رواية صدف الحياة

الجزء الأول- البارت الواحد والعشرون

في البداية رمضان كريم علي كل حبايب قلبي وفنزاتي الحلوين❤️
ثانيا شكرا لأي حد بيدعمني ولو بأي حاجة صغيرة الكومنتات بتاعتكم في قلبي كلها أما بقا موضوع الفوتات دة أنا معتش مفاتحاكم فيه والله الحمد لله علي اللي بيعمل أنا مش هتبتر علي النعمة لتزول انتم مبتستحملوش كلمة😅 بس زيدوا التفاعل شوية علشان اكتبلكم بارتات حلوة شبهكم كدة يلا كل سنة وأنتم بألف خير رمضان كريم تاني❤️

الجزء الأول- البارت الواحد والعشرين

‏
"‏أعتذر لأن هذا الحزن لم يكن جزءاً من الخطة."

كاميليا بإبتسامة: صباح الخير
علي بشرود: صباح النور
كاميليا بتساؤل: عايز تقابلني ليه علي الصبح كدة
علي بإرتباك: كنت عايزك..كنت عايز
كاميليا: فيه ايه يا علي كنت عايز ايه متقلقنيش
علي بتماسك حاد: أنا مش عايز أكمل في اللي احنا بنعمله
كاميليا بعدم فهم: مش عايز تكمل في ايه بالظبط
علي وهو يستجمع كلماته: أنا عايز ننهي علاقتنا دي
كاميليا وهي تحاول استيعاب ما يقوله: أنا مش فاهمة علي أنت بتقول ايه علاقة ايه اللي عايز تنهيها هي بدأت أصلا علشان تنتهي
كاميليا بتكملة: بتهيألي أنك مش فايق دلوقتي نتكلم بعدين
علي: مفيش حاجة هنتكلم فيها يا كاميليا أرجوكي افهميني.. أنا معتش عايز أكمل في اللعبة دي
كاميليا بغضب وهي تنظر للناحية الأخري وتتمتم: لسة بيقولي لعبة
علي: إحنا غلطنا لما بدأناها وأنا عايز أصلح غلطي
كاميليا: ليه ايه اللي حصل من امبارح للنهاردة غير رأيك
علي: لو سمحتي يا كاميليا متضغطيش عليا
كاميليا: مضغطش عليك أنت إزاي بتتكلم بالسهولة دي
علي: كاميليا
كاميليا بمقاطعة: حاضر مش هضغط عليك بس ممكن تقولي هقولهم ايه هبررلهم اللي بيحصل ده ازاي
علي: قولي أي حاجة.. يعني مثلا قولي أني كنت بكدب عليكي وأني واحد نصاب.. أو. أو مثلا قولي أنك اكتشفتي أن أنا بخونك
كاميليا: ياااه للدرجادي مش عايزنا نرتبط للدرجادي مش عايز حاجة تربطك بيا
علي: حقيقي أنا مش قصدي كدة.. كاميليا والله مش دة اللي أنا بتك..
كاميليا بمقاطعة وقد تجمعت الدموع في عينيها: علي أنا بحبك
وقف علي مصدوما كالذي صب عليه دلوا من الماء البارد من الذي تقوله كاميليا لم يكن يعرف ماذا يقول
ولكنه نطق أخيرا وقال: أنا مش عارف حقيقي أعتذرلك ازاي عن الاحساس اللي وصلتهولك ده
كاميليا: تعتذرلي
حاولت كاميليا استجماع شتات نفسها وقالت: فيه حاجة يا علي؟ عرفت مثلا سر جديد وخايف تقولهولي فهمني والله مش هضايق بس متحاولش تتخلي عني علي علشان خاطري خليك جنبي علي.. علي أنا فعلا مش قادرة أتخيل أني أعيش تاني من غيرك.. علي وضحلي قولي أي حاجة أنا حاسة أني هتجنن
علي: لو سمحتي يا كاميليا كفاية متصعبهاش عليا أكتر من كدة لو سمحتي
قامت كاميليا وهي تحاول استجماع ما تبقي من كرامتها التي أهينت بشدة وقالت: أنا أسفة عن أي حاجة قولتها تقدر تعمل اللي أنت عايزه وأنا هحل الموضوع مع عيلتي
وأدارت ظهرها إليه وهي تحاول بشتى الطرق منع تلك الدموع المعلقة بعينيها
ولكنها بجرد أن خرجت من ذلك المطعم اللعين أطلقت العنان لدموعها لم تعبأ بأي شيء أو بأي أحد فقد أخذت تبكي بحرقة على حبها الذي دائما يقف عند حد معين دون اكتمال
أغلقت كاميليا عينيها وفتحتها مرتين متتاليتين ثم مسحت علي وجهها وطردت كل تلك التخيلات جانباً فكل ما قيل منذ قليل كان مجرد تخيلات وهواجص من قبل كاميليا طردت كل ذلك وإستمعت إلي حديث علي