#جبرني_الوقت⏳
#الحلقه_التاسعه
بقلمي✍ #نورهان Ñř Ŕóhã
حاربي من أجل أحلامكِ و لا تلتفتِي لأحد يقلل من شأنها فالذين يسخرون منها اليوم سيكونون في الغد ضمن طابور المصفقين👌
●●
عايشه.. هيا بنات بسرعه نبي نحط باتك توا يبدا يهزب
عمران.. خش للكوجينه مافيش داعي اتكملن عدو الرجاله
البنات..يشوفنله
فاطمه....كييف
عمران....ابتسام حجرها يوسف.
فرح...طاحت منها كبايه اللبن
هنيه..تشوف ال كبايه اللي طاحت كيف تكسرت
فاطمه...يوسف يوسف ولد خوي ابراهيم
هناء&هنيه....ايديهن علي فمهن
عمران...مااتسمعنش في الهرجه طردته برا خش علينا في المربوعه قللهم ماعندناش بنت نعطوها محجرها
امينه...شن خطرله وين قاعد والله نطلع نخرب فصيلته
عمران...طردته كسفني مع الرجاله وجيران
ابتسام...واقفه فم الباب وترعش كيف عدو
عمران...شفلها ولد خالك حجرك يوسف
ابتسام...شافت ل امها وامينه وطاحت
امينه...جتها تجري ابتسام
هناء...حقير خرب عليها فرحتها
امينه...جيبيلي اميه وسكر وشوي ملح
فرح...ترعش وتبكي هي هي
عمران...يرفع فيها ابتسام
ابتسام...بدت تفتح في اعيونها وتسكر
فرح...هاكي
امينه...خذت منها الكبايه اشربي اشربي
ابتسام.. تشوفلها
امينه...تشرب في ابتسام
عمران...لاحول ولاقوه الاباالله طلع من الحوش بكل
فاطمه...قعمزت علي الكرسي حد يفهمني
امينه...صبي هيا معايا لدار
ابتسام....صبت مازالت في وضع الصدمه
فرح...ماسكتها هيا
امينه...شافت ل هناء وهنيه لمن الحاجات اللي هنا
ابتسام...دارها الحقيير
امينه...اشش خلاص هيا خشتها لدار قعمزتها علي الكرسي
ابتسام....انهارت امينه دارها حرمني من فرحتي وردهم خايبين كيف ماقال
امينه....حضنتها اشششش خلاص توا اتشوفي كيف اتصيب وهوا اللي يخيب بما اني انا في ظهرك
فرح...تمسح في ادموعها نمشي نشوف البنات
امينه...عدي وصكري الباب وراك
فرح...طلعت ودموعها علي خدها
ابتسام..دارها يامنى دارها
امينه...القرار انتي اللي تقرريه ماحد ح يجبرك بعد يجي باتي قوليله يوسف مانبيش عليش يحجر في
ابتسام...تبكي تبكي محروقه من جوا كسفوهم
امينه...كل شي ح يصلح وقفي ابكا
ابتسام...ردت الرجاله واعره
امينه...ماتفكري في شي
.....في الكوجينه
فاطمه...ابتسام اكويسه
فرح...عديلها ياامي
فاطمه...والله كرعي ماشيلاتني
هنيه...ولا انا
هناء...امي حني تبيك
فاطمه...صبت وردت قعمزت كرعي مرقدات
~~~
في حوش جديد اول مره انزوروه حوش هل مجدي
اب مجدي خليفه...يردونا نحنا ننردو مجدي ويييين مجدي وييين
وسام...طلع ايروح في ليل
سعده...مش بيدهم غير وسع بالك
خليفه...خوتي يردو بشناباتهم رجاله اكبار اشيوخ يردوهم
وسام...غير فهمنا عمامي روحو مافهمت شي من محجر من
خليفه...خش ولد خالها للمربوعه حجرها
وسام...وين كان ولد خالها توا كيف وصله ضي
خليفه..شن عرفني قول الخوك ينسا الموضوع من بكرا نمشي نطلبله بنت عمته مبروكه بنت اخلاقها عاليه
وسام...كل شي ح ينحل اي بنت عمته
خليفه...كلا انا وعلي
سعده....طاحت عليه ماتحلفش معش تمشي لكن ماتحلفش
خليفه...طلع وسيبهم
حنان...تيكي قصدكم خربو عليهم
وسام...هكي شكلها ياحنونه هه بنت عمته ريت انجلينا اللي يحكي عليها عرق الحن يطق عند باتي اهم شي الاخلاق معش حد يدور فيه
احمد...والله لولا عمامي راهو بوني يلقا روحه في العنايه بوني بس
سعده...لاالله يربحكم مانبيش مشاكل اكيد في حل
احمد...شفتي كلام باتي توا
وسام...المشكله مش هنا بعد يعلم مجدي
احمد...حقه حقه خليه يدافع علي حاجته وانا معاه
وسام...وراثه شكلها انحق في سيناريو حياتك ينطبق علي مجدي
احمد..ياريته حتي دامتلي الله يرحمها لكنت دافعت عليها لاخر يوم في عمري خنقاته العبره طلع
سعده...الله يرحمها ليش اتذكر فيه
وسام...الله يرحمها مش خاطره علي
حنان...نرن علي ابتسام البنت عندها السكر
سعده...كلميها الله يربحك قوليلها كل شي له حل ماتزعلش روحها
حنان...اووووف مقفل
●●
