#جبرني_الوقت⏳
#الحلقه_السادسه_عشر
بقلمي✍ #نورهان Ñř Ŕóhã
وجُودك مَخَلِيني نِتحشم نَطلبّ شيء آخر من ربّي🔥🫂
هناء...وينك هاله تمشي
هاله...في المُدرج تعالي
هناء...هي هي جيتك صكرت التلفون وحطاته في الشنطه وتمشي بسرعه خبطت في شاب طاحت شنطتها نزلت هناء ترفع فيها خذتها وشافتله اسفانه
الشاب...انا اللي اسف
هناء...ولايهمك عادي انا اللي غلطانه مفروض نعتذر
الشاب...لا انا اللي خبطت فيك كنت مستعجل
هناء...انا اسفانه وانت قلت اسف ههههه اعتذرنا من بعضنا نقدر نمشي لأنا المحاضره باديه والدكتور طبعه ثقيل لو م لحقت مش ح يخليني نحضر
الشاب...بعد تفضلي
هناء..ابتسمت ثانكيوو وطلعت من جنبه الأبتسامه م فرقتها وهيا تمشي
هاله...نونااا
هناء...شفتلها رفعت يدها تمشي وتبتسم
هاله...شمسك عاليه يالاله قلت نطلعلها
هناء...يييه عليا شكلي اصبحت عليها
هاله....شن فيه وين الأبتسامه العريضه ع الصبح وانتي الدكتور اللي جوا مش طايقته بكل
هناء...تنهدددت اليوم طايقته ناااعلي نااا ي هلو
هاله...سهفتيني شن فيه نوووونا
هناء...تحكي وسرحانه خبطت في شاب توا يييييه عليا جماله مش طبيعي غير شوفته بس طاقه إيجابيه
هاله...ههههه منو باهي
هناء...مش عارفه اول مره انشوفه شكله جديد مش عارفه
هاله....طالب يعني
هناء...مش عارفه مش عارفه تنهدت هيا خلينا انخشو
هاله...وريه ليا اللي مخلي شمسك عاليه اليوم
هناء....كان طلعنا بعدين وهوا قاعد توا انوريه لكي اعيونه ملونات معش تعرفيهن لونهن رصاصي زرق ع سمائي ذهبن شيرتي هههههه
هاله...مهند هذا
هناء...اتهزي عليا صاح وحقالله طرف كيكه معزوقه من روسيا خلك من الشعر لونه عسلي
هاله....هههههه
هناء.....هيا انخشو
هاله...مسكت يدها هيا خشن للقاعه....
●●
رزان...حطت الأكياس تسلح في وشاحها انخنقت
امينه....كان قلتيلي طلعنا بعدين مع باتي
رزان...نحنا مروحين اليوم درت حسبه للبعدين
روان...نجك لي
ابتسام...لالامافيش مشي بكرا جايه عمتي
رزان...والله يابنات خلنها بجو
هنيه...عينك ياوجه النكد مافيش مشي
رزان...عزقت عليها الوشاح هههههه جوكم سمح بس انتريح في المزرعه
زينه....مكملتها في الدار ولا ماشيه لحوش حني
ابتسام...خليكن يومين اخري بعدها نمشو غادي مع بعضنا
زينه...احلفي
ابتسام...والله نقعدو يومين بعدها خلاص نروحو نسيات فرحي الشهر الجاي
رزان...تبدي تطلقي في الشيانه هههههه
ابتسام....بكل
امينه....هههههه ضروري عاد
رزان...الميه جيتكم برا ماليه الشارع ماشالله
هنيه...اها بس نحنا البير مليان حرام يستفيد منها غيرنا
روان...بنات تعبانه طفن الضي نبيش صوت
امينه...ياروحي هيا بنات نمشي انديرلك اعشاب
روان...هئه منى نبيش مش قادره حتي نزمط حتي اميه
امينه...ضروري حاجه ساخنه ياهمي
ابتسام...انديرلك الخلطه السحريه هههههه
رزان....هههههه عطيها لنا كلنا
ابتسام...حني امينه ادير فيها ليا بعد نمرض عندها
