"حاربتُ لأغزو قلبها" الجزء الثالث من "لعنه جعلتني احبك"

توضيح بسيط

بصو يجماعة ميرال دي خمسين في المئة من الأمهات لو كرهنا ميرال يبقى كرهنا امهات مصر كلها بقى...

لا انا مش عيزاكم تكرهوا ميرال ابدا، ميرال لسه زي ماهي بطلتنا القوية وفي نفس الوقت مرحة وبسيطه وده دورها

لكن دورها كام في الجزء التالت ، هي مش وحشه وركزو على دي علشان محدش يكرهها انا مش حابة ابدا انكم تكرهوا حد من الابطال

الحوار وما فيه أن ميرال غبية بس مش وحشه، غبية ومعرفتش تتعامل مع بنتها حسب شخصيتها لا هي افتكرت أن البنت زي الولد وان الشخصيات كلها واحده ودي التربية وكده بنتها هتتربى بس مش دي الحقيقه

كل حاجه هتوضح البارت الي جاي باذن الله بس اهم حاجه متكرهوش ميرال، ميرال فاهمه التربية غلط وده انعكس على عيالها وبعيدا عن آدم لانه راجل

ميرا لو مكانش عمار في حياتها من صغرها كانت هتعاني زي ميران نفسياً

لكن من ناحية الإدمان وأصحاب السوء فدي مئة في المئة ميران هي الي غلطانه فيها وملهاش اي عذر حتى لو نفسيتها مدمرة بسبب معاملة امها هي بدل ما تلجأ لربنا أو تشوف يزن وحنيته عليها

لا هي لجأت للحرام الي من وجهه نظرها بيريح لانه بيغيب العقل

طب بالنسبة لمالك فمالك ملوش في الحوارات دي كلها، مالك كان دورة مع آدم كابن أداة مئة في المئة صح

ودوره مع بناته هو أنه يبقى حنين عليهم وفي نفس الوقت لازم يشد عليهم شوية علشان الدنيا متبقاش سايبة وده الي عمله مالك وكل ابطال الرواية عموما سواء يوسف أو سليم مع ماسة وده كان واضح في رفضه لعلاقتها بزين

أو حتى محمد مع مليكة لما كان ممانع تماما سفرها مع احمد لوحدها رغم أن ده شغلها فالشد ده لازم يعني مالك مغلطش غير في حاجه واحده بس وهو أن عينه غفلت عن ميران لانه رغم أنه شادد عليها بس أداها الثقه أنها مش هتعمل حاجه غلط

طب بالنسبة لروان ومحمد، هما مش اغبية هما مصدومين، ميران ملقيتش الحنيه في بيتها اوكي، بس كان فيه خمس بيوت حواليها يقدرو يدوها كل الحنيه الي هي عيزاها واولهم عمر الي كان اقرب حد ليها

فروان ومحمد مش قادرين يتخطو صدمة أن حفيدتهم الي تعبت في تربيتها تعمل كده وتتجه للادمان وأصدقاء السوء فدي صدمة مش قليلة وروان عارفة أنها لو واجهتها مش هقدر تمسك لسانها عنها من صدمتها ففضلت الصمت

بس ده مش معناه أن الصمت هيفضل على طول هي بس بتاخد وقتها تستوعب التربية الي تعبت فيها ميران مقدرتهاش ازاي

واخيرا متكرهوووش ميرال بالله والله البت غلبانه زي ماهي وانا حطيت القصه دي لأجل شئ واحد بس وهو أن المشكله دي بيعاني منها تلت تربع المجتمع فحبيت احط نصيحه صغيرة فيها

واخيرا وليس اخرا لو فيه اي حاجه في الرواية حابين تسالو عنها أو تناقشوني فيها اتفضلو وهرد على الجميع باذن الله.....