حني امينه...ايش صار
فاطمه.. والله ياعمتي حجرها ولد خوي
حني امينه...ولد خوك وين كان توا كيف خطرله يخرب عليها
فاطمه....والله ياعمتي ماني عارفه بروحي حايره
حني امينه...ابتسام وين
فاطمه..في الدار
حني امينه...عدي كلميها لي ولاتصغري
فاطمه...صبت هي هي
امينه...خلاص
فرح...اعيونك انتفخو نفسي علي روحك اشوي
هناء...متأكده مجدي مازال م عنده علم ح يدير اي شي عشان ماحد يخرب عليه
ابتسام...مجدي طالع مع اصحابه
فاطمه..طقطقطق فتحت الباب
امينه...شافتلها خشي امي
فاطمه...خلاص ياابتسام
ابتسام...شفتلها ماردتش عليها ودموعها ينزل
فاطمه..مشكلتك هذي تحلها لك حنك امينه انا مانقدرش انتكلم هذي بطني وهذا ظهري
ابتسام...كان مانحلتش
فاطمه...كان لك فيه نصيب تاخذيه
ابتسام...بس هذا حجر عاداتكم وتقاليدكم
امينه.. قتلك بما اني انا في ظهرك ماتكوني الا راضيه
~~~~
فات الوقت روح عمران مع ساعه9:34 ليل
عمران...ابتسام
ابتسام...شافت ل امينه
عمران...ابتساام
امينه...خليك توا نطلع انا
فرح...شكله متعقد
امينه...طلعت نعم باتي نحطلك اتعشا
عمران...ابتسام وين
امينه..في الدار
فاطمه...طلعت من الدار كنكم
امينه..ردت لدار باتي يبيك
ابتسام...ترعش شن يبي
هناء..يارب الطف
هنيه...وين كان
هناء...تحكي بشويش امبدري انظم في المربوعه بعد طلعته يحكي بالتلفون مع خالي ابراهيم
هنيه...يييه يييه مدرعن شن حكيين متعقد
ابتسام...طلعت مالدار نعم باتي
عمران...في حاجه بينك وبين مجدييي
ابتسام.. شفتله وطبست لا
حني امنيه..طلعت من الدار كنه صوتك عالي ياعمران اللي قدامي صالح مش عمران
عمران...خشي ياامي ل دار
حني امينه...لانبي نسمع شن مخلي صوتك عالي
عمران...ياامي انا اللي تنقالي انت تطلع مدرعن بناتك فيش اديرن من وراك شن وحاه ولد جيرانكم واصراره عليها
حني امينه...رفعت العكوز في وجه عمران ما نبيش نعرف من اللي قال هذا محرك الشر لكن بما انك ردت فعلك هكي مصدق اللي ينحكا علي بناتك امينه مربيتها انا عمرها مادارت العيب فرح ربتها صالحه ماشفنا منها الا كل خير ابسومه وتؤام بناتك مربيهن علي ايديك رد علي اللي قالك الكلام هذا جابه النصيب صيتهن بين الجيران ماجابنش من روسهن بعدها اسمع ياعمران وجعني كلامك في ابسومه وانت عارف ابسومه
ابتسام...تبكي تبكي بعبرتها
عمران....كان نعرف بنتي صاح اتوافق علي يوسف تثبت انا مش جايبته هي مجدي
البنات...شافن لي عمران بشهقه
ابتسام....يخذني ربي ولايخذني يوسف
عمران.. انا اتفقت مع ابراهيم الفاتحه بعد بكرا
ابتسام...معناها انتو مستغنين عني
عمران....تلفونك وين
ابتسام...شن تبي فيه بااااتي
عمران ...هاتي
ابتسام....مداته له
عمران...انا مانقعدش راقد علي ذاني ويوسف فاتحتك مقريه عليه
ابتسام...تنقرا علي قبري قبري ولاياخذني يوسف
عمران....بقو يده ضربها ابكف نين علم كلمتي انا اللي تمشي
ابتسام...ترعش وتشوف ل باتها اللي يشوفلها معش ردت عليه
امينه...باتي ابتسام ماتنضربش
حني امينه...ردت لدار
فاطمه...تبكي ليش تضرب فيها
عمران...خش لداره
ابتسام...خشت لدار ترعش
فاطمه...خشت وراها
ابتسام...نبي نقعد بروحييييي
فاطمه...حضنتها معلش هذا باتك
ابتسام...عمري اللي عشته عمره مامد يدا عليا بلعكس كنت انا المفضله من بين خواتي
فاطمه...حقك عليا ح نحكي مع ابراهيم
ابتسام...ماتخليش باتي يقرا الفاتحه ياامي مانبيش يوسف
امينه...واقفه تشوفلهن خذت تلفونها وطلعت
حني امينه...ياافريحه
فرح..هيا هيا جيتك ياحني
حني امينه...تلبس في ارداها كلمي ابتسام
فرح...وين ماشيه
حني امينه..كلمت ايمن نروح للحوشي
فرح..حني خليك معانا
حني امينه...لالالا مد يده علي ابسومه كلميها ليا تمشي معاي
فرح...ردت لدار ابتسام تبيك حني
ابتسام...شن تبي
فرح..عمي ايمن برا تبي تروح للحوشها
فاطمه...استر لالا ماعندها وين ماشيه
امينه...توا نشوفها
ابتسام...طلعت معاهن
حني امينه...ماسكه العكوز وترجا
