رواية صدف الحياة

الجزء الأول- البارت الثالث والعشرون

الجزء الأول- البارت الثالث والعشرون

في غرفة كاميليا
سلمي بتزمر: هو إلي الخروجة اللي لازم يعني تخريجلها بالفستان الأسود مخصوص يعني
كاميليا ببرود وهي تجلس علي السرير وبجانبها الملابس ملقاه: خارجة أنا وصحابي
سلمي بعصبية: يخربيت برودك يا باردة بقا سايباني أنا قاعدة بدور وانتي ولا على بالك أنا غلطانة أصلا أنا راحة أوضتي
كاميليا بسرعة وهي تحاول منعها: لأ أوضتك ايه دلوقتي الولا هيتفضح
كاميليا بتوتر وهي نحاول اصلاح ما قالته بالتضليل عليه (كما يقال بتغلوش على الموضوع): أنا قصدي يعني اننا هنتلاقئه وانا مش قادرة أدور لواحدي
سلمي: خلاص البسي غيره انا مش لاقياه وهروح أوضتي بقا علشان نفسي أنام
كاميليا بصوت منخفض وهي تكلم نفسها: أنا غلطانة أني بساعد هشام علشان يعمل مفاجأة لفرخة دايخة أصلاً
سلمي بعدم فهم: بتقولي إيه
كاميليا بإبتسامة: بقول في رعاية الله ياحب تصبحي على خير
كاميليا بدعاء: يارب يكون خرج من الأوضة.. وأنا أوتر نفسي ليه ما أبعتله رسالة علشان يمشي بسرعة
وأخرجت هاتفها وبعثت رسالة لهشام
وعلى الناحية الأخري في غرفة سلمي
كاد هشام أن يخرج التحليل من الورقة ويراه ولكن في تلك اللحظة قد بُعثت رسالة كاميليا إليه في تلك اللحظة وهي تقول فيها"اخرج من الأوضة بسرعة سلمي هتيجي دلوقتي"
وضع هشام التحاليل بإهمال في في الدرج ووضع عليه صندوق الهدايا وأغلق الدرج ورائه وذهب بسرعة قبل أن يفسد المفاجأة الذي يُعدها لسلمي
وخرج من الغرفة وتأكد أنه لا يوجد أحد يراه وذهب إلى غرفته
___________________________________________________________
" ليتك تفهم تلك الطريقة التي تسكن بها قلبي ، ليتك تفهم كم انني احبك وليتني افهم كيف حدث كل هذا "

