#جبرني_الوقت⏳
#الحلقه_الثانيه_واربعون
بقلمي #نورهان✍
سيأتي دور ايامك الجميلة واحلامك الحلوة، احتضن ظنونك الطيبة ، لن تنتظر طويلا....عش متعة الترقب ربما تبدأ اليوم وربما غدا🍃💚
●●●●
دلال...تمام طالع انت توا
يوسف....لابايت
دلال..خلاص توا انفرشلك في المربوعه في الحوش هيا
يوسف...لابايت في حوش حني
ابتسام...اعيونها فيه
البنات...كلهن يشوفن ل ابتسام ويوسف
امينه...بجو السمح هكي فوتنا عدي صبايا برجلتهن اللي تقعد معاهن في نفس الحوش
يوسف...اعيونه في ابتسام هه شن نبي ناكلهن انا ولا كيف
رزان...عدي يوسف
يوسف...خايفه راجلك يتكلم
رزان...اكيييد رجلتنا مش غير هوا
يوسف...كوني في روحك انتي بس
رزان...لانكون فينا كلنا عدي بلا مشاكل
يوسف...كف يخرب فصيلتك توا
رزان...ديرها وشوف من يرده لك عارفه انا حركاتك هذين عشان شن
يوسف...خايفه ع روحك امشي لحوش باتك اظن مش حيتكلم راجلك هكي
امينه...رزان اسكتي انتي قربت كان في كلام ينحكى احكيه معايا انا
يوسف..عاد انتي مانك لاقيه من يشوخ عليك حتي اللي كان شايخ دفنتيه مطلوقه علي راحتك
امينه...بدون وعي ضرباته كف في وسط خده جسمها يرعش كله
يوسف...مسك شعرها
البنات...كلهن قربن يفكن في امينه من يوسف
امينه..حيوان حتي كيف ضربك مازالت متمرد
فرح...ابتسام
يوسف...يشوفلها
ابتسام...صبت يدها علي بطنها ويد علي الساس تمشي
رزان...قربت مسكت يدها كنك
فرح...خلاص يوسف لوسمحت عدي فكنا من المشاكل
امينه...دفت يوسف وجت ل ابتسام بيسو كنك
ابتسام...خشت للحاجر تمشي بخطوات بطيئه تلفوني وينه
امينه...كنك
ابتسام...كلمي اجودي
هنيه...شن تحكي
ابتسام....دوبها تحكي ليه تقطع فيااا
مريم...هههههه طلعت من جوا الله يعطيك الخير يااميمه كنكن
امينه...مافي شي غير اطلعي علي التافه يوسف خليه يخطا وجوهنا
اميمه...طلعت شن فيه
مريم...توا نطلعله انا
اميمه...شن فيه
امينه...يوسف............
مريم...ماتخافيش خشنها جوا في الدار خلنها ترفع كرعيها انفجعت هذي
خشنها البنات جوا لدار جت فاطمه وعايشه انفجعن من منظر ابتسام ترعش وتبكي ماتحكيش مع حد
مريم...تحشم يايوسف اللي تحكي معاها راهي متزوجه تسد المشكله اللي درتها لها
يوسف...ياعمتي مادرت شي هنا اللي طلقن السنتهن والله لاجيت شورها ولاكلمتها برواحهن تهجمن عليا
مريم..عدي لحوش باتك هنينا سلم عمتي
يوسف...مش متحرك قعمز علي الكرسي فم الحوش حط اكراع علي كراع وبدا يدخن
مريم...راني نقولها ل ابراهيم
يوسف...اربحي
مريم...عيب ياوسيفه
يوسف....مادرت شي مادرت شي ياعمتي كنها بسبوسه
مريم...خليتها اتجيها الليه
يوسف...عدي شوفيها
مريم...يوووسف
يوسف...عدي شوفيها ياعمتي انا مش قصدي والله ماكنت حنضايقها
كنت نبي نملى اعيوني بشوفتها مافيش حد حاسس بيا
مريم...معناها عدي عشان نقوللها عدا عشان اتريح
يوسف...خليني نطمن عليها عشان نمشي عدي شوفيها وقوليلي
مريم...عليش تبي تطمن البنت متزوجه
يوسف...عاااارف عاااارف الله ينع طووووط اليوم اللي تمت له عدي بس طمنيني عليها
مريم...اوسيفه اسلوبك
فرح...اتفرج علي يوسف متأثره بكلامه
مريم...وانتي شن اديري هنا خشي جوا
فرح..نبي نحكي مع يوسف اشوي
مريم...نمشي نشوف بسومه يستر الله وخلاص خشت
يوسف...شن دايره ياافريحه
فرح...مريضه يايوسف عارف ماقدرتش ندخل عليش
يوسف....هز براسه
فرح...وقفتك بجنب بيدا منعتني اني ندخل حمل شايلته علي كتوفي هذي اختي وانت اللي مش ناسيه جميلك مع بيدا بس ارجوك يوسف انترجى فيك عدي ابتسام عانت واجد ونظلمت واجد عدي وراس اغلي شي عندك عدي وخليها تعيش مع اللي اختارته هيا بدون مشاكل
يوسف...ابتسام اغلي شي عندي لدرجه لويخيروني مابين هلي وابتسام حنختار ابتسام عشان ابتسام انتخلا عن هلي فاهمه راضي بيها حتي لوعندها عشر اعيال منه مازالت نبيها يافرح
فرح...بعدت هذا مرض
يوسف...وهي مرضي اللي مش قادر نشفى منه
فرح...باهي هيا عدي والله مانلتمو الا في السنه مره توا حتكلم مجدي وحتروح حرام عليك خاطرها في القعده لو مجدي عرف انك هنا ولا جاء ولقاك قدامه حتسير مشكله وحتكون ابتسام اول وحده وهيا مالها ذنب
يوسف...لهدرجه انا نخوف
فرح...مانبيك تخرب علي اختي انت معزتك خاصه بقلبي بس لعند اختي انا معش نقدر نسكت حرام دمرتلها حياتها ونفسيتها مجرم ماتسمع بس بي اسمك تقعد ترعش كلها
يوسف..ليش يافرح تحكي هكي
فرح...اختي اختي يايوسف
يوسف...اختك حبيتها اختك هيا اللي دمرتني مش انا
فرح...هذا نصيب نصيبك مش فيها
يوسف...ابتسام كسرت العمود الفقري متاعي عارفه شن معني هكي
فرح...حتجبره وحده غيرها
يوسف...هه شن تحكي انتي
فرح ..جرب مش حتخسر شي بس اختي بعد عنها
يوسف...والحل
فرح...تولع سيارتك وتربح خلي الليله تمشي علي خير
يوسف...نرجا عمتي شن تقول شن صار فيها
فرح...مجرد م تسمع انك روحت حتكون اكويسه
يوسف....عزق الدخان فررررح
مريم...شن دايره ياخالتي
ابتسام...تشرب في اميه
امينه...شافتلها اكويسه
هنيه...نرنلك علي مجدي
رزان...لالا نحنا نبو نقعدو
ابتسام...رني عليه
رزان...لالا انتي خفتي بس توا يروح ونسهرو لصباحي نغيرو جو هذي جيه من العمر مش ديما نلتمو
ابتسام...حيسببلي مشكله
مريم...طلعت
فاطمه...حاطه يدها علي خدها سرحانه في ابتسام
