#جبرني_الوقت⏳
#الحلقه_السابعه_والعشرون
بقلمي✍ #نورهان
أراك الأمان لي ولا أريد وطناً إلا قلبك🫀🥺
~~~~
عبدالله...كنك تلفونك مقفل
فرح...علي الشحن ياقلبي
عبدالله...خفت
فرح...من شن
عبدالله....اتسيبيني
فرح....صكرنا عليه الموضوع هذا
عبدالله...نجك ليا حبيبي
فرح...وليا ياعمري ينجيك
عبدالله...ويحا دزيلي رقم هنيه
فرح...ليش
عبدالله...ساكنلي إسلام يبي يحكي معاها
فرح...تمام حبيبي توا اندزه لك
عبدالله...خلاص قلنا
فرح...كنك حبيبي
عبدالله...ساكنلي يقولي تواا
فرح...ههههه تمام هيا توا اندزه لك توا
عبدالله...هيا باي
فرح.. باي صكرت ودزت رقم هنيه ل عبدالله (تم الإرسال)...
عبدالله...اهي جت الرساله
إسلام...مل عليا الرقم
عبدالله....والله ماعندي السان حتي يمل هاك التلفون
إسلام...نلقي روحي في الاستوديو والرسائل
عبدالله..ههه ههه عينك كر التلفون 092♡♡♡♡♡♡♡♡
إسلام...بوركت ياهايشه
عبدالله...ايامك ياثلب
إسلام...ههههه حفظ الرقم وركب في سيارته وطلع
عبدالله....خش للحوش
●●●●#نورهان✍
ابتسام....حبيبييييييي
مجدي...روحه رررروحه
ابتسام....شن رايك هذي ولا هذي
مجدي...امممم هن لاثنين حلوات
ابتسام...بدله رسميه ولا كاجول
مجدي...اللي يريحك
ابتسام...انت انت شن تختار
مجدي...والله ياروح لاثنين حلوات بس البدله الرسميه احلا
ابتسام...خلاص البدله
مجدي...الساعه كم
ابتسام....اممممم تلفوني علي الزيانه شوفه
مجدي...عليش التلفون شاف لساعه يده
ابتسام...ساعه كم
مجدي....3:12
ابتسام...ساعه ويأذن العصر
مجدي...انرن علي وسام انشفط علي راسه
ابتسام...قعمزت علي كرسي الزيانه ادير في مكياج حرام عليك
مجدي...هههههه خليه يرن عليه
وسام...ايوااا
مجدي...وسام
وسام...ايواا نسمع فيك
مجدي...انت وين
وسام...كنك مجدي مافيش برانيه
مجدي...انت وين بس
وسام...في المحل التغليف ناخذ في الحاجات ومروح للحوش
مجدي...في المحل
وسام...اها كنك
مجدي...قتلك
وسام...الحساب ها مجدي شن فيه
مجدي...رزان
وسام...كنها
مجدي...حجروها
وسام....كيف
ابتسام....يكذب عليك
مجدي..دار الكتم والله خليه اسكتي الو
وسام....نسمع فيك مش وقت حناطه ي مجدي
مجدي...نحكيلك جديات دير المستحيل كيف مادرت انا وخوذها
وسام...مانرجاش اشيوخ نمشي نخطف امها من وسط حوشهم
مجدي....اوووبا هههههههه
وسام....صكر نحكي معاها نشوف شن قصه التحجيره اللي طلعين فيها موضه
مجدي...هههههه نكذب
وسام...والله خربت جوي
مجدي...عيش شعوري
وسام...شعور طووووط
مجدي...ههههههه اسكت يامسخ التلفون صوته عالي
وسام...اوكي نبي ناخذ الحاجات للحوش
مجدي...تمام
وسام...تعالو بدري تاخذ امي وحنان
مجدي...عمتك وخالتك مش مشيات
وسام....لااااالااااا امي وحنان وابتسام بس
مجدي...توجعهن
وسام...يرون مالبحر
مجدي...ههههه عيب
وسام...لاعيب لا طوووط فوتني
مجدي...لاكله تفليمات اوكي
وسام....اوكي
مجدي...صكر وشاف ل ابتسام شن السماحه هذي
ابتسام...خفيف هذا كله نحبش المكياج الثقيل
مجدي...اناااا علي نااااا نااااا طبس حضنها يبوس في رقبتها ويشوف للمرايه السماحه هذي لي انا
ابتسام...لك لك
مجدي..طبس علي رقبتها
ابتسام...لااااااا بعد
مجدي...انديرلك في علامه الجوده
ابتسام...تمسح في رقبتها حرام عليك علمت انتحشم انا
مجدي...حلالي عليش اتحشمي
ابتسام....تمسح فيها
مجدي...خليها خير مانخلي ارقبتك فضيحه
ابتسام...حبيبي انا انتحشم حنلقي حني وامي والبنات وخلاتي وصبايا خوالي
مجدي...مادخلنيش
ابتسام...كيف مادخلنيش انا انتحشم يعني نقعد لابسه الوشاح
مجدي...والبسيه
ابتسام...شفتله من المرايه معش اتقرب مني لعند مانروح
مجدي...والله قرب باسها في الجيه الثانيه
ابتسام...لاااااا تمسح فيها حرام عليك
مجدي..تبي تسكتي ولا
ابتسام...سكتت خلاص تمسح في رقبتها
مجدي....قعمز ع السرير يشوف لتلفونه
ابتسام...حبيبي خطرها نبي دواء
مجدي...ذكريني بيه في الطريق
ابتسام...حبيبي
مجدي...هممم
ابتسام....شن رايك اول يوم رمضان نعزمو هلك هنا
مجدي...باتي مستحيل يقبل خليها ثاني يوم اما اول يوم مستحيل
ابتسام...حبيبي بكرا نبي نطلع انجيب زينه رمضان
مجدي...قاعد انتفرج عليهن يبيع فيهن صاحبي
ابتسام...صبت وريها ليا قعمزت علي طرف السرير
مجدي...عكس التلفون
ابتسام....نبي عقد فوانيس اصغار هذين ونجمه وهلال وكوره
مجدي...ايدير في سكرين هذين بس
ابتسام...نبي طوله سبعه متر
مجدي...فيه خمسه متر وسبعه وعشره
ابتسام...لاسبعه نبي
مجدي...باهي تعالي قربي اشوي
ابتسام...صبت لالا
مجدي...بيسووو
ابتسام...لابيسو لابيسو حبيبي خلاص
مجدي....حقوقي
ابتسام....توا لا اهي حنان تتصل
مجدي...ردي
ابتسام...الووو
حنان...الووو بيسو تسمعي فيا
ابتسام...اها
حنان...شخبارك
ابتسام...تمام الحمدلله شخبارك انتي وشخبار عمتي وعمي
حنان...اكويسين الحمدالله واتيه
ابتسام...اها
حنان...خلاص تعالو
ابتسام....خلاص تمام مسافه الطريق
حنان...توا جا وسام جايب حاجات الطلبه التغليف يجننن
ابتسام....ماشاءلله العقبالك يارب
حنان...انشالله خلاص نرجو فيكم
ابتسام...تمام
حنان...باي
ابتسام...باي وصكرت حطت التلفون في الشنطه
مجدي...كنها
ابتسام...وسام جا
مجدي...نمشو يعني
