#جبرني_الوقت⏳
#الحلقه_الثالثه_عشر
بقلمي✍ #نورهان Ñř Ŕóhã
أزهِـرُوا دواخلكم، امضوا وأنتم تُحبون الحياة..💫
((ماهنتوش عليا نخليكم بدون حلقه🥺))
●●
هناء..وقفت الاغنيه من يبي يجينا توااااا مننننن
الباب..طقطقطقطق
هناء...قربت مننننننن
الباب..طقطقطق
هناء...من يبي يجينا توا فتحت الباب تشوفله ااااا انت توخر في راسها من الباب
ادم...دفها بكف يده ع وجها جواااا
هناء....ااي وجهي ياحيوان نزل يدك
ادم...هكي انتي اللي يطق تفتحي وطلعي راسك لشارع وخلاص
هناء....شن مالك شن مالك ااااا عمتي
حواء...خليها عنك مرحبا ب هنو
هناء....تسلم عليها هذا ويين نور حوشنا انستينا
ادم...عليك كذب
هناء....هههه رفعت المكنسه وخبطاته بيه اطلع برا
حواء...هههه تستاهل قعدين
هناء...اها وين البنات مش معاكي
حواء...توا يجن في ليل عندهن لمه
ادم....عمي قاعد
هناء...شفتله بنظره ع جنب وردت ل حواء مرايفه عليهن شخبار عبسي وحمادي
ادم...كرها من شعرها نحكي انا جو الحوله مش علي ادم
هناء...هههه شعري عنبوك باهي شافت لحواء ااااا قصدي حرام عليك ادم
ادم....ينعن شن
هناء...شكلك
ادم...شعرك انطيره من راسك فكيني من قل السمع
حواء...فكت يده امشي روح شعر البنت
ادم....تبيلهن مجلس تأديبي
هناء....الغلط م نغلطوش شن دخلك بينا غير طبقه عليك مجلس تأديبي قبل
ادم...قرب منها رد مسك شعرها تبي صكرفمك ولا
هناء....ادم خف يدك والله حسيت حاجه طقت في راسي حول يدك عمتتتتي
حواء...فكت يده خطاها وانت حاط راسك براسها نكملها حز بينكم
فاطمه...منو اللي ع الباب هنو
هناء...تعالي ياامي فكيني منا
فاطمه...منو تنزل من الدروج
حواء...طلعت عليها
فاطمه...ياربي مرحبا نور حوشي
حواء...منور بهله بدن يسلمن
ادم...فك يده وين امينه
هناء..راقده يابارد خزي شعري يوجع فيا
فاطمه...تفضلي جوا نسلم علي دومي
هناء...بارد
ادم...انخرب فصيلتك توا
هناء...وجها حمررررر تقدر انكلم باتي بعدها
فاطمه....عركه اخري
ادم....خير فطومه لاشي نبي انأدبها
هناء...فكت شعرها طاح لنهايه ظهرها لفاته كله فوق وديني وإيماني ياادم اللي مايقدر عليك غير ربي لوتقرب شور اشعري نعيط ل باتي
ادم...قرب منها
فاطمه...ههههههه مسكاته خلاص خلاص وانتو ماتملو
ادم...لانبي نعرف شن تبي ادير
هناء...بدت اتسيق خلاص خطا وجهي نبي انكمل
فاطمه....خش دومي جوا
ادم.... عندي شغل انجي في ليل
هناء...وخر كرعيك نبي انصب اميه
ادم....مش موخر اتجي نقطه علي ادبشي نهارك اسود
هناء...اميييي
فاطمه...هههه ماتصبيش عليه اميه
هناء....مسكت سطل وبدت اتصب بشوي وتشوفله
فاطمه...انا خاشه لحواء خشت
ادم...شاف ل هناء يبي يطلع مهزبه
هناء...لااااا زودتها ادم افندي لعند هنا رفعت السطل هب باقي الميه عليه وطلعت تجرررري لجية الكوجينه
ادم...شهق من الميه اللي جاته وطلع يجري وراها
