#جبرني_الوقت⏳
#الحلقه_الثلاثون
بقلمي✍ #نورهان
اللهم استقامه مهما مالت بينا الايام...🫀
●●
ابتسام...مطبسه ومصكرا اعيونها
مجدي...عاود علي الرقم وفتح السبيكر رددد
زينه...بيسو نجك لياا بعد دزيتي رساله الجو حايس قدامك صكرت وحطيته في الدار نبي نقولك كل سنه وانتي طيبه ياقلبي
مجدي....من انتي
زينه...اها مجدي انت كيف حالك كل سنه وانت طيب انا زينه بنت خال ابتسام
مجدي...اها وانتي طيبه هاكي ابتسام
زينه...هي
ابتسام...شفتله اعيونها اللي ينزلن ادموع خذت التلفون منه وصكرت عليها حطت التلفون قدامها ايديها يرعشو
احمد....شاف ل وسام بخيبه
وسام...خوك عيل مالأخر
مجدي...زينه بنت خالك
ابتسام....تمسح في ادموعها مع رنت زينه بدون ماتشوف لمجدي مسكت التلفون خذت نفس عمييييق الووو
زينه...خير بيسو
ابتسام...خير زيونه شخبارك
زينه....تمام الحمدلله فصل الخط بينا
ابتسام...اها كنت في الكوجينه ورقمك مش مسجلته رد مجدي عليك دموعها ينزلن
زينه...اها نجك لي كل سنه وانتي طيبه
ابتسام...وانتي طيبه شخبار خالي تمسح في ادموعها وعويشه والبنات
زينه....اكويسين كلهم
مجدي...واقف ورا ابتسام
خليفه...قعمز عاد اللي عليك درتها
مجدي...ماحد يددددخل في د..........
احمد...راه انصبي نخرب عليك صدق فيك
مجدي...ماحد له دخله اللي نحس بيه مافيش حد حس بيه ماحد يدخل بينا
خليفه...كان ماخذيتها تموت اخساره فيك كان خذاها لد خالها خير اقل شي يعاملها معامله اكويسه
مجدي...ياباااااتي
زينه...شن الهرجه اللي قدامك
ابتسام...نجك ليا ياعمري عمي والشباب يعيطو علي العشاء سلمي علي خالي وعويشه والبنات
زينه....يوصل نجك لي وسامحيني علي الأزعاج
ابتسام....لانجك ليا خلي نين الجو يفضا توا انرن عليك
زينه....خلاص تمام
ابتسام...في أمان الله صكرت حطت التلفون جنبها
مجدي...سامحيني ابتسام
ابتسام...تشرب في اميه ودموعها ينزلن لاعادي ولا يهمك ماصار شي
مجدي...مش زعلانه
ابتسام...لاااا قعمز كمل عشاك عمي عمتي نونا احمد وسام تعشو مش ساير شي
سعده...انتي اكويسه
ابتسام...اكويسه عمتي اها
مجدي...قعمز جنبها يشوفلها
ابتسام....تمسح في ادموعها صبي رد المكانك
مجدي....ايديك يرعشو
ابتسام...اها لاعادي
مجدي...سامحيني
ابتسام....ابتسمت مافيش شي عشان نزعل عادي
مجدي...معش تبكي
ابتسام...لأني رعشت بطريقه كلامك ليا سلم ايديك عمي علي الشويات منظرهن يشهي نونا سلم دياتك علي السلاطات
وسام....يشوف ل احمد
احمد...ماشور شي حركات مجدي
حنان...تمسح في ادموعها صحه كولي
ابتسام...خذت طرف كبده خذت طشه منها ييييه انسيت الدواء شنطتي وين
حنان...علي الشطار في الدار
مجدي...خليك توا انجيبه
ابتسام...صبت لاا عدي تعشا انجيبه وانجي
سعده...راكي اطيحي ترعشي كلك
ابتسام...توا انتعدل بعد ناخذ الدواء
مجدي...صبا
ابتسام...شفتله كنك
مجدي...مرات اطيحي
ابتسام...لامافيا شي علي السريع انجيب الدواء وانجي كمل عشاك
مجدي...رد المكانه
حنان...نمشي معاك
ابتسام...ههه لااا طلعت من قدامهم وخشت للحوش جوا
سعده....لاحول ولاقوه الا بالله
مجدي...ماحد يشوفلي النار اللي فيا مافي حد حاسس بيها وبيني وبينها ماحد يدخل
خليفه...لالما اتهينها وتقلل من قدرها وقيمتها انوقفك عند حدك عيب مهما كان ولو شن دارت هذي زوجتك ماتسمحش انك اتهينها قدام اي حد بينكم في شقتكم عادي لكن قدامنا قدام اي حد لاا يامجدي
احمد...فعلا صاح
ابتسام...خشت لدار قعمزت علي الصالون ايديها علي فمها وتبكي وماتبيش صوتها يطلع
#نورهان✍
امينه...عطيها ليا
حمادي...خلوها عندي
امينه...شن هاجر
هاجر...وقت علي رضاعتها ونرقدها
حمادي...عينكم منها
هاجر...ههههه حاضر
امينه...رسمي الكلام خلاص
ادم...شكله
حمادي...ماطاجين ماكليتا الا انا
امينه....ههههههه غير تسلم نجك لي وين بتلقي كيف منونه
