#جبرني_الوقت⏳
#الحلقه_واحد_وثلاثون
بقلمي✍ #نورهان
من كل قلبي نتمني إن نصيبي في أي حاجة يكون يشبهني ويشبه نيتي
●●
ابتسام...برم بينا في البلاد
مجدي...في البلاد صاح زاد السرعه
ابتسام...خلاص خلاص كنا في السوق بعدها مشينا للملاهي
مجدي...هدا السياره وشفلها الملاهي
ابتسام...اها
مجدي...شن اديرو في الملاهي
ابتسام...ردينا ايام زمان لما كان ياخذ فينا
مجدي..وانشالله لعبتي
ابتسام...اكيد
مجدي...وقف السياره شفلها نحكي جديات انا
ابتسام...ارفعت الخيمار اتشوف فيا انبصر انا
مجدي...كيف تمشي بدون ماتشوريني
ابتسام....كيف باتي مش عاجبك انشاورك بعد ياخذني معاه نمشي ولالا مع باتي يامجدي حلوه حتي هذي
مجدي...يخبط علي الدومان ابتسااااااااام ماطلعينيش عيل
ابتسام...ماحكيت شي انا انا مشيت مع راجل واللي هوا بااااتي كان ماجا من خبرك ماشيه مع باتي بااااتي فهمت
مجدي...تمام حرك السياره ويمشي بسرعه
ابتسام...مصكره اعيونها وماسكه في الباب
مجدي...نزل خيمارها
ابتسام...تبكي ليش تفرح بعد اتبكيني ليييش اه ليييش انت عارف انا من بعد الحادث وانا عندي فوبيا من السرعه
مجدي...تطلعي وتريقلي وتخليني علي اعصابي اه توا انوريك وقاعد السانك طاول وتردي يهدي ويمشي بسرعه يخوف فيها
ابتسام...خايفه هدي السرعه
مجدي...خايفه صار يزيد في السرعه توا انوريك
ابتسام... باهي اسفانه
مجدي...اسفانه علي شنو
ابتسام...علي كل شي حبيبي هدي خلاااص
مجدي...يسرع بعد شنو بعد حرقتي اعصابي معش ينفع اعتذارك اكيد هيجتي بدوني وحولتي حتي الخيمار حتي كان مع باتك انا انغار انا اناني فيك فهمتي هدا السياره وقف عند العماره
ابتسام...طاحت من يدها غزل البنات ومالت علي الباب
مجدي...وتاكل قدامي في غزل البنات بكل ثقه هيا انزلي وصلنا
طفا السياره نحكي انا هي مسكها من كتفها
ابتسام...يدها انزلت
مجدي...ياروح بيسو مسك يدها مرتخيه نزل وفتح الباب عليها مالت
مجدي...عدل قعدتها ورفع الخيمار كنت انبصر معاك والله افتحي اعيونك خبط علي وجها مع تدريست احمد
مجدي...افتحي اعيونك ياروحي عارفك تخوفي فيا
احمد...صكر السياره كنك شاف ل ابتسام
مجدي...يخبط علي الباب ماتردش علياااااا ماتردش
احمد...اششش يسمعو فيك الجيران كنها
مجدي....كنت نمشي بسرعه وهيا اتخاف من السرعه من بعد الحادث
احمد...بعد من قدام وجهي ماتسدك اللي درته قدام هلك معمعت بيها قدامنا
مجدي...ماسك يدها افتحي اعيونك
احمد...اركب من لورا نخذوها للمستشفي
مجدي...ميته صاح
احمد...لا اله الا الله لا مغمه عليها بس
مجدي...باهي ليش ماوعت
احمد...خذا شيشه اميه فتحها خذا في يده وبخ عليها ابتسام
مجدي...ماسك يدها هيا افتحي اعيونك
احمد...عطيها نفس شن درت انت علي اثر خيمار علي اثر سرعه كنك جاهل مشعارف ماتحملش السرعه
مجدي...كنت انخوف فيها
احمد...هه كنت انخوف فيها حول اركب من لورا
مجدي...عليش
احمد...نخذووووها للمستشفي
ابتسام....افتحت اعيونها وتصكر
مجدي...اهي فتحت اعيونها انتي اكويسه
ابتسام...هزت براسها بمعني لا
احمد...ابتسام
ابتسام....اميه
مجدي...خذا شيشه من احمد يشرب فيها
احمد....عدي خوذها للمستشفي مرات يقعد هبط السكر
مجدي...صاح
احمد...اها عدي
ابتسام...لالا نبي ننزل
مجدي...خليني ناخذك
ابتسام...نزلت الخيمار لا
مجدي...مسك يدها هيا
ابتسام...انزلت
مجدي...مسكها من يدها وخش بيها للعماره
احمد..خذا الكيس وغزل البنات وصكر السياره ولحقهم #نورهان✍
ادم...وين كنتو
هناء.....مش شغلتك
ادم...وين كنتو بعدها طلعتي بتوته كيف غيرتي او وين غيرتي
هناء...مشينا للحوش وغيرت
ادم...وين مشيتو
هناء....مش حاكيه
ادم...تمام تمام خشي جوا
هناء...خشت
عمران...كنك معاها
ادم...شي قلتلها وين مشيتو مابتش تحكي انشغلنا عليكم
عمران...كنا في البلاد
ايمن...اقل شي تفتحو تلفوناتكم نطمنوا عليكم بس
عمران...مانبو حد يزعجنا هكي تمام
ايمن...جوا كلهم مشغولين عدي حلها كان قدرت اتحلها
عمران...خش للحوش
ادم...قالك وين كانو
ايمن...قال في البلاد
ادم...هه البلاد دف الباب بكراعه وخش
ايمن...خش وراه وصكر الباب
امينه...ينعلي شغلتونا
هناء...مافي شي
امينه...ليش مقفل
هناء...جو مايبيش تلفون مفتوح
فرح...وين بيسو
هناء...خذاها راجلها
فرح...كيف
هناء.................
اسراء....قصدك كانت برا
هناء...اها
هنيه...شن في الكيس
هناء...تكيت علي محل جبت توته نلبسها بكرا
هنيه...ماجبتيليش
هناء....جبتلك
هنيه...نجك لي وخلاص
فاطمه....هنو
هناء...نعم امي
فاطمه...جت حضنتها كنك ياامي
هناء...بروحي
فاطمه...في حاجه مزعلتك
هناء...لاوالله
#نورهان✍
وسام...اسحرتي
رزان....اها
وسام...باهي تمام
رزان...وانت
وسام...الحمدالله نرجا في بعد بكرا امتي يجي
رزان....عليش
وسام...نظرة شرعيه ياحبي
رزان.. يييه صاح خلاص ثاني يوم
وسام...شن رايك
رزان...خلاص تمام باهي قولي
وسام...غيرت الموضوع
رزان....هههههه لاواللهي غير امبدري تحكي حسيتك تتهرب
وسام...كيف
رزان....علي اول حب
وسام....اييييييه علينا
رزان...والله فضول
وسام.....ازوجت ومع راجلها توا
رزان...مازالت اتبع في اخبارها
وسام....لاااااا
رزان....شن عرفك
وسام....تنهد خلاص حبيبي ماضي وانتهي
رزان ...والله من عند النتهيده مازال عايش فيك مش قادر يطلع الماضي
وسام....كيف يعني
رزان....مازالت اتحبها
وسام...كيف انحب وحده متزوجه
رزان....عادي قلبك مايقولش هكي اهم شي هيا
وسام...كيف يعني
رزان....يعني مايهمك ازوجت عاشت حياتها جابت اهم شي هيا في حد ذاتها مازالت اتحبها
وسام....لاااا
رزان...تمام
وسام....خلاص توا
رزان...شن
وسام....بدال ماتنسيني اتذكريني
رزان...ياعمري لااا فتحت عليك مواجعك
وسام..هههه لااعادي
رزان...احكيلي من سيب من
وسام....هيا تخلت عني تمام
رزان...السبب
وسام....اسباب مش سبب واحد
رزان...اللي هنا
وسام...خلاص حبيبي
رزان...كيف تقول حبيبي وانت بعدحكيت عليها حتي نبره صوتك تغيرت
وسام...كيف يعني
رزان....خنقتها العبره انت مازالت اتحبها
وسام...بطلي اهبال اي انحبها
رزان...لأنا اللي يجرح يقعد متربع بالقلب حتي لو ازوجنا قلبك وعقلك مازالن عندها