هناء....طقطقطقطق امينه ابتسام حلنن البااااب بسرعه
ادم....جا مسكها من شعرها ويجر فيها
هناء...والله اسفه خلاص ياباتي تعال فكني منه
ادم...لوجبتي من والله مافاكك مني حد
هناء...والله خلاص شعري يدك واعره
ادم....فتح الشيشمه وخله راسها تحت الشيشمه
هناء....ادف فيه ترفع في راسهااا مش قادره انتنفس وخررر
ادم....مسك السطل عباه الميه وهب عليها
هناء...تشوفله تمشي بشويش خايفه اطيح امنوووور ادم قعمزت علي الدروج اتقاطر اميه هذي جلطه نشوف فيها قدامي
ادم...عزق السطل عنك ماتروحي احترميني كلمتي ماتجيش اثنين
هناء...اننننننن احترميني كلمتي ماتجيش اثنين وجه البومه
ادم...مسك شعرها تبي اتصكري فمك ولا
هناء...تبكي قتلك اشعري يوجع فيا كنك انت يدك واعره
ادم...تبكي جديات
هناء....خطاني ياادم ليش مادير فيها ل هنيه ليش انا
ادم....هنيه السانها مش طويل
هناء....ترعش من الصقع وتبكي
ادم...صبي ديري قهوه علي ماقب ادبشي
هناء...اطلع برا نين انخش باهي
ادم...عليش
هناء....مش ضروري تعرف
ادم...عشان ادبشك لصق عليك
هناء...فنصت فيه لاااااا متوصلش لهكي عاااد وقاحه
ادم....هالمره طاير في يدي
هناء...ايديها علي راسها خلاص والله خلاص قتلك يوجع فيا
ادم....صبي باه
هناء...يييه انسيت المضخه
ادم...وين البريزه
هناء.. فم الباب
ادم...مش قبل كانت جوا
هناء...حولناها برا
ادم...وخر مشا شور الباب
هناء...خشت جوا تجري طول للحمام
ادم...مافيش ابريزا هنا وين بضبط برا بكل هناء انتي يافرخه نحكي انا قرن حواجبه انكسر راسك جا لقا غير مكانها المبلول ههه خش سلم علي حني امينه
●●
امينه...بيسو هيا عمتي حواء جايه متعشيه عندنا
ابتسام...جسمي متكسر مش قادره انصبي
امينه....هذا كله لأنا م رقدناش
ابتسام...اتكسل معاها البنات
امينه...لالاقالت ايجن بعدين
ابتسام....صبت الحمام في حد
هنيه....اها هناء ادير في حمام ناخذلها في دبش
امينه...مش امبدري دارت
هنيه...عباها ادم اميه
امينه...هههههههه م يملش بكل
هنيه...انوديهن لها ونجي انطلع بيتزا وسندوتشات من الفريز انصخنهن مع الشاهي
امينه...اندير عصور انا
●●●
فاطمه...والله هذين البنات خاطرهن في بحر
حواء...باهي مش غلط يغيرن جو
فاطمه...مشا معانا ايمن عمران قالي صالح وهله مش ماشيين
حواء...اختي راجلها داير عمليه مشينالها
فاطمه...الجيات اكثر
حواء...انشالله
فاطمه...اشرب دومي
ادم...فاتح تلفونه ويشوف شافلها شن
فاطمه...القهوه صقعت
ادم...صكر التلفون اها رفع الفنجان ويشرب
ابتسام.. مرحبااااا
حواء...ياربي مرحبا ابسومه صبت تحضن فيها كيف حالك يمي الحمدلله علي سلامتك
ابتسام...الله يسلم كيف حالك ياعمتي
حواء...الله يسلمك شن دايره توا
ادم....كيف الجن مافيها شي
ابتسام...التفتت مدت يدها ههههه كيف حالك دومي
ادم...مسك يدها وضغط عليها
