#جبرني_الوقت
#الحلقه_السابعه_عشر
بقلمي✍ #نورهان Ñř Ŕóhã
حُب كبير لملامحك وضِحكتك وجمال عيونك لنَبرة صوتك لرضاك بعد زعلك ، ولحنيتك بعد عصبيتك 🙊
العشق لـ تفاصيلك كْليا 🤤♥️
●●
فرح...اها نسمع شن في حبيبي صاير معاك حاجه
عبدالله...ويحا احترفي
فرح....بشنوو ي روحي
عبدالله....... انتي شن دايره
فرح...حبيبي شن دايره خوفتني
عبدالله...مش قادر ع بعدك كل اشوي انراااايف انرااااايف عليك شن درتي فيا انتي
فرح..هههههه والله يابيدا قلبي طاح من الخوف
عبدالله...انحبك
فرح...نمووووووت فيك موت
عبدالله....امتي يمشن الشهور
فرح...ح يمشن نجك لي
عبدالله...نبيك قدام اعيوني جنبي يلايا صوتك ضحكتك كل شي قدامييي
فرح...اتحبني بيدا
عبدالله...كلمه انحبك اشوي ياحياة بيدا انتي حياتي اللي عايشها بيدتك عايش الحياه عشان انتي فيها بس
فرح...ربي يدومك ليا حبيبي
عبدالله...وليا
فرح...تعال باهي
عبدالله...مره اخري
فرح...والله امرايفه عليك حتي اشوي نشوفك
عبدالله...انشوف
فرح..بيدااا م تقول امرايف عليكي
عبدالله...خلاص تمام نص ساعه ونجيك مش غير امرايف
فرح...نرجاك
عبدالله...تبي حاجه انجيبها معاي وانا جاي
فرح...نبي سلامتك بس حبيبي
عبدالله...تمام باي
فرح...باي
●●
هناء...يعني تنهيلي الموضوع هذا منى
امينه...حاضر توا نحكي معاه خلاص تمام
رزان...والله شكله مكبد ي نونا انا عندي نظره في الراجل
هناء...لا انا نبي العسليه اللي حكيتلكن عليه
رزان...بجديات يابنات مافيش اجمل من انك تاخذي واحد اسمر بشرته حنطيه شن تبي فيه ابيض اتحشمي حتي اتوري ايديك قدامه
ابتسام....هههههه
رزان...تضحكي عاد انتي راجلك لقطه معش فيه كيفه طول عرض بشري حنطيه اعوينات اسماح سخسيه يعني
ابتسام....نقي عاد عليه
رزان...لاوالله ماشاءلله عليه
ابتسام...بنات نبي دبله ل اجودي
رزان...امتي تبيها
ابتسام...خاطري بكرا بصراحه بس مع من نمشي
رزان...كان جا باتي نمشو معاه
ابتسام...انتحشم منه خالي
رزان...بطلي عبط
ابتسام...نشوف باتي
رزان...يجي باطل من الطريق حرام عليك
ابتسام....شن اندير باه
امينه...نكلم ادم
ابتسام...م يخلينيش اجودي نمشي معاه
امينه....باهي عندي لك رائ
ابتسام...شن هوا
امينه...نمشي للمحل وندزلك واتس صور تختاري
رزان....ماشاءلله عليك جبتيها
امينه...شن رايك
ابتسام...خلاص تمام بس اسمعي نبيها فضه مغلفه بالأسود وعريضه
امينه....توا اندزلك وانتي اختاري
رزان...رني عليه
امينه...وين تلفوني
هناء...مالقيتوش الا ادم يعني
رزان...مافيش الا العسل ادم
هناء...رزاااان
رزان.... ياا عسل يا اللي كلك سحر الله مكمل جمالك
لا شربتي من مية البحر بتحلى المية كرمالك اه اه اه اه ههههههه
هناء...خاااطيني صبت خشت لدار