وسام...لا اله الا الله وقفي ابكا بس
رزان...حاسه بيك وحاسه بالنار اللي فيك
وسام...كيف انتي كنتي مرتبطه
رزان...لاااا انت اول واحد في حياتي لكن صوتك تغير وانت تحكي عليها كأنك مجروح
وسام....لامجروح لا نم انا نبيك انتي
رزان...مستحيل تنساها بذات لو في عشره بينكم
وسام....زازا
رزان....همم
وسام...وقفي ابكاء خلاص موضوع وئام صفحه وصكرت مافيش في حياتي غيرك
رزان...اسمها وئام
وسام...يااااااربي
رزان...تبكي خلاص تصبح علي خير صكرت الخط وقفلت التلفون وقعدت تبكي
اروي...رزان
رزان...تبكي خطوني
اروي...بسم الله كنك
رزان...كانت في وحده في حياته وحتي هيا سيباته كيف ماسيبني سعد
اروي...فهميني
زينه...صكرت القران كنك تبكي
رزان....بدت تحكي لخواتها الكلام اللي صار
#نورهان✍
مجدي..سند راس ابتسام علي الصالون
احمد...حط الكيس مجدي
مجدي...جيتك توا انجيك ياروح
احمد...هذين المفاتيح وهذين كانن مع ابتسام اي افاري رن عليا ولا انزل قاعد في الشقه
مجدي...تمام بوركت
احمد...عينك منها وحافظ عليها
مجدي..انشالله
احمد...نزل
مجدي...صكر الباب ورد ل ابتسام
ابتسام...صبت اتحول في الجاكه
مجدي...ليش اتصبي
ابتسام...ادموعها ينزلن تحكيش امعاااايا تحكيش امعاااايا
مجدي...خلاص تمام اهدي اهدي
ابتسام...تمشي وتنسند علي الساس لعند ماخشت لدار صكرت الباب بالمفتاح
مجدي...لحقها طقطقطق افتحي الباب
ابتسام...فتحت الدولاب خذت توته ايديها يرعشو
مجدي...افتحي الباب ياروح
ابتسام...تلبس في التوته ودموعها علي خدها ياربي جسمي ينفض مني
مجدي..طقطقطق افتحي
ابتسام...خذت بطانيه ومخده من الدولاب افتحت الباب
مجدي....تعالي انتفاهموا
ابتسام...خطاني انا مريضه سكر نتحملش الرعايش وانت عارف ليش رعشتني
مجدي..وين ماشيه
ابتسام..نبي نرقد في دار الضيوف خليت الدار علي احسابك طاحت المخده من كثر ماايديها يرعشو
مجدي...رفعها
ابتسام...خشت لدار خذت افراش وخشت لدار الضيوف فرشت
مجدي...نرقد بروحي
ابتسام....مايهمنيش انا نبي صحتي خلاص مش قادره انتحمل اكثر
مجدي...وانا
ابتسام....خطاني قتلك
مجدي...باهي اسف
ابتسام...خشت في الفراش وتغطت بالباطنيه امسامحتك غير طفي الضي نبي نرقد
مجدي...تسحري قبل
ابتسام...شبعانه
مجدي...اقل شي حليب
ابتسام..صكرت اعيونها نبي نرقد بس
مجدي...طفا الضي وطلع من الدار
ابتسام...حولت البطانيه من وجها سمعاته بعد خش لدار النوم ردت البطانيه علي وجها وراحت في نوم عميييييق
مجدي...لبس توته فتح البلكوني يدخن شن درت يامجدي اليوم قبل خسرتها لعمر كله امتي تنتهي قصه يوسف خلاني انشك فيها ممكن بعد نعتذرلها اتسامحني مافيش حل اخري
#نورهان✍
فات الوقت اذن الفجر الكل صلي
امينه...انطفي الضي
البنات...اهااااا
امينه...طفت الضي وخشت في افراشها
اسراء...صوت اللي يأذن صوته مررريح
فرح...بكل بنات حكيت مع بيدا جوا ماعجبني
امينه...كنه
فرح....مشعارفه
امينه...ممكن من الضغط الشغل اللي عليه
فرح...ممكن ازعما انرن عليه
اسراء...ارقدي ياافريحه تررني بعد نويتي اتصيمي
فرح...شن فيها
اسراء...فيها فيها
امينه...خلاص بكرا تطمني عليه
اسراء...بعد الفطور
فرح...امشي روحي مش لدرجه
اسراء...براحتك
هنيه...مش غير عبادي حتي إسلام جوا خارب
امينه...تفضلي عاد
هنيه...لاجديات وين قاعده مش نرن ليش ماتردي ماعطانيش فرصه حتي نرد هزب وصكر
امينه...صاح اهنيوا يرن عليك وانتي مستكردته
هنيه...فضيت بالله عليك
امينه....افضيله
اسراء...هنو احكيلنا
هناء...خايفه انموت بنات
امينه...تقعدت كنك بسم الله
هناء...تمسح في ادموعها لا حاسه بشعور الخوف
امينه...صبت قعدت جنبها كنك من شن خايفه
هناء...من فائق
امينه...كنه
هناء...هددني قالي نهايتك علي ايديا
امينه...الحيوان يحلم
هناء...ياريتني مارتبطت بيه خايفه انموت مني
هنيه...جتها اسكتي انموت بعدك جينا علي الدنيا مع بعضنا انموتو مع بعضنا
هناء...نبي نرقد
امينه...غمزت ل هنيه خلاص تمام ارقدي مستحيل يقدر يقرب منك
هنيه...بعدي نرقد جنبك
هناء...بعدت
هنيه...خشت معاها في الفراش حضنتها ماتخافيش انا معاك
بعد دقايق
هناء هدت وراحت في نوم عمييييق
امينه...بسست ارقدت
هنيه...اها
اسراء...شن قصته
امينه...قصه طويله بكرا نحكيلك
اسراء...تثاوب تمام نعسانه بكل
فرح...الحقير
امينه...خلاص افريحه مايقدرش ايدير شي كيف مايقولو الكلب اللي ينيح مايعضش وهذا يهدد بس مايقدرش ايدير شي
فرح...انشالله تصبحن علي خير
البنات...وانتي من اهل الخير
#نورهان✍
مجدي...صلي الفجر وخش لدار الضيوف خش مع ابتسام في الفراش غطاها وصكر اعيونه وراح في نووووم عميق
#نورهان✍
ثاني يوم علي اذان الظهر
ابتسام...فتحت اعيونها علي صوت الأذان تشوف لمجدي اللي راقده علي يده شن جابه يلايا حطت يدها علي لحيته عنشكلك وانت راقد
مجدي...فتح اعيونه شاف يد ابتسام علي لحيته ابتسم وصكر اعيونه
ابتسام...نزلت يدها علي صدره نصبي اندير دوش ونصلي ونقرا قران تهز في مجدي بيدها شن رقدك معايا مش زعلانه انا بعد نكون زعلانه معش تقعد حتي جنبي
مجدي...مانقدرش
ابتسام...واعي
مجدي...اممم قلبي
ابتسام...قعدت علي جنبها ويدها علي صدره حبيبي
مجدي...يصكر في اعيونه كلمي احمد
ابتسام...عدت قعدتها كنك
مجدي...منغاز في قلبي يقطع في انفسي
ابتسام...تفتح في اعيونه بيديها انت تحلم صاح
مجدي...فتح اعيونه حمررررر كلمي احمد
ابتسام...اجودي كنككك
مجدي...شفلها قلبي وصكر اعيونه
ابتسام...تهز فيه بيديها كنه قلبك حبيبيي افتح اعيونك كنكككك
حي عليا يحكي جديات صبت من الفراش لدار النوم ادور في تلفون مجدي خذاته من الزيانه وردت لدار حبيبي صبي قولي شن اتحس تفتح في تلفون مجدي جت جنبه اهو انرن علي احمد ايديها يرعشو
احمد...بصوت ناعس ايوا
ابتسام....احمد احمد معلش علي الأزعاج مجدي يقولي نحس في قلبي شافت لمجدي
مجدي...هههه خذا منها التلفون اوو نصي
احمد...كنه قلبك
مجدي...ماكنه شي اوك صكر الخط
ابتسام...تشوفله
مجدي...خفتي عليا
ابتسام...ماتردش
مجدي...احمد احمد معلش علي الأزعاج مجدي يقولي نحس في قلبي ههههههههااي