ابتسام....اها
مجدي...البسي باهي
ابتسام...تشوف ل لبستها في المرايه كانت لبسه بدله رسميه سروال لونها ابيض وسوريه بيضاء اموجه بالألوان حطتها في السروال ونصها برا شن رايك
مجدي...جا حضنها رائي لو ماعندك مشوار نعطيك رائي بعد نصكر الدار
ابتسام...هههههه نحكي جديات
مجدي..طرف اخير معش في منك
ابتسام...حتي انت لبستك سمحه حبيبي
مجدي...بعدها امبدري في السوبر ماركت بنت عطتني رقمها
ابتسام...كانت اتعدل في السوريه شافتله من المرايه
مجدي...يعدل في شعره وماسك الضحكه
ابتسام...التفتت له خبطاته علي صدره تحكي جديات حبيبي
مجدي...اها
ابتسام....خذيته الرقم
مجدي...اصرت عليا خذيته وخلاص
ابتسام...مسكاته من جاكته نقتلك لوفكرت تحكي مع وحده غيري
مجدي...شن فيها
ابتسام...حضناته هئه انت تاعي انا بس مستحيل انتنازل عليك عارفتك اترقي فيها ليا
مجدي....زاد حضنها هههه انحبك انا
ابتسام....رفعت راسها شفتله صااااح خذيت رقمها
مجدي...اها
ابتسام...اجودي وحقالله انموت بعدها انااا
مجدي....بعيد السو عليك يالهبله اللي عنده قمر مايشوفش ل النجوم
ابتسام....ييييييه حضناته حتي وانت كذاب بس كلامك سمح
مجدي...هههههه عيب عليك
ابتسام.....تقهرني في عمري كان درتها صاح
مجدي...والله مانبدلك
ابتسام...وخرت نلبس تأخرنا
مجدي...طلع دخان ماشفتيش الولعه
ابتسام...اهي علي طرف السرير تلبس في العبايه
مجدي...كنك ماتلبسي ف الذهب
ابتسام....نحباش اسواره باتي والدبله والمحبس وسلسله خلاص نحبش انكثر
مجدي...وهكي سمحه
ابتسام....نجك لي هيا واتيه مشت لزيانه وتحكي مع مجدي عارف حبيبي
مجدي...شن
ابتسام...رزان اكيد طايره من الفرحه خذت عطر بنت حوران تبي اتبخ
مجدي...لااااااااا
ابتسام...تنهدت يدها علي صدرها كنك
مجدي..قرب خذا العطر قتلك العطر هذا لاااااا انا
ابتسام...حبيبي شوف ايديا كيف يرعشو
مجدي...خذا عطر من الزيانه اسمه
(فخر لطافه)فتحه وبخلها منه هذا سمح
ابتسام...باهي خلاص معش تبخ
مجدي...تنهددد اسف لأني رعشتك مسك ايديها
ابتسام....انا نحكي معاك ومش مركزه خذيت علي عطري مازالت ماتعودت علي الباقي امس قلت دلع العرائس توا فخر لطافه
مجدي...عادي اي واحد اهم شي هذا لااااا
ابتسام...والله مش قادره انصبي
مجدي...شاف ل كوميدينا شيشه اميه فتحها هاكي اشربي
ابتسام...تشرب خلاص تمام حبيبي
مجدي...اكويسه توا
ابتسام...هههه هذا كله علي العطر
مجدي...اها شفتي حتي هذا بنتة سمحه
ابتسام...بس مش كيف بنت حوران
مجدي...حط العطر علي الزيانه هيا نمشو
ابتسام...راجي نبخلك من عطرك
مجدي...قرب
ابتسام...خليك علي العطر هذا نموت فيه
مجدي...اعجازي
ابتسام...اها
هيا حبيبي
مجدي...حاضر كم روح عندي مسك يدها
ابتسام...وحدهه تمشي معاه طلعلي الكويشه معاك
مجدي...تبي تلبسي كويشه
ابتسام...اها البيضاء مانقدرش علي الدروج كعب
مجدي....طلع الكويشه من الكنداره
ابتسام...نجك لي تلبس فيها
مجدي...يلبس في كويشته بس ماشيه مع اللبسه
ابتسام...واللهي
مجدي...واللهي ماشيه فتح الباب
ابتسام...ماسكه الشنطه
مجدي...قبل مانصكر تلفونك
ابتسام...في الشنطه
مجدي...صكر الباب مسك يد ابتسام وينزلو من الدروج
●●●●#نورهان✍
رزان...تمام
اروي...عنشكلك اعيونك في الرسم خيال
هناء...كبرتيهن بزياده
رزان...طرف ولا
البنات...طرف اكيد
رزان.....هذا المطلوب ادير في روج وردي
روان...خليه خفيف
رزان....تعدل في الرسمه هكي
روان...ايوا
بشري...الله عليك ربي يكمل عليك
رزان....اللهم امين كانت لبسه بدله رسميه سروال كُحلية مجسمه عليها وكت ابيض طالقه شعرها اكسسورات فضيه
اميمه...خشت لدار ماشاءالله ماشاءالله انتي وابتسام واروي يمشي معاكن اللبس هذا
رزان...نجك لي
اميمه...هنيوا وين
هناء...طلعت برا
اميمه...جبرتوها عليه ولا قالت موافقه بإردتها
فرح....لاوالله ياخالتي صلت استخاره وقالت ل امي موافقه
اميمه...باهي الحمدلله ريحتيني
فرح....وين تلقى خاله كيفك
رزان...بدينا عاد في الشكيره
الكل....هههههههه
اميمه...وين نلقى كيفهن ماصدقت انتريح عليهم حتي إسلام هوا اللي قال هنيه
رزان....مادلوه الناس عليه يحبها ياعمتي
اميمه...باهي ربي يسعدهم
اروي...تحشمي يارزان
رزان...عمتي اميمه صحبه مش عمه ياوجه النكد
اميمه....ههههه
فرح...تقتل البنت هذي
عايشه...ياعمتي تعالي لدار الضيوف
حني صالحه...بعد يقربو يجو توا نمشي
فاطمه...لاتعالي ياامي جوا
حني صالحه...يالله صبت
عايشه...مدتلها العكوز وحده وحده
حني صالحه...بدر وين
عايشه...نزل للمزرعه
فاطمه..تعب
عايشه.. شن تقولي يمل بعد يقعد في الحوش قال انفضيه لكن
●●●●#نورهان✍
هنيه...الوو
إسلام...رنيت ثالث مكالمه عشان اتردي
هنيه...من معايا
إسلام...ترجي في مكالمه من حد
هنيه...لاا
إسلام...حبيبك انا
هنيه...من انت
إسلام....مش مرتبطه بحد انتي
هنيه...مرتبطه
إسلام...بمنننن
هنيه...بعزة الله وجبروته
اسلام...انااااعلي ناااا إسلام معاك ياهنيوا
هنيه...يييه إسلام شن جاب رقمي عندك
إسلام...خذيته من فرح
هنيه...والله ماقلتها ليا
إسلام...اكيد مالحقت تقولها ماليا شي خذيته شن اخبارك
هنيه...تمام الحمدلله انت شن اخبارك