هناء...امي
فاطمه...في عالم اخر
اروي...حطت يدها علي كتفها عمتي
فاطمه...ها عمتي
اروي...وين رحتي
فاطمه...لا شن قاللكن يوسف بصدق
امينه...بدت تحكي اللي صار كله
فاطمه...يعني م حكاش مع ابتسام
امينه...لا بس حركاته مستفزه
اميمه...ماسكه كبايه اميه تبخ علي ابتسام خلاص خلنها اتريح
ابتسام...ماتسيبونيش
امينه...قاعده معاك
طلعن كلهن من الدار
امينه...ماسكه يدها شن تحسي توا
ابتسام...تاخذ في نفس الحمدلله بدت تهدا الليه والله نحساب روحي انجيب بذات من امس بطني نازله
امينه...معش تخافي
ابتسام...انخاف ايجي اجودي يلقاه قاعد ويتعاركوا
امينه...ماتخافيش اكيد حيمشي
ابتسام...ترعشي حتي انتي
امينه...مش متخيله اني مديت يدي عليه ماقدرتش نمسك روحي
ابتسام...كله مني
امينه...لالا الغلط مني كنت نحكي معاه بهدوء لكن بعد حكى علي ايهم معش قدرت نمسك روحي
ابتسام...اسندت راسها علي المخده صكرت اعيونها
امينه...رقدتي
ابتسام...جتها النوبه
امينه...نجك لي صبت جابت بطانيه من الدولاب غطتها طفت الضي جت قعمزت قدامها تشوفلها ضمت كرعيها طبست راسها يارب ابتسام
#نورهان✍
مجدي..ههههه تحكي جديات
احمد...والله
سعده...بايته ابتسام الليله
مجدي..لالا ماشي بعدين انجيبها
وسام...خش السلام عليكم
الكل...وعليكم السلام
وسام...اووو نونا عندنا
حنان...جت سلمت عليه وينك
وسام...كان عندي تحقيق من امس وااااو نين راسي يبي ينفجر واصل حدي نبي نرررررقد
سعده...يانا عليا اعيونك حمر
وسام...عالقها ياامي
حنان...انديرلك حاجه تاكلها
وسام..لالا حتي حاجه نبي نروح لشقه ندوش ونرقد
احمد...بايته رزان حتي هيا
وسام...اها توا لقيتها دزتلي رساله نبي نبات
سعده...بما انا رزان بايته خش ادوش هنا وخش ارقد
وسام...ماتقعد الا هك والله مانحق في الطريق
حنان...نوتيلك دبش
وسام...ياريت شخبار راجلك
حنان...اكويس
وسام...كنه معش نشوفو فيه
حنان...طبست شغل حتي هوا
وسام...يضايق فيك
حنان...شفتله ابتسمت لا
وسام...الو نكون عندك
احمد...الو تقولها لخوها الكبير انت شن مالك
وسام...ماانت مُثقف زياده علي اللزم وانا دغري
حنان.. ينعلي الراجل م دار شي
مجدي...هههههه
حنان...وحقالله خاطوه
وسام...ههه ماشي تبو شي
الكل...سلامتك
احمد..مال علي مجدي قتلك
مجدي...امممم
احمد...شن صار في موضوعنا
مجدي...والله حكيت معاها
احمد...شن قالت
مجدي...مازالت اليوم كيف حكيت معاها قلتلي توا نحكي معاها
احمد...قلتلها مني
مجدي...جبد من الدخان انفه في وجه عليك تاخذ الرد
احمد...يهف في الدخان نحكي جديات
مجدي...تحق فيا نبصر
احمد...خطرها
مجدي...اممم
احمد...رد علي صاحب تونس
مجدي...طفي الدخان عدل قعدته شن قالك
احمد...مش قايل
مجدي...بصر في اي شي الا موضوع ابتسام انت عارف نمشي في الأيام بالغصب نبي نعرف شن الورم
احمد...قالي ضروري ماتجو لتونس مااصلا هما مايعترفوش بتقريرنا وصورنا وهكي قتله باهي عطيني امل اي شي قالي انشالله خير ضروري م نتأكد بروحي
مجدي...ريت هالزبده اللي خذيته
احمد...هذا اللي صار
مجدي...من جوا هنا يخبط علي صدره عندي امل في الله وعمره ماخاب ضني فيه ربي يختبر فينا بأذن الله حيستأصلوه لها وتكون نتيجه خير
احمد...يارب
#نورهان✍
فات الوقت جت ساعه 11:10ليل
في المزرعه...
ديرين قعده في الحاجر وحني صالحه علي العداله وصوت الضحك مالي المكان ابتسام بعد عدا يوسف اطمنت من بعد ماحكت معاه فرح ومريم طلع طول
رزان...معقوله وسام ماحكش معايا بكل حتي بعد دزيتله رساله
هنيه...رني عليه
رزان..هوا اللي يرن هوا اللي يطمن هوا اللي يكون باله مشغول عليا
روان....ليشش ماانتي اديري هكي
رزان...نفرق
ابتسام...اجودي كان يحكي معايا قالي راقد
رزان...في الشقه
ابتسام...لا في حوش عيت عمي
رزان...اها
امينه...اشوي بنات
هناء...في من تكلمي
امينه...تشير بيدها اشوي الو خير يا باتي
عمران...خير ياباتي
امينه.. شن داير وين قاعد عقلي عندك تعشيت خذيت دواك
عمران.....ههه الحمدلله عند حنك قاعد قعدين معانا عيت عمك صالح وايمن وامورنا تمام
امينه...الحمدلله غير من بدري نرن عليك خارج التغطيه
عمران...والله ياباتي ماني عارف
امينه...اهم شي اطمنت عليك بايت في الحوش
عمران...لاقاعد في حوش حنك
امينه...باهي الحمدلله اطمنت
عمران..لاكوني هانيه وسلمي علي حنك او اهي حنك تسلم عليك
امينه...نجك لي سلملي عليها واجد
عمران.. يوصل سلامك هيا معسلامه
امينه...في امان الله صكرت
هناء...شن فيه
امينه...كنك كنت نحكي مع باتي نطمن عليه
هناء...وينه
امينه ...في حوش حني
فرح...من عندهم قالك
امينه..عمامي بس
فرح...عليك جو
اروي.. يعني هنا جو اخيييي
فرح...يجنن يابنتي
اروي...امممم
زينه...هههههه
ابتسام...بنات يوسف عدا
البنات...كلهن يشوفن في بعضهن
ايه...والله حقيته بعيني هذي ولع سيارته وعدا بعد حكت معاه خالتي
فرح...عدا بيسو وعطا وعد لخالتي معش يزعجك
ابتسام...نظراته ليا يخوفن كأنه يبي ينتقم مني
فرح...سرحانه في ابتسام كان خاطري يابيسو انرد علي كلامك ونقولك ضالمته وقد شنو يحبك حتي بعد يحكي عليك اعيونه يلمعو والضحكه المرسومه علي فمه بعد يشوفك يكون كيف الطفل البريء حبه صافي كان بس امنيته تكوني له بس هوا النصيب ونصيبك في مجدي تنهدت من وسط قلبها