ابتسام....عارف حنموت اقريب انا تبي اتصبي
مجدي...طيحه عليه بعيد السو علي روحي
ابتسام...ليش مُصر علي انك اتبكيني وترعشي شفت امس شن صار فيا
مجدي...يوم امس مش موجود في حياتنا
ابتسام...شفتله مسكت خشمه انسامحك بشرط واحد
مجدي...اننننن اللي هوا
ابتسام...ههههه حولت يدها ليش درت هكي قدام هلك
مجدي...غرت
ابتسام...تحسابه يوسف
مجدي...شفلها ليش ايرن عليك
ابتسام...ماحطته في الحظر من يوم الفرح واخر رساله قريته معش شفته بكل
مجدي...اهااا خلاص معناها صكري شفرتك القديمه وحلي الجدد
ابتسام...تنهدت باه حتي وهيا مش هاينه عليا لكن باه بس ورحمه عبسي صكرت اعيونها
مجدي...كنك
ابتسام...اعيوني يضببن برواحهن
مجدي...كيف يضببن
ابتسام...مش مهم حولت المهم
مجدي...يوخر في شعرها هممم
ابتسام...شن كنت نحكي
مجدي....لأنه موضوع مش مهم
ابتسام...خبطاته علي صدره اها ورحمه عبسي لو ادير اللي درته امس
مجدي...همممم
ابتسام...تشوف فيه وجهي اللي قدامك
مجدي...هممممم
ابتسام...معش اتشوفه حتي بحلمك
مجدي...قلبها وجا فوقها شن قلتي
ابتسام...اصيام حبيبي
مجدي...عارف بس شن قلتي توا
ابتسام...حتي وانت في حلمك اتشوفه وجهي
مجدي...اممم صبا وانا صايم معش اتجي قدامي خاش راقد في دار النوم
ابتسام....براحتك حتي وانت فاطر مش حنجي قدامك
مجدي...وقف شفلها لاهذي تحلمي بيها انتي
ابتسام...صبت معش تحكي معايااا
مجدي...السبب
ابتسام... مش ناسيه امس
مجدي...ييييه علينا خلاص انسي
ابتسام...لكن عوضني باتي حولت الخيمار وهيجت شرالي اللي في خاطري
مجدي...رد مسكها من شعرها حولتي شن
ابتسام...الخيمااار
مجدي...اهااااا غير عارفك تكذبي بس كان هكي عندي معاك كلام اخري
ابتسام....اللي هوا وبعد يدك راسي ب رر
مجدي...حول يده كنك
ابتسام...حاجه انزلت علي اعيوني
مجدي...شن قصتك انتي مره يضببن مره مش قادره تحكي
ابتسام...انردو للموضوعنا
مجدي...موضوعنا حنرد نمسك شعرك
ابتسام...في ليل وديني لحوش حني بعدها حنحكي مع باتي يخلعني منك
مجدي...شنن
ابتسام...يخلعني يعني لو انت مش راضي علي الطلا
مجدي...يده علي فمها صكفمك كلمه طلاق هذي تموتي ولا تسمعيها مني
ابتسام...معناها احترمني
مجدي...محترمك
ابتسام...امس ماشفتش الأحترام هذا قدام هلك
مجدي...خلاص انسي نحنا في يوم جديد
ابتسام...طول ماانا عايشه في حوش هلي عمر ماحد هاني ولا جرحني بلعكس كنت ديما البنت المميزه اللي يخافو عليها كلهم عمامي عماتي خوالي هلي بصفه عامه اتجي انت اللي عاندت الدنيا كلها عشان ناخذك اتهيني قدامهم
مجدي....خلاص والله ماعاد نجرحك وعدددد
ابتسام...كم مره وعدتني
مجدي...معش نذكر
ابتسام...لأنك كل يوم تجرح فيا
مجدي...شن يراضيك
ابتسام...انرد انبخ من عطري
مجدي...الاااا هالمره راه نخرب اصيام وصبح
ابتسام...معناها والله
مجدي...خلاااااااص
ابتسام...حتي انا خلاص تعبت
مجدي...عليك ليله هي احسن شي نخش نرقد
ابتسام...واقفه تشوفله هوا كنه مع العطر مش كان يحبه وانا خذيت عليه اصلا مجددديييي لحقاته
مجدي...خش في السرير خلاص ياروح
ابتسام...نحكي معاك ليش اتسيبني
مجدي...مانبيش اندير معاك مشكله
ابتسام...الباب يطق
مجدي...خليه يطق
ابتسام...خليك راقد توا نمشي نفتح انا
مجدي...يومك
ابتسام...معناها صبي
مجدي...يييييييه علينا
ابتسام...خليك توا نمشي انا
مجدي...صبا من السرير مانبيش نسمع صوتك
ابتسام...حاضرين
مجدي...فتح الباب
احمد...طول تفتح ماتقولش من قبل
مجدي...مش من عوايد الرجاله يقولو من
احمد...اووبا كلمتني ابتسام انت تحس في قلبك مافهمت شي حتي بعد حكيت معايا
مجدي...كان الكلام صاح وقلبي يوجع فيا ترقالي توا من بدري مكالمتك
احمد...ياراجل كنت نحساب روحي نحلم
مجدي...لامافي شي كنت انبصر معاها
احمد...تشوف في غلاتك عندها اه يالغضيب
مجدي..ههه فيك اتقول هكي هيا خش
احمد...لانمشي وراي شغل
مجدي...تربح
احمد...ينزل من الدروج انتلاقوا
مجدي...انشالله صكر الباب وخش لدار يسمع في صوت الدوش عرف ابتسام تدوش خش لسرير فتح تلفونه وفتح علي النت يصفح جاه البوست اللي منزلته هناء ودايره تاق ل ابتسام
أخلُق لنفسِك أملاً لا تترك أي وجع يتغلب عليك وينتزع الفرحه مِن ملامحكـ الجميلة أخلق في نفسك القوه التي تجعلك تواجه كُل صعبٍ بقلب قوي... يومي الجميل مع بابي وخيتو بيسو ربي يطولي بعمرك بابي ماخليت شي بخاطرنا...ومنزله صور في ملاهي وصور في السوق وصور في المطعم في وحده من الصور ابتسام وعمران امضببه علي الصوره عدل قعدته كيف منزلتها علي الفيس
ابتسام....طلعت من الحمام لبسه ديجمبر وخشت لدار
مجدي...قارن حواجبه
ابتسام...افتحت الدولاب خذت روب حوش اقصير
مجدي...امس وين كنتو اخري
ابتسام...مشينا للمريخ وانت ماعندك شي غييير نفس الأسطوانه قتلك مشينا لسوق وملاهي
مجدي...بس
ابتسام...بس
مجدي...متأكده
ابتسام...ياربي عارف نرعش كلي عشان ماخذيت الدواء امس خليني متوازنه لعند مانفطر بالله عليك
مجدي...عزق التلفون جنبه وصبا
ابتسام...تبي تطلع من الدار
مجدي...ماشيه للمطعم
ابتسام...وقفت شفتله شن عرفك
مجدي...توا اترني علي هناء قوليلها تحذف صورتك اللي منزلتها
ابتسام...شفتله صورتي
مجدي...صورتك اها خير مانخلي فطورك اسود خش للحمام
ابتسام....واقفه تشوفله صورتي ردت لدار خذت التلفون ورنت علي هناء
امينه...هنو تلفونك
هناء...منو
امينه....مش عارفه
هناء...بيسو هذي الوو
ابتسام...هنو
هناء...معاك شخبارك
ابتسام.. تمام الحمدلله يومك نزيك
هناء...ويومك
ابتسام...قتلك هنو
هناء...شن معاك
ابتسام...انتي منزله صورتي علي الفيس
هناء...لامش صوره كامله باتي وجنبه انتي بس مضببه الصوره مش واضحه بعدها انتي لبسه الخيمار عليش
ابتسام...هذا فصل
هناء...لاتوا انديرلها ازاله الصوره من حقه بس انا قلت عادي يعني
ابتسام...عارفه عادي لكن هذا
هناء...لامن حقه
ابتسام....خلاص هنو توا انجي بعدين
هناء...خلاص نرجا فيك
ابتسام...سلمي علي اللي يلاك
هناء...يوصل باي
ابتسام....باي صكرت
امينه....كنها
هناء..انا منزله............
