Unicode
" သမီးရေ သမီး ထတော့လေဟယ် ၊ သူများတွေ သွားကုန်ကြပြီ "
မေမေရဲ့ အော်ခေါ်သံကြောင့် မဖွင့်ချင်တဲ့ မျက်လုံးတွေ ဖွင့်လိုက်ရသည်။ ဘေးက နာရီကိုကြည့်မိတော့ ၄ နာရီခွဲ ။ အစောကြီးကို ထရဉီးမယ်။ တက္ကသိုလ် မတက်ရမချင်းကတော့ အိမ်ကအလုပ် ကူလုပ်နေရဉီးမှာပဲ။ ရှိပစေတော့ ကိုယ်က လယ်သမား သားသမီး ဖြစ်လာတာပဲလေ။ အိပ်ယာမှ ချက်ချင်းထပြီး သွားတိုက် မျက်နှာသစ်ကာ အဝတ်စားလဲလိုက်သည်။
" ထမင်းထုပ်ကို မမိုး နဲ့ ပေးလိုက်တယ်နော် "
" ဟုတ် မေမေ "
တံဇဥ်ကိုင်ပြီး အိမ်ပြင်ထွက်လာကာမှ အိမ်ရှေ့က တန်းလျားပေါ်မှာ ငုတ်တုတ်ကြီး အိပ်နေတဲ့ ဘုတ်ဆုံကို မြင်မိသည်။
" ဟင် ဟေ့ရောင် ဘုတ်ဆုံ...."
" ဟေ ဟေ အမလေး.... "
သူရဲ့ အော်သံကြောင့် လန့်နိုးသွားတဲ့ ဘုတ်ဆုံကို ကြည့်ရင်း တေးသွားသွင် ရယ်လိုက်မိသည်။
" ဟေမနေနဲ့ သွားမယ် မသွားရင် မေမေက ဒီတစ်ခါ ချော့ပြောမှာ မဟုတ်တော့ဘူး "
" အေး ထူးသက်ပိုင်ကို ဝင်ခေါ်ရဉီးမှာ လှည်း.....ဝါး......လှည်းနဲ့လား "
ဘုတ်ဆုံက စကားပြောရင်း သန်း လိုက်ပြန်သည်။
" ဒီဖေ က ဘယ်တုန်းက ခြေလျှင်သွားဖူးလို့လဲ"
လှည်းမှာ နွားတပ်ပြီး ထူးသက်ပိုင် ကို ဝင်ခေါ်ကာ လယ်ထဲဉီးတည်လာခဲ့သည်။ တေးသွားသွင်က တစ်ခြားနေရာမှာသာ မပြင်းရင် မပြင်းမယ် လမ်းလျှောက်ရမှာတော့ အတော်ပြင်းသည်။ ဘယ်သွားသွား စက်ဘီး ဒါမဟုတ် လှည်းနဲ့သာ သွားလေ့ရှိသည်။ စက်ဘီးတောင် နင်းနေရတာ မလို့ လှည်းနဲ့ သွားတာများသည်။ တစ်ခါတစ်လေ ဆို ရွာတောင်ပိုင်းနဲ့ မြောက်ပိုင်း အိမ်လည်တာတောင် လှည်းနဲ့လည်တဲ့ သူ။
နံနက်ခင်း ဝေလီဝေလင်း ချိန်မှာ မြူေတွတောင် မရှင်းသေး။ လယ်ထဲရောက်တော့ အလုပ်သမားတွေ ကကြိုပြီး တောင် နှမ်းရိတ်နေကြသည်မှာ ခြောက်ယောက်စိုက် (တစ်ဧကခွဲ) တောင် တစ်ဝက်ကျိုးနေပြီလေ။ သူတို့သုံးယောက်လုံး မျင်နှာပူပူနဲ့ပင် ကျန်နေသေးသည့် လယ်ထိပ်ကပင် ငန်းယူ၍ ရိတ်လိုက်ကြသည်။
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္