رزان....حاجه الحنات خياليه حقالله
امينه....اها ربي يدومهن لنا
زينه...يارب
ابتسام...ماشيه للكوجينه طلعت
رزان...معاك
امينه...ديري لقيمات من تحت دياتك يجن خيال انديروهن مع قهوه العشيه
رزان....حاضر من اعويناتي
●●●
هاله...فاتحه نت ادردش
هناء...فاتحه التسجيل اتسجل المحاضره وعيونها مع الدكتور
الدكتور...يشرح
هاله...خبطت اكراعها ع كراع هناء دزيه ليا بعدين
هناء...روحي كنك م اديري تسجيل
هاله...اندردش مع الحب
هناء...توا يجيك في الأسئلة الأمتحان الحب متاعك
هاله..ههههه ياريت يجيني نحله كله طبست
الدكتور...التفت شاف ل هناء اللي تشوف ل هاله تفضلي صبي
هناء...شفتله انا
الدكتور...اها
هناء....صبت ترعش تفضل دكتور
الدكتور...تعالي
هناء...شافت ل هاله تريحتي
هاله...شفتلها مش قصدي والله
هناء...مشت لدكتور
الدكتور...قعمز علي الكرسي وحط كراع ع كراع تفضلي اشرحي لطالبه اللي توا كنت نشرح فيه مدلها شيت
هناء...شفتله وخذاته منه
الباب..طقطق وانفتح
هناء...مسكت الشيت شفتله دكتور فاضل
الدكتور...يالله اشرحي اللي قلته لأني انا جاي نلعب ياابله جايه تبي تضحكي امشي اطلعي اضحكي برا نين يطيب خاطرك هذا اللي جايه عليه انتي القاعه لها احترام لو اتعودي التصرف هذا مره ثانيه امتحاني مش ح تخشي عليه
هناء...وجها قعد احمر بس يادكتور انا
الدكتور....مانفهمش اشرحي
هناء...حطت الشيت ع الطوله بدت تشرح بالأنجليزي وتشرح في اللي قاله الدكتور
الدكتور...يده علي خده يشوف ل هناء كيف تشرح
هناء...اعيونها تعبو ادموع وتشوفله وعيونها يخذنها لطلابه اللي كلهم يشوفولها انحرجت تشرح بيديها صكرت اعيونها اللي مش قادره تفتحهم من كثر نظرات الشفقه اللي تشوف فيهن قدامها كملت الشرح اللي قاله كله فتحت اعيونها لطلابه اللي الابتسامه مرسومة علي وجوهم مسحت ادموعها وشفتله انا جايه نقرا مش انا اللي نضحك يادكتور جايه نقرا دكتور فاضل والدليل ع كلامي مشت للمقعد خذت شنطتها وتلفون شافت ل هاله ونزلت فتحت التلفون ع التسجيل الدليل اني انسجل في كل كلمه قلتها دكتور
الدكتور...من اللي يضحك
الشاب...باتي اشوي
هناء...شافت وراها
الدكتور...شافله اشوي توا انجي
هناء...تمسح في دموعها وتشوف نفس الشاب اللي شافت ل دكتور وتشوف لشاب
الدكتور...ردي ل مُدرج
هناء...شفتله نعتذر دكتور نبي نطلع
الدكتور...طلعيلي من اللي ضحك
هناء...مش عارفه من اللي ضحك حطت تلفونها في شنطه ولبستها وطلعت شافت لشاب وطلعت برا بكل مصدومه باتي قاله لالا مستحيل السماحه هذي يكون هذا باته اكيد ملخبطه يالله نمشي لل كافيتيريا ناخذ قهوه انصحصح اشوي وجهي قعدت انلم فيه من الوطا تمشي وتحكي مع روحها
●●
ابتسام...اهو الدقيق نشوف الحب يتصل
رزان...اللي عطاك يعطينا يابيسو
امينه....ههههههه
ابتسام...كيف بوعيون كحيله لا
رزان....يرزيني فيك باهي تاخذ في الدقيق وتعجن
