Unicode
" ပူတူး ရေ အမေက ထမင်းစားရအောင်တဲ့ ခုနက ဧည့်သည် အစ်မပါ ခေါ်ခဲ့တဲ့ "
အပြင်က အစ်မခေါ်သံ ကြောင့် တေး ထိုင်ခုံအမှီမှ ကျောမတ်လိုက်တော့ ရင်ခွင်ထဲက အနီပါ လှုပ်လှုပ်ရှားရှား ဖြစ်သွားသည်။အနီလက်ကို အသာဆွဲကာ နောက်ဖေးတံခါးပေါက်ကနေ အိမ်ကြီးထဲ ဝင်လာခဲ့သည်။အမြဲ ခပ်ပြုံးပြုံး နေတတ်တဲ့ ဒေါ်လေးရဲ့ မျက်နှာက အခုလည်း ကြည်လင်လျက်။
" ဘယ်သွားဖို့လဲ ဒေါ်လေး ဝတ်ကောင်းစားလှတွေနဲ့ "
" အနောက်ဖက်ရွာက ငါ့ကောင်မ အလှူပါအေ ၊ အငယ်မ ပူတူး ဧည့်သည်ကို ကောင်းကောင်း ဂရုစိုက်ပေးနော် ၊သွားဦးမယ် သမီး.......ပေတေရေ......ဘယ်ချောင်မူးနေလဲဟ မြန်မြန်လုပ် နေမြင့်နေပြီ "
" တကယ် ငါ့အမေကတော့....."
သူမကို ပြုံး၍ကြည့်ကာ လူတစ်ယောက်ကို အိမ်ထဲမှ အသံကုန်အော်ခေါ်ပြီး တတွတ်တွတ် ဆိုသွားသော တေးရဲ့ ဒေါ်လေးကို ကြည့်ပြီး ကမာနီ ပြုံးလိုက်မိသည်။
" ဟော ငါမကြိုက်တဲ့ အသားတွေ ချက်ပြန်ပြီ "
" ငါးခြောက်ဖုတ် ဆီဆမ်း လုပ်ပေးထားတာပဲ ဒီမှာ ပဲပြုတ်လည်းရှိတယ် ငါးနှပ်လည်း ရှိတယ် နင်ကိုက ချေးများတယ် "
ထမင်းဝိုင်း ကြည့်ပြီး ဗျစ်နေရတာနဲ့ အနားက အနီ့ကို မေ့သွားသည်။
" ဪ အနီ....... ဒါ တေး အစ်မ ၊သီတာ့ သမီး သီရိတဲ့..... "
"သောက်ကလေးမ....သူစိမ်းရှေ့တော့ ဟန်ဆောင်ပန်ဆောင်လေး ယဥ်ကျေးစမ်းပါဦး "
တေး လက်မောင်းကို ဖျက်ခနဲရိုက်ကာ အစ်မဖြစ်သူက ပြစ်တင်ဝေဖန်သည်။
" သူစိမ်း မဟုတ်ပါဘူး မသီရိကလည်း....... "
" သိပါတယ် နင်တို့ သူစိမ်း မဟုတ်မှန်း "
" ဘာပြောတယ်"
တေးက ရုတ်တရက် အော်လိုက်တော့ သီရိက ကမာနီကိုလည်း ကြည့် တေးကိုလည်း ကြည့်ကာ ခေါင်း ချာလည်ရမ်းသွားသည်။
" အာ....အာ....မဟုတ်ဘူး.....တမင်ချောင်းတာ မဟုတ်ဘူးနော်.... ဟို.....ဟို....ခုနက....ထမင်းစားဖို့ ပထမ တစ်ခေါက်လာခေါ်တာ အဲ့တာ......မတော်တဆ .....နော်....ပူတူး......ငါ တမင်ကြည့်တာ မဟုတ်ဘူးလို့.... "
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
