#جبرني_الوقت⏳
#الحلقه_السادسة_واربعون
بقلمي✍#نورهان
سأكتفي بمن يسعى جاهداً لجعلي "أبتسم"❤️
●●●●
ابتسام...تمام نرجا فيك
طلع مجدي من الدار فتح الخط ينزل مالدروج الووو دكتور سامي معايا
دكتور...ايواا من امعايا
مجدي.. انا مجدي اخ احمد
دكتور...اهلين كيف حالك
مجدي...الله يسلمك دزيتلك صور الاشعه لي زوجتي علي الفايبر بس مش متصل انت قلت ل احمد خليه يدزهن ليا علي الفايبر
دكتور...اها كلمني احميده وقتله خليه ايدزهن ليا فايبر لاصاح توا حنشوفهن
مجدي...بارك الله فيك تعبتك معايا واجد
دكتور...ولو انت اخ الغالي احميده حنشوفهن وندزلك فويس صوت نقولك
مجدي...في انتظارك
دكتور...سلام
مجدي...سلام
#نورهان✍
امينه...طلعت للحاجر كرت الكرسي قعمزت تتأمل في السماء بصمت مش جايها نوم الحوش كله راقد يرجو في يوم بكره بفرحه الاهيا كل ماتصكر اعيونها توعى
هاجر...جت مالحاجر توقعتك تكوني هنا وحقالله
امينه...شفتلها مازالتي واعيه
هاجر....بالي عندك
امينه...ماتفكريش فيا
هاجر....قعمزت جنبها ماقدرتش
امينه...ايمن راقد
هاجر...بالنوم
امينه...نوم العوافي حتي الحوش جوا كله راقد بالنوم
هاجر...وانتي ليش مارقدتي لتوا
امينه...مش جايني نوم
هاجر...حسيتك خذيتي قرار وندمتي فيه
امينه...حاجه كيف هك
هاجر...فيها خيره توا احمد كان متزوج صاح
امينه...امممم
هاجر...زوجته ميته ولا
امينه...اممم كانت حامل ماتت وهيا تجيب
هاجر...والجنين
امينه...مات
هاجر...ياروحي سبحان الله علي النصيب
امينه...نصيييب
هاجر...حتي هوا خسر في حياته
امينه...شفتلها
هاجر...لاجديات يعني مراته واوليده ماتو بيوم واحد واجد هكي
امينه...تشوف لسماء اممم واجد
هاجر...هوا موجوع اكثر منك منى
امينه...كان موجوع مافكر في الزواج
هاجر...هذا نصيب لعند امتي يكون عازب
امينه...لعند مايموت
هاجر...هذي الحياة بحلوها وبمرها حتعيشيها كيف ماعشتها اختي هدي
امينه...من قالك عيشتها اصلا انا عايشه حياتي لغيري مش ليا شفتلها لاجديات حياتي مش ملكي ملك غيري اكتشفتها متأخر
هاجر...يييييه منى تذكري اختي هدي شن صارن فيها من ايامات حتي هوا ولد عمي وخطيبها وعلاقه سنوات توقعتها تموت بموته وانتي جيتي عزيتي وروحتي متأثره بكل من حالتها بعد سنتين جاها كمال ولد صاحب باتي طلبها كانت مش راضيه لا تعالي بجد انتي وهدي نفس القصه حتي هيا انجبرت تتزوج عشان باتي وكمال هناها وتوا عندها اوليدين منه تقولي كل مانفكر في المرحوم من كثر مانرايف عليه مرات نحلم بيه نوعى نستغفر لاني علي ذمه غيره والحياة ماشيه منى لعند امتي بتكوني علي ذكراه ايهم لوعايش وانتي اللي ميته صدقيني كان تزوج لانه يبي يكمل الفراغ اللي فحياته
امينه...كيف تقبلاته هدي راجلها انا مجرد مانتفرج علي صورنا دموعي معش نقدر نسيطر عليهن ضحكته اعويناته السماح اللي مايستاهلن ننحرم منهن عمري كله حتي صوته هجوري مش ناسيه شي من تفاصيله مجرد مانذكر الكلام اللي كان يقول فيه ليا بعد نكون زعلانه منه و يراضيني نبتسم لاشعرياا ليش متعلقه بحوش حني ذكرياتنا كلهن كانن هنا كل زاويه في حوش حني لها الف قصه تحكي عنا بموته انكسرت سيب فراغ كبير فيا مستحيل حد يقدر ينسيني ايهم
هاجر...هدي تعايشت مع الواقع
امينه...ماقدرتش انا
هاجر...اكيد فيها خيره صدقيني بعد اتعاشريه حتتعودي عليه
امينه...تمسح في ادموعها مانبيش نفكر في شي وكلت امري لربي ربي ايسر كلشي قدامي تشوف لسماء يارب تشفى ابتسام وتنتهي القصه علي خير