زينه...كنك افريحه
فرح...لا
امينه...بلا اهبال خلاص بالله عليك صكري علي سيره يوسف خلنا نغيرو جو
#نورهان✍
في دار حني امينه
الكل مقعمزين ويهدرزو
حني امينه...اسمع ياصلوحه ياعموره
عمران...قولي ياامي
حني امينه...فرح ادم وهناء اديروه هنا الحوسه كلها في حوشي
عمران...لا ياامي
حني امينه...مافيها شي لا ماتبوش تقسمو بعضكم نص هكي ونص هكي ديرو الفرح مع بعضكم وحاجتكم تقعد اقريبه
صالح...حوشي لصق فيك علي عمران
عمران...والله ياامي ماني عارف يسير خير
حواء..كان علي فطومه نحكي معاها
عمران...لاعادي ماتكلمش لكن حوسه وتعب عليكم
هاجر...والله عادي صاح والله ياعمتي رايك صايب وين نبو نمشو هنا ولاغادي
حني امينه...اها لاانديرو كل حاجه مع بعضنا والفرح الكبير توا اديروه في قاعه
صالح...شن قلت ياعمران
عمران...ماعندي مانرد بعد امي
صالح...خلاص بعد ايجو من المزرعه ينهو شغلهم ويجو هنا
عمران..انشالله خير
اسراء...وحقالله فرحانه بكل
اصيله...خلنها بينا انا اللي حكيت ل حني هههه
هاجر...هههههه رائيك صايب
اصيله...نجك لي
عبدالسلام...خش لدار امي
حواء...هاامي
عبدالسلام...جعان
اسراء...نجك لي توا انديرلك حاجه تاكلها
عبدالسلام..حاجه خفيفه طالع اصلا
صالح...وين
عبدالسلام...كوره
صالح...في هالليل
عبدالسلام...في النادي هذا ياباتي بعدها بالحجز من الصبح محجوز
صالح.. مع من ماشي
عبدالسلام....مع الشله
صالح...حمادي معاك
عبدالسلام...سيبته مع ادم في الحوش
صالح..مش ماشي معاك خوك
عبدالسلام...مش ضانيه وناسيه
صاالح...تحشم راني نصبيلك
ايمن...ههههه
عبدالسلام...ياباتي تبيه ديما عالق فيا جيلي وجيله مش واحد
صالح....نبيكم تونسو بعضكم
عبدالسلام...لا الجو تمام انا حاط عينه عليه اموره في الساليم
صالح...باهي ياعموره شن دايره صحتك
عبدالسلام...شاف ل ايمن شفت الحركه اللي دارها
ايمن...احرجات بكل تفهك
عبدالسلام...امنور ياحاج
الكل...ههههههه
صالح.. غير ماطولش
عبدالسلام.. ل 2:30
صالح...دور وين اتبات
ايمن...اهو الدق الثقيل
هاجر...ايمنن هههه
عبدالسلام...عارفه يسخن في باتي طالع ناكل وماشي مني غادي
ايمن&هاجر...ههههههه
حواء...عينك من روحك
عبدالسلام...نجك انتي دعواتك بس نفوز
حواء...انشالله
#نورهان✍
مجدي...في السياره رن علي ابتسام
ابتسام....تهدرز مع البنات
ايه...بيسو تلفونك
ابتسام...جبيه لي
ايه...حاضر صبت جباته لها
ابتسام...اكيد اجودي
ايه...اها
رزان...انا خلاص هرموناتي جنهن جنون البقر
البنات...ههههههه
ابتسام...عنجد جنون البقر هههههه الوو
رزان...اسكتن قربت وذنها علي تلفون ابتسام تسمع معاها
مجدي...واعيه ياروح
ابتسام.. اها نهدرز مع البنات يالقلب
مجدي...وتي روحك
ابتسام...لوين
مجدي...توا طالع شورك
ابتسام...قصدك تبي تجي تاخذي
مجدي...اها
البنات...لالااااااا
ابتسام....ههههه سمعت
مجدي...مش شوري بيهن امرايف انا
ابتسام...حبيبي حتي انا بس والله مرايفه علي اللمه بكره بعد الغداء تعال نمشي
مجدي...امرايف بروحي
ابتسام.. مش هكي حبيبي بس والله نبي القعده
مجدي...امتي ايجي بكره
ابتسام...هانت هوا اللي جاء حتي انا مرايفه عليك بكل بكل بكل ياعويناتي السماح
مجدي...وين قاعده ياروح
ابتسام...في الحاجر
مجدي...دفي روحك
ابتسام...لاحمو اجودي انت وين قاعد
مجدي...نسوق حنرد علي حوشنا
ابتسام...بايت في شقه
مجدي...هه شقه شن مانخشلهاش وانتي مش فيها
ابتسام...ياقلبي انحبك انا
مجدي...نموت فيك قتلك
ابتسام...شن قلبي
مجدي...حكيتي الموضوع اللي حكينا فيه
ابتسام...اها حبيبي انشالله خير
مجدي...هكي في ايجابيه ولالا
ابتسام...يعني
مجدي...حاولي تقنعيها لانه توا حكي معايا يبي الرد
ابتسام...انشالله بوسه هذي امووووااااحححح في رقيبتي لعند مانجيك
مجدي...اناعلي ترجا فيك تعطيها لايف ياروح
ابتسام...نجك لي عينك من روحك
مجدي...روحي هيا اللي تحكي معايا
ابتسام....غصبن عنك هيا باي
مجدي...باي صكر
ابتسام...نزلت التلفون تشوف ل رزان
رزان...عطاك الله
البنات...هههههههه
ابتسام..هههه خاطينا
امينه...لوتشوفي شكلها وهيا تسمع تبي تبكي
ابتسام...ههههه
رزان...كنه راجلي من دون رجاجيلكن فرح طول اليوم كان مش الو رسائل هنيه كذالك يييه يييه علي اروي هناء حتي اللي علاقات تلفوناتهن ماسكتن ليش انا ليش
روان...كان صبرتي حجيتي اهو يرن
رزان...شافت ل تلفون اسمعن بس بصوت هادي الو
وسام...بصوت ناعس خير حبيبي
رزان...اهلين
وسام...والله امرايف عليك ياشينه جيت طحت طول رقدت
رزان...اها باهي تمام
وسام...قلت ماسألتش عليها توا تزعل
رزان...حصل خير
وسام...كنه صوتك
رزان...كنه
وسام...شن في
رزان...وسام اشوي بس
وسام...وين ماشيه وسام طول شن وراها زعلانه بكل
رزان...مافيش حاجه تستاهل نزعل عليها
وسام...ييييه ياحبي شن فيه احكي
رزان...نعسانه وجنبي يوجع فيا نحكو بكره اوكي صكرت حطت التلفون جنبها
ابتسام...حرام عليك
رزان...خليه
امينه...راعي شغله وتعبه مش هين حرام عليك من امس مش راقد
رزان...شورك عاد انتي علي والتر الحساس بروحه
البنات...ههههههه
فرح.. يرن ردي
رزان...طلعت بالمشغول خليه
ابتسام...اهو يرن عليا
رزان...اصبري قوليله كنا في المزرعه وخشت لدار ارقدت
ابتسام...الوو