إسلام...بعد سمعت صوتك تمام الحمدلله
هنيه...ههههه امباه
قعدو لاثنين دقايق ساكتين
إسلام...الو
هنيه...نسمع فيك
إسلام...وين قاعده
هنيه...في المزرعه عند خالي
إسلام...اها انتي اللي واقفه برا ولا هناء
هنيه...تلتفت يمين ويسار
إسلام...معناها انتي
هنيه...وين انت
إسلام...راقي من الطريق خليك في مكانك
هنيه...لالا انخش جوا انا نرتبك مانعرفش نحكي
إسلام...قرب بالسياره غير بلا حركاته ههههه
هنيه...ههههه
إسلام...وقف السياره ونزل التلفون من يده
هنيه...نزلت التلفون
إسلام...قرب منها ونزل التلفون حطه في جيبه خير ياهنيوا
هنيه...تشوفله خخخخ
إسلام...ومرحبا هههه
هنيه....طبست مرتبكه ليش جيت
إسلام...اندير نظره شرعيه
هنيه...ماحد قالي
إسلام...احلا شي بدون موعد بدون مكياج الواحد يحق حلاله علي طبيعته
هنيه...شفتله واللهي اصلا انا مش موافقه عليك
إسلام...يقلد في صوتها واللهي اصلا انا مش موافقه عليك
هنيه...يابارد معش اتقلدني
إسلام...طالعه بلا وشاح برا
هنيه...شن دخلك
إسلام...انقصه السانك هذا لو تقولي شن دخلك مره اخري كيف شن دخلني مراتي اللي قدامي
هنيه...واااااو وقعدت متزوجه اخري
إسلام...اكيييد عارفه شن اللي خلاني نقول نبي هنيه تكون مراتي وأم اعيالي
هنيه...شن
إسلام...طيبه قلبك
هنيه...واللهي
إسلام...اتهزي
هنيه...لااا هههههه
إسلام...ليش تضحكي
هنيه...قعمزت علي الدروج قدام مقدمه الحوش
إسلام...جا قعمز جنبها حط كراع ع كراع ويلعب بالمفتاح
هنيه...كل ذكريات طفولتي عشتهن هنا
إسلام...وانا كنت معاك
هنيه...اكيييد نرد بيك لورا ههههه تذكر بعد عزقت حيطه في راس البطه طاحت ماتت طول
إسلام...واااو هههههه
هنيه...ههه مشيت حفرت حفره ودفنتها فيها وانا نبكي نقولك ليش تقتل فيها اصغيره قتلي خلي السر هذا بيني وبينك لأنا لو يعلمه خالي ابراهيم يضربني
إسلام...نذكر اهنيوا
هنيه...بعدها روحنا للحوش بس الصدمه مااستفقدوها البطه اللي ماتت
إسلام...هههه كان مربي عالم كيف يبي يستفقدها
هنيه..نذكر جيت نبكي للحوش وامي تقولي كنك
إسلام...قلتلها خوفتها بالكلب
هنيه...هههههه ذكريات لو يرد بيا الوقت نرد يوم من ايامهن
إسلام...ليش مكبد فيك
هنيه...وااو كبدت اخري
إسلام....تكبيد ياهنيوا من وانا صغير حنيتك ودافعي عليا في كل اللي اندير فيه خلاني نكبد فيك
هنيه...ادافعي عليا نذكرك بشي مازال واجعني لتوا هههههه
إسلام...هايم في ضحكتها ويشوف لشامه اللي في رقبتها
هنيه...تحكي بيديها نذكر مره انت كسرت تحفه في الزاويه تذكرها كانت طولها نص الساس حطين فيها ورد صناعي كبيره شن عندك ادفها قلت انشوفو شن فيها ههههه ومن البخت كنت ديما معاك طيحت التحفه جت علي الوطا عيطت جا خالي ابراهيم يجري انت قعدت تقول مش مني خالي ابراهيم قعد يقولي منه صاح عشان يضربك قتله مني انا وبرضو حصلت كف علي حاجه مش مني خفت يضربك كانت يده واعره في الضرب تنهدت ذكريات اسماح
إسلام...حتي انتي سمحه ليش مانختارك تكوني رفيقت عمري ديما ادافعي علي
هنيه....بس كنت ماتقبلني
إسلام...لاااا بس كنت مانقبل حد يضربني عشان هكي ديما نقول هنيه
هنيه....خبطاته علي كتفه هههههه اهم شي ماتنضرب وهنيه عادي
إسلام.....انحبك
هنيه...صبت مرتبكه لامش لدرجه في وجهي
إسلام...هههه هنيوا
هنيه...لاهنيوا لا شئ مش لدرجه إسلام
إسلام...ربي مايحرمني من حنيتك
اميمه...اتفرج عليهم من الروشن وتبتسم
هنيه....دير الابدعات وقول ربي مايحرمني من حنيتك
إسلام...مستحيل نلقي حد يتحملني قدك
هنيه...انا اصلا مانبيك
إسلام...بعد العيد تكوني عندي وتبدي تبيني غصب عنك
هنيه...انننننن واللهي
إسلام....اننننن واللهي
هنيه.... ههههههه نجك لي
إسلام....شن
هنيه.....نجك لي عشان حركاتك وانت تقلد فيا يهبلن
إسلام...انااااعلي نااا حتي انتي نجك لي باهي خشي جوا وكلمي امي
هنيه.. خش
إسلام...لااا مفروض اتغاري بنات قدامي
هنيه...لاعادي تعال
إسلام...ديري جو الغيره لااا ماتخش
هنيه...مش اخترتني انا
إسلام...اها
هنيه... خلاص عليش بنخاف
إسلام....واثقه
هنيه....غمزتله اكيد
إسلام...لامانبيش انخش جديات كلمي امي
اميمه...طلعت اسلومه
هنيه...ارتبكت
اميمه...ها شن جوكم هنيوا
هنيه...نلقانك ياخالتي شوفيله وحده غيري قعدت نذكر في ايام ونحنا صغار ياما داير فيا اولدك
اميمه...ههههه ديما يقول فيها يقول هنيوا ياما استرت عليا حتي الضرب تنضرب بدالي
إسلام...توا يقدر حد يقرب منها
هنيه...والله تقول من هنيه من هنيه مادافع عليا وناخذ الطريحه انا
اميمه...هههههه ها خالتي طمنيني متريحه مع إسلام
هنيه....شوفيله وحده غيري
اميمه..تحكي جديات
هنيه...غمزتلها اها خالتي
اميمه...لامانجبرك ياخالتي
إسلام...لا اجبريها من يدافع عليا انا مافيش الا هنيوا
هنيه...وهنيوا بعد ادافع عليك من بيدافع عليها
اميمه...حضنتها اناااا وحياتك
إسلام...هههه
هنيه...انا انوافق عليك لكن دافع عليا
اميمه...هههههه
إسلام...ماعندكش خيار ثاني يا إسلام يا إسلام
هنيه...ماعنديش لك الا خالتي لو في يوم زعلتني
إسلام...ماعليك
فاطمه...طلعت اسلومه
إسلام...شاف لباب خالتي مرحبا
فاطمه...ياربي مرحبا تحضن فيه
إسلام...كيف حالك ياخالتي