ايمن...فتح البلكوني هاجر
هاجر...شفتله نعم
ايمن...ارقي منونه وعت
هاجر...هيا جيتك
امينه...عدي نجك لي
هاجر...وانتي شن تبي اديري
امينه..نخش نحاول نرقد صبت
هاجر...تصبحي علي خير
امينه...تلاقي الخير خشت للحوش
هاجر...شفتلها لعند ماخشت رقت لشقتها زعلانه عليها
#نورهان✍
صباح يوم جديد الكل شمسه عاليه تحديدا ساعه 1:45
طلعت هناء لكوفيره معاها اصيله سلمت علي الكل وطلعت والفرحه مش سيعتها
امينه...تمسح في ادموعها ربي يهنيها
فاطمه...يارب
حواء...قاعده بين هلها وناسها ماتخافو عليها هي بنتي
فاطمه...دموع الفرحه ياحويوا متريحه ومطمنه عليها
اسراء...والله من بكاكن بكيت مش لدرجه عاد
امينه...تنهدت ههههه
اسراء...ايوااا خلينا حتي نحنا نشوفو ارواحنا تبي اتجينا الكوافيره ولالاهجوري
هاجر...اها تبي اتجي تمكيجنا هنا
امينه...تمام تمسح في دموعها اللي مش قادره توقفهن
حواء...قربت حضنت امينه غير عين فيكم
امينه...تبكي بدون صوت
حواء...ربي يقوي نصيبك يامنى
امينه...تسمع في كلام حواء بدون ماترد عليه
حواء...تمسح في ادموعها الله غالب مافيدي شي ربي اقوي منا
امينه...الحمدالله علي كل حال
اسراء...بجد مانبيش نبكي ليش تذكرو فينا ليش طلعت من الدار تبكي
فاطمه...الحمدالله علي كل حال
حواء...عدي اغسلي وجهك سلم عمتك ونبيك تطلعي اجمل حتي مالعروس ماتفكري بشي
امينه...هزت براسها
هاجر...تمسح في ادموعها بجد فستانك خيال بعد تخف
بطني اول مناسبه ناخذه لانك ذوق بصراحه
امينه...لك هوا امتي ماتبيه تعالي خوذيه نجك ليا
هاجر...نجك هيا خلينا نشوفو جونا
امينه...هيا
حواء...تشوف ل فاطمه لعند امتي يافطومه
فاطمه...مابيدي شي الله غالب
#نورهان✍
مجدي...ماسك بوكس كبير يرقى مالدروج ويبتسم
سعده...نازاله مالدروج ربي مايحرمني ماهالضحكه
مجدي...باس راسها ولامنك يحرمني ابتسام واعيه
سعده..طلعت مالحمام كانت تدوش مالها شي
مجدي...تمام نرقى انا
سعده...انزلت مادروج
مجدي...فتح الباب خش وصكره بكراعه قرب من السرير شدوقي
ابتسام...شفتله مدت يدها قلبها
مجدي...نزل البوكس علي طرف السرير مسك يدها كنك ياروح مريضه
ابتسام...لا حبيبي
مجدي...احكيلي تحسي في شي
ابتسام...تؤ
مجدي...كنك راقده وشعرك مبلول
ابتسام...رفعت شعرها تشوف فيه
مجدي...رفع يده علي جبهتها مافيش حراره
ابتسام...اكويسه مافيا شي
مجدي...دختي
ابتسام...اممم
مجدي...خذيتي دواك
ابتسام...اها
مجدي...توا انجي
ابتسام...وين ماشي تعال
مجدي...مش حنطول طلع من الدار نزل مالدروج امي
سعده...هاامي في الصاله
مجدي...فيه عصير ولا نجيب
سعده...فيه امي في ثلاجه
مجدي...مافيش بره
سعده....لافيه حطيت في الثلاجه اليوم قلت عشان الحمو
مجدي...وينه
سعده...في الدولاب توا انطلعه لك
مجدي...لاخليك توا نجيب بروحي خش للكوجينه يفتح في الدولاب اهوا لقيته امي شن نخذلها برتقال يهبطها رمان احسن طلع كبايه كبيره عباها عصير حط العصير في الثلاجه طلع من الكوجينه رقى لدور الثاني فتح الباب
ابتسام...تشوفله
مجدي...صكر الباب قرب مالسرير تقعدي هيا
ابتسام...اممم عنديش نيه حبيبي فطرت
مجدي...لاتشربي
ابتسام....حبيبي والله عنديش نيه
مجدي...اشربي عشاني يشرب فيها
ابتسام...تبعد في يده اممم خلاص حبيبي
مجدي...ماشربتي شي
ابتسام...نيتي هكي منسده
مجدي...هيا بيسو ريحيني عليك
ابتسام...حبيبي اكويسه مافيا شي
مجدي...اشربي هيا نزعل منك
ابتسام....بدت تشرب لعند م كملت الكبايه
