တေးသွားကို သူပြောပြသည့် ကမာနီ ဆိုတဲ့ အမျိုးသမီး တစ်ဦး ခေါ်သွားပြီးနောက် ထူးသက်ပိုင် သက်မှုံနှင့် အိမ်ချက်ချင်း မပြန်သေးဘဲ ကုန်တိုက်တစ်ခုထဲ ဝင်နေပြန်သည်။
ပစ္စည်းဝယ်ဖို့ တော့ မဟုတ်။ ဒီအတိုင်း ပျင်းလို့ တိုက်တစ်ခုလုံး ပတ်ငေးနေခြင်းပင်။ ဘေးက ပါလာတဲ့ သက်မှုံကတော့ လိုအပ်တာလေးတွေ ဝယ်ပြီး ဘာမှမဝယ်ဘဲ ပတ်နေတဲ့ သူ့ကို တဖွဖွ ပြောလို့မဆုံး ။" ထူးသက်ပိုင် ဘာမှမဝယ်ရင်လည်း ပြနမမယ်ဟာ "
" ဘာဖြစ်နေတာလဲ အစောကြီး ရှိသေးတာကို"
" ဟာ နင်က သက်သက်မဲ့ကြီး လျှောက်ကြည့်နေတာကို "
သက်မှုံ စကားကို နားမထောင်ဘဲ နာရီဆိုင် တစ်ခုထဲဝင်ပြီး နာရီတွေ ကြည့်နေမိပြန်သည်။ သဘောကျသည့် နာရီတစ်ခုကို ကောက်ကြည့်ကာ စျေးကြည့်တော့ သိန်းဂဏန်း ကျော်နေတာမို့ မျက်လုံး အနည်းငယ်ပြူးမိသည် ။
သက်မှုံကတော့ ဆိုင်ထဲ လိုက်မလာ ။ ထူးသက်ပိုင် ဘာမှမဝယ်ဘူးဆိုတာ သူသိသည်လေ ။" ကဲ ပြီးအုံးမှာလား သက်ပိုင် "
" ပြန်မယ်လေ ခဏလေး လိုအပ်တာလေး ဝယ်လိုက်ဦးမယ် "
" တော်သေးတာပေါ့ စျေးတစ်ခုလုံး ပတ်ပြီး ပစ္စည်းလေးတော့ ဝယ်သေးလို့ "
သူလိုအပ်တာဝယ်ပြီးတာနဲ့ သက်မှုံ လက်ကိုဆွဲပြီး ဓာတ်လှေကား ရှေ့ သွားလိုက်သည် ။
" ဘာလုပ်တာလဲ သက်ပိုင် "
" ဘာလဲ ပြန်မယ်လေ အောက်ထပ်ဆင်းဖို့ ဓာတ်လှေကား စီးမယ်လေ "
" ဟင့်အင်း ဟင့်အင်း ဟိုဘက်ကပဲ ပြန်မယ်လာ "
" ဘာမှမဖြစ်ပါဘူး သက်မှုံရဲ့ လူတွေ အများကြီး ဟာ "
သူ့စကား မဆုံးသေး သက်မှုံ ဆွဲခေါ်ရာ ပါလာတော့သည် ။ သက်မှုံက ဓာတ်လှေကား ကြောက်သည်လေ ။ တစ်ခါမှ မစီးဖူးဘဲကို ကြောက်သည်တဲ့။ ရန်ကုန်မှာ နေတာ နှစ် နှစ်ပြည့်တော့မည် ။ သက်မှုံ တစ်ခါမှ ဓာတ်လှေကား မစီး ။ တေးသွားနဲ့ လိုက်ဖူး၍ သက်ပိုင်ကတော့ ဓာတ်လှေကားနဲ့ လေး ငါးခေါက်မက အတက်အဆင်း လုပ်ဖူးသည် ။
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္