حمادي...غير فكوني من شيلها بس خلوها علي يد وحده
امينه...هههههه حيحي
هاجر...خلاص حمادي حتي اللي يسألني نقول محجرها ولد عمها
حمادي...تم نهيت موضوعها
ايمن...الله الله لاعاد حشم لاخوه
حمادي...انت نطلق عليك باتي ينهي موضوعك
الكل...ههههههه
هنيه...صورتن
فرح...اها وين هنو
هنيه...ماتبيش تطلع تقول متحشمه
فرح...بلكي ليه مازالت عالقه
هنيه...مشعارفهه
اسراء...عادي خلوها اتريح
ادم...صبا
عبدالسلام...وين
ادم...لحمام تمشي معايا جديده هذي وين
عبدالسلام...ههه لااربح
ادم...هالله العظيم خش من باب المربوعه طول لدار
هناء...راقده علي جنبها وتفكر
ادم...هناء
هناء...صكرت اعيوونها
ادم...هههه عنجد الكذب ريت كيف صكرت اعيونها
هناء...اطلع من قدام وجهي
ادم...هيا صبي برا
هناء...غطت وجها مش طالعه
ادم...انتي متحشمه مني عشان
هناء...خلاااااص معش اتذكرني انشالله انموت كارها روحي
ادم...بعيد السو علي الأرنوبه
هناء...حولت الغطا وشفتله
ادم...ماسك الضحكه هيا صبي
هناء...غطت وجها وتضحك
ادم...هيااااا
هناء...تحشم علي وجهك عيب
كلامك
ادم...شن حكيت ماحكيت شي
هناء...مش طالعه انا
ادم...غير هيا صبي نلتمو الجو برا سمح ناقصك
هناء...مش طالعه
ادم...تعبانه بكل
هناء...لالا مافيا شي خلاااص
ادم...حول الغطا صبي عارفك متحشمه مني عادي هذي حاجه من ربي مش بيدك بعدها مفروض تفرحي سترت عليك قدام عمك
هناء...ردت الغطا شن يطلع فيا انا برا اصلا
ادم...عشان نشوفك ياارنوبه
هناء...خلاااص شن ارنوبه
ادم...ههه حول الغطا وصباها خلاص تمام هيا خلينا نلتمو برا
هناء...متحشمه
ادم...ماحقكك حد غير انا
هناء...هيا وجهي متفترش منك
ادم...توا انلمه غير هيا
هناء...عدي باه
ادم...قدامي
هناء...ورحمه عبسي لو نقعد قدامهم تقعد تشوفلي ودير حراكات انخش معش اتحق خلقتي بكل
ادم...ماسك ضحكته هيا باهي
هناء...تبي ترفع البطانيه
ادم...وخر يدها ماعليك فيها خذاها طبقها وحطها في الدولاب
هناء...تنزل في توتها لوطا
ادم...انا نطلع من باب المربوعه انتي اطلعي من باب الكوجينه بس اشربي اميه قبل ماتطلعي
هناء..عليش
ادم...كنتي ساخنه وجو برا في اشوي صقع يضرك
هناء...ابتسمت طالعه لكن والله
ادم...خلاص هيا
هوا طلع من باب المربوعه وهيا طلعت من باب الكوجينه
ادم....رد قعمز وفي يده التلفون
عبدالسلام...هذا كله حمام
ادم...ماخشيت اصلا كنت نحكي برا بالتلفون
عبدالسلام...من
ادم...شن عبسي تحقيق
عبدالسلام...فضول
ايمن...خييير يالشينه
هناء...رفعت يدها خير وردتها في جيب التوته
عمران...شن دايره ياباتي
هناء...اكويسه الحمد الله
عمران...السن واعره كان مشيتي قلعتيها خير
هناء...اعيونها شلنها ل ادم
ادم...نلقانها واعره
هناء...ابتسمت شافت ل عمران لااكويسه ياباتي خشت ورا اسراء
اسراء...ههههه احرجات
هناء...بكل بكل خلاص انا
امينه...باهي هجوري عاد ماتشيليش حاجه ثقيله
هاجر...ربي يستر
امينه...لاعاد انتي توا حامل وانتي ديما حملك حساس
هاجر...لاانشالله خير بعدها ايمن مش معاه ابصاره كان ماحملت مشعارفه شن كان دار نبي اعيال نبي اعيال قتله مش عندك هومي ومنونه لالا نبي اخري
امينه...نجك لي ياايمن
هاجر...يحساب الحمل والولاده ساهله
امينه...هههههه اهم شي اعيال
هاجر...بكل
●●
كل اثنين يهدرزو وضحكه مش فارقتهم
حني امينه...هنو
هناء...نعم حني
حني امينه...تعالي جنبي
هناء...صبت قعدت جنبها
حني امينه...يدها علي جبهتها كنك ياحني
هناء...اكويسه ياحني
حني امينه...وجهك اصفر
هناء...لااكويسه الحمدالله
حني امينه...انتي تعيبه ياحني عينك من روحك
هناء...انشاالله
حني امينه...طلعت عصير من وراها مدتها لها
هناء...شن هذي
حني امينه...اشربيها ماتقوليها لحد
البنات...يشوفن لهناء وحني امينه
هناء...لاحني انا لما نبي نمشي نشرب هذا لكي
حني امينه...هذي من حنك تفرق اشربيها وراي