ابتسام....اااااا طح اسعدك صوابعي تفترشن امييي
فاطمه...ههههه خلاص دومي من هناء ل ابتسام
حواء...خلاص ماهناك لا شي ابتسام
ابتسام...اه قلتلك ماهناك لاشي انا
ادم...ضحك ع جنب وخفف يده رفع حاجبه معش اديري اللي درتيها
ابتسام....تشوف ل يدها وااااك علي توبه فترشت ايدي
ادم....وجك هي مانبيش نشوفه
ابتسام....عمتي قوليله يخطاني وين نبي نقعد امرايفه علي عمتي
حني امينه... بلكي اتخطاهن يا ادم كنك معاهن
ادم...تبيلهن مجلس تأديبي ياحني
حني امينه..حشاهن مربيات
ادم...السان بس
فاطمه...ههههه نمشي انوعي عمران هوا اللي يحلها
ادم...اللي في راسي انديرها
ابتسام...ادم انا مريضه سكر يرتفع فجأة
ادم...هاالسكر اللي وضيتينا بيه هالله العظيم
ابتسام.....هههههههه حقييير
ادم...هه علي مين علي ادم صالح
حواء...هههه ماعندك علي من اتحايلي
حني امينه...هههه خلاص ي ادم خلي البنات في حالهن
هنيه...شن داير في توميتي انت
ادم...كف يعدل كلامك توا
هنيه...قصدي اختي تبكي منك قالت طير اشعري فيده
ادم...ماتسمعش في الكلام المره الجايه السانها مش شعرها
هناء...خشت بالله عليك فوتني شخبارك ياعمتي
حواء.. اخبار الخير شخبارك انتي
ادم...يشوف ل لبسه هناء سرح فيها كانت لبسه توته استرتش عنابيه ساده فيها قلب ابيض كبير جيه الصدر طول الجاكه نص الفخده راسمه جسمها وشعرها المبلول اللي علي وجها ترفع فيه وبنة العطر اللي جذبت ادم
هناء.. حني ديريلي ضفيره جت عينها في عين ادم كنك اتبحت
حواء...خلاص ادددم
ادم...مزلتي تحكي انتي
هناء...مادخلكش نحكي نسكت ننشل مادخلكش كون في روحك
ادم.. صبا يبي يضربها
هناء.. يييه قعدت ورا ارداء حني امينه رميت عليك ياحني يييه يييه
حني امينه....افتحت ايديها رميه خلاص ماتقربها
عمران...من يبي يضرب بنتي
ادم..شافله خير عمي
عمران.. سلم عليه خير ياباتي كيف حالك
ادم...تمام الحمدلله
عمران.. كنك مع بنتي ياادم نسمع في صوتها من جوا
ادم...ماتسمعش في الكلام
هناء...طلعت من ورا حني امينه جت جنب عمران ياباتي اسمعني مكرهني في حوش حني كل م نجي يكرني من اشعري توا بعد فتحت الباب اول حاجه استلمها كرني من اشعري
عمران...لااا ياادم شعرها لا
ادم...طلعتلي اتسيق ياعمي في الشارع
هناء...كذاااب شافت ل حواء اللي تضحك عمتي حواء لقيتوني في الشارع
عمران....ها ياحواء
حواء...لاوالله كلمه الحق تنقال
ادم....هيا فتحت الباب
هناء...اسفانين كنا انديرولك باب توماتك اطق يفتح ابروحه
ادم...قرب منها
هناء...ييييه قعدت ورا عمران ماسكه في سوريته شفت ي باتي يبي يكرني من اشعري
ادم...هالمره السانها تسكت خير
عمران...خلاص هنوني انتو لاثنين تعالي قعمزي انتي وانت ياادم معش اتكرها من شعرها
ادم...يشوفلها والله انوريك
عمران...اتحلف فيها قدام بوها
ادم...ياعمي ماتشوفش في حركاتها المستفزه
عمران...تريحي ياهناء