امينه...من حقه صدق
هناء...شن عرفني
امينه...سهفتني علي طلعتكن امس
هناء...جو يجنن باتي ماخلاش حاجه في خاطري المكان اللي نخشله يقول خوذي اللي في خاطرك
امينه...نجك لي ياباتي
هناء...صكرت باب الكوجينه وقاعده علي الطوله تاكل مافي حد اه
امينه....لا في حد كولي
هناء...تاكل حضي مانصيمش اليوم
امينه...كله اجر
هناء...الحمدلله علي كل حال خلاص مازالي يومين ونصيم
امينه...انشالله
هناء...وعيتي ساعه كم
امينه...تسعه والله
هناء...عليش تسعه
امينه...وعيت درت دوش ولبست توته جديده وخشيت لدار بديت نقرا في قران
هناء...يعوينك
امينه...حتي افريحه وعت ابعدي توا تقرا في قران
هناء...يعوينكن سهفتني
امينه...توا تقري هانت
هناء....صبيلي حليب
امينه...سمح
هناء...يهببببل
امينه...صحه
اسراء...صباحو شافت لهناء عطاك الله ياحبيبتي
هناء...هههههه سلمك
اسراء...ههههه نبي نمشي للحوشنا علي العصر نجي
هناء...صكري الباب وراك
اسراء...تمام
هناء...تشرب في الحليب
اسراء...فتحت الباب وردت مني
امينه...نعم
اسراء... الحلو انديره في الحوش ونخليه امس باتي جابلي اكنافه توا اندير طاجينين اكبار ونزينهن ونخليهن غادي بعد الفطور انجيبهن
امينه...خلاص تمام
هناء...شن دايرات الفطور
امينه...رز وعصبان وشربه واربع انواع سلاطات ووست انواع موالح واللي في خاطرها حاجه اديرها انا درت المبطن وبوريك وكفته مشويه ومقليه وسنبوسه وسندوتشات شاورما وتيتهن بس بعد العصر نبدا نقلي ونشوي
اسراء...امتي لحقتي
امينه...واعيه بدري الحوش منظم ومعطر وقريت قرأني قلت نبدا الرز وشربه والعصبان علي عمتي حواء وامي
ادم...فتح الباب وخش في يده كيسين
هناء...مطبسه تاكل
امينه&اسراء...يشوفن لهناء وادم
ادم...راقيله وجوه خارب شاف لهناء معش فيه حشم طبعا
هناء...انفجعت اه اه صبت كيف خشيت
ادم...حط الأكياس علي الطاوله مني ديريه لنا
اسراء...ماسكه ضحكتها
امينه...تمام تمام شن
ادم...سمك
امينه...قصدك اندير كله
ادم...بجوك
امينه...خلاص تمام
ادم...شاف لهناء علي جنب وطلع
هناء...مصدومه تشوف للباب
اسراء...لحقاته وصكرت الباب
امينه...شافت ل اسراءهههههههههه
هناء...ماتضحكش مش علي اساس مرقدين
اسراء...مستحيل يوعا لكن شكله محشش ولا مش جايه نوم
هناء...انا وجهي خلااص قدامه
اسراء...قولي سنك وجعاتك خذيتي مسكن وفطرتي عادي
هناء...عادي اها انت اصلا مش عارفه شي يييييه تخيلن ايمن اللي خش
امينه...ههههههه
هناء...تضحكي يابارده
امينه...منظرك يضحك وانت مصدومه
هناء...صبت خذت الحاجات اللي علي الطاوله تغسل فيهن خلاص كلا انا وجهي مفترش رسمي
اسراء...ههههه يمشي يروح ليش ماطق قبل لايخش
هناء...هذا بختي
اسراء.. ههههههه هيا باي
امينه.. ههههه باي
هناء...تغسل وتنظم في السله
امينه...هنو احذفي الصوره
هناء...هيا اها توا جت مسحت ايديها في مناديل وقعمزت علي الطوله فتحت التلفون
امينه...وديرتلها تاق اخري
هناء...ماديما انديرو للبعضنا شن فيها
امينه...الا ابتسام انتي عارفه مجدي
هناء...مش خاطره عليا
امينه...المره الجايه خليها تخطر
هناء...اهي حذفتها
امينه...تمام نجك لي
فرح...باحو
هناء...باحوين
امينه...هههههه قريتي
فرح...بكرا نقرا النساء
هناء...يعووووينكك
امينه...ماشاءالله
فرح...فطرتي
هناء....الحمدلله
فرح...صحهه مني
امينه...هممم
فرح...بيدا مقفل
امينه...اكيد راقد
فرح...مش وقت نوم بصراحه
امينه...ماتفكري في شي
فرح...اهنيوا وين
هناء...اهي وراك
هنيه...خشت خييير شن تبن انساعدكن
فرح...كملتي
هنيه...اها
هناء...وين كنتي
هنيه...كنت انا واصيله نقرو في قران
هناء...يعطيك الصحه سهفتني
هنيه....سلمك
امينه...لوتحقن هههههه
فرح...ههههه شن
امينه...خش ادم للكوجينه شاف هناء تاكل
فرح....لااااا
هنيه....ههههههه وووه علي الاحرجات شن درتي
هناء....وجهي متفترش معاه ماعندي ماندير كملت فطوري
فرح...هههههه
#نورهان✍
عايشه...زيونه
زينه...نعمم
عايشه...ساعه كم
زينه...4:30
عايشه...تعالن ساعدني
زينه...هيا هيا جيتك
عايشه...رزان وينها
زينه...في حوش حني
عايشه...شن تبي
زينه...قالت انهويه
عايشه...باهي كلمي اروي وتعالن معش فيه وقت
زينه....ارووووي
اروي...جيتك جيتك
زينه...وين كنتي
اروي...نحكي مع افريحه
زينه...شخبارها
اروي...اكويسه الحمدلله
زينه...تعالي نساعدو امي
اروي...لاتوا نمشي انا انتي شوفي حني
زينه...تمام نشوفها ونجيك
اروي...تمام
#نورهان✍
فات الوقت مازال نص ساعه علي اذان المغرب
مجدي...واتيه
ابتسام...اها
مجدي...شن هذا
ابتسام...بسبوسه
مجدي...اهاا
ابتسام...كنك
مجدي...لا
ابتسام...اامسك الطاجين نجيب شنطتي
مجدي...مسك الطاجين
ابتسام...خشت لدار
مجدي...يشوف ل بسبوسه
ابتسام....خذت شنطتها وردت
مجدي...واتيه
ابتسام...اها
مجدي...حكيتي مع هناء
ابتسام...طبست تلبس في كويشتها طاحت
مجدي...بسم الله حط الطاجين علي الكنداره طبس مسك يدها
ابتسام...اتصدق هذي رابع مره في اليوم مش متوازنه كل اشوي طايحه
مجدي...كيف يعني
ابتسام...امسكت يده وصبت هك انطيح بس نكون واعيه مش مغمه عليا
مجدي...ممكن لأنك امس ماخذيتي دواك
ابتسام...ممكن
مجدي...جبتيه
ابتسام...اها في شنطه
مجدي...فتح الباب تعالي
ابتسام...طلعت
مجدي...صكر الباب مسك يد ابتسام ونزل من الدروج
ابتسام....لاااا لااا صكرت اعيونها
مجدي...بسم الله كنك شن فيه
ابتسام...نبي انطيح
مجدي...انتي دايخه
ابتسام...انحس في روحي كأني نازله من هاويه
مجدي...ماسك الطاجين انا شن اندير باهي صكري اعيونك
ابتسام...عليش
مجدي...صكري بس
ابتسام...صكرت اعيونها
مجدي...ماسك في يدها بكل قوته
ماتفتحيش نين ننزلو
ابتسام...تنزل كان طحت
مجدي...مش حطيحي وانا معاك
ابتسام....تقرا في اذكار وتنزل
مجدي....يشوفلها كانت اتسيرلك
ابتسام...لااا
مجدي...فتح باب العماره خلاص افتحي اعيونك
ابتسام...فتحت اعيونها تنهدت امتي يأذن ناخذ دواي
مجدي...فتح السياره اركبي
ابتسام...اركبت
مجدي..صكر الباب وحط البسبوسه من لورا وركب
ابتسام....فتحت الشنطه خذت التلفون فتحت نت بدن رسائل يجنها
مجدي...خطرها حكيتي مع هناء
ابتسام....عليش
مجدي..علي الصوره
ابتسام....اهاااا
مجدي...كنك اتقولي فيها هكي
ابتسام...ياربي لطفك خلاص صكرت فمي حبيبي خليني اليوم
بس مانبكيش
مجدي...معش فيه ادموع انا انغار افهمي
ابتسام...بس هذي مش غيره هذي اختناق
مجدي...كيف يعني اختناق
ابتسام....يعني من كثر الغيره خانقني مرات نحسك انك شاك فيا من تصرفاتك
مجدي...لامش لدرجه شك عارفك انتي شنو