فاطمه...وين ماشيه
حني امينه...للحوشي
فاطمه...وهذا حوشك
حني امينه...لالالامش حوشي عمران مبدل عقله
امينه..خليك حنييي
حني امينه...لالا هيا ابتسام
ابتسام...وين
حني امينه...تمشي معاي لعند باتك يرد لعقله
ابتسام...مانقدرش ياحني
حني امينه.. يومين ونجيبك عارفتك ماتقدريش تقعدي واجد
ابتسام...فكرت اشوي هوا بعد بكرا تنقرا فاتحتي علي يوسف تمام حني توا نمشي معاك خشت لدار فتحت شنطه حطت فيها حاجتها الخاصه ودبش ولبست وطلعت
فاطمه...امينه اختك
امينه...توا نمشي معاها خشت لدار حطت حاجتها في شنطه
ابتسام...شن اديري
امينه...ماشيه معاك
ابتسام...بس
امينه...قتلك انا في ظهرك
حني امينه...هيا ابسومه عمك برا
فرح...ماسكه شنطه حني امينه
ابتسام...طلعت معاها امينه
فاطمه..طلعت معاهن عينك من اختك
امينه..في اعيوني
عمران..ابتسام
ابتسام..وقفت مطبسه
عمران..خشي جوا مافيش مشي
حني امينه...طالعه معايا ان قلت باهي ولاقلت لا
عمران...امي وانتي وين طالعه بهدلتوني
حني امينه...مبهدل روحك بروحك مش اللي قالك دايره معاه عالاقه ولامدرعن شن يقلولها خلاص ابتسام طالعه معاي كان مابتش صاح نقول دايره معاه عالاقه لكن بعد قلتلها هيا معايا ماتكلمتش
امينه...قربت من ابتسام عنجد عالاقه ههه
ابتسام...ساكته
حني امينه...راجع روحك ياعمران راجع روحك اذكر شن درت عشان فاطمه خلي كل جيل يضحك ل جيله
عمران...ياامي
حني امينه...هيا بنات عمكن طولنا عليه
طلعت ابتسام وامينه وحني مع عمي ايمن
في السياره...
ايمن...قالو خربو عليك ههههه حرجانه مع حنك
امينه...بطل ايمن
ايمن.. لاحول الله
حني امينه...شوف الطريق مالك ومال الخبر انت
ايمن...ماقلت شي امي
امينه...خلاص بيسو
ابتسام...خذا تلفوني
امينه...توا تحكي معاه علي تلفوني بعدها شارعين بينا
ابتسام....تشوف ل طريق وتمسح في ادموعها
وصلو للحوش
امينه...انهويه اشوي
ايمن...حط شنطه حني ماديرنش عشاء توا انجيبلكن من برا
امينه.. ماتعبش روحك اكيد في حاجه هنا جيبلنا خبزه بس
ايمن...لالاابسومه زعلانه وحرجانه
امينه... ياايمن يامتاع هاجر بطل
ايمن...هههههههه اسكتي يافرخه
امينه..انت اللي اسكت
ايمن.. عمك يابت
امينه...ريت هالفرق السن اللي بينا خمس سنوات بس
ايمن...ينحسبن في النهايه عمك
امينه...حل عني كذا
ايمن...ابتسام
امينه...خليها عنككك
ايمن...ابسومه ياابسومه وينك
امينه...ايمنننن
ابتسام...نعم
ايمن...هيا معايا
ابتسام...وين
ايمن...للمطعم انجيبو عشاء
ابتسام...لالا ماعنديش نيه
ايمن....غير هيا بس
امينه...غمزتلها عدي معاه غيري جو بما انك لابسه
ايمن...نرجا برا
امينه...توا تمشي معاك
ابتسام...بس
امينه...ماتفكري في شي كل شي له حل
ابتسام...ماردتش عليها وطلعت مع ايمن
~~~~-
فات الوقت روح مجدي وقف السياره ورن علي ابتسام لقاها مقفل شاف للحوشهم ونزل اكيد علي الشحن نلقاني امرايف الزف وقت مقفل نزل وخش للحوشهم
رقا لدور الثاني
حنان...جيت
مجدي..لالامازلت برا شن تشوفي
حنان...حناطه
مجدي...وين نازله
حنان...انجيب باندول راسي يبي ينفجر
مجدي...جيبيلي معاك اميه وانتي راقيه
حنان...تمام انزلت كانت اتهرب منه
خليفه...طلع من الحمام
مجدي...وصل للباب الدار فتحه سمع صوت باتي مازالت واعي
خليفه..كنت في الحمام
مجدي...اها باهي تصبح علي خير
خليفه...وين كنت
مجدي...مع الجماعه كنكم
خليفه...اها باهي تعال نبي نحكي معاك
مجدي...سكر الباب
وسام...حول السماعات مجدي
مجدي...شن فيه
خليفه...موضوع عيت عمران صكر عليه
مجدي...سقم الطاقيه السبب
خليفه...البنت تحجرت
مجدي...شاف ل باته كيييف
خليفه...البنت بعد جينا نبو نطايبو خش ولد خالها حجرها
مجدي...لالا
خليفه..شن اللي لالا
مجدي..اكيد فاهم غلط
خليفه...هذا اللي صار كلا انا ماعاد اندير وجهي شورهم اللي ردو خوتي اشيوخ بشنابتهم
مجدي...ياباتي
خليفه...هذا اللي عندي تصبح علي خير ورد لداره
