عاينت ليهم اميرة و ما ردت قامت على حيلها من جنبهم و مخها بضرب اخماس في اسداس!
لوت منال خشمها و قالت : ولدها ده حيجننها في الاخر !.
عاينت روضة و ما ردت بعدين قالت لمنال : انت يا منال ،، كمال ولدي قال بدور ندى بتك رايك شنو !
عاينت ليها منال بتهكم و قالت : ولدك الجنو طلاق ده يعرس ندى؟! مالها ندى عيبها شنو؟!. و لو قايلاني نسيت عملة احمد تبقي غلطانة!.
طلعت منال بدون ما تنتظر رد روضة ،، لوت روضة خشمها و قالت : و هي حتلقى احسن من كمال وين!.. و احمد ده انا زاتي بقيت ما شغالة بيهو !.
طلعت منال و دخلت لندى بتها و قالت : قومي يا بت قومي! قومي و اتلحلحي كده! احمد يفوت و يجي سيد سيدو !! اتخيلي امه قالت كمال دايرك! كمال فاتح نفسه الما بخجل!..
عاينت ليها ندى باستغراب و قالت : كمال عايزني انا ؟! انااا ؟!.
منال بغيظ : ايوه انتي !.
ساره بتعب : مش رفضتي خلاص يا امي! ما يحتاج تزعلي!..
منال بحزن : انا زعلانة عليك انتي ،، ما شايفة حالك كيف بقى!.. معقولة معقولة يصل بيك الحال تدخلي لاحمد في غرفتو و تقلعي ملابسك! كتر خيره احمد سكت و ما كلم زول و الا
في اللحظة دي دخل عثمان و بصوت غاااضب قال : و الا كان قتلتك و اسي بقتلك!.
انتفضت منال و ندى في مقعدهممم ،،، حاول عثمان يضرب ندى لكن ندى بسررعة جرت من جنبه ،،، صرخت منال و قالت : جاااااهلة يااا عثمان جاااااهلة !!!
عاين ليها عثمان و سكت مسافة قبل يقول : انا كنت جاي اقولها ود عمها كمال طلب يدها و اشوف رأيها لكن بعد السمعتو ده بس كمال يجهز نفسه فيها و نعقد ليكم !!.
و طلع و لطمت منال خديها و قالت : ده الناقص!.
طلعت ندى و قالت ببكاء : اعمل شنو انا اقتل نفسي زي بسمة يعني!.
مسكت منال يدها و لوتها و قالت : و تموتي كاافرة ،، ،لو عملتيها بقول ماتت موتة الله و بدفنك فهمتتتي!! انا ما اميرة يا ندى!.
عاينت ليها ندى بصدمة و قالت : اعرس كمال يعني ! كمال!!.
منال بتهكم : شايفة حل بعد السمعو ابوك !!. و بعدين انت بت عمه مهمها يعمل ما بفرط فيك اعقلي و احسبيها صح.
ندى بصوت مهزوز : مش انت نفسك قبل دقيقتين كنت رافضة!..
منال بسخط : لو عندك خيارات قوليها ،،،يا ابوك يقتلك يا تعرسي كمال يا تقتلي نفسك و تموتي كافرة !!!.
طلعت منال من جنبها بدون تضيف كلمة تانية ،، اترمت ندى في سريرهاا و دموعها نااازلة بقوة.
________________________HMZ__________________:.
⁂تورنتو - كندا ⁂
كان عاصم قاعد بقطع في السلطة في المطبخ ،، و ديجا بتعمل باقي الاكل ،، هو كان بدندن في اغنية انجليزية و مزاجه رايق جداً،، و هي مبسوطة بحالتو دي ،، التفت قال ليها : ايامك كانت كيف؟! ردت بهدوء : كانوا كويسين ،، ريم و احمد ما قصروا معاي!!.
ابتسم و قال : هم زاتهم كانوا محتاجين للسفرة دي بعد المشاكل الحصلت ليهم!
ردت : الله يجبر بخاطرهم !.
