လေပြေလေးတွေက ကားပြတင်းမှန်ကနေတစ်ဆင့် ဝင်ရောက်လာသည်။ ဘာရယ်မှန်းမသိ ဟိုအမျိုးသမီးလေးကို သတိရမိပြန်သည်။ မတွေ့ရတာ တစ်ပတ်တောင် ကျော်ပြီပဲ ။ သက်ပြင်းတစ်ချက်ကိုသာ ဘေးက အန်တီရည်နွယ် မသိအောင် ခပ်သာသာ ချလိုက်သည်။ ဒီနေ့ညနေ ပိတ်ရက်မှာ ဖေဖေ့မိတ်ဆွေ အန်တီရည်နွယ်က ဘုရားခေါ်တာနဲ့ လိုက်ခဲ့ရသည်။ အိမ်က ဟိုနှစ်ကောင် မပါ၍လားမသိ သိပ်တော့ မပျော်။
ဘုရားရောက်တော့ အန်တီရည်နွယ်က ပုတီးစိပ်နေသေးတာနဲ့ ဘုရားကို တစ်ပတ် ပတ်နေလိုက်သည်။
" အို...အမေ့.... "
" သတိထား လျှောက်မှပေါ့ ကလေးမရဲ့ "
တန်စောင်းတွေ ငေးနေတာနဲ့ ရှေ့ကလူကို တောင် သတိမထားမိ။ တိုက်ဆိုင်တာလား....။ကံကြမ္မာကပဲ ဖန်တီးတာလား ဆိုတာတော့ သမ္မာဒေဝ နတ်တွေပဲ သိလိမ့်မည်။
အဝါနုရောင် မြန်မာဝတ်စုံလေးနဲ့ သူတွေ့ချင်တဲ့ အမျိုးသမီးလေးဟာ ရိုးရှင်းစွာ လှနေရက်တယ်။ ဖြူစင်တဲ့ အပြုံးလေးတစ်ခုမှာ ကမ္ဘာလောကကြီး ရပ်တန့်နေလိုက်တာ အနားကို အန်တီရည်မွန်ရောက်လာမှပဲ ပြန်အသက်ဝင်လာတော့လေရဲ့။
" ဪ..... တေး ကိုလိုက်ရှာနေတာ "
ဖြူစင်စွာ လှပတဲ့ အပြုံးတစ်ခုဟာလည်း အနားရောက်လာတဲ့ အန်တီရည်နွယ်ဆီ အကြည့်ရောက်တော့ ခဏချင်း ပြန်တည်သွားတာတော့ တေးသွား မြင်လိုက်ရသည်။
" ပျင်းတာနဲ့ ဘုရားပတ်ဖူးနေတာ အန်တီရည်နွယ် "
" ဟုတ်လား တို့ အဲ့လောက် ကြာသွားလား အားနာလိုက်တာ "
" မဟုတ်တာ ရပါတယ် "
တေးသွား ကို ပြောနေရတာနဲ့ အနားကလူကို အန်တီရည်နွယ် ခုမှ မြင်ပုံပေါ်သည်။
" ဟင် နီနီ ပါလား၊ ဘုရားလာတာလား"
" ဟုတ်တယ် မမရည်"
" ကောင်းတာပေါ့၊ နီနီကို ခုလို မြင်ရတာ စိတ်ချမ်းမြေ့မိတယ် "
အန်တီရည်နွယ် ကို စကားပြောရင်း နီနီဆိုသည့် ထိုအမျိုးသမီးက တေးသွားကို ကြည့်လာသည်။
" ဒါနဲ့ နောက်က ကလေးမက...."
" ဪ ဒါ မိတ်ဆွေ တစ်ယောက်ရဲ့ သမီးပါ "
VOUS LISEZ
ရင်နှင့်အမျှ ချစ်ရသည် (Uni+Zawgi)
Roman d'amourချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