هناء...ههههه حضنتها مازالتي اتعاملي فيا كيف ماانا اصغيره نجك لي ياحني ربي يطولي بعمرك
اسراء...لاحني شن معني هنو
عمران...خاطو بنتي
صالح...وبنتك عندها تؤام
عمران...هههه
صالح...ولا لاهنيوا
هنيه...ليا الله عمي
عمران...هههه كيفك كيف اختك
هنيه...وصيت غير عليها
عمران...تعالي تعالي
هنيه...صبت راضيني
عمران...طلع شوكولاطه من جيبه مدها لها
هنيه...ييييه نجك لي حنوني حضناته
ايمن...والباقي ياعمران
عمران...اسكت عاد انت
هنيه...نحنا التؤام معزه خاصه في قلبه فتحت الشوكولاطه
ايمن...عطيني منها
عمران...كوليها كلها
هنيه...خذت منها نعطيه
عمران...لا
ايمن...كرها منها وحطها في فمه
هنيه...ههههه صحه طيرت يدي
ايمن...امممم ههههههه
عمران...هههههه
صالح...والله صدقت
حني امينه....اشربي
هناء...تشرب في العصير امممم حني مصقع يهبل
حني امينه...صحتين وحدورها عافيه
اسراء...صحه نونا
هناء...علي قلبك
اسراء...سهفتيني عطيني نقعد جنب حني
هناء...تؤتؤ مكاني
ادم...يشوفلهن
هناء...حطت العصير جنبها وتكت راسها علي كتف حني امينه الله حني حضنك راحه نفسيه
حني امينه...ماسكه يدها ايدياتك مصقعات
اسراء...وين الدلال هذا
هناء...بطلي غيره
اصيله...لاصاح حني غرنا كلنا
حني امينه...امريضه هنو
فرح....ياريت نمرضو كلنا
هنيه جنب باتي وهناء في حضنك ودللي فيها
حني امينه...هذين لصغيرات
فرح...ياريت جيت اخر العنقود
حني امينه...ياعموره ياصلوحه
عمران...نعم امي
صالح...ايوا
حني امينه...بناتكم غيرات
عمران...هههه
صالح...كلكن معزه خاصه
حني امينه...حتي انا قلت هكي
امينه...احسن شي انا اكثر وحده ادللت من باتي وامي وحني حتي عمامي وعماتي
صالح...انتي كبيرتنا اكيد
امينه...احسن لبس كنت نلبسه وديما المميزه في المدرسه احسن العاب ليا
فرح...شفت يا باتي
عمران....ههههه امينه
امينه...هههههه خلاص سكتت
صالح...وتن اهي خلاص نسخن فيهن
صبن البنات كلهن عادا هناء اللي مازالت حاضنه حني امينه
ادم...مطبس علي التلفون صوت المسنجر الرسائل في جرت بعضهن
هناء...شفتله لقاته يبتسم
ادم...لاهي في التلفون ويبتسم صوت المسنجر مستمر
ايمن...هاجر
هاجر...كانت فاتحه تلفونها نعم
ايمن...امبدري اختك رنت عليا
هاجر...اها اندردش معاها
ادم...شفلها وشاف ل هناء لقاها تشوفله صكر التلفون وشفلها
هناء...شالت اعيونها ل عمران
ادم...مستمر يشوفلها
هناء...شفتله لقاته يشوفلها ردت شافت ل عمران
ادم...فتح تلفونه بدن صوت المسنجر
هناء...شفتله
ادم...يبتسم
عبدالسلام...شاف لتلفونه مش ملحق بكل
ادم...بعد التلفون امشي
عبدالسلام...شكلك تبي اطبق الشرع اربعه
هناء...تشوفلهم
ادم...ضحك قولك
عبدالسلام...بالله عليك كم وحده راجي انعدهن
ادم...صكر التلفون وشاف ل هناء لقاها راقيتلها وتشوفلهم
هناء...اعيونها عليه وقارنه حواجبها
ادم...غمزلها وهز براسه بمعني كنك
هناء...ماعدلتش عليه
اسراء...تعالي نونا
حني امينه...خلنها عنكن
اسراء...ههههه قصدي نبيها في شي
حني امينه...خليها امريضه
اسراء...براحتها
حني امينه....يدها علي راس هناء
هناء...نار الغيره واضحه ع ملامح وجها
ادم...حمااااادي يبي هناء اتشوفله
حمادي...يلاك ماتستحقش حماااادي نسمعو رانا
ادم...متلخبط نحسابك خشيت جوا
حمادي...كنك
ادم...جيبلي دخان
حمادي...من وين
ادم...من الحوش في داري
حمادي...مش وقت مشيه لعند الحوش
ادم...عدي
حمادي...مش ماشي دز عبسي
ادم...مستحيل يمشي تلفونه رن
خلاص خلاص توا نمشي بروحي عندي مكاااالمه
هناء...شفتله
ادم...صبا وعيونه علي هناء ايوا نسمع اها
هناء...رفعت راسها وتشوفله
ادم...هههه واللهي خليني نطلع من الزحمه اللي قدامي يلبس في كويشته ويشوف لهناء
هناء...مانزلت اعيونها منه
ادم...تمام تمام طلع برا
هناء...مع من يحكي هذا
حني امينه...شن
هناء...لا
بدن البنات يوتن في العشاء ....