مجدي...صحه ياشدوقي
ابتسام...علي قلبك نبيك توديني للكوفيره
مجدي...اها نسيت حط الكبايه علي الكوميدينا رفع البوكس فتحه
ابتسام...شن هذا
مجدي...فستانك طلعه
ابتسام...الأبتسامه ارتسمت علي وجها يجنن بكل بس انا عندي حبيبي ليش اتعب في روحك
مجدي...خلي اللي عندك هذا هديتي مني لك نبيك تلبسي كلشي جديد
ابتسام...حتي فستاني هذا مازال جديد
مجدي...تلقيه مره اخري عجبك
ابتسام...مش عجبني جنني يهبل بكل حبيبي قرب خليني نبوسك
مجدي...هههه قرب
ابتسام...ايديها علي شدوقه تبوس فيه
مجدي...جو شين هكي ياروح صكر اعيونه
ابتسام...ههههه بساته بوسه طووووويله في فمه
مجدي...فتح اعيونه رد البوسه اضعاف تحملي مايجيك انتي بديتي
ابتسام....اعيونها في اعيونه ربي مايحرمني منك اجودي
مجدي...ولامنك يحرمني شن تحسي روحك
ابتسام....فجأه صحصحت غمزتله يمكن من البوسه اللي معش كملت
مجدي...هههههه كان تصحصحك هكي نصبحك بيها ونمسيك فيها
ابتسام...عشان يسير جو شين بكل صاح
مجدي..هههههه
ابتسام...هههههه
مجدي...تنهد انشاالله ديما مصحصحه
ابتسام....حبيبي شن اللي في البوكس
مجدي...هذي شنطه وسندل مانبيك تلبسي عالي
ابتسام...ليش حبيبي الفستان يبي حاجه عاليه شوي
مجدي...مش ماشي السندل
ابتسام...يجنن ماشي مع الفستان بس
مجدي...رد باسها علي فمها بس انك ماتعبيليش روحك
ابتسام...يييه حبيبي والله اني نحبك
مجدي....مسكها من خشمها محلاك تكوني ماتحبيني ياروح
ابتسام....اننننن خمشي ابيبي
مجدي..ههههه يعد يده شن
ابتسام...قتلك خمشي ابيبي يعني خشمي حبيبي
مجدي...هههههه نجك لي هيا تبي الكوافيره
ابتسام...اها قلبي
مجدي...خليه الفستان تلبسي هنا
ابتسام....انتأخر هكي
مجدي...لالا تلبسي في الحوش اضمن
ابتسام...براحتك
مجدي...مسك يدها هيا صبي
ابتسام...صبت نلبس بس ونطلعو
#نورهان✍
ادم وصل هناء واصيله للكوافيره خذوه اصحابه عشان يحلق ويلبس ويديرولا جووو العريس كان لي اول مره يرتبك والفرحه مش سايعته
عبدالسلام...شن صار في كتفك
ادم...امورها طيبه
عبدالسلام...كيف امورها طيبه وهيا مخيطه توا تحشمنا مع بنت عمنا
ادم...راه نصبيلك يافرخ
عبدالسلام...هههههههه نبصر مش مفروض تفك الغْرز اليوم
ادم...بكره
عبدالسلام...توجع فيك
ادم...لا
حمادي...البدله حاجه صح
ادم...مش جديده علي من يومي حاجه صح
حمادي...صدق روحه هذا
ادم...قالك هه
عبدالسلام...شن كان صار لو ايهم كان بينا توا
ادم...شفله الله يرحمه من الصبح وهوا كأنه معاي ضحكته وبصارته في وذني
عبدالسلام....اي والله الله يرحمه
حمادي...الله يرحمه ويسامحه
ايمن...شن لمور عريسنا
ادم...مريقل
ايمن...كل حاجه جت علي راسي شيل ياايمن جيب ياايمن عدي ياايمن خليك ياايمن حتي هلي مافضيتلهم
ادم...تحملني اليوم بس
ايمن...ولا يهمك كلشي علي البركه يانصي
ادم...العقبالك الثانيه
ايمن...مكفيه وموفيا والله ماتجي عليها ضره
عبدالسلام....حيحيحيحي سمعتي ياهاجر
ايمن...شافله هههههه تصور انت
ادم...هههههه ختام الجوده
ايمن...عدل الكاميره سمعتي انتي الاربعه اللي محللهن ليا ربي ياام اعيالي
ادم...احتمال بعد تسمع كلامك تفك حتي اعيونها وتعطيهن لك
ايمن...يسلمن عيونها اعيون ايمن
عبدالسلام...حيحيحيحي
حمادي....يصفررر
ادم...ههههههه
ايمن...ههههه دف الكاميره خلاص عاد انا مروح للحوش ناخذهم نحطهم في الصاله ونرجاكم غادي شاف للمربوعه عارفكم مش حتقصرو معاه
الشباب...كون هاني
ايمن...انتلاقوا طلع...
