ခေါင်းထဲဟာ ရိပ်ခနဲ ။ ဝမ်းနည်းမှုကြောင့်လည်း မျက်ရည်ကြည်တွေ ဝေ့ဝိုက်လာသည်။ မနေ့ညက ဘဆွေကြီး စကားကို ခုမှနားလည်တော့သည်။
" ကဲ သမီး ဘဆွေကြီး သွားတော့မယ် ၊ ငါ့သမီးကို တွေ့ချင်လို့ စောင့်နေမိတာ ၊ ဘာတွေကြုံလာကြုံလာ သတ္တိရှိရှိရင်ဆိုင်နော်....၊ သံသရာတကွေ့ ပြန်တွေ့တဲ့အခါ မိဘ နဲ့ သားသမီး မေတ္တာမျိုးနဲ့ ဆုံကြတာပေါ့ "
အဲ့အချိန်က ဘဆွေကြီး မျက်ဝန်းတွေထဲ မျက်ရည်တွေ ဝေ့ဝိုက်နေခဲ့တာ ။ ပြီးတော့ အနူးညံ့ဆုံး ပြုံးပြခဲ့တာ ။ ဖေဖေ နဲ့ မေမေ ကွဲလို့ မေမေနဲ့ ရွာလိုက်ဖို့ ကားဂိတ်မှာ ဘဆွေကြီးကို နှုတ်ဆတ်တုန်းက အချိန်ကလိုပဲ ။
" တေးရယ် ဦးလေးက ဘာပြောလို့လဲ ရင်ပူလိုက်တာကွယ် "
အနီ့ ရင်ခွင်ထဲကနေ ထွက်ပြီး ဧည့်စားပွဲဝိုင်းမှာ ဝင်ထိုင်လိုက်သည်။
" အနီ.... "
တေးရဲ့ ဘေးမှာ ဝင်ထိုင်ပြီး လက်ဖဝါးလေးကိုသာ အနီ ဆုပ်ကိုင်ထားလိုက်ကာ အားထုတ်ပြုံးပြလိုက်သည်။
" ဘဆွေကြီးက လွန်ခဲ့တဲ့ သုံးနှစ်က ဆုံးသွားတာတဲ့ "
ဆုပ်ကိုင်ထားခံရတဲ့ တေး လက်လေး ဆိုဖာခုံပေါ် ပြုတ်ကျသွားသည်။ အနီရဲ့ အပြုံးလေးတောင် ဘယ်လွှင့်စင် သွားရယ် မသိ။ အတန်ကြာအောင် နှစ်ယောက်ကြားမှာ တိတ်ဆိတ်နေပြီးမှ အနီက တေးကို ရင်ခွင်ထဲမှာ ပွေ့ဖက်ထားသည်။
" မယုံနိုင်စရာပဲကွယ် ၊ အံ့သြဖို့ကောင်းလိုက်တာ တေး ကြောက်နေလားဟင် "
" ဟင့်အင်း "
တကယ်ပဲ အံသြဖို့ကောင်းလွန်းတာမို့ အနီ ခဏကြက်သေသေ သွားမိသည်။ ညကပဲ သူရော တေးပါ စကားတောင် ပြောကြပြီး သူမောင်းတဲ့ စက်လှေပါ......... အို.... ထူးဆန်းလိုက်လေခြင်း....ဘယ်လိုလို့ဖြစ်နိုင်မှာလဲ ။
တကယ်လား အိမ်မက်လား ။ အိမ်မက်လို့ ယုံကြည်ရအောင်လည်း ခြေဖဝါး သဲကပ်လို့ ညကတောင်..... ။" အနီ ဘာမှမတွေးပါနဲ့ ၊ အစွဲအလမ်း ကြီးလွန်းတဲ့အခါ သူတို့ဖြစ်ချင်တာကို ရအောင်လုပ်တတ်ကြတယ် "
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္