ابتسام....توا امس ليش جيت رقدت جنبي
مجدي...انتي الروح مانرقد نين انشم بنتك وترقدي علي صدري هكي تنحسب نومه خاطيها لا
ابتسام...كيف كنت ترقد ايام كنت عند هلك بالمنوم عليك البلعوط
مجدي...هههه انشوف فيك بعدها جنبي بينا طريق
ابتسام...واللهي
مجدي...بلعوط صار
ابتسام....اهاااا يعني كان متت معش ترقد
مجدي...شفلها سيره الموت معش اتجيبها علي السانك
ابتسام.....ساندت راسها علي الكرسي راحه
مجدي...شن
ابتسام...الموت
مجدي...مسك يدها نقلب بيك السياره كان ماصكرتي علي سيره الموت
ابتسام....ماهيا هيا حنموت
مجدي...اييييييه علينا زمر بطلي نكد
ابتسام...شفتله اتخاف تخسرني حبيبي
مجدي...حياتي وعمري وروحي حتي انفسي ونبض قلبي انتي كيف مانخاف عليك
ابتسام...باهي حبيبي نطلب منك طلب
مجدي...شن
ابتسام...خاطري في زلابيه وتكون صفره
مجدي...بس انتي
ابتسام....نرجا في رمضان عشان ناكلها خاطري فيها كان علي السكر والله مانكثر منها
مجدي...حاضر من اعيوني
ابتسام....يسلمن اعيونك ياعمري طلب اخري
مجدي...شفلها ادللي انتي
ابتسام...لوشن صار قدام هلك التصرف اللي امس معش اتكرره لوفي شي تبي اتقوله عندنا حوشنا احكي فيه اللي في خاطرك لكن قدامهم لا
مجدي...اعتذرت منك قدامهم
ابتسام...مش حنقبله لأنك زعلتني شفت شندرت خليتني بلا كرامه قدامهم
مجدي...حشاك لكن خلطت عليا شفت امرايفه وعمري والجو حايس غررررت
ابتسام...لاانت شكيت انكون نحكي مع حد
مجدي...لاهذي اطمني حنقتلك
ابتسام....نبي اليوم يمشي بضحك وجو سمح ممكن
مجدي...حاضر وقف السياره وانزلو
وسام...اوباااا مراه خوي شن دايره
مجدي...مدله الطاجين غاليه عليك
وسام....بنتها فايحه
مجدي...عشان تعرف اخترت الصاح
ابتسام....كيف حالك وسام
وسام....الحمدلله تفضلو
#نورهان✍
امينه...اسريوا ولعي علي الخلاط
اسراء...ولعت
هناء...ضروري نفطرو برا يعني
امينه...حني تبي هكي
هناء...حيكونو الرجاله مقابلينا
امينه...شن فيها
اسراء...عشان ادم ههههه
امينه....غير ماتربكي روحك بس ومشي الجو عادي
هناء....اي عادي نظراته يييييييه
اصيله...وحده منكن اتجي اتساعدني خلاص عشر دقايق ويأذن
فرح...جيتك انا
اصيله...وتي المفرش لنا وانا توا نمشي نوتي مفرش الرجاله
فرح...هيا
اصيله...طلعت وراها فرح فرشن المفرش وينظمت في التباسي
عبدالسلام....من داير السمك
اصيله...مني
عبدالسلام...والزينه اللي فوقه
اصيله....اليوم الموالح والسلاطات من مني حتي السمك هيا
حمادي...كنكن ماسعدتنها
اصيله....واعيه بدري دايره كل حاجه
صالح...يخساره ياامينه
ايمن...نصيب ياصلوحه
صالح...الله يرحمه ويسامحه
ادم...دار وجه لجيه لخره تنهد الله يرحمه
اسراء...حطت السفره الحليب بالموز وتمر
الأذان اذن...
عمران...الله اكبر رفع ايديه ..اللهم اقبال ليلك وادبارو نهارك واصوات دعواتك فاغفر لي يارب تقبلنا بالقبول الحسن
صالح...لا اله الا الله محمد رسول الله اللهم امين
عمران...تعال ادم عبسي حمادي هيا ايمن
ايمن...هيا هيا فتح تمره بدا يدعي
ويفطرو كلهم
حني امينه...وين هناء هناء وين
عايشه...في الكوجينه
حني امينه...قوليلها تعالي افطري
ادم...يشوفلهن
اصيله...تفطر جوا ياحني تهني
حني امينه...ماتجي تفطر معاكن
اصيله...قالت توا يحلو اصيامهم ويبدو يعيطو علي الفطور
حواء...عينك منها ياعويشه قاعده ذابله
عايشه...شن انديرلها والله كلهن جبتلهن خلطات عشان يسمنن حرام كان يرتفع كيلو
حواء...لاتوا يسمنن حتي انتي بدايه زوجك كنتي هكي ارقيقه اذكري شن درتي
عايشه...والله ماعاد نذكر انفتحت شهيتي وبرضو مازالت ارقيقه لكن الحمدلله علي جيتي لكم
حواء...مانحكيلك يشكرو في عطار التونسي تحكيله علي مشكلتك ايجيبلك الخلطه لعندك وكل شي واتي
فاطمه...والله توا انشوفه
صبو الرجاله صلو صلاه جماعه وراهم الصبايا عادا حني امينه وهناء اللي منحرجه جوا
صالح...السلام عليكم ورحمه الله وبركاته السلام عليكم ورحمه الله وبركاته رفع ايديه يدعي
الكل...سلم
البنات...خشن للكوجينه يطلعن في السفر وينظمن علي المفرش
الكل..كان علي المفرش بدو الرجاله ياكلو
حني امينه....هناء وين
عايشه...توا اتجي
هناء...ينعلي ياحني من الزحمه اللي قدامك مافقدتيني الا انا
عمران...هناااء
هناء...نزلت توتها وطلعت من يعيطلي
عمران...انا افطري ياباتي
هناء...ابتسمت اها تمام بعدي افريحه خذت كاشيك
فرح...اهي الداقره متاعك
هناء...تشرب في شربه
حني امينه...من بدري نسأل عليك من الصبح وانتي تشتغلي مهناك شي جهد وصايمه
هناء...اعيونها شلنها ل ادم لقاته مرفع حاجبه ويبتسم يشوفلها اشرقت في الشربه احمممم احمممم احمممم
امينه...هههههه تخبط علي ظهرها احم احم
هناء...طبست ينعلااي ياحني كان غير سكتي اتذكري في ليش
اسراء....هههههه عادي
هناء...اي عادي خوك يبي ياكلني بعيونه
اسراء...ادم ومسك حاجه انسي
هناء...لاااا
اسراء....هههههه ينسيه الوقت
هناء...شبعانه انا
صالح...شن دايره هنيوا
هنيه...انا
صالح....لاهناء
هنيه...نلقانكم فرقو بينا انا هنيوا وهيا هنو هنو هيا
صالح....هههه هنو
هناء...مطبسه لاالحمدلله
ايمن...مني وتن ارواحكن
امينه...وين
ايمن...لسوق
امينه...اها نجك لي تمام
هاجر...خوذن راحتكن حكيت معاه اااي حطت يدها علي بطنها
امينه...كنك هجوري
هاجر...ليه
امينه...شايله ثقيل
هاجر...لاوالله مش شايله شي حتي ايمن يحسس فيا كأني اول مره نحمل راك اتشيلي ثقيل افطني اه حافظي عليه
امينه....ههههه طبيعي فرحان
هاجر...بكل
امينه...بس ضروري ماتمشي الدكتوره
هاجر....نين تكملن البتات كله
امينه...مستحيل هجوري انتي اهم
هاجر...اللي عطوهن ليا في منونه وهومي ناخذ فيهن
امينه...غلط
هاجر...لاعادي لو نمشي انتي مشعارفه الزحمه بذات في رمضان
امينه...عادي نحنا اليوم اللي تقعدي ماشيه فيه نمشو مع دومي
هاجر...إسلام قيللها لا
امينه....شن انديرله حتي هوا إسلام افندي
هاجر...عادي امممم الكبه المشويه تهبل
امينه....صحه اللي تجي علي عينك كوليها حتي لو في يد وحده منا
هاجر....هههه نجك لي
هناء...صبت
حني امينه....افطري
هناء...حطت يدها علي بطنها الحمدلله شبعت
حني امينه...راكي صايمه
هناء...يدها علي جبهتها ينعلي ياحني لوزه مزلطه قعدت لا حني فطرت
حني امينه...ياحني قاعده ضاعفه بكل
هناء...واخذه نموي هنيوا
الكل..ههههههه
هنيه...يابارده
هناء...غمزتلها صحه توا تاكل بدالي تؤامي
هنيه...علي اساس في فرق بينا
هناء...كيلو كيلوين هك سارقتهن مني
فرح....هههههه كيلوين متأكده انا نشوف اكثر