#نورهان✍
ابتسام...لونتعارك معاه ونمشي لحوش حني انكد عليهم ورمضان بكرا كان قعدت نقعد بدون كرامه قدامهم شن اندير ليش في كل مره تجرح فيا لييش لكن توا مش حنكد عليهم ولا علي هلي خذت الدواء خشت لحمام اغسلت وجها وطلعت برا
الكل...يشوفولها
مجدي...يدخن وموخر علي المفرش
خليفه...تعال كول
مجدي...ماعنديش نيه
ابتسام...اتشوفلهم وقعمزت جنب حنان
حنان...امسحيها فيا هذا غيرته هكي
ابتسام...ابتسمت عادي نونا عارفه طبعه
حنان...نكدها عليك البارد
احمد...يشوف لتلفونه راقيله من مجدي
خليفه...ناكل بروحي
وسام...خلا فيها نيه
مجدي..تبي تاكل كول ماتبي صكر فمك فكني من عزق الكلام
ابتسام...احمد
احمد...شفلها
ابتسام...عشاني كول وسام كول مجدي هكي طبعه تعودت عليه ماتنكدو عشاني انا قاعده ناكل كولو مجدي تعال كول
مجدي...يشوفلها ماعنديش نيه
ابتسام...لاتوا تقعد عندك نيه هيا احمد وسام عمي عمتي كولو قبل مايسقعن الشويات
احمد...تنهد صكر التلفون وبدا ياكل
وسام...شاف ل احمد هز براسه وبدا ياكل
ابتسام...هزت راسها ل مجدي بمعني كول
مجدي...شفلها عزق الدخان وقرب للمفرش
الكل بدا ياكل
ابتسام...تاكل مش حاسه بأي طعمه بس عشان ماتكدرهم وهما كلهم يستنو في اللمه هذي
حنان...كولي هذي سمحه
ابتسام...سلم ايديك السلاطات خيال
حنان...صحه كل اشويات ضروري ست سبع انواع مع الشويات لكن عاد
العيد الجاي معايا انتي ورزونه اكيد حنديرو جو يجنن
ابتسام...ابتسمت نجك لي
احمد...مدلي اميه
وسام...مدله شيشه
احمد...شن صار في عبسي راه يقعد راد علي العرب
وسام...خلاص انا معش عندي بيه دخله مليت
خليفه...خليه يحبسوه اسبوع في مكان بعيد منك توا يتأدب حتي باته وحل فيه
مجدي...صبا
خليفه...زيد
مجدي...الحمدلله
ابتسام...تاكل في ليمونه
حنان...يهبطك
ابتسام...لاعادي احسن شي دايرته شرائح بيش ادزيلي الصور كلهن
حنان...من عيوني
ابتسام....سلم اعيونك حنفتح نت نلقي البنات كلهن دزات في القروب جوهم
حنان...الله عليك جو تسهفن فيا
ابتسام...انضيفك
حنان...لالا تبن تأخذن راحتكن
ابتسام...عادي
حنان...لاوالله بس دزيلي جوهن
ابتسام...حاضر
#نورهان✍
رزان...اتسيق في الحاجر
اروي....تبخر في الحوش
روان...امي
عايشه...في الدار مع حنك
روان...نبي اندير شاهي خضرا تشربو
عايشه...شربنا انا وحنك وباتك ديرن انتن
روان...بالبردقوش
عايشه...صحه
روان...علي قلبك
عايشه...خطرها ديرن محلبيه
روان...زينه ادير فيها وطالعين برا
عايشه...باهي تمام
رزان...في يدها المكنسه علقتها وخشت للكوجينه داهشه ينعلي قلبي يبي يطلع
زينه...سيقتي الحاجر كله
رزان...وحقالله كله
زينه...يعطيك الصحه كنتي اتسيقي جيه اللي قعدنا فيها
رزان...علي اساس هكي لقيت روحي بارمه علي الحاجر كله
زينه....كان راجيتيني راني سيقت معاك
رزان...كملت الله بنت البخور
زينه...خشت توا اروي تبخر
روان...ادير في الشاهي
رزان...شن اديري
روان...شاهي خضرا خاطري فيها بالبردقوش
رزان...ديريها فيها حلاوه
روان...تمام
اروي...حطت المبخره علي الطوله الله الحوش قعد رايق
روان...باهي اللي درتن زينه رمضان بذات الكوجينه تغيرت
اروي...سلم رزونه مش عارفين شن انديرو بعد تزوج
رزان...ييييه حتي انا
زينه...تعالي ديري المكسرات فوق المحلبيه معش اتذكريني
رزان....لكن والله مانغيب عنكن خياتي انتن
زينه...محلاك وانتي غايبه
رزان...وانا نقدر
روان...تبنا خفيف ولاثقيل
اروي...لاخفيف
روان...طفت عليه وحطت البردقوش
رزان...تحط في المكسرات فوق المحلبيه احسن حاجه يهضم اللي كليناه
زينه..علي اساس باين فينا
رزان...ههههه والله صدقتي
اروي...اشويات باتي يهبلن
رزان...بكل فيهن طعمه تهبل
روان...هيا نقعدو برا
اروي...هيا
زينه...تغسل في الطنجره حطتها في السله وراكن
رزان...تمام هكي
زينه...تمام هيا طفي الضي بس
رزان...طفت الضي
طلعن كلهن برا يشربن في الشاهي
#نورهان✍
الكل كانو قعدين ياكلو
ادم...خش يبتسم
ايمن...وين كنت
ادم...كانت عندي مكالمه
ايمن...غمزله من
ادم...بدون صوت الحب
ايمن...الحب صار
ادم...خذ طرف كبده ويشوف ل هناء
هناء...طبست راسها
اسراء...كولي
هناء...عارفه كل ماناكل ليه تقوا عليا بعدها شربت عصير انسدت نيتي