مجدي...خش لدار وطبق الباب بالقو
وسام...روحت
مجدي...ليش ماقتلي النم صاير هكي
وسام...ليش انت فاتح تلفونك
مجدي...يرن علي هناء ويمشي في الدار
هناء...راقده وجهازها هزاز
فرح...حبيبي اشوي
عبدالله...وين ماشيه
فرح...عطشانه
عبدالله...تمام حبي
فرح...صكرت هنااااء
هناء...وعت شكله يوم رعايش كنك كنك
مجدي...ردي انتي الاخره
فرح..تلفونك
هناء...كنه
فرح...يرن شوفي من
هناء...تبي اتشوفه رن مجدي ردت التلفون في مكانه
هنيه...ردي
هناء..فكيني من صوته اكيده جا
هنيه...خذت التلفون الوو
مجدي..ساعه عشان اتردي
هنيه...انا هنيه هناء راقده
مجدي...ابتسااااام وين
وسام..وطي صوتك ياراجل
مجدي...صكرفمك انت
هنيه...اااا عدت
مجدي..وين عدت
هنيه...حجرها يوسف ولد خالي وجا باتي قللها كلام واعر قللها كان مافي شي بينك وين مجدي اثبتيلي انا الكلام اللي سمعته عليك كذب اووافقي علي يوسف فاتحتك بعد بكرا علي يوسف بعد ارفضت قلتله ياخذني ربي ولاياخذني يوسف قاللها تكسري في كلمتي قلتله لا بس يوسف مش ح ناخذه ضربها بكف نين اصابعه علمن علي خدها خذتها حني معاها توا عند حني
مجدي....ينعن طوطوطوطوطوط
وسام....هااااي هااااي بنت اللي تحكي معاها
مجدي...كنها مقفل
هنيه...باتي خذا تلفونها
مجدي...عليش
هنيه...مش عارفه شن حاكيين علي ابتسام باتي خذا منها التلفون مرات يفتحه انت ماترنش عليها واصلا دايره التلفون رمز
مجدي...نبي نحكي معاها كيف نوصللها
هنيه...امينه عدت معاها
مجدي...دزيلي رقمها
هنيه...تمام
مجدي...صكر في وجها
فرح.. ييييه سمعتي الاسلوب
هنيه...بكل يخوف
فرح...دزيله رقم امينه
هنيه...هيا هيا
فرح...بيدا يرن الو
عبدالله...شربتي اميه
فرح...اه اها حبيبي
عبدالله..صحه
فرح...ع قلبك حبيبي
عبدالله..شن اديري
فرح.. شي
عبدالله...ابتسام امتي مروحه
فرح...مش عارفه احكي مع يوسف حبيبي يرد في كلامه ابتسام ماتبيش
عبدالله..من وانا في تونس كل اشوي يحكي عليها مستعد ايدير اي شي عشان تكون ملكه
فرح...ماتقدرش تحكي معاه خايفه لو تم فيها يوسف ابتسام ادير في روحها حاجه
عبدالله...لاانشالله خير انا والله توا نحكي معاه
فرح...تنهدت انشالله يارب
عبدالله...ماتزعليش روحك كل شي وله حل
فرح...انشالله يارب
عبدالله...القيت شقه للأيجار وتميت فيها
فرح...صاح باهي ماشالله
عبدالله...نبي نبدا انأثث فيها
فرح...ماتعبش روحك
عبدالله...اهم حاجه اول حاجه انركبها دار النوم اناااااااعلي
فرح...ساكته
عبدالله....هههههه خوذي وعطي معاي
فرح....مانعرفش انرد علي كلامككك
عبدالله...توا انخليك تحكي
~~~~
امينه...ارقدي
ابتسام...مش جايني نوم
امينه....مش واثقه في
ابتسام...اكيد واثقه
امينه...اندير المستحيل عشان اتمي ل حبعمرك خلاص قلت
ابتسام....مخنووقه صبت شافت وجها علي المرايه يد باتي معلمه فيا
امينه...تخيلي روحك طايحه
ابتسام....باتي مايجبرني علي يوسف لو عطاني الف كف مستحيل انوافق عليه
امينه...اص تلفونها رن
ابتسام...من
امينه...صكرت رقم غريب باهي شن كنت نحكي
ابتسام...علي كف باتي
امينه...اصلا تحسابي باتي مش واجعته وانتي عارفه باتي مايحمل فيك شي ممكن ضغط اللي صارله رن تلفونها منو هذا
ابتسام...كم الرقم
امينه...092♡♡♡♡♡♡♡
ابتسام..هذا اجودي فتحت الو اجووودي تبكي
مجدي...اسكتي ماتبكيش فهميني شن صار وليش مشيتي من الحوووووش ليشششش تطلعي
ابتسام ...دير اي حاجه حبيبي مانبيش نكون لغيرك
مجدي...مايقعدش يوم طق عرق في مجدي كان زفك راجل غيري غير اسكتي معش تبكي او روووحي للحوش
ابتسام...باتي ضربني وخذا تلفوني
مجدي...ساهل كله غير روحي ماتشغلينيش عليك نبيك قدام اعيوني
ابتسام...يومين ونروح بس باتي قالي بعد بكرا فاتحتك علي يوووسف
مجدي...ييييه عليا قتلك مايزفك راجل غيري اسكتي انرجا في الصبح نمشي نحكي معاه
ابتسام...شن تبي اتقول
مجدي...مش شورك انوضحله كل شي
ابتسام...روحت