رزان...اسمعن علمن ع كلامي هذا ادم طايح ف هناء
هنيه...تي انتي شن تحكي م يتقابلوش بكل كل م يشوفها يبدا فيها ضرب
اروي..من الحب
ابتسام...معقوله
رزان....ليش لا
امينه...ههههه بصراحه توا انتوقع كل شي
رزان...رنيتي عليه
امينه...ماردش ااا اهو عاود
رزان..رديييي
امينه...فتحت الووو
ادم...هلا منى شن الجو
امينه...تمام الحمد لله انت شن اخبارك
ادم...مريقل تمام
امينه...شخبار عمتي والبنات
ادم...كلهم اكويسين مافيش برانيه
امينه...لاتمام لكن طلبتك
ادم...من نبي انحجر اخري
امينه....هناء
ادم...شن كنها هناء
امينه...كان شي هناء اتحجرها
ادم...كيف جايينها عرب
امينه...اها بس مازالو م جو
ادم...اها تمام
امينه...ههههههه انبصر قتلك دومي
ادم...شن منى
امينه...نبي المحلات
ادم...شن
امينه..الذهب
ادم...اليوم
امينه...ياريت
ادم...ساعه ونجيك
امينه...نجكككككككك لي
ادم...هيا اوك
امينه...باي
رزان....وخرت صوته يهبل
ابتسام...اثبتي ع حاجه وحده عاد
رزان.. وذني صايعه شن نبي اندير عاااد
البنات..ههههههههه
فرح...بنات بيدا جاي لبستي تمام
رزان...تهبلي
اروي...دايره كحل
فرح...لا
روان...ماشالله اعويناتك ايهبلن
فرح...جت حضنتها انعلي منك انتي
رزان...فكوني من الصياعه بس
فرح...وخرت من روان امشي روحي
رزان...جو النموس معش يمشي معانا
البنات..ههههههه
فرح...مازالتي متذكره
رزان...ماااازالت
فرح...انشالله ايجيك زهايمر عشان تنسي الحاجه هذي بس
رزان....صوت تلفون
فرح...تلفوني اكيد بيدا
زينه....شن دايره صحته
فرح...لاالحمدلله بخير
روان....ربي يسعدكم
رزان..ويسعدنا جميعااا طالعه برا للقطعه نفتح نت
ابتسام...توا نجي معاك
رزان...تمام طلعت حبي وين سمعاتي
اروي...اهن
رزان..جت خذتهن وطلعت
●●●● #نورهان✍
فرح..الو
عبدالله...معاك ي قلبي
فرح...برا
عبدالله..لامازالت ف الطريق شن في خاطرك
فرح..شي حبيبي والله حتي حاجه
عبدالله...متأكده
فرح...اها
عبدالله...خلاص وتيلي قهوا
فرح...من اعويناتي
عبدالله...سلام قدامي زحمه
فرح...باي صكرت اميييي
فاطمه...كنك افريحه
فرح...تعالي اشوي
فاطمه...اني جيتك
حني صالحه...تعالي انتي اخف اتصبي امك
فاطمه...خيبات ياامي
حني صالحه.ههه ربي يحفظهن
عايشه...نفس المعناه والله
حني صالحه...هكي ام البنت
●●●#نورهان✍
رزان...مقعمزه في القطعه حاطه السمعات تسمع في اغاني وفاتحه نت جتها اشعار رساله في طلبات المراسله من سعد فاتح صفحه جديده بنفس الأسم (سلاماات ياكبيدتي الذايبه...
الأسبوع الجاي فرحي مش قادر انوقفه كل شي جاء فوق من قدرتي انتي مش عارفه بالضروف اللي نمر بيهن لو تعلمي بيهن عذرتيني.... حبيبي انا مجبور ع الزواج من غيرك عيشي حياتك وزوجي وانسيني سعد ....)
رزان...قرت الرسائل كتبت ...