فاطمه...الله يسلمك خش جوا
إسلام....لاوالله مستعجل
هنيه...تشوفلهم وتبتسم
●●●●#نورهان✍
ابتسام...علي من ترن
مجدي...علي حنان
ابتسام...سندت راسها علي الكرسي
مجدي...الو حنان
حنان...الوو
مجدي...اقريب منكم
حنان...هيا تلقانا في الحاجر
مجدي...وسام وين
حنان...برا
مجدي...تمام صكر شاف ل ابتسام مسك يدها كنك ياروح
ابتسام...شفتله دايخه
مجدي...واعيه بدري
ابتسام...اها
مجدي...معش توعي
ابتسام...خلاص بعد نفتح اعيوني معش تجيني نيه نرد نرقد اخري
مجدي....لامن يوم وغادي توعي بعد ل١١
ابتسام....هههه جا رمضان خلاص حبيبي خطرها ماتنسا صاحبك
مجدي...قالي ايجنك في ليل يسكن قريب منا قالي وانا مخطم نعطيهن لك
ابتسام...تمام نجك لي
مجدي...وصلنا بيب
ابتسام...فتحت الباب
مجدي...كنك
ابتسام...نسلم علي عمتي ونركب من لورا مع حنان
مجدي...تمام
ابتسام...نجك لي باتي نمشي نسلم حبيبي ونجي مشت لحوشهم باتي
عمران...هاباتي ياربي مرحبا
ابتسام....حضناته نجككككك لي ياراحتي
عمران....شخبارك بسومه
ابتسام...بعدت باست يده وراسه اكويسه الحمدلله ماشيين نطلبو في رزان ل وسام
عمران...ماشاءلله ربي يكمل عليكم امك واخواتك غادي
ابتسام....اها قلتها ليا امينه
عمران..امينه عند حنك
ابتسام...اها عارفه كلمتني امبدري
مجدي...نزل
سعده...وين
مجدي...نسلم علي عمي عمران
وسام...عدي علي ماركبت الحاجات في السياره
مجدي...جا السلام عليكم
عمران...وعليكم السلام كيف حالك يامجدي
مجدي...بخير الحمدلله باس راسه
عمران...الحمدلله بخير مانبيش انعطل عليكم
ابتسام...تبي شي ياباتي
عمران...سلامتك ياباتي
ابتسام...توا انجيكم
عمران...انشاءلله
ابتسام....حضناته عينك من روحك
عمران...حتي انتي ياباتي
ابتسام...شيرتله باي
مجدي...معسلامه ياعمي
عمران...مربوحه امشو بشويش
مجدي...انشالله
ابتسام....تمشي جنب مجدي
مجدي...فتح باب السياره من لورا
ابتسام...اركبت
مجدي...صكر الباب وركب في السياره ركبتو كل شي
حنان...اها وسام ركب كل الحاجات
سعده...توكل علي الله
مجدي...لا اله الا الله ولع السياره وطلع
حنان..تفرجي علي الحاجات صورتهن
ابتسام...ماشاءالله ماشاءالله العقبالك
حنان...وسام ذويق
ابتسام...اها بكل
مجدي...ابتسام مازالتي دايخه
سعده...شفتلها كنك بسومه
ابتسام....لاتمام اكويسه
سعده...خذيتي دواك
ابتسام...اها عمتي
حنان...تحكي بشويش بلكي حامل
ابتسام...هههههه
مجدي...شفلها مالمرايه
ابتسام....مرفعه الخيمار عزقتله بوسه
مجدي...احممم
ابتسام...ههههه مستحيل نونا مازالنا عرسان
حنان...شن عرفني ياريت تحملي طول
ابتسام...انشالله يارب
حنان...اتجيبوا ثمره حبكم
ابتسام....ييييه انشالله يارب
مجدي..مسك التلفون ودز رساله ل ابتسام (تذكري يوم اللي خطمت من المزرعه وشفتك) تم التسليم
ابتسام...تلفون هز في يدها فتحت قرتها والابتسامه مافرقتها شافتله
مجدي...يشوفلها من المرايه
ابتسام...شفتله وهيا تبتسم مستحيل ننسا
سعده...اه
مجدي...طبس
ابتسام...ههههه لانحكي مع نونا
حنان...شن
ابتسام...تفرجي علي الجو
حنان....جو سمح
ابتسام...شافت ل مجدي
مجدي....يعدل في المرايه علي ابتسام ويبتسم
●●●#نورهان✍
رزان....طولو صاح
اروي...حي عليك قالو معش نبوها
رزان....انننن ريحي روحك بس
هنيه...هههههه
اميمه....إسلام هكي طبعه
هنيه....ربي يسترني معاك ياخالتي
اميمه...وحده وحده تتعودو علي بعضكم
رزان....رايكن
هنيه....مسكت ايديها اتهبلي
فرح...خطرها امبدري بيدا قالي دزيلي رقم هنيه يبيه إسلام دزيته انسيت نقولها لك
هنيه...شافت ل اميمه هههه
اميمه...هههه كانت تحكي معاه برا
اروي....قاعد برا
اميمه...لا عدا توا
رزان...تشوف للمرايه ايامك ياهنيوا
الكل...ههههههه
اميمه....تعيطلي عايشه طلعت
اروي...وفاء
بعهده
رزان...حتي هيا رزان
روان...اكيد وسام يرن ردي
رزان...مشت لروشن خذت تلفونها معليش بنات اطلعن
هنيه...هيا للكوجينه
طلعن كلهن
رزان....صكرت الباب ومشت لنهايه الدار الو
سعد...خلاص رزان
رزان...خلاص
سعد...وقفي كل شي انا اللي ناخذك
رزان....معش نقدر اندير شي مجبوره انوافق
سعد...وحبنا
رزان...انت محيته بيديك
سعد....لاااااا رزان مش انا الوقت هوا اللي جبرني امي جبرتني
رزان...كنت توقف كلشي وتذكر حبنا
سعد...حبيبي وراااااس باتك ماتوافقي رزااان انترجاك
رزان....سامحني انا نبي انعيش حياتي كيف ماانت عايشها
سعد...مششش عايشها والله مانرقد معاها ظالمها امعايا افهمي حياتي فاشله
رزان...نبي انجرب كيف ماانت جربت
سعد...ماتغلطيش غلطتي
رزان...نبي انجرب
سعد...تنهيني يارزان مش متخيل تكوني لحد غير سعد
رزان...لاتخيل لاني انا تخيلت وصار
سعد...لااا بيبي قولي مانبيش والله انجي انا نطلبك وناخذك نمشو بعيد ماحد يعرف مكانا
رزان...طبعا انجي ع ضره
سعد...انطلقهاااااااا
رزان...لا خليها معاك وحافظ عليها انا مانبيش انخرب بيتها علي احساب نفسيتي
سعد...انا مش عايش حياتي كل مانبي نقرب منها اتجي انتي قدامي