مجدي...روحت من بدري قدام الحوش رنيت القيتك مقفل توقعتك في الروشن كيف كل مره لكن حوشكم هادي مافيش حركه علي الروشن بعد رقيت فوق حكالي باتي
ابتسام...اوعدني مانكونش لغيرك
مجدي...تحكي مع راجل مش عيل
ابتسام...حشاك من قولت عيل
مجدي...كوني هانيه توا ارقدي ماتفكري في شي
ابتسام...وانت
مجدي...حتي انا نبي نرقد
ابتسام...انحبك به
مجدي...نموت فيك
ابتسام...تصبح علي خير
مجدي..وانتي من اهله ياهلي
ابتسام...باي
مجدي..باي صكر
ورد لدار
وسام..صكر البلكوني
مجدي...خليه مفتوح
وسام.. شن صار
مجدي...مشيتها لحوش حنها عليييييش
وسام...بلعكس اتبعد علي الاجواء اللي هنا
مجدي..لاتبعد لانم تقعد قدام اعيوني
وسام...ربي يجمع بينكم
مجدي...امييين
وسام...شن تبي ادير
مجدي...نرجا الصبح يطلع نمشي نحكي مع عمران
وسام....كان رفضك
مجدي..انجرد عليه العرب
وسام...ههههه والله سيناريو احمد انشوف فيه فيك
مجدي..خطرها وين
وسام...عدا لشقته
مجدي...اها
~~~~~ #نورهان✍
صباح يوم جديد تحديدااا ساعه10
مجدي...نازل من الدروج يحكي مع ابتسام
ابتسام...قصدك باتي برا
مجدي...اها صكري
ابتسام..تمام
مجدي..رد التلفون في جيبه وطلع لشارع طول ل سياره عمران طق علي القزاز
عمران..سرحان
مجدي..طقطق
عمران..شافله نزل القزاز
مجدي.صباح الخير
عمران...صباح النور
مجدي..نبي نحكي معاك كلمتين
عمران...تفضل اركب
مجدي...لف وركب في السياره
عمران..شافله شن الكلمتين
مجدي...امس رديتو هلي
عمران...ردهم النصيب
مجدي...لامش النصيب
عمران..شن معناها
مجدي...انا ياعمي جيتك مالباب ماجيتش خربت علي بنتك في ميعاد رجاله لاني راجل الحركه اللي دارها اللي حجرها حركه عيل حشاك
عمران..وهو ناوي الحلال وبكرا الفاتحه
مجدي...يعدل في الطاقيه فاتحت شن هه
عمران...اختصر يامجدي انت في حاجه بينك وين بنتي
مجدي...ياعمي بنتك ماريت منها الا كل خير بنتك لاحكيت معاها ولانعرفها الا في النظره الشرعيه تربيه واخلاق واحترام مانبيش انفرط فيها ولامتنازل عليها
عمران..يعني
مجدي...بنتك نصيبها لي
عمران...ولد خالها
مجدي..نصيبه مش فيها
عمران...يده علي جبهته
مجدي...بنتك مكتوبه لي مش له وانا اللي جيت طلبتها و لاني راجل ماعطلتك جبت هلي ثاني يوم جيت نظره شرعيه ثالث يوم جوك رجاله اشيوخ ماينردوش
عمران...ماعنديش لك حل
مجدي..الحل انك ترفض ولد خالها خير مايسير شي مش ح يعجبه
عمران..تهدد في
مجدي..لا حشاك ياعمي نحكي علي ولد خالها يومك مبارك ونزل وصكر الباب
عمران...قعد واقف في مكانه
~~~~
حني صالحه.. استر يوسف
بدر...اها والله عيب يرد رجاله
حني صالحه...لاااعيب
بدر...والله ماعاد لقيت وجه ل عمران طلعت
رزان...ولد خوك مختل
بدر...عيب يابنت
رزان...بنت عندها السكر مش خاصها رعايش خطرله توا
حني صالحه...كلمه لي نحكي معاه
بدر...بكرا فاتحته علي ابتسام.
رزان...شن تحكي ياباتي
اروي...مستحيل اتوافق
حني صالحه...هذا زواج مافيش ابصاره ماتجبروش البنت علي حاجه ماتبيهاش
بدر...والمشكله ابراهيم مشجعه
حني صالحه...يييه يييه علي ابراهيم كلمهم لي نحكي معاهم
~~~~
هنيه...تبخر حوشنه فيه نسبه كأبه
هناء...بكللللل
فاطمه....ماني عارفه وين نمشي حكيتن مع امينه
فرح...حكيت معاها
فاطمه...ايش دايره اختك
فرح...قالت اكويسه
فاطمه...يارب حل المشكله هذي قبل كنا متريحين
~~~~
ايمن...يشرب في قهوه خلاص عاد يبو ياخذوك خوالك
ابتسام...ايمنننن
ايمن...هههههه اعصابك عليش منحره علي سي مجدي امس قبل نبي نخش عليك بعد عدو الرجاله انابشك
امينه...خلاص ايمن
ابتسام....انذكرك شن درت عشان هاجر
ايمن...ايامات في حاجه وحده تقدر تمنع الخطبه هذي كله
ابتسام.. فرحت شن هيا
ايمن....لالا انتن قليلات ادب حتي قولت عمي ماتقولن فيها
ابتسام..شنو هيا ياعمي
ايمن...انك اتوافقي علي يوسف وخلاص ههههههه
امينه...خبطاته ع كتفه هههههه
ابتسام....حنيييييي
حني امينه...اطلع يااايمن