#نورهان✍
فرح...تشوف للمرايه حبيبي حلو فستاني ومكياجي
عبدالله...قرب باسها علي كتفها مصمم لك
فرح...بييييده بدون مجاملات
عبدالله...حضنها من لورا والله تهبلي يافرحت دنيتي
فرح...رفعت راسها حسيتك متضايق
عبدالله...لااا حد يشوف السماحه قدامه ويتضايق طبس باسها علي رقبتها
فرح....نموت فيك
عبدالله...نمشو
فرح...اها حبيبي اكيد هنيوا طلعت
●●●
هنيه...تلبس في خيمارها مشعارفه ليش مابش يتعدل
إسلام...براحه هنيوا قرب يعدل فيها لها
هنيه...نجك ليا ايوا هكي
إسلام...رفع الخيمار اسمعي اوعديني
هنيه...علي شنو حبيبي
إسلام...ممنوع الرقيص
هنيه...نقدرش
إسلام...معناها مافيش مشي
هنيه...هههه فرح تؤمي وتقول مافيش مشي انا فرحانه بيها وتقولي مافيش رقص واجد هكي حبيبي
إسلام...بطنك قدامك تضري اللي في بطنك
هنيه....ماتخافش عليه
إسلام...هنيوااا
هنيه...عشانك مش واجد
إسلام...لاااا مافيش رقيص فستانك طويل مرات يلقطك وطيحي
هنيه...توا نرفعه
إسلام...لا إله الا الله قلت لا
هنيه...تمام حبيبي
إسلام...وعد
هنيه...وعد
إسلام...بشنو
هنيه...نرقص اشوي عارفني نتحملش صوت الدي جاي بعدها نحنا جايبين حنان لعريبي وعيت عمي حمزه المحجوبي يعني حتي اللي علي الطولات مش حيقعدن
إسلام...تسير فيك حاجه مش حنسامحك
هنيه...قربت بساته في فمه شفتله قول استودعتك الله وحنكون في حفظه انا وجنينك
إسلام...البوسه هذي مش حنرحمك في ليل غير توا طالعه بس
هنيه..هههه ناعلي ناا
إسلام...فتح باب الشقه راجي
هنيه...شن حبيبي
إسلام...صكر الباب مسك يدها انتي حامل مرات تلتقطي في الدروج
هنيه...ههههه خايف عليا ولا علي اوليدك
إسلام...هههه خايف علي امه اللي حملتلي بيه
((فستانها كان احمر طويل كت علي جنب عريض امبوج كعب اسود مكياج خليجي
تسريحه علي لوطى وخصلات نزلات طاقم شبكه ودبله والمحبس))
عبدالله...شاف ل فرح
فرح...هههه هنيوا
هنيه...وقفت شفتلها مازالتي قاعده توقعتك مشيتي
فرح...مسكت يد عبدالله اللي سرحان توا طالعين انتلاقوا
إسلام...رفع يده انتلاقوا نزل وهوا ماسك في يد هنيه وينزل فيها مالدروج بشويا
فرح.. هيا حبيبي
عبدالله...هه شن ورانا هيا
فرح...عرفت عبدالله جوه خرب رفعت الخيمار بيدتي خايفه نطيح شن اندير للفستان
عبدالله...شفلها نرفعه لك لعند م تنزلي
فرح...هئه حبيبي
عبدالله...شن اندير
فرح...مش خالتي ويه وخالي عدو
عبدالله...اها
فرح...إسلام وهنيوا عدو
عبدالله...ميل راسه يعني
فرح....رفعت الفستان بالعبايه شيلني لعند م ننزل م الدروج
عبدالله...مجنونه رسمي
فرح...انت مجنني
عبدالله...رفعها بين ايديه وينزل بيها
فرح...بساته علي خده اممم عليك بوسه شمحهه شمحهه
عبدالله...من سماحتها خاطري نرد بيك وننعزل بيك عن الدنيا كلها
فرح...ساعات وبعدها ننعزلو عن الدنيا كلها
عبدالله...نزلها شن يمشي الساعات هذين
فرح...بسرعه مايمشن
عبدالله...ليله صباحي
فرح...مش خساره فيك
طلعو لصاله
((فستانها كان طويل كم جيشي شمواه فتحه من الصدر وفتحه لحد
الفخده كعب اسود شعرها تسريحه بسيطه علي لوطى سلسه نازله لصدر دناديل ساعه ودبله والمحبس))
