طبست
ابتسام...كنك هنو
هناء...قالي ماتغيريش لون شعرك
ابتسام...هههه ينعلي حتي انا في فرحي اجودي ماخلاني
هناء...بس انا خاطري في لون
ابتسام...ههههه مافيش امل يعني
هناء...هزت براسها ابداا
فاطمه...هنو تعالي
هناء...هيا جيت نعم
فاطمه..حطت يدها علي كتفها يبيك باتك
هناء...صاح وين
فاطمه...كنك
هناء...متحشمه
فاطمه...عادي تعالي
هناء...وين قاعد
فاطمه...خش للمربوعه
هناء...نلبس مصليه ونجي
فاطمه...تمام
هناء...خشت لدار لبست مصليه غطت ايديها وكرعيها وجها احمرر متحشمه خشت للمربوع باتي
عمران...يشوف لصوره باته التفت هاباتي فتح ايديه
هناء...خنوها ادموعها جت حضناته نجك لي
عمران...الف مبروك يابااتي
هناء...يباركلي بعمرك يارب
عمران...يده علي راسها عينك من روحك ومن ولد عمك واهم شي عمك صالح وعمتك حواء
هناء...ماتردش تبكي
عمران...متريح عليك ومتريح علي خواتك العقبال مايتريح قلبي علي امينه
هناء...انشاالله يارب رفعت راسها تمسح في ادموعها
عمران... مانوصيك ياباتي
هناء...بعيوني عمي وعمتي قبل ادم رفعت ايده تبوس فيها انت راضي عليا
عمران...الله يربحك وين ماكنتي وين ماحتكوني ياباتي انا حكيت مع ادم وانا عارف لمن عاطيك حيحافظ عليك ادم
هناء...ردت حضناته ربي يطولي بعمرك ولايحرمني من طلتك عليا
عمران...طلع من جيبه بوكس وهذي هديتي لك
هناء...بعدت شن
عمران...فتح البوكس
هناء...الله تهبل الأسواره نجك لي بس مانبيها غاليه
عمران...ماتغلاش عليك ولامش عاجبتك
هناء...لاوالله تجنن هديتك انك تكون طيب وتكون معايا طول العمر هذي اجمل هديه
عمران...كيفك كيف خواتك
فاطمه...وهذي هديتي
هناء...التفتت
فاطمه...سلحت سلسلتها من رقبتها
هناء...لالا امي
فاطمه....ماحصلت فرصه نطلع لسوق
هناء...بعد هدياكم ليا ماقصرتو معايا واللي نبيها تكون عندي ليش توا تهدوني اخري ناخذ هديت باتي انتو واحد عدي ردي سلسلتك لبسيها ل مني في فرحها
فاطمه...لالا هديتها غير امينه قربت رفعت المصليه لبستها لها
هناء...امي واجد هكي
فاطمه...مش واجد عليك حضنتها ربي يهنيك ويسعدك مطمنه عليك بين هلك وناسك
عمران...شكلها بنتي مش عجبتها هديتي
هناء...بعدت شفتله نجك لي هديتك غاليه
عمران..هيا مدي يدك خليني نلبسها لك يرجو فيا بره
هناء...متحشمه اطلع يدها
فاطمه..ههههه
هناء...شفتلها مدت يدها
عمران...لبسها لها تنقصك اي حاجه وحياة باتك تكون عندك
هناء...ربي يخليك ليا ويخليلي امي ويجعل الله عمري قبل عمركم
عمران...رن تلفونه وباركلنا فيك فتح الخط وطلع برا
هناء...ردت حضنت فاطمه ربي يخليك ليا
فاطمه..ويخليك ليا الحمدالله ربي هناني عليكن العقبال فرحتي باامينه
هناء...انشالله يارب
ابتسام...خشت غرت انا
فاطمه...رفعت يدها تعالي انتي مكانتك خاصه
ابتسام...جت حضنتها بكل قوتها ربي مايحرمني من الحضن السمح
فاطمه...شافت لباب تعالي حتي انتي
هناء&ابتسام...افريحه هههه
فرح...هنيوا تعالي
هنيه...شن فيه
فرح...مكانه خذنا
ابتسام...شفتلهن هههه
هناء...ههههه شي غيره
ابتسام...بكل
فاطمه...حضنتهن كلهن تنهدت انتن فرحت عمري كيف مافرحت بيكن ربي يفرحني ب امينه يارب
امينه...جت حضنتها من ظهرها تبوس فيها كيف ماتكلموني
فاطمه...جيتي
امينه...فقدتكن جيت لقيت غير انا مش قاعده
فرح...احلا حضن من امي واحلا خوات ربي مايفرقنا بيوم ونكونو ملتمين اللمه السمحه طوووول العمر يارب
البنات...يارب بعدن يشوفن في بعضهن
فاطمه...يارب
ابتسام...تصكر في اعيونها وتفتح تشوف في خواتها وامها كيف الخيال امي
فاطمه...هاامي
ابتسام...انا طاحت.......#يتبع
اسفه لو في لخبطه في الأسماء
#انتظرووووني
في الحلقه الخامسه واربعون
#نورهان✍