سعد رد عليا✔✔
سعد...نعم
رزان...شن جابرك تتزوج ✔✔
سعد...الوقت جبرني
رزان...مافيش حاجه تجبرك ادير شي انت مش مقتنع بيه✔✔
سعد...مش بيدي اندير شي
رزان...مازالت اتحبني سعودي✔✔
سعد...انموت فيك مش انحبك بس انتي اختياري
رزان...معناها ماتتزوج غيري خليك معايا ✔✔
سعد...مانقدرش امي مريضه قلب لو ماخذيت بنت خالتي تموت
رزان...يعني✔✔
سعد...نبي ارضاء امي مجبور نزوج
رزان...هيا نفسها البنت اللي القيتك تحكي معاها✔✔
سعد...اها هيا
رزان..شن الفرق اللي بينا انت عارف بعد السماء ع الوطا بينا صاح✔✔
سعد...عارف انتي ماحد يقدر يجي في مكانك انا وخذها عشان امي وبس لكن قلبي وكبدي عندك
رزان...ليش ادزلي شن خطرك بيا ✔✔
سعد...ماقدرتش نمنع روحي
رزان...ياريتك منعت روحك لأنك هكي ادمر فيا بدون م تحس✔✔
سعد..سامحيني
رزان..علي شنو انسامحك ✔✔
سعد...ع السنوات اللي ضيعتيهن معايا
رزان...مش ح نتحسف عليهن لأني حبيتك فيهن من كل قلبي سعودي بالنسبه ليا حطيتهن ع رف ذكرياتي الجميلة ✔✔
سعد...جبرني الوقت علي بعدك صدقيني
رزان...انت جبرت روحك بروحك ✔✔
سعد...نبيك تدعيلي ربي يتمم زواجي ع خير
رزان...وانا شن ح يصير فيا احلامنا امنياتنا زواجك توا مفروض معايا انا سعوودي✔✔
سعد...اعيون سعودك انتي نبيك اتعيشي حياتك انتي تستاهلي حد خير مني
رزان...تبكي دزتله بصمه ربي مايهنيك معاها باهي دمرتني ضيعت سنوات من عمري مع واحد مايستاهلنيش معش تحكي معايا انسا حاجه اسمها رزان ✔✔
سعد...ادموعك غليات حبيبي
رزان...حطاته في الحظر حقير
ابتسام...شن فيه
رزان..فكت السمعات تخبط ع كرعيها حقير حقييير حقييير
ابتسام...وقفي منو
رزان..شفتلها سعد
ابتسام..كنتي تحكي معاه
رزان...القيته دازلي خاص يقولي ع فرحه
ابتسام...صكريها الصفحه
رزان...طبست ذكريات الجامعه كلهن فيها م نقدرش
امينه...بيسو خليك فاتحه نت ادم برا طالعه
ابتسام...تمام قلتيها ل امي
امينه...اها قلتها لها
ابتسام...ماطوليش
امينه..ع حسب السواق باي
ابتسام..باي
امينه...كنها رزان
ابتسام...شيرت بيدها حاطه السمعات
امينه...اهااا تمام خشن جوا صقع
ابتسام..تمام
●●●#نورهان✍
فات الوقت في السياره امينه مروحه للحوش من بعد ابتسام اختارت الدبله
امينه...دومي
ادم...يسوق شفلها كنك تبي مكان اخري
امينه..لاااا بس
ادم...شن فيه
امينه...جت هناء زعلانه منك
ادم...ع شنو
امينه...قالت يضايق فيا واحكي معاه من الكلام هذا فهمت عليا
ادم...اهااااا ماجيتش شورها هيا اللي مركبه ع روحها بس
امينه...انزوجوها وخلاص انتريحو من هالمشكله
ادم...وقف السياره
امينه...كنك وقفت
ادم...نحكو جديات اشوي منى
امينه...شن
ادم...هناء مش عارف ليش كل م نشوفها اندير التصرفات هذين ممكن او اكيد نزعج فيها بس نفرح بعد نكون مرقيها لها
امينه...ابتسمت
ادم...شن يعني
امينه...يعني انكم انتو كيف توم وجيري مستحيل تتفاهمو
ادم...قولك
امينه...اها
ادم...يسوق ويحكي صاح جيينها عرب
امينه...اهااا نبو نعطوها
ادم...من
امينه....اقرباء امي
ادم..صكري علي الموضوع
امينه... هههههه كيف يعني