ابتسام...هههههه بعيد السو الو
مجدي...حبيبي
ابتسام...قلبها
مجدي...حلي الباب ل حنان
ابتسام...قاعده برا هيا سمعتش الباب
مجدي...توا تبي تنزل خليه مفتوح
ابتسام....حاضر
مجدي...فيش اديري
ابتسام...شي قاعده مع البنات ايديرن في القيمات
مجدي...صحه
ابتسام...ع قلبك
مجدي...ياروح اهي حنان جتكم
ابتسام...هيا توا نفتحلها
مجدي...انا طالع للمحلات م طولنش
ابتسام...خليها تغير جو مع البنات
مجدي...حبيبي تاخذ مقاس الدبله تمشي معاي
ابتسام....تحكي جد
مجدي...اها نبي انجيبها لك تلبسها لك امي بعد اتجيكم بكرا
ابتسام...نجك لي باه
مجدي...اترن ع الجرس عدي افتحي منها نكسب شوفتك
ابتسام...ههههه هي مشت تفتح في الباب
زينه...انديرلك العسل
رزان...اللي ايدير الخير م شورش راهو
زينه...ههههه بارده
رزان...نكذب عدي ديري حاجه اخري م نحبش حاجتي حد ايديرها
امينه...كيفي اتصدقي رزونه
رزان...تحسي مش كيف م تبي تطلع صاح
امينه...اها
ابتسام..اتسلم ع حنان خشي
حنان...مستعجله مره اخري
ابتسام...البنات جوا
حنان...والله م نقدر مره اخري عطيني خاتم انجيبلك دبله علي مقاسه
ابتسام...شافت ليدها هذا عادي
حنان...اها اهم شي انجيب نفس المقاس
ابتسام...سلحت الخاتم عطاته لها
حنان...توا انجيبه لك بعد انجو
ابتسام...ع راحتك
حنان...هيا بسلامه سلمي ع البنات
ابتسام...غير خشي
حنان...والله م نقدر راجلك يرجا برا
ابتسام...افتحت الباب شفتله قاعد في السياره ويدخن
حنان....مجدي
مجدي...شفلها قارن حواجبه
ابتسام...طلعت راسها
مجدي...ارتسمت الابتسامه ع وجه بعد شاف ابتسام
ابتسام...شيرتله
مجدي...رفع يده شيرلها
حنان...من توا بديتي تقلبي فيه علينا توا بعد عيطت قارن حواجبه وانتي بس طلعتي راسك الابتسامه العريضه ارتسمت
ابتسام...ههههههه شن انديرلك كبيدته
حنان...هههه ربي يهنيكم
ابتسام...يارب
حنان...هيا باي طلعت
ابتسام...طلعت راسها
مجدي...جوااا
ابتسام...غمزتله وعزقتله بوسه مع ضحكه
مجدي...يشوف ل حنان وهيا جايته سقم الطاقيه
حنان...شافت ل ابتسام ب ابتسامه ركبت في السياره
ابتسام...صكرت الباب الفرحه مش سيعتها خشت للكوجينه
رزان...تغسل في ايديها شن قالك ياقليله الأدب
امينه..هههههه
ابتسام....شي
زينه...شن دخلك
رزان...خليها تثقل عاد هانت شهر وتكون عنده
ايتسام...ايديها ع وجها ييييه ييييه مش مصدقه
رزان...لاصدقي
هنيه...امينه نبو عصير
امينه..ايجي باتي اندزوه
هنيه...باتي طالع للمرج مع اصحابه
امينه...عليش
هنيه...قال صاحبه ولده متوفي وحيده حتي هوا ربي يصبره طلعو عشان يلحقو ع صلاه الظهر
البنات...الله يرحمه
امينه...بيتين غادي
هنيه...اها
ابتسام...حي هناء
هنيه..كلم عمي ايمن ايجيبها
ابتسام...رنن عليها قولنها لها مرات تنفجع
هنيه..رنيت عليها خارج التغطيه
رزان...كنكن موسعات الشغل توا نمشي انا هو عصير
امينه...لاوين تمشي انتي