هناء...تمشي من وراهن صحه صحه
ايمن...ياالميته جبيلي طاسه شاهي
هناء...حاضر شافت ل ادم تبي
ادم..قارن حواجبه
هناء...طاسه طاسه
ادم...طبس
هناء...ههههه
ايمن....طاسه اها
هناء...خشت لكوجينه غسلت ايديها خذت طاستين وطلعت
ايمن...قاعد يلا الكانون
هناء...تفضل
ايمن..خذا طاسه
هناء....طول هكي من الفطور ل شاهي
ايمن...نبي انولع دخان
هناء...ادم
ادم...شفلها
هناء...ابتسمت طاستك
ادم...هز براسه وطبس ياكل
ايمن...انصبلك شاهي
هناء...مدتله الطاسه شكله ادم مايبيش صبلي
ايمن...خذا الطاسه
هناء ...جابت كرسي قعمزت حطت اكراع علي اكراع خضرا
ايمن...اها مدلها الطاسه
هناء...اممم سمحه سلم ايديك
ايمن...صحه ماشيه مع البنات
هناء...وين
ايمن...لسوق
هناء...شافت ل ادم لقاته يشوفلها ابتسمت وخذت فم من الشاهي اهاا ماشيه
ايمن...حتي انا قلت حتسير معجزه تؤامها اللي يبي يمشي
هناء...هههه
ايمن...مفروض ياعمران عطيتهن لتؤام
عمران...شنو
ايمن...بناتك التؤام
عمران...قصدك انزوجهن الا لتؤام
ايمن...اها كان عندي التؤام مانعطيهن الا لتؤام
عبدالسلام...معناها خليهن في ارقبتك ياعمو
الكل...ههههههه
هاجر...حرام عليك عبسي
عبدالسلام...واللهي وين يبي يلقاهن لهن تؤام قول خوت صاح لكن تؤام نجك لي وخلاص ياعمي
ايمن....هههههه حتي وانت اتهزا
صالح.. هذا نصيب
ايمن...والله قصه التؤام مع بعضهن وحده تأخذها خالتها ولاخره مدعن من تاخذها هذي تمرض هذك تمرض
حمادي...كان خالتك عندها شاب ساهله اعلقي في اختك
ادم...شافله وشاف ل هناء اللي تضحك
هناء...خلاص خالتي اثنين عندها عبادي وإسلام
حمادي...خوذي من خوالك بيش تقعدن قريب من بعضكن
ادم...دف التبسي بيده
عبدالسلام...شافله وابتسم نار الغيره اه
ادم...فيش اتفترش انت
عبدالسلام...سكتت
ادم...احسن شي
حمادي...من قللكم ديرو سمك
امينه...دومي جابه
حمادي...جايب السمكه طول يده ماكلش
امينه...صاح دومي التتبيله مش سمحه
حمادي...سمحه لكن كبير كل واحد ديرتله وحده كان مع سلاطات صاح لكن رز وعصبان وشربه وموالح اكيد مانكلوش
امينه...اقل شي كول متاعتك
حمادي...والله مانقدر خذيت منها اشوي كليت عصبان سلم ايديك عمتي
فاطمه...صحه حمادي
فرح...ياحمادي
حمادي...ها
فرح...قبل ماتخش ساعدني خلينا انخشو الحاجات اللي علي المفرش
حمادي...طبعا اللي كلا بعد من المفرش صبي عبسي ساعدنا
عبدالسلام...مش قادر انتحرك نمشي نلعب كوره
عمران...رد بالك ياعبسي انت بطنك مليانه اقل شي امشي ساعه اهضم بعدها العب
صالح...وحلت فيه
ايمن...باهي انتي ياالميته قوليلي
هناء...اممم حطت الطاسه سمحه بكل سلم ايديك قول
ايمن...صحه امتي اتخرجي
هناء...اسرحت اذكرت فائق وايام الجامعه
ايمن...نحكي انا ههههه راحت بكل
هناء...هههه اخر سنه
ايمن...ماشاءلله
هناء...هانت خلاص
ايمن...امتي الأمتحانات
هناء...ثلاث اشهور مازالن عليهن
ايمن...خلاص هانت
هناء..هانت صبت
ايمن...وين ماشيه
هناء...انساعدهن
ايمن...غمزلها توا يكملن برواحهن
هناء...لاوالله هههههه
ايمن...علي كيفك
ادم...صبا
هناء...شفتله ونزلت علي المفرش تاخذ في المفرش وتحط في السفر
فرح...خليهن توا انشلهن
هناء...لاانتي شيلي السفره الاخره خشت بالسفره للكوجينه
فاطمه...شن دايره توا
هناء...ينعلي ياامي حني دارت جو احرجات
فاطمه...ههههه
هناء...انا اكويسه مافيا شي حتي خفت
فاطمه...باهي تمام تغسل في ايديها
وطلعت
هناء...خذت طاجين اتنظم في اللي زاد
فرح...حطت السفره عليش في طاجين
هناء...اكيد بعدين يجوعو نحطوه في الكوشه يسخنن مع بعضهن
فرح...مش واكلين
هناء...مع العشره توا يقولو سخنيلنا
فرح..كالعاده يعني
هناء...اها هههه
فرح...نمشي انجيب باقي التباسي
هناء...تنظم
ادم...الميه وين
هناء...التفتت اه
ادم...الميه الميه
هناء...تحق فيا شيشمه واقفه قدامك
ادم...قرب
هناء...اهي المعدنيه
ادم...مهزبه
هناء...شكرآ من ذوقك
ادم...صاح تبي تمشي لسوق
هناء...تحكيش امعايا
ادم...رايقه الأرنوبه
هناء....بطل قله ادب
ادم...ماشيه
هناء...اها نبي انبتت حتي انا
ادم...كيف
هناء...نحساب عندكم علم بعد عبسي حكا نبي انوافق علي ولد خالي
ادم...ليش جايك ولد خالك يطلب
هناء...اها نجاليا
ادم...مسكها من شعرها نجاليا مانجاليا فكيني منها قدامي
هناء...اااي شعري ياحيوان شن دخلك نجاليا اها
ادم...والله اتخللي في حوشكم
هناء....ربي يطولي بعمره باتي ينعلي ياربي
ادم...طالقه طولك تطلعي بتوت المكان اللي تبيه تمشيله
هناء...واللي نبيه ناخذه حتي العريس
ادم...نزل يده وضاغط علي شعرها
هناء...اميله راسها نكذب ياحيوان شعري مانحمل فيه شي
فاطمه...هههه خشت لاادم شعرها
ادم...ماتسمعش في الكلام
حواء...حول يدك تفك فيهم
ادم...حتي انتي واقفه معاها
حواء...عمرك ماتمسكها من شعرها
ادم...لولها يدها
هناء...يااااامي ياعمتي
فاطمه...خلاص دومي سيبها
ادم...مستحيل انسيبها ادير حاجات مستفزه شعرك في يدي
هناء...معش اندير
فاطمه...شن دايره
ادم...قلتها وين الميه قلتلي تشوف فيا شيشمه
حواء...هههههه
فاطمه...هههههه اهي الميه المعدنيه
ادم...دفها
هناء...جت قدام فاطمه هل المختل
ادم...انجيك
فاطمه...فتحت ايديها خلاص خلاص
ادم...ههههه
حواء...ههههه
هناء....تشوف ليدها اصابعه معلمات فيها شوفي شن دارلي
حواء...ربي يهديه
فاطمه... انتي كيف خواتك جسمكن بسرعه مايعلم
حواء...لاحتي اولدي ربي يهديه هناء ماهناك لا شي
هناء...ايوا ياعمتي بعد تطلعي قوليله خطاها عشان يسمعه عمي وباتي يهزبوه
حواء...ههههه ياريته حتي يعدل
هناء...قولك
حواء...اهاا هههه
هناء...هههههه حتي انا عارفه
#نورهان✍
مجدي....القهوه وين
وسام...ساده اه
ابتسام...حاضر نكملو العوايز بس
احمد...والله ماتتحشمو مش تحقو فيهن يغسلن
وسام...شن المشكله العوايز في الغساله
احمد...صبو لمو حوستكم
وسام....كلا انا مش مصبي
احمد...توا اتصبي خش للكوجينه نونا وين المكنسه
حنان...اي مكنسه
احمد...مكنسه الحوش
حنان...الكهربائيه في الصاله الدور الثاني
احمد...لا العاديه
حنان...اهي
احمد...خذاها وخش لدار صبو
وسام...شاف ل مجدي اللي يدخن
مجدي...عيب ياراجل
احمد...مش عيب اتبهدلو نونا صبو هيا هيا
مجدي...طفا الدخان هيا شن تبينا انديرو
وسام...يحكي جد
مجدي...شكله
احمد.. هيا هيا نونا بهدلتوها تكمل العوايز وتجي تلم حوستكم هياا رافع العصا والا والله هذي عليكم نين اتعلمو الأدب اوكال ومرقد مايمشيش معايا
وسام...والله عندي تحقيق
احمد...مش شوري لم وعدي
خليفه...خش كنكم شاف لعصا اللي في يد احمد