عند فريدة وسيف
وصلوا إلي إحدي الأماكن شبه الهادئة التي لا يعرف فيها أحد الآخر ولا يهتمون ببعضهم (كنت أبغي أحط صورة لمكان كدة ولكن اعذروني ذلك في بمخيلتي فقط لان مفيش مكان هادي في العالم كله)
جلس كل من فريدة وسيف
سيف: تشربي ايه
فريدة بملل: أي حاجة مش فارقة
سيف: ايه الملل اللي انتي فيه ده
فريدة بتشاؤم: مفيش محاول أتعايش إن أنا مش هفضل هنا كتير علشان ما اعيش على أمل مش موجود
سيف بسخرية: عندك كمية تفاؤل رهيبة
وأكمل حديثة قائلاً وهو يقوم: أنا هروح أجيبلنا حاجة نشربها
فريدة بإستغراب: ما تقعد وتنادي على الجارسون
سيف: لا هنا لازم احنا اللي نقوم ونجيب طلباتنا بنفسنا
قال جملته وتركها وذهب
جلست فريدة بملل بإنتظار سيف إلي أي يأتي
إلي أن أتي بكانبها شخص ما واصطدم بها شخص ما ووقع منه شيء ما علي الأرض.. انحنت فريدة تأخذ الحقيبة التي وقعت على الأرض وأعطتها للفتاة التي أمامها
فريدة بإبتسامة: اتفضلي
_ شكراً
ولكنها أكملت وقالت: ايه ده هو أنتي اللي في الفيديو المنتشر
فريدة بصوت واطي: أنا بقيت أشهر من الممثلين نفسهم
فريدة بضجر: أيوة أنا هي
_ أنا مش قصدي حاجة والله أنا آسفة لو ضايقتك أنا بس اتفاجأت
فريدة: ليه هو استحالة تلاقوني معاكم في أماكن على الكوكب
_لا مش قصدي وعلى فكرة أنا مش ضدك لأن أنا معرفش انتي مريتي بإيه خلاكي ترفضي أنا في الأول وفي الآخر معرفش القصة كاملة... وانتي طلعتي ترد والموضوع أصلاً مش مستاهل ما فيه مليون واحد بيفسخ خطوبته أو بيطلق يومياً في العالم أو حتي بيرفضوا شبهك كدة واحنا مبنخدش بالنا منهم بس انتي اللي كان حظك وحش حبتين ان حد صورلك فيديو
فريدة بفرح من تفهمها: تصدقي بالله أنا حبيتك أنا ملقتش حد يفهمني كدة والله
سيف بتذمر وغيظ وقد سمعها: والله يعني أنا مكنتش فاهمك
فريدة: لا مش قاصدي كدة أنا بس قاصدي يوووه مش هعرف أوضح
_ هي أكيد مش قصدها كدة وبعدين مهما كان فهم راجل للست عمره ما هيكون شبه فهم الست للست اللي زيها
فريدة: للمرة التانية تفهميني يا..
_نادين اسمي نادين (أيوة هي اللي جت في دماغكم)
فريدة بإبتسامة: تشرفت بيكي أستاذة نادين أنا فريدة وأكيد انتي عارفاه من الفيديو
نادين: اتفضلي رقمي ان شاء الله أقدر اساعدك في مشكلتك وأتمني نكون صحاب
أعطتها رقم الهاتف وودعتها واقتربت من أذنها وقالت بمرح: معاكي حق انك ترفضي التاني بما أنكم بتحبوا بعض كدة دة غيران عليكي مني
وابتعدت عنها وتركتها وذهبت
سيف بغيرة: أول مرة أشوفك اجتماعية كدة ده انا سايبك من شوية ملانة وأول ما رجعت واتلاقيت ست نادين واقفة وانتي الضحكة من هنا لها
فريدة وهي غير مصدقة سيف: في ايه يا سيف استهدي بالله وبعدين صداقتنا حاجة والحوار دة حاجة تانية هي فعلا خرجتني من المود اللي أنا فيه بس ده مش معناه مثلاً ان أنت كمان مش بتخليني مبسوطة.. هو كل الحكاية إن فيه واحدة من الناس اللي أنا معرفهاش جت وقالتلي أنتي مش غلطانة وأنا مش بلومك واحدة من الناس اللي أصلا بيبصولي على اني قتلت كريم مش رفضته
وأكملت بسخرية ومرح: ايه ده أنت قموصة ولا ايه متأفورش بقا يا سيفو.. والله شكلك حلو وأنت عامل فيها البيست فريند اللي غيرانة علي صاحبتها كدة.. يوغتي جميلة بنضارته دي ياناس
اقتربت منه وقامت بأخذ النظارات من على عيونه وقالت بإعجاب: بس أنا مش بعاكس بس صراحة لون عنيك تحفة
وقامت بعد ذلك بإرتداء نظاراته ووسألت بعفوية ومرح: حلوة صح
سيف بهيام: من غيرها أحلى
فريدة: طب خدلي بقا صورة علشان تكون للذكري معايا كدة
وبالفعل التقط لها سيف عدة صور
فريدة تعالي بقا أنا وأنت ناخد صورة مع بعض علشان لو سافرت يبقي معايا ذكرى حلوة
سيف وقد التقط لهم أيضاً عدة صور وقال بتعديل جملتها: ذكريات حلوة لينا مع بعض تشوفيهم وأنتي هنا
فريدة: طب يلا بقا نطلب أكل علشان أنا جعت
___________________________________________________________
وعلى الناحية الأخري في شركة كريم
كان كريم في إنتظار لأحد العملاء إلي أن أتت له السكرتيرة وهي تقول له بأسف: العملا مش هييجوا يا فندم لأنهم..
كريم بعصبية: لأنهم ايه
السكرتيرة: فسخوا العقد اللي ما بينا وبينهم
كريم بغضب: هو لعب عيال يعني ايه يفسخوا العقد وليه يعملوا كدة أصلاً (أكيد ده ذنب فريدة😂)
السكرتيرة وهي تقول بسخرية وبصوت واطي: أكيد علشان قلة القيمة اللي عملتها في نفسك
كريم بعدم فهم: بتقولي ايه
السكرتيرة بإحراج: بقول يا فندم يمكن علشان الفيديو يعني وكدة
كريم: فيديو ايه.. ايه التفاهة دي وبعدين هما ايه دخلهم في حياتي الشخصية أصلاً
السكرتيرة بصوت واطي: مش هما اللي دخلوا أنت اللي دخلتنا كلنا في حياتك
كريم بعدم فهم: انت بتقولي ايه تاني
السكرتيرة بأدب: ولا حاجة يا فندم ولا حاجة
كريم: طب اتفضلي روحي شوفي شغلك
السكرتيرة بأدب: بعد اذن حضرتك
اتصل كريم برقم ما وقال بعصبية: يعني ايه تفسخوا العقد اللي ما بينا وما بينكم هو احنا هنا بنلعب ولا ايه
الجهة الأخري برد استفزازي: دة عالم البيزنس يا كريم بيه هو أنت لسه هتتعرف عليه ولا ايه معلش هو كل يوم بحال يوم يعجبنا فيه العرض بتاعكم ويوم تاني يجيلنا عرض أحسن
كريم بغيظ: والله وأنتم اكتشفتوا دة دلوقتي تمام بس صدقني هتندموا على اللي عملتوه ده
وأغلق الهاتف في وجه من كان يتحدث معه
___________________________________________________________
"كنت مجبراً على إفلات يديك ولكن قلبي مازال عالقاً بك"
في منزل علي
أتاه اتصال من كاميليا
علي: ألو
كاميليا: أيوة يا علي بقولك في حفلة النهاردة بمناسبة عيد ميلاد سلمي ولازم تيجيها
علي: بتهيألي بلاش أجي النهاردة أحسن
كاميليا: بص يا علي من احنا إتفاقنا إننا هننهي علاقتنا تمام ننيها ولكن طول ما أنت قدام الناس مرتبط بيا يبقي تحاول متكسفنيش قدامهم تمام أنا مستنياك وهبعتلك العنوان أهو
علي بملل: تمام
******************
أن تقع في الحب : هو أن تكون التفاصيل مربكة و رائعه و مخيفه و هذا ما يؤكد على أن الحب حقيقياً ، ليس عليك سوى أن تعيشها بـ حماسة و عمق .!