امينه...مبردك
ايمن...هههه رن تلفونه الو اعويناتي
امينه...شافت ل ابتسام هههه
ايمن...صاح خلاص تمام باي تنهددد نجك لي
امينه...قلبك يبي يطير
ايمن...هجوري تبي تروح من هلها مرايفه علي عمكن
امينه...عليك قله ادب فيك باهي تحشم
ايمن...غير تحشمن انتن بسسس
حني امينه...شوفي الباب امينهه
امينه...الذكر اللي قدامي شن ايدير يصبي هوا
ايمن...كرها من شعرك علي اساس نخليك تطلعي تفتحي
امينه...يابااارد اشعري
ايمن...طلع فتح لقاه عمران
عمران...صباح الخير
ايمن...صباح النور بخوي الحبيب باس راسه
عمران..وخر من قدامي
ايمن...كنكم مش حاملين شي اخيوط ضي متلمسات
عمران..امي واعيه
ايمن...من بدري
عمران...يالله
ابتسام...طلعت للكوجينه
امينه...مقعمزه جنب حني امينه
عمران...السلام عليكم
امينه...وعليكم السلام
عمران...قرب من حني امينه باس راسها صباح الخير
حني امينه...خير مرحبا
عمران...ابنيتي وين
حني امينه...ماتبي تحكي مع حد
ايمن...بكل وجعتها ضربتك الكف
عمران..مادخلكش بيني وبين بناتي بسومه يابسومه
ابتسام...خشت شفتله ادموعها ينزلن نعم
عمران...حضنها سامحيني ياباتي
ابتسام.. تبكي مش زعلانه
ايمن ..من اللي امبدري يقول معش نبي انرد ووووو
امينه...تمسح في ادموعها بطل كذب انت
ايمن...ههه هذا اللي سمعته
حني امينه...البنت من غير بوها كيف الحوش اللي هجرينه اصحابه
عمران...هذي ابنيتي وامس جيت مضايق سامحيني
ابتسام..حاضنته مسامحتك
عمران...هيا حوشي مضلم بلاك
ايمن...كيف الاربعه الاخرات مش ضاويات
امينه...اعزقت فيه المخده اسكتتتت
عمران.. تفرق بسومه
حني امينه...صدقت معزه خاصه
عمران..هيا وتن ارواحكن
امينه...هيا
عمران...حتي انتي ياامي
حني امينه...لاانا ماشيه مع ايمن
امينه...فوتيه ياحني هيا امعانا
ايمن...لالاتمشي معايا
عمران...هيااامي
حني امينه...خلاص نمشي مع البنات
~~~~
روحن حني وامينه وابتسام للحوش
ابتسام ..تنزل وتشوف ل حوش مجدي مش قاعده السياره
امينه...هيا حني
عمران...يفتح في الباب
خشو كلهم
فاطمه...مسكتها العبره جبتهن
عمران..وانا نقدر انبعد ع بناتي وامي
فاطمه...انستي عمتي
حني امينه...معش اتزعلو حفيداتي
هناء...نجك لي والله الحوش بلاك كأبه
هنيه...بكل
ابتسام...حضنتهن من فيكن اللي عطت رقم امينه ل اجودي
هنيه..انا عطيته رن علي هناء راقده
ابتسام....نجكن لي فزعاتي
~~~●
خليفه...ايوا
مجدي..ها باتي
خليفه...وين
مجدي...قريب منكم كنكم
خليفه...تعال نبيك في موضوع
مجدي...مسافه الطريق
خليفه...نرجا وصكر
سعده ...ماديرش حاجه تندم عليها
خليفه...يردونا نحنا
سعده...شن ذنبهم مجدي وابتسام
حنان...باهي عشاني ماديرش الشي هذا
خليفه...قلت بكرا الفاتحه
وسام...باتي مش بالمكر مجدي مايبيش بنت اختك اللي ماتنزرطش علقم
خليفه...احترم نفسك يافاشل تحكي مع باتك كنها بنت عمتك
وسام..مانشوفوش فيهن
احمد..باااااتي لتوا ساكت مجدي انت عارفه لاكيفي لا كيف وسام يقلب الدنيا عشان حاجه له ف ماشور شي مشيتك العمتي وحكيتك معاها هذا كله مجدي ماعنداش علم
خليفه...علي اساس انشاور فيه ولافيكم
وسام...ياباتي ياااااباتي خاطري نخش في دماغك ياباتي مجدي اللي يبي يعيش معاهااا
حنان...قصدك عمتي حكيت معاها عشان
خليفه...طلبت سميره ل مجدي
وسام...زمررررر وسميرة اخرا احتمال مجدي يدير ورقه بينكم
احمد...ماسك ضحكته بكل
وسام..هاللهي هه عليك حاله
~~
ابتسام..مش قاعده سيارته برا
هناء...ماحكاش معاك
ابتسام..في الصبح قالي نبي نحكي مع باتك
هناء..حكا
ابتسام...مش عارفه بس بعد المكالمه بنص ساعه جانا باتي
فرح...معناها قانعه
فاطمه...بنات
امينه...جيتك
ابتسام....نتصل بيه
فرح...باتي عطاك تلفونك
ابتسام...لالا هناء
هناء...هاكي خليه معاك
ابتسام...علمنها بنات خالي بدر وخالتي مريم واميمه
فرح.. يييه لو تشوفي القروب مسبات بذات رزان يبن يحكن معاك