رزان...من تبي ادزي
امينه...توا انشوف مع الروشن بلكي نلقا عيل اصغير اندزه
رزان...والله طلعت امبدري م فيه عيل برا
امينه...تعالي نشوفو مع روشن
●●
فاطمه...في شن اتحس ربيعه انشالله لاباس عليها
حني امينه...ضغط حمل يافطومه
فاطمه...معناه وعيال اصغار
حني امينه...قلت نمشي عندها بعد يقرب الفرح انجي بالمره
فاطمه...انشالله وانتي طيبه كان فضا عمران انجي انشوفها
حني امينه...انشالله وانتي طيبه
حني صالحه....واعر الضغط افطنولها
حني امينه...اها ياصلوحه كل حمله هك م تجيب الا وانا خلاص
حني صالحه...ربي يحل اعويناتها ع خير
حني امينه..يارب
فاطمه....انشالله يارب
عايشه...اهم شي تكثر من الميه ربي يسهل عليها
●●#نورهااان✍
ابتسام...نمشي انجيب نعناع طازه خير
زينه...عادي
ابتسام..لالامشت جابت نعناع خضر
زينه...اديري نعناع بس
ابتسام...مش بروحه حطت بكرج في اميه ع النار حطت نعناع خضر وبردقوش وتفاح اول طبخه وطفت عليه وغطاته
زينه...بس
ابتسام...اها حطت في كبايه طشه قرفه وكاشيك عسل
زينه....انجيبلك البكرج
ابتسام...لاتوا انجيبه خذاته وصبت في الكبايه وبدت اتخلط فيهن
زينه...البنه اتهبل
ابتسام...كلهن اعشاب توا اتشوفي كيف اتصبي وتختفي الليه
زينه...ياريت تطلع اتغير جوها
نمشي للبنات في المربوعه
ابتسام...نعطي روان تشرب ونلحقك
زينه...تمام خذت ورقه نعناع ومشت للمربوعه
امينه....كرعي رقدن من التصباي كان م نبيهم راهم يلا وجهي
رزان...هههههه مقعمزه فاتحه التلفون تصفح
هنيه...افندي رزان طلع
رزان...وين صبت
هنيه...وسام
رزان...لقيته في المحل
هنيه امينه....شفنلها
رزان...والله جد انسيت نقولها لكن شكله غريب ثقيل بس بسهوله يطيح
هنيه..ههههه واخيرا القينا حد يعجبك
رزان...طوله وصوته الرجولي يهبل وعزقي هنكك السماحه بروحها وعطره اللي صدع راسي هههههه
امينه....ههههههه كونا سمح سمح وسام
رزان...تشوفله خلكن من بنه العطر ييييه ييييه
امينه..ههههه
هنيه...كيييف صار رزونه
رزان...بسهوله يطيح عشان هكي نبيش الا هوا عاجبني ك شخصيه
هنيه...انراهنك اطيحيه
رزان....انتي الخسرانه
هنيه..هههههه مستحيل عشره عمر مع اعيال عمي خليفه اثقال مش بسهوله يطيحوا
رزان...كان قتلك نقدر انجيبه
هنيه...اللي تبيها انديرها
رزان...تلفون جديد
هنيه....واجد
رزان..اشتراك نت
هنيه...موفقه لو صار العكس
رزان...تلفون جديد عندك
امينه....يعني اعناد
رزان...ارهان علي سي وسام
فرح...هلبني شن كنكن ع الروشن شن اتفرجن كنت ندوش
امينه...نعيما
فرح....ينعم عليك
هنيه...اعيونك حمر
فرح...خش الصابون ف اعيوني
زينه...نعيماااا
فرح.. سلمك
رزان...غير انا اللي ساكته حمام الهناء حبي
فرح....هههههه سلمك
زينه...شن القصه
رزان.. مرهنات ع وسام اخ مجدي اني انجيبه
فرح...حيحي طحنا ف وسام خلاص
رزان...ارهاااااان يابنتي انوري خواتك اني انا اخساره ف سعد وجه النكد