مجدي...يبينا انلمو قال بهدلتو نونا ماسك العصا
خليفه...صدق لمو الدار وطلعو لصاله
وسام...بعد الستاره وفتح الروشن وين المكنسه
احمد...في الدور الثاني
مجدي...ينظم في الصالون
خليفه...شاف ل احمد ماسك ضحكته طلع
احمد...خليك سريع قريب يكملن
مجدي...وانت شن ادير
احمد...نعدي نبرم علي الحمام
مجدي...اوووو
احمد...ماعندك عليش اتهزا هيااا هيااا
مجدي...تمام الدار هكي
احمد...المخده معكوسه
وسام....جايب المكنسه يفك في الخيط
مجدي...هكي
احمد....ايوا بعدها بعد تبي ادخن يادخن برا ياافتح الروشن مش نخش لدار اتقول اختناق
مجدي...حاضر امي
احمد...رفع العصا نحكي جديات انا بعد انخش للحوش بنة الدخان طابقه والكلام لك انت
وسام...والله هذا شرط مش حنقبله
احمد...رفع العصا لا معايا تقبله
وسام...انشالله
احمد...انت خوذ الطفايه كبها برا
مجدي...رفعها باه
احمد...نمشي انظف الحمام
وسام...بحت في مجدي
مجدي...ماسك ضحكته
احمد...حياة العازب تعلمك
وسام...كني انا
احمد...نازل علي امي نونا لكن قعدلكم
مجدي..خليه توا اتنظفه ابتسام
احمد...مصح وجهك
حنان...شن جوك مع مجدي
ابتسام...ماشي الحال
حنان...امس يبرم بعد خذاك باتك ييييه لو تشوفيه
ابتسام...مشينا ادهورنا
حنان...شفته منزلته هنو
ابتسام...ودار ف ف ف صكرت اعيونها مسكت في الرخامه
حنان...كنك
ابتسام...مشعارفه نفقد في توازني والساني يثقل وحاجه كيف الضباب في اعيوني
حنان...بلكي حامل
ابتسام...وانا طالعه توا نقوله
نبي تست حمل
حنان...تأكدي بالدم
ابتسام...نشوف بالتست قبل بعدها نشوف بالدم
حنان...من ولع المكنسه
ابتسام...تقعد عمتي
حنان...لالاامي تدوش من بنة التنور
ابتسام...بعدي خليني انسيق
حنان...خليها توا انسيقها
ابتسام...لابعدي بس
حنان...اندير القهوه مازال وراي الحوش
ابتسام...توا نساعدو كملت تسييق
حنان...طلعت بكرج ادير في قهوه
احمد.. ينشف في الحماام
مجدي...ماشاءلله عليك
احمد...شن رايك
مجدي...قعد امرايه
احمد...ولع المبخره في الصاله وحط بخور
مجدي...اخري
احمد...كنك اتهزا تعال لشقتي وشوف النظافه والترتيب
مجدي...ماشاءالله عليك
احمد...تعال نمشو لدار
مجدي...وراه
وسام...رقا المكنسه فوق ورد
احمد...شن صار لو كل ماتحوسو اتلمو حوستكم
مجدي...لاصدقت راحه
احمد...وديني لو تخلو الكيد كله علي اختكم يومكم تعبت
وسام...والله يسير منا
مجدي...هههههه حتي انا قلتها
سعده...خشت لدار ماشاءلله
احمد...نعيما
سعده...الله ينعم عليك بنتي تعبت من الكوجينه للحوش
وسام...لاامي نحنا هالمره اللي لمينا
سعده...عطني نا
وسام...والله نحنا احمد برم علي الحمام انا كنست مجدي لم الدار
سعده...مستحيل طالقه حتي بخور
مجدي...من احمد
سعده...صاح احميده
احمد...صاح علمتهم الأدب بس
سعده...هههههه ياريتك ديما معايا واللي يجي يحوس اتصبيله
احمد....ماعليك الو نكون عندك
خليفه...قعمز ماشالله ماشالله
احمد...ماسكته الضحكه
خليفه...كان ديما قاعد يااحميده عندنا واحد حتي داره مايلم فيها سريره سريره يطلع وهوا حايس
احمد...توا انعلمه النظام
وسام...هذين عزق ادواس عليا طبعا
حنان...ماسكه الطاجين وتمشي في الصاله من اللي نظم وطالق بخور الله
ابتسام...ماسكه سفره القهوه اكيد عمتي
حنان...خشت لدار الله حتي الدار منظمه انا في حلم
وسام...لاوالله مانك في حلم انها الحقيقه
مجدي...ههههه
احمد....شن رايك
حنان...والله نغسل ونفكر شن يلمهن من لمهن
مجدي كلنا كلنا
احمد...صبا مسك السفره من ابتسام تعبتي روحك
ابتسام...ابتسمت لاعادي قعمزت جنب مجدي
مجدي...شن دايره
ابتسام...اكويسه
سعده...يابسومه
ابتسام...شفلتها نعم
سعده...هلك امتي يجو
ابتسام...اربع ايام رمضان سنتنا نصيموهن غادي اكيد خامس يوم يجبو حني ويجو
سعده...الشارع مكسد بلاهم
ابتسام...ابتسمت لاتوا يجو
حنان...الحمام من منظفه
احمد...رفع يده
حنان...وحقالله غير اعوينه نجكككك لي
احمد...هههههه قوليلي بس واحد ماينظم داره قبل ماينزل واحد ادبشه في كل مكان الو انكون عندك
حنان....كان خاطره علي العصا عطيتها لك من زمان
الكل...ههههههه
وسام...صبيت لاني عارفه مش متاع بصاره اممم سلم ايديك علي البسبوسه طرف اخري
ابتسام...صحه
مجدي...سمحه كيفك غمزلها
ابتسام...عجباتك
مجدي...ياكل اممم
ابتسام...صحه
مجدي...علي قلبك
وسام....طرفين
مجدي...واجد خلاص
وسام...شن مالك ومال بطني سمحه وخفيفه
احمد...يعطيك الصحه سمحه بكل
سعده...سلم ايديك
خليفه...لاماشاءلله خفيفه وسمحه
ابتسام...تشوفهم وتبتسم صحه علي قلوبكم
الكل...سلمك
#نورهان✍
روان...تشرب في نسكافيه
رزان...في حد طبيعي يكون صايم بعدها يشرب نسكافيه
اروي...كل حد وذوقه
رزان...اقهيوا وساده اناااااعلي ناا
زينه...صاح كلام رزونه مافيش اجمل من القهوه الساده
رزان...نفهم انا
اروي...اهي افريحه ترن فيديو
رزان....ردي ردي
اروي...ردت افريحه
فرح...خييييير صحه فطوركم
اروي...نجك لي علي قلبك رفعت الفنجان صحه اقهيوتكم
فرح...مازلنا ماشربناها البنات عدن لسوق ونصهم خشو رقدو
رزان...خير افريحه
فرح...شيرتلها خير روزه فيش اديرن
رزان...رفعت الفنجان نشربو في قهوه عاد روان نسكافيه
فرح...صحه صحه امرايفه عليكن
زينه....حتي نحنا والله امتي تبو اتجو
فرح...مانظني بلكي انتو اللي تجو تفطرو عندنا
زينه...ليش ماتبو اتجو
فرح...هنيوا بدت اتبتت حتقعد تطلع كل ليل
اروي...بعد تكمل
فرح...الا الكوافيره حجزتلها معايا والفيلو قلتلي اخر حاجه
اروي...حتي امبدري نحكي مع عمتي اميمه قلتلي نبي نبدا نطلع انا و ويه
فرح...بيدا قاعد متغير معايا قاعد نرفوزي وعصبي
رزان...ممكن لأنه عليه ضغط
فرح...والله ماني عارفه بس حتي إسلام نفس الطريقه مع هنيوا
زينه...ياافريحه ياافريحه
اروي..دارت الكاميره عليها
فرح...معاك زينه نسمع فيك
زينه...غيرين بس
فرح...من شنو
زينه...من اعيال عمك تفطرو مع بعضكم وجوكم سمح
فرح...والله كلا ادم مانحق فيه غير طلات اما عبسي وحمادي اصغار
زينه...انتن تقولن هكي بس هوا لا
فرح...والحل
زينه...شوفي بعد تقوليله ماشيين للحوش كيف يتغير
فرح...خلاص اصلا يومين ثلاثه نمشو
زينه...انشالله وين باقي البنات
فرح...هنيوا ومني عدن لسوق مع ايمن هنو وامي وعمتي حواء وحني خشن يريحن وسريوا واصوله عدن للحوشهم قالن انجو بعدين باتي وعمي في التراويح قاعده بروحي في الحاجر اتصلت بيه مقفل رنيت علي ويه قلتلي خش لداره
زينه...ليش ماقلتيلها عطيه ليا
فرح...استثقلتها قلتلها مريض قلتلي لا فطر وخش لداره
اروي...معناها غيره بس
