Unicode
စိတ်ဟာ လေးပင်ပူပန်နေသည်လား ထိန့်လန့်နေသည်လား မပြောတတ်။ဒီမနက်ကတည်းက မော် စိတ်ဂဏာမငြိမ်။မတက်သာတော့တဲ့ဆုံး သွားလာချင်နေတဲ့ ခြေထောက်တွေကို စိတ်အလိုတိုင်း လိုက်ရတော့သည်။
" ဪ အန်တီမော် ပါလား အတော်ပဲ သက်မှုံ ကုမ္ပဏီသွားတော့မလို့ "
ကြည်ကြည်တို့ အိမ်ရှေ့ရောက်တော့ ခြံထဲက ထွက်လာတဲ့ သက်မှုံကားနဲ့ ထိပ်တိုက်တွေ့သည်။
" ဟုတ်တယ် သက်မှုံ ၊ ကြည်ကြည် သက်သာရဲ့လား "
" ညက အတော်အဖျားကြီးသွားတာ အန်တီမော်ရဲ့ မနက် လေးချက်တီး ခါနီးမှ အပူကျပြီး နိုးလာလို့ တော်သေးတယ် သက်မှုံလည်း တစ်ညလုံး မအိပ်ရပါဘူး တေးကိုရော ပြောပြလိုက်သေးလား "
" အင်း တေးက ညနေဘက် လာခဲ့ပါ့မယ်တဲ့ ကြည်ကြည့်ကို စောက်ရှောက်ပေးလို့ ကျေးဇူးတင်ပါတယ် သက်မှုံရယ် "
" စောက်ရှောက်ရမှာပေါ့ အန်တီမော်ရဲ့ မေခိုင် တစ်ခုခုဖြစ်သွားရင် တေးရဲ့ အန်တီလေးကြီး ဝမ်းနည်းပလက် ငိုနေမှ "
" ဟင် တေးရဲ့ အန်တီလေးက ဘယ်သူလဲ "
"ဟဲဟဲ ဟုတ် သွားပြီနော် "
ပြုံးစပ်စပ်နဲ့ ထွက်သွားတဲ့ သက်မှုံကို ကြောင်တောင်တောင်နဲ့ ရပ်ကြည့်နေပြီးမှ ကားထဲပြန်ဝင်ကာ ခြံထဲဝင်လာခဲ့ပြီး အိမ်ရှေ့မှာ ထိုးရပ်လိုက်သည်။
ကြည်ကြည့် အခန်းထဲဝင်လာတော့ ခုတင်ခေါင်းရင်းကို မှီကာ ပြတင်းပေါက်ကိုကျော်၍ အဝေးကိုငေးနေတာကို တွေ့ရသည်။
" ကြည်ကြည်...."
နွမ်းနယ်တဲ့ မျက်နှာလေးနဲ့ ကြည်လင်တော့ နေပါရဲ့။
" သက်သာရဲ့လား "
ခေါင်းလေး တစ်ချက် ငြိမ့်ပြတဲ့ ကြည်ကြည်က နွမ်းလှလှလေးနဲ့ ကျက်သရေ ရှိတာပဲ။မော့် မိန်းကလေးက ဘယ်လိုလိုနေ လှနေတာပဲကွယ်။လွန်ခဲ့တဲ့ နှစ်များဆီက စကားလေးတစ်ခွန်းက ပစ္စုပ္ပန် ဆီ အမှတ်တမဲ့ ရောက်လာပြီး နှလုံးသားကို ခံစားရိုက်ခတ်စေသည်။တွေ့နေမြင်နေရတာတောင် ကြည်ကြည်ကို လွမ်းလာရပြန်သည်။
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