رزان...خنقتها العبرة وانا كل ليلة بداية زواجكم كل مانبي نصكر اعيوني انتخيل فيك معاها نموت الف موته نرقد ودموعي علي خدي جرب شعوري جرب كل ليلة رقدتها وانا نبكي عليك جرب بعد قلت شوفي نصيبك جرب بعد ترجيتك ماتتزوج منها وكون ليا انا جرب بعد قتلك وقف كل شي وكون معايا انا نموت بدونك جرب تنهددددددت من وسط قلبها بعد قتلك حبيبي انا حياتي بنيتها معاك قتلي انا مجبور نزوج خيار امي ردت تنهدت مش حتخسر شي لو تعيش شعوري خليتني نفقد عقلي سعودي خليتني معش عندي ثقه في حد خليت شخصيتي ضعيفه قدام اي حد خليت الخوف يتحكم فيا خليت بعد حد يبي يرتبط بيا انصدا عشان مانبي نجرحه لاني عارفه من ابعد المستحيلات انحبه لعند ماجا توا اللي يبي يطلبني رد شخصية رزان انا نبي نكمل باقي حياتي معاه نبي ننسا كل يوم ودقيقه وثانيه كانت معاك
سعد....وااااو شايله هذا كله في قلبك مني
رزان....توا قلت كل شي عندي عيش حياتك لاني انا نبي انعيشها توا مجبوره انصكر عينك من روحك
سعد...روحي عندك نقدر نحكي معاك مره اخري
رزان....لا وياريت تحذف رقمي صكرت الخط تنهددددت من وسط قلبها رفعت راسها اتهوي علي اعيونها ماتبيش تبكي رزان ماتبكيش هوا اللي سيبك اووووف تلفونها رن وسام
رزان...الووو
وسام....مع من مشغول
رزان...تمسح في ادموعها مع امينه
وسام...اها امي جايتك تطلبك لي واخيرا
رزان...هههه نجك لي
وسام....جوك مش عاجبني
رزان...فرحانه لاني اخترت راجل وافي بعهده
وسام...مش حنندم لاني اخترتك يارزان
رزان...تنهدت انحبك
وسام...شن
رزان...انحبك وسام
وسام...نموت فيكك موووت واخيرا سمعتها الزف
رزان...حتسمعها واجد بكل من اليوم
وسام...وكل مانسمعها مش حنمل منها متأكد
●●●#نورهان✍
مجدي...يرقا بالسياره
سعده...عارفه المكان
مجدي...شاف للمرايه اها دلتني ابتسام
سعده...حوش من هذا
ابتسام...علي اليمين حني واليسار خالي بدر وخالي ابراهيم حوشه لما نرقو انوريه لك لأنا مش باين
سعده...مش ساكن في البيضاء
ابتسام...اها هذا داره نظام خميس وجمعه يجوه مالهم شي ناقلين لهم ثلاث سنوات
سعده...اها والله وماشاءالله جو سمح جو المزرعه ونظام الحيشان من برا والألوان كيف مشيات مع بعضهن
ابتسام...اها جو سمح
حنان...الله امي كان نشرو مزرعه هنا خير من الوسيطه
سعده...مافيش هنا كلهم اجدود مزارع اكبار
مجدي...وقف السياره
سعده...افتحت الباب ونزلت معاها حنان
ابتسام...حطت يدها علي ارقبت مجدي
مجدي...عنشكلك مسقعه
ابتسام...هههه انحبك
مجدي...انزلي انزلي احسابك في الشقه
ابتسام...هههه فتحت الباب ونزلت
مجدي...نزل من السياره فتح السياره يمدلهن في الحاجات
ابتسام...تحط قدام الباب وترد
حنان...كان وقف السياره اقريب
ابتسام...شن تقولي مشت لل مجدي
مجدي...مدلها باقه ورد انحبك هههه
ابتسام....رافعه الخيمار حاضنه الباقه يييييه جبت الورد اللي نحبه
مجدي..هههههه
ابتسام...هههههه ياعوينها رزونه ب وسام
مجدي....وكنك انتي
ابتسام...تجيبليش باقات ورد
مجدي...ماجبتلك في الطلبه
ابتسام...بعد الطلبه حبيبي
حنان...هيا بيسو
ابتسام....كملناها هداريز هنا ههههه
مجدي...صكر الباب كان علي الباقه انجيبلك اجمل منها
ابتسام...عارفتك نبصر عليك هيا باي توا
مجدي...يشوفلها ويبتسم
ابتسام...قربت من الباب وقفت شيرتله
مجدي..رفع يده وركب في سياره وعدا
عايشه اميمه مريم فاطمه والبنات يستقبلن في سعده وحنان وابتسام
اروي...تحضن في ابتسام امررررايفه عليك
ابتسام...حتي انا والله
روان....بعدي بعدي خليني نحضنها
ابتسام...ههههه نجك لي
●●●●#نورهان✍
وسام...ربي مايحرمني منك
رزان...اوعدني
وسام...بشنو
رزان...لو شن صار بينا ماتتخلا عني
وسام...تكوني ليا ومعايا وعد مانتخلا عنك لو شن صار
رزان...تنهدت ربي يخليك ليا يارب ومايحرمني منك
وسام...ولا منك يحرمني
رزان....صوت هرجه شكلهم جو
وسام...الابتسامه العريضه علي وجهك عاد امي اللي جايتك
رزان...هههههه انشالله
وسام...باي حبيبي
رزان...باي يالحب
●●●#نورهان✍
بدن البنات يضيفن وابتسام وحنان معاهن في الكوجينه وسعده وعايشه واميمه ومريم وحني في الدار يهدرزن
حنان...والله جوكم سمح صدقتن يابنات لما كنتن تفرحن بعد اتجن
هنيه...هههه اها هواء نظيف ومكان طبيعي برا الطبيعه تكفيك
حنان...بكل
ابتسام...شن جوها هنيوا
فرح...ههههه انعنا جوي امبدري طايح هداريز معاه
ابتسام...تكذبي جاكم
فرح...واللهي جا امبدري هدرزوا حتي نظرة شرعيه مافي داعي خشت علينا الأبتسامه مش فارقتها
ابتسام...باهي والله فرحتيني
فرح...انتي شن جوك مع مجدي
ابتسام...هههههه نجاليا يهبل جونا مره نتعاركو مره نتصالحو يعني
فرح...ههههه ربي يحفظكم
ابتسام...ويحفظك نجك لي شن درتن طلعتن لسوق
فرح...لاوالله انا بتاتي كملته لكن هنيه مازالت ماخذت شي
ابتسام...ساهل في اسبوع تكمل توا انجي ناخذها انريح باتي اشوي
فرح...نجكك لي ياريت حرام باتي
ابتسام...لا توا انجي ناخذها انا
اروي...هيا جوا
ابتسام...خشن نمشي لسلفتي
حنان...جيبيها معاك ماتخليهاش تتقيد
ابتسام...تمام طلعت من الكوجينه لدار طووول طقطقطق
رزان...تعدل في الأيلاينر
ابتسام...فتحت الباب بعيييي
رزان...نااااعلي نااا صكرت الأيلاينر وجتها روحي انا
ابتسام...حضنتها نجكككك لي مرايفه عليك
رزان...مانبيش نبكي مش قدي يامتاعت مجدي نرن عليك في ليل مقفل ياصايعه