وسام...خير ابتسام انشالله مش راقده
ابتسام...لاوالله واعيه
وسام...رزان جنبك
ابتسام...اه اها
وسام...قوليلها وتي روحك اني جايك
ابتسام...شفتلها قالك وتي روحك جايك
وسام...هيا تصبحي علي خير معلش علي الأزعاج
ابتسام...لاوالله عادي وانت بخير صكرت كيف صار تبي تمشي
ملاك...مافيش وحده تمشي عدي احكي معاه اتسد إسلام اللي رديناها
هنيه...هههههه عطكن الخير شكلكن وانتن متهجمات عليه مش ماشيه هنيوا ههههه
البنات..ههههههه
ايه...مسكين قعد يقول علي راحتها علي راحتها
هنيه...هههههه توا زعلان مني
زينه...توا يرضي
روان...كان قعدت معانا دلال
البنات...ياريت
امينه...عدي احكي معاه في المخزن ولطفي الجو
رزان...خليه يتعب لهنا ومش ماشيه
امينه...حرام عليك يمشي المسافه هذي كلها
رزان...انا نستاهل يتعب عليا
امينه...مش خايفه عليه في حيوانات علي الطريق وراجلك يجري
رزان..صاح خذت التلفون وصبت
زينه...اما انتي طول تخشي لدماغ
امينه..نحكي في واقع نشوف فيه
زينه...نجك لي
خشت رزان للمخزن حكت مع وسام كان ناوي ايجيها جديات بعد حكتله كل اللي حست بيه بعد هوا ماحكاش معاها وقدر وسام يراضيها ويصالحها ردت للبنات جوها رايق وفرحانه
شافت امينه الساعه ييييه 4:30هيا بنات نرقدو حنوعو بدري
روان...هيا وحده منكن اتساعدني تلم معايا المفرش وتغسل العوايز
ايه...توا نساعدك
بشري...حتي انا
امينه...انا توا انظم الحاجر
ابتسام...يابنات ثاقله كان هكي ساعدتكن والله معش نقدر
فرح...جت من جوا الحوش بنات فرشت كلنا في نفس الدار
ابتسام...انا معش نشوف قدامي الله القعده هذي مستحيل ننساها
هنيه...بكل جو سمح
زينه...كان اديرن كل خميس اتجن مش حنرايفو علي بعضنا
فرح...ياريت
ابتسام...تصبحن علي خير انا انجيب ونقعد خفيفه حقكن عليا اللي تبنها انديرها ونساعدكن
رزان...بطه تمشي
ابتسام...مش مني شوفي بطني نازله بكل
امينه...بكل بيسو عدي جوا
ابتسام...نحس فيها في الحوض
رزان.. ولاده هذي
ابتسام...انشالله لا
خشت ابتسام وكل مره خاشه وحده كملن الحوسه طفت زينه ضي الحاجر وصكرت الباب وخشت لدار لقتهن كلهن في فرشااتهن جنب بعضهن
زينه...وحده تولع الفلاش راني نوطي علي بطن وحده منكن ناخذ ذنبها
البنات...ههههههه
زينه...ههههه وحقالله
ايه...اهو ولعت الفلاش تعالي ارقدي جنبي
زينه...طفت الضي عماتي وحني بالنوم مرقدات
بشري...اها ههههه
امينه..بيسو
ابتسام..نعم
امينه...كنه نفسك منقطع
ابتسام...نبي نموت يعني
رزان...نبي ننننننن صكفمك عادي مني حتي انا نفسي هكي
ابتسام..هههههه
امينه...لابس بيسو بكل
ابتسام...عادي صكرت اعيونها خلاص نبي نرقد
امينه..تصبحن علي خير
الكل...وانتي بخير
البنات كلهن رقدن عادا امينه اللي حاطه يدها علي وجها مش جايها نوم من كثر ماتفكر في ابتسام
#نورهان✍
صباح يوم جديد...
الكل شمسه عاليه
البنات كل وحده مستلمه حاجه ادير فيها
اروي...كملت تلميع
ابتسام...تفرش في المربوعه معاها رزان
رزان...تعالي تعالي تفرجي شوفي البروده الله
ابتسام...اتفرج من الروشن الله شوفي روان
روان...مرفعه شعرها كله فوق مرفعه سروال التوته بالله عليك زيديني اميه ويه خلاص قريب نكمل المقدمه
ايه...تمام توا نوصل التوبو هكي تعب مشت ايه جابت التوبو ولعاته هاكي
روان...خذاته منها بدت تكمل في التسييق جت سياره تجري من الطريق وقفت عند الحوش وقفت في مكانها طبست نزلت السروال حطت الطاربوش علي راسها
الشاب...السلام عليكم
روان...خشت للحوش ردت الباب وعليكم السلام تفضل
الشاب...نحنا زراد قريب منكم
روان...المطلوب
الشاب...نبي اميه امسقعه لوفيه
روان...اشوي خشت جوا طول للكوجينه امي فيه اميه في الفريز
عايشه...تحكي مع فاطمه ومريم واميمه اها
روان...في واحد بره قال نبي اميه زردين
عايشه...اهي في الفريز
اميمه...عطيه لبن بينك وين السو
عايشه...موسمهم الزراده ديما يجونا
روان...شن ناخذ لبن
عايشه...اها خوذي الشيشه الكبيره باهي فطومه
روان..خذت اميه ولبن وطلعت
امينه...لوين
روان...شاب يبيهن بره
امينه...اها باهي
روان...حطت اللبن علي الكنداره والميه في يدها طلعت من عند الباب لوسمحت
الشاب...صكر التلفون ونزل من السياره ايوا
روان...تفضل مدت يدها
الشاب...خذا الميه بارك الله فيك رد لسياره
روان...راجي
الشاب...نعم رد
روان...ردت خذت لبن جت عينها في عينه ردت تفضل لبن
الشاب...ابتسم ماشالله ربي يبارك صحيتي
روان... واجبنا صكرت الباب
الشاب...رد لسياره وهوا يبتسم نزل من الطريق
ابتسام...شافت ل رزان
رزان...فاتحه فمها شفتي اللي شفته
ابتسام...استغفر الله عليك جمال
رزان...هههههه بكل اختي غبيه كنها مادارت جوها طلعتلي بتوته وشعرها فوق وتسيق مالت وخلاص هيا خليني نصكر الروشن ونكملو التفريش خلاص قريب يذن الظهر نمشو لحوش هيما
ابتسام...صاح هيا
بعد وقت الكل مشى لحوش ابراهيم
تغدو كملن البنات الحوسه مع دلال
امينه...بيسو تلفوتك
ابتسام...اكيد اجودي ساعه كم
هناء...ثلاثه
ابتسام...ماحسيت بالوقت سبحان الله
رزان...ردي
ابتسام.. يييه نسيت الو
مجدي...هاروحي انا قريب منك
ابتسام...تمام
مجدي...وين قاعده
ابتسام...في حوش خالي ابراهيم
مجدي...عليش
ابتسام...عزمنا علي الغداء
مجدي...تم هيا وتي روحك
ابتسام...تمام هيا