حني امينه...مدتلها طرف كبده كولي هذي
هناء...والله ياحني ماعندي نيه
حني امينه...اتوكل فيها
هناء...امممم نجك لي
حني امينه...العرب تسمن انتي كل مره في الناقص
هناء...هههه
هنيه...تلفونك هنو
هناء...مديه ليا
هنيه...مداته لها
امينه...من
هناء...مشعارفه فتحت لقت رساله علي المسنجر((نهايتك علي ايديا)) وجها تغير
امينه...من
هناء...شفتلها اشعار صكرت التلفون
امينه...اها
هناء...صبت
حني امينه...وين
هناء...الحمدلله شبعت
حني امينه...شن كليتي اصلا
هناء...الحمدالله ياحني ماسكه التلفون في يدها زييين تبي اتخش
صالح....هنيوا
هنيه...نعم
صالح...هناء
هناء...وقفت نعم
صالح...انلخبط بينكن
هناء...ابتسمت
صالح...تعالي
هناء...ردت مشتله نعم
صالح...تعالي قعمزي جنبي
عمران...تعالي ياباتي
هناء...والله ياعمي ماعندي نيه
عمران...قعمزي بس
هناء...قعمزت صادرت ادم ماتبيش اتشوفله وجوها خرب بعد الرساله
صالح...مدلها كبده كولي
هناء....والله ياعمي ماعندي نيه
ايمن...كولي قاعده ميت مادفنوني سامعه بيها
عبدالسلام...ههههههه
حمادي...بعيد السو
ايمن...والله ميته بكل
عمران...مغير خليها عنك
صالح...مدلها كبده
هناء...خذتها
صالح...يقرب في السلاطات قدامها كولي سلم عمك
اسراء...باتي بناتك نحنا راهو
صالح...ماقلت شي
اصيله.. بكل الدلال كله ل بنات عمي عمران
عمران...وانتن بناتي تعالن
اصيله...ههههه صبت
اسراء...انا انجي في مكان هنو احنينتي
حني امينه...ربي يفرحني بيكن خايبات
اسراء...حضنتها ويطوللنا بعمرك ومايحرمنا من حنيتك علينا
اصيله...جت قعمزت جنب عمران
عمران...يقرب في الحاجات قدامها
اصيله...انا شبعانه لكن غرت من هنو بس
ايمن...امتي تكبري يامنونه ماناكل الا بيك
هاجر...ييييه ايمن انشاالله
امينه...يسدك هومي
ايمن...البنت تختلف
امينه...ربي يفرحك بيها
ايمن&هاجر...انشاالله يارب
هناء...ماسكه القزوزه وسرحانه في عالم اخر
ادم...يشوفلها
امينه...ايمن
ايمن...همم
امينه...نبوك بكرا تاخذنا لسوق
ايمن...عليش
امينه...هنيوا تبدا اتبتت
ايمن...باهي بس في ليل
امينه...اكيد في نهار مستحيل
ايمن...تمام
عمران...توا انشيلكن انا
امينه....لاباتي انت تعبت
ايمن...مااصلا انا كتينت حديد انتحمل عادي
الكل...هههههههه
امينه...نجك لي مش قصدي
ايمن....هي هي
هاجر...هههههه
صالح...كولي
هناء...سرحانه
صالح...هنو
هناء...شفتله اه
صالح...كنك ماتاكلي
هناء...والله ماعندي نيه نجك لي
صالح...قاعد وجهك ذابل
هناء...حطت يدها علي وجها اه صاح
صالح...اها كان هكي عدي عايني
عمران...انشيلك
هناء...انهارت ابكا اتهز في راسها لالا
عمران...شفلها كنك تبكي ياباتي
هناء...مافيا شي
الكل...يشوفو ل هناء
امينه...صبت هنو كنك
هناء...كنيش
صالح...بسم الله ماكان فيك شي
عمران...هيا معايا
هناء...شفتله وين
عمران...هيا بس
هناء...لاباتي خليني نبيش نطلع تمسح في ادموعها
ادم...ماحكش شي غير يشوفلها
هناء...نزلت القزوزه من يدها
عمران...صبا يالله نمشي نغسل ايديا ونجيك ياباتي
صالح...كنك ياعمي
هناء...تهز في راسها شي
صالح...بكيتي مره وحده
هناء...اسكتت معش حكت شي
فاطمه...صبت هنو تحسي في حاجه
هناء....لاامي مافيش شي
حواء...بسم الله تبخ عليها في اميه
هناء...زادت تبكي
حواء...مفجوعه هذي
عمران...يمسح في ايديه بالمنشف هيا ياباتي
هنيه...وين
عمران...توا انجو
هناء...خليني نبيش نطلع
عمران...غير هيا بس
هناء...ماعنديش نيه نلبس
عمران....ماتلبسيش حطي الطاربوش علي راسك وهيا
ادم...وين ماشيين عمي
عمران...توا انجو
هناء...تنهدت وصبت حطت الطاربوش علي راسها
عمران...مفتاحي وين
ادم...صبا وراها قولي مش ماشيه كيف تطلعي بتوته لشارع
هناء...شفتله الهي في حياتك دخلكش بيا
صالح...كنك ياادم
ادم...شي طالع لشارع
عمران...هيا اهو المفتاح
هناء...لبست صباط الحوش ومسكت في يده
عمران...يمشي وماسكه في يده هناء كنك ياباتي
هناء...مشعارفه بروحي
عمران...يبي يفتح الباب مفتوح
هناء...ادم طلع توا
عمران...طلع وفي يده هناء
ادم...مصبي قدام الحوش مرفع كراعه علي الساس ويدخن
عمران...بيش اتصكر الباب مرات ايهم يطلع
ادم...تمام يشوف ل هناء
هناء...بدون م تشوفله فتحت باب السياره وركبت
