قاطعهم صوت عمهم حامد و هو بقوووول : بسسسسسسسمةةةة !!.
طلعوا الاتنين و حاول حامد يتهجم عليها لكن هي جرت و دخلت الغرفة و قفلتها ،، خبطط الباب و هو بكورك افتتتتحي افتحححي الباب ده عشان ما اكسره في رأسك!.
اميرة برعب : في شنو في شنو يا حامد؟! ،، ،حامد و هو بعاين ببغض : بتك المصون بتلاقي في رجال البندر في زقاق بيتنا بدون اي اختشاء !! فرجت الحلة فينا و نحن اخر من يعلم!.
اميرة بصدمة : رجال! ياتو راجل ده ؟! ،،حاامدد بغضب : الدكتووور يا امهاا الدكتووووور!.
في اللحظة دي حست بسمة قلبها وقع منها ،، ده منو الشافهم ده! بأي شكل نقل الكلام!!.
اميرة و هي بتقول : بسمة يا بت! ردي لاقيتي زول انتي!!. رد حامد بضيق : هو نحن حنستجوبها لسسسع ، ،بتك فلتت من يدك يا اميييرة !!.. جاهم صوت بسمة : انا اناا ما لاقيت زول .. اميرة بزهج : بسمة افتحي الباب و ختي عينك في عينك يعني عمك حيكذب! قولي الحقيقة!!.. حامد و هو بدق في الباب : افتتتحي يا بت عثمان اخووووي افتححيي ،،، الليله ان ما ربيتك بقتلك افتتتحححي!!… ..
بسمة بخوف قعدت في الارض حصل الكانت خايفة منو ،،، زمان ربنا سترها بس هسي تبرر تقول شنو.؟! انها ما عارفاهو كان واقف! و اصلا هو البجيبو ليها و بجيبو بيتهم شنو ؟!.
حامد بعد يأس انها تفتح ليه ،، التفت على امها و قال : احمدي ربك عثمان مشى المدينة و اولاد ناس البشير لموا فيني انا و كلموني! ،،و ختي في بالك جمعتين بس و نعقد ليها على كمال ولدي! هو البربيها و بأدبها …!!.
قبل يتحرك وقفت اميرة و قالت : عثمان ! قاطعها و قال عثمان ما بكلموا حالياً لكن لو لمحتها بره غرفتها خطوة مما بتردد دقيقة اقتلها و عثمان ما بمانع!.
و طلع منها و هي بسرعة خبطت على الباب و قالت : افتح يا افتحي عمك فات!.
بسمة فتحت الباب بحذر و بصوت متقظع قالت : امــ ،،قطعت جملتها لمن حست بكف على وشها،، دفرتها اميرة لجوا و دخلت و قفلت الباب و قالت : ياتو دكتور ده الطلعتي لاقيتي ده ؟؟
بسمة :………
بغضب اميرة قالت : انطقي يا بسمة انطقي!.
بسمة في نفس حالتها و ما ردت ، ،،قربت اميرة منها و مسكتها من ذراعها و قالت : منو يا بت!.
بوجع من قبضة امها قالت : حـ ،،حس،،، حسن دكتور حسن!!.
فكت اميرة يدها و خبطت على افخاذها بحسرة و قالت : متين لحقتي تعرفيهو. ، اتكلمتي معاه متين! بعد عملت العملية؟! غشششاك و صدقتتتي!!.
سكتت امييرة مسافة و كأنها بتذكر شي و قالت : لاااا انت بتعرفي قبل كده !! من جيتهم قبل تلاتة سنة !! لمن عاصم سألكم بتعرفوا بعض قلت جاء و لاقيتي مع ناس القافلة !! من الوقت داك في شي بينكَم ؟!
بسمة زادت شهقتها قعددت اميرة في السرير و قالت : ياداب فهمت نظراتكم لبعض! ياداب فهمت الكلام الرميتي ليهو ،، ووقفتكم هنا،، و نظرته لمن عرف عندك ملاريااا ..
ردت بسمة باندفاع : انا غلططت ،، كنت قايلاه بحبني و اتوهمت بسس خلااص كلوو راااح و الله راح ..
اميرة بغضب : يحبك! حب شنو! من متين بنحب و نتحب يا بت! ماك عارفة اولاد البندر ما بعاينوا ليكم ! جنيتي و صغرتيني قدام عمك و قدام الحلة !!.