مجدي...قولي ل رزان وسام وراي حتي هوا
ابتسام...امباه يالقلب هيا باي
مجدي...باي صكر
ابتسام...حطت التلفون علي الرخام بنات انا دبشي في حوش حني من تونسني نمشي نلبس اجودي في الطريق
هناء...هيا
ابتسام...خشت لدار الضيوف ديما عامر ياخالي وصحيت علي الغداء تعبتو اروحكم
ابراهيم...عيب يالهبله حوش خالك في اي وقت مفتوح
ابتسام...سلمك انا مروحه انتلاقوا علي خير انشالله قربت باست راس ابراهيم
ابراهيم...الله يربحك بدري
ابتسام...كلمني مجدي توا قالي في الطريق ماشيه لحوش حني نلبس طالعه مني غادي
كلهم...معسلامه
حني صالحه...طريقك بيضاء
ابتسام..جت باست يدها وراسها انشالله يارب امي انتلاقوا باست علي راسها
هناء..هيا
ابتسام...شيرتلهم وطلعت للكوجينه زونه حتي انتي وتي روحك اجودي قالي وسام وراي
رزان...خلاص تمام
ابتسام...سلم ايديك علي الغداء دلو انصبيلك في سلامتك يارب
دلال...انشالله عوديها
ابتسام...انشالله
طلعت ابتسام وهناء ل حوش حني صالحه فتحن الحوش
ابتسام..يييه والله ماعندي جو نرد نسيت تلفوني غادي علي الرخام
هناء.. توا انجي نمشي نجيبه
ابتسام...تمام خشت للحوش وطول لدار تلبس في عبايتها سمعت الباب اصكر مطبسه اتصكر في عبايتها طلقت طولها شافت للباب شهقت وخرت
يوسف...ماتخافيش ماتخافيش انا
ابتسام...ترعش كنك معايا ليش اتجي في التوقيت الغلط مجدي قريب يوصل كان شافك شن يقول
يوسف...مش حيشوفني نبي نطمن عليك بس
ابتسام...في خيار الخير انا اكويسه انت اطلع من حياتي
يوسف...كنك كرهتني
ابتسام...من اللي عشته انا م نكرهكش بس نبيك معش تخرب حياتي انا ماصدقت ردت علاقتي براجلي افهم
يوسف...انا مش شيطان
ابتسام...ولاانا ملاك كل اشوي انسامحك علي اخطائك اطلع انا توا مروحه
يوسف...يشوف لبطنها باهي شن معاك ابنيه ولااوليد
ابتسام...ترعش شن مالك اطلع
يوسف..كان اوليد سميه نصيب
ابتسام...حاجه تخصني انا وراجلي قعمزت علي الوطي كرعيها رقدن عدي مجدي اكيد وصل عدي عدي عدي مانبيش حوشي يخرب مره اخري
هناء...جت في يدها التلفون هذي كنها صكرت الباب قربت طقطقطق سمعت السياره شافت اه مجدي شيرتله
مجدي...رفع يده قوليلها بره
هناء...باه تمام طقطق
ابتسام...صوت مجدي صبت لالا ماتطلعش خليك هنا وراس امك تبكي خلاص مش قادره حتي نوقف هالمره انترجاك لوشافك معايا في الحوش بروحنا حيفهمنا غلط
يوسف...ياريت يفهم
ابتسام...شن تبي مني حطت يدها علي الساس انا نبي نطيح رعشتني
يوسف..نمشي نفتح الباب
ابتسام...لالالالالا انا نمشي نفتح ورد بالك تطلع لعند م نبعدو من الحوش لو شافك مجدي انا حننتهي هالمره
يوسف..تمام بسبوسه عدي
ابتسام...خذت الخيمار وشنطتها اوعدني يوسف
يوسف...لهدرجه
هناء...طقطقطق بيسو
ابتسام....اوعدني
يوسف...قرب حضنها بكل قوته وعد مش حنطلع عدي عليك امان الله
ابتسام...كأنه عطاها مخدر معش قدرت اتحرك
يوسف..بعد عدي وعينك من روحك بس
ابتسام...شفتله طلعت من الدار طول للباب لبست كندرتها والخيمار كأنها في حرب مع الوقت مشت فتحت الباب شافت لهناء يوسف جوا الهيه لعند م نبعدو نزلت خيمارها خذت التلفون وطلعت طول لسياره
هناء...واقفه في مكانها مصدومه مافهمت شي
ابتسام...فتحت الباب وركبت مرتبكه ح ب يبي
مجدي...روحي اللي امرايف عليها
ابتسام....خلينا نمشو من هنا
مجدي...شن فيه
ابتسام...شي
مجدي...شوفيلي هيا كنك
ابتسام...شفتله امم
مجدي...كنك ياشدوقي
ابتسام...اه ااا لاشي
ايديها يرعشو
مجدي...كنك يارووووح
ابتسام...تحرك في المارشه هيا اطلع
مجدي...هيا ياروح طلع بالسياره شن فيه بس
ابتسام....كامته العبره ارقبتها تحرق فيها معش ردت عليه غير تبي تبعد من الحوش
مجدي...يسوق احكيلي شن مزعلك
ابتسام..اتشوف من القزاز
مجدي...يسوق احكيلي
ابتسام...ترعش دوبها تحكي ماخاطريش نحكي
مجدي...مسك يدها يبوس فيها كنك ترعشي ياروح زعلانه عشان خذيتك بدري والله امرايف عليك يوم امس ناقص بدونك
ابتسام...انهارت بكاء اااااا تبكي بصوت فكت يدها من مجدي حطتها علي وجها
مجدي...هدا السياره يشوف من المرايه علي السيارات اللي وراه وقف حبيبي
ابتسام...مستمره تبكي وتشهق مش قادره كرعيا مرقدات
مجدي...احكيلي شن فيه حط ايده علي كراعها شن فيه كنهن كرعيك
ابتسام...مستمره في البكاء
مجدي...ياروح شن فيه حكيت معاك قتلك وتي روحي ماكان فيك شي شن صار في الدقايق هذين
ابتسام...كل ماتبي تحكي تجي صوره يوسف قدامها بعد حضنها اتزيد تبكي
مجدي...فتح شيشه الميه رفع خيمارها يبخ عليها في الميه ويشرب فيها
ابتسام...شربت طشه بعدت الشيشه
مجدي...اهدي بس انا معاك اتحسي في شي ناخذك للعياده
ابتسام...تهز براسها بمعني لا
مجدي...باهي خلاص وقفي ابكاء
ابتسام...حاطه ايديها علي فمها تكمت في بكيتها
مجدي...لااله الا الله كان نحسابك تبكي ماجيتك توا معقوله مش مرايفه عليا
ابتسام...مستمره في البكاء
#نورهان✍
يوسف...لبس كويشته طلع
هناء...واقفه عند الباب انت شن جابك
يوسف...فوتي امي
هناء...شن درتلها
يوسف...ماردش عليها طلع طول للمزرعه كان موقف سيارته غادي
هناء...صكرت الحوش وعدت لحوش ابراهيم لقت البنات كلهن وقفات بره مع رزان يضاحكن
امينه...شافت ل هناء كنك
هناء...لا
رزان...كنك تقول مصدومه