ابتسام...هههههه والله تلفوني مش مدورته استني مسكت يدها وتبرم فيها شن السماااحه هذي
رزان...سمحه طالعه
ابتسام...طرف مش سمحهه
رزان...نجك لي تعالي قعمزي
ابتسام...اروي اتضيف قلتلي تعالي قلتلها نشوف رزان
رزان...انحس في روحي في حلم كنت نحكي مع وسام قبل ماتخشي صكرت منه
ابتسام...رسمي مكبد والله ماشفتيش فرحته
رزان...ولا انا بيسو فرحانه الحمدلله ربي يعوض فيا اللي جابلي وسام برغم حكيت معاه كا رهان مع البنات الا مش حاطته في بالي انحس فيه هوا اللي يعوضني علي كل شي صار معايا
ابتسام...والله مانشكره لك اخترتي راجل يكفي انا بعد قلتيله تعال اطلب جا طول كان حد غيره راهو كل مره داير عذر
رزان...فعلا جبرته قلتله جيب امك تطلبني كنت نختبر فيه يقولي لا ويجيب اعذار او لا لكن صدمني لدرجه والله مش واقفه قدامك وح نخش علي امه واخته مش مصدقه نحس في روحي نحلم يعني وافي بعهده ليا حتي سعد صكرت عليه بكل
ابتسام.. اكيد ح تصكري عليه خليك مع وسام مش حتندمي والله ربي عوضك بيه ماشفتيش اللمعه اللي في اعيونه امبدري
رزان...نجاليا
ابتسام...هههه وختامها مسك حتكوني جارتي وفي عمارتي شن احلا من هكي
رزان....وحقربي مش مصدقهه
اروي...بيسو
ابتسام...جيت هيا
رزان..عدي
ابتسام... هيا
رزان... لا اشوي
ابتسام...تمام حضنتها طالعه اتهبلي ياسلفتي
رزان.. ههههه ردي بالك اديري جو الغيره بعدين
ابتسام...ههههه وعد الناس تحسدنا اختي انتي مش بنت خالي ولاسلفتي
رزان...لا تعالي جاي
ابتسام...ههههه حضنتها
رزان...مانبيش نبكي يابارده
ابتسام...ادموع فرح ادموع فرح زادت حضنتها
رزان...ربي مايحرمني منك يابيسو
ابتسام...ولا منك
اروي..خشت لدار هيااا بيسو
ابتسام...بعدت هههه جيت هيا
رزان..عدي
ابتسام...طلعت وخشت لدار الضيوف قعمزت جنب حنان
اروي...جت ضيفتها
ابتسام...مش برانيه خذت عصير
اروي...خوذي
ابتسام...حلوو نقدرش
اروي...انجيبلك حاجه اخري
ابتسام...لا نجك لي خلاص عصير تمام
حنان...ماتقدريش تاخذي بكل
ابتسام...لانونا ناخذ بس انا عندي السكر مش منتظم يابال اليوم ماخذيت الدواء كامل
حنان...من جدك مجدي
ابتسام...اسكتي وراس امك ماعنداش علم
حنان...بس غلط
ابتسام...خذيت حلو قبل مانطلع توا مانقدرش ناخذ اخري
حنان...بعد نطلعو ذكريه
ابتسام...لا انشالله شن رايك في الجو
حنان...طحت فيه جو راحه نفسيه بكل
ابتسام...حي ماطلعتيش للمزرعه بس ولا مشيتي لحوش حني والدرجيحه
حنان...سهفتيني
ابتسام...ههههه
حني صالحه...شخبارك يابسومه
ابتسام...امممم تمام ياحني انتي شن اخبارك شن دايره صحتك
حني صالحه..الحمدلله بخير دوبني نمشي علي كريعاتي الحمدلله
ابتسام...ربي يزيدك حمد ويعطيك الصحه
حني صالحه...الحمدلله شخبار مجدي
ابتسام...لاكويس الحمدلله توا بعد يجي ينزل يسلم عليك
حني صالحه..مرات يتحشم
ابتسام...لا عادي ياحني
حني صالحه...باه تسبحن بالسبحه وتشوف لتلفزيون
سعده...شن دايره صحتك ياعمتي صالحه
حني صالحه..لاالحمدلله شندايره حفيدتي معاكم
سعده... الله يربحها وين ماتمشي
حني صالحه...ابتسمت وشافت ل ابتسام ل تشوفلها وتبستم لا بسومه ماشاءالله عليها
ابتسام...شن عجبك الجو ياعمتي
سعده...مش كيف مزرعتنا هنا جو سمح وطبيعه سمحه
ابتسام...هذا مكاني المفضل ديما انجيه
سعده...صدقتي يابنيتي
عايشه...من وهيا صغيره ديما هنا مع عمتي بسومه خلاص تعودنا عليها
سعده..لاصاح حتي بعد نسأل فطومه تقولي مع امي
حني صالحه...ماحسيت ب بناتي بعد عطيتهن جتني عايشه ومن عايشه حفيداتي ملن حوشي وتوا خلاص كل منهن تبي تشوف حياتها رديت فتره اللي ازوجت فطومه ومرومه واميمه فتره صعبه ماحسيت بشعور الوحده بعد زواج ارهومه وبدوره لانهم اسكنو قدامي كل مانعيط يكونو عندي لكن البنت لالالا
سعده...لاصدقتي طلعت البنت واعره
حني صالحه...العقبال لبنيتك تفرحي بيها
الكل...اللهم امين
فات الوقت الكل منسجم في الهداريز وخشت رازن سلمت وقعدت تهدرز مع البنات
سعده...ماشاءالله عليك ربي يحفظهن لك ياعايشه
عايشه....سلمك ويحفظلك ابنيتك
سعده..انشالله يارب والله كان خاطره عليا راهو طلعت فرح ابتسام ورزان مع بعضهن لكن بعد الفرح حنان حكت علي رزان قالت عجبتها وانا مانجبر اعيالي يجيبو بخيارهم لكن كيف شفت حنان عجبتها مشيت ل فطومه حكيت معاها وسام ماتكلمش بعد حنان قالت علي رزان ماشاءلله عليها تكفي تكون ابناخيت افطومه شن ح تكون
عايشه...سلمك
حني صالحه...ماشالله عليها رزونه
رزان....شافت ل حنان ومسكتها ضحكه
ابتسام....تشرب في اميه اممم صار حنان اللي داله
رزان...شكلها ههه
حنان...خليته في يومها يكنس الحوش كله عشان نحكي مع امي
رزان....ههههه
ابتسام....ههههه
بشري..تهبلي ياحنان ليش مش متزوجه لتوا
حنان...مانفكرش فيها بكلللل امتا انفكر فيها بعد الثلاثين انفكر انفكر في الزواج عندي احلام نبي انحققهن
روان...والله صدقتي ربي يحقق كل احلامك
حنان...حبيبتي نجك لي اجمعين
ابتسام...باهي احكيلي هنيوا
هنيه...شن
ابتسام..قالو الحب كان هنا
هنيه...ييييه اذكرت حاجات دايرهن ليا وانا صغيره ياما ضحكت
ابتسام...هههههه كنتي ديما عالقه فيه
هنيه...هههههه بكل
ابتسام...متريحه معاه