ادم...شي خلاص بدا يسوق وعم السكوت
امينه...كل اشوي تشوفله وتبتسم
●●
فرح...فتحت الباب
عبدالله...خييير بشينتي
فرح...خير بحبيبي وروحي
عبدالله...يخشش ف الاكياس من عندكم
فرح...حني وعيت خالي شن هذين
عبدالله...حاجات لك
فرح...كل م تبي اتجي ضروري م تعب روحك
عبدالله...مسكها من خشمها كم شينه عندي انا
فرح...انننن انا
عبدالله...هههه
فرح...هههههه
عبدالله...خالتي قاعده
فرح...اها خش جوا
عبدالله...لاوالله مستعجل
فرح...قربت حضناته والله امرايفه عليك بيدتي بكل
عبدالله...حضنها بالقوه مش قد اريافي خالتي عارفه اني جاي
فرح...اها قلتها لها
عبدالله....كلميها خليني انسلم عليها
فرح...وخرت تعال معايا مافي حد امي وحني وعايشه بس
عبدالله...لافوتي حبي جيت انشوفك وماشي
فرح...هياااا بيداااا
عبدالله...مانقدرش ع الدلع هذا انا راهوا ناخذك ونطلع بيك
فرح...اناااعلي نااا هيا جوا
عبدالله...وهذين
فرح...توا نكلم البنات يجن يشيلنهن
عبدالله...باهي عاد فكي يدي عيب
فرح....نقدرش عالقه فيك انا ترقا من الدروج امي
عبدالله...عيب حبيبي
فرح...حلالي راك شوف
عبدالله...عارف بس جو احرجات حبيبي
فرح...اللي يسمع كلامك ع التلفون يقول الحشم طالع زرده هههه
عبدالله....هههه
فاطمه...جيتك شافت ل عبدالله اهليييين عبادي
عبدالله...فك يده خير ياخالتي
فاطمه...انست ياخالتي خش جوا
عبدالله...جاي نسلم وطالع
فاطمه...خش خش امي وعايشه ف الدار
عبدالله...خش ومنحرج
حني صالحه...مرحبا مرحبا منورنا
عبدالله...سلم عليها وباس يدها راسك منور بوجودك ياحني شن دايره صحتك
حني صالحه...الحمدلله
عايشه...كيف حالك عبادي
عبدالله...سلم عليها الحمدلله شخبار خالي
عايشه..لاالحمدلله
حني صالحه..قعمز
عبدالله...لاوالله مستعجل ياحني
زينه...خشت خير عبادي
عبدالله..اهلين سلم
زينه..شن دايره صحتك
عبدالله...الحمدلله تبو شي
حني صالحه...خليك اتعشا معانا
عبدالله...لاوالله ياحني عندي شغل
حني صالحه...سلم علي اميمه ويه
عبدالله..يوصل سلامك
فاطمه...خشت هاك عصير
عبدالله...خذا عصير ماكنتيش اتعبي روحك والله
فرح...زينه في اكياس برا جيبيهن جوا
زينه...تمام
فرح..عزقتلها بوسه نجك
عبدالله...شرب من العصير اوكِ
الكل...اوكِ
فرح...لحقاته حبيبي
عبدالله...هممم
فرح...تعال نبيك
عبدالله..وين
فرح..هنا في المربوعه
عبدالله...خش شن فيه
فرح...قربت منه تشم في بنته
عبدالله...ههه يرفع في راسه
فرح...مافيش بنة دخان عطر بس
عبدالله...نزل عليها شمي بلكي اتأكدي اكثر
فرح...قربت اتشم
عبدالله...خطف منها بوسه من فمها
فرح...وخرت خبطاته ليش ادير هكي
عبدالله...عشان تتأكدي اني معش دخنت من بعد المشكله هذك
فرح...وجها قعد احمر باه صدقتك طبست
عبدالله...رفع وجها بصوابع ايديه ههه قصدك الحشم هذا بعدين اديريه ليا نقتلك
فرح...بيداااا
عبدالله...اعيونه
فرح...خلاص باه تحرج فيا
عبدالله...ههه ح نسيك الاحراج قريب سلام توا
فرح...قصدك تبي تمشي
عبدالله...خليني نمشي خير مايسير كلام اخري بعدها حلها كان قدرت اتحلها
فرح...شن يعني