عمران...ركب ولع السياره خليها تسخن
هناء...وين ماشيين
عمران...اندهورك
هناء...مسكت يده بستها ربي مايحرمني منك
عمران...من الصبح جوك مش عاجبني قبل اتجي اتساعدي فيا ماجيتي بكل في حاجه مزعلتك
هناء...لا
عمران...حد ضايقك
هناء.. لا بروحي مضايقه
#نورهان✍
وسام...الو
رزان...معاك
وسام...لعند امتي
رزان...لعند ماربي ياخذ امانته
وسام...باهي صكفمك
رزان....ههههه باه فيش ادير
وسام...شي قاعد برا نحكي معاك
رزان...من عندكم
وسام...عيت مجدي بس
رزان...اها امبدري زينه قلتلي حكيت معاها لكن الجو قدامها حايس
وسام...صكر اعيونه
رزان...الوو
وسام...معاك اها كنا انتعشو
رزان...اها باهي صحه
وسام...علي قلبك وانتي شن اديري حبيبي
رزان...والله ياروحي شي قاعده برا خواتي كانن معايا وخشن الجو سمح ياريتك معايا
وسام....انااااعلي نااا ياريت هانت خلاص
رزان...هانتتتت
وسام...انحبك ياشينه
رزان...قد شن
وسام...مالهش قد
رزان...لاضروري يكون له قد
وسام...انتي بذات مالهش قد حبك
رزان...امباه حنشوفو له قد ولالا توا غير كلام تلفون
وسام...حنشوفو
رزان...امباه بيسو مازالت قاعده
وسام...اها كانت تسيق في الحاجر وخشت جوا
رزان...ماشاءالله باهي تمام
وسام...وانتو من عندكم
رزان...علي اساس عيت عمي ابراهيم يجو لكن ماصارش من جيتهم بكرا فاطرين عندنا
وسام...عندهم شباب
رزان...اها عندهم
وسام...يجو معاهم
رزان...اكيد
وسام...تحكي معاهم
رزان...اكيد حتي نقعدو علي نفس السفره
وسام...حلوه حتي هذي
رزان...ههههه اكيد لا بعدها واحد بس يجي معاهم حمزه في تونس ويوسف في طرابلس
وسام...هذا اللي حجر ابتسام
رزان...اها يوسف
وسام...يربح
رزان...احكيلي
وسام...شن نحكي
رزان...كم مره ارتبطت
وسام...عليش سؤالك
رزان...عادي حب فضول
وسام...مره وحده
رزان...وانا الثانيه
وسام...اها
رزان...وينها توا
وسام...من
رزان...هيا عليش سيبتو
وسام...يهمك ماضيي
رزان..اكيد لا
وسام...معناها مافيش داعي تسألي
رزان...قتلك حب فضول
وسام...ازوجت
رزان...صكرت اعيونها منك ولا منها
وسام...عليش اتردي فيا للماضي انا معاك انسيت كل حاجه
رزان...نجك لي فضول
وسام...عمي عمران
رزان...كيف
وسام....اب ابتسام راجي انشوفه
رزان...تمام صكرت حطت التلفون علي الكرسي اللي جنبها حطت ايديها في بعضهن وتشوف لسماء شن ادير توا يا سعد قاعد معاها ولا عند امك
#نورهان✍
ادم...مني
امينه...اتسيق في الحاجر نعم
ادم...كنها هناء
امينه...داهشه والله ماني عارفه دومي كنها في شي اخري
ادم...ماكان فيها شي بعدها بكت مره وحده
امينه...بلكي مضايقه بعد اتجي نسألها
ادم...ايسير تطلع هكي بتوته لشارع
امينه...هههه باتي هكي عادي
ادم...كان انزلت شي مكان
امينه...لامش لدرجه اكيد يدهور فيها ويجيبها مستحيل تنزل بتوته
ادم...اووووف طلع
امينه...كنك
ادم...ماكني شي خلاص فتح باب الشارع وصكره بالقوه
امينه...بسم الله كنه هذا
ايمن...من صكر الباب هكي
امينه...ادم يهزب
ايمن...كنه
امينه...عشان البنات حطات اغاني صوتهن عالي
ايمن...اها لاعيب اكيد معاه وحدين برا
امينه...قوللهن يوطن الصوت
ايمن....لاتوا انخش عليهن ثاريتها ضريه البنات فيها جو
امينه...ليش
ايمن...كانت الدنيا شايله في ثانيه قعدت كل حاجه منظمه
امينه....ههههههه اها
ايمن...بنة المطهر علي كلور علي فاصوخ علي معطرات ماشاءالله احتمال اختناق جماعي
امينه...هههههههه
ايمن...هههههه واللهي خش افريحه افريحه
#نورهان✍
ادم...مجدي مجدي
مجدي..يشرب في قهوه حاط كرعيه علي الطوله كنك
ادم...عمي عمران برا قالي كلملي ابتسام
مجدي...نزل كرعيه تكذب
احمد...اكيد كلمته
مجدي...حط الفنجان وينه
احمد...والله برا معاه وحده من البنات
مجدي...خش جوا ورقي لدور الثاني لدار حنان فتح الباب
حنان...اششش راقده
مجدي...كلمت باتها
حنان...لاماكلمت حد
مجدي...تنهد قرب من سرير حنان ابتسام
حنان...طلعت
مجدي...شاف لباب يشوف لحنان طلعت طبس حبيبي
ابتسام...راقده بالنوم
مجدي...يده علي شعرها ياروح
ابتسام...فتحت اعيونها شافت لدار شفتله بعدت يده ماتقربش مني
مجدي...اسف حبيبي
ابتسام...هنتني قدامهم خليتهم يشكو فيا اني مش اكويسه
