မနေ့တနေ့ ဆိုတဲ့ နေ့ဟာ အနောက်မှာ ကျန်ရစ်ခဲ့ပြီး မနက်ဖြန်ဆိုတဲ့ ဒီနေ့ဟာ ယခု ကြုံတွေ့နေခဲ့ရသည့်တိုင် အနီက သူ့ကို ချစ်တယ် ဆိုတာကို မယုံနိုင်ချင်သေး။ အိမ်မက်တစ်ခုပမာ ။ အနီ နဲ့ ပတ်သက်ခဲ့တဲ့ နေ့ရက်တွေကလည်း အိမ်မက်အလားပင်။ အိပ်စက်နေတဲ့ အိမ်မက်ထဲမှာ နတ်မိမယ် တစ်ပါးကို ဆုံတွေ့နေရသလို။ ဒါတွေအကုန်လုံး အမှန်တကယ် အိပ်မက်ဖြစ်နေတယ် ဆိုရင်တောင် ဒီအိပ်မက်လေးကနေ ဘယ်တော့မှ မနှိုးထချင်မိ။အဲ့ဒီအတွက် အရာအားလုံး ကိုပေးဆပ်ရမယ်ဆိုရင်တောင် အဆင်သင့် ပေးဆပ်လိုက်မည် ထင်ရဲ့ ။
" ဒါနဲ့ ညက သက်မှုံတို့ ဘာတွေပျော်နေကြတာလဲ "
အစ်မနွေးက နံနက် ထမင်းဝိုင်းမှာ မေးလာတော့ သူတို့သုံးယောက်လုံး တစ်ယောက်ကို တစ်ယောက် ကြည့်လိုက်ကြသည်။
" အဲ့ဒါလေ တေးသွားလေ ..."
နှုတ်သွက်တဲ့ သက်မှုံက စကားစလိုက်တုန်း ဖေဖေက ဝင်ပြောလာသည်။
" မန္တလေးသွားမှာ ကို ပျော်နေကြတာပါ နွေးရဲ့ ၊ ဒါနဲ့ နွေး လိုက်ဖို့ အဆင်ပြေရဲ့လား ဆိုင် အလုပ်တွေနဲ့ဆိုတော့ "
ဖေဖေက ဒေါ်အေး ပြင်ပေးတဲ့ နံနက်စာကိုသာ စားရင်းမှ မေးလိုက်သည်။
" ပြေပါတယ် ဦးထွန်း ၊ နွေးလဲ မန္တလေး တစ်ခေါက်လောက် ပြန်သွားချင်တာမို့ "
ဖေဖေ ရဲ့ နောက်အိမ်ထောင်နဲ့ ပက်သက်ပြီး တေး တစ်ခါတစ်ခါတော့ သံသယဝင်ချင်မိသား ။ ခုချိန်ထိ သားသမီး မရကြသေးတဲ့ အပြင် ဖေဖေနဲ့ အစ်မနွေးတို့ သိပ်လည်း မရင်းနှီးကြဘူး ထင်တယ် ။ ဒေါ်ဒေါ်အေးလည်း ပြောဖူးတာပဲ ။ တေးသွားတို့ မလာခင်ထိ ဒီအိမ်က စိုပြေမှု မရှိဘူးဆိုတာ ။
ဖေဖေက ထမင်းစားပြီးပြီးချင်း အလုပ်ကိုသွားရတာမို့ ကျောင်းကို သွားဖို့အတွက် တေးတို့ သုံးယောက် အစ်မနွေးနဲ့ လိုက်ရတော့မည် ။ ကျောင်းသွားဖို့ ပြင်နေတုန်း နီနီ ရောက်လာသည်။ မနက်က နိုးနိုးချင်း အသံလေး ကြားကတည်းက တွေ့ချင်နေတဲ့ ဆန္ဒက ယခု ချက်ချင်းပြည့်လာပြီ။
" ဟာ မမနီ ဘာလာလုပ်တာလဲ "
" နီနီ့ ကောင်မလေးကို ကျောင်းလိုက်ပို့ဖို့လေ"
KAMU SEDANG MEMBACA
ရင်နှင့်အမျှ ချစ်ရသည် (Uni+Zawgi)
Romansaချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