هنيه...عادي مافيش جو حشم بينا مافيش حدود امبدري نحكي معاه مافيش شعور الخوف عادي بيسو حي عليا عادي ولا في شي غلط
ابتسام..ههههه هنيوا إسلام من وانتي صغيره ديما مع بعضكم حتي بعد كبرتو مع بعضكم غير بعد بدا يشتغل ومشيته للبنغازي طول فيها خلاص معش بدا يجي وتتلاقوا فاعادي انتي واخذا عليه كيف تبي اتحشمي منه
هنيه...عادي يعني
ابتسام...حتعيشي معاه اجمل ايام حياتك وتتعودي عليه
هنيه...بس الفرح بعد رمضان
ابتسام...معاك شهر بعدها مش مستحقه انتي إسلام عارفه طبعه حتي لو عصبي تقدري تخفي عصبيته بحنيتك
هنيه...ياريتك اتجينا نبيك تحكيلي الكلام هذا
ابتسام...في رمضان كل يوم حنكون عندكم ناخذك تمشي اتبتتي
هنيه...قصدك نمشي معاكم
ابتسام...اها ليش
هنيه...لا نجك لي ياريت لانا باتي تعب حرام
ابتسام...لاما عليك ناخذك نمشي تاخذي حاجاتك كلهن
هنيه...وحقالله نجك لي باهي
ابتسام...تبي تحكي رن مجدي اااه اجودي خيتي انتي ياالهبله شن تحكي مافيهاش جميل الووو
مجدي...حبيبي قريب منكم وتن اروحكن
ابتسام...تمام
مجدي...باي ياروح
ابتسام...باي ياقلبي
هنيه...في الطريق
ابتسام...اها قريب قال رفعت الخيمار
رزان...كيف صار
ابتسام...نمشو
رزان...مازلت ماشبعت منك
ابتسام...ولا انا لكن حنتلاقوا
رزان...انشالله
حنان...صبت برا
ابتسام...لا
هنيه...يرن مدتلها التلفون
ابتسام...فتحت الو
مجدي...برا
ابتسام...تمام صكرت عمتي مجدي برا
سعده...كلميه يخش يسلم علي حنك علي مالبست
ابتسام....تمام طلعت
اروي...هيا بنات جوا
خشن كلهن جوا
حنان...خليكن
رزان...عشان ابتسام تقتلنا وين خليكن
حنان....هههه
سعده...رزان
رزان...وقفت نعم
سعده....الايام الجايه توا يجيكم وسام نظرة شرعيه
رزان...طبست
سعده..ابتسمت باهي ياعايشه
عايشه...انشالله
●●●#نورهان✍
ابتسام...طلعت لسياره
مجدي..كان مطبس شافلها
ابتسام...فتحت الباب حبيبي
مجدي...اركبي هيا
ابتسام...لا انت تعال انزل
مجدي...عنجد انزل هيا ياروح
ابتسام...حبيبي تعال سلم علي حني
مجدي...لالامش نازل
ابتسام...ليش
مجدي...هكي
ابتسام...تسأل عليك
مجدي...مره اخري
ابتسام...باهي شن انقوللها
مجدي...مستعجل
ابتسام...براحتك صكرت الباب وتمشي ينعلاااااي ياربي حطت ايديها علي وجها حرجني شن نقوللها اوووف ياربي ساعدني تمشي وجها سااااخن
مجدي...راجيني
ابتسام...شافتله لقاته وراها
مجدي...ما نكسفك ياشدوقي هذي حن مراتي
ابتسام...اعيونها تعبو ادموع
مجدي...ييييه علينا
ابتسام...صكرت اعيونها ودموع ينزلت
مجدي...يمسح فيهن فيه بنات جوا مرات تغاري
ابتسام...ابتسمت اها
مجدي..لافضيلي الجو
ابتسام...عادي
مجدي...عادي عينك وعرفيني ع خلاتك
ابتسام...هههه تعال تمشي ومجدي وراها تعال
مجدي...وين دوختيني
ابتسام....من هنا
مجدي...ماشالله
ابتسام...خشت لدار تعال
مجدي...خش السلام عليكم
الكل...وعليكم السلام
فاطمه...سلمت عليه كيف حالك
مجدي..الله يسلمك طبس علي حني صالحه باس يدها وراسها
حني صالحه..الله يربحك كيف حالك
مجدي..الله يسلم كيف حال صحتك
حني صالحه...الحمدلله
ابتسام...هذي خالتي مريم
مجدي..يسلم
ابتسام...خالتي اميمه
مجدي...يسلم
ابتسام...وهذي خالتي عايشه مراه خالي
مجدي...طبس كيف حالك
عايشه...الحمدلله
حني صالحه...قعمز
مجدي....لاوالله مستعجل ياحني
ابتسام...اتشوفله والأبتسامه مرسومه علي فمها
مجدي...بسلامه
الكل...بسلامه
مجدي...طلع
سعده...تسلم عليهن انشالله ربي يهنيهم
الكل...انشالله
طلعت حنان وسعده وطلعت معاهن فاطمه وعايشه
ابتسام...عمتي نشوف البنات
سعده..باهي
ابتسام...خشت لدار تبن شي
رزان...راجلك كيكه مالاخر
ابتسام...هههههه
اروي...واضح انا انتوابعو
ابتسام.. وين
اروي...طفينا الضي وردينا الباب
ابتسام...ههههههه
البنات...ههههههه
ابتسام...كيكتي توا يبدا يهزب طولت
رزان...جايكم رمضان
ابتسام...هههههه توا انشوفوك
هنيه...توا نحكي معاك الو
ابتسام.. بايتين
هنيه...لااا اليوم مروحين بكرا ماشيين لحوش حني بعد بكرا رمضان خلاص
ابتسام....يرن خلاص تمام انتلاقوا
البنات...باي
ابتسام... باي طلعت ومعاها البنات تلبس في كويشتها ومجدي يشوفلها باي بنات
البنات...باي
ابتسام...ماسكه شنطتها فتحت الباب وركبت
مجدي...ساعه
ابتسام....داهشه البنات ماسكاتني
مجدي...حرك السياره
سعده...كنها راقيتلك بنات ولقن بعضهن
مجدي...مش فاضي ياامي
سعده...هن دقايق اللي طولت فيهن
ابتسام...معش ردت
حنان....جوووو يجنننننن
سعده...لاماشاءالله حتي ابناخيتي ماشاءالله عليها فيها لمحه منك يابسومه
ابتسام...اها عمتي يقولو فيها
سعده...والله قاعده معاهن كأني قاعده بين هلي وناسي مش متقيده
وحنك ربي يعطيها الصحه
ابتسام...انشالله يارب
عم السكوت علي الكل مجدي يكسر في عينه في المرايه يشوف ل ابتسام اللي دايره وجها للقزاز باينات غير اعيونها رن تلفونه
سعده...من
مجدي...وسام
سعده...رد عليه
مجدي...رد ايواا
وسام...وين
مجدي...في شقتي
وسام...عنجد شقتلك امي وين
مجدي...ووووه ياراجل انسيتهن بكل
وسام...من جدك
مجدي...هيا اوكي اوكي
وسام...مش من جدك
مجدي...كنت راقد هيا اوكي صكر
سعده...حرام عليك نحنا اقريب من الحوش
مجدي...خليه يرجا
سعده...اهو يرن
