ဘေကျင်း လမ်းမတစ်နေရာမှာ ရွေ့လျားနေသည့် ကားတစ်စီးဟာ လမ်းမတွေရဲ့အလွန် မြစ်ကူးတံခါးနားတွင် ရပ်တန့်သွား၏။
ခဲနက်ရောင်ကားလေးတစ်စီး ပေါ်မှဆင်းလာသည့်ဝမ်ရိပေါ်ဟာ ပျိုမြစ်နေသည့် မျက်နှာအသွင်အပြင်နဲ့မလိုက်အောင် ရင့်ကျက်စွာဝတ်ဆင်ထားသည်။
တည်ကြည်နေသော မျက်နှာထား ၊စေ့စပ်လှသော နှုတ်ခမ်းများ ၊ ဖြောင့်စင်းနေသည့် နှာတံနှင့်အချိုးညီနေသော မေးရိုးတွေဖြင့်ဖွဲ့စည်းထားသည့် မျက်နှာသည် ဝတ်ဆင်ထားသောအဝတ်အစားများဖြင့် လိုက်ဖက်လွန်းလှသည်။
"ကားလာယူ..."
ဝမ်ရိပေါ် သူ့ဘောင်းဘီအိတ်ကပ်ထဲက ဖုန်းကိုထုတ်ကာ သူ၏ လူယုံ ရှင်းဟန်ကို ဖုန်းခေါ်ပြီး သူရပ်ထားသည့် ကားက်ိုလာယူခိုင်းလိုက်သည်။ရှင်းဟန်ကလည်း အမြဲတမ်းလုပ်ပေးနေကျဖြစ်ဟန်တူသည်။ ဘယ်နေရာမှာလဲဟူ၍တောင် မေးမြန်းခြင်းမရှိ။
ရပ်နားထားသော ကားဘေးကနေ ခြေဦးတည့်ရာ တံတားတစ်လျှောက် လျှောက်သွားသည့် ဝမ်ရိပေါ်ကတံတားပေါ်ကနေလှမ်းမြင်နေရသည့် နေရာတစ်ခုကို ကြည့်ကာ ခြေထောက်များကို ရပ်တန့်လိုက်သည်။
သူကြည့်နေသော နေရာတွင် တစ်ချိန်က ချောက်ကမ်းပါးလေးတစ်ခုရှိခဲ့ဖူးသည်။ ကြယ်ပန်းခင်းလေးတွေဖြင့် လှပခဲ့ဖူးသည်။ခေတ်တွေအလီလီပြောင်းလာသည့်အခါ ရေမြေတွေတိုက်စားရင်း ချောက်ကမ်းပါးတို့သည်လည်း တည်ရှိမနေတော့။
သူဖြတ်သန်းလာတဲ့ကာလ တစ်လျှောက်တွင် စစ်ပွဲတွေနဲ့လည်း ကြုံဖူးသည်။ ကပ်သုံးပါးဆိုက်ကပ်ခြင်းစသည့်ဘေးအန္တာရယ်တွေကိုလည်းဖြတ်ကျော်ခဲ့ဖူးသည်။ ခေတ်အဆက်ဆက်အုပ်ချုပ်ခဲ့ကြသည့် နိုင်ငံခေါင်းဆောင်များကိုလည်း ကြုံတွေ့ဖူးသည်။ဒါ့ကြောင့်သူ့ရဲ့ရှေ့မှာ လူတွေသေဆုံးတာကိုလည်း အခါပေါင်း သိန်းသန်းချီမက မြင်တွေ့ခဲ့ဖူးသည်။
သေဆုံးခြင်းတွေကို အကြိမ်ကြိမ်မြင်တွေ့ဖူးလည်းကိုယ်တိုင်ကတော့ ကြုံဖူးခြင်းမရှိ။ ရှင်သန်နေတဲ့ ဘဝတစ်လျှောက်မှာ လက်ညိုးထိုးမလွဲတဲ့ စည်းစိမ်ဥစ္စာတွေနဲ့ လိုတရဘဝမျိုး ပိုင်ဆိုင်နေရသည်။