مجدي..عارفينك انتي من وتربيت من وعرفين طبعي
ابتسام...يعني
مجدي...سامحيني مستعد اندير اي شي عشان ترضي
ابتسام...لامش حنسامحك سكتت ومشيت عادي عشان مانكدر عليهم كان بأمكاني نرن علي باتي ونمشي معاه تعبت من اني نساير فيك خليني نمشي ونرد لحوش هلي معش نقدر انتحمل مزاجك المتقلب مره تضحك مره تحضني مره تكرهني فجأه مرات نحس روحي اسعد وحده في الدنيا ومرات نحس روحي اتعس وحده في الدنيا بدون سبب تعبت فهمت تعبببببت معش نقدر انتحمل اكثر
مجدي...لوعاودت الشي هذا حقك عليا ديري اللي تبيها لكن توا سامحيني
ابتسام...بالله عليك من اول مازوجنا وانت هكي توعدني وترد تجرحني وتهيني
مجدي...باسها في فمها اخر مره مانبيش نخسرك
ابتسام...بعد معش تقرب مني
مجدي...باتك برا
ابتسام...صاح صبت
مجدي...وقفي
ابتسام...باتي اللي برا من بدري وتحكي معايا عشان مانحكيله صاح
مجدي...عمي محذرني لوطلعتي وحكيتي معاه ياخذك مني
ابتسام...خليه ياخذني بلكي اتريح وانتريح
مجدي...حضنها نموت بعدك انا ردي بالك اتقولي هكي
ابتسام...طولت علي باتي البست وشاحها ونزلت
مجدي...وراها
خليفه...غير خش ياراجل
عمران...والله مستعجل
خليفه....والله ماجيه
عمران...الجيات اكثر
ابتسام...باتي جت حضناته نجك لي
عمران...قلت ماجتني انجيها
ابتسام...لانبي انجيكم
عمران...جيتي بين اعيوني قلت انجيك
ابتسام...زادت حضناته ربي مايحرمني منك
خليفه...يشوفلهم
مجدي...السلام عليكم
ابتسام...بعدت
عمران...كيف حالك يامجدي
مجدي...سلم عليه باس علي راسه الحمدالله
عمران...جيت نبي ناخذ ابتسام
مجدي...لا
عمران...كييف
مجدي...قصدي وين انا علي اساس نبي انجيبها غادي
عمران...جيتها انا مافيش داعي اتعب روحك
ابتسام...نلبس ونجي
مجدي..بس
ابتسام...بدون ماترد عليه خشت تلبس
مجدي...تفضل عمي
عمران...لاوالله مستعجل
خليفه...والله ماجيه
هناء...صكرت باب حوشهم غيرت دبشها وجت لسياره
خليفه...بنتك معاك
عمران...اها نزلتها علي الحوش
خليفه...خليها اتفضل
عمران...لاوالله مستعجلين
خليفه...شخبار الحاجه
عمران...اكويسه سيبتهم ملتمين كلهم
خليفه...انشالله ديما ملتمين علي خير
عمران...انشالله يارب
مجدي...خش جوا
ابتسام...تسلم علي حنان وسعده
سعده..نرجوك بكرا
ابتسام...انشالله تصبحو علي خير
سعده...انتي من اهله سلمي عليهم
حنان...وانتي بخير ماتفكري في شي
ابتسام...ابتسمت انشالله باي
حنان...باي
ابتسام...تحط في التلفون في الشنطه وتمشي
مجدي..مسكها من كتفها وين ماشيه
ابتسام...مسيبتك اقعد فيها بروحك
مجدي...مستحيل اتسيبيني
ابتسام...احفظ ملامح وجهي عشان مش حتشوفهن
مجدي...حضنها ردي بالك اديريها
ابتسام...تأخرت علي باتي بعد
مجدي...ابتسام
ابتسام...نزلت الخيمار وطلعت
مجدي...نحكي انا
احمد...طلع من باب الكوجينه حذرك عمي عمران لو في يوم اتزعلها انت اليوم هنتها مش زعلتها
مجدي...فوت طووووط انت الأخر لحقها
احمد...ماسك الضحكه
حنان...طلعت من الكوجينه وانت عاد اتسخن فيه
احمد...مش هانها قدامنا انا اللي ماشور شي غمتلي
حنان...حقالله حتي انا
احمد....بكل مجدي مش هك الغيره
حنان..حتي انت شر منه
احمد...الله يرحمها بس عمري مازعلتها قدامكم
حنان...الله يرحمهااا
#نورهان✍
حواء...ازعما واخذها يعاين فيها
فاطمه...لالا اكيد يدهور فيها هكي هناء ديما عالقه فيه
حواء...والله فجعتني ماكان فيها شي
فاطمه...هيا بعد اتجيها الدوره تتعب منها وتقعد غير تبكي
حواء...يانعلي
هاجر...بعدها هنو ماهناك جهد فيها
حواء...اها بكل
فرح...امي
فاطمه...هاامي
فرح...خالتي اترن عليك قالت ماتردش
فاطمه...حي والله مشعارفه وين حاطته تلفوني
فرح...هاكي احكي معاها علي تلفوني
فاطمه...هاتي
فرح...رنت عليها ومداته لها
فاطمه...يرن
فرح...اها
#نورهان✍
ابتسام...اركبت في السياره
عمران...هيا تصبح علي خير
ابتسام...هنو جيتو في وقتكم
هناء...يييييه يابيسو
ابتسام...شن فيه
هناء...باتي طلعني يدهورني قال انتكي علي ابتسام ناخذها معاي
ابتسام...نجك لي تقول حاسس بيا
هناء...كنه جوك خارب
ابتسام...متعاركه مع اجودي
هناء...اهو يحكي مع باتي
ابتسام...خليه توا يشوف
هناء...كنت لابسه توته قلت ل باتي بما انا يلا الحوش ننزل انغير
