الدكتور : حاولنا نلحقو بس هو كان نازف كتير و نبضه ضعيف و قضاء ربنا سابق لكل شيء البركة فيكم و ربنا يرحمه و يعوض شبابه الجنةة.
وقفت خديجة بصدمة و هي بتقول ليه لاا انت بتقول شنو؟! بتقوول شنو ؟!
اتحرك الدكتور من جنبهم تارك ليهم مساحتهم الخاصة ،،، اما منال فصرخت و بقت تقول: لا حول ولا قوة الا بالله لاااا حووول و لاااا قوووووة الا بالله لاااا حوووول و لا قوووة الا بالله ،، يااااارب يااااااارب يااااااااااارب.
عثمان خت يديه في راسه و قعد في اقرب و هو بقول انا للله و انا اليه راجعون حسبنا الله حسبنا الله ….
عض هشام على يدو و منع دموعه من انها تنزل ،،، ما قادر يستوعب انه اخوه البشوش فات خلاهو ،،، بعاين لاثر الدكتور و متمني يجي يقول ليه ده كضب! سيف اخوه الصغير ،، بير اسراره مرشده و صحبه ،،. طلع من افكاره بصوت خديجه و هي بتصرخ : انتظروا انتظروا سايقنه وين!! ؟
عاين لجنازه اخوها المغطية معقولة دي اخر مرة يشوفه فيها ،، حيشكي لمنو ؟! حينصحه منو ؟!
وقفت خديجة و جرت وراهم و هي بتقول : سيف ما مات ،،، سيف ما مات،،، سيف قال لي انتظريني ما تتغدي بدوني!! هو راجع راجع ،، صينيتنا منتظراهو انا منتظراهو ،، علييي عليي ولدنا يا سيف منتظرك تجيب ليه لعبة باتمان الوعدته بيها !!!!.
مسكها هشام و هو بقول بصوت متحشرج : خديجة استغفري ،، استغفري .
عاينت ليه و قالت : قول ليهم ما يسقوهووو ، ،،هوو قال انتظره و الله قال لي انتظره قال لي كده ،، ،قال لي جايب اللعبة لعلي لو نام صحيهوو ،،، سيف ما بمشي بدون يوفي بوعده ما
هشام اداها كف عشان تفوق و صرخ : استتتغفررري يا خديجة و ادعي ليه ادعووووا لييييه ،،، و اتحرك من جنبهم عشان يكمل اجراءات الخروج.
وصل الخبر لبيت العزيزي و ابتدأت الناس تتجمع ،،، وصل الجثمان و معاهو هشان في الاسعاف و في العربية الوراه كانت خديجة مع منال و عثمان ،، اتلمت كل القرية و في مشهد يقشعر ليه الابدان كانت التكبيرات عالية تشييع لروح سيف الطيبة.
في غرفة الغسل وقف الحاج مضوي و هو بعاين لولد ولدو الخطفو الموت بسرعة ،،، ،،صدق القال الاحن من الولد ولد الولد ،، فقد ولدين بس سيف كان غير سيف لا يكرر ياريت لو كان مكانه و هو عايش يربي ولده و عمره يطول،، استغفر ربه و قبل سيف على جبينه و طلع.
وقفت منال و هي بتعاين لفلذة كبدها و جزء من روحها ميت ،،، مسكت يده و باستها و هي بتقول اعفي لي يا ولدي ،، اعفي لي اني كنت بعييدة منك ،،، اعفي لي اني ما اتونست معاك طوالي و عرفت اخبارك ،،، انت الكنت طيب و انا الكعبة انا يا ولدددي!.
دخل عثمان و حاول يظهر ثابت قدر الامكان عفى لي سيف و غصباً عنه دموعه خانته و نزلت قشاها بسرعة و طلع.
قربت خديجة من وشه و هي بتقول : عافية ليك يا سييف ،،، ،اصلا ما عملت لي الا كل خيير ،،، ياريتك لو يوم شاكلتني و ما راضيتني ياريتك لو خليت ذكرى واحدة سيئة اتذكرها و اتصبر بيها و اقول لمن عمل لي كده ََ بس ما عملت ما عملت ،،،اصبر كيف انا؟! انا مش قلت ليك انا بدونك ضعيفه ! مش قلت ليك خليك ماسك يدي طوالي! ليه فارقتني بالسرعة دي! زهجت مني؟! زهجت من نقتي؟! علي ذنبه شنو يعيش بدونك؟! انا ما حاقدر عليه براي؟! حاربي كيف بدونك! كان تنتظرو يكبر شوية و ياخد من طباعك حاجة تصبرنا على فراقك! اخدت نفس و قالت استغفر الله استغفر الله.