البنات..هههههههه
هنيه...كيف اطيحيه
فرح...شن تبن اديرن طاح سعدكن
رزان...تعالن لصقن ف الروشن وتفرجن توا انجي
امينه...ويييين
رزان...نمشي ننطمر وراء حني وين يعني
البنات..هههههه
رزان...خليكن ف الروشن بس
امينه...اني قاعده
●●●#نورهان✍
هاله...اسمعيني بس من بدري انحايل عليك اعتذرت منك مش قصدي
هناء...خاطيني
هاله...والله م قصدي نونا
هناء..هاني قدام القاعه كلها بسببك
هاله...مش قصدي نونا
هناء...تشرب في القهوه شفتيه
هاله...منو
هناء...شفتلها طلع اولده
هاله...لااااا اللي خش للقاعه
هناء...هو هووو
هاله...مستحيل يكون اولده
هناء...قاله باتي
هاله...ينعلي كان غيرك م جيتي منذهله سممممح جبتيلي اقهيوا معاك
هناء...جبتيلي اقهيوا معاك عندك وجه طيحتي وجهي قدام الطلابه
هاله...بس سكتيه بشرح
هناء...تحكي جد
هاله...والله بعد طلعتي وطلع الجميل وراك رد قال شن اسم الطالبه اللي توا
هناء....شن يبي يدير يعني
هاله...مش عارفه
هناء...تاكلي كريب بالفواكه
هاله...نمشو للكفيتيريا
هناء...شن رايك يعني نبي انكمل القهوه مع حاجه حلوه اتغير جوي قبل م يجي باتي
هاله....هي
هناء...صبت بعدها وقفت ييييه شنطتي ردت خذتها ومشت
هاله...ماسكه في يدها سامحتيني نونا
هناء...خلاص سامحتك من ليا غيرك نكديه في حياتي
هاله....ههههههه هاله بس
هناء...مستحيل نزعل منك
●●●
امينه...في حد فتح الباب
فرح...سمعته حتي انا
زينه....ييييه ييييه رزان طلعت برا
هنيه...وريني
زينه...اه
امينه...ماشيه للمحلات لابسه
رزان ... شافت لروشن ابتسمت وكملت طريقها
فرح.. شوفي وسام نزل من السياره
امينه...لحقهااااا
زينه...هذي رزان هههههه
هنيه...طاح سعدها
امينه...اروي وين اتشوف
زينه...راقده مع روان قالت راسي مصدع
امينه...توا نشوفها يييه يييه طاح سعدهاااا رزان اتجي تشوف رزان
هنيه....عندكن حق اشتراك ههههه
البنات..ههههه توا انلمولك وخلاص
●●
ابتسام....شن دايره توا
روان...الحمدلله كبدي بس تبي تطلع
ابتسام...توا تهدا معدتك بعد اتكملي هذا
اروي...ماعندكش حاجه لصداع
ابتسام...خذيتي بنادول
اروي...لا
ابتسام...توا انجيبلك
روان...تعبتي روحك بيسو
ابتسام....نجك لي تعبك راحه ياروحي
روان... شربت الكبايه
ابتسام...صحه عطيها ليا منها نمشي للكوجينه انجيب اميه وبنادول ل اروي
روان....نجك لي
ابتسام...ولي ولي خلاص تريحي اشوي ع الغداء انوعيك تكوني اكويسه
روان....ردت في فراشها غطت روحها
ابتسام...صبت خذت الكبايه توا انجيك
اروي..هزت براسها
●●●
هناء....كريب بالفواكه
الشاب...كم واحد ياهنو
هناء....اثنين حسام
حسام....وينك معش انشوف فيك واجد
هناء...لاانجي بس معش انطول دوب نحضر المحاضره ونروح
حسام...مدلها الكريب
هناء...سلم ايديك
حسام...صحه
هناء...هاكي
هاله...خذت متاعها
حسام.. وهذا لك هنو
هناء...صحيت مدتله الفلوس
حسام...خليهن ع احسابي
هناء...لاوالله تعبك
