Unicode
ဒီမနက်မှာပဲ ဟိုတယ်နဲ့ အနီးဆုံးက ဘုန်းကြီးကျောင်းတစ်ခုမှာ ပရိက္ခရာရှစ်ပါးနဲ့ ဝတ္ထုငွေ အချို့ကို ဘဆွေကြီးအတွက် ရည်မှန်းပြီး လှူလိုက်ကြသည်။ ကုသိုလ်အကျိုးကို ဘဆွေကြီးတစ်ယောက် ရရှိခံစားနိုင်ပါစေ။
မိုးဟာ မှိုင်းညို့ညို့နဲ့ အေးစိမ့်စေသည်။ မန္တလေးဆိုတဲ့ ဟောဒီအရပ်ဒေသကို သူမ တစ်ခေါက်ပြန်ရောက်လာပြန်သည်။ အတိတ်မှန်သမျှဟာ တကယ်ပဲ ဆိုးညစ်တတ်ကြတာလား။
မှန်သားပြတင်းချပ်မှာ အကြည့်ရှိနေပေမဲ့ စိတ်အာရုံတွေကတော့ လွင့်ပျံနေရဲ့။ လည်ပင်းသားပေါ် လျောခနဲကျလာကာ အေးခနဲ ခံစားလိုင်ရတဲ့ အထိတွေ့ကို ကမာနီ ခံစားလိုက်ရသည်။
ဂီတသံစဥ် အက္ခရာလေးတစ်ခုထဲမှာ အဖြူရောင် ပုလဲလုံးလေးနဲ့ လော့ကတ် ရွှေဆွဲကြိုးမျှင်မျှင်လေး တစ်ခု။
" သဘောကျရဲ့လား အနီ "
" လှလိုက်တာ "
နောက်ကနေ သိုင်းဖက်ကာ သူမပါးပြင်ကို ခပ်ဖွဖွ နမ်းရှိုက်လာတဲ့ တေး။ရယ်သံသဲ့သဲ့ပြုကာ ပခုံးပေါ် မေးစွန်းလေး တင်ထားပြန်ရဲ့။
" တို့အတွက် အဆင်တန်ဆာတွေ မလိုအပ်ပါဘူး"
" လိုချင်နေတာ တော်တော်ကြာပြီ ဒီလော့ကတ်လေးကို စတွေ့ကတည်းက အနီနဲ့ သိပ်လိုက်မှာပဲ တွေးနေတာ ၊ အခုမှ ဆန္ဒပြည့်တော့တယ် "
တေးရဲ့ မျက်နှာနှနှကို လက်ဖဝါးဖြင့် ပွတ်သပ်ကာ နမ်းရှိုက်လိုက်မိသည်။
" တေး မေမေ့ဆီ ပြန်ရတော့မယ် "
" ဟုတ်သလား "
" အနီနဲ့လည်း အတူရှိချင်သေးတယ် မေမေ့ကိုလည်း လွမ်းလှပြီ "
" ကျောင်းပိတ်တုန်းလေး ပြန်ရတာမလား သွားလိုက်ပါ ၊ သက်ပိုင်တို့ကရော ပြန်မှာလား "
" နေခဲ့ဦးမှာတဲ့ ၊ အနီရော နေခဲ့မလား "
" မင်းကြောင့် လိုက်လာတဲ့ ခရီးပဲ ၊ မင်းမှမရှိရင် ဆက်နေဖို့ အကြောင်းကို မရှိတာ"
အချိန်အတော်ကြာ တိတ်နေရာမှာ တေး ဘက်လှည့်ကာ ရင်ခွင်ထဲကို တိုးဝင်ဖက်ထားလိုက်မိသည်။
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
