الفصل الثامن
في الصباح ذهبت كلاً من رهف و يارا و ياسمين إلى عملها و بقيت ريم بالمنزل لأنها لم تعد تعمل بالشركه لدى عمر الدمنهوري و أصبحت حياتها شبه ممله بلا عمل وبلا أصدقاء ،شعرت أنها وحيده وكل شيء يحدث حولها هو ضدها حتى إخوتها ووالديها أصبحوا يتجنبوها بسبب ما حدث تلك الليله ومع ذلك لم تشعر أنها أساءت إلى ياسمين و رهف بل تصدق انها هي من معها الحق ولم تخطيء في شيء ، تعتقد أنهم من أساءوا إليها و يجب عليهم الأعتذار لها .
فريم عنيده للغايه ولا تسمع إلا صوت نفسها فقط وترى دائماً أنها لا تخطيء وأنها الأخت الصغرى و يجب أن تكون المدلله في العائله وهم من عليهم ارضاءها و الأعتذار لها ، و لهذا لم تتحدث إليهم مطلقاً مستسلمه لعنادها و كبريائها .
_________________________
عادت يارا إلى المنزل بعد أنتهاء عملها و بدأت تعد حقيبتها للسفر غداً مع مديرها أسامه البحيرى و تستعد للسفر إلى دبي ، ودعت هاجر صديقتها و وصتها بأن تعتني جيداً بنفسها في فترة غيابها عن المنزل وأن تظل بالمنزل مع عائلتها حتى تعود من سفرها .
_____________________
رن هاتف رهف حين عودتها من عملها ، قامت بإخراجه من حقيبتها و قامت بالرد على المتصل .
_الو
_وحشتيني
_أفندم ؟
_أفندم أيه بقولك وحشتيني .
_أنت مين ؟
_أيه ده أنتي مسحتي رقمي و كمان نسيتي صوتي .
رهف بعصبيه : اللهم طولك يا روح هتقول أنت مين ولا لاقفل ؟
_لأ لأ أستني .
_أتفضل .
_أنا حمزه يا رهف
رهف بتذكر : أه هو أنت ؟
حمزه بأبتسامه حنونه : أيوه أنا ، وحشتيني .
رهف بغضب و صراخ به : يا أخي وحشك برص هو مش أنا قولتلك أبعد عني أحسنلك ؟
حمزه بنبره حنونه : طب أبعد أزاي وأنا طالب القرب .
رهف بصراخ : أنت عبيط يلا؟
حمزه بهدوء يثير غضبها أكثر : لأ ، بحبك .
رهف و هي تشير له بأصبعها علامة التحذير : والله لو مبطلتش عبط لهتشوف مني وش عمرك ما شوفته وأنسى بقا أني المذيعه الكيوت اللي بتطلع في البرنامج ، ده أكل عيش مش أكتر ولخص بقا و هات من الآخر .
حمزه بدهشه من طريقتها : أيه العنف ده ، كل ده عشان قولتلك بحبك أومال لو قولتلك هتجوزك هتعملى أيه ؟
رهف بنفاذ صبر : أنجز و هات من الآخر.
_عايز فرصه واحده بس مش أكتر .
رهف بنفاذ صبر : والله أنا معرفش الأشكال دي بتتحدف عليا منين ، يبني بطل هبل بقا و حل عن نفوخي أنا مش نقصاك .
_طب أنتي ليه مش عايزه تصدقيني ، أنا والله مش بضحك عليكي ولا بتسلى .
رهف بسخريه : أومال عايز ايه ؟
_زي ما قولتلك عايز فرصه تسمعيني فيها للآخر والله يا رهف أنا معجب بيكي فعلاً و بحبك .
_بص أنا هقولك اللي فيها .
_قولي .
_أنت اللي فيه ده مجرد إعجاب صدقني مش أكتر من كده ، يعني من الآخر مفيش حد بيحب حد لمجرد أنه شافه في التليفزيون بس مش أكتر .
حمزه بأبتسامه حنونه على وجهه : خلصتى ؟
_أه
_طب بصي بقا أولاً أنا مش عيل صغير عشان أحب واحده كل اللي أعرفه عنها أنها مذيعه في برنامج أنا ، قادر كويس أوي أحدد مشاعري تجاهك ، ثانياً بقا أنا عارف عنك كل حاجه لغاني ببساطه معاكي دايماً وفي أي مكان بتروحيه ببقى معاكي بس أنتي مش بتشوفيني يعني مثلاً لانتي بتنزلي من البيت ٩ الصبح تروحي الكافيه اللي في وسط البلد تشربي قهوتك هناك مع إيلينا صحبتك و بعدها تروحوا ع الشغل سوا ، بتخلصي برنامج الساعه ١ و بتخرجى مع إيلينا و بعدها بتروحي و يوم الاجازه بتروحي تعملى شوبينج لأنه اكتر حاجه بتحبي تعمليها في حياتك و عندك تلت أخوات بنات تاني غيرك ، ياسمين صحفيه و يارا سكرتاريه و ريم عارضة أزياء ، و مامتك سعاد و أبوكي عبده ، ها كفايه كده ولا أقول كمان ؟
