"حاربتُ لأغزو قلبها" الجزء الثالث من "لعنه جعلتني احبك"

مهم بخصوص البارت الي جاي

بصو يجماعة البارت التلاتين انا خلاص هشطبه

بس معلش يعني الي بيشوف البارت الف وحاجة، والي بيعمل فوت من الالف و.... متين بالعافية

والكومنتات الي هي اساسا اصل التشجيع بيجيلي من تلاتين بنت ولا حاجة من وسط الالف و... دول

طب يجماعه انا مش من النوع الي بيعرف يطلب تفاعل والكلام ده انا بطلب باحراج وبالعافية أساسا رغم أن ده حقي بس مش بقدر

انا بقعد في البارت تلت ايام ولو كتبته في يوم بقعد فيه سبع ساعات واكتر يعني البارت ده مثلا بكتب فيه من الساعة حداشر الصبح وهخلصه على حداشر بليل مريحتش فيهم غير ساعتين اعمل حاجة في البيت

يعني قاعدة في البارت عشر ساعات، وانتم بتقراوه في نص ساعة، بتعب وبتعب عيني ودماغي بالتفكير علشان امتعكم وانتم في المقابل بتابعوا في صمت تحسسوني اني معملتش حاجة أو مثلا البارت مش حلو فده بيتعب نفسيتي من ناحية الرواية

وممكن حد يقولي كفاية الاتنين تلاته الي بيشجعوكي، هما اه على عيني وعلى راسي وبيبسطوني، بس بردو فين تقدير تعبي من الألف واحد الي بيشوفو البارت؟؟؟

يعني لو كل واحد فيكم داس على الفوت وعمل كومنت وحيد مش هياخد منه دقيقة زي ما البارت بياخد مني ساعات وايام، ايه الي هيحصل؟؟؟

والبارتين الي قبل الي فاتو كان التفاعل قمر لما كنتم بتعملو رياكتات على اي قطعه تعجبكم وتعلقو على الأحداث والكلام وكنت بتبسط اووي بالشئ ده بس فجاه بطلتوه وقل جدا وده احبطني انا

مش بطلب منكم حاجات كتير والله ده هي حاجة صغيرة مش هتاخد منكم دقيقة والله

بتمنى لما انزل البارت الجديد الاقي تقدير يحمسني علشان انا والله يعلم ربنا بتعب ازاي علشانكم

وكمان بتمنى لو لسه حد منكم مش في جروبي على الفيس انكم تخشو، انا كنت عملاه على أمل أن الرواية بتاعتي بيتابعها ربع مليون تقريبا ده غير فانز شنطة حبنا يعني، وانا مش عايزة ادخل ناس وخلاص ميعرفوش الرواية اصلا

انا عايزة اشوفكم انتم في الجروب معايا وبتتكلمو معايا في اي حاجة تخص الرواية والأحداث بجد هبقى اكتر من سعيدة❤️❤️

لينك الجروب في بايو صفحتي وهتلاقوه في منصة الرسائل الخاصه بيا🤍🤍🤍