عبدالله...قرب منها
فرح...اتبعد اااااا خلاص تمام عدي عدي فهمتتتت
عبدالله..هههه خوافه طلع وماسك في يد فرح
فرح...معش تقفل التلفون
عبدالله....بعد يكون ع الشحن بس حبي
فرح...مهما كان ننشغل انا
عبدالله...انااااااعلي ناااا حاضر
فرح...انحبك به
عبدالله...كذابه
فرح...بيدا والله انحبك
عبدالله....انصدقك هالمره ماعنديش ماندير
فرح...مش هاينه عليا نطلق يدك
عبدالله...رفع يدها باسها هانت حبي
فرح...نجك لي
عبدالله...تبي شي
فرح...نبيك
عبدالله...ابتسم غمزلها شن تبي في
فرح...ههه بيداااا تحرج فيا
عبدالله..هههههه نجيلي المكسوف عندي شغل حبيبي
فرح...تمام ربي يساعدك
عبدالله...فتح الباب اجمعين باي
فرح...عينك من روحك
عبدالله...عندك روحي
فرح...في حفظ الله معناها
عبدالله...باي خلاص صكري الباب
فرح...باي صكرت الباب خشت وهيا تبتسم وتتخيل في البوسه
●●●#نورهان✍
ابتسام...خلينا انخشو
رزان...هيا
ابتسام...خلاص انسي
رزان...ماوجعتني الا السنين اللي ضاعن عليه
ابتسام...حاولت اتلطف الجو وتخليها اتفك رزان
رزان...شن
ابتسام...حلوه الدبله
رزان...تهبل نفس اللي في يد وائل كفوري
ابتسام...سمحه يعني
رزان...اكيد ح تكون احلا ع يد بوعيون كحيله
ابتسام...نجك لي
●●
فاتت ليله سمحه ع الكل ماعاد ع رزان البنات كلهن يهدرزن مع بعضهن ويضاحكن وهيا ماسكه التلفون وتقرا في الرسائل
ابتسام...ساعه كم
اروي..3
فرح...واو هذا كله سهرانين
رزان...انا نعسانه بنرقد
امينه...خلينا انرقدو كلنا
ابتسام..وخرن انا نرقد جنب رزان
هنيه..شن المعني
امينه...غمزتلها اتحبها يابنتي
هنيه...ياحظك يارزان
رزان...ابتسمت الحاجه السمحه في الحياة لمتنا هذي بجد كانت نقصتها بيشو وملاك ويه تكمل
امينه بكل
●●
يوم جديد الكل مستلم حاجه يدير فيها
عايشه...اساعه كم
امينه...3،ونص
عايشه...جايات توا
امينه...اها
امينه...تمام تمام وين ابتسام
امينه...تلبس
●●
رزان...يعني حرام كان درتي ايلاينر بسيط
ابتسام...اعيوني اكبار من غادي ليش انكبر فيهن بس
رزان...خليك كيف الخليجيات شفتي اعيونهن
اروي...بس هكي سمحه مسكره مرفعه رموشها قلم ازرق من تحت وروج هادي
رزان...خليني انديرلك رفعه بسيطه ب الأيلاينر
ابتسام...ماتمشي في خاطرك تعالي
رزان...اهم شي النيه
ابتسام..ههههههه صافيه
●●
فرح...الباب يطق
هناء...اكيد جن
فرح...نمشي نفتح وانتي قوليلهن جن
هناء..تمام
فرح...مشت افتحت الباب وخشت سعده وحنان بالبوكسات في ايديهن تسلم فرح جت رزان
رزان...تسلم تفضلن
حنان...سلمت عليها روزا في باقي البوكسات برا غمزتلها جيبيهن
رزان...شفتلها بأستغراب وطلعت ترفع في البوكس نزلت البوكس وعزقت الضفيرة اللي طاحت قدامها وراها جت عينها في عين وسام
وسام...مازال هذا
رزان...توخر في جمتها وتمسك في البوكس ذؤؤؤق الصراحه من يومكم
وسام...حط البوكس بدون م يرد عليها
رزان...ماعادا انت معدوم عندك الذؤؤق
وسام...شن
رزان...ولا شي ياسمح وخشت جوا
وسام..ضحك ع جنب وصكر الباب
●●#نورهان
ابتسام...جن
امينه...اها تعالي
ابتسام...تمام شكلي