هناء...تمسح علي وجها يوسف كان مع ابتسام في حوش حني بدت تحكي فلي صار
البنات...كلهن فتحات فمهن
امينه...تلفوني وين
هناء...م تكلميهاش قدام مجدي
امينه...وين عدا هوا
هناء...للمزرعه راقيله
رزان...مايبيش يفوتها هوا ولا كيف
امينه...مشعارفه
كانن البنات حيسات ويفكرن شن ردت فعل ابتسام كل اشوي وحده حاكيه شي لعند ماسمعن السياره طلع وسام طلعت رزان معاه بعد مع سلمت علي الكل وهما طالعين يبو ينزلو نزل قبلهم يوسف بالسياره
رزان...صكرت اعيونها يالطيف
وسام...منو هذا
رزان...شافت لسياره مظلمه كلها منو
وسام...شير ع السياره
رزان...مؤيد ولد عمي ابراهيم
وسام...كيف جو شباب
رزان.. تشوف في سياره نين باعدت وكان يوسف ماشي بسرعه رهيبه وسااااام حبيبي بجد فقدتك بكل تصدق شن في خاطري قصدي مش انا اوليدك
وسام...بسم الله كنك مركبه علي روحك
رزان...تشوف لطريق ذابت السياره تنهدت من وسط قلبها خافت لو وسام شاف يوسف اول مايتلاقي هوا ومجدي يقوله شفته في المزرعه وكيف ماقالت هناء انا مجدي ماشافاش خافت اتسير مشكله اخري بين مجدي وابتسام
وسام...وين رحتي صاح ريفتيلي
رزان...اكيد ياعمري انا من ليا غير وسومي حبيبي واب اوليدي المشاغب علي فكره اوليدك امس مارقدني
وسام....معقوله ههههه
رزان...اها نجاليا
وسام....امتي ايجي
رزان....قريب خلاص ييييه حبيبي تخيل انموت شن ايسير في اوليدي
وسام...زمر هرمونات بدن
رزان...لاجديات كان متت تتزوج من بعدي
وسام...نزل النظارات شن رايك
رزان...اننننن شن رايك كان نعرف رايك سألتك
وسام...اكيد
رزان...شن
وسام...حنزوج حبيبي
رزان...هههههه نموت في صراحتك ال اسكت يالساني عيب
وسام...ههههه لاقوليها
رزان...لاخلاص معش تحكي معايا
وسام....ليش
رزان...عشان حتتزوج من بعدي
وسام...نقعد طول عمري هكي
رزان...واقعد
وسام...ربي ياخذ من عمري ويزيد بعمرك ولايجي يوم ننقهر فيك ياكبدي
رزان...ييييه حبيبي الكلام هذا مفروض قلته من البدايه
وسام...انحبك يالهبله
رزان.. نموت فيك
وسام...قبل مانمشو لشقه شن تبي
رزان...نبي
وسام ...شن قوليلي
رزان...فراوله تكون حمرا تلمع نحطها في الفريز في الليل اندير عصير طبيعي
وسام...حاضر شن تبي اخري
رزان...خلاص كل شي فيه
وسام...مسك يدها خاطرك في فراوله
رزان...اها نحبها
وسام...وانا نحبك
بعد دقايق وقف مجدي السياره
ابتسام...فتحت الباب ونزلت خلاته مفتوح
مجدي...ياروح
ابتسام...خشت للعماره بدون م ترد
مجدي...صكر السياره وامنها وخش وراها بسرعه
ابتسام...ماسكه في مطلع السلم وتشهق
مجدي...قرب مسك يدها
ابتسام...دفاته
مجدي..شن فيه
ابتسام...رقت بسرعه رهيبه وقفت عند الباب
مجدي...يفتح في الباب يشوف فيها
ابتسام...دفت الباب وخشت
مجدي...عنجد الطووووط صكر الباب احكيلي شن فيه
ابتسام...تسلح في الخيمار والعبايه عنديش نيه نحكي
مجدي...حبيبي ياروحي ياقلبي شن فيه شغلتيني قرب حضنها
ابتسام...لاانت كذاب في يوم تخليت عني ولو صارت نفس الغلطه كنت حتسيبني
مجدي..مش علي اساس صفحه وصكرت بدينا في صفحه جديده شن خطرلك الموضوع هذا اليوم شن ساير معاك مش ملاحظه علي روحك من اول م ركبتي انهرتي بكاء بدون اي سبب
ابتسام...نبي ندوش ونخش نرقد بعد دفاته
مجدي...بيسو
ابتسام...تعبانه خشت للحمام قفلت الباب وفتحت الدوش
مجدي...رد لصاله طلع تلفونه من جيبه واتصل باامينه
امينه..بنات هذا مجدي حي شن ساير
البنات...افتحيي
امينه...فتحت الو
مجدي...خير امينه
امينه...اهلين مجدي شن فيه بيسو فيها حاجه
مجدي...اها
امينه...شن فيه توا طلعت منه كيف عندها ولاده
مجدي...لالالا احكيلي شن ساير عندكم
امينه...تشوف ل بنات وتخبط ع وجها شي
مجدي...متأكده
امينه...شن فيه مجدي وينها بيسو
مجدي...توا وصلنا خشت للحمام تمام الجو تمام تبي شي
امينه...كنها بس
مجدي...من اول ماركبت في السياره وهيا تبكي طول الطريق وهيا عالقتها بكاء مابتش تحكي شن ساير معاها
امينه....طلعت منه جوها سمح مجدي
مجدي...ممكن زعلانه لاني جيت خذيتها وهيا تبي تقعد معاكن
امينه...لاعادي رزان طلعت وراكم
مجدي..اها شفته وسام وانا نسوق هوا مافطنلي باهي تمام امينه تبي شي
امينه...طمني عليها
مجدي...انشالله
امينه...في امان الله وعينك منها
مجدي...في اعيوني هيا باي
امينه..باي باي صكرت حطت التلفون جنبها
فرح...شن صار
امينه...مجدي يسأل حكتلهن شن قللها
فرح...ياقلبي يابيسو
هنيه...فجعها
ايه...ربي يهديه وخلاص
اروي...انا دوسه كلمني حتي هوا جاي في الطريق
امينه..هنو عطيتيها الدبش
هناء...اها
اروي...نجك لي خذيته عني مانفقدكن فزعاتي
امينه...نجك لي خيتنا بلاهبال
دلال...طلعت من الباب ماسكه سفره بنات عصير
امينه...صحيتي خلاص معش تعطينا والله احرجات من اول ماجينا وانتي اتضيفي خلاص تريحي
دلال...مش من جيكن ليا
بدت تضيف في البنات وقعدت معاهن تشرب في عصير نبي نقوللكن علي حاجه
زينه...كان حاجه تفرح قولي ماتفرحش ماتقوليش جونا مش سمح
دلال...انا حامل
زينه...شرقت في العصير جت بين اعيونها رزان وكلامها امس احم احم احم
امينه...تخبط علي ظهرها الف الف مبروك انشالله تحلي اعويناتك علي خير
دلال...نجك لي سلمك يارب
البنات كلهن بركنلها
امينه...انشالله اتجيبي ابنيه
دلال...انشالله يارب
فات الوقت...
