اتنهدت منال و قالت : كويس عشان الموضوع الجاياك فيه احسن يكون بينا !!.
قعدت روضة و الأسئلة كترت جواها فقالت : خير ان شاء الله!.
عاينت ليها منال في عيونها و بنبرة واثقة قالت : عشان المشاكل ما تكتر ،، انا شايفة احمد اكتر زول مناسب لخديجة !.
ردت روضة بصوت متعلثم : ااا ااح احمد؟!
منال بنبرة ذات مغزى : ايوا احمد ،، شوفي يا روضة انا اكتر وحدة بعرف يعني ضرة ،،و ما نفسي بتك سارة تعيش العيشتو ،، بتك ما بتستحمل و بتريد هشام !.
عاينت ليها روضة و قالت باستغراب: وو نددى!.
منال : ندى انا بفهمها ،، تزعل يومين تلاتة بس حترضى في الاخر ،،!. لو احمد كلم ابوه مضوي ما حيرفض ليه بالذات هو عايزها تقرأ و احمد ما عندو مشكلة.
روضة بتفكير : احمد احممد افاتحو في الموضوع كيفن عاد؟! لو فاتحتو باقي ليك بقتنع؟!
منال بتهكم : دي مشكلتكم انتوا تاني ،،يا بتك تبقى قوي و تستحمل الضُر !.
قامت و اتحركت و خلت روضة ساارحة في افكارها ،،،!.
_________________HMZ____________________:
⁂ابوظبي_الامارات⁂ :-
صحت ريم من النوم و بعيون نعسانة عاينت لتلفونها تشوف الساعة لقت رسالة من احمد مضمونها : "صباح الخير عليك ❤️ ممكن تلبسي بدلتك بلون زينب لانه حلو عليك ❤️".
نططت عيونها و قعدت عديل و قرت الرسالة مرة و اتنين و تلاتة! حست ببطنها بتألمها ،،و دقات قلبها زايدة ،، قامت من السرير و مشت في الاوضة و رجعت تاني مسكت التلفون و هي مستغربة!!. غصباً عنها ظهرت ابتسامة خفيفة على وشها ،،.
بعد تلت ساعة وقفت قدام المراية و سرحت شعرها الطال شوية عن رقبتها في تسريحة انيقة ،، عاينت لروحها في المراية،، ما قادرة تصدق روحها سمعت كلامه و لبستها بالجد ، ،دارت حولين نفسها و ابتسمت بثقة،، اخدت شنطتها و طلعت.
عاينت ليها نيرمين بتفحص و قالت : اليوم وشك منوور و مضوي! يا ترى في ايه!.
ريم بتعلثم : ماف شي جديد يعني هه زي كلو يوم!.
عاينت ليها نيرمين بخبث و قالت : ااه ماف حاجة جديدة بس في احمد!.
ريم بصدمة و توتر : احمد احمد شنو؟! مالو ؟!
نيرمين بهدوء : معجب بيك! ظاهر الحب في عيونه! و عيونك كمان لو حتى كذبتي!.
ريم بتبرير : لا نحن اصحاب و بس! يعني ماف شي زي ده! حتى لو من ناحيته هو في.، ،انا ما عندي شي اقدمو ليه غير الصحوبية!.
نيرمين بلامبالاة : تمام حنشوف!.
في الشركة دخلت ريم و نيرمين غرفة الاجتماعات ،،، كان احمد قاعد مشغول بلابتوبه،،، رفع رأسه و عاين بابتسامة كبيرة لريم و غمز ليها و حرك يدو كناية عن اعجابه بيها ،، اتوردت خدود ريم و قبلت منه بسسرعة.
دخل الاجتماع المدير و شريكه (طليق ريم)،،، اول ما شافته ريم ملامح وشها اتغيرت ،، المدير اتكلم و قال : السيد نادر حيكون شريك معانا بنسبة 30% بتمنى منكم تشرفونا قدامه و ترفعوا رأسنا..
عاين احمد لريم لقاها مدنقرة في التاب قدامها و الضيق ظاهر عليها ،، عاين لطليقها لقاهو بعاين ليها و على وشه ابتسامة!. لقى روحه نفسه مضايق من نظراته ليها ! معقولة يكون لسه بحبها و عايزها !!. لو كده من البداية فرط فيها ليه؟!.