امينه...اهااا تهبلي هيا اطلعي
ابتسام...هيا هيا طلعت مشت تسلم ع سعده وحنان
رزان....كنك م مشيتي لجامعه
هناء...باتي شفتيه بروحك جا ساعه8 وعا 11وطلع اخري
رزان...ادم يوصلك
هناء...لو قالو من مستحييييل ادم شن جنني امس
رزان...اتصدقي بديت انتخيل حتي في عرسكم ع فكره خيلين ع بعضكم
هناء...فالك ماقبلناه مشكلجي
رزان...تنكري انا مش راجل
هناء...راجل بس مشاكله وجداات
هنيه...يهبل ادم تكفي وقفته راااجل
هناء....مستحيل نتقبله لو شن دااار
●●
تسربع في الأحدث
لبست سعده دبله ابتسام كانت ابتسام الفرحه مش سيعتها تبي اطير كل اللي قاعد يسير قدامها بالنسبه لها حلم
رزان..لووووووووولي مبروك حبيبي
ابتسام...يبارك في عمرك الفال لك طلعت برا
رزان...لحقتها وين
ابتسام...سلحت الدبله انكلم مجدي
رزان..نلقانك بارده المراه جايه تاعبه تلبسها لك وانتي تسلحي
ابتسام...قالي نبي انلبسها لك الو
مجدي..معاك ياروح
ابتسام...تعال فم الباب
مجدي...عمي وين
ابتسام...طلع للمزرعه تعال خمس دقايق
مجدي..هي
ابتسام..صكرت عطت التلفون ل رزان وخشت لدار خذت دبله مجدي وطلعت
رزان...والصابره شن ح يصير فيها
امينه...هههههه ربي يسعدها
رزان...من امتي انتي هنا
امينه...من الصابره مالياش واجد
رزان...ههههههه
امينه...تعالي نكملو باقي الضيافه
رزان....هيا
●●
ابتسام...افتحت الباب طلعت راسها
مجدي...وخرها بيده جوواااا
ابتسام.....ابتسمت
مجدي...شن السماحه هذي ياروح
ابتسام...تبرم طالعه سمحه
مجدي...اتجنني يرفع في جمتها من اعيونها طرف واحد وجا من حظي
ابتسام....ههههه ياحظي بيك خذت يده ولبساته الدبله
مجدي...امتي مشيتي جبتيها
ابتسام...امس دزيت امينه دزتلي الصور اخترت هذي عجباتك
مجدي..يرفع في يده ذؤؤق
ابتسام...نجك لي زدت حليتها ف يدك حبيبي
مجدي...دبلتك وين
ابتسام....قبل اوعدني ماتحولها من يدك
مجدي...مانقدرش نوعدك
ابتسام...ليش
مجدي...لانك بعد اسابيع تحوليها من اليمين لليسار
ابتسام..هههههه نجك لي خوفتنييي
مجدي...وين دبلتك
ابتسام...مدتها له هيا والمحبس
مجدي...عجبنك
ابتسام...يهبلن
مجدي...لبسها لها وباسها في كف يدها انحبك
ابتسام...حتي انا
مجدي...شن
ابتسام....انحبكك
مجدي..اناااعلي نا وخلاص خشي انا نطلع قبل م يجي حد
ابتسام...تمام باي
مجدي...باي طلع وصكر الباب وراه
●●●
بعد وقت عدت سعده وحنان...
في الكوجينه ع الطوله
رزان...اااه كرعيا مش شيلتني اتصدقن
ابتسام...لانك طول اليوم واقفه
رزان ...هك نحس في روحي ثاقله
زينه...باتي قال في الصبح انجيكم
هناء...لاااااا خليكن
زينه...والله لا لنا كم يوم هنا
رزان....انتن اللي تعالن غادي
ابتسام....توا انشوف باتي
زينه...امينه وعدتيني
امينه...حاضر
روان...نونا تلفونك من بدري يرن
هناء....اكيد هاله هذي عشان ماجيت اليوم
روان...رقم مش مكتوب عليه اسم
هناء...بنات سكوت اشوي فتحت
المتصل...الوووو
هناء...الوو من امعايا
المتصل....انا فائق اللي امس خبطتي فيا في الجامعه..........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الثامنة_عشر
#نورهان✍
