Unicode
"ကြာလိုက်တာဟာ အရွက်သုပ်တာကလည်း "
" အန်တီလေးကလည်း စိတ်ချည်းပဲ "
ပန်းကန်ပြားလေးကို လှမ်းယူပြီး အန်တီမော်က ကမာနီ့ကို ပြောလေသည်။နောက် တစ်ယောက်တစ်ဆ့င် အရွက်သုပ် ပန်းကန်လေးကို လက်ဆင့်ကမ်းကြသည်။တေးနဲ့ ဒေါ်နေသစ်မော်ကတော့ ဘာတွေ တီးတိုး ပြောနေကြရယ်မသိ။ နှစ်ယောက်သား ခပ်တိုးတိုးသာ ပြောနေကြသည်။သီးချင်းဆိုသူကဆို ဖွင့်သူကဖွင့်နဲ့ ညဥ့်နက်လာတော့ ပြန်ဖို့ပြင်ကြသည်။သိမ်းစရာ ရှိတာတွေ ကူသိမ်းကြသည်။
အနီက ဝိုင်ဖန်ခွက်တွေကို သိမ်းတော့ တေး ကူဖို့လုပ်ပေမဲ့ နွေးက ဝင်ကူတာမို့ ရပ်နေလိုက်သည်။
"ပေးလေ လက်ထဲက ဖန်ခွက်တစ်ခွက် နိုင်လည်း မနိုင်ဘဲနဲ့ "
" နိုင်ပါတယ် "
ထူးမြတ်နွေးက ပြုံးရုံသာ ပြုံးပြီး ကမာနီ့ လက်ထဲက ဖန်ခွက်တစ်လုံး ဆွဲယူကာ ကျန်ဖန်ခွက်တွေကို သိမ်းလိုက်သည်။နောက် အမျိုးသမီးနှစ်ယောက် ဖန်ခွက်တွေ ကိုယ်စီသယ်ပြီး အိမ်ထဲဝင်သွားကြသည်။
" ဘယ်နားထားရမှာလဲ နီနီ "
" ပေး ဒီကိုပေး "
ကမာနီက လက်ထဲက ဖန်ခွက်တွေကို ရေစင်မှာ ပွတ်တိုက် ဆေးကြောလိုက်တော့ ထူးမြတ်နွေးပါ ဝင်ကူလေသည်။
" ရပါတယ် နေပါ "
အပြင်က ကလေးတွေရဲ့ ရယ်အသံတွေကြားရသည်။အတော်မူး သွားသည့် ထူးသက်ပိုင်ကို စနေကြတယ် ထင်ပါရဲ့ ။
" နီနီ..... "
ထူးမြတ်နွေးက ခပ်တိုးတိုး ခေါ်လေတော့ ကမာနီ တစ်ချက် ကြည့်လိုက်သည်။
" ငါ့ကို ခုထိ မကျေနပ်သေးဘူးလား "
တိုက်လက်စ ဖန်ခွက်တွေကိုသာ ရေတွင်ဆေးကြောလိုက်သည်။
" ယောကျာ်း တစ်ယောက်အတွက်နဲ့ ငါက နင့်ကို ခုချိန်ထိ အမြင်မကြည် ဖြစ်နေတယ်လို့ ထင်နေတာလား "
" တေးပြောမှ သိတာ အန်ကယ်ဆုံးတာကိုလေ တကယ်စိတ်မကောင်းပါဘူး "
ဆေးပြီးသား ဖန်ခွက်တွေကို ကမာနီ စားပွဲပေါ် ဂရုတစိုက် တင်လိုင်သည်။
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