ابتسام...حسبي الله ونعم الوكيل فيه خرب علي فرحتي
فرح...بيدا قالي توا نحكي معاه
●●●● #نورهان✍
احمد...ياباتي خلي مجدي يعيش حياته اتسد حياتي اللي وقفت من العياط وراها
وسام...اهو جا
مجدي..عزق الجاكه والمفاتيح السلام عليكم قارن حواجبه
الكل..وعليكم السلام
مجدي...شن فيه
خليفه...اسمع يامجدي تبي تاخذ ارضاء باتك
مجدي..اكيد مانجرو الا عليه
خليفه...بنت عمران صكرلي علي موضوعها
مجدي..عليك موال شن صار اخري هن ساعات غبت فيهن
وسام...غير قعمز
احمد...مايصير الا كل اللي يرضيك
مجدي...شن فيه ياباتي
خليفه...مشيت طلبتلك سميرة بنت عمتك
مجدي...شنووووو شن درت
خليفه...وطي صوتك ماوجعكش باتك وعمامك اللي ردو مكسورين الخاطر
مجدي..باتي عمي عمران ماتكلمش ولاردكم ردكم ولد........ اللي حجر
خليفه...والبنت تحجرت
مجدي...والله مازافها واحد غيري
وسام...هذا خوي اللي نعرفه
احمد...وانا معاك ياكلا سميرة
خليفه...كلمتي ماتردش
مجدي..دور من ياخذها مسيبها لكم بكل
خليفه..بكرا نمشي نتفق معاهم
مجدي...تتفق مع عمران بنت اختك دور لمن اتزمطها خذا جاكته ومفاتيحه وطلع
وسام...ماعندكم عليش تبحتو في سميرة ما سميرة طلعوني منها طلع يجري لداره
مجدي..ركب في السياره
احمد...افتح
مجدي...فتح الباب
احمد...وسع بالك
مجدي ...يخبط في الدومان ليييييييش يجبرو فيييي باتك ليش يمشي من ورااااي ليييييش
احمد...كلنا قلناها له
مجدي...والله مازاف غير ابتسام الله
احمد...وانا معاك
مجدي....ليش كل مانقول هانت اطوووول ليييش
احمد...وسع بالك تذكر شن صار معاي
مجدي...معايا انا لاااااا انزل
احمد...وين ماشي
مجدي...معش اتشوفو ام وجهي هالحياه ال......
احمد...وسع بالك هذا مفتاح شقتي اقعد فيها نين يهدا الجو حطا علي الرف حتي لو سألوني عليك توا نقول ماشفته ونزل
مجدي...حرق العجل وطلع بسرعه رهيبه وهوا يسوق
خليفه...يرن علي مجدي
مجدي...هدا السرعه يشوف وقف قفل التلفون وحطا في الدرج ويزيد في السرعه
~~~~
ابتسام...مقفل
فرح...اكيد شحن
ابتسام...ممكن
عمران...انا طالع انجيب خضرا تبو حاجه
هناء..نمشي معاك
عمران..هي
هناء...نلبس
عمران...نرجا فيك برا
هناء...جاكه علي توته وراك
عمران...هههه هي
طلعت هناء ورا عمران
عمران...اركبي علي ماصكرت الباب
هناء...خذت المفتاح و فتحت
خليفه...اشحالك ياعمران
عمران...صكر الباب مرحبا
خليفه...شن امورك
عمران..من عند ربي الحمدلله
خليفه...يزيدك حمد
عمران..شخبار الحاجه
خليفه...الله يسلمك
عمران...والله ماعندي مانقول الا نصيب
خليفه.. نصيييب اليوم ماشيه الحاجه تطلب بنت اختي ل مجدي وانت ربي يهنيكم
عمران...شافله كل شي علي البركه
خليفه...مجدي ماتكلمش قال الكلام اللي قالوه واعر وردت عمامي علي راسي اطلبلي انت
هناء...شهقت مجدي
عمران..ربي يهنيه ويهني بنتي
خليفه...وجيرتنا كيف ماهي
عمران...اكيد هذا كله نصيب
خليفه...نصيب
~~~
ابتسام...مقفلللل
امينه...رني علي حنان
ابتسام...فرح عندك رقمها
فرح...اها توا انرن عليها ادور في رقمها
ابتسام...يرن
فرح...اهاا
حنان...هذي فرح
سعده...ردى ربي يستر
حنان...الوو
ابتسام...خير نوناااا ابتسام انا
حنان...خير بيسو شن دايره
ابتسام..تمام الحمدلله بنسألك
حنان...شن
ابتسام...نتصل ب اجودي مقفل وسيارته بره مش قاعد
حنان..ااااا شفت ل امها اها مجدي طلع
ابتسام...ماقالش وين ماشي
حنان..لالا شن فيه
ابتسام...منشغله عليه
حنان...بعد يروح توا نقوله يكلمك
ابتسام...تمام سلمي علي عمتي
حنان...يوصل سلمي حتي انتي
ابتسام..يوصل صكرت هذي رزان خشت في الانتظار
فرح...ردي عليها مشغوله
ابتسام...الو
رزان. يرزيني فيك يافرح ماتمليش انتي من الوكلك مع عبدالله ماخشيت عليك في الانتظار
ابتسام...تنهدددددد رزونه ابتسام انا
رزان...يييييه بعيد السو عليك
فرح..انا لا
رزان...سكرفمك انتي بيسو شن جوك
ابتسام...تمام الحمدلله
رزان...تاخذ سوك هالفجعه ال .....