وقف وسام السياره
رزان...فتحت الباب ونزلت
وسام...راجي انزل الأكياس
رزان...صكرت الباب مااصلا نبي بيسو
وسام...الشقه طول
رزان...حبيبي
وسام...صكر السياره قدامي
رزان...والله م نطول
وسام...قلت لا ماتوا جيتي منها
رزان...دقيقتين
وسام...قلت لا
رزان...دقيقه
وسام...يفتح في الباب قدامي
رزان...اوووف حبيبي جوي مش سمح راهو خشت
وسام...كان رقيتي ع ابتسام يقعد سمح يعني صكر الباب
رزان...هيا مربضه نبي نطمن عليها
بس
وسام...مجدي قاعد
رزان..كان قاعد
وسام...حط الأكياس علي الطوله الأكل ريحيني
رزان...تسلح في العبايه صاح خليها اشوي
وسام...قعمز علي صالون الصاله فتح ايديه تعالي جنبي
رزان....جت قعمزت جنبه راسها علي صدره انا مازالت زعلانه
وسام...ونراضوك كم زازا عندي وحده بس شن اللي يرضيك وانا حاضر
رزان...شفتله بوسه نرضى
وسام...قرب باسها في فمها امممم يانا لمرايف
رزان...امس هملتني كلهن راجلتهن يكلمو فيهن ويطمنو عليهن عاد انا
وسام...ييييه علي يوم امس رقدت باطل حبي وعيت والله ع اساس ماشي نبي انجيبك عارفك حتزعلي
رزان...زادت حضناته معش اديرها باهي
وسام...من اعيوني شن داير اوليدي
رزان... يدها علي بطنها زعلان حتي هوا
وسام...نراضوه
رزان...راضي امه يرضي هوا
وسام...نجك لي شن تبي وحاضر
رزان...حتي حاجه حبيبي ربي يديمك ليا العمر كله بس تشم في بنة الجاكه اه بنة العطر تجنن حبيبي من ونحنا في السياره نبي نسألك انسيت
وسام...جايبه جديد كنت حاطه في السياره اليوم بخيت منه
رزان...رفعت راسها تشوفله وين مشيت اليوم عليش باخ من العطر
وسام...ههه كنك
رزان...قولي حبيبييي وين كنت
وسام...يعدل في جاكته كان عندي موعد
رزان...حتي انا عرفتها صبت تبي تمشي لدار
وسام...ههههه صبى وراها مسك يدها تعالي جاي
رزان...لوسمحت يدك بعد
وسام...تؤتؤ مش امبعد انتي هبله
رزان...شفتله فعلا هبله
وسام....لاتبكي
رزان...اها نبكي لاني انا وفيه معاك انت لا
وسام...انا وفي معاك
رزان..واضح من عند
وسام...اششش خلاص حبيبي يمسح في ادموعها والله كنت نبصر معاك
رزان...الموضيع هذين لا انا حساسه وعندي مشاعر كيف تحكي معايا هكي
وسام...كنت نبصر معاك والله صاحبي فاتح محل عطور شريت منه استفتاحيه ونسيته في السياره امبدري بعد نبي انجيبك خطر عليا بخيت منه
رزان...سمح العطر جذاب
وسام...عجبك
رزان...تمسح في ادموعها امم
وسام...غرتي
رزان...اكيد كون معايا صريح لكن ماتستغفلني تكون مرتبط من وراي وانا غافله
وسام...خلاص موضوع وئام
رزان...دفاته بعد
وسام...زازا كنك
رزان...مازلت حافظ اسمها دليل مازالت في بالك
وسام...صكر اعيونه وئااااام
رزان..شفتله لوسمحت لوسمحت ماتحاولش اتبرر
وسام....والله نسيتها زله السان
رزان...دموعها معش اقدرت اتسيطر عليهن
وسام.... يشهد ربي بعد ازوجتك انسيتها لعند ماكلمتني وخربت كل شي بس انتي غير
رزان...شفتله انا انا رزان يوم ماطلعت من حوش باتي للكوافيره انسيت كل اللي عشته في حياتي بديت معاك صفحه جديده
وسام...لحظه لحظه كيف يعني اللي عشتيه ليش انتي كنتي مرتبطه قبلي
رزان...هذا كلام تقوله توا بالله عليك برمت
وسام...مسك يدها لفها شوره شن كان في حد في حياتك
رزان...عيب وسام بطني قدامي تجي تسألني هكي
وسام...كيف بديت معاك صفحه جديده معناها انتي كنتي مرتبطه
رزان...باهي يدك توجع فيا
وسام...احكييييي
رزان...ياربي توا تبي تقلب المشهد عليا يعني ولا كيف
وسام...احكيييي احكيييي
رزان...بعد يدك توجع فيا
وسام...زاد ضغط عليها
رزان...حتنكسر يدي
وسام...زاد ضغط احكي في حد قبلي
رزان...لالالا مافيش انت اول واحد
وسام...احلفي
رزان...شن نحلف عيب انك تسألني وانا حامل منك
وسام...احلفي بوليدك انك انت اول واحد ياوسام
رزان...مش حالفه مش لأني كان فيه حد قبلك لا لأني ماتبيش نحط اوليدي في تفاهات كيف هذين انا مش انت حتي بعد ازوجتني قعدت تحكي معاها وهيا اللي باعاتك وخناتك وزوجت ولمسها راجل غيرك اه ركزلي بالله عليك ع النقطه هذي لمسها راجل غيرك ومازالت تفكر فيها لو انا في مكانك نمسح امها من حياتي اللي تخلت عني حتي لوكانت ضروف الدنيا عليها نمسحها اهي ابتسام حجروها اثنين مش واحد قاومت لعتد ماخذت اللي تبيه اما انت شن دارت مشيت وحكيت معاها عرفت كيف تلعب عليك
وسام...دفها بكل قوته
رزان...طاحت علي الوطا اااااي تبكي بصوت عالي شن درت انت انا حامل
وسام...طلع من الدار خذا مفتاحه وتلفونه وطلع
رزان...يدها علي بطنها تبكي بصوت
وسام...فتح السياره ركب فيها ولعها ورد طفاها يخبط علي الدومان كلمه رزان مازالت في وذنه تحكي معاها وهيا اللي باعاتك وخناتك وزوجت ولمسها راجل غيرك اه ركزلي بالله عليك ع النقطه هذي لمسها راجل غيرك ومازالت تفكر فيها
رزان...يدها علي الدولاب تصبي طلقت طولها طلعت من الدار تشوف لصاله وردت لحمام فتحت الميه بدت تغسل في وجها ترفع في شعرها انا ادير فيا هكي وسام عشان من عشان وحده خانتك تنشف في وجها طلعت لصاله ادور علي تلفونها تبي ترن علي ابراهيم كان هنا وينه بدت ادور فيه في كل الشقه وقفت في الصاله اكيد في دار النوم خشت لدار النوم ادور بس انا متأكده في الصاله طلعت لصاله وينه وينهههه