حسام...خلينا انشوفوك
هناء...كل م تشوف وجهي كريب
حسام..ههههههه
هناء...هههه خذت الكريب باي
حسام...باي
هناء...لبست الشنطه ع جنب وماسكه الكريب في يدها التفتت شفت ادم وراها
ادم...قارن حواجبه قدامي
هناء...اااااا ادم
هاله...منو
هناء...ولد عمي
هاله...اهلين
ادم...رافع حاجبه شفلها ورد شاف ل هناء قدامي قلت
هناء...نرجي في باتي
ادم...شفلها تبي تمشي ولانقلب الدنيا ع راسك توا ورد يمشي قدامها
هناء...ارتبكت باي هلو
هاله...وااااو باي ربي يكون في عونك
هناء...بكل امسكي الكريب انطلع التلفون اشوي
ادم...وقف هياااااااا
هناء...خذت الكريب نرن عليه في السياره باي باي
هاله...ربي يكون في عونك
هناء....شكله يوم نزيك من بدايته
ادم....مسكها من مرفق يدها ويمشي
هناء...يدك يشوفو فينا
ادم...تبي اتصكري فمك ولا
هناء...والله نقولها ل باتي
ادم...ينزل من الدروج فك يدها
هناء....ماسكه الكريب وتمشي وراه
ادم...اركبي
هناء....فتحت الباب اركبت
ادم...ركب في السياره وحرق العجل
هناء...شفتله وطلعت التلفون رنت علي عمران
عمران...ايوا
هناء...باتك وينك
عمران...ياباتي انا في المرج جاك ادم
هناء...اهااا باتي كان قتلي طالع م مشيت
عمران...شن فيه باتي
هناء...لاخفت تكون سايره حاجه
ادم...شفلها ع جنب ورد يسوق
عمران...لامافي شي ياباتي ولد صاحبي متوفي مشيت انعزي كلمت عمك ايمن قال برا البلاد م نلحقش رنيت ع ادم
هناء...م فيش مشكله ي باتي اهم شي اطمنت عليكم
عمران...لااكويسين جاك ادم
هناء...معاه ف السياره
عمران...باه ي باتي اوكي
هناء...باي صكرت التلفون وردته في الشنطه سقمت قعدتها تنهدت من وسط قلبها فتحت الكريب وبدت تاكل تكسر في عينها ل ادم مره مره تسمع في صوت المسجل واطي علته اشوي
ادم...رد وطاه يدك نكسرها
هناء...شن درتلك دووومي جاي معصب
ادم...صكرفمكككك
هناء...روح كذا بدت تاكل في الفواكه اممم طعمته سمحه دايرها سلم دياتك حسام بورفكت امممم
ادم ...وقف السياره خذا من بين ايديها الكريب فتح الروشن وعزقه وطلع بالسياره
هناء...اتشوفله ليش نبي ناكل سمح
ادم...تاكلي كف ع وجهك توا
هناء...كرت منديل من السياره تمسح في ايديها ياريتني مشيت في حافله
ادم...ماسمعت شي اه م نبيش نقلب ع راسك السياره
هناء...مانبيش اندير معاك مشكله خلاص سكتت
ادم....ماعندكش حل اخري خير م نبطلك بكل
هناء...شفتله اننننن وردت اتشوف لطريق
ادم....زاد في السرعه
هناء..مسكت في الباب خفف السرعه ياحيوان باهي
ادم...هذا اللي يبي يمشي معايا يتحمل
هناء...يشوف موته قدامه يعني والله انرن ع باتي
ادم...خفف السرعه
هناء...بروحي مرعوشه اددم
ادم...دومي
هناء...شفتله
ادم...زاد في السرعه
هناء..دوميييي دومي دومي
ادم...مهزبه
هناء...دارت وجها للقزاز معش حكت ولاحرف
ادم...علي المسجل علي الاخر علي اغنيه (ياعسل)
آه، آه، آه، آه
آه، آه، آه، آه
