ကားလေးက အိမ်ရှေ့ရောက်တော့ ခြံတံခါးက ပွင့်နေသည်မို့ အလွယ် ဝင်သွားလိုက်သည်။ မာမီ ပြန်ရောက်နေတယ်ဆိုတာ ပွင့်နေတဲ့ ခြံတံခါးက သက်သေပင်။ အိမ်ထဲ ချက်ချင်း မဝင်သေးဘဲ ခြံတံခါးကို အရင် ပြန်ပိတ်လိုက်သည်။ ဝင်ဝင်ချင်း တံခါးပေါက်နဲ့ မနီးမဝေးက ဧည့်စားပွဲမှာ ကျောက်အရိုင်းတုံးတွေ ကို အကဲခတ်နေတဲ့ မာမီက ကမာနီကို မော့ကြည့်လာသည်။
" အပြင် ထွက်နေပြန်တာလား နီနီ "
" ဟုတ်တယ် မာမီ၊ ဘာဖြစ်လို့လဲ "
" နီနီ သမီးကို မာမီ ဒီလောက်တောင် မေးခွင့် မရှိဘူးလား "
" ပြောစရာမရှိတော့ရင် နီနီ ရေချိုးလိုက်ဦးမယ် "
သူပြောချင်တာသာ ပြောပြီး မာမီရှေ့က ထွက်လာခဲ့တော့သသည်။ ကြီးကြီးမြတို့ ပြန်သွားပြီ ဆိုတော့ စိတ်ထဲ ဝမ်းနည်းလာပြန်သည်။ ပြန်သွားတာ တစ်ရက်တောင် မပြည့်သေးဘူး လွမ်းလာပြန်သည်။
နီနီ ကြောက်ရွံရတဲ့ နေ့တွေက အရင်လို ပြန်ရောက်လာတော့မယ်။ ပျင်းရိငြီးငွေ့ရတဲ့ နေ့ရက်တွေပေါ့ ။ အတွေးထဲမှာ ဟိုကလေးမ က ဖြတ်ခနဲ ဝင်လာပြန်သည်။ ဖြတ်ခနဲ ပြုံးပြီး တွေးလက်စ အတွေးတို့ကိုသာ ရပ်တန့်လိုက်ကာ ရေးချိုးရန် ပြင်လိုက်သည်။ ဒီညစာ ကတော့ ထမင်းဝိုင်း ထိုင်ရုံဆိုသာ ရှိဦးမည်။
*
ဒီည ဖေဖေ့ မိန်းမ မရှိတာနဲ့ တေးသွားတို့ သုံးယောက် ဖေဖေ နဲ့အတူ ညစာ စားဖြစ်ကြသည်။
" သမီးငယ် ပြန်လာတာ နေဝင်တယ်နော် ရည်နွယ်ပြောတာတော့ နေမစောင်းခင် စောစောလေး ထားခဲ့တာဆို "
ဖေဖေ က ထမင်းစား ရင်းမှ တေးသွားကို မေးနေသည်။
" ဟုတ်တယ် ဖေဖေ ၊ တေး အသိတစ်ယောက် ခေါ်လို့ လိုက်သွားတာ "
ဖေဖေက ထမင်းစားပြီးသွား ဟန်တူသည်။ တေးသွားကို လက်ဆေးနေရာမှ ကြည့်ကာ မေးပြန်သည်။
" ဘယ်က အသိလဲ သမီးငယ် ၊ ဖေဖေ သိလို့ရမလား "
ဖေဖေ စကားကြောင့် တေးသွားပြုံးလိုက်မိသည်။ ဖေဖေ နောက်မိန်းမ ကိုသာ မမုန်းမိဘူးဆိုရင် ဖေဖေကို မေမေ့ထက် တေးသွား ပိုချစ်မိလိမ့်မည်။
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္