ابتسام...ح نتخطوها
رزان...يسلمن عليك البنات اليوم جت زينه
ابتسام...صاح
رزان...اها اتسلم عليكن
ابتسام...امرايفه عليها شن دايره خالتك
رزان...قالت اكويسه
زينه...بيسو عندي لك جيه مخصوص
ابتسام...تنسيني تعالن كلكن
زينه..لاجن هنا
رزان..اكراعي علي كراعها عينها اتجيكم بروحها
ابتسام...هههه تنسني والله
~~~~
هناء...باتي
عمران...سرحان
هناء...باااتي
عمران...هاباتي
هناء ...اللي سمعته من عمي خليفه صاح
عمران...ماقالها الا صاح
هناء...استسلمت ل سكوت
عمران...يذكر في كلام مجدي اللي ف صبح
~~~
فات الوقت جا عمران وهناء
هنيه..كنه وجهك اصفر
هناء...انا لاا
فرح...صاح شن فيه
هناء...مانقدرش نحكي مرات تسمعني ابتسام
امينه...شن فييييه
هناء...ابتسام وين
امينه...تحكي مع بشري
هناء..ونحنا طالعين....................
امينه...مستحيل اكيد في شي غلط
هناء...والله قاله اليوم عمتي سعده ماشيه تطلبله بنت عمته ومجدي مش متكلم
فرح...لالالافي شي غلط
ابتسام...مستحيل
امينه&فرح شفنلها
ابتسام...هاكي تلفونك اكيد اللي سمعتيه غلط
فرح...خذت تلفونها
هناء...ابتسام هذا اللي سمعته
ابتسام...خذت تلفون فرح تتصل ب مجدي مجدي مقفل رنت علي حنان
حنان...الووو
ابتسام....صاح اللي سمعته
حنان..شن سمعتي
ابتسام...باتك طلب بنت عمتك ل مجدي
حنان...اها بيسو مجدي
ابتسام..صكرت في وجها وانا انقول ليييش مقفل ماصدق مايزفك راجل غيري يبي يرد كسفتهم
امينه...والله في حاجه غلط
ابتسام..نمشي نسال باتي
امينه..باتي خش لداره
ابتسام..مشت لدار طقطق
فاطمه..من
ابتسام..فتحت انا
عمران..كنك ابسومه
ابتسام..باتي صاح اللي قلته هناء
عمران...صاح اها قبل مانطلع جاني خليفه كنت نحكي فيها ال امك توا
ابتسام...من جوا متفترشه اها اصلا عادي حتي انا بكر ا خلي خالي ايجي انا اموافقه علي مجدي صكرت اعيونها علي يوسف
فاطمه..تشوفلها
عمران...متاكده
ابتسام...ترعش اها متاكده وطلعت
امينه...ليييش
ابتسام...ماحد له دخله بيا موافقه علي يوسف
امينه...اناااا لي دخله فيك انتي ماتبيش يوسف ليش تكذبي علي روحك
ابتسام...اليوم قعدت نبيه
امينه...ابتسام ماتجبريش روحك علي يوسف راجي نين مجدي يفتح تلفونه وتفهمي منه
ابتسام...لاااا يجبرني الوقت اللي كيف اليوم
امينه...خذت تلفونها وطلعت
~~~
فات الوقت
سعده ...اترن علي مجدي مقفل مقفل مقفل
وسام...خلوه في حاله اتسد سميرة ولامدرعنها اللي ازرط فيها
سعده....مش مني
احمد....حتي انا مشغول عليه
خليفه...اساعه ايجي ماعنده وين ماشي
احمد...كان جا اصلا طلع تبو شي
سعده...خليك
احمد...لاوالله
سعده...تربح
~~~●●●●● #نورهان
فاتت ليله كامله ابتسام قاعده علي الصلايه اتصلي وتدعي
هناء...ادموعها نشفن مش من جدها اتوافق علي يوسف
امينه...مش ح تاخذ حد هيا مش مجبوره انا تاخذه هيا توا ساخنه متاكده مجدي ماعنداش علم بالشي اللي قاعد يصير خذت تلفونها وطلعت للحاجر
امينه...الووو
.......كيف حالك وينك عاش من سمع صوتك
امينه...نجك لي امرايفه عليك من ريحت الغوالي
............الله يرحمه ويسامحه
امينه..اللهم امييين
........ شن خطرنا عليك
امينه....نبيك في موضوع
............اعيوني لك شن تبي وحاضر
امينه...................
~~~~~●●●
فاتت ليله
احمد جا لشقته مالقاش مجدي لقاه مسيبله مفتاحه علي العلاقه الباب
مجدي ماحد يعرف مكانه وين
ابتسام ارقدت من كثر الضغط اللي عليها
البنات كل وحده في مكانها اتفكر شن بي يمشيه يوم بكرا
●●●●
جت عشيه ثانيه يوم بدو الرجاله يجو حظر عمي صالح وعمي ايمن خالي بدر وخالي ابراهيم معاه مؤيد عبدالله إسلام
ابتسام...في فراشها تشوف لسقف ماتحكيش مع حد
في الكوجينه...
فرح...اتوتي هذا مفروض ل هل مجدي
امينه...ههههه عادي يابنتي
هنيه...وقت ضحك بالله عليك
امينه..مالناش الا الضحك
هناء...مقهوره علي ابتسام
امينه...فكري في روحك دزت رساله وردت التلفون في جيبها كملت اتحوس مع البنات
~~~
في المربوعه....
ابراهيم...شن اشروطك يانسيبي
عمران...اللي يعطيها ويحطهن عمها الكبير
صالح...نعطي
ابراهيم...شن اشروطك
ادم...السلام عليكم
صالح...خير ياباتي
الكل...وعليكم السلام
ادم....انشالله ماتفقتو علي شي
صالح...مازالنا انقولو ياهادي قعمز
ادم....بنت سيدي مش هاينه علي تطلع من العايله
ابراهيم...كيف
ادم...ولد سيدها اولا مالبراني.........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_العاشره
تاقات لصحباتكن
#نورهان✍