مجدي...ماترديش
سعده...امشي غادي انطمنه الوو
وسام...ها امي وينكم
سعده...في الطريق ياامي قريب من الحوش
وسام...مجدي يامجدي
سعده...هههه
وسام...هههه هيا امي بسرعه
سعده...هيا هيا
وسام...اوكي
سعده...اوكي يمي
مجدي...شن قالك
سعده...يرجا فينا
مجدي...اها كمل يسوق ويشوف للمرايه ابتسام تشوف للقزاز
مجدي...ابتسام وين بطاقتي
ابتسام...شفتله وشافت للمرايه ماشفتهاش
مجدي...كيف ماشفتيها
ابتسام...ماشفتهاش مجدي والله
سعده..شوف بشويش شن عرفها
مجدي...غريبه توقعتك وانتي تنظمي حطتها في مكان
ابتسام...لا ماشفتها بكل
مجدي...توا انشوفها غريبه
ابتسام...شفتله
مجدي...غمزلها
ابتسام...مسكتها ضحكه ودارت وجها للقزاز
بعد دقايق مجدي وقف قدام الحوش
سعده...اهو وسام
مجدي...ههههه فتح القزاز وشيرله
وسام...نزل من سيارته وجاهم
سعده...هيا يابسومه
مجدي..لاوالله امي تاعب نبي نمشي لشقه تعبان
سعده...تعشو معانا
مجدي...لاوالله
حنان...خليكم
مجدي..والله ياحنان بطلان
سعده...براحتكم
مجدي..مره اخري
سعده..انزلت
حنان...انزلت باي
ابتسام..باي
وسام...شن الجو
مجدي..تمام
وسام...تكذب علي
مجدي...جرب حرق الاعصاب
وسام....قبل مشيت جبتهن
مجدي...هههههه اديرها
وسام...هيا انزلو
مجدي...لاوالله
وسام...معناها نخش انا اوكي
مجدي.. اوكي شاف ل ابتسام انزلي اركبي من لقدام
ابتسام...حتي هنا متريحه
مجدي...راني ننزل انزلك من
ابتسام...ليش تنزل رفعت عبايتها وجت من قدامه قعمزت تعدل في عبايتها
مجدي...هههههه لااا
ابتسام...حقالله
مجدي...نجك لي طشه
ابتسام...مش خير واسرع
مجدي...مسك يدها هههههه نجك لي يبوس فيها
ابتسام...زعلانه حبيبي
مجدي...ماعاش من يزعلك
ابتسام....انت زعلتني
مجدي...امراااايف عليك وانتي بتي جوا
ابتسام...امرايفه عليهن
مجدي...وانا امرايف عليك شن اندير
ابتسام...هههههه مالكش حل مانقدرش عليك
مجدي...ماسك يدها ويسوق ربي مايحرمني منك
ابتسام...ولا منك خطرها حبيبي نبي دواء
مجدي...معاك
ابتسام...اها فتحت الشنطه اهو
مجدي....مسكه تمام اهي صيدليه
ابتسام...عارف حبيبي نعسانه
مجدي..صاح
ابتسام...اها حبيبي قتلك
مجدي..هممم
ابتسام...لاخلاص خلاص
مجدي..شنن عارفتني مانحبش الحركه هذي
ابتسام...نبي بيبي
مجدي...بيبي بس
ابتسام...واحد بعدها معش نقولك نبي لعند ماانت تقول نبي
مجدي...شفلها
ابتسام...حبيبي
مجدي...حتي انا نبي ابنيه كيفك سماحه وتكون طشه
ابتسام...بس حبيبي ضروري من دكتور
مجدي...عليش
ابتسام...لاني انا مريضه سكر
مجدي...دكتوره
ابتسام...بس يشكرو في دكتور
مجدي...لاعندنا دكتورات ماشاءالله عليهن
ابتسام...ليش
مجدي..هكي مايشوفك راجل وانا حي مجدي اللي يشوفك بس
ابتسام...انحبك انا
مجدي...نموت فيك وقف تبي حاجه اخري
ابتسام...لا دواء بس حبيبي
مجدي..عندك اولويز
ابتسام...اجووودي
مجدي..كنك نحكي جديات
ابتسام...عندي اها
مجدي...هههه تمام
ابتسام...هههه صايع
مجدي...يموت فيك موت الصايع هذا نزل
ابتسام...تشوفله وهوا خاش لصيدليه
●●●#نورهان✍
حنان...تهبل تهبببببل تهببببل
وسام...يمشي وراها والله عارف
حنان...خشت لدار
وسام...احكيلي
حنان...يرجو في النظرة الشرعيه وتي روحك
وسام...امشي بلا كذب
حنان...واللهي وتي روحك
وسام...معناها ماتم الا في رمضان
حنان...اها
وسام...امي عاجبتها
حنان...قعمزت علي سريرها شوف وحقالله تهببببل امي طاحت فيها جو العائله اصلا تبي الحنيه التفائل الطبع والسماحه التواضع كلها فيها عارف اسومي ماحسينا انا اضيوف كأنا من العائله من كثر مامتواضعه وجوها سمح
وسام...امي انسجمت
رزان...لدرجه قالت مافيش داعي اتضيفن وديرن حاجات اللي يديرو فيهن بس الضيافه اللي درنها واااااااو بصراحه وتقديم ياريت عندي خوت واجد راهو طلبت اروي وزينه يهبلن
وسام....انا في رزان
حنان...جوها سمح وربي يسعدكم هيا اطلع نبي نغير ادبشي
وسام...اصبري احكيلي شن لبسه
حنان...نغير ونجيك اسمع مش دايره عشاء شبعانه عدي جيب من المطعم باتي متعشي برا
وسام...ماعليك غير احكيلي
حنان...بدت تحكي ل وسام
وسام هايم مع كل كلمه تحكي فيها حنان علي رزان واجواء عائلتها
●●●#نورهان✍
مجدي...وقف السياره تحت العماره اوو احميده قاعد ف شقته
ابتسام...تبي اتكي عليه
مجدي...لالا
نزلو
مجدي..صكر السياره تعالي
ابتسام....مسكت يده ويركبو من الدروج حبيبي
مجدي...حاط يده في جيبه ويد الثانيه ماسك يد ابتسام روحه
ابتسام...خلينا نعزمو هلك اول يوم
مجدي...والله توا نحكي مع باتي كان قال باهي
ابتسام...اصلا مافيش وقت ماعزمتهم خلينا نعزموهم اول يوم
مجدي...خلاص تمام وقف علي باب الشقه طلع المفتاح
ابتسام...رفعت الخيمار
مجدي..شفلها وشاف لشقه اللي مقابلتهم نزله
ابتسام...حبيبي
مجدي...فتح الشقه
ابتسام...خشت من يبي يشوفني
مجدي..لايشوفوك
ابتسام...نقدر نرفعه توا
مجدي...حوله لها اكيد صكر الباب
ابتسام...تسلح في كويشتها
مجدي...سلح كويشته
ابتسام...حطتهن في الكنداره وفتحت العبايه وتمشي حبيبي ماجبتلي الزينه
مجدي...يشوفلها جبتهن
ابتسام...شافت لصاله.........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الثامنه_والعشروون
#نورهان✍