ابتسام...مازالتي كيف عادتك تطلعي بتوت
هناء...باتي عادي ههههه
مجدي...توا انجي ناخذها انتو مشيين لحوش حني
عمران...توا لا
مجدي...ليش وين ماشيين
عمران...عندي مشوار قبل بعدها ماشيين غادي
مجدي...وين ماشيين
عمران...شفله كنك ماشيه مع باتها تهيالي
مجدي...لامش قصدي ياعمي
عمران...خلاص بعد اتجي اترن عليك كنك مرتبك
مجدي...لاتمام خلاص تمام
عمران...ركب في السياره
مجدي...قرب خير هناء
هناء...كل سنه وانت طيب
مجدي...وانتي طيبه ابتسام بعد اتجي غادي رني علي
ابتسام...انشالله
عمران...هيا بسلامه
مجدي...تربحو
عمران...طلع بالسياره
مجدي...والله انوريك ياابتسام تي وين واخذها كان مش للحوش حنها
دز رساله ل ابتسام (وين ماشييييين)
عمران...وين اتريدن
ابتسام...ليش نحنا وين ماشيين
عمران...مافيش مكان محدد انغير جو البكايه شفلها
هناء...ههههه نجكلي نزلت الروشن اتفرج
ابتسام...نزلت الروشن ورفعت الخيمار
عمران...يسوق مره يشوف لهناء ومره يشوف ل ابتسام
#نورهان✍
فات الوقت ساعه1:30
الكل يرجو في عمران مازال ماجا يتصلو بيهم مقفل مشغولين عليهم
مجدي...وقف السياره قدام حوش حني امينه ونزل
مجدي...السلام عليكم يسلم عليهم
ايمن...اهلين كيف حالك
مجدي...تمام الحمدلله
ايمن...تفضل
مجدي..يزيد فضلك مستعجل والله انرن علي هلي مقفل قوللهم هيا
ايمن...قصدك ابتسام
مجدي...اها
ايمن..توا كنت نبي نقولك كنك ماجبتها
مجدي...جا خذاها عمي عمران من بدري لها اقريب اربع ساعات طالعه
ايمن...تحكي جديات
مجدي...اها عليش مازالو ماجو
ايمن...نتصلو بيهم مقفل
مجدي...وين ماشيين اصلا
ايمن...والله ماني عارف خش جوا
مجدي..لاوالله نرجا هنا يتصل ب ابتسام الرقم المطلوب مقفل
انسند علي السياره ويحكي مع ايمن
عبدالسلام...خش جوا
مجدي..لاوالله مستعجل
ادم...معقوله مقفل عليش بس
مجدي...شفله ماجوش بكل هنا
ادم...لاااا
مجدي...تنهد حط ايديه في اجيوبه
امينه...فتحت الباب ايمن
ايمن..ايوا
امينه...وينهم
ايمن...والله ماني عارف واخذ حتي ابتسام
امينه...ابتسام
ايمن...اها اهو مجدي برا
امينه...خير يامجدي
مجدي...مطبس خير خير
امينه...ماقلش وين ماشيين
مجدي...لاوالله
ادم..خلاص خشي
مجدي...يشوف لشارع شاف السياره كأنه روح وردتله اهم جو
ادم...يشوف لسياره
عمران...اهو مجدي مدرس
ابتسام...اها
هناء...الله ياباتي مشيه من العمر نجك لي
عمران...ماتحكنها لحد خواتكن توا يزعلن
هناء...كان سألنا
عمران...دهورتكن ف البلاد
هناء...هههههه خلاص بس انا صورت كل شي
عمران...هذي قصه التصوير وقف السياره
مجدي...فتح الباب علي ابتسام هيا
ابتسام...انزلت انسلم علي امي وحني والبنات
مجدي...بكرا انجيبك
ابتسام...قلت انخش انسلم انا
عمران...عدي ياباتي بكرا هوا اللي جا عدي توا اتجيهن بكرا بس خوذي الكيس معاك
ابتسام...بس ياباتي
عمران...صكر اعيونه هن ساعات بسرعه مايمشن
ابتسام...خذت الكيس وصكرت الباب جت سلمت علي ايمن وعبسي وحمادي وادم
مجدي...تصبحو علي خير وكل سنه وانتو طيبين
الكل...تلاقي الخير وانتو طيبين
مجدي...فتح الباب ل ابتسام
ابتسام...اركبت
مجدي...صكر الباب بالقوه
ابتسام...تشوفله وهوا جاي يبي يركب في السياره شافت قدامها
مجدي...حرك السياره بيبلهم وطلع
ابتسام...فتحت الكيس خذت غزل البنات رفعت الخيمار تاكل فيه
مجدي...شفلها رايقه
ابتسام...من اللي مايشوف باته ومايروق ربي يطولي بعمره
مجدي...وتسلمي عليهم
ابتسام...سلمت علي بنات عمتك كان ماانا قدامك خذيتهن بالأحضان تكلمت تؤ اعيال عمي وعايشه معاهم اكيد حنسلم عليهم
مجدي...ماترديش كلمه بكلمه
ابتسام...مش عاجبك رد مازلنا في الشارع رد بيا
مجدي..انرد بيك اه
ابتسام...رد علي قلبي زي العسل
مجدي...امممم وين كنتو به
ابتسام...مش ضروري تعرف
مجدي...زاد السرعه
ابتسام...تشوف لطريق وتشوف لمجدي هدي
مجدي...ماانا مش ضروري نعرف
ابتسام...هدي عارفني مانقبلش السرعه
مجدي...نزل خيمارها ويييين كنتي
ابتسام...برم بينا في البلاد
مجدي...في البلاد صاح زاد السرعه
ابتسام...خلاص خلاص كنا في السوق بعدها مشينا للملاهي ..........#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #واحد_والثلاثون
#نورهان✍