رزان...ابتسام مازالت ماجتكم امبدري حكيت معاها قلتلي جايه بعد الفطور
فرح...لتوا مازالت ماجت اهي تتصل بيا
اروي...سلمي عليها
فرح...يوصل حتي انتن سلمن علي خالي وحني وعويشه
اروي...يوصل باي
فرح...باي صكرت وفتحت علي ابتسام الو
ابتسام...افريحه انا قريب منكم افتحي الباب
فرح.. تمام هيا هيا صكرت حطت التلفون علي الطاوله ولفت من الحاجر للباب البراني فتحاته
مجدي...وقف السياره حبيبي نص ساعه ونجيك
ابتسام...ليش نص ساعه تعالي ساعه12اقل شي
مجدي..حجزتلك في عياده عند دكتوره
ابتسام...دكتوره شن
مجدي...نساء
ابتسام.. بس ماعنديش اعراض حمل
مجدي...نبي نعرف لو الدوخه هذي مش حامل نمشي انديرلك كورس كامل نعرف شن سبب الدوخه
ابتسام...بلكي علامات اني اقريب انموت ههههه
مجدي...شفلها شن قتلك انا
ابتسام...انبصر والله انبصر
مجدي...بصري في اي شي الا في الموت
ابتسام...حاضر
مجدي...فتح الباب انزل الحلويات وانتي انزلي
ابتسام...قبل
مجدي...شفلها شن
ابتسام...اتحبني
مجدي...انموت فيك موت ياشدوقي
ابتسام..هههههه محلاك تكون غير هكي افتحت الباب وخشت للحوش تحضن في فرح امرااايفهه عليكن ومراايفه علي حوش حني بكللل بكللل
فرح...حتي نحنا والله
مجدي...بيسو
ابتسام...بعدت
مجدي...مدلها بوكسين كبار حلويات
ابتسام...خذت بوكس تعالي فرح
فرح ..كيف حالك
مجدي...تمام مدلها البوكس الثاني
فرح...خش
مجدي...لاوالله مستعجل تمام نص ساعه ونرد
ابتسام...تمام
فرح...قصدك ياخذك
مجدي..صكر الباب
ابتسام...اها عندي عياده
فرح...كنك
ابتسام...نفقد في توازني ودوخه
فرح...بلكي حامل
ابتسام...انشالله من فيه جوا
فرح...حد انا وهنو وحني وامي عمتي حواء بنات عدن لسوق هاجر في شقتها اصوله واسريوا في حوشهم
ابتسام....حطت البوكس علي طوله الحاجر وخذت عصا اطق علي الساس
اصيله...طلعت كنك افريحه
ابتسام...انا انا تعالن جيت
اصيله...بسومه
ابتسام...تعالن اها بسومه
اصيله...هيا هيا اسرااء اسرااء بسومه جت هيا
فرح...ههههههه
ابتسام...تنهدت امرااايفه
فرح...حتي نحنا تعالي
ابتسام...خذت البوكس وخشت للكوجينه حطاته وخشت امي
فاطمه...تشوف لتلفزيون هاامي
فرح...تحسابك انا
ابتسام...هههههه اها خشت لدار خييييير
فاطمه...ياربي مرحبا
هناء...نجك لي جيتي
بدن يسلمن علي ابتسام وابتسام اتسلم عليهن سلام ارررررياف
حني امينه...تعالي قدامي
ابتسام...جت جنب حني امينه
فاطمه...شخبار عربك
ابتسام...اكويسين الحمدلله
اسراء...بسومه
ابتسام...صبت تحضن فيها نجك لي
اصيله...خليني نحضنها
ابتسام..هههههه نجك لي تعالن تحضن فيهن وقعمزن كلهن ويهدرزن كانت ابتسام امرايفه عليهن بكل
اسراء...ياحظك دايره اكنافه
ابتسام...امممم نجك ليا
حني امينه...عدي ديرن حاجه ل بسومه
ابتسام...مش برانيه ياحني
اسراء...صبت
ابتسام...تعالي
اسراء...اندير عصير ونجي علي السريع
ابتسام...والله ماتعبي روحك
اسراء...لاع السريع طلعت
ابتسام...امتي عدن البنات
فاطمه...بعد الفطور
هناء...نمشي نكلم هاجر
حواء...ارقيلها فوق نزلي معاها لعيال
اصيله...توا نرقا معاك
ابتسام...شخبارها هجوري
هناء...اكويسه حامل خايفين عليها العقبالك
ابتسام...ماشاءالله ربي يحل اعويناتها علي خير
الكل...اللهم امين
اصيله...هيا
هناء...هيا هيا
رقت لهاجر عشان تنزل
#نورهان✍
فاتت ساعه الا ربع
ابتسام...تلبس في خيمارها
فاطمه...خليك مالك شي جايه
ابتسام...عندي عياده بكرا بأذن الله انجي قاعده نفقد في توازني
حني امينه...تربحي وطمنينا عليك
فاطمه...طلعت معاها برا تاخذي في دواك
ابتسام...والله ياامي ناخذ لكن حتي الحاجه الثقيله اطيح مني نحس في روحي مرهقه
هاجر...تشرب في اميه والله امرايفه عليك
ابتسام...بكرا انجي بدري ونطلع 2
هاجر...خلاص انشالله نرجو فيك
ابتسام...ماشبعتش من هومي ومنونه
هاجر...حتي بعد شافوك هههههه انجنو
ابتسام...هههه نجكم لي تلبس في كويشتها انتلاقوا
فاطمه...مربوحه امي
ابتسام...تمشي معاها هناء فرح اصيله اسراء هاجر
فرح...عينك من روحك
ابتسام....انشالله باي
البنات..باي
مجدي...فتح الباب ل ابتسام
ابتسام...اركبت
مجدي...تأخرت كان معايا ولد عمي
ابتسام...ماحسيت بالوقت
مجدي...اكيد دورك توا
ابتسام...ليش دوري كم
مجدي...الثالث
ابتسام....حبيبي
مجدي...روحه
ابتسام...بكرا اتوديني غادي بعد الفطور
مجدي...ماقلتي ل امي بكرا فطوركم غادي
ابتسام....ييييه انسيت خلاص بعد بكرا
مجدي...مسك يدها باسها رايفت عليك
ابتسام...نجك لي حتي انا
#نورهان✍
رزان...امممم نسمع فيك
وسام..فيش اديري
رزان...شي عدو عيت عمي البنات كل وحده في مكان كساد
وسام...قلتي بكرا ل لباتك اني جاي نظرة شرعيه
رزان...لاا
وسام...ليييش
رزان...نبصر قلتها ل امي قلتها ل باتي ماتكلمش قال مرحبه
وسام...اناااا علي ناااا امتي يجي بكرا
رزان....هو اللي جا بيسو عدت لهلها
وسام...اها امبدري اطلعو
رزان...شن ادير
وسام..كنت انحقق واهو الباب يطق اوكي نحكو بعدين
رزان...باهي تمام عينك من روحك
وسام...تمام تمام انتلاقو
رزان...هههههه قولي انحبك
وسام...اها بكل
رزان...قولها
وسام...اها اها عندي اوراق ننهيهن ونكلمك اوكي اوكي
رزان...صكرت هههههه
اروي...كنك
رزان...وسام..........
اروي...حرام عليك
رزان...ههههه عادي انفكر بكرا شن نلبس
اروي...بعدين انشوفو
#نورهان✍
طلعت الممرضه من الغرفه
ابتسام عمران ابتسام عمران
مجدي...زمر رفع يده اوكي
ابتسام...تخش معايا
مجدي..ممنوع عدي وانا نرجا فيك
ابتسام...تمام خشت للغرفه رفعت الخيمار السلام عليكم
الدكتوره...وعليكم السلام تفضلي
ابتسام...قعمزت علي الكرسي
الدكتوره...نزلت النظرات شن مشكلتك
ابتسام...نبي نشوف في حمل ولا
الدكتوره...عندك اعراض حمل تستفرغي نيتك منسده علي الوكال
ابتسام...لا بس دوخه ومش متوازنه
الدكتوره...صبت تفضلي معايا علي السرير انديرلك صوره
ابتسام...مشت وراها
الممرضه...تعالي هنا
ابتسام...ارقدت علي السرير وفتحت العبايه ورفعت البدي
الدكتوره...حطتلها جل علي بطنها وتمشي بالجهار ابتسام
ابتسام...نعم
الدكتوره...عندك اعيال
ابتسام...لاانا متزوجه جديد
الدكتوره...اها مبروك
ابتسام...يبارك في عمرك
الدكتوره...امركزهفي الجهاز تاخذي في ادويه
ابتسام...دواء السكر
الدكتوره...اها انتي مريضه سكر
ابتسام...اها عليش دكتوره خوفتيني
الدكتوره...لاسألت عادي حولت الجهاز من بطنها مبروك
ابتسام...اه
الدكتوره...انتي حامل...........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الثانيه_والثلاثون
#نورهان✍