وسام...فتح الباب
رزان...شافت للباب
وسام...عزق المفتاح علي الكنداره خش لصاله شن ادوري
رزان...تلفوووني وينه
وسام...طلعه من جيبه اهو
رزان...حاجه مش لك معش تقربها قربت هات
وسام...رفع يده شن تبي فيه
رزان...نبي نكلم باتي
وسام...عشان هكي خذيته مافيش مشي كان في حد يطلع فهوا انا
رزان...تمسح في ادموعها لا انا طالعه خليك فيها
وسام...قرب حضنها وقفي بكاء خلاص
رزان...ادف فيه بعد
وسام...اششش خلاص تقتلي في ببكاك
رزان...تبكي بدون صوت
وسام...غلطان وحيوان جميع مافي خاطرك قوليه راضي لكن خليك معايا ماصدقت لقيتك
رزان...تسمع في كلامه بصمت
وسام...سامحيني لاني دفيتك سامحيني لاني بكيتك
رزان...بعد باه
وسام...خفت تمشي لاني عارفك اديريها عشان هكي خذيت تلفونك معايا
رزان...نبي نمشي ضروري مانبعدو عن بعضنا
وسام...انجيبك انا مش مجدي
رزان...ولا انا ابتسام
وسام..عارفك انتي غير
رزان...باهي خنقتني بعد
وسام...زاد حضنها
رزان...حنموت
وسام...خفف ايديه ربي يخليك ليا
رزان...اننننن هات تلفوني
وسام...هاكي
رزان...خذاته قتلك انا مش ابتسام
وسام...ولاانا مجدي
رزان...خشت لدار طبقت الباب
وسام..سلح جاكته والسوريه قعد في كناتيره طلع دخان قعمز علي صالون الصاله فتح التلفزيون يتفرج بدا يدخن ولاكأنه شي صار
رزان...فتحت الدولاب طلعت الشنطه عزقتها علي السرير فتحتها وبدت تحط في دبشها انا مش ابتسام توا تعرف رزان من
وسام...وطى التيلفزيون تحكي معايا زازا
رزان...صكرت الشنطه قعمزت علي السرير فتحت تلفونها حطت علي رقم ابراهيم وتتصل يصكر تي كنه هذا شافت التغطيه علامه استفهام وساااااام
وسام...مبتسم اعيونه
رزان...فتحت الباب خبطاته في الساس شفرتي وين
وسام...سحب من الدخان نفخها فوق شن تبي فيها حبي
رزان...عطيها ليااا هيا
وسام...تبي تكلمي عمي
رزان...اهاااا
وسام.. لا
رزان...تحكي عيونها علي لتلفون وسام وين شفرتي
وسام...مش عاطيها
رزان...قربت مدت يدها لتلفون وسام
وسام...مسك يدها طيحها عليه ليش تقربي علي حاجه مش لك
رزان...تصكر في اعيونها بعد وسام
وسام...قرب فمه لوذنها انحبك يالهبله
رزان...بعدددد
وسام...انا مش مجدي نخليك تمشي
رزان...فتحت اعيونها شفتله دموعها ينزلن ولاانا ابتسام فهمت
وسام...نحنا عُمله نادره باسها في فمها
رزان...تشوفله انا مش ابتسام قتلك
وسام...رفعها ولاانا مجدي نخليك تبعدي عني
رزان...نزلني
وسام...امرايف عليك ياشينه خش بيها لدار
رزان...انا رزان فهمت
وسام...نزل بيها علي السرير شاف لشنطه رفعها ونزلها جنب الدولاب قرب لرزان شن هذي
رزان...نبي نمشي
وسام...وانا نخليك ياشينه نزل يبوس فيها وراحو لاثنين لعالم ثاني......#مشفرر
#نورهان✍
فات الوقت ساعه 12:20ليل
في دار المعيشه...
هناء...راقيلها اتفرج علي التلفزيون
امينه...باتي شن اخبارها حني وعمامي
عمران...الحمدلله ياباتي اكويسين كلهم
فاطمه...شن دايره صحتها عمتي
عمران...لاالحمدلله بخير اها خطرها
امينه...تشرب في شاهي شن
عمران...امي قالت الفرح اديروه عندي
هناء...شفتله
امينه...قصدك انديروه في حوش حني
عمران...اها
فاطمه...عليش
عمران...قالت مافيكم ماتقاسمتو ديروه في مكان واحد
فاطمه...وانت شن تقول
عمران...صالح قال خلينا في مكان واحد يعني قررو في حوش امي
فاطمه..الراي الأول والأخير لكم في حوش عمتي في حوش عمتي
امينه...الله والله احسن راي بس ياباتي امتي نطلعو لسوق
عمران...بكره توا نطلعو
هناء...صبت خشت لدار
امينه...نزلت الطاسه تشوفلها
عمران...ماتبيش براحتها
امينه...لامش هكي توا انجي صبت خشت عليها
هناء...ايديها علي وجها
امينه...حتسيبيني عاد حتي انتي
هناء...تمسح في ادموعها مانبيش
امينه...اششش
هناء...ادم حتي تغير معايا مني
امينه...رفعت حواجبها كيف يعني قعمزت جنبها
هناء...مشعارفه مشعارفه هكي تصرفاته غريبه كاني عازقه روحي عليها
امينه..ماتحكيش هكي هوا يحبك
هناء....امس حكى معايا في المزرعه مش جيتكن وانتن تضاحكن
امينه...اها
هناء...خلاص هوا والله رن عليا يحكي وكأنه عنداش نيه يحكي بعدها قعد يهزب بروحه
امينه...عليش عليش شن فيه
هناء...شن لابسه من بلاك من في المزرعه بعد قتله شن لابسه ومن يلايا وهكي قالي تم انا مشغول مش فاضيلك وصكر
امينه...ابتسمت
هناء...بما انا مشغول ومش فاضيلي عليش يرن عليا اه عليش
امينه...رن عليك اخري
هناء...في ليل ونفس الطريقه حاسه كأنه يتهرب مني
امينه...هههههه
هناء...تمسح في ادموعها حاجه تضحك اصلا
امينه...هههههه تي ياهمي فرحكم مازال عليه اسابيع هوا ممكن صاح مشغول صاح مش فاضي انتي هدي بس والله ضحكت علي كلمتك يتهرب مني ههههه اهو يرن عليك ردي انا طالعه
هناء...تشوف لتلفون
امينه...ردي
هناء....هزت براسها
امينه...هههه طلعت وصكرت الباب وراها
هناء...بعد ثاني مكالمه ردت الوو
ادم...ساعه
هناء...تمسح في دموعها نعم
ادم...الادب اللي نزل عليك فجأه
هناء....ادم
ادم...ادم هكي شن فيييه كنه صوتك كنتي تبكي صاح
هناء...خلينا نوقفو كلشي........#يتبع
اسفه لوفي لخبطه في الأسماء
#انتظروووني في الحلقه الثالثه واربعون
#نورهان✍