امينه..خشت بالسفره معلبات تعال ياباتي
ابتسام...حطت سفره قدام حني
عمران...تعالي معانا ياهناء
هناء...لافكني منا
ادم...اتقدم معانا وجها انخربه لها
عمران...لا اله الا الله
هناء...والله انقدم باهي جعانه
عمران...تعالي معاي
ادم...هناااء
عمران...خلااااص ريحوني وين صالح
حواء...هههههه احم احم
ادم...صبي عاطي امي اميه
هناء...صبت عطك ايش ياادم شرقت امك
ادم...ياكل
هناء...هاكي اميه
حواء...تشوفلها وتضحك اشربت
هناء.. عارف سديت نيتي نمشي ناكل جوا خير
ادم...اربحي
حواء.. لاجاي بعدين معاه البنات
عمران...خطرها وينهن البنات نحسابهن جوا
حواء..لاصحباتهن ديرات لمه مشن قالن انجو بعدين
عمران.. باهي باهي
فاطمه...تصب في شاهي انستينا ياحويوه
حواء...بوجودكم والله
امينه..تاكل اممممم دومي خطرها وين عبسي
ادم...عنده مباراه
امينه...جيبه امراااايفه عليه وحمادي
ادم...ماسك محل توا
امينه...نجكم لي راك تنساهم
فاطمه...غاليين ع عبدالسلام كان ديما معاهم
الكل....الله يرحمه
فاطمه...ربي يفرحك بيهم ياحويوه
حواء...اللهم امين
ادم...صبا نمشي انا
فاطمه...وين
امينه...خليك
حني امينه....وين ماشي
ادم...مواعد صاحب توا انجي
فاطمه...نرجاك بالعشاء
عمران...اكيد ح يجي
ادم...انشالله الكاس فيه اميه
عمران...شافله لالاعدي يابسومه
ادم...كملي اوكالك كبايه نشربها وطالع خليكم صبا للكوجينه
فاطمه.. اسمعو اصوتهم
حواء...بكل
امينه...من وهم اصغيرين هك
هنيه...انا مايقدرش ايجي شوري بكل لاني كل حاجه نعم وحاضر
الكل..ههههههه
عمران...الخوف اكويس
هنيه...بعد يلوي اليد خلاص
حني امينه...واعر بسلامته ادويمي
●●●●
هناء...فاتحه باب الكوجينه لي ع الحاجر واقفه عليه دايره سندوتش تاكل وجها للحاجر وحاطه السمعات تسمع في'' يرجف قلبي''ومعليه الصوت وسرحانه
ادم...يشرب في اميه يشوفلها ويشوف ل ضفيره اللي نهايه ظهرها يسمع في الاغنيه الله عليك جا كر منها السمعات ماشالله عليك
هناء...ياااااابااارد صبيت من يلاك عشان مانبيش انتعارك معاك عليش جيني خطاني
ادم...كر السمعات
هناء...تشوف ل تلفون اللي في صدرها طلع من الجاكه التوته وتشوف لي ادم
ادم...ماسك السمعات يلوي فيهن صار يرجف قلبي
هناء...هات السماعات
ادم....رفع حاجبه مش عاطيهن
هناء...ادم خلاص تعبتلي نفسيتي كنك معاي انت
ادم...هك ادوارت حس
هناء...ربي يشفيك ويلهيك عني
ادم...تحقي فيا مختل عقليا تدعيلي بالشفاء
هناء...ضحكت شفتله اسفه
ادم...يعني
هناء...والله م قلت شي شن تبي مني وحاضر
ادم.. تحترميني تكوني مُطيعه معايا
هناء...انطيع امي وباتي انت من عشان انطيعك
ادم...هناااء قرب من شعرها
هناء...عارف يادومي يومتها جت ابنيه تقرا معاي تسأل عليك
ادم...وخر انا
هناء...اها اسمها نذكر شن اسمها انسيته قلتلي ادم علاقه 5سنوات معاه وسيبته جايه تتعرف عليا قلتلي ادم قالي تعرفي عليها
ادم...انا
هناء...تاكل في السندوتش انتتت ادم صالح
ادم...بكرا عندك جامعه وريها ليا البنت
هناء...امممم شفتله بكرا مش ماشيه
ادم...السبب
هناء...امممم هكي
ادم...اهااا
هناء...عطيني السمعات
ادم...اعيونه في اعيون هناء ويقطع فيهن بيديه
هناء...لاااااا سمعات اجدد عطك كحه اتقطع كبدك كيف التقطيعه هذي باهي ياادم
ادم...اتجري فيا بالكلام تي انا علاقه عمرها م تمت شهر تقولي خمس سنوات هالكذابه
هناء...ينعلي قهرتني فيهن باهي
ادم..كر من يدها السندوتش وعزق عليها السمعات خلي قلبك يرجف علي حيل حيله مني انا توا
هناء...باهي سندوتشي عطك سم باهي
ادم...طعمته سمحه غمزلها ممكن لانك انتي ديرته هه طلع وسيبها جامده في مكانها
●●●
فات الوقت جا عمي صالح ومعاه بناته اسراء واصيله
صالح...ياربي مرحبا خذاها بالأحضان
امينه...حاضنته وخرت تبوس في يده وراسه كيف حالك ياعمي
صالح...مسكاته العبره الحمدلله علي كل حال
امينه...معش مسكت ادموعها بعد شافت عمها صالح وكيف يحضن فيها تسلم علي اسراء واصيله ودموعها ينزلن خشت للكوجينه
ابتسام...ماسكه سفره العصير شن فيه
امينه....رفعت ايديها بخيبه شي
ابتسام...خشت لدار اتضيف فيهم
اسراء...كيف حالك بسومه
ابتسام...الحمدلله لكن وحشه
اصيله...والله ونحنا اكثر
هناء...كنكن م تجن
اصيله...هذين اللي يخشن طب يقطعن علي العالم
الكل..ههههههه
ايتسام...ريي يوفقكن
اصليه..تشرب يارب
●●●
فاات الوقت تعشو وبدن البنات يغسلن في االعوايز
هناء...تمسح في الغاز
هنيه...حطي فحم بعد اتكملي
ابتسام...ارفعن الفرشه انسيق
اصيله ...والله كان خليتنا نغسلو
امينه...لاوالله قعدين نحنا
اصيله..شن امورك منى
امينه...ماشي الحال
اصيله...مش مفكره
امينه...عطيتن شاهي ل عمي
اصيله...فهمت اسكتت
ابتسام...اها عطيناهم وغسلت الطاسات
امينه..نشوف حني نقصتها حاجه عدت
اصيله...طبعها قاعد غريب
ابتسام...اصوله امينه من يوم وفاه ايهم وهيا هكي
اصيله...ايهم الله يرحمه تشوف حياتها كيف الورده مازالت اصغيره
ابتسام...تقولي قدامها الكلام هذا تزعل منك
اصيله..حتي امي وجعتها حالها بصراحه قالت تشوف نصيبها
هنيه...لو ربي كاتب نصيب اكيد حيصير
اصيله...انشالله يارب
مجدي...واقف برا مسك تلفونه ورن علي ابتسام
ابتسام...خشت لدار الو حبيبي
مجدي...روحه
ابتسام...رايفت عليك اجودي
مجدي...اليوم ماحكيناش صاح
ابتسام...بعد الصبح خلاص
مجدي....نجكلي انا اللي امرررررايف
ابتسام...ههههه نجكلي
مجدي...حبيبي من فيه جوا
ابتسام...عندنا
مجدي...اهااا
ابتسام...عيت عمي صالح
مجدي...عمك بروحه
ابتسام...لامعاه ايهم ييييه الله يرحمه قصدي دومي وعبسي وحمادي
مجدي...دومي
ابتسام...ادم حبيبي
مجدي...تمام ابتسام
ابتسام...هكي نقولوله حبيبي
مجدي...مادلعيش د.....
ابتسام...تمام روحي
مجدي..ناسيه انا محجرك
ابتسام...حكالي امبدري قالي حجرت عشان يوسف مستحيل اصلا دومي قصدي ااااادم حبيبي
مجدي...حكيتي معاه
ابتسام...اها حبيبي زعلت
مجدي..تحكي مع طووووووووط
ابتسام...اخر مره خلاص حبيبي معش اتسب
مجدي..انا اللي ال...... اللي مازالت م حليت امها اوك صكر في وجها
●●
فات شهر كامل ⏳....مجدي مايحكيش مع ابتسام وابتسام تبي اتموت علي استكراده لها فرح بدت تطلع كل عشيه مع امينه لسوق كل مره جايبه
حاجه عشان البتات
ابتسام...كانت اتصلي ونفسيتها صفر
هناء...مازال مقفل
ابتسام...مازال ويروح من ليل ل ليل معش يجي واجد هنا نبي انفهمه بس
هنيه...ياريتك مسكتي السانك
ابتسام...ياريت اوووف ايامي بدونه مالهنش طعمه امينه وفرح جن
هناء...صوتهن شكلهن جن
عمران...ابتسام
امينه...خشت لدار فرحانه اجري اجري يبيك باتي
ابتسام...انشالله خير شن فيه
امينه...عدي بس
ابتسام..حولت املايه الصلاه وطلعت نعم باتي
عمران...تعالي معاي
ابتسام...شافت وراها شن فيه
فرح...فرحانه عدي عدي
عمران...خش للمربوعه
ابتسام...نعم باتي شن فيه انشالله خير
عمران..خير انشالله قعمز
ابتسام...قعمزت ترجا في باتها يحكي
عمران...لي شهر في هالمعناه
ابتسام..شن فيه باتي
عمران...انا باابتسام كل مره جايني واحد جارد عليا
ابتسام...عليش ياباتي عليش يجردو عليك
عمران... مجدي ولد جيرانه كل مره دازلي واحد يبو يردو اخري
ابتسام...ابتسمت وختفت ابتسامتها مش صكرت علي الموضوع هذا
عمران...بعد اللي درتيه صكرت لكن اليوم يابااتي جاني راجل كبير في العمر وعيب انرده
ابتسام..منو
عمران...شيخ قبيلتهم
ابتسام...قلبها يبي يطير من الفرحه
عمران...نلقاني مانبي انرده ياباتي شوفي روحك
ابتسام...يوسف ادم
عمران..حكيت مع ابراهيم قالي مصرحينها وادم كنت عندهم توا وانا جايب البنات قالي ياعمي ابتسام هي اختي مانفكر فيها بكل خربت علي ولد خالها كيف ماخرب عليها
ابتسام..يعني
عمران...دزيت علي مجدي قالي توا انجيك نبي نقوله مرحبا بيكم ها شن قلتي يابسومه
ابتسام... الراي رايك
عمران...مبروك عليك
ابتسام ...صبت خشت جوا
امينه...وحقالله حكاها لنا في السياره
هناء..يارب انشالله
ابتسام.. خشت ترقص في الدار فرحانه نبي انطير يابنات فرحانه واخيرا حنكون له
البنات...يضاحكن علي حركاتها
امينه...حضنتها ربي يكمل عليكم
ابتسام.. حضنتها يارب يارب
هناء..يارب اتم الفاتحه علي خير
ابتسام...يارب يارب بس ليش مقفل هوا
امينه...بعد يطلع من باتي توا يفتح تلفونه كان يجرد في العرب مش فاضي للكلام يبيك معاه
ابتسام...حتي وانا زعلانه منه بس نجكككككك لي كبيدتي ياهووو
البنات..ههههههه
●● #نورهان✍
جا مجدي وقاله عمران مرحبا تعالو
مجدي...بكرا اندز الرجاله
عمران...مرحبا بيكم
مجدي...صبا
عمران..كمل قهوتك
مجدي...لاصحيت نمشي نحكي مع باتي وعمامي
عمران...كل شي ع البركه
طلع مجدي لحوشهم
سعده....خششتي الدبش
حنان...اها خششتا
مجدي...اميييي
سعده...تعال امي في الدار
مجدي...خييير
حنان...اهلين
سعده...خير مرحبا تعال قعمز جيبي قهوه لخوك
حنان...هيا
مجدي...لالاشربت مانبيش باتي وين
حنان..باتي في الحمام
سعده...انشالله خير.
مجدي...خير خير نبيهم بكرا يمشو لعمي عمران يخطبولي ابتسام من جديد
سعده...البنت تحجرت
مجدي..حليت قصه التحجيرة وقالي مرحبا عمي عمران
خليفه...نمشو علي كيفه نحنا عمران مش ماشي انا دور من تأخذ .............#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الرابعه_عشر
#نورهان✍
